اداکار فواد خان نے ھال ہی میں غیر ملکی ادارے کو انٹرویو دیتے ہوئے کہا ہے کہ وسیم اکرم نے اپنی صلاحیتوں کے بل پر بہت نام کمایا ہے انہوں نے بہت سارے لوگوں‌کو مقابلے کی دوڑ میں پیچھے چھوڑ دیا بلکہ یہ کہوں گا کہ وسیم اکرم جیسے اپنی فیلڈ میں بہت سے لوگوں‌کو کھا گئے، مجھے ڈر ہے کہ کہیں ایکٹنگ کی دنیا میں بھی ایسا نہ ہوجائے.فواد خان نے مزید کہا کہ وسیم اکرم کے ساتھ کام کرنے کا تجربہ بہت ہی اچھا رہا ہے وہ بہت اچھے انسان ہونے کے ساتھ ایک اچھے پروفیشنل بھی ہیں. ساتھ ہی ساتھ فواد خان نے اپنے بھارتی مداحوں کا بھی

شکریہ ادا کیا اور کہا کہ انہوں نے مجھے بہت پیار دیا ہے، جس کے لئے میں ان کا شکر گزار ہوں. پاکستان سمیت دنیا بھر میں میرے جہاں جہاں پرستار ہیں میں ان کی محبتوں کا مشکور ہوں جب یہ میرے کام کو سراہتے ہیں تو میرے دل کو بہت سکون ملتا ہے اور اپنے ایکٹر ہونے کا احساس ہوتا ہے. فواد خان نے کہا کہ منی بیک گارنٹی کو پذیرائی ملنے پر میں بہت زیادہ خوش ہوں. امید ہے کہ مداحوں کی محبتوں کا یہ سلسلہ یونہی چلتا رہے گا.

فواد خان کی فلم ”منی بیک گارنٹی“ نے پہلے پانچ دنوں‌ میں 8 کروڑ کما لیا ہے. یہ فلم سسپنس، کامیڈی اور ایکشن سے بھرپور روایتی پاکستانی فلمو ں سے بالکل الگ ہے اور بینک ڈکیتی کے منفرد موضوع کا احاطہ کرتی ہے۔شائقین کے ساتھ ساتھ نقادوں نے بھی فلم کے موضوع اور سٹار کاسٹ کی پرفارمنسز کو سراہا ہے.عید الفطر کے ہفتے کے دوران فلم نے آٹھ کروڑ سے زائد باکس آفس کمائی کی ہے۔ لیجنڈ کرکٹر وسوئنگ کے سلطان لیجنڈ کرکٹر وسیم اکرم نے فلم میں بینک مینیجر جبکہ انکی اہلیہ شنیرا اکرم نے غیر ملکی صحافی کا کردار ادا کرکے سلور سکرین پر اداکاری کے جوہر دکھائے ہیں جبکہ عہد حاضر کے سپر سٹار فنکار فواد خان، عائشہ عمر، میکال ذوالفقار، جان ریمبو، جاوید شیخ، حنا دل پذیر، مرزاگوہر رشید، شایان خان، مانی، کرن ملک، علی سفینہ،مرحوم احمد بلال، عدنان جعفر،شفاعت علی اور اقدس وسیم سمیت دیگر فنکاروں نے منفرد کرداروں میں فلم کی رونق کو چار چاند لگادئیے ہیں۔ورسٹائل

فنکار اور نامور ڈائریکٹر فیصل قریشی کی ڈائریکشن میں بنی سسپنس تھرلر فلم ”منی بیک گارنٹی“ہیوی سٹار کاسٹ، جاندار مکالموں، دلفریب لوکیشنز، ایکشن مناظر اور پروڈکشن کوالٹی کے باعث شائقین کی توجہ حاصل کرلی ہے اور لاہور، کراچی اور اسلام آباد سمیت ہر بیرون ملک بھی فلم کے ہاؤس فل شوز جاری ہیں۔یہ امر قابل ذکر ہے کہ”منی بیک گارنٹی“ کی نمائش ملک بھر کے سینماؤں میں ڈسٹری بیوشن کلب کے پلیٹ فارم سے کی جارہی ہے۔

فیصل قریشی کی ڈائریکشن میں بنی فلم منی بیک گارنٹی کا گزشتہ روز کراچی میں پریمئیر کیا گیا، پریمئیر میں فواد خان ، فیصل قریشی ، عائشہ عمر ، مانی ، شایان خان ، میکال ذوالفقار ، حنا دلپذیر ، جاوید شیخ ، بہروز سبزواری ، شہزاد شیخ ، سجل علی ، مہوش حیات ، عمران اشرف ، ثروت گیلانی ، غنا علی ، حرا ، شہزاد رائے ، کرن ملک ، ندیم بیگ ، سیفی حسن، بلال عباس و دیگر نے شرکت کی، پریمئیر میں‌ فلم کی کاسٹ سے وسیم اکرم اور شنیرا اکرم کی ایونٹ میں کمی محسوس کی جاتی ر ہی. فلم میں دو گیت ہیں ، عائشہ عمر مہمان اداکارہ کے طور پر فلم میں

دکھائی دے رہی ہیں، میکال ذوالفقار نے ایک پٹھان کا کردار کیا ہے جبکہ فواد خان نے بینک مینجر کا . دوسری طرف شنیرا اکرم نے صحافی کا کردار ادا کیا ہے، وسیم اکرم نے بینک کے صدر کا کردار کیا ہے. کامیڈی اس فلم کا دورانیہ سوا دو گھنٹے ہے. فیصل قریشی کی یہ پہلی فلم ہے دیکھنا یہ ہے کہ شائقین کی ان کی س کوشش کو کتنی پذیرائی دیتے ہیں. فلم آج عید کے روز ریلیز کی جا رہی ہے. واضح رہے کہ پریمئیر کراچی میں کیا گیا ، پہلے لاہور میں اس ایونٹ کو کروایا جانا تھا لیکن بعد ازاں کراچی میں پریمئیر کرنے کا فیصلہ کیا گیا.