Baaghi TV

Tag: youtub

  • شاہ رخ خان کے ساتھ دوبارہ ملاقات ہوئی تو ہمایوں سعید کیا بات کریں گے؟‌

    شاہ رخ خان کے ساتھ دوبارہ ملاقات ہوئی تو ہمایوں سعید کیا بات کریں گے؟‌

    پاکستان کے سپر سٹار ہمایوں سعید 2006 میں بھارت گئے اس دورے میں اداکارہ ریما خان بھی ان کے ساتھ تھیں. ان دونوں نے زی سینے ایوارڈز میں شرکت کی اور شاہ رخ خان اور پریتی زنٹا کے ساتھ سٹیج پر ڈانس کیا جسے دونوں ملکوں میں بہت زیادہ سراہا گیا. ہمایوں سعید نے اس ملاقات کو یاد کرتے ہوئے اپنے حالیہ انٹرویو میں کہا ہے کہ جب میں انڈیا گیا تو اس وقت ہمارے ہاں فلم خدا کے لئے ریلیز ہوئی تھی سپر ہٹ فلم تھی ، میری شاہ رخ خان کے ساتھ ملاقات ہوئی تو میں نے اور انہوں نے دونوں ملکوں میں ایک دوسرے کی فلمز ریلیز ہونے کی بات کی. شاہ رخ خان کے ساتھ اب میری اگر دوبارہ ملاقات ہوئی تو

    یقینا ہم پھر اسی موضوع پر بات کریں گے کہ دونوں ملکوں میں ایک دوسرے کی فلمیں ریلیز ہونی چاہیے. انہوں نے کہا کہ اگر مجھے شاہ رخ خان کے ساتھ کام کرنے کا موقع ملا تو یقینا کروں گا ، ہوسٹ نے جب پوچھا کہ اسکا نام کیا ہو گا تو ہمایوں سعید نے کہا کہ اس کانام کرن ارجن ٹائپ ہی ہو گا. انہوں نے مزید یہ بھی کہا کہ ہماری فلمیں بھارت میں اور ان کی فلمیں ہمارے ہاں لگنی چاہیں. اس سے دونوں ملکوں کو فائدہ ہو گا.

  • 6 سال میں کترینہ کیف کے انسٹاگرام فالورز کی تعداد 72 ملین ہو گئی

    6 سال میں کترینہ کیف کے انسٹاگرام فالورز کی تعداد 72 ملین ہو گئی

    بالی وڈ اداکارہ کترینہ کیف جو بالی وڈ پر آتے ہی چھا گئیں ان کی سلمان خان کے ساتھ دوستی ہونے کی وجہ سے انہیں بالی وڈ میں ہاتھوں ہاتھ لیا. پھر جب انہوں نے شہرت حاصل کر لی تو اس کے بعد انہوں نے دوستی کی پینگیں رنبیر کپور کے ساتھ بڑھا لیں. سات سال تک وہ رنبیر کے ساتھ ایک ہی گھر میں رہتی رہی اس کے بعد انہوں نے کسی اور سے شادی کر لی.ایک بات تو طے ہے کہ سکینڈلز کبھی بھی کترینہ کیف کے کیرئیر پر اثر انداز نہ ہوئے اور ان کے مداحوں کے دل میں ان کی محبت مزید بڑھتی ہی گئی. اس کی مثال انسٹاگرام پر ان کے فالورز کی تعداد ہے.اداکارہ کے انسٹاگرام پر فالوز کی

    تعداد 72 ملین ہو گئی ہے. انہوں نے انسٹاگرام 2017 میں جوائن کیا اور محض 24 گھنٹوں کے اندر ہی انہوں نے دس لاکھ فالورز پا لئے تھے جو کہ اپنے آپ میں ایک اعزاز ہے بالی وڈ کی کسی بھی اداکارہ نے یہ اعزاز ابھی تک نہیں پایا. اسی طرح سے انہوں نے صرف 6 سال کے عرصے میں 72 ملین فالورز حاصل کر لئے ہیں. کسی بھی دوسری اداکارہ کو اتنے فالورز ھاصل کرنے میں کچھ نہیں تو 9 سال کا عرصہ لگا. اس سے اندازہ لگایا جا سکتا ہے کہ کترینہ کیف بڑی تعداد میں فینز رکھتی ہیں.

