Tag: strike

صدر مملکت ڈاکٹر عارف علوی/خطوط

صدر مملکت ڈاکٹر عارف علوی نے میڈیا کے نام خطوط ارسال کردیے،صدر عارف علوی نے اپنے خطوط میں کہا کہ افراد باہم معذوری کے حقوق کے متعلق لوگوں میں آگاہی پیدا کرنے کی ضرورت ہے، پاکستان میں تقریباً 15 فیصد افراد مختلف قسم کی معذوری کا شکار ہیں،

خصوصی افراد کو تعلیم کی کمی ، روز گار اور عوامی مقامات تک رسائی میں مشکلات کا سامنا کرنا پڑتا ہے ، معذور افراد کی فلاح و بہبود ایک بڑا چیلنج ، معاشرے کے تمام طبقات کو کام کرنے کی ضرورت ہے، حکومت خصوصی افراد کو مالی طور پر خود مختار کرنے اور تعلیمی اداروں اور ملازمت کی جگہوں تک رسائی دینے کے لئے اقدامات کر رہی ہے،معاشرے کو خصوصی افراد کے حقوق اور مسائل کے بارے میں احساس دلانے کی ضرورت ہے،

صدر عارف علوی نے مزید کہا کہ خصوصی افراد کی فلاح و بہبود اور معاشرتی رویوں میں بہتری لانے میں میڈیا کردار ادا کر سکتا ہے، میڈیا نے بریسٹ کینسر اور کورونا وبا کے بارے میں آگاہی پیدا کرنے میں مثالی کردار ادا کیا ،امید ہے کہ میڈیا خصوصی افراد کے حقوق کے فروغ میں ایک بار پھر تعاون کا مظاہرہ کرے گا،

 ن لیگی  حکومت نے عوامی ٹیکسوں  کے پیسوں سے تحریک انصاف  کے خلاف اشتہاری مہم چلائی، ڈاکٹر فردوس عاشق نے پریس کانفرنس میں کہا کہ عمران خان نے گلے سڑے نظام کو چیلنج کیا، بد قسمتی سے پاکستان میں اداروں کی بجائے شخصیات کو مضبوط کیا گیا،  پنجاب روزگار سکیم بزدار حکومت کا زبردست اقدام ہے،  ایک لاکھ سے ایک کروڑ تک  قرضے دیئے جا رہے ہیں۔معاون خصوصی کا آؤٹ ڈور ایڈورٹائزنگ ایسو سی ایشن کی تقریب سے خطاب اور میڈیا سے گفتگو

معاون خصوصی وزیر اعلیٰ پنجاب ڈاکٹر فردوس عاشق اعوان نے کہا ہے کہ پنجاب روزگار سکیم  بزدار حکومت کا ایک اور زبردست اقدام ہے جس کے تحت ایک لاکھ سے ایک کروڑ روپے تک کے آسان قرضے دیئے جارہے ہیں۔  اس سکیم کے تحت 30 ارب روپے سے زائد کے آسان قرضے  جا کئے جا رہے ہیں جس سے 16 لاکھ سے زائد لوگوں کو  روزگار ملے گا۔

ان خیالا ت کا اظہار انہوں نے آج لاہور چیمبر آف کامرس میں آؤٹ ڈور ایڈور ٹائزنگ ایسوسی ایشن کے زیر اہتمام منعقدہ تقریب کے موقع پر میڈیا سے گفتگو کرتے ہوئے کیا۔ اس موقع پر ایسوسی ایشن کے عہدیداران بھی موجود تھے۔ڈاکٹر فردوس عاشق نے کہا کہ وزیر اعلیٰ پنجاب  نے آؤٹ ڈور ایڈورٹائزنگ ایسوسی ایشن کا کرونا کے باعث اپریل سے جون تک ٹیکس سے استثنیٰ  دینے کا مطالبہ تسلیم کر لیا ہے۔ سمری ارسال کر دی گئی ہے اس ضمن میں جلد  نوٹیفکیشن جاری کر دیا جائے گا۔

