Baaghi TV

Tag: study visa

  • امریکا کے بعد نیدرلینڈز کا بھی یوکرین کو پیٹریاٹ میزائل سسٹم دینے کا اعلان

    امریکا کے بعد نیدرلینڈز کا بھی یوکرین کو پیٹریاٹ میزائل سسٹم دینے کا اعلان

    روس کا مقابلہ کرنے کے لیے امریکا کے بعد نیدرلینڈز نے بھی یوکرین کو پیٹریاٹ میزائل سسٹم دینے کا اعلان کر دیا۔

    باغی ٹی وی: ڈچ میڈیا کے مطابق وزیراعظم مارک روتھ نے یوکرین کو پیٹریاٹ میزائل ڈیفنس سسٹم دینے کا کہا ہےوزیراعظم نے یوکرین کو پیٹریاٹ میزائل سسٹم دینے کا اعلان واشنگٹن میں امریکی صدر بائیڈن سے ملاقات میں کیا، اس سے پہلے امریکا بھی یوکرین کو جدید پیٹریاٹ میزائل سسٹم دینے کا کہہ چکا ہے۔

    یوکرینی فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے

    واضح رہے کہ امریکا اور یورپی ممالک روس کی یوکرین میں جارحیت کے خلاف یوکرین کی فوجی امداد کر رہے ہیں،یوکرین کے فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے ہیں ہاں وہ اپنی تربیتی سرگرمیوں کا حصہ بن گئے ہیں۔

    یوکرینی فوجی امریکی ریاست اوکلو ہامہ پہنچے جہاں وہ ائیر ڈیفنس آرٹلری سکول میں اپنی تربیت کے مراحل مکمل کریں گے کرنل کرٹس کنگ نے اس امر کا اظہار اس بارے میں اپنے ٹویٹ کے ذریعے جاری کردہ ویڈیو میں کیا ہے-

    چیچن صدر نے یوکرین تنازع کو تیسری عالمی جنگ قرار دیا

    امریکہ نے اپنے جدید ترین پیٹریاٹ میزائل روس کے خلاف یوکرینی فوج کو دینے کا اعلان دسمبر 2022 میں کیا تھا تاہم اس کی تربیت کے لیے ضروری تھا کہ یوکرینی فوجیوں کو امریکہ بلایا جائے۔

  • چیچن صدر نے یوکرین تنازع کو تیسری عالمی جنگ قرار دیا

    چیچن صدر نے یوکرین تنازع کو تیسری عالمی جنگ قرار دیا

    روسی صدر ولادیمیر پیوٹن کے زبردست حامی چیچنیا کے صدر رمضان قادروف نے یوکرین تنازع کو تیسری عالمی جنگ قرار دیا-

    باغی ٹی وی: روسی میڈیا کے مطابق قدیروف نے کہا کہ اگر ہم اس بات پر غور کریں کہ وہ یورپی ممالک جو آج یوکرین کے تنازعے میں حصہ لے رہے ہیں، یعنی نیٹو اور دیگر ممالک جن کے ساتھ یوکرین کے تعلقات ہیں تو ہم کہہ سکتے ہیں کہ یہ تیسری عالمی ہے۔

    روس یوکرین جنگ میں کتنےشہری ہلاک ہوئے؟اقوام متحدہ کی رپورٹ آگئی

    انہوں نے کہا کہ چین، بھارت اور پاکستان جیسے بڑے ممالک ’’فوجی کارروائیوں میں حصہ نہیں لیتے‘‘ لیکن اگر ہم یورپی ممالک کی سر زمین پر ہونے والی صورتحال کو دیکھیں تو ان کے پاس احتجاج اور مسائل ہیں اپنے لیڈروں کو نکال باہر کرتے ہیں، ہم کسی کو نہیں نکالتے ہمارے پاس کام کا ماحول پرسکون ہے اور کوئی مسئلہ نہیں ہےصدر میٹنگز اور ملاقاتیں کرتے اور اپنا کام معمول کے مطابق کرتے ہیں۔

