تشدد پر اکسانے کا ڈر، ٹویٹر انتظامیہ نے ڈونلڈ ٹرمپ کا اکاؤنٹ مستقل طور پر بند کر دیا.
تفصیلات کے مطابق کیپیٹل ہل مظاہرے میں کثیر تعداد ٹرمپ کے حامیوں کی تھی جنہوں نے پولیس کو بھی تشدد کا نشانہ بنایا تھا اور زبردستی پارلیمنٹ میں گھس گئے تھے.
ٹرمپ نے مظاہرین کو اکسانے کے لیے ٹویٹر کا استعمال کیا تھا جس کے بعد ٹویٹر اور فیس بک انتظامیہ نے عارضی طور پر اکاؤنٹ معطل کر دئیے تھے.
لیکن اب ٹویٹر انتظامیہ نے اپنا فیصلہ تبدیل کرتے ہوئے ٹرمپ کے اکاؤنٹس کو مکمل طور پر بند کرنے کا فیصلہ کر لیا ہے.
امریکی کانگریس نے صدارتی انتخابات میں جو بائیڈن کی جیت کی تصدیق کر دی ہے۔صدر ٹرمپ نتائج سے ناخوش.
صدر ٹرمپ کے سوشل میڈیا اکاؤنٹ عارضی طور پر معطل ہونے کے باعث ان کا بیان وائٹ ہاؤس کے ترجمان نے ٹوئیٹ کیا۔
ایرانی حکومت نے بین الاقوامی ادارے انٹرپول میں ’ریڈ نوٹس‘ جمع کروا دیا ہے جس میں تین جنوری 2020 کو ایرانی فوج کے ذیلی ادارے پاسداران انقلاب کور کے قدس فورس کے کمانڈر جنرل قاسم سلیمانی کے قتل کے لیے امریکی صدر ڈونلڈ ٹرمپ اور 47 دیگر امریکی عہدے داروں کی گرفتاری کی درخواست کی گئی ہے۔
ایرانی عدلیہ کے ترجمان غلام حسین اسماعیلی نے اپنے بیان میں کہا: ’اسلامی جمہوریہ ایران اس جرم کا حکم دینے اور اس پر عمل کرنے والوں کے تعاقب اور انہیں سزا دینے پر بہت سنجیدگی سے عمل پیرا ہے۔‘
انٹرپول نے اس قبل بھی تہران کے پراسیکیوٹر علی القاسم مہر کی جانب سے دائر کی اس درخواست کی منظوری نہیں دی تھی جس میں انہوں نے ’قتل اور دہشت گردی کے الزامات‘ کے تحت صدر ٹرمپ اور پینٹاگون اور امریکی سینٹرل کمانڈ کے دیگر عہدے داروں کی گرفتاری کے لیے انٹرنیشنل وارنٹ جاری کرنے کی استدعا کی تھی۔
ایران کو امید ہے کہ 20 جنوری کو اپنے عہدے سے سبکدوش ہونے والے صدر ٹرمپ کو جنرل سلیمانی کے قتل کے نتائج کا سامنا کرنے پر مجبور کرنا آسان ہوجائے گا۔
واشنگٹن: امریکی صدر ڈونلڈ ٹرمپ نے اسامہ بن لادن کے بیٹے حمزہ بن لادن کی ہلاکت کی تصدیق کردی ہے.
بین الاقوامی میڈیا کے مطابق القاعدہ کے سرگرم کارکن اور اسامہ بن لادن کے بیٹے حمزہ بن لادن کی ہلاکت ہوچکی، اب ڈونلڈ ٹرمپ نے بھی اس بات کی باقاعدہ تصدیق کردی ہے. صحافیوں سے گفتگو کرتے ہوئے ٹرمپ نے تصدیق کی کہ حمزہ بن لادن امریکہ کے آپریشن میں مارا جاچکا ہے، حمزہ بن لادن کو پاکستان اور افغانستان کی سرزمین پر فضائی آپریشن کے دوران مارا گیا ہے. دوسری جانب جب جولائی میں حمزہ بن لادن کی ہلاکت کے حوالےسے خبریں آرہیں تھیں، اس وقت ڈونلڈ ٹرمپ نے اس حوالے سے کوئی بھی تصدیق نہیں کی تھی بلکہ انہوں نے کہا کہ جس دہشتگرد کو مارا گیا ہے وہ امریکہ کو دھمکیاں دیتا تھا.