انہوں نے کہا کہ حکومت پنجاب ایسو سی ایشن کی جانب سے پی ایچ اے کے ریٹس میں کمی  کے مطالبے پر بھی سنجیدگی سے غور کر رہی ہے ڈاکٹر فردوس عاشق نے کہا کہ بزدار حکومت نے پاکستان کی تاریخ میں پہلی بار جامع اور مربوط صنعتی پالیسی  تشکیل دی۔ ناجائز منافع خوری کے خاتمے  اور مہنگائی پر قابو پانے کیلئے  انسداد ذخیرہ اندوزی آرڈینس2020 کا اجراء کیا گیا جبکہ صوبے بھر میں تقریباً 362 سہولت بازار قائم کئے گئے۔ صارفین کے حقوق کے تحفظ کے لئے  17 اضلاع میں صارف عدالتوں کا قیام  عمل میں لایا گیا۔

سرگودھا، میانوالی، ڈیرہ غازیخان، ملتان، چکوال،بہاولنگر،جہلم،چنیوٹ،بہاولپور،سیالکوٹ،راولپنڈی،گجرات،اورراجن پور میں کاٹیج انڈسٹری کی بحالی کا بڑا پروگرام شروع کردیا گیا ہے۔
میڈیا سے گفتگو کرتے ہوئے معاون خصوصی نے کہا کہ مولانا فضل الرحمان کی اصلیت ان کے گھر  والوں نے ہی بیان کر دی۔ انہوں نے کہا کہ مولانا شیرانی کے بیان نے پی ڈی ایم کا پول کھول دیاہے۔ انہوں نے مولانا فضل الرحمان کا اصل چہرہ قوم کو دکھایا جو اپنے ذاتی مفادات کیلئے بھاری رقم وصول کر کے عمران خان کے خلاف سازش کر رہے ہیں۔ مولانا فضل الرحمان کو چاہیے کہ حکومت کے خلاف تحریک چلانے کے بجائے نیب کے سوالوں کا جواب اور اپنی کرپشن کا حساب دیں۔  معاون خصوصی نے کہا کہ مریم نواز کرپشن کی راجکماری ہیں اور وہ ووٹ کی طاقت سے منتخب ہونے والے نمائندوں کا مقابلہ نہیں کر سکتیں۔  

اپوزیشن پاکستان کو سیاسی طور پر غیر مستحکم کر نے کے مشن پر ہے تاکہ ملک کو معاشی طور پر نقصان پہنچایا جائے۔ وزیر اعظم عمران خان نے گلے سڑے نظام کو چیلنج کیا۔ تحریک انصاف سٹیٹس کو اور مافیاز کے خلاف بر سر پیکار ہے۔ رنگ باز، شو باز اور خود نمائی کرنے والے شاہی خاندان نے عوام کے ٹیکسوں کے پیسے سے تحریک انصاف  کے خلاف میڈیا پر اشتہاری مہم چلائی۔ ا س کے باوجودموجودہ حکومت نے میڈیا کے تمام واجبات ادا کئے۔ شوباز شریف پنجاب کو 1200ارب کا مقروض کر کے گئے جوتحریک انصاف کی حکومت نے  ادا کیا۔انہوں نے کہا کہ بد قسمتی سے پاکستان میں شخصیات کو مضبوط کیا گیا اور اداروں کو جان بوجھ کر کمزور کیا گیا تاکہ قانون کو اپنے  تابع رکھا جا سکے جبکہ تحریک انصاف کی حکومت اداروں کے  استحکام اور قانون کی بالا دستی کے بیانیہ کے ساتھ کھڑی ہے۔

قبل ازیں معاون خصوصی نے وزیر اعلیٰ پنجاب کی  نمائندگی کرتے ہوئے  90شاہراہ قائد اعظم پر یونیورسٹی آف انجینئرنگ اینڈ ٹیکنالوجی کو سولر انرجی پر منتقل کرنے  کی تقریب سے خطاب کرتے  ہوئے پنجاب کا سولرآئزیشن  کے نئے جدید دور میں شامل ہونا خوش آئند ہے۔ حکومت پنجاب سالانہ 36ارب سے زائد سرکاری عمارتوں کو بجلی کی فراہمی پر خرچ کرتی ہے۔ اس مد میں خطیر رقم بچانے کیلئے بجلی کے متبادل
 ذرائع استعمال کرنے کا نہ صرف فیصلہ کیا گیا بلکہ  اس پر عمل در آمد شروع کر دیا گیا ہے۔  انہوں نے کہا کہ آج حکومت پنجاب کی جانب سے 10سرکاری یونیورسٹیوں کو شمسی توانائی پر منتقل کرنے  سے سالانہ ایک ارب جبکہ معاہدے کی معیاد کی تکمیل تک 25 ارب روپے  کی بچت  ہو گی۔

