Baaghi TV

Tag: stage drama

  • کراچی میں دو روزہ ”پاکستان لٹریچر فیسٹیول 2023”

    کراچی میں دو روزہ ”پاکستان لٹریچر فیسٹیول 2023”

    آرٹس کونسل آف پاکستان کراچی اور سکھر آئی بی اے یونیورسٹی کے مشترکہ تعاون سے دو روزہ ”پاکستان لٹریچر فیسٹیول 2023“ (سکھر چیپٹر) کے حوالے سے پریس کانفرنس کا انعقاد حسینہ معین ہال میں کیاگیا۔
    پریس کانفرنس سے صدر آرٹس کونسل محمد احمد شاہ، معروف صحافی غازی صلاح الدین، مشہور ادیبہ نور الہدیٰ شاہ اور فوک اینڈ ہیریٹیج کمیٹی کے چیئرمین ڈاکٹر ایوب شیخ نے بریفنگ دی۔اس موقع پر صدر آرٹس کونسل محمد احمد شاہ نے گفتگو کرتے ہوئے کہا کہ میڈیا نے پاکستان کی تاریخ کا سب سے بڑا تھیٹر فیسٹیول کور کیا جس سے نہ صرف پاکستان بلکہ پوری دنیا میں مثبت چہرہ سامنے آیا، جو قابل ستائش ہے،ہم آج تک میڈیا کی مبارکبادیں وصول کر رہے ہیں۔

    انہوں نے کہا کہ” پاکستان کے ادارے اپنا کام کرنے میں کامیاب نہیں ہوئے”، ان اداروں پر اربوں روپے خرچ ہو رہے ہیں لیکن کام کوئی نہیں ہو رہا ہے، پاکستان کے تمام ثقافتی اداروں کو مل کر کام کرنا چاہیے، مجھے اچھا نہیں لگتا کہ آرٹس کونسل کراچی کام کرے اور دوسرے نہ کریں۔پریس کانفرنس سے صدر آرٹس کونسل محمد احمد شاہ، معروف صحافی غازی صلاح الدین، مشہور ادیبہ نور الہدیٰ شاہ اور فوک اینڈ ہیریٹیج کمیٹی کے چیئرمین ڈاکٹر ایوب شیخ نے بریفنگ دی۔ان کا کہنا تھا کہ ہمیں حیدر آباد، ملتان، اسکردو، گوادر سمیت دیگر شہروں سے درخواستیں موصول ہورہی ہیں کہ آپ ہمارے شہر کب آئیں گے، انہوں نے کہا کہ آرٹس کونسل کراچی سندھ کا دارالخلافہ ہے، آرٹس کونسل لاہور اور کشمیر میں پاکستان لٹریچر فیسٹیول (پی ایل ایف) منعقد کیا۔

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • الحمراءاور تھیٹر گروپ اجو کاءکے مابین ایم او یو سائن

    الحمراءاور تھیٹر گروپ اجو کاءکے مابین ایم او یو سائن

    لاہور آرٹس کونسل الحمراءاور تھیٹر گروپ اجو کاءکے مابین باہمی مفاہمت کی یاداشت طے پانے کی تقریب ہوئی ہے۔ایم او یو پر ایگزیکٹوڈائریکٹر الحمراءطارق محمود چوہدری اور اجوکاءکے روح رواں شاہد ندیم نے دستخط کئے۔ایم او یو کرنے کا مقصد تھیٹر کے فروغ کے لئے مل کر کام کرنا ہے۔اہم سنگ میل عبور کرنے پر دونوں عہدیداروں نے ایک دوسرے کو مبارکباددی۔باہمی مفاہمت کی یاداشت ¾ دوطرفہ سطح پر مل کر تھیٹر کی ترقی کے لئے کام کرنے کے عزم کا اعادہ ہے۔پائیداد ڈرامہ دیکھنے والوں کےلئے خوشی کی خبر ہے،نئی نسل کو اچھے تھیٹر ڈرامے دیکھنے کو ملیں گے۔

