شمالی کوریا نے طویل فاصلے تک مار کرنے والے بین البراعظمی بیلسٹک میزائل کا تجربہ کیا ہے۔

باغی ٹی وی: غیر ملکی میڈیا رپورٹس کے مطابق شمالی کوریا نے ہفتے کو دارالحکومت پیانگ یانگ کے قریب موجود سائٹ سے میزائل فائر کیا بیلسٹک میزائل 67 منٹ میں 900 کلومیٹر سے زیادہ کی پرواز کرنے کے بعد جاپان کے دریا میں گر گیا۔

پیانگ یانگ کی جانب سے کہا گیا ہے کہ اس تجربے سے ظاہر ہوتا ہے کہ شمالی کوریا امریکا اور جنوبی کوریا جیسی دشمن قوتوں کا مقابلہ کرنے کی صلاحیت رکھتا ہے۔

دوسری جانب شمالی کوریا کی جانب سے جاپان کے مغربی ساحل کے قریب سمندر میں طویل فاصلے تک مار کرنے والے بین البراعظمی بیلسٹک میزائل Hwasong-15 کے تجربے کے ایک دن بعد امریکا اور جنوبی کوریا نے مشقیں کیں-

عالمی خبر رساں ادارے کے مطابق شمالی کوریا کی سرحد کے نزدیک ہونے والی امریکا اور جنوبی کوریا کی مشترکہ فوجی مشقوں میں جدید جنگی بمبار طیاروں نے حصہ لیا، اس مشترکہ فوجی مشق میں جنوبی کوریا کے F-35A اور F-15K جب کہ امریکا کے F-16 لڑاکا اور B-1B بمبار طیاروں نے حصہ لیا۔

دوسری جانب جاپان نے بھی اعلان کیا ہے کہ وہ آج امریکا کے ساتھ ایک مشترکہ فضائی مشق کرے گا جس کا مقصد اپنی ریاست کو محفوظ بنانے کے لیے دفاعی قوت کو مضبوط بنانا ہے۔

1999 کےزلزلے میں پیدا ہونیوالا نوجوان 2023 کے زلزلے میں جاں بحق ہو گیا

شمالی کوریا نے جنوبی کوریا، امریکا اور جاپان کی سالانہ فوجی مشقوں کے باعث ہی دو روز قبل بین البراعظمی بیلسٹک میزائل تجربہ بطور انتباہ کیا تھا جسے جنوبی کوریا اور جاپان خاطر میں نہ لائے۔

جاپان نے شمالی کوریا کی جارحیت پسند فوجی پالیسیوں اور جنگی تیاریوں کے باعث اپنے دفاعی بجٹ میں کئی گنا اضافہ کردیا ہے جب کہ جنوبی کوریا اور امریکا نے شمالی کوریا کو جنگی عزائم سے باز رکھنے کے لیے انتباہ کیا-

پیانگ یانگ نے دھمکی دی ہے کہ شمالی کوریا پر حملہ کرنے کی تیاری کے سلسلے میں شروع ہونے والی ایسی کسی بھی مشقوں کے خلاف بھرپور جوابی کارروائی کریں گے۔

برطانوی اخبار نے مودی حکومت کا گھناؤنا چہرہ بے نقاب کردیا

22 سالہ لڑکی بیٹے کی پیدائش کے بعد فوری طور پر ایمبولینس میں دسویں جماعت کے بورڈ کا امتحان دینے سینٹر پہنچ گئی۔

باغی ٹی وی :تعلیم یقیناً ہماری زندگی کے اہم ترین پہلوؤں میں سے ایک ہے اور ہروالدین کو اس بات کو یقینی بنانا چاہیے کہ ان کا بچہ چاہے لڑکا ہو یا لڑکی مناسب تعلیم حاصل کرے۔ یہ کہنا غلط نہیں ہوگا کہ طالب علم کی زندگی ہماری زندگی کا بہترین وقت ہے لیکن یہ بھی سچ ہے کہ امتحان کا وقت یقیناً مشکل ترین وقت ہوتا ہے کیونکہ طالب علم کے مستقبل کا انحصار امتحانات کے نتائج پر ہوتا ہے۔