کراچی پولیس آفس میں کرسچن کمیونٹی کے مذہبی تہوار کرسمس اور بانی پاکستان قائد اعظم محمد علی جناح کے یوم پیدائش پر مزار قائد اور شہر میں سکیورٹی کے حوالے سے اہم اجلاس۔

25 دسمبر کے روز مزار قائد اور شہر بھر میں سکیورٹی کے انتظامات کے حوالے سے تمام ڈسٹرکٹ ایس ایس پیز نے بریفنگ دی۔
مزار قائد اور اطراف کے علاقوں میں چالیس تربیت یافتہ پولیس اہلکاروں پر مشتمل موٹرسائیکل اسکواڈ مستقل بنیادوں پر چوبیس گھنٹے گشت پر مامور ہے۔

بانی پاکستان قائد اعظم محمد علی جناح کے یوم پیدائش کی مناسبت سے مزار پر گارڈز کی تبدیلی اور دیگر تقریبات کی سکیورٹی کیلئے پولیس کی بھاری نفری تعینات کی جا رہی ہے۔مزار قائد کے اطراف بلند عمارتوں پر اسپیشل سکیورٹی یونٹ کے تربیت یافتہ اسنائپرز تعینات کئے جائینگے۔اسپیشل سکیورٹی یونٹ کی SWAT ٹیمیں شہر کے مختلف مقامات پر کسی بھی ناخوشگوار واقعے سے فوری نبٹنے کیلئے موجود رہینگی۔

مزار قائد کے اطراف عوام کو کسی بھی پریشانی سے بچانے اور ٹریفک کو رواں دواں رکھنے کیلئے ٹریفک پولیس کی بھاری نفری موجود رہیگی۔شہر میں کرسمس کے موقع پر گرجا گھروں کی حفاظت و نگرانی کیلئے پولیس کا سکیورٹی پلان ترتیب دیدیا گیا، کراچی پولیس کے تین ہزار سے زائد افسران و جوان سکیورٹی ڈیوٹی سرانجام دینگے۔
کرسچن کمیونٹی کی کرسمس کے موقع پر مذہبی رسومات کا آغاز 24 دسمبر کی رات سے ہو جائے گا، لہذا پولیس کی ڈپلائمینٹ ان تقاریب کی مناسبت کی جائیگی۔

24/25 دسمبر کی شب پولیس کے سینئر افسران کو فیلڈ میں رہ کر سکیورٹی انتظامات کا ازخود جائزہ لینے کے احکامات جاری کئے گئے ہیں۔ 25 دسمبر کی صبح گرجا گھروں کی طرف آنے جانے والے راستوں، گزرگوہوں اور اطراف کی آبادی میں پولیس کی نفری تعینات کی جائیگی تاکہ کرسچن کمیونٹی پورے جوش و خروش سے اپنے مذہبی تہوار کو منا سکیں۔ شراب خصوصی طور پر کچی شراب کی فروخت اور استعمال پر پابندی ہے، لہزا کرسمس کے موقع پر مروجہ قوانین کے تحت شراب/کچی شراب کی خرید و فروخت میں ملوث افراد کیخلاف سخت قانونی کارروائی کی جائیگی۔

*ہوائی فائرنگ ایک جرم ہے*، اس جرم کے مرتکب افراد کیخلاف اقدام قتل سمیت دیگر دفعات کے تحت مقدمات کا اندراج کیا جائیگا، جس کے تحت دس سال قید اور جرمانے کی سزا ہو سکتی ہے، یہ جرم ناقابل ضمانت بھی ہے۔ کرسمس اور نیو ائیر نائٹ پر ہوائی فائرنگ میں ملوث افراد کیخلاف بلا امتیاز سخت قانونی کارروائی کی جائیگی، لہذا عوام سے اپیل ہے کہ ہوائی فائرنگ سے گریز کریں۔
کراچی پولیس شہریوں کے جان و مال سمیت امن و امان کے قیام کیلئے ہر ممکن وسائل بروئے کار لا رہی ہے۔

اجلاس میں ڈی آئی جی ایڈمن ڈاکٹر امین یوسفزئی، ڈی آئی جی ویسٹ عاصم قائمخانی، ڈی آئی جی ایسٹ نعمان صدیقی اور تمام ڈسٹرکٹ ایس ایس پیز نے شرکت کی۔