    چند روز قبل چیچن صدر نے اعلان کیا تھا کہ یوکرین میں روسی فوجی آپریشن میں 21 ہزار سے زائد چیچن جنگجوؤں نے حصہ لیا ہے اور 9 ہزار سے زائد دیگر فرنٹ لائن پر ہیں۔

    یوکرینی فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے

    قدیروف نے”ٹیلی گرام”میں لکھا کہ میں نے چیچن ریپبلک کی پارلیمنٹ کےاسپیکر شمالی ملٹری ڈسٹرکٹ کے ریپبلکن ہیڈکوارٹرکے سربراہ میگومڈ داؤدوف کی رپورٹ سنی ہے یوکرین میں روسی جنگ کے آغاز کے بعد سے اس جنگ میں 21 ہزار سے زیادہ چیچن جنگجوؤں نے حصہ لیا ہے۔

    واضح رہے کہ 24 فروری کو یوکرین میں روسی فوجی آپریشن کے آغاز کے بعد سے واشنگٹن کیف کے ساتھ کھڑا ہے اس نے انسانی اور فوجی امداد کے ساتھ یوکرینی افواج کو مسلح کرنے کے لیے اربوں ڈالر خرچ کیے ہیں یورپی ممالک نے بھی یوکرین کے ساتھ صف آراء ہو کر اسے ہتھیاروں اور ساز و سامان سے مدد فراہم کی۔

    یوکرین میں روس کا عمارت پر حملہ،بچوں سمیت 35 افراد ہلاک اور 75 زخمی

  • موسمیاتی شدت: 2023 گزشتہ سال سے زیادہ تباہ کن ثابت ہوسکتا ہے،ماہرین کا انتباہ

    موسمیاتی شدت: 2023 گزشتہ سال سے زیادہ تباہ کن ثابت ہوسکتا ہے،ماہرین کا انتباہ

    موسمیاتی ماہرین کے مطابق 2023 گزشتہ سال سے زیادہ تباہ کن ثابت ہوسکتا ہے،کیونکہ ہمارے سیارے کو ایل نینو لہر کا سامنا ہو گا-

    باغی ٹی وی: برطانوی محکمہ موسمیات کے سائنسدانوں نے انتباہ کیا ہے کہ 2023 میں کسی وقت ایل نینو کی واپسی ہوگی جس کے نتیجے میں دنیا بھر میں موسمیاتی شدت میں اضافہ ہوگا اوراس بات کا قوی امکا ن ہے کہ عالمی درجہ حرارت میں 1.5 ڈگری سینٹی گریڈ سے زیادہ اضافہ ہو جا ئے یہ پیشگوئی پہلے ہی سامنے آچکی ہے کہ رواں سال 2023 کے مقابلے میں زیادہ گرم ثابت ہوسکتا ہے-

    2022 میں سمندروں نے لگاتار چوتھے سال درجہ حرارت کا ریکارڈ توڑدیا

    ابھی 2016 کو دنیا کا گرم ترین سال قرار دیا جاتا ہے اور اس برس ایل نینو نے درجہ حرارت میں اضافے میں کردار ادا کیا تھا گزشتہ 3 سال کے دوران لا نینا لہر دیکھنے میں آئی تھی جو کسی حد تک موسم کو سرد رکھتی ہے۔

    2022 کو تاریخ کا 5 واں گرم ترین سال قرار دیا گیا تھا مگر ایل نینو لہر سال کے وسط سے شروع ہونے کا امکان ہے تو اس سے بڑھنے والے درجہ حرارت کے اثرات مہینوں تک محسوس ہوں گے جس کا مطلب ہے کہ 2024 میں عالمی درجہ حرارت کا نیا ریکارڈ بن سکتا ہے۔

    واضح رہے کہ ایل نینو ایک ایسا موسمیاتی رجحان ہے جس کے نتیجے میں بحرالکاہل کے پانی کا بڑا حصہ معمول سے کہیں زیادہ گرم ہوجاتا ہے اور زمین کے مجموعی درجہ حرارت میں بھی اضافہ ہوتا ہے۔

