سوشل میڈیا پر ایم پی اے اور ایم این اے کے مبینہ اغواء کی سازش کے الزام میں سابق وزیراعلی پنجاب پرویزالہی کے قریبی رشتہ داروں کے خلاف مقدمہ درج کر لیا گیا۔
سوشل میڈیا پر ایم پی اے اور ایم این اے کے مبینہ اغواء کی سازش کے الزام میں سابق وزیراعلی پنجاب پرویزالہی کے قریبی رشتہ داروں کے خلاف مقدمہ درج کرلیا گیا ہے۔ پولیس حکام کا کہنا ہے کہ پرویز الہیٰ کے رشتہ دار وجاہت الہی اور موسی الہی کے خلاف مقدمہ غالب مارکیٹ لاہور میں درج کیا گیا ہے، اور مقدمے میں دہشت گردی اور ٹیلی گراف ایکٹ کی دفعات شامل ہیں۔
پولیس حکام نے بتایا کہ مدعی مقدمہ نے ایف آئی آر میں بیان دیا کہ دونوں ملزمان ے ٹویٹر پر وائرل آڈیو میں خواتین ایم پی اے کوغائب کرنے کی گفتگوکی گئی، اور آڈیو کے بعد موسی الہی کوٹلہ عرب علی خان میں مسلح ہوکر لوگوں کو ڈراتا رہا۔ ایف آئی آر کے متن کے مطابق دونوں ملزمان نے سوچی سمجھی سازش کے تحت اراکین اسمبلی کو غائب کرنے کا منصوبہ بنایا۔
مزید یہ بھی پڑھیں؛
اپنے دور میں مخالفین کو گرفتار کروانے والے اب خود کی گرفتاریوں پر چیخ کیوں رہے؟
سرکاری ملازمین کی تنخواہیں، وزارتوں کے اخراجات اور وزرا کی تعداد کم کرنےکی تجاویز
گیس کے چولہے پر کھانا بنانا صحت کیلئے آلودہ شہر میں رہنے سے زیادہ نقصان دہ ہے
واضح رہے کہ گزشتہ دنوں ایک آڈیو لیک ہوئی تھی جس میں سنا گیا تھا کہ ہمارا ووٹ تو کسی طرف نہیں آئے گا، اُنہوں نے بس 186 پورے کرنے ہیں، نہیں 172 پورے کرنے ہیں نیشنل اسمبلی میں، پارلیمانی پارٹی اُن کے پاس ہے ، ابھی پارلیمانی لیڈر تو مونس بھائی ہیں، اُن کے پاس تین ہیں اور ہم دو ہیں،وجاہت حسین کہتے ہیں ‘تو ایک عورت غائب کردیں گے ۔’ اس پر حسین الٰہی کہتے ہیں کہ ‘ہاں یہ ہے عورت غائب ہوجائے پھر کچھ ہوسکتا ہے ۔
جبکہ اس پر وفاقی وزیر داخلہ و مسلم لیگ (ن) پنجاب کے صدر رانا ثنا اللہ نے چوہدری وجاہت اور حسین الٰہی کی آڈیو لیک پر اپنے رد عمل میں کہا تھا کہ سپریم کورٹ کے چیف جسٹس کو اس آڈیو اور ضمیر کی خریداری کے اعترافی بیانات کا نوٹس لینا چاہئے ۔جرائم پیشہ عناصر کا مجرمانہ منصوبہ بے نقاب ہوگیا ،ایک معزز خاتون رکن قومی اسمبلی کے اغوا ء کا مجرمانہ ارادہ اور توہین آمیز گفتگو انتہائی قابل مذمت ہے ۔ انہوں نے کہا کہ عمران خان مسلم لیگ (ن)اور اس کی اتحادی (ق)لیگ کے ارکان کا ضمیر خریدنے کے لئے بولیاں لگا رہے ہیں ، پارٹی سربراہ چوہدری شجاعت حسین اور رکن قومی اسمبلی فرح خان کو کون سی عدالت انصاف دے گی؟
