زمبابوے کرکٹ ٹیم دورہ پاکستان مکمل کرکے واپس وطن روانہ تفصیلات کے مطابق زمبابوے ٹیم آفیشلز کے ہمراہ نیو اسلام آباد انڑنیشنل ایرپورٹ سے ایمریٹس ائیرلائن کی پرواز کے ذریعے واپس روانہ ہوئی
زمبابوے کرکٹ ٹیم نے دورے کے دوران تین ون ڈے اور تین ٹی ٹونٹی انٹرنیشنل میچز کی سیریز کھلیں
ون ڈے سیریز میں زمبابوے کو دو ایک سے شکست ہوئی ٹی ٹونٹی میچوں کی سیریز میں پاکستان نے تین صفر سے سریز اپنے نام کی تھی ۔۔
129 ڈاکٹروں اور میڈیکل افسران کی ترقی/صوبائی وزیر لیبر عنصر مجید کیڈاکٹرز کو مبارکباد،
تفصیلات کے مطابق 39 سینئر میڈیکل افسران کی بطور اسسٹنٹ پرنسپل میڈیکل آفیسرز (BS-19) میں ترقی ہو گئی ،90 سٹاف نرسسز (بی ایس ۔ 16) کی بطور نرسنگ سسٹرز(بی ایس ۔ 17) میں ترقی کر دی گئی ،صوبائی وزیر عنصر مجید نے ترقی پانے والے افسران کو مبارک باددی صوبائی وزیر نے کہا کہ تمام ڈاکٹرز اور پیرا میڈیکل سٹاف مریضوں کے علاج میں مزید محنت سے کام کریں، امید کرتا ہوں تمام افسران اپنی ذمہ داریاں احسن طریقے سے ادا کریں گے،
شعبہ طب سے وابسطہ افراد روزگار کے ساتھ ثواب بھی حاصل کرتے ہیں ،افسران کو ترقی دے کر ادارہ نے اپنی ذمہ داری پوری کی، اب افسران کی ذمہ داری ہے کہ وہ اپنی کارکردگی سے ادارہ میں مزید بہتری لائیں، ورکرز اور انکے اہل خانہ کیلئے قائم اسپتالوں میں اپگریڈیشن کا کام جاری ہے، ادویات کی فراہمی کے ساتھ ساتھ جدید میڈیکل مشنری بھی فراہم کی جا رہی ہے،
محکمہ میں بہت جلد آٹومیشن سسٹم نافذ کیا جا رہا ہے، اسپتالوں میں کمپیوٹرآئزڈ ریکارڈ مرتب کرر ہے ہیں،کمپیوٹر آئزڈ ریکارڈ سے ادویات اور مریضوں کا ڈیٹا آن لائن موجود ہو گا،میڈیکل عملے کی کارکردگی کو بھی آن لائن سسٹم کے ذریعے مانیٹر کیا جا رہا ہے، ورکرز کو بہت جلد ای کارڈز جاری کئے جائیں گے جس پر تمام کام مکمل کر لیا گیا ہے،
اسرائیلی وزیر اعظم نیتن یاھو نے ٹویٹر پر ٹویٹ کرتے ہوئے کہا کہ میں اسرائیلیوں کو خوشحبری دیتا ہوں کہ ہم نے کرونا کی ویکسین دریافت کر لی ہے اسرائیلی وزیراعظم نے کہا کہ ہم اسرائیل میں ویکسین لانے کے لئے مستقل طور پر کام کر رہے ہیں اور آج مجھے ایک اہم خبر موصول ہوئی ہے۔ میں نے ابھی فائزر کے چیئرمین اور سی ای او البرٹ بورلہ کے ساتھ ایک بہت ہی فائدہ مند گفتگو کی ہے
فائزر نے کورونا وائرس کے خلاف 90 فیصد افادیت کے ساتھ ایک ویکسین تیار کی ہے۔ پوری دنیا یہ ویکسین وصول کرنا چاہتی ہے۔ ہم ان کے ساتھ بات چیت کر رہے ہیں۔