صوبائی وزیر بلدیات، الیکشنز و دیہی ترقی اکبر ایوب خان سے ڈائریکٹرمحکمہ اطلا عات و تعلقات عامہ خیبرپختونخواہ بہرہ مند درانی کی ملاقات۔

محکمہ اطلاعات وتعلقات عامہ خیبر پختو نخوا کی معاونت سے محکمہ بلدیات کے لیے مخصوص کمیونیکیشن سٹریٹجی بنوائی جائے گی جس سے ڈیپارٹمنٹ کے جاری ترقیاتی منصوبوں اور دیگر پروگراموں سے عوام کو باخبر رکھاجائیگا۔ تاکہ محکمہ بلدیات تک عوام کا براہ راست رابطہ ممکن بنایا جاسکے اور ان کے مسائل ان کے دہلیز پر حل ہوں۔

صوبائی وزیر نے ڈائر یکٹر محکمہ اطلا عات و تعلقا ت عامہ خیبر پختو نخوا بہرہ مند درانی کی صوبے کے لیے صحافت کے میدان میں دیرپا کاوشوں کو سراہا اور امید ظاہر کی کہ محکمہ اطلاعات و تعلقات عامہ انکی راہنما ئی میں مزید کامیابیا ں حا صل کر ے گا۔

وفاقی وزیر داخلہ شیخ رشید نے نیکٹا ہیڈکوارٹر میں پریس کانفرنس کرتے ہوئے کہا کہ نیکٹا کی آج بریفنگ لی ہے ، 2018 کے مقابلے میں ہلاکتوں کمی آئی ہے ، سی پیک کو تھریٹس تھیں نیکٹا نے بروقت اطلاع دی
2 افراد کو لائف تھریٹس ہیں انھیں آگاہ کر دیا ،مولانا فضل الرحمن کو بھی ہائی الرٹ جاری کر دیا گیا

ضمنی الیکشن اگر انہی تاریخوں میں ہورہے جب ان کی لانگ مارچ کی تاریخ ہے ،کووڈ کے باعث لندن اور سعودی عرب کی فلائٹس بند ہوگئیں ،نواز شریف نے اپنی سیاست کو خود دفن کیا ،انھوں آرمی کے جرنلز اور ججز کے ساتھ محاذ آرائی کی ،پی ڈی ایم سینٹ الیکشن میں حصہ لے گی ،اگر پی ڈی ایم نے بائیکاٹ کیا تو حکومت کو تاریخی اکثریت ملے گی

بیجنگ: ہائیر ہاکستان کے سی ای او اور پشاور زلمی کے چیرمین جاویدآفریدی کے لیے ایک اور اعزاز، چین کی حکومت کی جانب سے جاوید آفریدی کے لیے سلک روڈ فرینڈشپ ایمبیسیڈر ایوارڈ دیا گیا ،سلک روڈ فرینڈشپ ایوارڈ کی آن لائن تقریب بیجنگ سے منعقد ہوئی، جاوید آفریدی کو ایوارڈ سے نوازا گیا

جاوید آفریدی آن لائن ایوارڈز میں شریک ہوئے،اس موقع پر جاوید آفریدی کا کہنا تھا کہ ایوارڈ میرے لیے اعزاز اور چین کی حکومت کا شکریہ ادا کرتا ہوں، سلک روڈ فرینڈشپ ایوارڈ پر ایوارڈ جیوری کا بھی شکرگزار ہوں، جاوید آفریدی نے مزید کہا کہ پاک چین لازوال دوستی اور کاروباری روابط کا حصہ بننے پر خوشی ہے، جاوید آفریدی کا کہنا تھا کہ اپنا یہ ایوارڈ پاکستان اور چین کی عظیم دوستی اور شہریوں کے نام کرتا ہوں،

‏سلک روڈ دو ستی کے سفیر کا پہلا اعزاز حاصل کرنا میرے لئے انتہای قابل فخر اور باعث مسرت ہے۔جسکےلئے میں انتظامی کمیٹی اور حکومت چین کا ممنون ہوں۔پاکستان اور چین کے مابین اقتصادی اور ثقافتی روابط کو مزید مستحکم اور مضبوط کرنے کے لئے میری جدوجہد مستقبل میں بھی جاری رہے گی.

