Tag: strike

اسلام آباد۔15 نو مبر (اے پی پی)قومی احتساب بیورو کے چیئرمین جسٹس جاوید اقبال نے نیب کا اعلیٰ سطحی اجلاس پیر 16 نو مبر کو طلب کر لیا ۔ ڈپٹی چیئرمین نیب پراسیکیوٹر جنرل احتساب ڈی جی آپریشنز اور تمام علاقائی بیوروز کے ڈائریکٹرز جنرل اجلاس میں شرکت کریں گے۔اجلاس کے دوران مختلف فاضل احتساب عدالتوں میں زیر سماعت مقدمات کی بھرپور انداز میں پیروی کرنے کے حوالے سے نیب آپریشنز اور پراسیکیوٹر ڈویژن کو مزید تقویت دینے اورشکایات کی تصدیق ، انکوائریوں ، اور تفتیشی عوامل کے حوالے سے نیب کے تمام علاقائی بیوروز کی کارکردگی کو بہتر بنانے کی حکمت عملی پر بنا ئی جائے گی ۔

چیئرمین نیب کی ہدایات پر تجربہ کار قانونی کنسلٹنس اور سپیشل پراسیکیوٹرز کی خدمات حاصل کرتے ہوئے پراسیکیوشن ڈویژن کو تقویت دی جارہی ہے ، تمام علاقائی بیوروز میں شواہد اکٹھے کرنے کے سیل متعارف کرائے گئے ہیں اور اس کے نتائج انتہائی حوصلہ افزا ہیں ۔ بھرپور توجہ مرکوز کرنے ، نگرانی اور آپریشنز و پراسیکیوشن ڈویژن کے تجزیوں کی کارکردگی کی بدولت احتساب عدالتوں میں مجموعی طور پر سزاﺅں کی شرح تقریباً 68.8 فیصد رہی ہے جو سزاﺅں کی بہترین شرحوں میں سے ایک ہے ۔ قومی احتساب بیورو کے چیئرمین کا کہنا ہے کہ میگا کرپشن اور وائٹ کالر کرائم کے مقدمات کو منطقی انجام تک پہنچانا ایک چیلنج ہے لیکن قومی احتساب بیورو نے بدعنوان عناصر کو قانون کے کٹہرے میں لانے کا پختہ عزم کر رکھا ہے ۔

انہوں نے کہا کہ نیب میں تجربہ کار اور سینئر سپروائزی افسران کی اجتماعی دانش سے استفادہ کرنے کے لئے مشترکہ تحقیقاتی ٹیم (سی آئی ٹی ) کا نظام بھی متعارف کرا رکھا ہے، اس نظام سے کام کا معیار بہتر ہورہاہے ۔ قومی احتساب بیورو نے اپنے ہیڈ کوارٹر اور تمام علاقائی بیوروز میں معیار اور تعداد کی بنیاد پر کارکردگی کے جائزہ کے لئے ایک موثر نگرانی اور جائزہ کا نظام (ایم ای ایس ) بھی متعارف کرایا ہے جس پر سختی سے عملدرآمد کیا جارہا ہے جو علاقائی بیوروز سمیت نیب کے تمام شعبہ جات کی کارکردگی میں اضافہ کے لئے انتہائی کامیاب ثابت ہوا ہے۔