لڑکی شادی کا جوڑا پہن کر امتحان دینے پہنچ گئی

اگرچہ وقت بہت بدل چکا ہے پھر بھی کچھ لڑکیاں ایسی بھی ہیں جنہیں اپنی پڑھائی درمیان میں چھوڑنی پڑتی ہے، بعض اوقات اپنی مرضی سے تو کبھی کبھار وہ ایسا کرنے پر مجبور ہوتی ہیں لیکن ریاست بہار کی اس لڑکی نے سب پر واضح کر دیا کہ اس کے لیے تعلیم ہی سب سے ضروری ہے 22 سالہ لڑکی بیٹے کی پیدائش کے بعد فوری طور پر ایمبولینس میں دسویں جماعت کے بورڈ کا امتحان دینے سینٹر پہنچ گئی-

بھارتی میڈیا رپورٹس کے مطابق یہ واقعہ بھارتی ریاست بہار میں پیش آیا جہاں رُکمنی کماری ضلع بانکا کے گورنمنٹ اسکول کی طالبہ تھیں، بدھ کی صبح انہوں نے ایک بچے کو جنم دیا، جس کے تین گھنٹےبعد ڈاکٹروں اوراہلخانہ کے منع کرنےکے باوجود وہ سائنس کا پرچہ دینے سینٹر پہنچ گئیں۔

میڈیا سے گفتگو کرتے ہوئے رُکمنی کماری کا کہنا تھا کہ منگل کے روز میرا ریاضی کا پرچہ تھا، پرچہ دینے کے دوران مجھے تکلیف ہو رہی تھی، گھر آکر بھی تکلیف کم ہونے کے بجائے بڑھ گئی جس کے بعد رات گئے مجھے اسپتال لے جایا گیا جہاں بدھ کی صبح 6 بجے میرے ہاں بیٹے کی پیدائش ہوئی۔

ڈاکٹرز نے بتایا کہ رُکمنی نے ہم سے درخواست کی کہ اسے بورڈ کا امتحان لازمی دینا ہے، جس کے بعد ہم نے ایمبولینس کے ساتھ دو نرسیں اس کے ہمراہ بھیجیں، تاہم اب بچے اور ماں دونوں کی صحت ٹھیک ہے۔

مودی سرکار نے اوچھے ہتھکنڈے استعمال کرتے ہوئے نہرو حکومت میں کیے گئے سیز فائر اور کشمیریوں کو حق خود ارادیت دینے کے وعدوں پر مشتمل دستاویز Bucher Papers کو منظر عام پر آنے سے روک دیا۔

باغی ٹی وی: برطانوی اخبار دی گارڈین میں شائع ہونے والی ایک رپورٹ میں دنیا کی سب سے بڑی جمہوریت ہونے کے دعویدار ملک بھارت کا گھناؤنا چہرہ بے نقاب کردیا گیا۔

دی گارڈین نےاپنی رپورٹ میں کہا کہ بُچرپیپرزجواہر لال نہرو اورسابق بھارتی آرمی چیف کے مابین کشمیر اور سیز فائر کے معاملے پر ہونے والی خط و کتابت پر مشتمل ہیں بھارتی حکومت کشمیر سے متعلق بُچرپیپرزکو منظرِ عام پر آنے سے روکنے کیلئے اوچھے ہتھکنڈے استعمال کر رہی ہے، رائے بُچرنے بھارتی سینا کے گرتے مورال کے باعث نہرو کو مسئلہ کشمیر اقوام ِ متحدہ لے جانے کا مشورہ دیا تھا-

بھارت مسئلہ کشمیر کو پُرامن تصفیہ کیلئے خود اقوامِ متحدہ لے کر گیا لیکن وقت کے ساتھ ساتھ غاصبانہ انضمام کر لیا، 1952میں نہرو نے بھارتی لوک سبھا میں بیان دیا کہ کشمیر کا فیصلہ کشمیری خود کریں گےہم کشمیریوں پر بندوق کی نوک پر اپنی مرضی مُسلط نہیں کریں گے-

گارڈین کی رپورٹ میں انکشاف کیا گیا ہے کہ نہرو میوزیم کے نگراں نریندر مشرہ نے مودی سرکار سے Bucher Papers کو تحقیقی مقاصد کے لیے منظر عام پر لانے کی درخواست اکتوبر 2022 کو تھی۔