اسرائیلی وزیراعظم نے کہا کہ البرٹ بورلا کو تھیسالونیکی سے اپنے یونانی اور یہودی ورثے پر فخر ہے ،وہ یونان اور اسرائیل کے مابین تعلقات کی ترقی کو برقرار رکھے ہوئے ہے میں اس تعلق کو قدر کی نگاہ سے دیکھتا ہوں
Prime Minister Benjamin Netanyahu:
"I am constantly working to bring vaccines to Israel and today I have important news. I just finished a very warm and heartfelt conversation with @Pfizer Chairman and CEO Albert Bourla.— Prime Minister of Israel (@IsraeliPM) November 11, 2020
لہذا ، اس گفتگو کے بعد ، جو بہت ہی عمدہ اور انتہائی عملی تھا ، مجھے یقین ہے کہ ہم فائزر کے ساتھ معاہدہ مکمل کریں گے۔ اسرائیل کے شہری آپ کیلیے بہت ساری ویکسین لانے کیلیے یہ بہت اہم خبر ہے۔ مجھے امید ہے کہ ہم کامیاب ہوں گے۔
ایڈیشنل سیشن جج لاہور اظفر سلطان سید کورونا وائرس کے باعث انتقال کر گئے۔ اظفرسلطان سید 6 روز سے سروسز ہسپتال میں زیرعلاج تھے۔
تفصیل کے مطابق ایڈیشنل سیشن جج لاہور کی طبیعت خراب ہونے پر ایک ہفتہ قبل ٹیسٹ کرایا گیا تو کورونا مثبت آنے پر طبی امداد کیلئے ہسپتال منتقل کر کے ان کی عدالت کو سیل کر دیا گیا تھا۔ ڈسٹرکٹ اینڈ سیشن جج لاہور نے اظفر سلطان سید کی کورونا کے باعث انتقال کی خبر کی تصدیق کر دی ہے۔ ان کا کہنا تھا کہ 6 روز قبل انہیں طبی امداد کیلئے سروسز ہسپتال منتقل کیا گیا تھا لیکن وہ جانبر نہ ہو سکے اور آج وہ انتقال کر گئے ہیں۔
ایڈیشنل سیشن جج اظفر سلطان سید تقریبا 2 ماہ سے لاہور سیشن کورٹ میں تعینات تھے اور فوجداری کیسز کی سماعت کرتے تھے۔ ان کی کورونا وائرس کی رپورٹ مثبت آنے پر عدالت کو سیل کر کے عملے کو بھی دوبارہ کورونا وائرس کے ٹیسٹ کروانے کے احکامات جاری کیے گئے تھے
سی سی پی او لاہور محمد عمر شیخ نے تھانہ ہیر کے انچارج انوسٹی گیشن انسپکٹر محمد اکرم اور اے ایس آئی سلیم کو معطل کر دیا، محمد عمر شیخ نے تھانہ نواب ٹاون کے سب انسپکٹر آصف بٹ کو بھی معطل کلوز لائن کر دیا، انسپکٹر اکرم اور اے ایس آئی محمد سلیم کو ایس انوسٹی گیشن کینٹ کی سپیشل رپورٹ پرمطل و کلوز لائن کیا گیا،
تھانہ نواب ٹاون کے سب انسپکٹر آصف بٹ کو ناقص تفتیش پر معطل و کلوز لائن کیا گیا ،آصف بٹ نے طمع نفسانی کی خاطر ملزمان کو فائدہ پہنچایا، جس سے ملزمان باآسانی ضمانتوں پر رہا ہوگئے، ملزمان حمزہ شمس، اشفاق احمد اور سلمان خان کےخلاف تھانہ نواب ٹاون میں زیر دفعہ 448/511/148/149 ت پ مقدمہ درج تھا،
قبضہ گروپوں اور ان کی پشت پناہی کرنے والوں کےخلاف زیر ٹولرنس پالیسی ہے،شہریوں کے جان و مال کے تحفظ کو ہر ممکن یقینی بنایا جائے گا، سی سی پی او لاہور
