Tag: Supreme court

آرمی چیف جنرل عاصم منیر نے بلوچستان کے علاقوں خضدار اور بسیمہ کا دورہ کیا ہے۔جہاں انہوں نے کہا کہ بلوچستان کے پرامن ماحول کو خراب کرنے کے مذموم عزائم سے آگاہ ہیں

پاک فوج کے شعبہ تعلقات عامہ (آئی ایس پی آر) کے مطابق آرمی چیف کی آمد پر کور کمانڈر کوئٹہ لیفٹیننٹ جنرل آصف غفور نے استقبال کیا۔ آرمی چیف کو سیکیورٹی کی موجودہ صورتحال اور فارمیشن کی آپریشنل تیاریوں پر بریفنگ دی گئی۔

آئی ایس پی آر کے مطابق جوانوں سے بات چیت میں آرمی چیف نے نے بلوچستان کو غیر مستحکم کرنے کےلیے غیر ملکی سپانسر اور حمایت یافتہ دشمن عناصر کی کوششوں کو ناکام بنانے کےلیے بہترین آپریشنل تیاری کو برقرار رکھنے پر زور دیا۔

ترجمان پاک فوج کے مطابق آرمی چیف جنرل عاصم منیر نے کہا کہ ہم پاکستان کے بیرونی دشمنوں کے بلوچستان میں محنت سے کمائے گئے پرامن ماحول کو خراب کرنے کے مذموم عزائم سے آگاہ ہیں۔

آرمی چیف نے کہا کہ فوج کی تعیناتی اور آپریشنز پر توجہ مرکوز کی جا رہی ہے تاکہ لوگوں کو سماجی و اقتصادی ترقی کے لیے سازگار ماحول فراہم کیا جا سکے۔

اسلام آباد:اسپیکر قومی اسمبلی راجا پرویز اشرف نے پاکستان تحریک انصاف کے 35 ارکان کے استعفے منظور کرلئے۔اسپیکر قومی اسمبلی راجا پرویز اشرف کی جانب سے پی ٹی آئی کے 35 ارکان کے استعفے منظور ہونے کے بعد الیکشن کمیشن آف پاکستان نے ان ارکان کو ڈی نوٹیفائی کردیا۔

جن ارکان کے استعفے منظور کئے گئے ہیں الیکشن کمیشن کی جانب سے ڈی نوٹیفائی کئے گئے ارکان قومی اسمبلی میں عمر ایوب، مراد سعید، اسد قیصر، پرویز خٹک، عمران خٹک ،شہریار آفریدی، علی امین خان، نور الحق قادری، راجہ خرم شہزاد نواز کو ڈی نوٹیفائی کردیا

ذرائع کے حوالےسے یہ بھی معلوم ہوا ہے کہ علی نواز خان، اسد عمر، صداقت علی خان، غلام سرور خان، شیخ راشد شفیق ،شیخ راشد احمد، منصور حیات خان، فواد احمد، ثناءاللہ خان، حماد اظہر،شفقت محمود خان، عامر ڈوگر، شاہ محمود قریشی، زرتاج گل، فہیم خان، سیف الرحمن کو ڈی نوٹیفائی کردیا گیا

دیگرمیں عالمگیر خان، علی حیدر زیدی، آفتاب حسین صدیقی، عطااللہ، آفتاب جہانگیر،اسلم خان، نجیب ہارون، قاسم سوری، عالیہ حمزہ ملک اور کنول شوزب کو ڈی نوٹیفائی کردیا گیا

اس سے پہلے پاکستان تحریک انصاف نے قومی اسمبلی میں واپسی کےلیے واضح اشارہ دیا تھا ،لاہور میں چیئرمین تحریک انصاف عمران خان کی زیرصدارت اجلاس کے بعد فواد چوہدری نے میڈیا کو بتایا کہ پرویزخٹک کی سربراہ میں پارلیمانی کمیٹی تشکیل دیدی گئی ہے۔

سابق وزیراطلاعات فواد چوہدری کا کہنا تھا کہ پارلیمانی کمیٹی قومی اسمبلی میں تحریک انصاف کے پارلیمانی لیڈر، لیڈر آف اپوزیشن اور چیئرمین پبلک اکاونٹس کمیٹی کے چیئرمین کےلیے نامزدگیاں کریں گے۔