سلک روڈ دو ستی کے سفیر کا پہلا اعزاز حاصل کرنا میرے لئے انتہای قابل فخر اور باعث مسرت ہے۔جسکےلئے میں انتظامی کمیٹی اور حکومت چین کا ممنون ہوں۔پاکستان اور چین کے مابین اقتصادی اور ثقافتی روابط کو مزید مستحکم اور مضبوط کرنے کے لئے میری جدوجہد مستقبل میں بھی جاری رہے گی. @zlj517 pic.twitter.com/67xZiqAmK6

— Javed Afridi (@JAfridi10) December 21, 2020

اسلام آباد : وفاقی وزیر کشمیر امور علی امین گنڈا پر اور وفاقی وزیر آبی وسائل فیصل واڈا کی نیوز کانفرنس

پریس کانفرنس سے فیصل واڈا نے خطاب کرتے ہوئے کہا کہ پی ڈی ایم کے اندر ڈرامے بازی چل رہی ہے،سارے سیاسی یتیم ہیں،بھوکے ننگے لوگ سارے سیاست میں آگۓ ہیں،بغیر کاروبار اور نوکریوں کے یہ لوگ ہیں،مولانا بتائیں کہ کشمیر کمیٹی میں آج تک کیا کیا ہے سوائے لوٹ مار کے،

مولانا فضل الرحمن مزہب کے نام پر لوگوں کو گمراہ کررہا ہے،ہم کسی کے مسلمان ہونے پر شک نہیں کررہے،مگر کسی کو مزہب کے نام پر کھلواڑ نہیں کرنے دیں گے،ان سے پوچھے باپ دادا کا کیا کاروبار تھا؟ہم وارننگ دے رہے ہیں کہ مزہب کے نام پر کھلواڑ بند کرو،لوگوں کے خون سے کھیل کر اقتدار نہیں پاؤ گے،

پنجاب اسمبلی میں شور شرابے میں اجلاس ملتوی
ایجنڈا مکمل ہونے پر اسپیکر نے کل دو بجے تک اجلاس ملتوی کیا گیا ،اپوزیش کے گو نیازی گو کے نعرے،رکن قومی اسمبلی عائشہ رجب علی نے اپنا استعفی اسپیکر قومی اسمبلی کو جمع کروا دیا

پنجاب اسمبلی نے پانچ ترمیمی آرڈیننس کی مدت میں توسیع کی منظوری دے دی ،راجہ بشارت نے آرڈیننسز کی مدت میں نوے روز توسیع کی قرارداد پیش کی ،اپوزیشن کا شور شرابہ ،ایجنڈے کی کاپیاں پھاڑ دیں ،شور شرابے میں حکومتی بزنس ایوان میں پیش کیا گیا شوگرفیکٹریز آرڈیننس کی مدت میں توسیع کی قرارداد کثرت رائے سے منظور کر لی گئی ،پنجاب لوکل گورنمنٹ ترمیمی آرڈیننس کی مدت میں بھی توسیع کر دی گئی، دی کمپنیز پرافٹ آرڈیننس کی مدت میں بھی نوے دن کی توسیع کر دی گئی ،پنجاب اووسیز کمیشن ترمیمی آرڈیننس کی مدت میں بھی توسیع دے دی گئی

پنجاب ہوٹلز اینڈ ریسٹورنٹس ترمیمی آرڈیننس بھی ایوان میں پیش کیا گیا پنجاب ٹورسٹ گائیڈ آرڈیننس بھی ایوان میں پیش کیا گیا ،پنجاب بورڈ آف ٹیکنکل ایجوکیشن ترمیمی آرڈیننس بھی اجلاس میں پیش کیا گیا،چار مسودات قانون بھی ایوان میں پیش کر دئے گئے ،دی پنجاب پرائیویٹائزیشن بورڈ بل ،پنجاب ڈرگز بل ایوان میں پیش کر دیا گیا
کام کے مقام پر خواتین کو ہراساں کرنے سے روکنے کا بل بھی ایوان میں پیش کیا گیا ، ساؤتھ پنجاب انسٹی ٹیوٹ آف سائنس اینڈ ٹیکنالوجی ڈیرہ غازی خان کا بل بھی ایوان میں پیش کر دیا گیا

چیئرمین پاکستان پیپلز پارٹی بلاول بھٹو زرداری نےمیڈیا سے گفتگو کرتے ہوئے کہا کہ ‏“پاکستان پیپلز پارٹی ایک خاندان ہے، جس طریقے سے ہمارے بڑوں نے عوام کیلئے جدوجہد کی ہم بھی اسی طرح پاکستان کی عوام کے حقوق کیلئے جدوجہد کرتے رہیں گے۔”

