Baaghi TV

Tag: youtub

  • محب مرزا کو کس نے کہہ دیا مجھے آپ کی بیوی اچھی نہیں لگتی

    محب مرزا کو کس نے کہہ دیا مجھے آپ کی بیوی اچھی نہیں لگتی

    اداکار محب مرزا نے حال ہی میں اپنی اہلیہ صنم سعید کے ساتھ ایک تصویر انسٹاگرام پر پوسٹ کی اور اس پر عید مبارک لکھا. اس پوسٹ پر محبت مرزا کے بہت سارے ساتھیوں اور مداحوں کے پازیٹیو کمنٹس آئے لیکن کچھ ناگوار کمنٹس بھی آئے. جیسے کہ محب مرزا کے ایک مداح نے لکھا کہ صنم سعید مجھے بالکل اچھی نہیں لگتی ، اس پر محب مرزا نے جواب دیا کہ اللہ آپ کے اور آپ کے گھر والوں کو بے حد خوشیاں دیں، اور کامیاببی اور صحت دیں ، میری طرف سے آپ سب کو عید مبارک. اسی طرح سے کسی مداح نے محب مرزا کی سابقہ اہلیہ آمنہ شیخ اور ان

    کے بیٹے کی تصویر لگا کر لکھا کہ بہت برا کیا تنی اچھی بیوی کو چھوڑ دیا ، اس پر محب مرزا نے جواب دیا کہ اللہ آپ کو اور آپ کی فیملی کو سدا خوش رکھے ، صحت اور دولت سے نوازے . میری بہت سی دعائیں آپ کے لئے خوش رہیں آباد رہیں . واضح رہے کہ آمنہ شیخ اور محب مرزا کی جب طلاق ہوئی تو اسکا ذمہ دار صنم سعید کو ٹھہرایا گیا ، اس وقت تو محب مرزا نے ایسی افواہوں سے انکار کیا لیکن بعد ازاں صنم سے ہی شادی کرکے افواہوں کو سچ ثابت کر دیا.

  • پہلے پراجیکٹ کے بعد اداکاری سے محبت ہوئی کومل میر

    پہلے پراجیکٹ کے بعد اداکاری سے محبت ہوئی کومل میر

    نوجوان نسل کی نمانندہ فنکارہ کومل میر فہد مصطفی کے ساتھ ایک انٹرویو میں کہا ہے کہ میں حادثاتی طورپر اداکارہ بنی ہوں ، میرا بالکل ارادہ نہیں تھا کہ میں شوبز کا حصہ بنوں اور اداکارہ بنوں. مجھے پہلا پراجیکٹ ملا اور مجھے لگا کہ ہم ٹی وی کا ہے خوشی ہوئی کہ اتنے بڑے پلیٹ فارم سے ڈرامہ آفر ہو رہا ہے کر ہی لینا چاہیے لہذامیں نے ڈرامہ کر لیا ، شوق شوق میں ڈرامہ کر لیا کامیابی بھی مل گئی لیکن ارادہ نہیں تھا کہ اسی میں اپنا مستقبل بنائوں . ڈرامہ جب آن ائیر گیا گزرتی ہر قسط کے ساتھ کامیابی ملنا شروع ہوئی لوگ پہچاننا شروع ہوئی تو مجھے

    شوق ہوا اور اداکاری سے محبت ہونے لگی ، میں نے سوچ لیا کہ اب یہی کرنا ہے ، یہ تو بہت مزے کا کام ہے ، پیسہ بھی ہے شہرت بھی ہے میں نے پھر خود پر توجہ دینی شروع کی، اور اب یہ عالم ہے کہ مجھے اداکاری کرنے کے علاوہ کچھ نہیں کرنا . فی الحال تو مجھے مزید کچھ نہیں کرنا سوائے اداکاری کے. مجھے جو بھی کردار آفر ہوئے ہیں وہ سب کے سب ہی بہت اچھے تھے انہوں نے میری انڈسٹری میں پہچان بنانےمیں مدد کی. فلموں میں کام کر لوں گی اگر کوئی اچھا پراجیکٹ آفر ہوا تو.