    قبل ازیں حال ہی میں بل گیٹس نے پیشگوئی کی ہے کہ دنیا درجہ حرارت میں اضافے کو 1.5 ڈگری سینٹی گریڈ تک محدود رکھنے کے ہدف کو حاصل نہیں کرسکے گی تاہم انہوں نے یہ بھی کہا کہ اس حوالے سے ہونے والے کام میں کافی تیزی آئی ہے موسمیاتی تبدیلی کے حوالے سے ناقص کوششوں کی وجہ سے انسانی حالات میں بہتری کے لیے ہونے والی پیشرفت بھی سست رفتار ہوگئی ہے۔

    ہرفرد موسمیاتی تبدیلیوں کے منفی اثرات کی روک تھام کیلئے کردار ادا کرسکتا ہے،بل…

    انہوں نے کہا کہ دنیا کے کچھ حصوں میں 10 فیصد سے زیادہ بچے 5 سال کی عمر سے پہلے ہلاک ہوجاتے ہیں جبکہ 30 فیصد سے زیادہ افراد کو مناسب مقدار میں خوراک دستیاب نہیں تمام تر حالات کے باوجود مجھے اب بھی یقین ہے کہ ہم بھیانک نتائج سے بچ سکتے ہیں-

    خیال رہے کہ بل گیٹس نے ایک جوہری کمپنی ٹیرا پاور کی بنیاد رکھی ہے جبکہ بریک تھرو انرجی نامی کمپنی کے ذریعے موسمیاتی تبدیلیوں کی روک تھام کے لیے متعدد جدید ٹیکنالوجیز میں سرمایہ کاری کی ہے جبکہ موسمیاتی تبدیلیوں پر ایک کتاب بھی تحریر کی ہے،علاوہ ازیں بل گیٹس نے مصنوعی گوشت کی تیاری کے لیے بھی متعدد کمپنیوں کو سرمایہ فراہم کیا ہے۔

    اس سے قبل 2015 میں پیرس میں ہونے والے ماحولیاتی معاہدے میں دنیا بھر کے رہنماؤں نے عالمی درجہ حرارت میں اضافے کو 1.5 ڈگری سینٹی گریڈ تک محدود رکھنے پر اتفاق کیا تھا-

    سمندری سیپی سے تیار ماحول دوست ہیلمٹ

  • چین: کیمیکل پلانٹ میں خوفناک دھماکہ، 5 افراد ہلاک اور 34 زخمی،8 لاپتہ

    چین: کیمیکل پلانٹ میں خوفناک دھماکہ، 5 افراد ہلاک اور 34 زخمی،8 لاپتہ

    بیجنگ:چین کے شمال مشرقی علاقے میں ایک کیمیکل پلانٹ میں دھماکے کے بعد خوفناک آگ بھڑک اُٹھی جس میں جھلس کر 5 افراد ہلاک ہوگئے جبکہ 34 شدید زخمی اور 8 افراد لاپتہ ہیں۔

    باغی ٹی وی: غیر ملکی رساں ادارے کے مطابق چین کے صوبے لیاؤننگ کے پنجن شہر کے مضافات میں فیکٹری شٹ ڈاؤن میں مرمتی کام کے دوران کیمیکل پلانٹ میں کے بعد آگ بھڑک اُٹھی جس نے دیکھتے ہی دیکھتے پورے پلانٹ کو اپنی لپیٹ میں لے لیا۔

    چین میں 60 سال بعد شرح پیدائش میں کمی

    https://twitter.com/OdNa_TaKa9l/status/1614602314387439616?s=20&t=Y9l2HRczN4FmJ_47BBidOQ
    پولیس کے مطابق فائر بریگیڈ کے عملے نے کئی گھنٹوں کی محنت کے بعد آگ پر قابو پالیا امدادی کاموں کے دوران پلانٹ سے 5 لاشیں نکالی گئی ہیں جبکہ 34 زخمیوں کو اسپتال منتقل کیا گیا ہے اور مقامی ماحولیاتی محکمہ علاقے میں ہوا کے معیار پر پڑنے والے اثرات کی نگرانی کر رہا ہے۔

    یوکرینی فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے

    پولیس کا کہنا ہے کہ کم از کم 8 ملازمین لاپتہ ہیں جن کے بارے میں خدشہ ہے کہ وہ فیکٹری میں ہی تھے تاہم ان کی باقیات کی تلاش جاری ہے دھماکے کی وجہ کا تعین نہیں ہوسکا ہے۔

