Tag: study visa Australia

بھارت میں انکم ٹیکس ٹیموں کا بی بی سی کے دفاتر میں سروے آپریشن، ملازمین کے موبائل فون ضبط کرتے ہوئے انہیں گھر بھیج دیا گیا-

باغی ٹی وی : میڈیا رپورٹس کے مطابق بھارتی انکم ٹیکس ڈپارٹمنٹ کے 15 عہدیداروں کی ایک ٹیم نے منگل کے روز بھارت میں برطانوی نشریاتی ادارے بی بی سی کے دفاترمیں سروے آپریشن کیا یہ کارروائیاں دہلی اور ممبئی کے دفاتر میں کی گئیں۔

یہ پیشرفت ایسے وقت میں سامنے آئی ہے جب چند ہفتے قبل گجرات فسادات کے تناظرمیں بنائی جانے والی بی بی سی کی دستاویزی فلم پر بھارت میں تنازع کھڑا ہوگیا۔

انکم ٹیکس نے بی بی سی کے ملازمین کے موبائل فون ضبط کرتے ہوئے انہیں گھر بھیج دیا ذرائع کا کہنا ہے کہ بی بی سی کے دہلی دفتر یں دوپہر کی شفٹ میں کام کرنے والے ملازمین کو گھر سے کام کرنے کے لیے کہا گیا تھا۔

ذرائع کے مطابق بی بی سی کے دفاترکی تلاشی انٹرنیشنل ٹیکسیشن اور ٹرانسفر پرائسنگ بے ضابطگیوں کے الزامات سے متعلق تھی تلاشی کے وقت دفتر کے احاطے میں فنانس ڈیپارٹمنت کے عہدیداروں کے ساتھ اردو سروسز کے دو افراد موجود تھے۔

بی بی سی کے دفاتر میں سرچ آپریشن پر سیاسی رہنماؤں کی جانب سے بھی ردعمل دیا گیا-

بابری مسجد کیس کا فیصلہ سنانے والے ججوں پرنوازشات

यहां हम अडानी के मामले में JPC की मांग कर रहे हैं और वहां सरकार BBC के पीछे पड़ी हुई है।

'विनाशकाले विपरीत बुद्धि'

: @Jairam_Ramesh जी pic.twitter.com/PvQ57tMTVP

— Congress (@INCIndia) February 14, 2023

بھارتی اپوزیشن جماعت کانگریس نے بی بی سی کے دفتروں میں آئی ٹی عہدیداروں کے پہنچنے پر رد عمل میں کہا کہ حکومت بی بی سی کے پیچھے ہےاور ہم اڈانی کے عملے پر جے پی سی (مشترکہ پارلیمانی کمیٹی) کا مطالبہ کررہے پارٹی نے اے آئی سی سی کے جنرل سکریٹری جے رام رمیش کی ویڈیو بھی شیئرکی ۔

At the time India holds the Presidency of the G-20 nations, PM Modi continues to brazenly show India’s slide into authoritarianism and dictatorship. Raids on BBC, clean chit to Adani, tax cuts for rich, people’s homes being bull dozed, inequality and unemployment on the rise.

— Gaurav Gogoi (@GauravGogoiAsm) February 14, 2023

کانگرسی رہنما گوروگگوئی نے اپنی ٹویٹ میں لکھا کہ جس وقت ہندوستان کے پاس G-20 ممالک کی صدارت ہے، وزیر اعظم مودی بے شرمی سے ہندوستان کو آمریت کی طرف لے جانے کا مظاہرہ کررہے ہیںبی بی سی پر چھاپے، اڈانی کو کلین چٹ، امیروں کے لیے ٹیکسوں میں کٹوتی، لوگوں کے گھروں کو نقصان پہنچایا جا رہا ہے، عدم مساوات اور بے روزگاری میں اضافہ ہو رہا ہے۔

ورجن اٹلانٹک کا لاہور اور اسلام آباد کے درمیان اپنی سروس معطل کرنے کا اعلان

پی ڈی پی سربراہ محبوبہ مفتی نے لکھا کہ بی بی سی دفتر پر چھاپوں کی وجوہات اور اثرات بالکل واضح ہیں۔بھارتی سچ بولنے والوں کا بے شرمی سے تعاقب کر رہی ہے۔ چاہے وہ حزب اختلاف کے رہنما ہوں، میڈیا ہوں، کارکن ہوں یا کوئی اور۔ سچائی کے لیے لڑنے کی قیمت ادا کرنی پڑتی ہے-