واضح رہے کہ جولائی 2019 میں امریکہ نے پاکستان اور افغانستان کی سرزمین پر فضائی آپریشن کیا تھا، جس میں حمزہ بن لادن کی ہلاکت کی خبریں زیر گردش تھیں.
واشنگٹن (اے پی پی) امریکی صدر ڈونلڈ ٹرمپ نے ڈنمارک کا دورہ منسوخ کر دیا.
تفصیلات کے مطابق امریکی صدر ڈونلڈ ٹرمپ نے ممکنہ طور پر گرین لینڈ کو خرید لینے سے متعلق تنازعے کی وجہ سے اپنا ڈنمارک کا طے شدہ دورہ منسوخ کر دیا ہے۔ ٹرمپ نے ٹویٹر پر ایک بیان میں کہا کہ ڈنمارک کے وزیراعظم گرین لینڈ کو بیچنے کے حوالے سے گفتگو پر راضی نہیں اور وہ اس وجہ سے اپنا کوپن ہیگن کا دورہ ملتوی کر رہے ہیں۔ گرین لینڈ ایک خود مختار علاقہ ہے لیکن یہ ڈنمارک کا حصہ ہے۔ اتوار کو صدر ٹرمپ نے تصدیق کرتے ہوئے کہا تھا کہ وہ گرین لینڈ خریدنا چاہتے ہیں لیکن ڈنمارک حکومت نے کہا تھا کہ گرین لینڈ برائے فروخت نہیں ہے۔
Denmark is a very special country with incredible people, but based on Prime Minister Mette Frederiksen’s comments, that she would have no interest in discussing the purchase of Greenland, I will be postponing our meeting scheduled in two weeks for another time….
— Donald J. Trump (@realDonaldTrump) August 20, 2019
واشنگٹن (اے پی پی) امریکی صدر ڈونلڈ ٹرمپ نے کہا ہے کہ مشرق وسطیٰ امن روڈ میپ جاری کرنے سے قبل اسرائیل کے انتخابات کا انتظار کروںگا.
تفصیلات کے مطابق ڈونلڈ ٹرمپ نے کہا ہے کہ وہ مشرق وسطیٰ کے لئے امن روڈ میپ جاری کرنے سے قبل اسرائیل کے انتخابات کا انتظار کریں گے جو آئندہ ماہ 17 ستمبر کو ہوں گے امن روڈ میپ وائٹ ہاﺅس کے سینئر مشیر اور ٹرمپ کے داماد جیرڈ کوشنر نے تیار کیا ہے. صحافیوں سے بات چیت کرتے ہوئے انہوں نے کہا کہ ممکنہ طور پر امن منصوبہ کی کچھ تفصیلات پہلے بھی جاری کی جاسکتی ہیں قبل ازین جیرڈ کوشنر کی جانب سے اس سال جون میں بحرین کانفرنس کے موقع پر مشرق وسطیٰ کے لئے 50ارب ڈالر کے معاشی پیکج کا اعلان کیا گیا تھا جس کی زیادہ ترعرب ممالک نے مخالفت کی تھی.