  • کریسن پریرا شارجہ میں منشیات سمگل کرتے گرفتار، ممبئی پولیس کا اداکارہ کو پھنسانے کا شبہ

    کریسن پریرا شارجہ میں منشیات سمگل کرتے گرفتار، ممبئی پولیس کا اداکارہ کو پھنسانے کا شبہ

    بالی وڈ اداکارہ کریسن پریرا شارجہ میں منشیات سمگل کرتے ہوئے رنگے ہاتھوں پکڑی گئی ہیں ، تاہم ممبئی پولیس کا شبہ ہے کہ اداکارہ کو پھنسایا گیا ہے. تفصیلات کے مطابق سڑک 2 اور باٹلا ہاؤس جیسی فلموں میں اداکاری کے جوہر دکھانے والی اداکارہ کریسن پریرا اس وقت مشکل میں پھنسی جب وہ یکم اپریل کو شارجہ ائیرپورٹ پر تھیں، ان کے پاس ایک ٹرافی تھی جس میں منشیات تھی ، پولیس نے ٹرافی کو قبضے میں لیتے ہوئے اداکارہ کو گرفتار کر لیا اور اس گرفتاری کی اطلاع بھارتی سفارتخانے کو دیدی ، اہلخانہ کو جب کریسن پریرا کی گرفتاری کے بارے میں بتایا گیا تو انہوں نے احتجاج کرتے ہوئے کہا کہ ہماری بیٹی کا ایسے معاملات سے دور دور تک تعلق واسطہ نہیں ہے اس کو یقینا پھنسایا گیا ہے. دوسری طرف ممبئی کرائم برانشچ کو شبہ ہے کہ اداکارہ کو اس لئے پھنسایا گیا ہے

    کیونکہ انتھونی کی بہن کا کریسن پریراکی ماں سے کتے کی وجہ سے جھگڑا ہوا یہ سب ایک ہی بلڈنگ میں رہتے ہیں اس لڑائی کا بدلہ لینے کے لئے اداکارہ کو پھنسایا گیا ہے. انتھونی پال وہ شخص ہے جس نے اداکارہ کو شارجہ کا ٹکٹ بک کروا کر دیا تھا اور واپسی کا جو ٹکٹ اداکارہ کو دیا گیا وہ جعلی تھا. ممبئی پولیس نے انتھونی پال (جو کہ ایک بیکری کا مالک ہے) اور بینک میں اسسٹنٹ جنرل منیجر راجیش بوبھٹے کو گرفتار کیا ہے۔پولیس کے مطابق انتھونی نے راجیش نامی ایک شخص کے زریعے اداکارہ کوشارجہ میٰں آڈیشن کے لئے بلوایا اور اسکو ٹرافی ساتھ لیجانے کے لئے کہا اور اس ٹرافی میں منشیات تھی جس کے باعث اداکارہ گرفتار ہوئی ہیں.

  • فواد خان کی ”منی بیک گارنٹی“نے پانچ روز میں آٹھ کروڑ سے زائد کمالئے

    فواد خان کی ”منی بیک گارنٹی“نے پانچ روز میں آٹھ کروڑ سے زائد کمالئے

    فواد خان کی فلم ”منی بیک گارنٹی“ نے پہلے پانچ دنوں‌ میں 8 کروڑ کما لیا ہے. یہ فلم سسپنس، کامیڈی اور ایکشن سے بھرپور روایتی پاکستانی فلمو ں سے بالکل الگ ہے اور بینک ڈکیتی کے منفرد موضوع کا احاطہ کرتی ہے۔شائقین کے ساتھ ساتھ نقادوں نے بھی فلم کے موضوع اور سٹار کاسٹ کی پرفارمنسز کو سراہا ہے.عید الفطر کے ہفتے کے دوران فلم نے آٹھ کروڑ سے زائد باکس آفس کمائی کی ہے۔ لیجنڈ کرکٹر وسوئنگ کے سلطان لیجنڈ کرکٹر وسیم اکرم نے فلم میں بینک مینیجر جبکہ انکی اہلیہ شنیرا اکرم نے غیر ملکی صحافی کا کردار ادا کرکے سلور سکرین پر اداکاری کے جوہر دکھائے ہیں جبکہ عہد حاضر کے سپر سٹار فنکار فواد خان، عائشہ عمر، میکال ذوالفقار، جان ریمبو، جاوید شیخ، حنا دل پذیر، مرزاگوہر رشید، شایان خان، مانی، کرن ملک، علی سفینہ،مرحوم احمد بلال، عدنان جعفر،شفاعت علی اور اقدس وسیم سمیت دیگر فنکاروں نے منفرد کرداروں میں فلم کی رونق کو چار چاند لگادئیے ہیں۔ورسٹائل