چیئرمین نیب نے کہا کہ نیب نے شفاف آزادانہ اور پیشہ وارانہ طور پر کام کرنے کا پختہ عزم کر رکھا ہے اور یہی وجہ ہے کہ پاکستان کو سارک ممالک میں بدعنوانی کے خاتمے کے لئے رول ماڈل کے طور پر لیا گیا ہے جو نیب کی کوششوں کی بدولت ممکن ہوا ہے اور پاکستان کے بدعنوانی کے ادراک کے انڈیکس (سی پی آئی ) اور ٹرانسپیرنسی انٹرنیشنل پاکستان کی رپورٹ نے اس کا اعتراف کیا ہے ۔
انہوں نے کہا کہ 743ارب روپے مالیت کی بدعنوانی سے متعلق 1230بدعنوانی کے ریفرنس اس وقت احتساب عدالتوں میں ز یر سما عت ۔ انہوں نے کہاکہ قومی احتساب بیورو نے بالواسطہ یا بلاواسطہ طور پر بدعنوان عناصر سے 466ارب روپے برآمد کر کے قومی خزانے میں جمع کرائے ۔انہوں نے کہاکہ پاکستان واحد ملک ہے جس کے ساتھ چین نے سی پیک کے پاکستان میں منصوبوں کی نگرانی کے لئے مفاہمت کی یادداشت پر دستخط کئے ہیں۔انہوں نے کہاکہ قومی احتساب بیورو سارک کے انسداد بدعنوانی فورم کا پہلا چیئرمین ہے جو پاکستان کی بہت بڑی کامیابی ہے اور اس کا سہرا نیب کی کوششوں کو جاتا ہے ۔

انہوں نے تمام علاقائی بیوروز کو ہدایت کی ہے کہ اشتہاری مجرموں اور مفروروں کی گرفتاری کے لئے تمام دستیاب وسائل بروئے کار لائیں ۔ انہوں نے کہاکہ قومی احتساب بیورو نے نیب راولپنڈی میں ایک جدید فرانزک سائنس لیبارٹری قائم کر رکھی ہے جو تفتیش اور انکوائریوں کو بہتر بنانے میں مدد گار ہے۔ چیئرمین نیب نے کہا کہ قومی احتساب بیورو نے غیر قانونی ہاﺅسنگ سوسائٹیوں ، کوآپریٹو سوسائٹیوں سے قانون کے مطابق اربوں روپے برآمد کر کے ان لوگوں کو واپس کی ہے جن کی جمع پونجی ان سوسائٹیوں نے لوٹ لی تھی اور متاثرین اس سلسلے میں چیر مین نیب کے شکر گزار ہیں

تحریک لبیک کی میڈیا کوریج سے صحافیوں کو روکے جانے کا معاملہ ،انتظامیہ اورپولیس صحافیوں کو کوریج سے روکنے کی کوشش جاری ،صحافیوں کو پریس کلب محصور کیا جا رہا ہے

جرنلسٹ ایکشن کمیٹی نے بیانیہ جاری کرتے ہوئے کہا کہ ریلی کے شرکا کی جانب سے میڈیا کے نمائندوں کو زدوکوب کیا جارہا ہے، حکومت صحافیوں کو کس قانون کے تحت کوریج سے روک رہی ہے، انتظامیہ، پولیس صحافیوں کی کوریج میں رکاوٹ نا ڈالے،صحافی اپنی پیشہ وارانہ زمہ داریاں نبھاہ رہے ہیں،

پولیس اور ریلی کے شرکا کی جانب سے رکاوٹ ڈالنے کی پرزور مزمت کرتے ہیں،صحافیوں کو کوریج میں شدید مشکلات ہیں، انتظامیہ اور پولیس صحافیوں کو فلفور تحفظ فراہم کرے، اگر کسی صحافی کو نقصان پہنچا تو اس کی زمہ داری انتظامیہ اور پولیس ہوگی،

مظفرآباد ، آزاد کشمیر – پارلیمانی کمیٹی برائے کشمیر برائے شہریار خان آفریدی نے اتوار کو کہا ہے کہ بھارتی وزیر اعظم نریندر مودی کا جنگی جنون علاقائی اور عالمی امن کے لئے خطرہ ہے اور عالمی رہنماؤں کو پاکستان میں بھارتی حکومت کے ریاستی دہشت گردی کے حوالے سے پیش کردہ ثبوتوں پر فوری ایکشن لینا ہوگا.

