فلم ” سپر پنجابی “ کا لاہور اور کراچی میں کامیاب پریمئیر ہوا ہے ، اس کے بعد سینما گھروں میں شائقین اس فلم کو دیکھنے کے لئے بڑی تعداد میں جا رہےہیں ، تازہ اطلاعات کے مطابق فلم نے پاکستان سمیت دنیا بھر کے دیگر ممالک پہلے دو دنوں میں 5کروڑ 40لاکھ روپے کا بزنس کر لیا ہے. فلم مسلسل بزنس کررہی ہے ، بڑے بجٹ سے تیار کردہ یہ فلم تازہ ہوا کا جھونکا ہے پاکستان میں اس قسم کی پہلے کبھی بھی پنجابی فلمیں نہیں بنائی گئیں ، یہ یقینا ایک نیا تجربہ ہے جسے بہت زیادہ سراہا گیا ہے. فلم میں تمام فنکاروں کی اداکاری کو بہت زیادہ سراہا جا رہا ہے.
اس فلم میں فلمسٹارثناء نے ایک اہم کردار ادا کیا ہے، انکی اداکاری کو بھی کافی سراہا جا رہا ہے. دوسری طرف ناصر چنیوٹی اور سلیم البیلا کی اداکاری کو بھی کافی پسند کیا گیا ہے. فلم کا میوزک اسکا پلس پوائنٹ ہے. فلم کی ریلیز سے قبل افتخار ٹھاکر نے دعوی کیا تھا کہ ہماری فلم ماڈرن پنجابی سینما کی بنیاد رکھے گی اور شاید ان کی بات سچ ثابت ہو گئی ہے، اور لوگ فلم کو کافی پسند کررہے ہیں. واضح رہے کہ صائمہ بلوچ کی بطور ہیروئین پہلی فلم ہے.