    فنکار اور نامور ڈائریکٹر فیصل قریشی کی ڈائریکشن میں بنی سسپنس تھرلر فلم ”منی بیک گارنٹی“ہیوی سٹار کاسٹ، جاندار مکالموں، دلفریب لوکیشنز، ایکشن مناظر اور پروڈکشن کوالٹی کے باعث شائقین کی توجہ حاصل کرلی ہے اور لاہور، کراچی اور اسلام آباد سمیت ہر بیرون ملک بھی فلم کے ہاؤس فل شوز جاری ہیں۔یہ امر قابل ذکر ہے کہ”منی بیک گارنٹی“ کی نمائش ملک بھر کے سینماؤں میں ڈسٹری بیوشن کلب کے پلیٹ فارم سے کی جارہی ہے۔

  • منال کے ساتھ کام کرنے کی آفر اس نے خود منع کی منیب بٹ

    منال کے ساتھ کام کرنے کی آفر اس نے خود منع کی منیب بٹ

    اداکار منیب بٹ جنہوں نے ایمن خان کے ساتھ شادی کی اور منال خان ایمن کی بہن ہیں. منیب بٹ سے حال ہی میں ایک ٹی وی انٹرویو میں سوال ہوا کہ آپ کو کبھی منال خان کے ساتھ کام کرنے کی آفر نہیں ہوئی یا آپ کرنا ہی نہیں چاہتے. اس پر منیب بٹ نے کہا کہ مجھے منال کے ساتھ ایک بار نہیں کافی بار کام کرنے کی آفر ہوئی ہے حال ہی میں رمضان پلے کی بھی آفر ہوئی تھی ، مجھ سے پہلے منال خان نے ہی منع کر دیا تھا، منع کرنے کی وجہ بیان کرتے ہوئے کہا کہ شاید وہ بھی اپنی جگہ ٹھیک ہیں کہ ڈراموں میں بہت ساری ایسی چیزیں ہوتی ہیں کہ جہاں انسان

    کمفرٹیبل نہیں ہوتا. منیب بٹ نے کہا کہ مجھے میری اہلیہ ایمن کے ساتھ بھی بہت سارے پراجیکٹس آفر ہوئے لیکن بعض وجوہات کی بناء پر ہم نہیں‌کر سکے. منیب بٹ نے کہا کہ مجھے جب بھی جو کردار اچھا لگتا ہے کر لیتا ہوں لیکن فیملی کے ساتھ جب بھی جو بھی پراجیکٹ آفر ہوا ہے وہ کسی نہ کسی وجہ سے رہ گیا ہم کر نہ سکے. یاد رہے کہ ایمن اور منال دونوں نے شادی کے بعد تاحال کام نہیں کیا دونوں ہی اپنی گھریلو زندگی میں کافی مصروف ہیں.

  • کپل کے ساتھ آج بھی رابطہ اور دوستی ہے نسیم وکی

    کپل کے ساتھ آج بھی رابطہ اور دوستی ہے نسیم وکی

    نسیم وکی جو کہ پاکستانی سٹیج کے نامور فنکار ہیں، انہوں نے انڈیا میں جا کرکپل شرما کے ساتھ بھی کام کیا. کپل شرما کے ساتھ ان کی جوڑی کو بھارت میں بہت زیادہ سراہا گیا. اور نسیم وکی کے جوکس بھارت میں بھی زبان زد عام ہونے لگے. جب انڈیا اور پاکستان کے تعلقات خراب ہوئے تو نسیم وکی کو وطن واپس آنا پڑا. نسیم وکی نے اپنے حالیہ انٹرویو میں کپل شرما اور ان کے شو میں کام کرنے کے تجربے کو بیان کیا. انہوں نے کہا کہ مجھے کپل شرما کے ساتھ کام کرکے بہت اچھا لگا، وہ مجھ سے اکثر رہنمائی لیا کرتا تھا، ہم سکرپٹ کے مطابق ہی بات کیا

    کرتے تھے لیکن کبھی کبھار ایسا بھی ہوا کہ ہم پاکستانی سٹیج کے موڈ میں چلے گئے اور میں نے پاکستانی سٹیج کی جگتیں شروع کر دیں لیکن میں نے محسوس کیا کہ وہاں بیٹھے شائقین نے ان جگتوں کو بہت زیادہ پسند کیا. نسیم وکی نے کہا کہ میرا آج بھی کپل سے رابطہ ہے، ہماری دوستی بہت اچھی ہے. بے شک ہم ایک دوسرے کے ساتھ کام تو نہیں کررہے لیکن ہمارے رابطے ہیں اور ہمیشہ رہیں گے ، کپل نہایت ہی عاجز انسان ہے اسی لئے اللہ نے اسکو اتنی شہرت سے نوازا ہے.