    حکام نے حادثے کی تحقیقات کے لیے انکوائری کمیٹی تشکیل دے دی ہے چین میں کیمیکل پلانٹس میں اصول اور ضابطے کی پیروی نہ کرنے کے باعث اکثر ایسے واقعات رونما ہوتے رہتے ہیں۔

    برطانیہ:پولیس افسر کا 24 خواتین کے ساتھ جنسی زیادتی کا اعتراف

  • بلند معیار کے اسٹیریوائیر بڈز قیمتی اور خوبصورت بالیاں بھی

    بلند معیار کے اسٹیریوائیر بڈز قیمتی اور خوبصورت بالیاں بھی

    جرمنی کی ایک کمپنی نے خواتین کے لیے نئے فیشن کے تحت ایئربڈز کو کانوں کی بالیوں میں لگا دیا ہے،ان بالیوں میں جڑے دونوں موتیوں میں 2 اسپیکرز چھپے ہوئے ہیں جو آواز کو کانوں میں منتقل کرتے ہیں۔

    باغی ٹی وی: نووا کمپنی کے مطابق ایئربڈز سونے، چاندی اور سچے موتی کی صورت میں دستیاب ہیں اور ان کے ساتھ چارجنگ کیس بھی فروخت کیا جا رہا ہے۔ کانوں کے زیور کے ساتھ ساتھ ان میں بلند معیار کے اسٹیریو ایئربڈز بھی چھپے ہیں۔

    ایئررنگ میں کِلپ لگایا گیا ہے جس کے پیچھے مائیکرو اسپیکر موجود ہے۔ اگر ایئررنگ کان سے دور بھی رہے تب بھی ایک خاص رخ سے کانوں میں آواز پڑتی رہتی ہے۔

    کمپنی کے مطابق اس ٹیکنالوجی سے آپ کے اردگرد کی آوازوں کی ایک تہہ بنتی ہے جس سے گانے سنتے ہوئے بھی آپ آس پاس کی آوازیں سن سکتے ہیں اس ٹیکنالوجی کے باعث نوائز کینسلیشن کی ضرورت نہیں رہتی۔

    اسپیکرز تو کانوں سے باہر ہوتے ہیں مگر اس ڈیوائس کے لیے استعمال کی جانے والی ساؤنڈ ٹیکنالوجی کے باعث آپ جو سن رہے ہوتے ہیں اس کا علم دیگر افراد کو نہیں ہوتا۔

    سنگل چارج پر آڈیو ائیر رنگز سے آپ ساڑھے 3 گھنٹے تک گانے سن سکتے ہیں یا ڈھائی گھنٹے تک کسی سےبات کرسکتے ہیں کیونکہ اس میں چار حساس مائیک بھی لگے ہیں۔ اس میں ایک باریک بٹن سے آپ میوزک اور فون پر گفتگو کے آپشن کا انتخاب کرسکتے ہیں۔

    ائیر رنگ کیس ہی اس کا چارجنگ کیس بھی ہےجبکہ اس ڈیوائس میں ایک بٹن بھی موجود ہےجس سےآڈیو پلے بیک اورفون کالزکوکنٹرول کیا جاسکتا ہے یہ ڈیوائس گولڈ اور سلور رنگوں میں دستیاب ہے جس کی قیمت 695 یورو رکھی گئی ہے،پہلے یورپ اور پھر جاپان میں ان کی فروخت شروع کی جائے گی جو اگلے چند ماہ میں متوقع ہے۔

    تجزیہ کاروں کے مطابق اس کا ڈیزائن سونی کے اوپن اسٹائل لنک بڈز سے مشابہہ ہے لیکن یہ بات درست نہیں کیونکہ پہنے جانے کے بعد کوئی بھی نہیں کہہ سکتا یہ اسمارٹ فون سے جڑے ایئربڈز ہیں بلکہ دیکھنے میں یہ کانوں کے زیور ہی لگتے ہیں اور یہی اس ڈیزائن کا کمال ہے۔