  • ایمان علی شو ہوسٹ کیوں نہیں‌بنیں گی ؟‌اداکارہ نے بتا دیا

    ایمان علی شو ہوسٹ کیوں نہیں‌بنیں گی ؟‌اداکارہ نے بتا دیا

    ایمان علی جو کہ سینئر ایکٹر عابد علی کی بیٹی ہیں انہوں نے ماڈلنگ سے اپنے شوبز کیرئیر کی شروعات کی. انہوں نے پاکستان کی نمبر ون ماڈل ہونے کا خطاب پایا، نہایت ہی خوبصورت اس ماڈل کو اداکاری کی آفرز بھی آئیں تو انہوں نے اداکاری بھی کی. اداکاری کے میدان میں بھی ان کو بہت سراہا گیا. لیکن ایمان علی کوئی پروگرام ہوسٹ کرتے ہوئے کیوں دکھائی نہیں دیتیں ، اس سوال کا جواب دیتے ہوئے اداکارہ نے اپنے حالیہ انٹرویو میں کہا ہے کہ میں پروگرام ہوسٹ نہیں بننا چاہتی ، کیونکہ پروگرام ہوسٹ بن کر لوگوں کی جھوٹی تعریف کرنی پڑتی ہے.اور میں

    جھوٹی تعریف نہیں کر سکتی ، ہر بار کوئی نہ کوئی مہمان ہوتا ہے لیکن بعض اوقات جس مہمان کو بلایا ہوتا ہے وہ اس قابل نہیں ہوتا کہ اسکی اتنی تعریف کی جائے لیکن پروگرام ہوسٹ کو کرنی پڑتی ہے. لہذا میرا کوئی ارادہ نہیں ہے کہ میں پروگرام ہوسٹ بنوں. ایمان علی نے اپنے بارے میں بات کرتے ہوئے کہ میں شاید باتیں اتنی اچھی نہیں کرتی لیکن میں دل کی بہت اچھی انسان ہوں اور بطور انسان میں جیسی ہوں مجھے اس پر فخر ہے. میں نے کبھی کسی کا دل نہیں دکھایا ہمیشہ کوشش کی ہے کہ کوئی مجھ سے ناراض نہ ہو.

  • لائبہ خان کے لئے کیسے لڑکے کا رشتہ آیا ؟‌ سن کر رہ جائیں حیران

    لائبہ خان کے لئے کیسے لڑکے کا رشتہ آیا ؟‌ سن کر رہ جائیں حیران

    ٹی وی اداکارہ لائبہ خان کی والدہ نے تابش ہاشمی کے ساتھ ایک انٹرویو میں بتایا ہے کہ انہیں اپنی بیٹی کے بہت سارے رشتے آتے رہتے ہیں لیکن ابھی تک کوئی ایسا نہیں ملا کہ وہ اپنی بیٹی کی شادی کر دیں . لائبہ خان کی والدہ نے بتایا ہے کہ ہم حال ہی میں سعودہی عرب گئے ، وہاں ہم نے ایک گاڑی بک کروائی ،. عمرہ ہو گیا زیارتیں ہو گئیں ، اس کے بعد ہم واپس کراچی آگئے. میں ابھی کراچی آئی ہی تھی کہ مجھے گاڑی کے ڈرائیور کی کال آئی بولا آنٹی جس گاڑی کو آپ نے بک کروایا تھا ، وہ کسی کی نہیں تھی میری اپنی تھی، میں لائبہ سے شادی کرنا چاہتا ہوں ، میں نے کچھ بھی نہیں کہا اور فون بند کر دیا اس کے بعد میں نے لائبہ کو بتایا تو اس نے کہا کہ دوبارہ فون آیا تو نہیں اٹھانا ابھی وہ یہ کہہ ہی رہی تھی کہ مجھے

    اس لڑکی بھابھی کا فون آیا کہ ہم لائبہ کا رشتہ مانگنا چاہتے ہیں بتائیے کب ہم آپ کے گھر آئیں ، توپھر میں نے اس کو بولا کہ نہیں‌لائبہ کو ابھی کام کرنا ہے وہ شادی نہیں کرنا چاہتی . لائبہ نے اس پر کہا کہ مجھے ایک ایسے لڑکے سے شادی کرنی ہے جو پڑھا لکھا ہو ، زیادہ پتلا نہ ہو ، دراز قد ہو. اور ایسا نہیں ہے کہ مجھے صرف کیرئیر ہی بنانا ہے مجھے جب بھی کوئی اچھا لڑکا ملا میں شادی کر لوں گی .