اس سے قبل 11 فروری کو بھارتی سپریم کورٹ نے وزیراعظم مودی پربنائی گئی بی بی بی سی کی دستاویزی فلم پر پابندی کی درخواست مسترد کی تھی ہندوانتہا تنظیم کی اس درخواست میں بی بی سی کی رپورٹنگ اوردستاویزی فلموں کوبھارت کیخلاف قرار دے کرمکمل پابندی کی استدعا کی گئی تھی تاہم بھارتی سپریم کورٹ نے درخواست کو غلط فہمی اورمیرٹ کیخلاف قراردیتے ہوئےدرخواست جمع کروانے والی تنظیم کے صدر کی سرزنش بھی کی تھی-

ترکیہ اور شام میں 6 فروری کو آنے والے 7.8 شدت کے زلزلے سے اموات کی تعدا 37 ہزار سے زیادہ ہوگئیں-

تفصیلات کے مطابق ترکیہ اور شام میں زلزلے سے اموات میں روز بروز اضافہ ہوتا جارہا ہے، آٹھ روز بعد بھی ملبے تلے زندگی کی تلاش جاری ہے،ترکیہ اور شام میں زلزلے سے اموات کی تعداد 37 ہزار سے تجاوز کر گئی ، ترکیہ میں 31ہزار 643 اور شام میں 4ہزار 581 افراد جان سے گئے متاثرہ علاقوں میں تعفن بھی پھیلنے لگا، ماراش میں پانچ ہزار افراد کی اجتماعی تدفین کردی گئی۔

ترکیہ میں 5 ہزار افراد کی لاشیں اجتماعی قبروں میں دفن

ترکیہ کے بعض متاثرہ علاقوں میں پانی کی قلت ہوگئی جبکہ صحت و صفائی کے مسائل کا بھی سامنا ہے، اس کے علاوہ وبائی امراض بھی پھیلنے لگے ، متاثرین کی جانب سے جلد کی بیماریاں اور ڈائریا کی شکایات سامنے آئی ہیں۔

ادھر شام میں حالات انتہائی سنگین ہو گئے، اقوامِ متحدہ کا ایک اور امدادی قافلہ شام پہنچ گیا ہے۔

دوسری جانب ورثا اب بھی اپنے پیاروں کی زندگی کی آس لگائے ملبے کے ڈھیر پر بیٹھے ہیں، آٹھ روز بعد بھی ملبے تلے زندگی کے آثار موجود ہونے پر ریسکیو ورکرز حیران رہ گئے ترک میڈیا کے مطابق ریسکیو اہلکاروں نے صوبے Gaziantep میں زلزلے کے نتیجے میں تباہ شدہ عمارت کے ملبے سے معجزاتی طور پر 9 سالہ بچے کو زلزلے کے تقریباً 155 گھنٹے بعد زندہ نکال لیا۔

رپورٹس میں بتایا گیا کہ 6 دن سے زائد ملبے تلے بھوکا پیاسا پھنسے رہنے کے بعد بچے نے ریسکیو اہلکاروں کو دیکھتے ہی مختلف فرمائشیں کیں،ملبے سے زندہ نکلنے کے بعد بچے نے بظاہر اسٹریچر پر لیٹے ہوئے ہی ریسکیو اہلکاروں سے درخواست کی کہ میرے لیے اسٹرابیری ذائقے والی آئسکریم لے کر آئیں،اس کے علاوہ اس نے 5 گیلن پانی لانے کی بھی فرمائش کی۔

ترکیہ زلزلہ: کورولش عثمان کے اداکار اہلیہ سمیت ملبے تلے دب کر انتقال کرگئے

جب ریسکیو اہلکاروں نے بچے سے پوچھا کہ کیا تم اتنا سارا پانی پی لو گے ؟ تو اس نے جواب دیا کہ جی پی لوں گا، مجھے بہت پیاس لگی ہے۔ساتھ ہی اس نے سوال بھی کیا کہ میں کتنے دن تک ملبے تلے رہا؟

