Tag: what happened

عدالت نے شہباز گل کے خلاف درج 3 مقدمات ختم کردیے
پاکستان تحریک انصاف (پی ٹی آئی) کے رہنما شہباز گل کو سندھ ہائیکورٹ سے بڑا ریلیف مل گیا،عدالت نے کراچی کے 3 تھانوں میں شہبازگل کے خلاف درج مقدمات ختم کردیے۔ سندھ ہائیکورٹ کے جسٹس نعمت اللہ پھلپھوٹو کی سربراہی میں 2رکنی بینچ نےقومی اداروں کے خلاف تضحیک آمیز بیان دینے کے معاملے پر شہباز گل کی درخواست کی سماعت کی، پولیس نے رپورٹ عدالت میں جمع کرائی۔

پولیس رپورٹ کے مطابق شہباز گل کے خلاف تھانہ برگیڈ، رضویہ اور سرجانی میں مقدمات درج کیے گئے تھے۔ پولیس نے اپنی رپورٹ میں بتایا کہ شہباز گل کے خلاف درج 3مقدمات کو سی کلاس کرنے سے متعلق رپورٹ مجسٹریٹس کے پاس جمع کرائی جائے گی۔ سندھ ہائیکورٹ نے پولیس رپورٹ کے بعد شہباز گل کی درخواست نمٹا دی۔

مزید یہ بھی پڑھیں؛
لیپ ٹاپ گم ہونے پر گاہک نےغصے میں اپنی کار ہوٹل پر دے ماری
نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
معروف فٹبالر کی منفرد گھڑی توجہ کا مرکز بن گئی
وزیراعظم دو روزہ سرکاری دورے پر متحدہ عرب امارات روانہ
پی ٹی آئی رہنما شبہاز گل نے اپنی درخواست میں مؤقف اختیار کیا کہ میرے خلاف تھانہ سرجانی ٹاون، برگیڈ اور رضویہ میں مقدمات درج کیے گئے ہیں۔ شہباز گل نے مؤقف پیش کیا کہ بیان سے متعلق مقدمات لاہور کے تھانہ مانگا منڈی میں درج ہوچکا ہے ،صغرا بائی کیس کی روشنی میں ایک واقعہ کا ایک ہی مقدمہ درج کیا جاسکتا ہے۔ درخواست میں عدالت سے استدعا کی گئی ہے کہ کراچی میں درج مقدمات کو کالعدم قرار دیا جائے۔

عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ

وزیراعلیٰ سندھ مراد علی شاہ کا کہنا ہے کہ مجھ پر بے بنیاد الزامات لگائے گئے، پیپلزپارٹی کے خلاف نیب کی کارروائیاں چل رہی ہیں، عدلیہ اورنیب کو درخواست کرتا ہوں جھوٹے کیسز ختم کیے جائیں ۔ احتساب عدالت کے باہر میڈیا سے گفتگو میں وزیراعلیٰ سندھ نے کہا کہ کسی ایک شخص کی مرضی سے الیکشن نہیں ہوں گے،اسمبلی کی مدت اگست 2023تک ہے، عمران خان کسی بھی کھاتے میں نہیں، کرسی کا اتناہی شوق ہے تو پنجاب کا وزیراعلیٰ بن جائیں، اپنی عنا کی خاطر ملک کو مشکلات کی طرف دھکیل رہے ہیں۔

مراد علی شاہ کا کہنا تھا کہ لوکل باڈیز انتخابات جنرل الیکشن سے زیادہ مشکل ہوتے ہیں، سیکیورٹی کے حوالے سے مسائل کا سامنا ہوگا، انتہائی حساس پولنگ اسٹیشن پر سیکیورٹی کا جائزہ لیں گے۔ انہوں نے مزید کہاکہ باتیں ہورہی ہیں کہ میرا کیس کراچی منتقل ہو گیا ہے، عدلیہ سے درخواست ہے کہ جھوٹے کیسز ختم کیے جائیں، نیب سے بھی حساب کتاب ہوگا، ڈیل کرنے والے ہم نہیں کوئی اور ہیں۔
نوری آباد پاور پلانٹ ریفرنس: آئندہ سماعت پر ملزمان کی بریت کی درخواستوں پر دلائل طلب

اس سے قبل نوری آباد پاور پلانٹ ریفرنس میں احتساب عدالت اسلام آباد نے آئندہ سماعت پر ملزمان کی بریت کی درخواستوں پر دلائل طلب کرتے ہوئے سماعت 16 جنوری تک ملتوی کر دی۔ اسلام آباد کی احتساب عدالت کے جج محمد بشیر نے نوری آباد پاور پلانٹ ریفرنس پر سماعت کی، وزیر اعلی سندھ مراد علی شاہ سمیت دیگر عدالت کے روبرو پیش ہوئے۔
مزید یہ بھی پڑھیں؛
لیپ ٹاپ گم ہونے پر گاہک نےغصے میں اپنی کار ہوٹل پر دے ماری
نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
نیب کی جانب سے دائر درخواستوں پر تحریری جواب پیش نہ کیا جاسکا ،نیب پراسیکیوٹر نے کہا کہ درخواستوں پر دلائل دیں گے ۔ شریک ملزمان کے وکلا نے درخواستوں پر نیب کے تحریری جواب دینے کی استدعا کی،جس پر جج نے کہا کہ پہلے نیب یہ بتائے کہ وہ درخواستوں کی مخالفت کرتے ہیں یا نہیں ،آئندہ سماعت پر ملزمان کی بریت کی درخواستوں پر دلائل ہوں گے۔