  • یوکرینی فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے

    یوکرینی فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے

    یوکرین کے فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے جہاں وہ اپنی تربیتی سرگرمیوں کا حصہ بن گئے ہیں۔

    باغی ٹی وی: یوکرینی فوجی امریکی ریاست اوکلو ہامہ پہنچے جہاں وہ ائیر ڈیفنس آرٹلری سکول میں اپنی تربیت کے مراحل مکمل کریں گے کرنل کرٹس کنگ نے اس امر کا اظہار اس بارے میں اپنے ٹویٹ کے ذریعے جاری کردہ ویڈیو میں کیا ہے-

    یوکرین میں روس کا عمارت پر حملہ،بچوں سمیت 35 افراد ہلاک اور 75 زخمی

    امریکہ نے اپنے جدید ترین پیٹریاٹ میزائل روس کے خلاف یوکرینی فوج کو دینے کا اعلان دسمبر 2022 میں کیا تھا تاہم اس کی تربیت کے لیے ضروری تھا کہ یوکرینی فوجیوں کو امریکہ بلایا جائے۔

    یوکرین پٰیٹریاٹ میزائلوں کے لیے کافی دیر سے زور دے رہا تھا۔ اب امریکہ کے اس کے حق میں فیصلے سے یوکرین کو کافی بڑی کامیابی ملی ہے۔

    کرنل کرٹس کنگ نے اپنے ٹویٹ میں امریکہ پہنچنے والے یوکرینی فوجیوں کی تعداد کا ذکر نہیں کیا ہے تاہم اسی ماہ امریکی حکام نے بتایا تھا کہ 90 سے 100 کے درمیان یوکرینی فوجی پیٹریاٹ میزائل کی تربیت لینے امریکہ آئیں گے۔

    عالمی برادری کو افغانستان کے اندرونی معاملات میں مداخلت نہیں کرنا چاہیے،افغان…

    ‘رے تھیون’ کمپنی کا بنایا ہوا ایم آئی ایم 104 پیٹریاٹ میزائل بنیادی طور پر ہوا میں اڑنے والے حملہ آور طیاروں کو نشانہ بنانے کے لیے ہے۔ لیکن بعد ازاں اس کو بلیسٹک میزائل حملوں کو بھیی فضا میں ہی ناکام بنانے کی صلاحیت سے بھی لیس کر دیا گیا ۔

    یہ امریکی پیٹریاٹ میزائل پہلی خلیج جنگ میں کافی کامیابی پا چکے ہیں ۔ جب ان کی مدد سے امریکہ نے روسی ساختہ سکڈ میزائل شکار کیے تھے۔ اب یہ پیٹریاٹ براہ روسی حملوں کو روکنے کے لیے یوکرین کے زیر استعمال آئیں گے۔

    دورانِ حمل خطرناک پیچیدگیوں کی نشاندہی کرنے والا خون کا ٹیسٹ

  • چین میں 60 سال بعد شرح پیدائش میں کمی

    چین میں 60 سال بعد شرح پیدائش میں کمی

    بیجنگ: ایک ارب 40 کروڑ آبادی والے ملک چین میں 60 سال بعد شرح پیدائش میں کمی آگئی۔

    باغی ٹی وی: بلوم برگ کی رپورٹ کے مطابق دنیا کے سب سے زیادہ آبادی والے ملک چین میں 60 سال بعد شرح پیدائش کم ہوگئی۔

    فوڈ پانڈا نے اسلام آباد یونائیٹڈ کے ساتھ اشتراک کرلیا

    ماہرین کا کہنا ہے کہ چین کی آبادی ممکنہ طور پر گزشتہ سال دہائیوں میں پہلی بار سکڑنا شروع ہوئی، یہ ایک اہم سنگ میل ہے جس کے معیشت پر طویل مدتی اثرات مرتب ہوں گے۔

    آزاد آبادیاتی ماہر ہی یافو کے مطابق، 2022 میں پیدائش کی کل تعداد کے لیے حکومت کے سرکاری اعداد و شمار – جو اگلے ہفتے جاری کیے جانے کی توقع ہے – ممکنہ طور پر 10 ملین کی ریکارڈ کم دکھائی دے گی۔