فواد چوہدری کا کہنا تھا کہ ہماری خواہش ہے کہ وفاقی حکومت ہمارے ساتھ بیٹھے اور انتخابی اصلاحات لائے، بیٹھ کر الیکشن کا فریم ورک طے کریں۔ ان کا مزید کہنا تھا کہ قومی اسمبلی میں کب جانا ہے اس کے بارے میں ابھی طے نہیں کیا۔

پاکستان تحریک انصاف نے سندھ کے بلدیاتی انتخابات کو مسترد کردیا۔ فواد چوہدری نے مطالبہ کیا کہ ان الیکشن میں دھاندلی کی مکمل تحقیقات کروائی جائے۔انہوں نے کہا کہ الیکشن کو پہلے تاخیر کا شکار کروایا گیا، پھر وفاقی اور سندھ حکومت سندھ کے شہریوں کو ڈراتی رہیں۔ کراچی کے انتخابات کو جس طریقے سے متاثر کیا گیا وہ سب کے سامنے ہے۔ فواد چوہدری نے کہا کہ 3 دن تک کراچی میں بلدیاتی انتخابات کے نتائج کو روکا گیا، اگر ای، وی، ایم سسٹم ہوتا تو الیکشن میں اس طرح دھاندلی نہ ہوتی۔

رہنما تحریک انصاف نے مزید کہا کہ کچھ دیر کے بعد خیبرپختونخوا اسمبلی کی تحلیل کی سمری گورنر خیبر پختونخوا کو بھجوا دی جائے گی۔ پنجاب اور خیبر پختونخوا کی اسمبلی تحلیل کرنے ک وعدہ کیا تھا وہ پورا کر دیا ہے۔

اسلام آباد: پنجاب اسمبلی میں اپوزیشن لیڈر حمزہ شہباز شریف نے نگران وزیر اعلیٰ پنجاب کے لئے دو نام گورنر محمد بلیغ الرحمان کو بھجوا دیئے۔اطلاعات ہیں‌ کہ حمزہ شہباز شریف کی جانب سے سید محسن رضا نقوی اور احد چیمہ کے نام نگران وزیراعلیٰ کے لیے بھجوائے گئے، حمزہ شہباز نے مزید روابط کے لیے ملک احمد خان کو فوکل پرسن مقرر کر دیا۔

دوسری جانب پنجاب میں نگران سیٹ اپ بارے مشاورت کیلئے وزیر اعظم شہباز شریف نے آصف علی زرداری اور چودھری شجاعت کو ٹیلی فون کیا۔شہباز شریف نے جمعیت علما اسلام (ف) کے سربراہ مولانا فضل الرحمان سے بھی رابطہ کیا، صوبے کی صورتحال پر تبادلہ خیال کرتے ہوئے تجویز کردہ ناموں پر اعتماد میں لیا۔

اس سے قبل میڈیا سے گفتگو میں وزیراعظم شہباز شریف کے معاون خصوصی اور اپوزیشن لیڈر حمزہ شہباز کے نمائندے ملک احمد خان کا کہنا ہے کہ نگران وزیراعلیٰ کے لیے وزیراعظم سے مشاورت مکمل کر لی ہے، آصف زرداری سے مشاورت کے بعد آج شام تک 3 نام گورنر پنجاب کو ارسال کر دیئے جائیں گے۔

وزیراعظم کی جانب سے بھی سابق صدر آصف علی زرداری، چوہدری شجاعت اور جمعیت علمائے اسلام فضل الرحمان (ف) گروپ کے سربراہ مولانا فضل الرحمان سے ٹیلی فون پر رابطہ کیا۔اس موقع پر تینوں رہنماوں نے ن لیگ کو وزیراعلیٰ کے نام دینے کا مینڈیٹ دے دیا۔ ذرائع کے مطابق وزیراعظم شہباز شریف نے تینوں قومی رہنماوں کا شکریہ ادا کیا۔

خیال رہے کہ وزیراعلیٰ پنجاب چوہدری پرویزالہیٰ نے دو روز قبل ہی احمد نواز سکھیرا، نصیر احمد خان اور ناصر سعید کھوسہ کے نام نگراں وزیراعلیٰ کیلئے دیدیے ہیں۔