ان خیالات کا اظہار شہریار آفریدی نے یہاں بروز اتوار سی ایم ایچ اسپتال کے دورے کے موقع پر لائن آف کنٹرول (ایل او سی) پر بھارتی گولہ باری سے زخمی ہونے والے عام شہریوں کی خیریت دریافت کرنے کے بعد میڈیا سے گفتگو کر تے ہوئے کیا۔
صدر آزاد جموں و کشمیر سردار مسعود خان اور دیگر اہلکار بھی اس موقع پر موجود تھے. شہریار آفریدی نے کہا کہ وہ وزیر اعظم عمران خان کی ہدایت کے مطابق زخمیوں کی عیادت کر رہے ہیں تاکہ وہ زخمی کشمیریوں اور ان کے اہل خانہ کو بہترین سہولیات کو یقینی بنائیں۔

انہوں نے کہا کہ پاکستان اپنے کشمیری بھائیوں کے شانہ بشانہ کھڑا ہے اور پاکستان بھارتی ناجائز قابض افواج کے خلاف کشمیریوں کو سفارتی ، اخلاقی اور سیاسی مدد فراہم کرتا رہے گا۔

انہوں نے کہا کہ آج ہندوستان کے وزیر اعظم مودی نے دیوالی کے موقع پر امن و محبت کا پیغام دینے کی بجائے راجستان میں فوجی وردی پہن کر ٹینک پر سواری کرکے ایک بار پھر بھارت کے جنگی جنون اور ہمسایہ ممالک کے خلاف اپنے ناپاک عزائم کا اعادہ کیا ہے.

انہوں نے کہا کہ ہم ہندوستان کے توسیع پسندانہ عزائم کا مقابلہ کریں گے۔ انہوں نے اقوام متحدہ کے سکریٹری جنرل انتونیو گٹیرس اور دیگر عالمی رہنماؤں سے درخواست کی کہ وہ بھارتی ریاستی دہشت گردی کے پاکستان کی طرف سے پیش کردہ شواہد کا نوٹس لیں اور بھارت کے خلاف کارروائی کریں۔

انہوں نے کہا کہ دنیا کو اب بھارت کے حمایت یافتہ دہشت گرد گروپ داعش کے خلاف جنگ کرنا ہوگی۔ افغانستان کو بھارت کو اپنی سرزمین استعمال کرنے کی اجازت نہیں دینی چاہئے۔ ہم نے چار دہائیوں سے چالیس لاکھ افغان مہاجرین کی دل کھول کر میزبانی کی ہے اور افغان امن عمل کو کامیاب ہونے میں بھی مدد فراہم کی ہے۔ افغانستان کو اب لازمی طور پر دشمن قوتوں اور بھارتی انٹیلیجنس کو اجازت دینا ہوگی۔ انہوں نے مزید کہا کہ افغانستان حکومت کو چاہیے کہ وہ بھارتی انٹیلیجنس اور دیگر دہشت گرد تنظیموں کو پاکستان کو غیر مستحکم کرنے کے لئے افغان سرزمین استعمال کرنے کی اجازت نہ دے.

آفریدی نے کہا کہ کنٹرول لائن پر لوگ پاکستان کی حمایت سے خوش ہیں اور پاکستان کے لئے کسی بھی قربانی کے لئے تیار ہیں۔ انہوں نے مزید کہا کہ ہندوستان اپنے توسیع پسندانہ عزائم میں کبھی کامیاب نہیں ہوگا۔

"ہندوستان اپنے تمام ہمسایہ ممالک اور خطے کے ممالک سے دشمنی پر کمربستہ ہوگیا ہے۔
آفریدی نے کہا کہ کنٹرول لائن فائر بندی کی بھارت کی مسلسل اور بلا روک ٹوک خلاف ورزی اقوام متحدہ اور عالمی برادری کے لئے چیلنج ہے۔
انہوں نے کہا کہ ایک طرف بھارت رائزنگ انڈیا کا نعرہ بلند کرتا ہے جبکہ اس کے برعکس اس نے اپنے توسیع پسندانہ ایجنڈے کے تحت پورے خطے کا امن خطرہ میں ڈال دیا ہے۔