ناقص تفتیش کرنے والے افسران کسی رعائت کے مستحق نہیں،
ادب و ثقافت کے فروغ کیلئے الحمراء اور والڈ سٹی آف لاہور اتھارٹی میں باہمی مفاہمت کی یاداشت پردستخط،ایگزیکٹوڈائریکٹر الحمراء ثمن رائے اور ڈی جی والڈ سٹی آف لاہوراتھارٹی کامران لاشاری نے ایم اویو پر دستخط کئے،چیئر پرسن بورڈآف گورنر منیزہ ہاشمی کی تقریب میں خصوصی شرکت
الحمراء نے ایک نیا قدم اٹھایا ہے جس کے مثبت اثرات برآمد ہونگے۔چیئر پرسن الحمراء
اپنے تجربات کو خوبصورت ملکی تشخص کو نمایاں کرنے پر صرف کر رہے ہیں۔ڈائریکٹر جنرل والڈ سٹی آف لاہور اتھارٹی کامران لاشاری نے مزید بتایا،والڈ سٹی آف لاہور اتھارٹی الحمراء کے آرٹسٹوں کو اپنا پلیٹ فارم مہیا کرے گی۔باہمی اشتراک سے زیادہ سے زیادہ ثقافتی سرگرمیوں کے انعقاد کے مواقع میسرآئنیگے۔ایگزیکٹوڈائریکٹر الحمراء نے کہاکہ زندہ د لان لاہور کے سامنے ملک بھر کی ثقافت کو اجاگر کیا جائے گا۔ ثمن رائےفنون لطیفہ کے تمام شعبوں کی ترویج وترقی پائیدار اور خوبصورت معاشرہ کی ضامن ہے۔ذوالفقار علی زلفی ایم اویو میں دونوں اداروں کے باہمی تعاون سے فائدہ اٹھانے کا اعادہ
آرٹ اینڈ کلچر کے صف ِاول کے دو اداروں،لاہور آرٹس کونسل الحمراء اور والڈ سٹی آف لاہور اتھارٹی کے مابین مفاہمت کی یاداشت پر دستخط کئے گئے۔ایگزیکٹوڈائریکٹر الحمراء ثمن رائے اور ڈائریکٹر جنرل والڈ سٹی آف لاہوراتھارٹی کامران لاشاری نے ایم ا ویو سائن کیا۔چیئر پرسن بورڈآف گورنز لاہورآرٹس کونسل الحمراء منیزہ ہاشمی نے تقریب میں خصوصی شرکت کی۔تقریب میں دوطرفہ سطح پر زبان وادب،تہذیب وثقافت،اپنی رسوم ورواج،اقدار،فکر وسوچ کو اجاگر کرنے پر تفصیلی تبادلہ خیال کیا گیا اور ممکنہ شعبوں کی نشاندہی کی گئی جن پر کام کرنے کی اشد ضرورت ہے،اعلی سطحی اجلاس میں ڈائریکٹر الحمراء ذوالفقار علی زلفی،اسسٹنٹ ڈائریکٹر ایڈمن خرم نویل، ڈائریکٹر پی آرتانیہ ودیگر افسران نے شرکت کی۔چیئر پرسن لاہورآرٹس کونسل الحمراء نے اس موقع پر کہا کہ الحمراء نے ایک نیا قدم اٹھایا ہے جس کے مثبت اثرات برآمد ہونگے۔
ڈائریکٹر جنرل والڈسٹی آف لاہوراتھارٹی کامران لاشاری نے اپنے تاثرات میں کہا کہ آرٹ اینڈ کرافٹ، سیاحت کا جزولازم ہے،والڈ سٹی آف لاہوراتھارٹی الحمراء کے آرٹسٹوں کو اپنا پلٹ فارم مہیا کرئے گی۔ایگزیکٹوڈائریکٹر الحمراء ثمن رائے تقریب کے اختتام پر اپنے خیالات کا اظہار کرتے ہوئے کہا کہ باہمی اشتراک سے زیادہ سے زیادہ تقافتی سرگرمیوں کے انعقاد کے مواقع میسرآئنیگے،زندہ دلان لاہور کے سامنے ملک بھر کی ثقافت کو اجاگر کیا جائے گا۔