    بھارت میں دولت کی غیر منصفانہ تقسیم میں اضافہ،ایک فیصد اشرافیہ ملک کی 40 فیصد سے زائد دولت کی مالک

    بیجنگ کے نیشنل بیورو آف اسٹیٹکس کے مطابق 2022 کے آخر تک چین کی مجموعی آبادی ایک ارب 41 کروڑ کے لگ بھگ تھی اور 2021 کے آخر سے اس میں آٹھ لاکھ 50 ہزار کی کمی ریکارڈ کی گئی ہے آخری مرتبہ چین کی آبادی میں کمی 1960 میں دیکھی گئی تھی۔

    چین نے 1980 میں آبادی میں تیز رفتاری سے اضافے کے باعث ’ون چائلڈ پالیسی‘ نافذ کی تھی جبکہ 2021 کے آغاز میں 3 بچوں کی اجازت دی گئی تھی ماہرین کا کہنا ہے کہ چین کی آبادی میں کمی سے معاشی ترقی متاثر ہوسکتی ہے۔

    برطانیہ:پولیس افسر کا 24 خواتین کے ساتھ جنسی زیادتی کا اعتراف

  • مسلسل فاسٹ فوڈ کی عادت جگر کے لیے انتہائی مضر ثابت ہوسکتی ہے،تحقیق

    مسلسل فاسٹ فوڈ کی عادت جگر کے لیے انتہائی مضر ثابت ہوسکتی ہے،تحقیق

    مسلسل فاسٹ فوڈ کی عادت جگر کے لیے انتہائی مضر ثابت ہوسکتی ہے،گزشتہ 50 برسوں میں فاسٹ فوڈ پوری دنیا میں خوب بڑھا ہے اور اب بھی لوگ طرح طرح کے امراض کےشکار بن رہے ہیں۔

    باغی ٹی وی: یونیورسٹی آف سدرن کیلیفورنیا میں واقع کیک اسکول آف میڈیسن کی جانب سے شائع کرائی گئی تحقیق میں کہا گیا کہ فاسٹ فوڈ کھانے کی طویل عادت جگر میں چربی چڑھا سکتی ہے اس صورت میں ’نان الکحلک فیٹی لیور ڈیزیز‘ (این اے ایف ایل ڈی) نہ صرف ظاہر ہوسکتی ہے بلکہ مزید پیچیدہ بن کر جان لیوا بھی ہوسکتی ہے۔

    غذا جو بڑھتی عمر کیساتھ دل و دماغ کی حفاظت کرتی ہے

    تحقیق سے وابستہ سائنسدان ڈاکٹر عینی کرداشیئن کہتی ہیں کہ اگر کوئی اپنے روزمرہ حراروں (کیلوریز) کا پانچواں حصہ فاسٹ فوڈ سے لیتا ہےتو جلد یا بدیر ان کے جگر کو مختلف چکنائیاں گھیرلیتی ہیں۔

    اس ضمن میں 2017 اور 2018 کے صحت و غذائیت کے سروے کا جائزہ بھی لیا گیا ہے امریکہ میں ہر سال اس موزوں پر سب سے بڑا عوامی سروے بھی ہوتا ہے جس میں انکشاف ہوا ہے کہ جگرمیں چکنائیوں کا جمع ہونا، ہیپاٹائٹس، جگر کی ناکاکردگی بلکہ سرطان کی وجہ بھی بن رہا ہے یا بن سکتا ہے۔

    رات دیر تک جاگنا ٹائپ 2 ذیا بیطس کے خطرات بڑھا دیتا ہے، تحقیق

    ماہرین نے اس فہرست میں برگر کے علاوہ میٹھی اشیا، ڈونٹس اور پیزا وغیرہ کو بھی شامل کیا ہے۔ اس تحقیقی سروے میں کل 4000 سے زائد افراد کو شامل کیا گیا ہے ان میں سے 52 فیصد افراد فاسٹ فوڈ کھانے کے عادی تھےجو افراد اپنے ضروری غذائی حراروں کی صرف 20 سے 29 فیصد مقدار فاسٹ فوڈ سے حاصل کررہے تھے وہ سب جگر پر اضافی چربی میں متبلا پائے گئے جسے این اے ایف ایل ڈی کہا جاتا ہے۔