‏“ملک کی 11 جمہوری جماعتیں ایک پلیٹ فارم پر ہیں کہ اس سلیکٹڈ وزیراعظم اور نظام کو نکالنا ہے، تاکہ عوام کے مسائل کو تقویت مل سکے۔”چیئرمین پاکستان پیپلز پارٹی بلاول بھٹو زرداری نے مزید کہا کہ “بات چیت کا وقت اب گزر چکا ہے، بات اب تب ہوگی جب یہ کٹھ پتلی سلیکٹڈ وزیراعظم نہیں ہوگا۔”

باغی ٹی وی کی رپورٹ کے مطابق پیپلز پارٹی کے چیئرمین بلاول زرداری نے کہا ہے کہ کارکنوں کی قربانیوں کو ہمیشہ یاد رکھا جائے گا،

لاہور میں میڈیا سے گفتگو کرتے ہوئے پیپلز پارٹی کے چیئرمین بلاول زرداری کا کہنا تھا کہ ہمارے کارکنوں نے مشکل صورتحال میں ہمارا ساتھ دیا،کسی بھی جماعت کی مضبوطی اس کے کارکن ہوتے ہیں،کارکنوں کے اہل خانہ میں بھی پیپلزپارٹی سے محبت پائی جاتی ہے،دلاور بٹ شہید بینظیر اور ذوالفقار بھٹو کا جیالا تھا، کارکنوں کی قربانیوں کو ہمیشہ یاد رکھا جائے گا، دلاور بٹ لاہور کی گلیوں میں آمروں کا مقابلہ کرتا رہا،حکومت زمینی حقائق سے واقف ہی نہیں حکومت لوگوں کو ایک وقت کی روٹی نہیں دے رہی ،

بلاول زرداری کا مزید کہنا تھا کہ وزیراعظم کے پاس مسائل کا حل نہیں تو مستعفی ہوں، ہم نے اپنے دور میں مشکل حالات میں غریب کو تنہا نہیں چھوڑافوج ،پنشنرز ،غریب اور سرکاری ملازمین کی تنخواہوں میں اضافہ کیا، حکومت کسانوں ،غریبوں اور سرکاری ملازمین کے لیے کیا کررہی ہےہم لانگ مارچ پر ضرور نکلیں گے،ہم غریبوں کوساتھ لیکر جائیں گے،

بلاول زرداری کا مزید کہنا تھا کہ آپ اپنے کسان سے خریداری نہیں کررہے، دنیا سے خریداری کررہے ہیں، لانگ مارچ تو ہونا ہی ہونا ہے،لانگ مارچ کا فیصلہ پی ڈی ایم کرے گا،عوامی طاقت سے اسلام آباد جاکر وزیراعظم سے استعفیٰ چھینں گے،،بات چیت کا وقت ختم ہوچکا ہے ،اب وزیراعظم نہیں بچ سکیں گے،عوام اپنے مسائل حل نہ ہونے پر خودکشیاں کرنے پر مجبور ہیں ،پی ڈی ایم کا حکومت سے کوئی ڈائیلاگ نہیں چل رہا، مذاکرات کا وقت چلا گیا، اب مذاکرات جب ہوں گے تو جب وزیراعظم نہیں ہوگا،اسلام آباد پہنچ کر استعفے چھین کر لیں گے،پیپلز پارٹی کے پاس عوام کے مسائل کا حل ہے ،ہم نے اپنے دور اقتدار میں عوام کو اکیلا نہیں چھوڑا تھا ،

بلاول زرداری کا مزید کہنا تھا کہ شہباز شریف سے تعزیت کے لئے گئے تھے، شہبازشریف سے ملاقات کا جو پروپیگنڈ ا چل رہا ہے وہ تاثرختم ہونا چاہیے، شہبازشریف سے ملاقات میں جوکہا وہ سب کوبتادیا،شہبازشریف سے میڈیا کے ذریعے تعزیت نہیں کرسکتاتھا،اس کے لیے ماحول چاہیے تھا عوام اسلام آباد پہنچیں گے تو یہ وزیراعظم نہیں بچ سکے گا،ہم نے طے کیا ہے کہ حکومتی رویے کےخلاف ہم ڈٹ کرمقابلہ کریں گے ،پی ڈی ایم کی تمام 11جماعتیں متحد ہے ،کوئی اختلاف نہیں ،

‎