انہوں نے زخمی کشمیریوں کو بروقت طبی امداد کے لئے سی ایم ایچ ڈاکٹروں اور وزیر اعظم آزادکشمیر کی جانب سے فوری مدد کی فوری تعریف کی۔

انہوں نے کہا ، "ایل او سی پر رہنے والے کشمیریوں کے عزم کو سلام ہے جو ہندوستانی گولہ باری کے خلاف مزاحمت کی علامت بن چکے ہیں۔ میں کنٹرول لائن اور ورکنگ باؤنڈری پر دشمن کا مقابلہ کرنے والی ہماری بہادر افواج کی بہادری کو بھی سلام پیش کرتا ہوں۔

پاکستان پیپلزپارٹی گلگت بلتستان کی سیکریٹری اطلاعات سعدیہ دانش کا اہم بیان سامنے آگیا اپنے بیان میں انہوں نے کہا کہ ہم جس پولنگ اسٹیشن کا دورہ کررہے ہیں، وہاں کی ووٹر لسٹوں میں مقامی ووٹرز کا نام نہیں ہے، الیکشن کمیشن وضاحت کرے کہ کس کی ایماء پر ووٹر لسٹوں میں راتوں رات چھیڑچھاڑ کی گئی،ووٹر ووٹ دینے کے لئے قطاروں میں کھڑے ہیں اور فہرستوں میں ان کا نام نہیں ہے
پورے گلگت بلتستان سے ووٹر لسٹوں میں مسائل کی شکایات سامنے آرہی ہیں، ووٹر لسٹوں میں مسائل کا فی الفور نوٹس لیا جائے ورنہ احتجاج ہمارا حق ہے،

ترجمان چیئرمن پیپلز پارٹی سینیٹر مصطفی نواز کھوکھر نے میڈیا سے گفتگو کرتے ہوئے کہا کہ
گلگت بلتستان کے انتخابات میں وفاقی حکومت کی قوانین کی خلاف ورزیوں پر الیکشن کمیشن کی خاموشی افسوسناک ہے ، وفاقی وزرا اور معاونین ووٹ خریدنے کیلئے بولیاں لگاتے رہے اور الیکشن کمیشن آنکھیں بند کر کے بیٹھا رہا ،وفاقی وزرا اور معاون الیکشن کمیشن تو درکنار سپریم ایپلیٹ کورٹ کے احکامات کی بھی دھجیاں بکھیرتے رہے ،
بہت سی پولنگ سٹیشنوں پر تاخیری حربے استعمال کر کے ووٹروں کی حوصلہ شکنی کی جا رہی ہے ،
جن حلقوں میں کانٹے دار مقابلہ ہے وہاں پولنگ کا عمل سست روی کا شکار کیا گیا ہے، پی پی پی امیدواروں کی شکایات اور نشاندہی پر بھی الیکشن کمیشن کوئی کارروائی نہیں کر رہا ،
الیکشن کمیشن پولنگ اور گنتی کے عمل کو شفاف بنا کر خود کو متنازعہ ہونے سے بچائے ،

‎مسلم لیگ ن کی نائب صدر مریم نواز کا بیان ،گلگت بلتستان کے غیور عوام شیر پر مہر لگا کر پانچ سال کی اپنی شاندار ترقی کے تسلسل کو آگے بڑھائیں گے۔
‎شیرو۔دلیرو آپ نے اپنے ووٹ کا پہرہ بھی دینا ہے۔
‎عوام کے پولنگ سٹیشن آنے کے جوش اور جذبے کی توہین نہ کی جائے

گلگت بلتستان الیکشن میں ماضی کی نسبت خواتین کا انتخابی عمل بھرپور شمولیت خوش آئند ہے،
مشکل موسمی حالات میں گلگت بلتستان کی عوام بڑی تعداد میں ووٹ ڈالنے نکلی ہے ان کو سلام پیش کرتی ہوں

