Tag: wahaj ali

ڈرامہ سیریل تیرے بن ان دنوں بہت زیادہ پسند کیا جا رہا ہے ، سپر ہٹ اس ڈرامے میں وہاج علی اور یمنہ زیدی کی جوڑی کو بہت پسند کیا جا رہا ہے ، یمنہ زیدی نے میرب کے کردار کے حوالے سے حالیہ انٹرویو میں کہا ہےکہ اس کردار کو مجھ سے پہلے دو بڑی اداکارائیں نیلم منیر اور آئزہ خان رد کر چکی تھیں ، میرے پاس جب یہ کردار آیا تو میں گھبرا گئی کہ اگر اتنی بڑی اداکارائوں نےیہ کردار رد کئے ہیں تو یقینا کوئی ایسی بات تو ہو گی ، میں نے اس تحفظ کا اظہار ڈائریکٹر کے ساتھ کیا لیکن ڈائریکٹر نے مجھے تسلی دی اور کہا کہ یہ بہت اچھا کردار اور کہانی ہے یہ

تماری شہرت میں مزید اضافہ کرے گا. یمنہ زیدی نے کہا کہ ٹھیک ایسا ہی ہوا ، بلکہ میں تو یہ کہوں گی کہ مجھے اس کردار کو کرنے سے بہت کچھ سیکھنے کو ملا . انہوں نے کہا کہ مجھے بہت خوشی ہے کہ میرب کے کردار کو بہت زیادہ پسند کیا جا رہا ہے. یمنہ زیدی نے کہا کہ تیرے بن ڈرامہ یقینا میرے کیرئیر کے بہترین ڈراموں میں سے ایک ہے. یاد رہے کہ وہاج علی اور یمنہ زیدی کی آن سکرین کیمسٹری کو بہت زیادہ پسند کیا جا رہا ہے.

آج کل ڈرامہ سیریل تیرے بن عوام میں کافی مقبولیت ھاصل کر رہا ہے، ڈرامے میں یمنہ زیدی اور وہاج علی کو ایک ساتھ شائقین بہت زیادہ پسند کررہے ہیں۔اگرہم یہ کہیں کہ ان دونوں کی جوڑی کا جادو شائقین کے سر چڑھ کر بول رہا ہے تو بے جانہ ہو گا۔ تیرے بن میں ایک سین جو کہ سویمنگ پول میں شوٹ ہوا اس سین کو سوشل میڈیا پر بہت زیادہ ڈسکس کیا جا رہا ہے ، اس سین کے ھوالے سے بات کرتے ہوئے یمنہ زیدی نے کہا ہے کہ مجھے جب ڈائریکٹر نے یہ سین کرنے کےلئے کہا تو انہیں یقین تھا کہ میں یہ سین نہیں کروں گی ، انہوں نے ایسا اس لئے کہا کیونکہ بطور اداکار میں نے ہمیشہ یہ کہا ہے کہ میں ایسا سین نہیں کروں گی ویسا سین نہیں کروں گی۔ لیکن میں نے جب پورا سین سنا تو میں نے ڈائریکٹر

سے کہا کہ میں یہ سین کروں گی ، ڈائریکٹر یہ بات سن کر حیران ر ہ گیا، میں نے دراصل یہ سین کرنے کےلئے اس لئے حامی بھری کیونکہ اس جیسا سین ہمارے ٹی وی ڈراموں میں پہلے کبھی شوٹ نہیں ہوا نہ دکھایا گیا ، لہذا مجھے لگا کہ نئی چیز ہے ہمیں ضرور کرنا چاہیے، میں نے وہ سین کیا ، اس سین کو کرنے سے پہلے پورا سیٹ اپ لگایا گیا تھا تاکہ مجھے کوئی زخم نہ آئے۔ میں نے یہ سین کروایا اور مجھے بہت مزا آیا نیا تجربہ تھا کیا اور لوگوں کو پسند آیا اور اس کے بارے میں انہوں نے کھل کر بات بھی مثبت انداز میں کی ۔