رپورٹ: فیضان شیخ
: تلہ گنگ میں پولیس نے ایک انوکھا فراڈ بے نقاب کرتے ہوئے چار ملزمان کو گرفتار کر لیا جو قربانی کے دنبے کو مصنوعی دانت لگا کر مہنگے داموں فروخت کرنے کی کوشش کر رہے تھے۔پولیس ترجمان کے مطابق ایس ایچ او تھانہ سٹی میڈم سمیعہ اور اے ایس آئی تیمور سلطان نے مخبر کی اطلاع پر اے ڈی ایس کالونی کے قریب کارروائی کی، جہاں ایک شہ زور گاڑی میں چار افراد دنبے کو نقلی دانت لگا رہے تھے۔دورانِ تفتیش ملزمان نے انکشاف کیا کہ دنبے کا دانت ٹوٹنے کے باعث وہ قربانی کے قابل نہیں رہا تھا، جسے مصنوعی دانت لگا کر دوبارہ فروخت کرنے کا منصوبہ بنایا گیا۔ اس مقصد کے لیے ایک ڈینٹل ٹیکنیشن کو بھی شامل کیا گیا تھا۔پولیس نے دنبہ، مصنوعی دانت، ڈینٹل اوزار اور گاڑی قبضے میں لے کر ملزمان کے خلاف دفعہ 420 کے تحت مقدمہ درج کر لیا ہے۔
ذرائع کے مطابق تلہ گنگ مویشی منڈی میں اس نوعیت کے دیگر فراڈ بھی سامنے آتے رہتے ہیں، جس پر شہریوں نے انتظامیہ سے سخت کارروائی کا مطالبہ کیا ہے۔
Tag: Talagang news today
-
تلہ گنگ میں انوکھا فراڈ، قربانی کے دنبے کو مصنوعی دانت لگانے والے چار ملزمان گرفتار
-
تلہ گنگ: مخیر شخصیت ملک یاسر سگھر کا انسانیت دوست اقدام، اہلیان سگھر کے لیے ایمبولینس عطیہ
سگھر/تلہ گنگ: تلہ گنگ کی معروف مخیر شخصیت ملک یاسر سگھر، جو ان دنوں اٹلی میں مقیم ہیں، نے انسانیت دوستی کی شاندار مثال قائم کرتے ہوئے سگھر کی عوام کے لیے ایک ایمبولینس عطیہ کر دی، جسے سگھر ویلفیئر ٹرسٹ کے سپرد کیا گیا۔تقریب میں ملک یاسر بطور چیف گیسٹ شریک ہوئے جبکہ ان کے ہمراہ عقیل ملک، حافظ شیر خان دھولڑ، سید مبارک علی ہمدانی اور ملک ندیم رضا موگلہ بھی موجود تھے۔اس موقع پر مقررین نے کہا کہ ایمبولینس کی فراہمی علاقے کے لیے ایک بڑا تحفہ ہے، جس سے ہنگامی حالات میں مریضوں کو بروقت طبی امداد میسر آئے گی اور قیمتی انسانی جانوں کو بچانے میں مدد ملے گی۔اہلِ علاقہ نے ملک یاسر سگھر کے اس فلاحی اقدام کو سراہتے ہوئے ان کے لیے نیک خواہشات کا اظہار کیا اور اسے دیگر مخیر حضرات کے لیے ایک قابلِ تقلید مثال قرار دیا۔