جبکہ حاطے میں آٹھویں روز بارہ سال کے بچے کو نکال لیا گیا جبکہ 171گھنٹوں بعد ملبے تلے چھ سال کی بچی زندہ نکل آئی 181 گھنٹوں بعد دو بھائیوں کو ریسکیو کر لیا گیا، زلزلے میں بچ جانےوالےوالد اپنی بیٹی سے ایک ہفتے بعد ملے تو رو پڑے اس سے قبل ترکیہ میں 140 گھنٹے بعد 7 ماہ کے بچےکو ملبے سے نکال لیا گیا، اس کے علاوہ 136 گھنٹے بعد 13 سال کی لڑکی کو بھی ملبےسے نکالا گیا، ایک اور عمارت کے ملبے سے 70 سال کی ترک خاتون کو نکالا گیا۔

ترک صدر نے اہلیہ کے ہمراہ اسپتال کا دورہ کیا اور متاثرین کی دادرسی کی ترک وزارت انصاف نے ناقص تعمیرات میں ملوث افراد کے وارنٹ گرفتاری جاری کر تے ہوئے 12 افراد کو حراست میں لے لیا ہے۔

ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل

واضح رہے کہ 6 فروری کو آنے والے زلزلے سے ترکیے میں 6 ہزار عمارتیں تباہ ہوئی ہیں اس حوالے سے عالمی ادارہ صحت کا کہناہے کہ دونوں ملکوں میں 2 کروڑ 60 لاکھ افراد متاثرہوئے ہیں، متاثرین کے لیے 4 کروڑ 28 لاکھ ڈالر کی فوری امدادکی اپیل کی گئی ہے۔

اقوام متحدہ نے خدشہ ظاہرکیا ہےکہ ترکیہ اور شام میں زلزلے سے اموات کی تعداد دوگنا ہوسکتی ہے سیکرٹری جنرل اقوام متحدہ نے مطالبہ کیا ہےکہ سلامتی کونسل ترکیہ اور شام کے درمیان سرحد پار امدادی مراکز کھولنے کی اجازت دے۔

نیوزی لینڈ میں تباہ کن سمندری طوفان کے باعث ایمرجنسی نافذ کر دی گئی۔

باغی ٹی وی: غیر ملکی خبر رساں ایجنسی کے مطابق نیوزی لینڈ کے نارتھ آئر لینڈ میں تیز ہواوْں کے ساتھ شدید بارشوں کا سلسلہ جاری ہے جبکہ متعدد درخت اور بجلی کے پول گر گئے ہیں۔ لینڈ سلائیڈنگ سے گھروں اور سڑکوں کو بھی نقصان پہنچا اور نظام زندگی مفلوج ہوگئی ہے۔

ورجن اٹلانٹک کا لاہور اور اسلام آباد کے درمیان اپنی سروس معطل کرنے کا اعلان

نیوزی لینڈ کے شمالی حصے میں گبریئل نقمی سمندری طوفان کے باعث ایمرجنسی نافذ کی گئی ہےآکلینڈ سمیت نارتھ آئرلینڈ کے کئی علاقوں میں اسکول بند کر دیئے گئے ہیں جبکہ حکام نے لوگوں کو غیرضروری سفر نہ کرنے کی ہدایت کی ہے۔ نیوزی لینڈ میں 509 پروازیں بھی منسوخ کردی گئی ہیں۔

امریکی ریاست مشی گن کی ایک یونیورسٹی میں فائرنگ کے نتیجے میں 3 افراد ہلاک اور5 زخمی ہو گئے ہیں۔

باغی ٹی وی : غیر ملکی خبررساں ایجنسی کے مطابق واقعہ پیر کی رات کو پیش آیا،پولیس کا کہنا ہے کہ حملہ آور فائرنگ کے بعد فرار ہونے میں کامیاب ہو گیا جس کو تلاش کیا جا رہا ہے،حملہ آور چھوٹے قد کا آدمی ہے جس نے ماسک پہن رکھا تھا۔

