فلم قلعی جو کہ 1982 میں بنی تھی اس میں مرکزی کردار امیتابھ بچن نے ادا کیا تھا اس کے ڈائریکٹر منموہن دیسائی اور رائٹر قادر خان تھے. امیتابھ بچن نے قلعی کا کردار ادا کیا جسے بہت پسند کیا گیا . لیکن اس فلم کی شوٹنگ کے دوران ایک خوفناک حادثہ پیش آیا اور امیتابھ بچن شدید زخمی ہو گئے. انہیں بہت ساری چوٹیں لگیں یہاں تک کہ ان کو ہسپتا ل داخل کروانا پڑا. دوسری طرف امیتابھ بچن کے مداح بھی ہوئے کافی پریشان اور انہوں نے دعائیں کیں کہ انکا پسندیدہ سٹار ٹھیک ہوجائے.
امیتابھ بچن نے اپنے حالیہ انٹرویو میں اس حادثے کو یاد کرتے ہوئے کہا ہے کہ میں شوٹنگ کررہا تھا اور اسی دوران یہ حادثہ پیش آیا مجھے چھلانگ لگانی تھی اور میں غلط چھلانگ لگا بیٹھا جس کی وجہ سے میںصحت کے مسائل سے بھی بعد میں گزرا. انہوں نے کہا کہ مجھے شدید زخم آنے کی وجہ سے میرے مداح پریشان ہو گئے اور انہوں نے جس طرح سے میرے لئے دعائیں کیں میں آج بھی ان کی اس محبت کا قرضدار ہوں. میں یہ قرض کبھی نہیں اتار سکتا میں تو یہ کہوں گا کہ آج میں جو کچھ بھی ہوں اپنے مداحوں کی محبت کی وجہ سے ہوں ” انکی محبت نہ ہوتی تو آج میںاس مقام پر نہ ہوتا جہاںہوں. ”