تاہم مودی سرکار نے Bucher Papers کو پبلک کرنے کی اجازت دینے سے صاف انکار کردیا۔ بھارتی وزارت خارجہ کا کہنا تھا کہ اس دستاویز کے منظر عام پر آنے سے بھارت کو شدید سیاسی اور خارجی مضمرات کا سامنا کرنا پڑ سکتا ہے۔

بھارتی وزارتِ خارجہ نےکہاکہ بُچرپیپرز کو پبلک کرنےسے بھارت کو شدید سیاسی اور خارجی مضمرات کا سامنا کرنا پڑ سکتا ہے، بھارت عمومی طور پر25سال بعد سرکاری خط و کتابت اور دستاویزات کو ڈی کلاسیفائی کر دیتا ہےماضی میں بھی کئی بار صحافتی تنظیموں اور کارکنوں کی طرف سےبُچرپیپرز پبلک کرنے کی کاوشیں کی جا چکی ہیں دہلی کے نہرو میوزیم میں رکھے گئےبُچرپیپرز مسئلہ کشمیر پر پاکستانی موقف کی تائید کرتے ہیں

کیا مُودی سرکار نے آرٹیکل370کی معطلی سے بھارت کے کشمیریوں سے سابقہ وعدوں کی خلاف ورزی کی؟کیا بھارت طاقت کے زور پر کشمیریوں سے اُن کا حقِ خود ارادیت چھیننا چاہتا ہے؟آخر عالمی میڈیا اور اقوامِ عالم کشمیریوں پر ہونے والے انسانیت سوز مظالم پر کب تک خاموش رہیں گی؟-

خیال رہے کہ اس دستاویز میں 1952 میں کشمیر میں کیے گئے سیز فائر کے بعد اُس وقت وزیر اعظم نہرو کا لوک سبھا میں دیا گیا پالیسی بیان شامل ہے جس میں انھوں نے کہا تھا کہ کشمیر کا فیصلہ کشمیری خود کریں گے۔ ہم کشمیریوں پر بندوق کی نوک پر اپنی مرضی مُسلط نہیں کریں گے۔

برطانوی اخبار نے دعویٰ کیا کہ سیز فائر اور نہرو کے اس بیان کے بعد بھارتی فوج اور حکومت کا مورال پست ہوگیا تھا جس پر اس وقت کے بھارتی آرمی چیف جنرل بوچر رائے نے نہرو کو مسئلہ کشمیر اقوام ِ متحدہ میں لے جانے کا مشورہ دیا تھا۔

آرمی چیف کے مشورے پر بھارت مسئلہ کشمیر کے پُرامن تصفیہ کے لئے اقوامِ متحدہ گیا لیکن وہاں بھی منہ کھانی پڑی اور فیصلہ کشمیریوں کے حق خود ارادیت پر آیا لیکن وقت کے ساتھ ساتھ بھارت نے غاصبانہ طور پر کشمیر کا اپنے ساتھ انضمام کرلیا۔

ویسے تو بھارت ہر 25 سال بعد سرکاری خط و کتابت اور دستاویزات کو ڈی کلاسیفائی کردیتا ہے لیکن پہلے وزیراعظم جواہر لال نہرو اور آرمی چیف جنرل رائے بوچر کے درمیان کشمیر اور سیز فائر پر ہونے والی سرکاری خط و کتابت پر مشتمل دستاویز Bucher Papers کو دبائے بیٹھا ہے۔

ماضی میں بھی کئی بار صحافتی تنظیموں اور کارکنوں کی طرف سے Bucher Papers کو پبلک کرنے کی کاوشیں کی جا چکی ہیں۔

امریکہ کے ایک اعلیٰ عہدہ دار نے انکشاف کیا ہے کہ ماسکو نے یوکرین کی سرزمین پر اپنی جنگ میں چینی ڈرون استعمال کیے تھے۔

باغی ٹی وی: وال سٹریٹ جرنل نےاپنی ایک رپورٹ میں انکشاف کیا ہےکہ امریکی عہدہ دار نے کہا کہ چین کے ڈرونز کیف سے انٹیلیجنس جمع کرتے ہیں انہوں نے کہا وہ حکمت عملی، ٹیکنالوجی اورطریقہ کار کودیکھنے کےقابل ہیں وہ یہ بھی دیکھتے ہیں کہ ڈرون سائبر وارفیئر حملوں کا جواب کیسے دیتے ہیں۔

