Baaghi TV

Tag: study visa

  • ترکی و شام میں زلزلہ، اموات 8 ہزار کے قریب،پاک فضائیہ،این ڈی ایم اے کی امداد روانہ

    ترکی و شام میں زلزلہ، اموات 8 ہزار کے قریب،پاک فضائیہ،این ڈی ایم اے کی امداد روانہ

    باغی ٹی وی کی رپورٹ کے مطابق ترکی و شام میں تباہ کن زلزلے کے بعد پاکستان کی جانب سے امداد کا سلسلہ جاری ہے

    پاک فضائیہ کا دوسرا سی ون تھرٹی طیارہ امدادی سامان لے کر ترکیہ روانہ ہو گیا ہے، ترجمان پاک فضائیہ کے مطابق طیارہ لاہور سے خیمے، کمبل اور دیگر اشیا لے کر ترکیہ کے لیے روانہ ہوا، سی ون تھرٹی ساڑھے 18ہزار پاؤنڈز امدادی سامان لے کر جا رہا ہے پاک فضائیہ پاکستانی طلباکو وطن واپس لانے کی بھی ہر ممکن کوشش کر رہی ہے، وزارت خارجہ اور ترکیہ میں پاکستانی سفارتخانے کے درمیان رابطے جاری ہیں

    دوسری جانب ترجمان این ڈی ایم اے کا کہنا ہے کہ شام زلزلہ متاثرین کیلئے خصوصی امدادی کھیپ روانہ کر دی ہے، شام زلزلہ متاثرین کیلئے سامان میں خیمے اور کمبل شامل ہیں ،سامان اسلام آباد سے خصوصی چارٹرڈ طیارے کے ذریعے دمشق بھیجا گیا زلزلہ سے متاثر ین کیلئے مزید امدادی سامان جلد بھیجا جائے گا ، پاکستان نے مشکل کی اس گھڑی میں شام کو ہر ممکن تعاون کی یقین دہانی کروائی ہے، امدادی سامان شام میں تعینات پاکستانی سفیر شاہد علوی وصول کریں گے مزید امدادی سامان براستہ روڈ شام اور ترکیہ کیلئے جلد روانہ کیا جائے گا،

    وفاقی وزیر شیری رحمان کا کہنا ہے کہ ترکیہ اور شام زلزلہ متاثرین کے لیے مستقل ریلیف کا سلسلہ جاری رکھنا ہوگا ترکیہ اور شام زلزلہ متاثرین کی مکمل بحالی تک امداد کا سلسلہ نہیں رکنا چاہیے،ترکیہ اور شام کے بھائی بہنوں کی امداد کو قومی کاوش بنائیں،

    واضح رہے کہ ترکیہ اور شام میں زلزلے سے مرنے والوں کی تعداد 9 ہزار سے تجاوز کر گئی،ترکیہ میں 7ہزار108،شام میں2 ہزار530 افراد جاں بحق ہوئے،،ترکیہ میں زلزلے سے 31 ہزار777 افرادزخمی ہوئے، زلزلےسےمتاثرہ علاقوں میں5 ہزار775عمارتیں تباہ ہوئی ہیں، زلزلے سے متاثرہ علاقوں میں 10ہزارخیمےلگا دیے گئے ترک صدر رجب طیب اردگان کا کہنا ہے کہ ترکیے میں زلزلے سے اموات میں کتنا اضافہ ہوگا اس کا ابھی اندازہ نہیں لگا سکتے۔ ترک صدر نے ملک بھر میں ایک ہفتے کے سوگ کا اعلان کردیا، ترکیہ میں ایک ہفتے تک پرچم سرنگوں رہے گا۔

    حاملہ خواتین کو سموگ سیزن میں خصوصی احتیاط کی ضرورت

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    نرسری وارڈ میں 4 بچوں کے جاں بحق ہونے پر وزیراعلیٰ کا نوٹس

    پسند کی شادی جرم بن گئی، سفاک ملزمان نے بچوں،خواتین سمیت سات افراد کو زندہ جلا ڈالا

    طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

    علاوہ ازیں ترک سفارتخانے نے ملک میں تباہ کن زلزلے کے فوری بعد پاکستان جانب سے فوری امداد اور بھرپور حمایت پر شکریہ کا اظہار کیا ہے۔ ترکیہ کے سفارتخانے کے ایک ٹویٹ کے مطابق پاک فوج کی یو ایس اے آر ٹیموں کو لے کر پاک فضائیہ کا ایک طیارہ امدادی سامان لے کر بحفاظت اڈانا پہنچ گیا ہے۔ ٹویٹ میں مزید کہا گیا کہ ہم زلزلہ کے بعد فوری امداد پر پاکستان میں اپنے بھائیوں اور بہنوں کا شکریہ ادا کرنا چاہتے ہیں

    نگران وزیراعلیٰ پنجاب کا 50 رکنی ریسکیو ٹیم ترکیہ بھجوانے کا اعلان

    ترکیہ میں ایک بار پھر زلزلے کے شدید جھٹکے محسوس کیے گئے۔

    شام میں آنے والے تباہ کن زلزلے میں کئی عمارتیں تباہ ہو گئیں جن میں ایک جیل بھی شامل ہ

