Tag: strike

اسلام آباد(باغی ٹی وی ) آزاد جموں وکشمیر کے صدر سردار مسعود خان نے برطانیہ، یورپ اوردنیا کے دیگر خطوں میں مقیم کشمیریوں اور پاکستانیوں پر زور دیا کہ وہ مقبوضہ جموں وکشمیر میں بھارت کے غیر قانونی جابرانہ قبضہ، ریاست کے اسلامی تشخص اور پہچان کو ختم کرنے اور آبادی کے تناسب میں تبدیلی کی سازش ہو بے نقاب کرنے کے علاوہ عالمی برادری کو مقبوضہ کشمیر میں انسانی حقوق کی بد ترین پامالیوں سے آگاہ کرنے کے لئے اپنی کوششوں کو تیز تر کریں۔ یہ بات انہوں نے ہفتہ کے روز جموں وکشمیر ہاؤس میں تحریک کشمیر برطانیہ کے صدر راجہ فہیم کیانی سے ملاقات کے دوران گفتگو کرتے ہوئے کہی۔

تحریک کشمیر کے سربراہ نے صدر آزادکشمیر کو اپنی تنظیم کی سرگرمیوں سے آگاہ کیا اور مسئلہ کشمیر کو عالمی سطح پر اس صحیح تناظر میں اجاگر کرنے کے حوالے سے اُن سے رہنمائی حاصل کی۔ صدر سردار مسعود خان نے کہا کہ ہمیں اپنی کمیونٹی کی انتھک کوششوں اور کشمیر کاز کے ساتھ محبت اور وابستگی پر فخر ہے کیونکہ مسئلہ کشمیر کے حوالے سے آج دنیا میں جو شعور اور آگاہی پیدا ہوئی ہے اُس کا سہرا بڑی حد تک برطانیہ، یورپ اور امریکہ میں بسنے والے اُن محب وطن کشمیریوں اور پاکستانیوں کے سر ہے جو کشمیر کو اپنی ترجیح اول بنائے ہوئے ہیں۔

صدر آزادکشمیر نے مسئلہ کشمیر کے حوالے سے تحریک کشمیر برطانیہ کا خاص طور پر شکریہ ادا کیا اور تحریک کے سربراہ فہیم کیانی کو یقین دلایا کہ حکومت اُن کی تنظیم کے ساتھ بھرپور تعاون کرے گی۔ صدر آزادکشمیر نے تحریک کشمیر کی طرف سے دس دسمبر عالمی حقوق انسانی کے حوالے سے برطانیہ بھر میں ہفتہ حقوق انسانی منانے کے فیصلے کا خیر مقدم کرتے ہوئے کہا کہ بھارت ایک ظالم، جابر اور کمینہ دشمن ہے جو انسانی حقوق کا احترام کرتا ہے اور نہ ہی کسی اور انسانی قدر سے اس کا کوئی سروکار ہے۔ اس موقع پر گفتگو کرتے ہوئے راجہ فہیم کیانی نے صدر سردار مسعود خان کی مسئلہ کشمیر کے حوالے سے کوششوں کی تعریف کرتے ہوئے کہا کہ اسلامی وزرائے خارجہ کے حالیہ اجلاس میں مسئلہ کشمیر اور کشمیر کی صورتحال کے حوالے سے ایک موثر، جاندار اور جامع قرار داد کا پاس ہونا اور او آئی سی کی طرف سے گزشتہ سال پانچ اگست کے بعد اُٹھائے گے بھارتی حکومت کے اقدامات کی ستاون اسلامی ممالک کی طرف سے مذمت ایک بری کامیابی ہے۔ انہوں نے بتایا کہ اُن کی تنظیم تحریک کشمیر برطانیہ بھر میں ہفتہ حقوق انسانی منا کر مقبوضہ کشمیر میں انسانی حقوق کی بدترین خلاف ورزیوں پر بھارت کو بے نقاب کرنے کے لئے ایک جامع پروگرام تشکیل دے رہی ہے۔

معاون خصوصی برائے اطلاعات ڈاکٹر فردوس عاشق اعوان کا دورہ پریس کلب،صحافی کالونی پر غیر قانونی قابضین کو بے دخل کرنے کیلئے موثر اقدامات اٹھانے کا اعلان،ایف بلاک کا ڈویلپمنٹ کام فوری شروع کروانے کی یقین دہانی ،لاہور پریس کلب ممبران کو فوری ہیلتھ کارڈ جاری کرنے کا بھی اعلان 