  • سلمان کوخود سلمان ہی نقصان پہنچا سکتا ہے کوئی اور نہیں والد سلیم خان

    سلمان کوخود سلمان ہی نقصان پہنچا سکتا ہے کوئی اور نہیں والد سلیم خان

    بالی وڈ اداکار سلمان خان کے والد سلیم خان نے اپنے بیٹے ارباز خان کو انٹرویو دیتے ہوئے کہا ہےکہ جب سلمان خان نے انڈسٹری میں آنے کا فیصلہ کیا تومیں نے اس کے فیصلے کو قدر کی نگاہ سے دیکھا لیکن میری شرط تھی کہ پہلے اپنی پڑھائی مکمل کرے. لیکن وہ انڈسٹری میں آ گیا اور اس کی میں نے جب پہلی فلم دیکھی تو بہت متاثر ہوا ، مجھے لگا کہ یہ بہت آگے جا سکتا ہے، انہوں نے کہا کہ سلمان خان یقینا باصلاحیت ہے، اسکو اگر کوئی نقصان پہنچا سکتا ہے تو وہ خود ہے. اسکو اپنے کیرئیر کو ابھی بھی سیریس لینا چاہیے.جب سلمان نے انڈسٹری میں آنے کا فیصلہ کیا تو

    مجھے لگا کہ یہ سنجیدہ نہیں ہے کسی بھی کام سے اسکا بہت جلدی دل بھر جاتا ہے لہذا مجھے تھا کہ یہ ایکٹنگ کو بھی بہت سنجیدہ نہیں لے گا، بس دو چار فلموں میں کام کرے گا اور پھر چھوڑ دے گا لیکن اچھی بات یہ ہے کہ اس نے مسلسل کام کیا ہے آج تک کررہا ہے اور بطور باپ میں اسکی محنت کو سراہتا ہوں. سلمان خان نے ثابت کیا ہے کہ اپنے کیرئیر کے ساتھ بہت سنجیدہ ہے. مجھے اپنے بیٹے پر فخر ہے.

  • اور شترو گھن سنہا جب کراچی آئے

    اور شترو گھن سنہا جب کراچی آئے

    بھارتی اداکار شترو گھن سنہا کا کپل شرما کے ساتھ انٹرویو کا ایک وڈیو کلپ وائرل ہو رہا ہے. جس میں انہوں نے بتایا ہے کہ وہ جب پہلی بار پاکستان کراچی آئے تو ان کے ساتھ کیا ہوا. شترو گھن سنہا کہہ رہے ہیں کہ جب میں پہلی بار کراچی گیا تو اسی شام ایک تقریب رکھی گئی بہت خوبصورت سٹیج بنایا گیا، اس تقریب میں نازیہ حسین بھی موجود تھیں ، میں نے سوچا کہ پاکستان میں موجود ہوں تو کونسی زبان بولوں ؟ میں نے سوچا اردو ہی بولتا ہوں، میں نے دیکھا کہ سٹیج پر ایک مولانا صاھب آئے انہوں نے سکیل اردو بولتے ہوئے کہا کہ ہم جناب شتر مرغ گھن سنہا کو پاکستان میں خوش آمدید کہتے ہیں. ان کی سکیل اردو سن کو مجھے لگا کہ میں تو اتنی سکیل اردو نہیں بول سکتا اوپر سے انہوں نے میرا نام ہی بگاڑ‌دیا.. اس کے بعد میں نے

    سوچا انگلش میں بات کروں گا ، تو اگلی باری تھی ایک ایسے لیکچرر کی جو کہ انگلینڈ میں پڑھاتے تھے ، انہوں نے سکیل انگلش بولی میں‌پریشان ہو گیا کہ میں تو یہ نہیں بول سکتا ، پھر اس کے بعد سائوتھ انڈین کونسل جنرل منی شنکر سٹیج پر آئےانہوں نے اتنی سکیل ہندی بولی کہ میں مزید پریشان ہو گیا کہ اتنی سکیل ہندی تو میں نہیں بول پائوں گا ، بس پھر کیا تھا میں ٹیبل کے نیچے گھس گیا. شترو گھن سنہا نے کہا کہ یوں میرے لئے اس شام فیصلہ کرنا مشکل تھا کہ میں کس زبان میں بات کروں، لیکن پاکستان کا میرا دورہ بہت اچھا رہا،.