اس موقع پر ڈائریکٹر آرٹ اینڈ کلچر ذوالفقار علی زلفی نے کہا کہ فنون لطیفہ کے تمام شعبوں کی ترویج وترقی پائیدار اور خوبصورت معاشرہ کی ضامن ہے۔ایم اویو میں دونوں کے اداروں کا باہمی تعاون سے فائدہ اٹھانے کا اعادہ کیا گیا۔اس موقع پر دو طرفہ سوونئیر کا تبادلہ کیا گیا۔
ایس پی صدرانویسٹی گیشن محمد عیسیٰ خان کی سربراہی میں گرین ٹاؤن پولیس کی کارروائی۔26سالہ زنیرہ کی خودکشی کا ڈراپ سین، بیوی کو فائر مار نے والاشوہر اسد خالق گرفتار،ملزم اسد خالق نے 3 ماہ قبل اپنی بیوی مقتولہ زونیرہ کو معمولی تلخ کلامی پرپسٹل سے فائر مارقتل کر دیا تھا۔
ملزم اسد خالق اور مقتولہ زنیرہ کو میکے جانے سے منع کرتا تھا جس پردونوں میں اکثر لڑائی جھگڑا رہتا تھا۔ وقوعے کے روز صبح 5 بجے دونوں میں جھگڑا ہوا جس پر ملزم اسد خالق نے طیش میں آکر بیوی پر پسٹل سے فائر کیا۔
فائر مقتولہ زونیرہ کے سینے میں لگا جس سے اس کی موقع پر موت واقع ہو گئی تھی۔مقتولہ کے قتل کے بعد ملزم اسد خالق کی بہن نے 15 پر زنیرہ کی خودکشی کی کال کر دی تھی۔انچارج انویسٹی گیشن گرین ٹاؤن مقصود احمدنے اپنی ٹیم کے ہمراہ مختلف شواہد کی روشنی میں ملزم کو گرفتار کیا۔ایس ایس پی انویسٹی گیشن لاہور کی طرف سے اپنی بیوی کو قتل کرنے والے ملزم کی گرفتاری پر پولیس ٹیم کو شاباش۔
جامعہ اسلامیہ منہاج القرآن کے زیر اہتمام ’’مفتی کورس‘‘ کا اجراء،دو سالہ مفتی کورس کا نام’’ التخصص فی الفقہ‘‘ رکھا گیا ہے :ڈاکٹر ممتاز الحسن باروی نے تفصیلات بتاتے ہوئے کہا کہ مسلک سے بالاتر مفتی کورس کا نصاب مصر،سوڈان ، تیونس کے سکالرز پڑھائیں گے،مفتی کورس کا نصاب شیخ الاسلام ڈاکٹر محمد طاہر القادری کی سرپرستی میں ترتیب دیا گیا ہے
جامعہ اسلامیہ منہاج القرآن کے زیر اہتمام دو سالہ مفتی کورس کا اجرا کر دیا گیا ہے ۔ دو سالہ مفتی کورس کا نام’’ التخصص فی الفقہ‘‘ رکھا گیا ہے ۔ مفتی کورس کے حوالے سے کالج آف شریعہ اینڈ اسلامک سائنسز کے پرنسپل ڈاکٹر ممتاز الحسن باروی نے تفصیلات بتاتے ہوئے کہا کہ مسلکی سوچ سے بالاتراس مفتی کورس کے نصاب کو مصر،سوڈان اور تیونس کے سکالرز پڑھائیں گے ۔ انہوں نے بتایا کہ پوری دنیا میں حلال انڈسٹری فروغ پذیر ہے اور اس کےلئے کوالیفائیڈ شریعہ سکالرز کی ضرورت ہے ۔ ایک مسلمان زندگی میں مختلف نوع کے شرعی و فقہی مسائل سے دوچار ہوتا ہے جن کا تعلق حلال حرام،جائز ناجائز ، عقیدے اورا یمانیات سے ہوتا ہے ۔