تفصیلات کے مطابق معاون خصوصی پنجاب ڈاکٹر فردوس عاشق اعوان نے لاہور پریس کلب کا دوری کیا اور میڈیا سے گفتگو کی۔ اس موقع پر صدر لاہور پریس کلب ارشد انصاری، سینئر نائب صدر قذافی بٹ، سیکرٹری بابر ڈوگر، جوائنٹ سیکرٹری حافظ فیض احمد، ممبران گورننگ باڈی محمد شاہد چوہدری ، عمران شیخ اور محمد محی الدین بھی موجود تھے۔ صدر پریس کلب ارشد انصاری اور سیکرٹری بابر ڈوگر نے معزز مہمان کو لاہور پریس کلب میں خوش آمدید کہتے ہوئے کہا کہ معاون خصوی ڈاکٹر فردوس عاشق اعوان کا صحافی برادری کے ساتھ دیرینہ اور مضبوط تعلق ہے ، ہم امید کرتے ہیں کہ ڈاکٹر صاحبہ صحافی کالونی سمیت صحافی برادری کے تمام مسائل حل کرنے میں معاون ثابت ہوں گی۔

معاون خصوصی اطلاعات ڈاکٹر فردوس عاشق اعوان نے میڈیا سے گفتگو کرتے ہوئے کہا کہ بے گھر افراد کو چھت فراہم کرنا حکومت کی اولین ترجیح میں شامل ہے،ایف بلاک میں ترقیاتی کام شروع کرنے جارہے ہیں،اپنا گھر بنانے کے خواب کی تکمیل کی جائے گی،صحافی کالونی میں قابض افرد کو بے دخل کرنے کے لئے موثر اقدامات کئے جائیں گے،ہیلتھ کارڈ ترجیحی بنیادوں پر دیا جائے گا،حکومت ہر شہری کو ہیلتھ انشورنس دینے جارہی ہے،ریاست مدینہ کی طرف قدم بڑھایا جارہا ہے،ہیلتھ کارڈ امیر غریب کا فرق مٹائے بغیر دیا جارہا ہے،صحافیوں کی ٹریننگ کے لئے میڈیا ٹاور بنایا جائے گا،

انہوں نے مزید کہا کہ اپوزیشن پاکستان کی سیاست میں زندہ رہنے کے لئے بیان بازی کررہے ہیں،نون کا نکتہ غائب ہوچکا ہے اور غناں رہ گیا ہے،شاہی خاندان کی راجکماری کنیزوں کو بٹھا کرعورت کے مسائل پر بات کرتی ہیں،عورت کے اصل مسائل منہ میں سونے کا چمچہ لیکر پیدا ہونے والوں کو کیا معلوم،حکومت کو جتنی مرضہ دھمکیاں دے لیں حکومت ٹس سے مس نہیں ہونے والی ،حکومت جمہوری طریقے سے آئی ہے تو اسکا بھیجنے کا طریقہ بھی آئینی ہے،اپوزیشن اپنے آپکو آکسیجن کے سلنڈر لگا کر چل رہی ہے، نیب کے اندر کیسز اور وعدہ معاف گواہ سامنے آنے پر اپوزیشن کی بے چینی سامنے آرہی ہے،نادان و لاغر اپوزیشن کو کہتی ہوں کہ حالات کی نزاکت کو سمجھیں،

حکومت کو جلسوں سے کوئی خطرہ نہیں خطرہ عوام کو کرونا سے ہے، آئندہ اپوزیشن کے بیانات کے جواب میں وقت ضائع کرنے کی بجائے حکومت صرف اپنی پرفارمنس پر بات کرے گی،جیلوں میں سیاسی مخالفین کو بند کرنا ہمارا ٹارگٹ نہیں ہے،صحافیوں کے ساتھ کئے گئے وعدوں کو پورا کیا جائے گا،تقریب کے اختتام پر صدر ارشد انصاری اور سیکرٹری بابر ڈوگر نے معزز مہمان کو پریس کلب کی جانب سے پھول پیش کئے۔

سندھ کی بیٹی ام رباب کی وزیر موصلات مراد سعید سے ملاقات ۔
اسلام آباد، ملاقات میں ام رباب نے اپنے خیالات کا اظہار کرتے ہوئے کہا کہ میرے والد ، دادا اور چچا کو پیپلز پارٹی کے ایم پی اے سردار چانڈیو نے قتل کروایا ۔ پیپلز پارٹی کی قیادت قاتلوں کو مدد دے رہی ہے ۔

ام رباب کا مزید کہنا تھا کہ سندھ پولیس سیاسی طور پر استعمال ہوُرہی ہے ۔ قاتلوں نے سندھ پولیس سے ڈیل کر کے قتل میں نامزد ایک ملزم حوالے کیا ۔
پولیس کو قاتلوں اور ان کے سہولت کاروں کے سارے ٹھکانوں کا پتا ہے : پیپلز پارٹی کی قیادت میں سے کبھی کسی نے میرے سر پر ہاتھ نہیں رکھا الٹا میرے انصاف کی جدوجہد میں رکاوٹ پیدا کرتے ہیں ۔

‏‎
لفٹ اسلام آباد گروپ کی جانب سے ‎سندھ_کی_بیٹی ام رباب کو امن کا سفیر بنایا گیا اور بطور امن سفیر ام رباب کو امن ایوارڈ بھی دیا گیا جس کی تقریب اسلام آباد میں رکھی گئ جہاں سول سوسائیٹی سیاسی اور بیرو کریسی سے وابسطہ لوگوں نے شرکت کی .