    سربراہ الحمراءنے اس موقع پر اظہار خیال کرتے ہوئے کہاکہ ”تھیٹر کی اہمیت سے آگاہ ہیں، اس قدر کو زندہ رکھنا مشن ہے،تھیٹر کی عہد بہ عہد ترقی میں دونوں اداروں کا کردار مثالی ہے”، اچھی کہانی دیکھنے والوں کی تعداد آج بھی موجود ہے،الحمراءاسٹیج پر فنی تقاضے پورے کرنے کے لئے تمام سہولیات رکھتا ہے۔اس موقع پر تھیٹر کی دنیا میں ملک وقوم کا نام روشن کرنے والوں فنکاروں کو سلام پیش کیا گیا۔ ایگزیکٹوڈائریکٹر الحمراءطارق محمود چوہدری نے کہا ہے کہ ہم نے ہمیشہ ڈرامہ کی بہتری کے لئے اقدامات اٹھائے ہیں ہمیں امید ہے کہ یہ مفاہمتی یاداشت مفید ثابت ہو گی.

    کرتار پور میں گپی گریوال اور پاکستانی فنکاروں کا اکٹھ

    پاکستانی کرکٹرز مجھے "میسج” کرتے ہیں،اداکارہ نوال سعید کا انکشاف

    اللہ کی رحمت کو اپنی چالاکی مت سمجھیں قیصر پیا

  • اللہ کی رحمت کو اپنی چالاکی مت سمجھیں قیصر پیا

    اللہ کی رحمت کو اپنی چالاکی مت سمجھیں قیصر پیا

    سٹیج کے معروف اداکار قیصر پیا نے اپنے حالیہ انٹرویو میں‌کہا ہے کہ خدا کی ذات ہمیں جب بہت زیادہ نواز رہی ہوتی ہے تو ہم یہ سمجھنے لگتے ہیں‌کہ جو کچھ ہمیں مل رہا ہے وہ ہماری محنت کی وجہ سے مل رہا ہے بھئی ، خدا کی رحمت کو اپنی چالاکی نہ سمجھیں، ٹھیک ہے آپ محنت کرتے ہیں تو اس کے بدلے میں‌خدا آپ کو نوازتا ہے لیکن یہ زہن میں‌رکھیں کہ خدا چاہتا ہے تو کسی کو بھی نوازتا ہے. انہوں نے مزید کہا کہ خدا کی ذات جو بھی دیتی ہے اس پر شکر کرنا چاہیے ،

    شکر کرنے سے رزق بڑھتا ہے اور فکر کرنے سے رزق میں کمی ہوتی ہے. انہوں نے کہا کہ یہ بات ہمیشہ یاد رکھیں‌کہ خدا کی ذات ہی ہم سب کو نوازتی ہے ورنہ ہماری خدا کی رحمتوں کے آگے کوئی وقعت نہیں ہے. قیصر پیا نے کہا کہ میری زندگی میں‌، میں‌ہمیشہ بہت ہی شاکر رہا ہوں ، میں نے کبھی بھی بڑے بول نہیں بولے نہ ہی میں نے کبھی کسی کو کمتر جانا ہے. میں تو خدا کی رحمتوں کا جتنا بھی شکر گزار ہوں کم ہے.

    مجھے لگتا ہے کہ ہر سال مجھے ایوارڈ ملنا چاہیے آمنہ الیاس

    تیری میری کہانیاں کا ریسپانس بہت اچھا ملا ندیم بیگ

    مجھے نہیں لگتا سنیتا کی شکل ماہرہ خان کے ساتھ ملتی ہے حسن احمد

  • الحمراء میں ڈرامے شروع کئے جائیں سخاوت ناز

    الحمراء میں ڈرامے شروع کئے جائیں سخاوت ناز

    الحمرا ء میں‌کافی عرصے سے ڈرامے نہیں دکھائے جا رہے یہاں دوبارہ اور مسلسل ڈرامے دکھانے کا سلسلہ شروع کیاجائےاس حوالے سے بہت سارے فنکار کوشاں ہیں، ان میں سٹیج کے فنکار گوشی خان اور سخاوت ناز پیش پیش ہیں.گوشی خان بھی بھرپور کوشش کررہے ہیں کہ الحمراء میں ایک بار پھر ڈرامے دکھانے کاسلسلہ شروع کیاجائے تاکہ جو فنکار پیسے مانگنے یا مدد کے منتظر ہیں وہ نہ صرف اپنا کچن چلا سکیں بلکہ شائقین کو بھی معیاری ڈرامے دیکھنے کاموقع میسر آئے.سخاوت ناز نے  الحمرا میں اسٹیج ڈرامے شروع کرنے کی اجازت دینے کا مطالبہ کرتے ہوئے کہا ہے کہ چند لوگوں کی وجہ سے سینکڑوں لوگوں کے روزگار کو متاثر نہ کیا جائے ۔