رپورٹ کے مطابق بڑے پیمانے پرمغربی دباؤ کی مہم کے باوجود جس کا مقصد ماسکو کی جنگ جاری رکھنے کی صلاحیت کو محدود کرنا تھا پینٹاگون کو خدشہ ہے کہ یہ ڈرون نہ صرف روس کی جنگی کوششوں کوہوادیتےہیں بلکہ چین کو میدان جنگ میں اہم انٹیلی جنس معلومات اکٹھی کرنے کا موقع بھی فراہم کر رہے ہیں۔ ڈرون جو سویلین اورفوجی دونوں مقاصد کے لیےاستعمال ہوتے ہیں اکثر تیسرے فریق خریدتے ہیں اور پھر چین سے بھیجے جاتے ہیں۔

امریکی وزیر خارجہ انٹونی بلنکن نے یوکرین جنگ میں روس کی مدد کرنے پر چینی ہم منصب کو نتائج سے خبردار کر دیا۔

باغی ٹی وی: غیر ملکی میڈیا کے مطابق میونخ میں جاری بین الاقوامی سلامتی کانفرنس کی سائیڈ لائن پر امریکی وزیر خارجہ اور ان کے چینی ہم منصب وانگ ژی کے درمیان ایک گھنٹے تک ملاقات ہوئی۔

سینیئر امریکی عہدیدار نے بتایا کہ ملاقات کے دوران امریکی وزیر خارجہ نے جارحانہ انداز میں چینی ہم منصب کو یوکرین جنگ میں روس کی مٹیریل سپورٹ کرنے کے نتائج سے آگاہ کیا۔

اس سے قبل امریکی وزیر خارجہ انٹونی بلنکن نے ایک ٹی وی انٹرویو میں کہا تھا کہ ہمارے پاس اطلاعات ہیں کہ چین کی جانب سے روس کو جنگی مدد فراہم کی جا رہی ہے۔

دوسری جانب چینی وزیر خارجہ وانگ ژی نے یوکرین جنگ پر اپنے رد عمل میں ڈائیلاگ کے ذریعے جنگ کے خاتمے پر زور دیتے ہوئے یورپی ممالک کو ٹھنڈے دماغ سے سوچنے کا مشورہ دیا تھا۔

انہوں نے کسی کا نام لیے بغیر کہا تھا کہ کچھ قوتیں مذاکرات کو کامیاب ہوتا نہیں دیکھنا چاہتیں، یا پھر جنگ کا جلد خاتمہ نہیں چاہتیں۔

واضح رہے کہ دونوں ممالک کے درمیان امریکی فضائی حدود میں مشتبہ چینی غبارہ مار گرانے کے بعد تعلقات کشیدہ ہوگئے تھےامریکا کی جانب سے غبارے کو چینی جاسوس غبارہ قرار دیا جا رہا تھا جبکہ چین کی جانب سے غبارے کے معاملے پر امریکی رد عمل کو اوور ری ایکٹ قرار دیا گیا تھا۔

چین نے غبارے کو جاسوسی کے لیے استعمال کرنے کی تردید کی چین کے مطابق غبارہ موسم کی معلومات جمع کرنے کے لیے استعمال کیا جا رہا تھا اور اپنے راستےسےبھٹک گیا تھاچین کا غبارہ بحراوقیانوس کے اوپر 40 ہزار فٹ کی بلندی پرتھا جب اسےامریکی جنگی طیارے نے مار گرایا تھا،کوئی غلط سوچ نہ رکھے۔ اگر کوئی چیز امریکی شہریوں کے لیے باعث خطرہ بنے گی تو اسے مارگرایا جائے گا۔

جمعہ کو وائٹ ہاؤس میں میڈیا سے گفتگو میں امریکی صدر جو بائیڈن نے دعویٰ کیا تھا کہ چین غبارے کو جاسوس کے لیے استعمال کررہا تھا تاہم شمالی امریکا میں مار گرائے گئے تین اجسام کسی ملک کے لیے جاسوسی نہیں کررہے تھے، غبارے کے معاملے پر چینی ہم منصب شی جن پنگ سے بات کریں گے۔ ہم کوئی نئی سرد جنگ نہیں چاہتے تاہم اس معاملے کی تہہ تک پہنچیں گے۔