ورجن اٹلانٹک کا لاہور اور اسلام آباد کے درمیان اپنی سروس معطل کرنے کا اعلان

یونیورسٹی انتظامیہ کی جانب سے ٹوئٹر پر کہا گیا ہے کہ دو مقامات پر فائرنگ کی گئی جن میں اکیڈیمک بلڈنگ اور سپورٹس کی عمارت شامل ہے زخمی ہونے والوں کو ہسپتال منتقل کر دیا گیا ہے۔

پولیس نے واقعے کے بعد یونیورسٹی میں بنی تمام عمارات کی تلاشی کے بعد انہیں کلیئر قرار دیا ہے پولیس نے یونیورسٹی کے اردگرد رہائشی علاقوں کے مکینوں پر زور دیا ہے کہ وہ اپنے گھروں کے دروازے بند رکھیں اور محفوظ مقامات پر رہیں۔

واقعے کے بعد پولیس کی جانب سے انتظامیہ کو ہدایات جاری کی گئی ہیں کہ اگلے 48 اڑتالیس گھنٹے تک تمام کلاسز معطل رکھی جائیں۔
متذکرہ واقعہ آکسفورڈ ہائی سکول میں فائرنگ کے واقعے کے تقریباً 14 ماہ سامنے آیا ہے 30 نومبر 2021 کو ایک 15 سالہ طالب علم نے آٹومیٹک پسٹل سے سکول میں فائرنگ کر دی تھی جس سے اس کے چار ہم جماعت ہلاک ہو گئے تھے جبکہ چھ طلبہ اور ایک ٹیچر زخمی ہوا تھا۔

ترکیہ میں 5 ہزار افراد کی لاشیں اجتماعی قبروں میں دفن

مودی سرکار کی غاصبانہ گرفت سے اب سپریم کورٹ بھی غیر محفوظ ہو گئی-

باغی ٹی وی : مودی سرکار پسند کا فیصلہ سنانے والے ججوں کو نواز نے لگی،بابری مسجد کیس کا فیصلہ سنانے والے ججوں پرنوازشات ،فیصلہ سنانے والے 5میں سے 3 ججوں کو ریٹائرمنٹ پر سرکاری عہدوں اور اعزازات سے نواز دیا گیا-

پاک امریکا تعلقات میں کشیدگی کو کم کرنے کا مشن،امریکی وفد رواں ہفتے پاکستان کا دورہ کرے گا

کچھ دن قبل ریٹائر ہونے والے سپریم کورٹ جج عبدالنذیر کو آندھرا پردیش کا گورنر نامزد کر دیا گیا قبل ازیں 2020میں چیف جسٹس سپریم کورٹ رانجن گوگوئی کو ریٹائرمنٹ پرعہدے دیئے گئے-

چیف جسٹس سپریم کورٹ رانجن گوگوئی کو راجیہ سبھامیں خارجہ امور ، اطلاعات اور آئی کمیٹی کا چیئرمین بنا دیا گیا تھا جبکہ نومبر 2021مین جسٹس اشوک بھوسان کو ریٹائر منٹ کے بعد نیشنل ایپلٹ ٹریبونل کا سربراہ مقرر کیا گیا-

واضح رہے کہ نومبر 2019میں بابری مسجد کا فیصلہ سنایا گیا تھا،فیصلے میں بھارتی سپریم کورٹ نے بابری مسجد شہید کرنے کے واقعے کو درست قرار دیا تھا،بھارتی سپریم کورٹ نے بابری مسجد کی زمین پر رام مندر بنانے کا حکم دیا تھا-

شہبازگل نےٹرائل کورٹ سے درخواست بریت مسترد ہونےکا فیصلہ ہائیکورٹ میں چیلنج کردیا

متنازعہ فیصلہ سنانے والے 5 میں سے 3 ججوں پر نواز شات فیصلے کی غیرجانبداری اور شفافیت پر سوال اٹھاتے ہیں،عالمی میڈیا پہلے ہی بھارت میں بڑھتی شدت پسندی پر اضطراب کا شکار ہے،کیا انسانی حقوق کی عالمی تنظیمیں بابری مسجد کے متنازعہ فیصلے کے خلاف آواز اٹھائیں گی؟،کیا عالمی انصاف کے ادارے بھارت میں انصاف کے گرتے پیمانوں پر آواز اٹھائیں گے؟-