     

     

     

     

    انہوں نے کہا کہ اسٹیج ڈرامے میں صرف فنکار کام نہیں کرتے بلکہ اسے پیش کرنے کے لئے درجنوں لوگوں کا کردار ہوتا ہے جن سے ان کے خاندانوں کا روزگار جڑا ہوتا ہے ۔ انہوں نے کہا کہ ”حکومت ایس او پیز بنا کر الحمرا میں اسٹیج ڈرامے کا آغاز کرنے کی اجازت دے ”تاکہ لوگوں کا روزگار بحال ہو سکے ۔گوشی خان کا بھی یہی مطالبہ ہے. یہ دونوں‌فنکار آج کل اس سلسلے میں کافی کوششیں کررہے ہیں تاہم ابھی تک ان کو ہری جھنڈی نہیں دکھائی گئی نہ ہی کسی قسم کی ان کو یقین دہانی کروائی گئی ہے.

    شاہ رخ کی محبت میں جوان فلم کی دیپیکا پڈوکون

    ریشم کو کیا چیز بہت پسند ہے ؟ اداکارہ نے بتا دیا

    والد کے لاکھوں روپے بینک سے جعلی دستخط کرکے نکلوالئے غنا علی کا انکشاف

  • آپریشن کے بعد بھی چند تھیٹرز میں فحاشی جاری ہے گوشی خان

    آپریشن کے بعد بھی چند تھیٹرز میں فحاشی جاری ہے گوشی خان

    سٹیج کے معروف اداکار گوشی خان نےاپنے حالیہ انٹرویو میں کہا ہے کہ پنجاب حکومت نے سٹیج ڈرامہ کی بہتری کے لئے جو آپرشن کیا اس کے لئے میں عامر میر کو مبارکباد دیتا ہوں ، یہ کام بہت پہلے ہو جانا چاہیے تھا ،سٹیج ڈراموں پر پابندی عائد کئے جانے کے بعد ان کو کھول دیا گیا ہے لیکن افسوس کی بات یہ ہےکہ آج بھی چند تھیٹرز میں وہی کچھ جاری ہے جس کی وجہ سے تھیٹرز پر پابندی عائد کی گئی تھی ۔ مجھے بہت افسوس کے ساتھ کہنا پڑتا ہے کہ ہم سدھرنے کےلئے تیار ہی نہیں ہیں۔ انہوں نے کہا کہ سہیل احمد جیسے فنکاروں کو چاہیے کہ وہ آگے بڑھ کر سٹیج ڈرامہ کی بہتری کے لئے کام کریں،

    گوشی خان نے کہا کہ” ہم تو کافی برسوں سے آواز اٹھا رہے تھے کہ سٹیج ڈرامہ کو بہتر کیا جائے ”لیکن ہماری نہیں سنی جا رہی تھی، اس حکومت کی ترجیحات میں سٹیج ڈرامہ کو بہتر کرنا ہے، جو کہ قابل ستائش ہے ، ہمیں سٹیج میں گھس بیٹھے مافیاز کو یہاں سے رخصت کرنا ہو گا ورنہ یہ ڈرامہ کبھی بہتری کی طرف نہیں آسکتا چاہے جتنے مرضی آپریشنز کر لئے جائیں۔ انہوں نے کہا کہ جلد ہی سٹیج والوں کو ایس او پیز دئیے جا رہے ہیں امید ہے کہ حکومت اس پر سختی سے عمل درآمد کروائیگی۔

