Tag: vicky koshal

کترینہ کیف کے شوہر وکی کوشل کل شام ممبئی کے ایک مال میں اپنی فلم زارا ہٹ کے زرا بچ کے کی تشہیر کے لیے موجود تھے۔ لکشمن اٹیکر کی ہدایت کاری میں بننے والی اس فلم میں ان کے مد مقابل سارہ علی خان بھی ہیں۔ حسب توقع شائقین اداکار وکی کوشل کو اپنے سامنے دیکھ کر دیوانے ہو گئے۔ مال بہت زیادہ ہجوم سے بھرا ہوا تھا وہاں موجود لوگ وکی کو دیکھ کر اپنی خوشی کا اظہار کرتے رہے. اسی ہجوم میں ایک ایسی لڑکی بھی تھی جو کہ وکی کو دیکھ کر اپنی خوشی پر قابو نہ پا سکی ، اس نے تقریب کے دوران مائیک لیکر کہا کہ کترینہ وکی کی جان

ہے اور وکی میری جان ہیں، انہوں نے کہا کہ اس جنم میں تو وکی کترینہ کے ہیں لیکن اگلے سارے جنم وکی میرے ہوں گے.وکی کو میں بہت پسند کرتی ہوں. وکی کوشل نے اپنی مداح کی یہ بات سن کر نہ صرف خوشی کا اظہار کیا بلکہ اسکو گلے لگا لیا. ہاد رہے کہ وکی اور کترینہ کی شادی ڈیڑھ برس قبل ہوئی تھی ، دونوں ایک دوسرے کو پسند کرتے تھے اور کرتے ہیں ، وکی کا ماننا ہے کہ میں بہت خوش نصیب ہوں کہ مجھے کترینہ کیف جیسی بیوی ملی.

بالی وڈ کے معروف اداکار اور کترینہ کیف کے شوہر وکی کوشل نے اپنے حالیہ انٹرویو میں کہا ہے کہ میرے والد شام کوشل نے مجھے بالی وڈ میں بالکل بھی سپورٹ نہیں کیا ۔ درحقیقت انہوں نے کہا تھا کہ تم بالی و ڈمیں آتو گئے ہو لیکن میں بالکل بھی تمہیں سپورٹ نہیں کر سکوں گا ، تمہیں جو بھی کرنا ہے خود کرنا ہے ، اگر کام حاصل کرنا ہے یا آگے بڑھنا ہے تو اپنا ہی زور بازو استعمال کرنا ہو گا ، ٹیلنٹ دکھانا ہو گا۔وکی کوشل نے مزید کہا کہ میرے والد نے جب مجھے ایسا کہا تو میں نے سوچ لیا کہ جو کرنا ہے خود کرنا ہے لہذا ٹریک سے نہیں ہٹنا اور محنت کرتے جانا ہے کامیابی ایک نہ ایک دن

ضرور ملے گی اور کامیابی ملی بھی۔ وکی نے کہا کہ انسان اگر سوچ لے کے اس نے فلاں کام کرنا ہے تو پھر اسکو مسلسل محنت کرتے رہنا چاہیے۔ وکی کوشل نے اپنے ایک انٹرویو میں یہ بھی کہا تھا کہ مجھ میں شادی کے بعد بہت زیادہ تبدیلی آئی ہے اور یہ تبدیلی کی ذمہ دار کترینہ ہے انہوں نے مجھے جینے کا ڈھنگ سکھایا انہوں نے مجھے سکھایا کہ کس طرح سے ناکامی سے بھی گزر رہے ہوں تو حوصلہ رکھنا ہے۔ میں جس بھی مقام پر ہوں بہت زیادہ خوش ہوں۔