  • سعدیہ خان کا پائوں کیسے زخمی ہوا؟‌

    سعدیہ خان کا پائوں کیسے زخمی ہوا؟‌

    اداکارہ سعدیہ خان جن کا کیرئیر خدا اور محبت کی کامیابی کے بعد بھی ہچکولے ہی کھاتا رہا ، اس ڈرامے کی کامیابی کے بعد انہیں کامران شاہد نے فلم ہوئے تم اجنبی آفر کی. اس میں انہوں نے مرکزی کردار نبھایا ہے، فلم حال ہی میں ریلیز ہوئی ہے ، فلم شائقین کو متاثر تو نہ کر سکی لیکن سعدیہ خان نے شائقین کو کافی متاثر کیا ہے. ہوئے تم اجنبی کے حوالے سے سعدیہ خان نے انٹرویو دیتے ہوئے کہا ہے کہ ہوئے تم اجنبی میں کام کرنے کا تجربہ بہت اچھا رہا ہے ، کامران شاہد ایک اچھے ڈائریکٹر ہیں ، انہوں نے میری صلاحیتوں سے بڑھ کر مجھ سے کام لیا. فلم کی

    شوٹنگ کے دوران کئی ایسے واقعات ہوئے ہیں جو کہ یادگار ہیں. مجھے یاد ہے کہ میں رانجھے بنا شوٹ کروا رہی تھی اور اس دوران میرے پائوں سے خون نکل آیا ، لیکن میں نے اپنے کام کو رکنے نہیں دیا . سعدیہ خان نے کہا کہ ہوئے تم اجنبی بلاشبہ میرے کیرئیر کی بہترین اور یادگار فلم ہے. مجھے مزید بھی کام کی آفرز ہوئی تو میں کروں گی لیکن سکرپٹ اچھا ہونا چاہیے اور کردار ایسا ہونا چاہیے کہ جس میں اپنی فنکارانہ صلاحیتوں کو آزمانے کا موقع میسر آئے.

  • نواز انجم کی اہلیہ کیا اپنے شوہر سے خوش ہیں؟‌

    نواز انجم کی اہلیہ کیا اپنے شوہر سے خوش ہیں؟‌

    سٹیج اور ٹی وی کے معروف اداکار نواز انجم نے اپنے حالیہ انٹرویو میں‌کہا ہے کہ میں نے اپنی فیملی کا ہمیشہ ہی بہت زیادہ خیال رکھا ہے . میری کوشش رہی ہے کہ میں اپنے بچوں کی ساری جائز خواہشات کو پورا کروں اور بیوی کو اسکا حق دوں اور کسی طرح سے بھی کسی موڑ پر اسکو ناراض نہ کروں. نواز انجم کی اہلیہ نے حالیہ انٹرویو میں بتایا ہے کہ میرے شوہر نے مجھے کبھی پریشان نہیں کیا ، گھریلو معاملات میں مجھے فری ہینڈ دیا ہے. میرے ہاتھ پر لا کر پیسے رکھ دیتے ہیں ، اور کہتے ہیں کہ تم گھر کا خرچ اپنی مرضی کے مطابق کرو، مجھے انہوں نے

    کبھی بھی بھی کوئی شکایت نہیں ہونےے دی اور نہ ہی ان کی باہر سے کوئی شکایت گھر آئی ہے. نواز انجم کے بیٹے نے کہا کہ میرے والد بہت سخت ہیں ہم نے کوئی بھی بات منوانی ہوتی ہے تو امی سے کہہ کر منواتے ہیں جبکہ نواز انجم کے پوتے پوتیوں نے کہا کہ ہمارے دادا بہت اچھے ہیں ، نواز انجم نے کہا کہ میرے بچے بہت چالاک ہیں کوئی بات منوانی ہو تو میری اہلیہ کے ساتھ اپنے بچوں کو آگے کر دیتےہیں . مجھے اپنے پوتے پوتیاں اپنے بچوں سے بھی زیادہ عزیز ہیں .