    پاکستانی کھلاڑی تو آگئے مگر پاکستانی فنکار بھی بھارت آئیں گے؟راہل ڈھولکیا

    فلم انڈسٹری اور مداحوں کا شکرگزار ہوں شاہد حمید

    ماورا حسین 31 برس کی ہو گئیں

  • سٹیج کے مرد فنکاروں کی بھی شامت آ گئی

    سٹیج کے مرد فنکاروں کی بھی شامت آ گئی

    حکومت پنجاب کا غیر اخلاقی پرفارمنسز پر تھیٹرز کے خلاف کریک ڈاؤن جاری ہے۔حکومت کسی کو بھی اس حوالے سے لچک دینے کےلئے تیار نہیں ہے. خواتین کے ساتھ اب ایسے مرد فنکاروں کے گرد بھی گھیرا تنگ کیا جا رہا ہے جو فحش جملے ادا کرتے ہیں.حکومت کی جانب سے متعدد مرد اداکاروں کی غیر اخلاقی پرفارمنسز مانیٹر کی گئیں اور ان کی ویڈیوز بھی اکٹھی کر لی گئیں ہیں جن میں‌اداکار راشد کمال ۔ گڈو کمال ۔ شکیل چن ۔تسلیم عباس ۔عمران شوکی ۔ سجاد شوکی ۔ سرفراز وکی ، عقیل حیدر ۔ امجد رانا ۔وکی کوڈو ۔ بلا شیخوپوریا ۔ فہد اعوان ۔ مہدی شاہ ، شازب مرزا ۔ شوکت رنگیلا ۔ اسلم چٹا ۔ سجاد فوکی ۔ ناصر مستانہ ، علی ناز ۔ طوطی برال ۔ ندیم چٹا ۔ عابد چارلی کے نام قابل زکر ہیں ان کے خلاف شکنجہ تیار کرلیا گیا اور ان کی رپورٹس اعلی حکام کو بھجوا دی گئیں۔

    ”صوبائی وزیر اطلاعات و ثقافت عامر میر کا کہنا ہے کہ خواتین کے ساتھ ساتھ مرد فنکاروں کو بھی پابندی کا سامنا کرنا پڑے گا،” قانون سب کے لیے برابر ہے چاہے وہ مرد ہو یا خاتون ہو، جو بھی غیر اخلاقی پرفارمنسز کرے گا چاہے وہ مرد ہو یا خاتون قانون سے بالا تر نہیں۔

    تماشا گھر سے نکلنے کے بعد علی سکند کا اہم وڈیو پیغام

    نتاشا علی ہوئیں گھر سے بے گھر

    فضا علی کی بیٹی کی شوبز میں‌اینٹری

  • نتاشا علی ہوئیں گھر سے بے گھر

    نتاشا علی ہوئیں گھر سے بے گھر

    اے آر وائی پر چلنے والا رئیلٹی شو تماشا گھر جو کہ اپنے اختتام کی جانب بڑھ رہا ہے اس میں‌دو بڑے اور اہم کنٹسیٹنس حال ہی میں‌بے گھر ہو گئے ہیں علی سکندر اور اداکارہ نتاشا علی . نتاشا علی نے اپنی گیم بہت ہی اچھے انداز سے کھیلی ، انہوں نے گھر میں کبھی بہت زیادہ صبرو تحمل کا مظاہرہ کیا تو کبھی وہ اپنا ٹیمبپر لوز کر جاتیں. نتاشا علی جیسے ہی گھر سے بے گھر ہوئیں تو علی سکندر کے بھائی آغا علی نے ان کو سوشل میڈیا پر کہا کہ ” آپ گھر میں کونٹینٹ کی کوئین تھیں، آپ نے بہترین انداز سے گیم کھیلی اور سب سے زیادہ اچھی بات یہ ہے کہ آپ جیسی ہیں ویسی ہی رہیں آپ رئیل رہیں فیک نہیں بنیں ،

    بہت زبردست نتاشا آپ پہلے ہی جیت چکی ہو، گھر سے نکلنا معنی نہیں رکھتا”. یوں ”علی سکندر نے خوبصورت الفاظ میں نتاشا علی کی حوصلہ افزائی کی.” یاد رہے کہ اس بار تماشا گھر میں جتنے بھی کنٹیسٹنس ہیں وہ سب ہی بہت مضبوط ہیں کوئی فی الحال یقینی طور پر کچھ نہیں کہہ سکتا کہ کون ہو گا شو کا ونر. تماشا گھر انڈین رئیلٹی شو بگ باس کی کاپی ہے اور عدنان صدیقی گھر والوں کے لئے بادشاہ ہیں.