    ترکیہ اور شام میں 7.8 شدت کے زلزلے نے تباہی مچادی

    ترکیہ میں زلزلہ متاثرین سخت مشکلات کا شکار ہیں-

  • چینی صدر پر واضح کر دیا کہ ہم مقابلہ چاہتے ہیں،تنازع نہیں،صدر جوبائیڈن

    چینی صدر پر واضح کر دیا کہ ہم مقابلہ چاہتے ہیں،تنازع نہیں،صدر جوبائیڈن

    امریکی صدرجوبائیڈن نے اسٹیٹ آف دی یونین سے خطاب کیا-

    باغی ٹی وی: اپنے خطاب میں صدر جوبئایڈن نے کہا کہ ڈیموکریٹس اور ری پبلیکنز مل کر امریکہ کو بحرانوں سے نکال سکتے ہیں ، ڈیمو کریٹس اور ری پبلیکنز مل کر امریکہ کو بحرانوں سے نکالیں گے،40سال میں سب سے زیادہ نوکری کے مواقع پیدا کیے،بیروزگاری کی سطح3.4ہوگئی،جو تاریخ کی کم تریں سطح ہے-

    اپنے خطاب میں جوبائیڈن نے کہا کہ امریکی مصنوعات ایکسپورٹ کر رہے ہیں اور نوکریوں کے مواقع پیدا کر رہے ہیں،کورونا کی وجہ سے مہنگائی کا مسئلہ عالمی ہے،روس یوکرین جنگ کی وجہ سے توانائی اور خوراک کے مسائل پیدا ہوئے،امریکہ میں کھانے پینے کی اشیاء کی قیمتوں میں کمی ہو رہی ہے،دنیا کے کسی بھی ملک سے بہتر پوزیشن میں ہیں،ابھی بہت کچھ کرنا ہے،امریکہ میں مہنگائی میں کمی آرہی ہے،امریکہ میں گزشتہ6ماہ میں مہنگائی میں کمی ہو رہی ہے،بیروزگاری کی شرح 3.4ہوگئی،جو تاریخ کی کم ترین سطح ہے-

    امریکی صدر نے کہا کہ امریکہ میں گیس کی قیمتو ں میں 1.50ڈالر فی گیلن کمی ہوئی،گزشتہ2سال میں ایک کروڑ امریکیوں نے کاروباہ شروع کیے جوریکارڈ ہے،اقتدار میں آنے سے پہلے شور تھاکہ چین کی قوت بڑھ رہی ہے،امریکہ کمزور ہو رہا ہے،چین صنعتی عمل میں تخلیقی کاموں میں غالب آنا چاہتا ہے،صدرشی پر واضح کر دیا کہ ہم مقابلہ چاہتے ہیں،تنازع نہیں،صنعتی عمل میں تخلیقی کاموں پرسرمایہ کاری مستقبل کی ضمانت ہے،امریکہ کو نمبرون بنانے کیلئے انفراسٹرکچر مضبوط بنانا ہوگا،امریکہ انفراسٹرکچر میں پہلے نمبر پر تھا، پھر 13ویں پر آگیا-

    صدر جوبائیڈن نے کہا کہ 20ہزارمنصوبوں کیلئے فنڈز جاری کیے ہیں،منصوبوں میں ہائی ویز،پلوں،پٹڑیوں،سرنگوں ،زمینی اور فضائی اڈوں کی تعمیر شامل ہے،گھروں اور اسکولوں میں پینے کے صاف پانی کیلئے پائپ تبدیل کرا رہے ہیں،استحکام کو یقینی بنانے،جارحیت کو روکنے کیلئے فوج کو جدید کررہے ہیں،امریکہ میں صاف پانی،تیزترین انٹرنیٹ کی سہولت کیلئےفنڈزجاری کیے،دنیا کے کسی بھی ملک سے بہتر پوزیشن میں ہیں،ابھی بہت کچھ کرنا ہے،امریکا میں مہنگائی میں کمی آرہی ہے،امریکا میں گیس کی قیمتو ں میں 1.50ڈالر فی گیلن کمی ہوئی،امریکا میں لوگوں کی آمدنی میں بھی اضافہ ہوا ہے،اب امریکا دنیا میں نیچے نہیں جا رہا،فنڈز کی منظوری کیلئےحمایت پر ریپبلکن دوستوں کا بھی شکر گزار ہوں فنڈز کی منظوری کے مخالفت میں ووٹ کرنے والے ریپبلکن پریشان نہ ہوں،منصوبوں کیلئے فنڈز کا مطالبہ کر سکتے ہیں۔

  • پاک فضائیہ کا سی 130 طیارہ امدادی سامان لے کر ترکیہ پہنچ گیا

    پاک فضائیہ کا سی 130 طیارہ امدادی سامان لے کر ترکیہ پہنچ گیا

    کراچی: ترکیہ اور شام کے ہولناک زلزلے کے بعد پاک فضائیہ نے امدادی ٹیم اور سامان ترکیہ روانہ کیا ہے جس میں تمام ضروری اشیا کے ساتھ ساتھ شہر میں سرچ اینڈ ریسکیو کے ماہرین کی ایک ٹیم بھی شامل ہے۔ اب یہ طیارہ ترکیہ پہنچ چکا ہے۔

    ترجمان پاکستان ائرفورس کے مطابق پاک فضائیہ کا سی-130 ہرکولیس طیارہ سرچ اینڈ ریسکیو ٹیم کے ارکان اور کمبل لے کر پی اے ایف بیس نور خان سے ترکیہ پہنچ گیا ہے۔ طیارہ پاکستانی عوام کی طرف سے زلزلہ سے متاثرہ ترک بھائیوں کے لیے امدادی سامان لے کر پہنچا ہے۔ پاک فضائیہ کا ٹرانسپورٹ بیڑا اندرون اور بیرون ملک قدرتی آفات سے نمٹنے کے لیے ہمیشہ پیش پیش رہا ہے۔