انہوں نے کہا کہ جس طرح ہم جسم کو لاحق بیماری کے علاج کےلئے کوالفائیڈ ڈاکٹر اور سرجن کا انتخاب کرتے ہیں اور نیم حکیموں سے بچنے کی ہر ممکن کوشش کرتے ہیں اسی طرح شرعی اور فقہی معاملات میں بھی کوالیفائیڈ سکالرز سے رجوع کرنا ناگزیر ہے ۔ انہوں نے کہا کہ نیم حکیم خطرہ جان ہوتا ہے اسی طرح نامکمل فقہی علم رکھنے والا خطرہ ایمان ہوتا ہے ۔
انہوں نے کہاکہ تحریک منہاج القرآن نے علم و تربیت کے شعبے میں ہمیشہ عصری تقاضوں اور ضروریات کو پیش نظر رکھا ہے مفتی کورس کا اجرا انہی علمی ،دینی کاوشوں کا تسلسل ہے ۔ ڈاکٹر ممتاز الحسن باروی نے بتایا کہ شیخ الاسلام ڈاکٹر محمد طاہر القادری کی فکری رہنمائی ، سرپرستی اور منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کی نگرانی میں سینئرز سکالرز نے بڑی عرق ریزی کے ساتھ مفتی کورس کے نصاب کو حتمی شکل دی ہے ۔
انہوں نے بتایا کہ مفتی کورس کا نصاب ہر نوع کی مسلکی فکر سے بالاتر ہے اسے علمی ،تحقیقی بنیادوں پر ترتیب دیا گیا ہے اور اس بات کو یقینی بنایا گیا ہے کہ مفتی کورس کے فارغ التحصیل سکالرز دنیا کے ہر ملک اور خطے میں اپنی دینی،علمی،فقہی خدمات انجام دے سکیں ۔ انہوں نے مزید کہا کہ عربی اور انگریزی زبانیں اس وقت اقتصادی اور علمی حوالے سے بین الاقوامی رابطے کی زبانیں ہیں ۔ مفتی کورس میں داخل ہونیوالے طلبہ کو مذکورہ زبانوں میں مہارت کےلئے خصوصی لیکچرز اور تربیت بھی دی جائے گی ۔
انہوں نے کہاکہ جدید ذراءع تحقیق کے استعمال کی ٹریننگ مفتی کورس کے تدریسی پروگرام کا جزو لاینفک ہے ۔ انہوں نے بتایا کہ الشہادۃ العالمیہ یا اس کے مساوی ایچ ای سی کی منظور شدہ ڈگری ہولڈرز داخلہ کےلئے اہل ہیں ۔ حتمی داخلہ کےلئے ٹیسٹ اور انٹریو ہو گا ۔ ڈاکٹر ممتاز الحسن باروی نے کہاکہ اپنی نوعیت کے اس منفرد اور پہلے کورس کے داخلے کی نشستیں محدود ہیں ،امیدواروں کےلئے آن لائن رجسٹریشن کی سہولت دستیاب ہے ۔ مزید معلومات کےلئے جامعہ کی ویب ساءٹ;WWW.COSIS.EDU.PK وزٹ کریں ۔ براہ راست 03358583588 نمبرپر فون کر کے معلومات بھی حاصل کی جا سکتی ہیں ۔
معاون خصوصی وزیراعلیٰ پنجاب ڈاکٹر فردوس عاشق اعوان اور ایڈوائزر آصف محمود نے مشترکہ پریس کانفرنس کرتے ہوئے کہا کہناجائز اثاثوں والوں کی تمام تکلیف ذاتی ہے؛ عوام کے درد کا ڈھونگ رچاتے ہیں،ترچھی ٹوپی والی سرکار ایک دھیلے کی کرپشن پر بھاشن دیتے تھے؛ آج اربوں کی ثابت ہوئی،تبدیلی یہ ہے کہ ظل سبحانی کے قبضے سے چھڑا کر سیاحتی مقامات کو عوام کیلئے کھولا،سیاحت کا فروغ وزیراعظم اور وزیراعلیٰ کی ترجیحات میں شامل ہے،معیشت کی بہتری اور استحکام کیلئے ٹورازم نہایت اہمیت کی حامل ہے،ہفتہ رحمت اللعالمین ہماری بخشش کا زریعہ بنے گا،ڈاکٹر فردوس عاشق اعوان نے سروسز ہسپتال میں چوہدری شجاعت حسین کی عیادت کی