الیکشن کمیشن بے ضابطگیوں کی شکایات پر ایکشن نہیں لے رہا جو افسوسناک ہے،الیکشن کمیشن ووٹوں کے ڈالنے اور ووٹوں کی گنتی کے عمل کو شفاف بنائے

کراچی: کافی انتظار کے بعد کراچی سرکلر ریلوے (کے سی آر) کی آزمائشی دوڑ شروع ہوگئی ، لوگوں کے مطابق کراچی کے سٹی ریلوے اسٹیشن سے اورنگی ٹاؤن تک 14 کلو میٹر لمبی مسافت پر چار بوگیوں اور دو انجنوں پر مشتمل کے سی آر ٹرین کا سفر ہوا۔

انہوں نے بتایا کہ ٹرین کو پورے فاصلے کو طے کرنے میں تقریبا دو گھنٹے لگے جس میں چند منٹ لگنے تھے ، انہوں نے مزید کہا کہ یہ پٹریوں اور اسٹیشنوں کی خستہ حالت کی وجہ سے ہے۔

ذرائع نے بتایا کہ چونکہ وزارت ریلوے نے 16 نومبر سے پہلی ٹرین چلانے کا اعلان کیا ہے ، کسی ایک اسٹیشن ، پلیٹ فارم یا ٹکٹ آفس کی حالت اس قابل نہیں تھی کہ ان پر کام شروع ہو سکے ۔

وفاقی وزیر ریلوے شیخ رشید احمد نے گذشتہ بدھ کو کہا تھا کہ 14 کلومیٹر کے سی آر ٹریک تیار ہے جبکہ باقی ٹریک سندھ حکومت رکھے گی۔ انہوں نے مزید کہا ، "کے سی آر ٹریک کو چلانے کے لئے 10 سے زیادہ کوچز تیار ہیں جبکہ 40 مزید کوچوں پر کام جاری ہے۔”

پاکستان ریلوے کے مطابق ، کے سی آر منصوبہ تین مراحل میں مکمل ہوگا۔ منصوبے کی لمبائی 43.13 کلومیٹر تھی ، جس میں زمین پر 14.95 کلومیٹر اور 28.18 کلومیٹر بلندی شامل ہے۔ کے سی آر کے 24 اسٹیشن ہوں گے اور اس کی یومیہ سواری 550،000 کے قریب ہوگی۔

پہلے مرحلے میں ، کراچی سٹی اسٹیشن سے اورنگی ٹاؤن تک کے سی آر لائن 32 ٹرینوں کے ٹریک پر چلنے کے ساتھ آپریشنل ہوجائے گی۔ اس کی یومیہ سواری 16،000 کے لگ بھگ ہوگی ، جبکہ پہلے مرحلے کی بحالی پر ایک ارب 25 کروڑ روپے لاگت آئے گی۔

کے سی آر کے دوسرے مرحلے پر ،70 .8ارب روپے لاگت آئے گی ، جبکہ تیسرا مرحلہ پبلک پرائیویٹ کے تحت مکمل ہوگا

پاکستان پیپلزپارٹی کی نائب صدر سینیٹر شیری رحمان نے شیخ رشید کی پریس کانفرنس پر ردعمل دیتے ہوئے کہا کہ شیخ رشید گلگت بلتستان کے انتخابات کے نتائج کو سی پیک کے مستقبل سے جوڑنے کے بیان کی وضاحت کریں،پی ٹی آئی کی گلگت بلتستان انتخابات میں ممکنہ ناکامی پر سی پیک کے داؤ پر لگنے کی باتیں ملکی مفاد کے خلاف ہیں،

شیریں رحمان نے مزید کہا کہ سی پیک پاکستان پیپلزپارٹی کا برین چائلڈ ہے اور ہم جانتے ہیں کہ اسے کیسے چلایا جائے گا،
عمران خان کی حکومت نے سعودی عرب سے چین تک دنیا میں پاکستان کے سفارتی تعلقات کو داؤ پر لگادیا،پاکستان پیپلزپارٹی کی خارجہ امور میں مہارت اظہر من الشمس ہے،