    ماہرین کے مطابق جو فربہ افراد میں جگر پر چربی کا خطرہ مزید بڑھ جاتا ہے اور انہیں مشورہ دیا گیا ہے کہ فاسٹ فوڈ کی مقدار اور عادت میں کسی بھی طرح کمی کریں۔ فربہ افراد کولیسٹرول اور بلڈ پریشر کی شکایت بھی کرتے نظرآئےیہی وجہ ہے کہ ماہرین نے عوام کو فاسٹ فوڈ سے دور رہنے کا مشورہ دیا ہے۔

    انار ایک سُپر فوڈ،ذیابیطس کو روکتا ہے اور دل کی حفاظت کرتا ہے،نظام ہاضمہ کو مضبوط کرتا ہے

  • برطانیہ:پولیس افسر کا 24 خواتین کے ساتھ جنسی زیادتی کا اعتراف

    برطانیہ:پولیس افسر کا 24 خواتین کے ساتھ جنسی زیادتی کا اعتراف

    لندن: برطانیہ میں میٹرو پولیٹن پولیس کے افسر ڈیوڈ کیرک پر 18 سالہ ملازمت کے دوران 80 سے زائد جنسی جرائم کا مقدمہ چل رہا ہے جس میں ملزم نے 24 خواتین کے ساتھ زیادتی کا اعتراف کرلیا۔

    باغی ٹی وی: برطانوی نشریاتی ادارے"بی بی سی” کے مطابق برطانوی فوج میں ملازمت کے بعد میٹرو پولیٹن پولیس میں شمولیت اختیار کرنے والے افسر کو متعدد شکایات سامنے آنے پر اکتوبر 2001 میں معطل کردیا گیا تھا۔

    سسلین مافیا کا "آخری گاڈ فادر” گرفتار

    48 سالہ ڈیوڈ نامی افسر نے سوشل میڈیا سائٹس کے ذریعے خواتین سے تعلق بنایا اور پولیس عہدیدار ہونے کی وجہ سے ان کے مسائل کے حل کی یقین دہانی کرائی اور پھر اعتماد حاصل کرنے کے بعد انھیں جنسی زیادتی کا نشانہ بنا ڈالتا دو دہائیوں میں 49 جرائم کا اعتراف کیا۔

    سابق فوجی صرف خواتین کو زیادتی کا نشانہ نہیں بناتا بلکہ تشدد بھی کرتا اور کئی خواتین پر پیشاب بھی کیا۔ جن خواتین نے اس عمل سے منع کیا انھیں مارا پیٹا اور جیل میں بند کرنے کی دھمکی دی۔

    جنسی تعلق استوار کرنے کے بعد ڈیوڈ ان خواتین کو الگ مقام پر رکھتا اور انھیں نہ تو گھر والوں سے ملنے دیتا اور نہ بچوں سے بات کرنے کی اجازت ہوتی تھی وہ ان خواتین پر بیلٹ کوڑے کی طرح برساتا تھا۔

    عدالت نے 80 سے زائد جنسی جرائم کے الزامات پر جرح جاری رکھی تو ملزم نے 24 خواتین کو جنسی زیادتی کا نشانہ بنانے کا اعتراف کرلیا جس پر عدالت نے مزید خواتین کو سامنے آنے کی دعوت دی ہے۔

    یوکرین میں روس کا عمارت پر حملہ،بچوں سمیت 35 افراد ہلاک اور 75 زخمی

    کیرک، جس نے عصمت دری کی 24 گنتی کا اعتراف کیا تھا، کو اکتوبر 2021 میں گرفتار ہونے پر ڈیوٹی سے معطل کر دیا گیا تھا اس کے جرائم 2003 سے 2020 تک پھیلے ہوئے تھے اور زیادہ تر ہرٹ فورڈ شائر میں ہوئے، جہاں وہ رہتا تھا۔

    آخر کار اسے روک دیا گیا جب ایک عورت نے اس کی اطلاع دینے کا فیصلہ کیا۔ اکتوبر 2021 میں، بدنام میٹروپولیٹن پولیس آفیسر پی سی وین کوزینز کے بارے میں پبلسٹی کے بعد، اس نے پولیس سے رابطہ کیا۔