  • کمار شانو کی بیٹی شینن کا بالی وڈ میں ڈیبیو

    کمار شانو کی بیٹی شینن کا بالی وڈ میں ڈیبیو

    نوے کی دہائی میں میوزک کی دنیا پر راج کیا کمارشانو نے، ان کے گائے ہوئے گیت آج بھی زبان زد عام ہیں. کمار شانو اپنے وقتوں میں ہر بڑے میوزک ڈائریکٹر کی اولین ترجیح ہوتے تھے ، اور میوزک کے متوالے کمار شانو کے علاوہ کسی کو بھی سننے کو تیار ہی نہیں تھے. ان کی بیٹی شینن جو کہ امریکی گلورہ ہیں انہوں نے بالی وڈ میں اپنی قسمت آزمانے کا فیصلہ کر لیا ہے. وہ اب بہت جلد ویویک شرما کی فلم چل زندگی میں نظر آئیں گی. اس حوالے سے شینن کافی پرجوش ہیں ، انہوں نے انڈیا ٹائمز کے ساتھ ایک انٹرویو میں کھل کر بات کی ہے اپنی نئی فلم میں اپنے کردار اور نیپوٹیزم پر. انہوں نے کہا کہ میرا کردار فلم میں بہت اچھا ہے مجھے امید ہے کہ میں اس کے ساتھ انصاف

    کروں گی. انہوں نے یہ بھی کہا کہ میرے والد کماشانو نے مجھے بالی وڈ کے بارے میں بہت ساری آگاہی دی ہے اور مجھے بہت سارے مشورے اور نصیحتیں کی ہیں ، میں ان کے مشوروں اور نصیحتوں کے ساتھ چلوں گی . بالی وڈ یقینا میرے لئے ایک نئی جگہ ہے میرے والد بےشک اسکا کئی سال تک حصہ رہے ہیں لیکن میرے لئے نئی جگہ ہے میں‌کوشش کروں گی کہ میرا فوکس کام پر رہے.

  • مجھے بالی وڈ کے بارے میں نہیں پتہ تھا سلمان خان نے بہت کچھ بتایا شہناز گل

    مجھے بالی وڈ کے بارے میں نہیں پتہ تھا سلمان خان نے بہت کچھ بتایا شہناز گل

    بالی وڈ اداکارہ شہناز گل نے اپنے حالیہ انٹرویو میں‌ کہا ہے کہ مجھے بالی وڈ کے بارے میں بالکل بھی آگاہی نہیں تھی ، یہاں تک کہ مجھے آج بھی بالی وڈ کے پرانے ایکٹرز کے بارے میں‌ نہیں پتہ، سلمان خان نے مجھے بالی وڈ‌کے بارے میں بہت کچھ بتایا ، انہوں نے بتایاکہ مجھے یہاں کیسے بن کر رہنا چاہیے اور کیا کرنا چاہیے. انہوں نے مجھے بہت زیادہ موٹیویٹ کیا ، میں نے ان سے بہت کچھ سیکھا ہے. مجھے اگر بالی وڈ کے بارے میں نہیں پتہ تھا تومیں نے جھجھک محسوس نہیں کی میں نے انٹرویوز میں بھی بارہا کہا کہ مجھے کچھ نہیں پتہ میں نے تو اب بالی

    وڈ‌کی پرانی فلمیں دیکھنا شروع کرنی ہیں تاکہ مجھے اداکاروں کا پتہ چل سکے. شہناز گل نے کہا کہ بالی وڈ‌سٹارز کو انٹرویوز کرکے مجھ میں بہت زیادہ اعتماد آیا ہے. شہناز گل کہتی ہیں کہ بالی وڈ میں بہت زیادہ مقابلے کی فضا ہے اور میری کوشش ہے کہ میں مقابلے کی دوڑ میں شامل ہوجائوں، میں مقابلے کی دوڑ میں شامل تو ہوجائوں گی لیکن میری کوشش یہی رہے گی کہ ایسا کام کروں جو میرے بعد بھی لوگوں کو یاد رہے جائے. واضح رہے کہ شہناز گل نے بگ باس 13 سے شہرت حاصل کی اور انہیں اس میں‌پنجاب کی کترینہ کیف کہا جاتا تھا.