    یاد رہے کہ کل ترکیہ اور شام میں شدید زلزلے کے باعث جاں بحق افراد کی تعداد 5 ہزار سے بڑھ گئی ہے، ہزاروں افراد زخمی ہیں، کئی عمارتیں ملبے کا ڈھیر بن گئیں، بڑے پیمانے پر امدادی سرگرمیاں جاری ہیں۔

    ترکیہ میں ایک بار پھر شدید زلزلہ، شدت 5.6 ریکارڈ

    غیر ملکی خبر رساں ایجنسی کے مطابق زلزلے کے بعد 300 سے زائد آفٹر شاکس آچکے ہیں، میں 7.5 اور 5.7 شدت کے زلزلے بھی شامل ہیں۔ واضح رہے کہ پیر 6 فروری کو ترکیہ کے مشرقی علاقے میں مقامی وقت کے مطابق صبح 4 بج کر 17 منٹ پر 7.8 شدت کا خوفناک زلزلہ آیا، جس کے بعد 6 گھنٹے کے دوران درجنوں آفٹر شاکس اور 7.5 شدت کا ایک اور زلزلہ بھی آیا تھا۔

    ترکیہ کے زلزلہ متاثرین کی امداد کے لیے وزیراعظم ریلیف فنڈ قائم

    تازہ اطلاعات کے مطابق خوفناک زلزلے سے ترکی میں جاں بحق ہونیوالے افراد کی تعداد ساڑھے 3 ہزار سے تجاوز کر گئی جبکہ 25 ہزار سے زائد افراد زخمی ہیں، سیکڑوں افراد لاپتہ ہیں، ملبے میں دبے افراد کو نکالنے کیلئے امدادی ٹیمیں مسلسل کوششیں کررہی ہیں۔

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی…

    وقت گزرنے کے ساتھ ساتھ ملبے میں دبے افراد کے زندہ رہنے کے امکانات کم ہوتے جارہے ہیں، ریسکیو ٹیمیں ہیوی مشینری، ڈرل اور کٹرز سمیت دیگر آلات کے ذریعے امدادی کاموں میں مصروف ہیں۔

  • راہول گاندھی سن لے:ہماراخاندان ہرسال50کروڑ ٹیکس دیتا ہےآپ کی طرح بھوکا ننگانہیں:مکیش امبانی

    راہول گاندھی سن لے:ہماراخاندان ہرسال50کروڑ ٹیکس دیتا ہےآپ کی طرح بھوکا ننگانہیں:مکیش امبانی

    نئی دہلی:راہول گاندھی سن لے:ہمارا خاندان ہرسال50کروڑ ٹیکس دیتا ہےآپ کی طرح بھوکا ننگانہیں:مکیش امبانی نے راہول گاندھی کو کھری کھری سناتے ہوئے کہا کہ ایک آدمی نمک کی ایک چٹکی کے قابل نہیں؛ جن کے خاندان نے ہمیشہ ملک کو لوٹا ہے۔لیکن عجیب بات ہے کہ راہول گاندھی ہرانتخابی میٹنگ میں ہماری اور دیگر کاروباری خاندانوں کی مذمت کرتا ہے،

    مکیش امبانی نے راہول گاندھی سے مخاطب ہوتے ہوئے کہا کہ میں آج ان سےکچھ سوالات پوچھنا چاہتا ہوں،امید ہے میڈیا ان سے جوابات پوچھے گا۔ مکیش امبانی نے کہا کہ میرا خاندان اور میں خود ملک کو ہر سال 50 کروڑ کا ٹیکس ادا کرتا ہوں۔لاکھوں لوگوں کو تنخواہیں، ہرماہ تنخواہ، لاکھوں خاندانوں کی روزی روٹی چلانے میں مدد بھی کرتے ہیں

    مکیش امبانی نے راہول گاندھی سے پوچھا کہ ہمیں بتایا جائےکہ گاندھی خاندان کا اس ملک میں کتنا حصہ ہے؟؟؟؟

    مکیش امبانی میں نے سنا ہے کہ پورے خاندان کو ٹیکس چوری کے کیس میں عدالت نے ضمانت پر رہا کر دیا ہے۔آپ کی والدہ مبینہ طور پر دنیا کی چوتھی امیر ترین خاتون بن گئی ہیں۔ وہ ایسا کیسےہوگیا ہے؟ تمام ہندوستانیوں کواورمجھے بتائیں، کاروبار جوکہ آپ کی والدہ کی ملکیت ہے اس کےلیے دولت کہاں سے آئی ؟

    مکیش امبانی ہم گزشتہ تقریباً 40 سالوں سے بینکوں سے قرض لے رہے ہیں اور سود کے طور پر کروڑوں روپے ادا کر رہے ہیں، مکمل قرض واپس کر چکے ہیں اور نئے کاروباری مواقع کے لیے نئے قرضے دوبارہ لیے ہیں۔ دنیا بھر کے تمام تاجروں اور صنعت کاروں کو، بغیر کسی استثنا کے، اگر وہ کوئی کاروبار چلانا چاہتے ہیں۔ ہم بینکوں کو ضمانت اور ضمانت بھی دیتے ہیں، کم از کم، ان کی بنیادی حفاظت کے لیے، وہ سود جو ہم ادا کرتے ہیں، بینکوں کو ان تمام ڈپازٹس پر تنخواہ اور سود ادا کرنے کی اجازت دیتے ہیں جو بینکوں نے کروڑوں ڈپازٹرز اور کھاتہ داروں اور دیگر لوگوں سے وصول کیے ہیں۔