    کراؤن پراسیکیوشن سروس کے چیف کراؤن پراسیکیوٹر جسونت ناروال نے کہا کہ کیرک نے ایک ایسا کردار ادا کیا جہاں عوام کی حفاظت کی ذمہ داری کے ساتھ ان پر بھروسہ کیا گیا تھا، لیکن پھر بھی 17 سال سے زیادہ، اپنی نجی زندگی میں، اس نے بالکل برعکس کیا یہ ایک ایسا آدمی ہے جس نے خواتین کی بے عزتی، تحقیر اور جنسی زیادتی کی اور ان کی عصمت دری کی جیسے جیسے وقت گزرتا گیا، اس کے جرم کی شدت میں شدت آتی گئی-

    امریکی پولیس کے تشدد سے سیاہ فام خاتون ہلاک

    دوسری جانب میٹ پولیس نے شہریوں سے معذرت کرتے ہوئے کہا ہے کہ ہم اپنے افسر کی حرکتوں پر شرمندہ ہیں جنھیں کڑی سے کڑی سزا دلوائیں گے اور آئندہ ایسے واقعات نہ ہونے کو یقینی بنائیں گے۔

  • بھارت میں سڑک چوڑی کرنے کے بہانےتاریخی مسجد شہید

    بھارت میں سڑک چوڑی کرنے کے بہانےتاریخی مسجد شہید

    بھارتی ریاست اترپردیش میں قائم تاریخی مسجد کو سڑک چوڑی کرنے کے بہانے شہید کردیا گیا جس کی ویڈیو سوشل میڈیا پر وائرل ہے۔

    باغی ٹی وی: اترپردیش میں الہٰ آباد کے علاقے ہندیا میں 16 ویں صدی میں تعمیر کی گئی تاریخی شاہی مسجد کو شہید کردیا گیا۔ ٹوئٹر پر بھارتی پروفیسر اور یونیسکو کے چیئرپرسن اشوک سوائیں کی جانب سے ایک ویڈیو شیئر کی گئی ہے جس میں یوپی کی ایک سڑک پر قائم مسجد کو ہیوی مشینری کے ذریعے شہید کرتے دیکھا جاسکتا ہے۔

    امریکی پولیس کے تشدد سے سیاہ فام خاتون ہلاک


    اشوک سوائیں نے اپنی ٹوئٹ میں بتایا کہ مسجد کو بھارتی ریاست اتر پردیش میں ایک سڑک چوڑی کرنے کے لیے شہید کیا گیا ہے۔


    دوسری جانب مسلم اسپیس نامی ٹوئٹر اکاؤنٹ سے بتا یا گیا کہ یو پی کے شہر الہ آباد کے ہنڈیا نامی گاؤں میں واقع شاہی مسجد کو شہید کردیا گیا ہے، مسجد شیر شاہ سوری کے دور سے قائم تھی۔

    بھارت؛120خواتین کیساتھ جنسی زیادتی کرنےوالے’جلیبی بابا‘کو14سال قید:پیروکاروں کا…

    اس حوالے سے امام مسجد کا کہنا ہے کہ معاملہ عدالت میں زیر سماعت تھا اور 16 جنوری کو کیس کی سماعت ہونی تھی۔

    مقامی مسلم تنظیم کے عہدیدار نے بتایا کہ عدالت میں سماعت کے لیے تاریخ مقرر ہونے کے باوجود گزشتہ روز پبلک ورکس ڈپارٹمنٹ نے اہلکاروں نے بھاری مشینری کے ذریعے مسجد کو سڑک چوڑا کرنے کے بہانے شہید کردیا۔

    پیپلز یونین فار ہیومن رائٹس کی رپورٹ کے مطابق صرف گجرات میں 500 کے قریب مساجد اور عبادت گاہوں کو مسمار کیا گیا جس سے بھارت کے سیکولر اسٹیٹ ہونے کا نام نہاد دعویٰ بے نقاب ہوگیا۔

    معاشی بحران سےنکلنےکےلیےسری لنکا کافوج کی تعداد میں کمی کرنے کا فیصلہ