معروف اداکارہ عروہ حسین نے اپنی والدہ کو سوشل میڈیا پر ایک پوسٹ لگا سالگرہ کی مبارکباد دی اور لکھا کہ میری خوبصورت اماں رضیہ مخدوم کو سالگرہ مبارک ہو، آپ نے میرے لیے جو کچھ بھی کیا اس کے لیے بہت شکریہ اور مجھے وہ شخص بنانے کے لیے جو میں آج ہوں، آج میں آپ سے صرف یہ کہنا چاہتی ہوں کہ آپ نے بہت زیادہ مشکل زندگی گزاری ہے، کیونکہ آپ نے ہمیشہ اپنے بچوں اور ان کے خوابوں کو پورا کرنے کی کوشش کی ہے۔اداکارہ نے مزید لکھا تھا کہ ’میری خواہش ہے کہ آپ جو زندگی میں کرنا چاہتی ہیں اسے پورا کریں اور زندگی کو بھرپور طریقے سے جیئیں‘۔تصویر میں عروہ حسین کو دیکھا جاسکتا ہے کہ انہوں نے سیاہ رنگ کی کڑھائی کے ساتھ سفید رنگ کی شلوار قیمض اور دوپٹا پہنا ہوا ہے۔
اس پوسٹ کے کمنٹ سیکشن میں صارف نے تبصرہ کرتے ہوئے سوال پوچھا کہ ”عروہ آپ یہ لباس کتنی دفعہ پہنیں گی؟اس پر عروہ حسین نے ان کو سنا دی کھری کھری انہوں نے کہا کہ یہ جوڑا جب تک پہننے کے قابل ہے میں پہنوں گی ”، اور میں فضول خرچ نہیں ہوں ، مجھے فضول خرچی کی عادت اس لئے نہں ہے کیونکہ یہ اچھا کام نہیں ہے اور آپ کو بھی کوشش کرنی چاہیے کہ فضول خرچی نہ کریں اور جب تک کوئی جوڑا استعمال میں لایا جا سکتا ہے اسکو استعمال میںلائیں .