    مکیش امبانی مجھے بتائیں کہ آپ جیسے لیڈروں اور آپ کے بہنوئی جیسے لوگوں نے بینکوں سے بلا سود قرضے کیسے حاصل کیے؟ وہ کونسا کاروبار ہے جس سےاسےاتنی مراعات ملتی ہیں ؟؟؟بتایا جائےکہ یہ کاروبار کس ملک میں چلتے ہیں؟مکیش امبانی نے کہا کہ اس نے یہ قرض کس ملک اور بینکوں سے حاصل کیا ہے؟

    مکیش امبانی کہتے ہیں کہ جیسا کہ بڑے پیمانے پرتشہیرکی گئی ہے، آپ کے بہنوئی، جس نے15سال پہلے1لاکھ کے ادا شدہ سرمائے کے ساتھ اپنا کاروبار شروع کیا تھا، کروڑوں مالیت کے ہوٹلوں اور جائیدادوں کے مالک کیسے بن گئے، جو کہ اس میں چل رہے ہیں۔ سیکڑوں ایکڑ اراضی یہ سب کچھ 10 سال سے ذہن میں ڈوب رہا ہے!! وہ اتنی بڑی رقم کیسے حاصل کرنے میں کامیاب ہوا، جو ظاہر ہے کہ اتنی بڑی زمین حاصل کرنے کے لیے درکار تھی؟ آپ کے خاندان کے پاس لندن میں 2 بنگلے اور6 فلیٹس خریدنے اور رکھنے کے پیسے کہاں سے آئے؟

    مکیش امبانی ہندوستانیوں کومخاطب ہوتے ہوئے کہتے ہیں کہ جب مجھے پتہ چلا کہ یہ خاندان غیر ملکی ایجنٹ ہے،یہ پارٹی ملک دشمنوں کی حمایت کرتی ہے، میں نےکانگریس پارٹی کو چندہ دینا بند کردیا، تب سے وہ میرے پیچھے لگے ہوئے ہیں، مجھے بدنام کرنے پر تلے ہوئے ہیں۔

    مکیش امبانی کہتے ہیں کہ میرے خلاف کچھ الزامات کے جواب میں، میرے خاندان اور کمپنیاں جن کی ملکیت ہے یا میرا خاندان چلا رہا ہے، مجھے چند متعلقہ سوالات، جوابات پوچھنے دیں، جن میں سے، میں گاندھی خاندان سے بھی حاصل کرنا چاہوں گا۔

    مکیش امبانی کہتے ہیں کہ سنو پھر اپنے کارنامے کہ منموہن سنگھ کی قیادت والی یو پی اے حکومت نے دہلی ہوائی اڈے کے میٹرو پروجیکٹ، ممبئی میٹرو پروجیکٹ کا ٹھیکہ متعدد معروف سرکاری کمپنیوں کو کیوں نہیں دیا، بلکہ پرائیویٹ پلیئرز اور پرائیویٹ کمپنیوں کو کیوں نہیں دیا گیا، اگر یہ درست ہے تو کیا؟ غلط ہے، اگر میری کمپنی کو ڈسالٹ نے بطور پارٹنر منتخب کیا تھا۔یہ ایجنڈا نہ صرف مجھے ذاتی طور پر نقصان پہنچا رہا ہے بلکہ دنیا بھر میں ہمارے ملک کے امیج کو بھی نقصان پہنچا رہا ہے۔

    مکیش امبانی یہاں تک کہ دہلی (سابقہ ڈی ایس یو) میں ڈی وی بی کا پاورسپلائی کا ٹھیکہ، جس کی مالیت 1200 کروڑہے، شیلا ڈکشٹ حکومت نے این ٹی پی سی (سرکاری کمپنی) کی جگہ میری کمپنی کو دی تھی، کیوں؟2004 اور 2014 کے درمیان، مرکزاورمتعدد ریاستوں میں کانگریس کی حکومت نے میری کمپنی ریلائنس انفراسٹرکچر کو اتر پردیش، اڈیشہ، تمل ناڈو، کرناٹک، پنجاب میں کل 8 قومی شاہراہوں کے منصوبے (25,350 کروڑ روپے) کیوں دیئے؟جبکہ بہت سی سرکاری کمپنیاں ہیں جو یہ کام کر سکتی ہیں؟یہ کچھ ایسے پہلو اور سچائیاں ہیں جو عوام کو نہیں معلوم اور انہیں جاننا چاہیے۔”

  • ترکیہ میں تباہ کن زلزلےسےقبل پرندوں کی بےچینی:کیمرے نےمنظرمحفوظ کرلیا

    ترکیہ میں تباہ کن زلزلےسےقبل پرندوں کی بےچینی:کیمرے نےمنظرمحفوظ کرلیا

    استبول:ترکی میں تباہ کن زلزلے سے قبل پرندوں کی بے چینی کیمرے نے محفوظ کرلی۔سوشل میڈیا پر وائرل ہونیوالی ویڈیو میں دیکھا جاسکتا ہے کہ زلزلہ آنے سے پہلے پرندے خلاف معمول ادھر ادھر اُڑتے پھر رہے ہیں جیسے انہیں معلوم ہو کہ کوئی بڑی آفت آنے والی ہے۔