  • کپل شرما نے کامیڈی کس سے سیکھی علی ظفر نے بتا دیا

    کپل شرما نے کامیڈی کس سے سیکھی علی ظفر نے بتا دیا

    کپل شرما بھارتی ٹیلی ویژن کی تاریخ کا ایسا شو ہے جس کو بے پناہ مقبولیت ملی ہے۔ اس شو کو کپل شرما ہوسٹ کرتے ہیں ،کپل شرما کے انداز کو بہت زیادہ پسند کیا جاتا ہے۔ وہ بہترین کامیڈی کرتے ہیں۔ ان کی مقبولیت کی وجہ سے عباس مستان نے ان کے ساتھ ایک فلم بھی کی جو کہ باکس آفس پر زیادہ کامیاب نہ ہو سکی ۔ کپل شرما شو میں وسیم اکرم ، علی ظفر ، سمیت دیگر پاکستانی سٹارز کو بھی مدعو کیا جا چکا ہے۔ علی ظفر نے اپنے حالیہ انٹرویو میں بتایا ہے کہ میں جب کپل شرما شو میں گیا تو میں نے کپل شرما سے کہا کہ آپ بہت اچھی کامیڈی کرتے ہیں تو

    انہوں نے کہا کہ میں نے نسیم وکی سے کامیڈی سیکھی ہے۔ نسیم وکی بہت اچھی کامیڈی کرتے ہیں ان کی کامیڈی کی ٹائمنگ بہت زبردست ہے لہذا میں نے ان سے بے ساختہ جملے کہنا سیکھے ہیں۔ یاد رہے کہ نسیم وکی نے کپل شرما شو میں کافی مہینوں تک کام کیا اور ان کی کامیڈی کو بھارت میں بہت زیادہ سراہا گیا۔ دوسری طرف نسیم وکی کہتے ہیں کہ ان کا کپل شرما کے ساتھ آج بھی رابطہ رہتا ہے۔ ہم اچھے دوست ہیں اور رہیں گے اور اگر مجھے کپل کے ساتھ دوبارہ کام کرنے کا موقع ملا تو ضرور کروں گا۔

  • سلمان خان کی ثانیہ مرزا اور شعیب ملک کے بیٹے اذہان کے ساتھ ملاقات

    سلمان خان کی ثانیہ مرزا اور شعیب ملک کے بیٹے اذہان کے ساتھ ملاقات

    بالی وڈ اداکار سلمان خان کی ایک وڈیو سوشل میڈیا پر تیزی سے وائرل ہو رہی ہے ، جس میں وہ ثانیہ مرزا ، شعیب ملک اور ان کے بیٹے اذہان ملک کے ساتھ ہیں۔ یہ وڈیو دبئی کی ہے اور اسے ثانیہ مرزا کی بہن انعم مزرا نے انسٹاگرام پر شئیر کیا ۔ جس میں دیکھا جا سکتا ہے کہ یہ ایک فیملی ٹرپ ہے جس میں ثانیہ مرزا شعیب ملک اور اپنے بیٹے اذہان ملک موجود ہیں اور ان کے ساتھ ہیں سلمان خان ، سلما ن خان کے ساتھ ثانیہ ،شعیب تصاویر بنوا رہے ہیں اور سلمان خان ان کے بیٹے کے ساتھ خوشی کا اظہار کرتے ہوئے نظر آرہے ہیں۔ اس وڈیو کو سوشل میڈیا صارفین

    بہت زیادہ پسند کررہے ہیں۔ یاد رہے کہ کچھ عرصہ قبل شعیب ملک اور ثاانیہ مرزا کی علیحدگی خبریں سوشل میڈیا پر گردش کرتی رہیںلیکن ان دونوں نے ایسی خبروں کی تصدیق یا تردید نہیں کی ، لیکن اس کے بعد ان کو اکٹھے ہی دیکھا گیا ہے یہاں تک کہ ارد فلیکس پر یہ جوڑا پاکستانی فنکاروں کا انٹرویو کرتے ہوئے دکھائی دیتے ہیں۔ یوں ان کی علیحدگی کی خبریں اور افواہیں خود بخود ہی دم توڑ گئی ہیں ۔کیونکہ دونوں ایک دوسرے کے ساتھ رہتے ہیں۔