    ویلکم کے تیسرے حصے میں نانا پاٹیکر کیوں نہیں ؟ اداکار نے بتا دیا

    عمارہ حکمت نے لکس ایوارڈز میں مولا جٹ کو کیوں نہیں بھیجا؟‌

    ڈرامہ سیریل جنت سے آگے تنقید کی زد میں‌کیوں‌؟‌

  • محفل تھیٹر لاہور کا لائسنس سات دن کے لیے معطل

    محفل تھیٹر لاہور کا لائسنس سات دن کے لیے معطل

    محفل تھیٹر جہاں پر ڈرامے پیش کئے جاتے ہیں ، اس کے بارے میں اطلاعات ہیں کہ ہوم ڈیپارٹمنٹ پنجاب نے محفل تھیٹر لاہور کا لائسنس سات دن کے لیے معطل کر دیا ہے۔ہوم ڈیپارٹمنٹ کا کہنا ہے کہ محفل تھیٹر کے پروڈیوسر یوسف نے محفل تھیٹر کے مالک شہباز بیگ کے جعلی دستخط کر کے کاغذات جمع کروائے تھے۔اور اس کے علاوہ فلم سٹار خوشبو سے نازیبا ڈانس بھی کروایا تھا۔ان وجوہات کی بنیاد پر محفل تھیٹر اگلے سات دن کے لیے بند رہے گا۔ہوم ڈیپارٹمنٹ نے اس حوالے سے ایک لیٹر بھی جاری کر دیا ہے جس میں‌انہوں نے محفل تھیٹر کا لائنسنس 7 دن کے لئے کینسل کرنے کی وجوہات کھل کر بیان کی ہیں. تاہم فنکار برداری کا کہنا ہےکہ ہمیں جس طرح سے اور جو کام دیا جاتا ہے ہم وہ کرتے ہیں.

    ”دوسری طرف تاحال محفل تھیٹر کے پرڈیوسر یوسف کا اس حوالے سے کسی قسم کا بیان سامنے نہیں آیا. ”لیکن یہ ضرور ہے کہ 7 روز تک محفل تھیٹر کا لائسنس کینسل رہے گا. خوشبو خان نے بھی اس حوالے سے خاموشی اختیار کر رکھی ہے. یاد رہے کہ پنجاب حکومت نے تھیٹر انڈسٹری سے فحاشی کو ختم کرنے کےلئے مہم چلا رکھی ہے.

    ویلکم کے تیسرے حصے میں نانا پاٹیکر کیوں نہیں ؟ اداکار نے بتا دیا

    عمارہ حکمت نے لکس ایوارڈز میں مولا جٹ کو کیوں نہیں بھیجا؟‌

    ڈرامہ سیریل جنت سے آگے تنقید کی زد میں‌کیوں‌؟‌

  • 23ستمبر کو آرٹس کونسل آف پاکستان کراچی میں بڑا کامیڈی شو پیش کیا جائیگا

    23ستمبر کو آرٹس کونسل آف پاکستان کراچی میں بڑا کامیڈی شو پیش کیا جائیگا

    کراچی کی تاریخ کا سب سے بڑا منفرد کامیڈی شو 23ستمبر کو آرٹس کونسل آف پاکستان کراچی کے اوپن آئر تھیٹر زیڈ اے بخاری آڈیٹوریم میں پیش کیا جائے گا. کامیڈی فیسٹول میں بین الااقوامی شہرت یافتہ پاکستانی فنکار پرفارمنس کا مظاہرہ کرنیگے جس میں شہزاد رضا، شکیل صدیقی، روف لالا، سلیم آفریدی، حنیف راجہ، ذاکر مستانہ، شکیل شاہ، پرویز صدیقی، ولی شیخ، سلیم شیخ، عرفان ملک، علی حسن، برکت علی، عظمیٰ، عامر ریمبو، فیصل مسعود، کاشف خان، نعمان خان، گلوکارہ افشین حیات ( سسٹر مہوش حیات) ندرت مغل، شاہد علی سونو چھوٹے استاد، جمی صنم، مہک نور، صبا شیخ، شاہدہ مرتضیٰ، عمران ساجن، پرفارم کرینگے مذکورہ شو میں فنکاروں کو محدعلی ایوارڈ بھی دیا جائے گا شو میں ڈانس گروپ، ٹک ٹاکرز یو ٹیوب اسٹار بھی پرفارم کرتے ہوئے نظرآئیں گے .