    ترکیہ اور شام میں تباہ کن زلزلہ : ماہرین نے پاکستان اوربھارت کو بھی خبردار کر دیا

    امریکی جیولوجیکل سروے کے مطابق یہ پہلا موقع نہیں ہے کہ بڑے زلزلے سے قبل جانوروں کا عجیب و غریب رویہ دیکھا گیا ہو۔ شواہد بتاتے ہیں کہ جانوروں کو قدرتی آفات کا پہلے سے علم ہوجاتا ہے، تاریخ میں ملتا ہے کہ یونان میں جب 373 قبل مسیح میں زلزلہ آیا تھا تو کئی دن پہلے ہی چوہے، سانپ اور دیگر جانور وہاں سے بھاگ گئے تھے۔

    ترکیہ و شام زلزلہ: ماہر موسمیات نے سوشل میڈیا پر 3 دن قبل ہی خبردار کردیا تھا

    ترکی میں پرندوں کے عجیب و غریب رویہ کی ویڈیو بہت سے لوگوں کے لیے توجہ کا باعث بنی ہے جس نے ایک بار پھر جانوروں کے زلزلوں کیلئے ابتدائی انتباہی اشارے کے طور پر کام کرنے کی صلاحیت کے بارے میں سوالات اٹھا دیے ہیں۔

    ترکیہ میں تباہ کن زلزلہ:ترک لیرا میں گراوٹ،اسٹاک ایکسچینج 100 انڈیکس میں شدید کمی

    سائنس دان ابھی تک یہ بتانے سے قاصر ہیں کہ زلزلہ آنے سے پہلے کچھ جانور عجیب و غریب رویے کا مظاہرہ کیوں کرتے ہیں؟۔ بعض لوگوں کا ماننا ہے کہ پرندے مافوق الفطرت قوتوں کا جواب دے رہے تھے۔

  • 2023 کا آغاز ایسے چیلنجز کے ساتھ کیا ہے جو ہماری زندگی میں پہلے کبھی سامنے نہیں آئے،نتونیو گوتریس

    2023 کا آغاز ایسے چیلنجز کے ساتھ کیا ہے جو ہماری زندگی میں پہلے کبھی سامنے نہیں آئے،نتونیو گوتریس

    اقوام متحدہ کے سیکرٹری جنرل نے کہا کہ روس اور یوکرین کا تنازع دنیا کو ایک ‘بڑی جنگ’ کی جانب لے جاسکتا ہے۔

    باغی ٹی وی: اقوام متحدہ کی جنرل اسمبلی میں اجلاس ہوا اس اجلاس میں یوکرین پر روس کے حملے، موسمیاتی بحران اور غربت جیسے موضوعات پر توجہ مرکوز کی گئی تھی خطاب کے دوران سیکرٹری جنرل انتونیو گوتریس نے کہا کہ ہم نے 2023 کا آغاز ایسے چیلنجز کے ساتھ کیا ہے جو ہماری زندگی میں پہلے کبھی سامنے نہیں آئے۔

    امریکہ یوکرین کو ایف سولہ لڑاکا طیارے فراہم نہیں کرے گا،جوبائیڈن

    انتونیو گوتریس نے کہا کہ سائنسدانوں اور سکیورٹی ماہرین نے ڈومز ڈے کلاک (قیامت کی گھڑی) کو مزید آگے بڑھایا ہے اور اب یہ گھڑی آدھی رات سے محض 90 سیکنڈ دور ہے۔

    اقوام متحدہ کے سیکرٹری جنرل نے کہا کہ وہ اس گھڑی کے وقت میں اضافے کو خطرے کی علامت تصور کرتے ہیں یوکرین میں امن کے امکانات معدوم ہورہے ہیں اور اس تنازع کی شدت بڑھانے کا خطرہ بڑھ گیا ہے،مجھے خدشہ ہے کہ دنیا کسی بڑی جنگ کی جانب نہ بڑھ جائے وقت آگیا ہے کہ ہم امن کے لیے اپنی حکمت عملی کو تبدیل کریں۔

    یوکرین کے خلاف جنگ میں روس کی مدد،امریکا نے ایران پر مزید پابندیاں عائد کر دیں

    انہوں نے مستقبل کی نسلوں کو ذہن میں رکھ کر اقدامات کرنے کی ضرورت پر زور دیتے ہوئے عالمی معیشت میں بنیادی تبدیلیوں کا مطالبہ کیاکہاکہ ہمارے اقتصادی اور معاشی سسٹم میں کچھ غلط ہے جس کےنتیجے میں غربت اور بھوک میں اضافہ ہورہا ہے جبکہ امیر اور غریب کے درمیان خلا بڑھ رہا ہے۔

    واضح رہے کہ سائنسدانوں کے گروپ کی جانب سے اس ڈومز ڈے کلاک کے وقت کا تعین گزشتہ سال کے واقعات کو مدنظر رکھ کر کیا جاتا ہے تاکہ دنیا کو معلوم ہوسکے کہ انسانیت تباہی کے کتنے نزدیک یا دور ہےسائنسدانوں کے مطابق گھڑی کا وقت آدھی رات سے جتنا قریب ہوگا، اتنے ہی زیادہ ہم خطرے کی زد میں ہوں گے۔

