Tag: Sports

کنگسٹن (اے پی پی) کیریبیئن پریمیئر لیگ میں کل ایک میچ کھیلا جائے گا.

تفصیلات کے مطابق کیریبیئن پریمیئر لیگ کے ساتواں ایڈیشن میں جمعرات کو ایک میچ کا فیصلہ ہوگا جس میں گھانا امازون واریئرز اور سینٹ لوسیا ذوکس کی ٹیمیں آمنے سامنے ہوں گی۔ ویسٹ انڈیز میں کیریبیئن پریمیئر لیگ کا ساتواں ایڈیشن شروع ہوچکا ہے۔ لیگ میں جمعرات کو ایک میچ کھیلا جائے گا جس میں گھانا امازون واریئرز اور سینٹ لوسیا ذوکس کی ٹیمیں آمنے سامنے ہوں گی۔ گھانا امازون واریئرز کی کپتانی کے فرائض آسٹریلوی کھلاڑی کرس گرین کرینگے جبکہ سینٹ لوسیا ذوکس کی کپتانی کے فرائض ڈیرن سمی سرانجام دینگے۔

لیگ میں دنیائے کرکٹ کے مختلف ممالک کے نامور کھلاڑی ایکشن میں نظر آئیں گے۔ لیگ میں 6 ٹیمیں حصہ لے رہی ہیں۔ لیگ میں فائنل سمیت 34 میچز کھیلے جائینگے۔ یاد رہے کہ کیریبین پریمیئر لیگ کا آغاز 2013ء میں ہوا تھا۔

جمیکا (اے پی پی) دھونی کا ریکارڈ ٹوٹ گیا، ویرات کوہلی بھارت کے کامیاب ترین ٹیسٹ کپتان بن گئے.

تفصیلات کے مطابق بھارتی ٹیم کے کپتان ویرات کوہلی کا انٹرنیشنل کرکٹ میں ریکارڈز بنانے کا سلسلہ جاری ہے، اب وہ بھارت کے کامیاب ترین ٹیسٹ کپتان بن گئے ہیں، بھارتی ٹیم نے ویسٹ انڈیز کو دوسرے اور آخری ٹیسٹ میچ میں شکست دے کر کوہلی کو یہ اعزاز دلوایا، یہ کوہلی کی زیر قیادت بھارتی ٹیم کی کل 48 ٹیسٹ میچز میں سے 28ویں کامیابی ہے اور اس کے ساتھ ہی انہوں نے بطور کپتان زیادہ ٹیسٹ فتوحات کا دھونی کا ریکارڈ توڑ دیا جن کی قیادت میں بھارتی ٹیم نے 60 میچز میں سے 27 کامیابیاں حاصل کر رکھی تھیں۔

اسلام آباد (اے پی پی) پاکستان سنوکر فیڈریشن کے صدر منور حسین نے کہا ہے کہ قومی سنوکر ٹیم پہلی سارک سنوکر چیمپئن شپ میں شرکت کرے گی.

تفصیلات کے مطابق دو رکنی قومی سنوکر ٹیم پہلی سارک سنوکر چیمپئن شپ میں شرکت کرے گی، پاکستان سنوکر فیڈریشن کے صدر منور حسین شیخ نے بتایا کہ دو رکنی قومی ٹیم میں محمد بلال اور اسجد اقبال پاکستان کی نمائندگی کریں گے جبکہ نوید کپاڈیہ ٹیم کے ہمراہ ریفری ہونگے۔ یہ چیمپئن شپ (آج) اتوار سے بنگلہ دیش کے دارالحکومت ڈھاکہ میں شروع ہو گی اور چیمپئن شپ میں پانچ ممالک کے کھلاڑی حصہ لے رہے ہیں جن میں میزبان بنگلہ دیش سمیت پاکستان، نیپال، سری لنکا اور بھارت شامل ہیں، چیمپئن شپ 6 ستمبر تک جاری رہے گی۔ انہوں نے امید ظاہر کی کہ قومی ٹیم کے کھلاڑی چیمپئن شپ میں شاندار کارکردگی کا مظاہرہ کریں گے کیونکہ کھلاڑیوں نے ایونٹ کے لئے بھرپور محنت کر رکھی ہے۔

اسلام آباد (اے پی پی) پہلی سارک سنوکر چیمپئن شپ اتوار سے شروع ہو گی.

تفصیلات کے مطابق پہلی سارک سنوکر چیمپئن شپ اتوار سے بنگلہ دیش کے دارالحکومت ڈھاکہ میں شروع ہو گی اور چیمپئن شپ میں پانچ ممالک کے کھلاڑی حصہ لے رہے ہیں جن میں میزبان بنگلہ دیش سمیت پاکستان، نیپال، سری لنکا اور بھارت شامل ہیں چیمپئن شپ 6 ستمبر تک جاری رہے گی۔ چیمپئن شپ میں دو رکنی قومی ٹیم کے کھلاڑی محمد بلال اور اسجد اقبال پاکستان کی نمائندگی کریں گے جبکہ نوید کپاڈیہ ٹیم کے ہمراہ ریفری ہونگے۔

نیویارک (اے پی پی) اعصام الحق کو یو ایس اوپن ٹینس مینز ڈبلز ایونٹ کے پہلے ہی راﺅنڈ میں شکست کا سامنا کرنا پڑگیا.