    ”جب کہ شاہد علی سونو چھوٹے استاد اسپیشل قوالی آئٹم کے ساتھ جلوہ گر ہونگے ”اس کامیڈی شو کے حوالے سے سلیم آفریدی کا کہنا ہے کہ جاپان کے کامیاب ٹوز کے بعد میرا پہلا کمرشل شو ہے جس میں کراچی کے تمام سپراسٹارز پہلی بار ایک ساتھ پرفارم کررہے ہیں 23 ستمبر کی شام آرٹس کونسل کراچی میں قہقہوں کی برسات ہوگی کراچی کی عوام کے لئے یہ ایک یادگار کامیڈی شو ثابت ہو گا اس شو کی تیاریاں عروج پر پہنچ گئی ہیں ایڈوانس بکنگ کا سلسلہ شروع ہوچکا ہے.

    کیرئیر کے ابتداء میں نامناسب مطالبات ماننے سے انکار کر دیا اعجاز اسلم

    شاہ رخ خان اپنی بیٹی سہانا کے ساتھ فلم میں نظر آئیں گے

    ندا یاسر نے دو سال پہلے ہی کہہ دیا سیبنا بڑی ہیروئین بنیں گی

  • لاہور ہائیکورٹ نے لاہور ڈویژن کے دس تھیٹر کھولنے کے احکامات جاری کر دئیے

    لاہور ہائیکورٹ نے لاہور ڈویژن کے دس تھیٹر کھولنے کے احکامات جاری کر دئیے

    جب پنجاب حکومت نے تھیٹرز پر فحاشی پھیلانے کے حوالے سے کاروائی کا آغاز کیا ہے تب سے پرڈیوسرز اور فنکاروں کی جانب سے احتجاج کیا جا رہا ہے. تاہم پنجاب تھیٹر پروڈیوسرز آرٹسٹ ویلفئیر ایسوسی ایشن نے لاہور ڈویژن کے تھیٹرز کی بندش کے خلاف عدالت عالیہ سے رجوع کیا تھا اور عدالت عالیہ نے ایسوسی ایشن کے موقف کو درست مانتے ہوئے لاہور ڈویژن کے دس تھیٹرز کی بندش کے احکامات کو کالعدم قرار دیتے ہوئے انہیں کھولنے کے احکامات جاری کر دئیے ہیں۔ عدالت کے احکامات کے تحت کھولے جانے والے تھیٹرز میں لاہور سے محفل تھیٹر ، ناز تھیٹر ، ستارہ تھیٹر ، شیخو پورہ سے راوی تھیٹر ، صنم تھیٹر ، سنگم تھیٹر ، ورنہ تھیٹر، گلستان تھیٹر، نگینہ تھیٹر شامل ہیں۔

    ”ایسوسی ایشن کے جنرل سیکرٹری ڈاکٹر اجمل ملک کا اس موقع پر کہنا تھا کہ کہ تمام فنکار برادری اس فیصلے سے بہت خوش ہے کیونکہ عدالت نے ان کے لئے رزق کمانے کے دروازے کھول دیئے ہیں” ۔ڈاکٹر اجمل کا مزید کہنا تھا کہ پنجاب تھیٹر پروڈیوسرز آرٹسٹ ویلفئیر ایسوسی ایشن سٹیج ڈرامہ کی بہتری کے لئے حکومتی اقدامات کی حمایت اور پابندی کے موقف کا اعادہ کرتی ہے اور عوام کو صاف ستھری معیاری تفریح فراہم کرنے میں۔ اپنا کردار ادا کرتی رہے گی۔

    میرے بارے میں ارجن کپور کے حوالے سے بکواس لکھا جا رہا ہے کوشا کپیلا

    اننیا پانڈے کس سینئر اداکارہ کی شخصیت سے متاثر ہیں ؟‌اداکارہ نے بتا دیا

    راکھی کی نازیبا وڈیو کبھی نہیں بنائیں عادل کا دعوی