پاکستان اور پنجاب سیاحتی مقامات کے حوالے سے دنیا میں اپنی پہچان رکھتے ہیں۔پہلی حکومت ہے جو سیاحت کو اولین ترجیحات میں رکھتی ہے اور تاریخ کی پہلی سیاحتی پالیسی تشکیل دی۔تحریک انصاف کی حکومت میں تبدیلی یہ آئی ہے کہ ظل سبحانی اور اولاد و خاندان سے قبضہ چھڑوا کر سیاحتی مقامات کے ریسٹ ہاؤسز عوام کیلئے کھولے۔ ترچھی ٹوپی والی سرکار ایک دھیلے کی کرپشن ثابت کرنے کا کہتے تھے یہاں تو نیب نے اربوں کی منی لانڈرنگ دکھا کر انکا اصل چہرہ بے نقاب کیا۔ان خیالات کا اظہار معاون خصوصی وزیراعلیٰ پنجاب ڈاکٹر فردوس عاشق اعوان نے ایڈوائزر برائے سیاحت آصف محمود کے ہمراہ ڈی جی پی آر میں پریس کانفرنس سے خطاب میں کیا۔
اس موقع پر آصف محمود کا کہنا تھا کہ ہماری حکومت نے پنجاب میں پہلی بار سیاحتی پالیسی متعارف کروائی۔انہوں نے بتایا کہ پنجاب بھر میں 176 سیاحتی مقامات پر موجود ریزارٹس اور ریسٹ ہاؤسز کو مراعات یافتہ طبقے سے چھڑوا کر عوام کیلئے کھولا۔ورلڈ بینک اور دیگر عالمی اداروں کی مشاورت سے پنجاب میں 8 نئے سیاحتی مقامات پر ماسٹر پلاننگ اور فیزبیلٹی پر کام کر رہے ہیں۔لاہور اور ٹیکسلا میوزیم کو بھی اپ گریڈ کر رہے ہیں۔سیاحت کے فروغ کیلئے پبلک پرائیویٹ پارٹنر شپ کے ماڈل کو اپنا رہے ہیں تاکہ بہترین نتائج برآمد ہوں۔
ڈاکٹر فردوس عاشق اعوان نے کہا کہ وہ جو انگلی ہلا ہلا کر کہتے تھے کہ اگر ایک دھیلے کی کرپشن ثابت ہو جائے تو سزا بھگتنے کیلئے تیار ہوں آج نیب کورٹ میں انکی کرپشن کی تمام داستانیں بیان ہوئیں۔آج ترچھی ٹوپی والی سرکار پر فرد جرم عائد ہو گئی جس کے بعد عوام کے سامنے انکا اصل چہرہ ظاہر ہو گیا ہے۔ آج کھربوں کی منی لانڈرنگ میں ملوث خاندان کی نقاب کشائی ہوئی ہے۔ان لوگوں کو قوم کا درد نہیں تھا یہ ذاتی درد ہے جو پی ڈی ایم کی شکل میں نظر آ رہا ہے۔ جو شخص جتنا زیادہ عوام کے غم میں نڈھال نظر آ رہا ہے اسے اپنے ناجائز اثاثوں اور زرائع آمدن کی اتنی ہی زیادہ پریشانی لاحق ہے۔ انہوں نے کہا کہ سابقہ حکومتیں عوام کا پیسہ ذاتی عیاشیوں پر خرچ کرتے رہیں۔ ایک قبضہ گروپ کی طرح انہوں نے عوام کے پیسوں پر قبضہ کیا ہوا تھا۔ سیاحت کے لئے قائم ریزوٹس پر عوام کی رسائی نہیں تھی لیکن اب تبدیلی کے ثمرات عوام تک منتقل کر رہے ہیں۔ پنجاب حکومت نے ہفتہ رحمت اللعالمین منانے کا اعلان کیا جو ہماری بخشش کا باعث بنے گا. بعدازاں ڈاکٹر فردوس عاشق اعوان نے سروسز ہسپتال میں سابق وزیراعظم و قائد پاکستان مسلم لیگ چوہدری شجاعت حسین کی عیادت کی۔