تفصیلات کے مطابق پاکستان کے ٹینس سٹار اعصام الحق قریشی سال کے چوتھے اور آخری گرینڈ سلام یو ایس اوپن ٹینس ٹورنامنٹ مینز ڈبلز ایونٹ کے پہلے راﺅنڈ میں شکست کے بعد مینز ڈبلز ایونٹ سے باہر ہوگئے۔ جمعہ کو امریکا میں جاری رواں سال کے چوتھے اور آخری گرینڈ سلام یو ایس اوپن ٹینس ٹورنامنٹ مینز ڈبلز ایونٹ کے ابتدائی راﺅنڈ میچ میں آسٹریلیا کے جان پیر اور انکے فن لینڈ کے جوڑی دار ہنری کونٹینن نے سخت مقابلے کے بعد پاکستان کے اعصام الحق قریشی اور انکے میکسیکن جوڑی دار سانتیاگو گونزالز کو 5-7، 7-6(7-4) اور 6-3 سے ہرا کر میگا ایونٹ کے دوسرے راﺅنڈ کے لئے کوالیفائی کرلیا۔

اسلام آباد (اے پی پی) پانچویں نیشنل جہانگیر شطرنج چیمپئن شپ ہفتے سے شروع ہو گی.

تفصیلات کے مطابق پنجاب شطرنج ایسوسی ایشن کے زیراہتمام اور پاکستان شطرنج فیڈریشن کے تعاون سے پانچویں نیشنل جہانگیر شطرنج چیمپئن شپ ہفتے سے پی ایس بی کوچنگ سنٹر لاہور میں شروع ہوگی۔ چیف آرگنائزر محمد شفیق کے مطابق چیمپئن شپ کے تمام انتظامات مکمل کر لئے گئے اور چیمپئن شپ میں ملک بھر سے کھلاڑی حصہ لے رہے ہیں۔ چیمپئن شپ تین کیٹیگریز کے مقابلے رکھے گئے ہیں جن میں اوپن کیٹیگری، انڈر 20 اور خواتین کھلاڑیوں کے مقابلے شامل ہیں۔ چیمپئن شپ کے فائنل مقابلے اتوار کو کھیلے جائیں گے اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔

ڈربی (اے پی پی) تین روزہ ٹور میچ میں ڈربی شائر کی ٹیم 172 رنز بناکر آﺅٹ ہوگئی جبکہ آسٹریلیا کی ٹیم نے بغیر کسی نقصان کے 77 رنز بنالئے.

تفصیلات کے مطابق ڈربی شائر اور آسٹریلوی ٹیم کے درمیان کھیلے جارہے تین روزہ ٹور میچ میں ڈربی شائر کی ٹیم پہلے کھیلتے ہوئے 172 رنز بناکر آﺅٹ ہوگئی، پہلے روز کھیل ختم ہونے تک آسٹریلوی ٹیم نے بغیر کسی نقصان کے 77 رنز بنالئے۔ مارکوس ہیرس نے ناقابل شکست 52 رنز بنائے، ڈربی شائر کے ڈیو پلوے 86 رنز کے ساتھ نمایاں بلے باز رہے، سٹارک اور نیسر نے تین ، تین جبکہ لبوشگنی نے دو کھلاڑیوں کو آﺅٹ کیا۔ ڈربی شائر نے ٹاس جیت کر پہلے بیٹنگ کا فیصلہ کیا۔ آسٹریلوی ٹیم کے سامنے ڈربی شائر کی ٹیم بے بس نظر آئی اور پوری ٹیم 172 رنز بنارکر پویلین لوٹ گئی۔ ڈیو پلوے نے 86 رنز بنائے۔ آسٹریلیا کی طرف سے مچل سٹارک اور مچل نیسر نے تین، تین کھلاڑیوں کو آﺅٹ کیا۔

جواب میں میچ کے پہلے روز کھیل ختم ہونے تک آسٹریلوی ٹیم نے بغیر کسی نقصان کے 77 رنز بنالئے تھے۔ مارکوس ہیرس 52 اور کپتان عثمان خواجہ 18 رنز کے ساتھ ناٹ آﺅٹ تھے۔

برازیل (اے پی پی) فیفا نے انڈر 17 فٹ بال ورلڈ کپ کے شیڈول کا اعلان کردیا.

تفصیلات کے مطابق فٹ بال کی عالمی تنظیم فیفا نے انڈر 17 فٹ بال ورلڈ کپ کے شیڈول کا اعلان کر دیا ہے جس کے مطابق ٹورنامنٹ 26 اکتوبر سے 17 نومبر تک برازیل میں کھیلا جائے گا۔ میگا ایونٹ میں دنیا بھر سے 24 ٹیمیں شرکت کریں گی جنہیں چھ گروپوں میں تقسیم کیا گیا ہے، گروپ اے میں میزبان برازیل، کینیڈا، نیوزی لینڈ اور انگولا گروپ بی میں نائیجیریا، ہنگری، ایکواڈور اور آسٹریلیا، گروپ سی میں جنوبی کوریا، ہیٹی، فرانس اور چلی گروپ ڈی میں امریکا، سینیگال، جاپان اور ہالینڈ، گروپ ای میں سپین، ارجنٹائن، تاجکستان اور کیمرون جبکہ گروپ ایف میں میکسیکو، اٹلی، پیراگوائے اور سولومن جزائر شامل ہے۔

ہر ٹیم تین تین گروپ میچ کھیلے گی اور دو ٹاپ ٹیمیں ناک آﺅٹ مرحلے کےلئے کوالیفائی کریں گی، ٹورنامنٹ کا فائنل 17 نومبر کو کھیلا جائے گا۔