    امریکا کا یوکرین کوطویل فاصلے تک مار کرنے والے میزائل بھیجنے کا فیصلہ

  • ترکیہ میں ایک بار پھر شدید زلزلہ، شدت 5.6 ریکارڈ

    ترکیہ میں ایک بار پھر شدید زلزلہ، شدت 5.6 ریکارڈ

    ترکیہ میں ایک بار پھر زلزلے کے شدید جھٹکے محسوس کیے گئے۔

    باغی ٹی وی: غیر ملکی میڈیا کے مطابق سینٹرل ترکیہ میں منگل کے روز ایک بار پھر زلزلے کے شدید جھٹکے محسوس کیے گئے جن کی شدت 5.6 ریکارڈ کی گئی جب کہ زلزلے کی گہرائی زیر زمین 2 کلومیٹرتھی زلزلے کے تازہ جھٹکوں سے فوری طور پر کسی جانی نقصان کی اطلاع نہیں ملی ہے۔

    وزیراعظم کی ہدایت پر ریسکیو ٹیم اور امدادی سامان خصوصی طیارے سے ترکیہ روانہ

    واضح رہے کہ ترکیہ میں 6 فروری کو آنے والے ہولناک زلزلے کے نتیجے میں 2 ہزار سے زائد ہلاکتوں کی تصدیق ہوچکی ہے جب کہ 3700 سے زائد عمارتیں گرنے سے متعدد افراد کے ملبے تلے دبے ہونے کا خدشہ ہے جنہیں نکالنے کے لیےریسکیو آپریشن جاری ہے۔


    ترکیہ میں زلزلے کے حوالے سے سوشل میڈیا پر کئی دردناک اور دل دہلادینے والی ویڈیوز سامنے آرہی ہیں جن میں کہیں عمارتوں کو زمین بوس ہوتے تو کہیں ملبے میں پھنسے افراد کو مدد کیلئے پکارتے دیکھا جاسکتا ہے۔

    ترکیہ میں تباہ کن زلزلہ،گرتے اسپتال سےنرسوں نےمریضوں کو تنہا چھوڑکرجانےسےانکارکردیا

    ترکیہ میں زلزلے سے ہونے والی تباہی اور اس سے پہلے کی تصاویر کو موازنہ کرکے نقصانات کا اندازہ لگایا جاسکتا ہے ترکی کے شہر غازی انتیپ کی ہے جس میں دیکھا جاسکتا ہے کہ زلزلے سے قبل جو رہائشی عمارتیں پہلے آباد تھیں وہ اب ملبے کا ڈھیر بنی ہوئی ہیں۔


    ایک اور تصویر میں قلعہ شہر غازی انتیپ میں قائم ہے جو 2000 سال سے زائد عرصے سے قائم تھا لیکن زلزلے کے نتیجے میں اس تاریخی قلعے کو بھی شدید نقصان پہنچا یہ قلعہ رومی سلطنت کے دوران تعمیر کیا گیا تھاحال ہی میں اسے ایک میوزیم کے طور پر استعمال کیا جارہا تھا۔


    ایک اور تصویر مسجد مالاطیہ کے ہیں جو زلزلے سے پہلے قائم تھی اور اب اسے بری طرح نقصان پہنچا ہےتاریخی مالاطیہ مسجد زلزلے کے مرکز سے 100 میل دور تھی، 1894 میں بھی آنے والے زلزلے نے اس مسجد کو نقصان پہنچایا تھا جس کی تعمیر دوبارہ کی گئی جب کہ 1964 میں بھی زلزلے نے مسجد کو ہلا کر رکھا دیا تھا۔

    ہاتائے صوبے میں بحیرہ روم کی بندرگاہ کے قریب واقع شہر اسکندرون میں عمارتیں ملبے کا ڈھیر بن گئیں اسکندرون کے چرچ کی تباہ حال تصویر بھی دیکھی جاسکتی ہے۔

    https://twitter.com/nanotrades24/status/1622781334384168960?s=20&t=cRvUjYrEc1ni6DwpcNFR_w
    سوشل میڈیا پر ترکیہ میں زلزلے سے قبل کی بھی ایک ویڈیو سامنے آئی ہے جس میں آسمان پر علی الصبح پرندوں کو بے چین سی کیفیت میں ادھر سے ادھر پھڑپھڑاتے دیکھا جاسکتا ہے پرندوں کے غیر معمولی رویے کے حوالے سے شیئر کی جانے والی وائرل ویڈیو سے متعلق دعویٰ کیا جارہا ہے یہ ویڈیو پیر کے روز آنے والے زلزلے سے پہلے کی ہے۔

    ترکیہ کے زلزلہ متاثرین کی امداد کے لیے وزیراعظم ریلیف فنڈ قائم

  • سعودی عرب میں نبطی دور کی حنوط شدہ خاتون کا چہرہ بحال

    سعودی عرب میں نبطی دور کی حنوط شدہ خاتون کا چہرہ بحال

    سعودی عرب کے شاہی کمیشن برائے العلا گورنری میں آثار قدیمہ کے شعبے کے ماہرین نے نبطی دور سے تعلق رکھنے والی ایک خاتون کے چہرے کے ڈھانچے کی بحالی اور ڈیجیٹل تعمیر نو کا کام مکمل کر لیا ہے-

    باغی ٹی وی: سعودی عرب تاریخ دانوں اور آثار قدیمہ کے ماہرین نے کئی برسوں کی محنت کے بعد اس قدیم نباتی خاتون کے چہرے کی تعمیر نو کی نقاب کشائی کی ہے۔