امریکی صدر ڈونلڈ ٹرمپ نے حافظ محمد سعید بارے ٹوئٹ کہ”10سال کی تلاش کے بعد پاکستان میں ممبئی حملوں کے ماسٹرمائینڈ کو گرفتار کر لیا گیا ہے“ پر انہیں تنقید کا سامنا ہے۔
خبر رساں ادارے رائٹرز کی رپورٹ کے مطابق پاکستانی حکام نے حافظ سعید کو بدھ کے دن گرفتار کیا تھا۔
بالآخر پاکستان پر عالمی دباو کام کرہی گیا،حافظ محمد سعید کی گرفتاری پر بہت خوشی ہوئی ہے، ڈونلڈ ٹرمپ
ٹرمپ جو کہ اگلے ہفتے وائٹ ہاؤس میں عمران خان کے میزبان ہوں گے، نے حافظ سعید کی گرفتاری کا خیرمقدم کیا اور اسے مسلسل دو سال سے پاکستان پر دباؤ کا نتیجہ قرار دیا۔
رائٹرز کے مطابق حافظ سعید گزشتہ ایک عشرے سے پاکستانی جیلوں میں قید اور رہا ہوتے رہے ہیں اور عوامی جلسوں سے خطاب بھی کرتے رہے۔
سابق پاکستانی سفیر حسین حقانی نے کہا کہ ٹرمپ حافظ سعید کیس کے حوالہ سے غیر دانشمندانہ مشورہ دیا گیا ہے۔
ایک ٹوئٹ میں حقانی نے کہا کہ حافظ سعید کو تلاش کرنا کوئی مسئلہ نہیں تھا۔ وہ آزادانہ گھومتے ہیں۔ انہیں کئی بار گرفتار اور رہا کیا جا چکا ہے۔
پاکستانی حکام کے مطابق ان کے پاس حافظ سعید کے خلاف کوئی ثبوت نہیں ہے۔
جارج ٹاؤن یونیورسٹی میں جنوبی ایشیا امور کی ماہرکرسٹین فیئر کے مطابق ٹرمپ کا حافظ سعید کو ممبئی حملوں کا نام نہاد ماسٹرمائنڈ کہنا بھی غلط ہے، ٹرمپ نے ایک بار پھر خود کو بے وقوف ظاہر کر دیا ہے۔
امریکی قومی سلامتی کے مشیر جان بولٹن نے دعوٰی کیا ہے کہ دو ہفتے قبل متحدہ عرب امارات کے تیل کے بحری جہازوں پر ایران نے حملہ کیا ہے. تاہم اپنے اس دعوے کے حق میں انہوں نے کوئی ثبوت پیش نہیں کیے. بولٹن نے یہ دعوٰی بدھ کے روز متحدہ امارات کے دارلحکومت ابوظہبی میں صحافیوں کے ساتھ پریس بریفنگ کے دوران کیا.انہوں نے مزید الزام لگاتے ہوئے کہا کہ سعودیہ عرب کی بندرگاہ یانبو کے ناکام حملے میں بھی ایران ملوث ہے.انکا مزید کہنا تھا کہ ان حملوں کے لیے ایران نے نیول مائینز کا استعمال کیا. چند دن پہلے ہی پینٹاگان بھی ان حملوں کا الزام ایرانی پاسداران انقلاب پر لگا چکا ہے.
دوسری جانب تحران نے ایسے کسی الزام کو مسترد کرتے ہوئے کہا ہے کہ ہم ایسے کسی حملے میں ملوث نہیں، یہ امن دشمن لوگوں کی کاروائی ہو سکتی ہے.
ایران امریکی تعلقات اس وقت کشیدہ ہوئے جب ایران نے امریکی پابندیوں کو مسترد کرتے ہوئے گرے مارکیٹ میں تیل کی فروخت کو جاری رکھنے کا کہا ہے.جسکے جواب میں امریکہ نے ایک گروپ کو دبئی روانہ کیا ہے تاکہ ایران کو پیغام دیا جا سکے.
یہ بھی پڑھیں
ایران امریکہ جنگ ہو سکتی ہے. امریکہ کی نصف آبادی نے خطرہ ظاہر کر دیا
ایران کا کیا موقف ہے، خبریں دیکھیں
مشرق وسطیٰ میں امریکی فوج کی تعیناتی پر ایران کا رد عمل آ گیا
امریکی پالیسوں نے مشرق وسطیٰ کی سکیورٹی خطرات سے دوچار کر دی. ایرانی نائب وزیر خارجہ
سعودی حکومت کا ان حملوں پر کیا رد عمل ہے خبریں پڑھیں
سعودی ایئر ڈیفنس فورس نے مکہ مکرمہ اور جدہ پر میزائل حملوں کی کوشش ناکام بنا دی
امام کعبہ عبدالرحمان السدیس کی سعودی عرب پر حملوں کی شدید مذمت
سعودی عرب پر جنگ مسلط کی گئی تو بھرپور طاقت سے جواب دیں گے. عادل الجبیر
پاکستان کا اس تنازعے میں کیا عمل دخل ہے جانیں
سعودی عرب کو خطرہ ہوا تو کس کا ساتھ دیں گے؟ پاکستان نے اہم اعلان کر دیا