کرونا وبا سے بچاو کے لیے یوم دعا ،گورنر ہاؤس لاہور میں جمعہ کے اجتماع میں خصوصی دعا کروائی گئی ،گورنر پنجاب چوہدری محمد سرور سمیت دیگر کی شرکت

صوبائی وزیر میاں محمودالرشید اور پی ٹی آئی سنٹرل پنجاب کے صدر اعجاز احمد چوہدری بھی شریک ہوئے،جمعہ کے اجتماع میں کرونا ایس او پیز پر مکمل عمل درآمد کیا گیا

گورنر پنجاب چوہدری محمد سرور نے کہا کہ ملکی ترقی اور سلامتی کے لیے بھی خصوصی دعا کروائی گئی ،کرونا سے بچاو کے لیے ایک بھی لمحے کی کوتاہی کی گنجائش نہی علما کرونا سے بچاو کے لیے تاریخی کردار ادا کر رہے ہیں ،پاکستان کرونا کی ماہ جون جیسی صورتحال کا متحمل نہی ہو سکتا ،
سیاسی اور مذہبی جماعتوں کو بھی کرونا کو سنجیدہ لینا چاہیے ،،

وزیراعلیٰ سندھ سید مراد علی شاہ کی زیر صدارت نالوں کی صفائی اور انکے سروے سے متعلق اجلاس
اجلاس میں صوبائی وزراء سعید غنی، ناصر شاہ، مرتضیٰ وہاب، چیئرمین پی اینڈ ڈی محمد وسیم، ایڈمنسٹریٹر کراچی افتخار شلوانی، وائس چانسلر این ای ڈی ڈاکٹر سروش لودھی، سیکریٹری بلدیات نجم شاہ شریک ہوئے

کورونا کی رپورٹ منفی آنے کے بعد یہ وزیراعلیٰ سندھ کا پہلا اجلاس ہے،ہائیڈرولاجیکل ریجن کے مطابق محمودآباد نالے کا علائقہ 19.03 اسکوائر کلومیٹر ہے،زیادہ تر نالے مصنوعی بناکے محمود آباد نالے میں ڈالے گئے ہیں،نورانی چورنگی نالہ 4.54 کلومیٹر اور ٹیپوسلطان نالہ 4.1 کلومیٹر بھی محمودآباد نالے میں گرتا ہے،محمودآباد نالے 3.8 فٹ کشادہ ہونا چاہئے، وی سی این ای ڈی کے مطابق
کم از کم چوڑائی 20 فٹ ہونی چاہئے،زیادی سے زیادہ 80 فٹ چوڑائی ہونی چاہئے،

وزیراعلیٰ سندھ نے کہا کہ محمودآباد کے نالے کو 80 فٹ لمبا سیمنٹڈ ڈرین بنانا ہوگا، ہم نکاسی آب کے نالوں کو برساتی نالوں سے الگ کرنا چاہتے ہیں،
30 ایم جی ڈی یا 50 کیوسک ڈرین کا پانی بہتا ہے،
ہم ٹریٹمنٹ پلانٹ لگائیں گے تاکہ نکاسی ہوسکے،
محمودآباد نالے کی ری ماڈلنگ کرکے اس کو ماڈل نالا بنانے کا فیصلہ کیا ہے، باقی نالوں کو بھی اسی پیٹرن پر بنائیں گے،

چودھری شجاعت حسین، چودھری پرویزالٰہی، مونس الٰہی اور سالک حسین کا سابق وزیراعظم میر ظفر اللہ جمالی کے انتقال پر اظہار تعزیت کرتے ہوئے کہا کہ مرحوم کے ساتھ ہمارا دیرینہ تعلق تھا: چودھری شجاعت حسین، چودھری پرویزالٰہی نے مزید کہا کہ ان کے ساتھ بہت سی خوشگوار یادیں وابستہ ہیں،ان کی پارلیمانی و سیاسی خدمات کو ہمیشہ یاد رکھا جائے گا: چودھری شجاعت حسین، چودھری پرویزالٰہی نے مزید کہا کہ اللہ تعالیٰ میر ظفر اللہ جمالی کے درجات بلند فرمائے اور پسماندگان کو صبر جمیل عطا فرمائے

میر ظفراللہ خان جمالی کو گزشتہ دنوں طبیعت بگڑنے پر راولپنڈی کے آرمڈ فورسز انسٹی ٹیوٹ آف کارڈیالوجی (اے ایف آئی سی) میں داخل کیا گیا تھا، جہاں انہیں وینٹی لیٹر پر منتقل کیا گیا۔

واضح رہے کہ میر ظفراللہ خان جمالی مسلم لیگ (ق) کی جانب سے نومبر 2002 سے 26 جون 2004 تک ملک کے 15ویں وزیر اعظم رہے