    اپنی نوعیت کی اس پہلی تعمیر نو حنات کی باقیات پر بنائی گئی ہے، جو ایک نباتی خاتون ہے جسے 2015 میں "الحجر” میں ایک 2,000 سال پرانے مقبرے سے دریافت کیا گیا تھا، جو سعودی عرب کہ قدیم نخلستان کے شہر الولا، شمال مغربی میں واقع ایک آثار قدیمہ کا مقام ہے ’الحجر‘ کو اقوام متحدہ کے ادارہ برائے سائنس وثقافت’یونیسکو‘ نے 15 سال قبل عالمی ثقافتی ورثے میں شامل کرلیا تھا۔

    ماہرین آثار قدیمہ کےمطابق یہ خیال کیاجاتا ہےکہ خاتون کی موت پہلی صدی قبل مسیح میں ہوئی تھی اوراس کا تقریباً مکمل جسم ایک مقبرے میں رکھا گیا تھا جو 2008ء میں ’’الحجر‘‘ کے اندر سے دریافت ہوا تھا اور دو ہزار سال سے زائد عرصے تک باقی رہا۔

    رپورٹ کے مطابق ہنات کی تعمیر نو کا کام برطانیہ میں 2019 میں شروع ہوا تھا،قبر میں پائے جانے والے ہڈیوں کے ٹکڑوں کو دوبارہ تعمیر کرنے اور اسے شکل دینے کیلئے ماہرین نے بشریات اور آثارقدیمہ کےاعداد و شمارکا استعمال کیاجس کے بعد اس میں 3D ٹیکنالوجی کا بھی استعمال کیا گیا۔

    نباطین ایک قدیم عرب تہذیب تھی جو 2000 سال قبل شمالی عرب اور لیونٹ میں آباد تھی۔ قدیم اردنی شہر پیٹرا ان کی بادشاہی کا دارالحکومت تھا۔

  • ترکیہ کے زلزلہ متاثرین کی امداد کے لیے وزیراعظم ریلیف فنڈ قائم

    ترکیہ کے زلزلہ متاثرین کی امداد کے لیے وزیراعظم ریلیف فنڈ قائم

    ترکیہ اور شام کے زلزلہ متاثرین کی امداد کے لیے وزیراعظم ریلیف فنڈ قائم کر دیا گیا ہے-

    باغی ٹی وی: وزیراعظم نے مخیر حضرات سے ترکیہ اور شام زلزلہ متاثرین کی امداد کی اپیل کی ہے وفاقی کابینہ ارکان کی ایک ماہ کی تنخواہ ریلیف فنڈ میں دینے کا اعلان کیا ہے-

    ترکیہ اور شام میں زلزلے سے 10ہزار سے زائد اموات کا خدشہ

    دوسری جانب آرمی چیف جنرل سید عاصم منیر کی ہدایت پر پاک فوج نے 2 دستے امدادی سامان لے کر ترکیہ روانہ ہو گئے ہیں۔ ترکیہ جانے والے پاک فوج کے دستوں میں ربن سرچ اینڈ ریسکیو اورمیڈیکل ٹیم شامل ہے۔

    اربن سرچ اینڈ ریسکیو ٹیم میں ماہرین، سراغ رساں کتے، جدید آلات شامل ہیں، آرمی ڈاکٹرز، نرسنگ سٹاف اور ٹیکنیشنز پر مشتمل میڈیکل ٹیم بھی ترکیہ روانہ ہوئی ہے۔

    30 بستروں والا موبائل ہسپتال، خیمے، کمبل اور دیگر امدادی اشیا بھی ترکی بھجوائی گئی ہیں، امدادی کاموں اور ریسکیو آپریشن تک دستے ترکیہ میں ہی رہیں گے۔

    شام میں تباہ کن زلزلے سے خطرناک قیدیوں کی جیل تباہ، 20 داعش جنگجو فرار

    واضح رہے کہ وزیراعظم شہباز شریف کل صبح انقرہ روانہ ہوں گے، وہ صدر اردوان سے زلزلے کی تباہی، جانی نقصان پر افسوس اور تعزیت،ترکیہ کے عوام سے یک جہتی کریں گے اور زلزلہ متاثرین علاقوں کا دورہ بھی کریں گے-

    واضح رہے کہ ترکیہ اور شام میں 7.8 شدت کے زلزلے نے تباہی مچادی ہے، رات گئے آنے والے زلزلے نے لوگوں کو بچنے کا موقع ہی نہ دیا، بلند و بالا عمارتیں لمحوں میں ملبے کا ڈھیر بن گئیں، 50 سے زائد آفٹر شاکس کا سلسلہ بھی کئی گھنٹوں تک جاری رہا، دونوں ممالک میں اموات کی مجموعی تعداد 5 ہزار سے تجاوز کر گئی،شام اور ترکیہ میں زلزلے میں مزید ہلاکتوں کا خدشہ ،امدادی سرگرمیاں جاری ہیں-

    ترکیہ و شام زلزلہ: ماہر موسمیات نے سوشل میڈیا پر 3 دن قبل ہی خبردار کردیا تھا

  • ترکیہ میں تباہ کن زلزلہ،گرتے اسپتال سےنرسوں نےمریضوں کو تنہا چھوڑکرجانےسےانکارکردیا

    ترکیہ میں تباہ کن زلزلہ،گرتے اسپتال سےنرسوں نےمریضوں کو تنہا چھوڑکرجانےسےانکارکردیا