اس موقع پر میڈیا سے گفتگو میں انہوں نے کہا کہ چوہدری شجاعت حسین کی جلد صحتیابی کیلئے دعاگو ہیں۔ڈاکٹر فردوس عاشق اعوان نے کہا کہ یہ دیکھ کر دلی تسلی ہوئی کہ چوہدری شجاعت روبہ صحت ہیں۔سیاست میں بردباری اور رکھ رکھاؤ چوہدری شجاعت کی پہچان ہے اور پاکستانی سیاست کو صحت مند توانا رکھنے کیلئے چوہدری شجاعت جیسے بردبار سیاست دان ضروری ہیں۔
گورنر بلوچستان امان اللہ یاسین زئی نے کہا ہے کہ پاکستان اور چین عرصہ دراز سے دوستی کے گہرے رشتے میں بندھے ہوئے ہیں. چين کے تعاون سے پاک چین فرینڈشپ ہیلتھ کیئر سینٹر کا قیام اور اس کو شہدائے آٹھ اگست کے نام سے منسوب کرنا لائقِ تحسین عمل ہے. گورنر یاسین زئی نے کہا کہ صحت کے شعبے میں ہیلتھ کیئر سینٹر کی سہولت کی فراہمی پر ہم چین کے مشکور ہیں.
ان خیالات کا اظہار انہوں نے بدھ کے روز ریڈ کریسنٹ سوسائٹی بلوچستان میں پاک چین فرینڈشپ ہیلتھ کیئر سینئر کی افتتاحی تقریب کے شرکاء سے خطاب کرتے ہوئے کیا. پاک چین دوستی ہیلتھ کیئر سینئر کی افتتاحی تقریب کے شرکاء سے خطاب کرتے ہوئے گورنر بلوچستان نے اس بات پر یقین کا اظہار کیا کہ آنے والے دنوں میں ریڈ کریسنٹ سوسائٹی کے زیر اہتمام ہیلتھ کیئر سینٹر بہت جلد فعال ہوگا اور صوبے بھر کے لوگ اس سے بھرپور طریقے سے مستفید ہونگے.
انہوں نے کہا کہ ہمارا صوبہ ملک کے دیگر صوبوں کے مقابلے میں پیچھے رہ گیا ہے اور یہاں گذشتہ کئی دہائیوں میں جو کچھ کرنا چاہئے تھا وہ بدقسمتی سے نہیں کیا گیا. گورنر یاسین زئی نے کہا کہ ہماری بھرپور توجہ اور مسلسل جدوجہد سے ریڈ کریسنٹ سوسائٹی کا ادارہ کافی فعال ہوچکا ہے. انہوں نے ریڈ کریسنٹ سوسائٹی بلوچستان کے پلیٹ فارم سے کورونا جیسی عالمی وباء سمیت مختلف حوالوں سے کی گئیں کاوشوں کو سراہا. گورنر یاسین زئی نے کہا کہ آٹھ اگست 2016 ہماری تاریخ کا وہ سیاہ ترین دن ہے جس دن ہم صوبے کے بہت سے سینئر وکلاء سے محروم ہوگئے.
افتتاحی تقریب سے چئیرمین پاکستان ریڈ کریسنٹ سوسائٹی ابرار الحق، ہلال احمر بلوچستان کے سربراہ ایڈووکیٹ اکرم شاہ اور پی ٹی آئی کے مشیر برائے پاک چین تعاون بایزید خان کاسی نے بھی کے شرکاء سے خطاب کیا. افتتاحی تقریب کے اختتام کے موقع پر شرکاء، معذور افراد اور سکول کے بچوں میں شیلڈز، ویل چیئرز اور بیگز تقسم کئے گئے.