  • علی عظمت بد تمیز ہیں سوشل میڈیا صارفین

    علی عظمت بد تمیز ہیں سوشل میڈیا صارفین

    گلوکار علی عظمت جو اپنے جارہانہ رویے کی وجہ سے جانے جاتے ہیں وہ اکثر ایسی باتیں کر دیتے ہیں کہ جس کی وجہ سے سوشل میڈیا پر ان پر کافی تنقید کی جا تی ہے۔ حال ہی میں علی عظمت 53برس کے ہوئے اس خوشی میں انہوں نے کیک کاٹا اور سالگرہ میں انہوں نے اپنے قریبی دوستوں اور رشتہ داروں بلایا علی عظمت کی کیک کاٹنے کی وڈیو سوشل میڈیا پرکافی وائرل ہورہی ہے۔ اس میں دیکھا جا سکتا ہے کہ علی عظمت اپنے دوست کو اپنے بازﺅں میں زور سے دبوچتے ہیں اور انہیں کیک کھلاتے ہیں ۔ یہ وڈیو سوشل میڈیا پر تیزی سے وائرل ہوئی ، اور سوشل

    میڈیا صارفین نے لے لیا علی عظمت کو آڑھے ہاتھوں اور کہا کہ علی عظمت کو اپنے گھر آئے مہمانوں کے ساتھ اس طرح کا سلوک نہیں کرنا چاپیے ، چاہے کوئی آپ کا کتنا بھی اچھا دوست کیوں نہ ہوں ۔ علی عظمت پر تنقید کرتے ہوئے کئی سوشل میڈیا صارفین نے تو یہاں تک کہہ دیا کہ گلوکار 53برس کے ہو کے بھی نہیں سمجھ سکے کہ دوسروں کے ساتھ کیسے پیش آنا ہے۔

  • وسیم اکرم اداکاری کوجاری رکھیں گے ؟

    وسیم اکرم اداکاری کوجاری رکھیں گے ؟

    معروف کرکٹر وسیم اکرم اور ان کی اہلیہ شنیرا کی فلم منی بیک گارنٹی سے ان دونوں نے اپنا فلمی کیرئیر شروع کیا ہے۔ وسیم اکرم کی فلم میں اداکاری بہت زیادہ پسند کی جا رہی ہے ، اب لوگوں کے زہنوں میں سوال ہے کہ وسیم اکرم اداکاری کے مزید پراجیکٹس کریں گے یا نہیں ، اس سوال کا جواب انہوں نے ایک غیر ملکی صحافی کو انٹرویو دیتے ہوئے کہا ہے کہ مجھے فلم میں کام کرنے کا بہت مزا آیا ، یہ ایک نیا تجربہ تھا لیکن اپنے دوست فیصل قریشی کے کہنے پر فلم کر لی ، فواد خان کے ساتھ کام کرنا ان کے سامنے ڈائیلاگز بولنا اتنے آسان نہ تھے کیونکہ میں

    کنفیوژ ہو جاتا تھا لیکن فواد خان نے ایسا احساس تک نہیں ہونے دیا۔ وسیم اکرم سے جب یہ پوچھا گیا کہ آپ مزید اداکاری کریں گے تو وسیم اکرم نے کہا کہ انسان کو وہ کام کرنا چاہیے جو اسے کرنا آتا ہے، اداکاری بہت مشکل کام ہے ، ڈائیلاگز ، سکرپٹ یاد کرنا آسان نہیں ہوتا۔ اور اس میں بہت سارا وقت درکار ہوتا ہے جبکہ ماڈلنگ اس کی نسبت آسان ہوتی ہے۔ اگر کوئی مزید آفر آئی تو میں سوچوں گاکہ میں نے اداکاری کرنی ہے یا نہیں لیکن میرا یہ ماننا ہے کہ انسان وہی کرے جو اسکو آتا ہے جس میں وہ ماہر ہے۔