    ترکیہ اور شام میں 7.8 شدت کے زلزلے نے تباہی مچادی ہے، رات گئے آنے والے زلزلے نے لوگوں کو بچنے کا موقع ہی نہ دیا، بلند و بالا عمارتیں لمحوں میں ملبے کا ڈھیر بن گئیں، 50 سے زائد آفٹر شاکس کا سلسلہ بھی کئی گھنٹوں تک جاری رہا، دونوں ممالک میں اموات کی مجموعی تعداد 5 ہزار سے تجاوز کر گئی،شام اور ترکیہ میں زلزلے میں مزید ہلاکتوں کا خدشہ ،امدادی سرگرمیاں جاری ہیں-

    باغی ٹی وی: ریسکیو ٹیمیں ترکیہ کے شہر اسکندرون کے ایک سرکاری اسپتال کے کھنڈرات کی تلاش جاری رکھے ہوئے ہیں، جس کا کچھ حصہ پیر کو آنے والے تباہ کن زلزلے سے زمیں بوس ہوگیا تھا جس میں تقریباً 4,000 افراد ہلاک ہوئے تھے۔

    ترکیہ وشام میں زلزلہ: ہلاکتوں کی تعداد 2600 سے تجاوز،ترکیہ میں متاثرین سخت مشکلات کا شکار

    اندھیرا ہوتے ہی ایک زخمی کو ملبے سے نکال کراسٹریچر پر لے جایا گیا۔ امدادی کارکن ملبے کے اس بڑے ڈھیرسےزخمیوں اور جاں بحق ہونے والوں کو نکالنے کے لیے گئےتو پتا چلا کہ اسکندرون اسپتال تباہ ہوچکا ہےاسپتال کا انتہائی نگہداشت کا سیکشن تباہ ہوچکا ہے۔ امدادی کارکن اس مقام پر بارش اورسرد موسم کےباوجود جہاں روشنی کے لیےجنریٹراستعمال کیے گئے تھے، مزید زندہ بچ جانے کی امید کر رہے تھے۔

    "العربیہ” کے مطابق اسپتال کے اس حصے میں جو اب بھی کھڑا ہے، صحت کے کارکنان افراتفری کے ماحول میں زخمیوں کی دیکھ بھال کررہےہیں ایمبولینسز نہ ہونے کی وجہ سے زخمی پرائیویٹ کاروں میں لائےجاتےرہے اوردرجنوں لوگ اسپتال کے داخلی دروازے پر فرش پر چٹائیوں پر لیٹائے گئے۔

    انتہائی نگہداشت کےیونٹ میں میرف نامی نرس نےکہا کہ وہ رات کی شفٹ پر تھیں جب صبح سےپہلے زلزلہ آیا۔ اچانک، عمارت لرزنے لگی اور زلزلے کے جھٹکے آہستہ آہستہ بڑھنے لگےمیں اور میرے دوستوں نے عمارت سے نکلنے کی کوشش نہیں کی اور نہ ہی ہم نے اپنے مریضوں کواکیلا چھوڑا۔ پھر ہم نے ایک خوفناک شور سنا اور عمارت گررہی تھی۔

    ترکیہ اور شام میں زلزلے سے 10ہزار سے زائد اموات کا خدشہ

    اس نے مزید کہا کہ سیڑھیوں کو نقصان پہنچ چکا تھا، ہم عمارت سے باہر نہیں نکل سکتے تھے ہمیں پہلے تو معلوم نہیں تھا کہ عمارت کا بڑا حصہ گر گیا ہے لیکن جب ہم اپنے کمرے سے باہر نکلے تو راہداری ٹوٹ پھوٹ کا شکار تھی۔

    میرف نے مزید کہا کہ بالآخر اسے بچا لیا گیا، لیکن عمارت کے دوسرے حصے میں اس کے ساتھی اور مریض اتنے خوش قسمت نہیں تھے۔ وہ ملبے تلے دب چکے ہیں۔15 گھنٹے گزر چکے ہیں، میں اپنے کسی ساتھی سے رابطہ نہیں کر سکتی اور ان میں سے کسی کو بھی ملبے کے نیچے سے نہیں نکالا گیا۔ میرے ساتھیوں نے اپنے مریضوں کو نہیں چھوڑا اور مجھے نہیں معلوم کہ ان کا انجام کیا ہوا ہے۔”

    زلزلے سے صرف خطائی صوبے میں 1,200 سے زیادہ عمارتیں تباہ ہوئی ہیں۔ اسکندرون شہر بھی اسی میں واقع ہے۔ ترک وزیر صحت فخر الدین قوجہ نے کہا کہ خطائی میں کم از کم 520 افراد ہلاک ہوئے ہیں۔

    واضح رہے کہ پیر کی صبح جنوبی ترکی میں تباہ کن زلزلہ آیا جس کی شدت 7.7 تھی۔ ترک صدر رجب طیب ایردوان نے ملک میں قیامت خیز زلزلے کے بعد سات روزہ قومی سوگ کا اعلان کیا ہے۔

    انہوں نے ملک میں آنے والے ہولناک زلزلے کے بارے میں بات کرتے ہوئے کہا کہ ترک قوم اس وقت مشکل لمحے سے گذر رہی ہے۔ اب تک ترکیہ میں 3000اور شام میں 1,445 افراد ہلاک ہو چکے ہیں۔

    ترک حکومت کی طرف سے جاری کردہ ایک حکم نامے کے مطابق 12 فروری بہ روز اتوار شام تک ترکیہ میں قومی پرچم سرنگوں رہے گا-

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی زلزلہ متاثرین…