اندھیرے میں اسمارٹ فون کا بے تحاشہ استعمال؛ بینائی سے محروم ہونے کا سبب بھی بن سکتا
جہاں ٹیکنالوجی کے استعمال کے ڈھیر سارے فوائد ہیں وہیں اس کا بے جا استعمال انسانی صحت پر شدید نوعیت کے منفی اثرات بھی ڈال سکتا ہے۔ ایسا ہی ایک واقعہ پیش آیا بھارتی شہر حیدرآباد میں جہاں ایک خاتون اسمارٹ فونز کے بہت زیادہ استعمال کے باعث آنکھوں کی بینائی سے محروم ہو گئی۔ بھارتی میڈیا کے مطابق نیورولوجسٹ ڈاکٹر سدھیر کی جانب سے سوشل میڈیا پر بتایا گیا کہ 30 سالہ خاتون اسمارٹ فون کے اندھیرے میں بہت زیادہ استعمال کے باعث آنکھوں کی بینائی سے تقریباً محروم ہو گئی تھی۔
ڈاکٹر سدھیر نے بتایا کہ ان کے پاس ایک خاتون مریضہ نظر کے مختلف مسائل لیکر آئی جس میں دھندلا پن، چیزوں کا عجیب شکل میں نظر آنا اور کسی بھی چیز پر توجہ مرکوز نہ رکھ سکنا شامل تھے، جب خاتون کا طبی معائنہ کیا گیا تو معلوم ہوا کہ اسے اسمارٹ فون ویژن سینڈروم (ایس وی ایس) کا عارضہ لاحق ہے جس میں نظر کمزور ہونے سمیت اندھا ہونے کا خدشہ بھی موجود رہتا ہے۔
مزید یہ بھی بڑھیں؛
ٹوئیٹر بلیو؛ اب ایک ٹوئٹ میں 4 ہزار الفاظ لکھے جا سکیں گے
پی ٹی آئی رہنما عامر ڈوگر کو گرفتار کرلیا گیا
جسم پر ظاہر ہونے والی وہ علامات جو ڈپریشن کا نتیجہ ہوتی ہیں
وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
تحریک انصاف کے صوبائی صدر پرویز خٹک کا الیکشن کمیشن کو خط
وفاقی وزارت خزانہ نے الیکشن کمیشن کے خط کا جواب دے دیا.
میڈیا کے مطابق ڈاکٹر نے بتایا کہ جب متاثرہ خاتون نے اپنے معذور بیٹے کی دیکھ بھال کے لیے نوکری چھوڑی تو اس نے اسمارٹ فون کے استعمال کی عادت اپنا لی جسے وہ رات کے اندھیرے میں بھی دو گھنٹوں تک استعمال کرتی تھی، اندھیرے میں اسمارٹ فون کے استعمال سے خاتون کی بینائی بہت زیادہ متاثر ہونے لگی۔ ڈاکٹر سدھیر نے بتایا کہ میں نے خاتون مریضہ کو دوا دی اور ساتھ میں اسمارٹ فون کی اسکرین کو چھوڑنے کی عادت ڈالنے کی نصیحت بھی کی جس کا فائدہ یہ ہوا کہ ایک ماہ بعد خاتون کی بینائی بہتر ہو گئی اور وہ دوبارہ سے نارمل انسانوں کی طرح ٹھیک سے دیکھنے کے قابل ہو گئی۔
