Baaghi TV

Tag: youtub

  • اشنا شاہ اپنے شوہر سے کیسے ملیں ؟‌

    اشنا شاہ اپنے شوہر سے کیسے ملیں ؟‌

    اداکارہ اشنا شاہ جن کی شادی کے سوشل میڈیا پر کافی چرچے رہے ہیں انہوں نے ندا یاسر کے ساتھ اپنے حالیہ انٹرویو میں کہا ہے کہ میرے شوہر مجھ سے میری ایک دوست کے زریعے ملے تھے، میری دوست نے مجھے بتایا کہ ایک مہشور گالفر پاکستان آیا ہوا ہے اور وہ میرا جاننے والا ہے. میری دوست نے کہا کہ تمہیں اس سے بات کرنی چاہیے ، ہماری بات میری دوست نے فون پر کروائی ، ہماری ہیلو ہائے ہوئی اس کے تین دن کے بعد ایک دوسرے سے ملے ، اور اسی دن میرے شوہر نے اپنی والدہ سے جا کر کہا کہ مجھے اشنا شاہ سے ہی شادی کرنی ہے، یوں ہمارا دونوں

    فیملیز کی رضا مندی سے رشتہ طے ہو گیا. میرے میاں بہت اچھے دل کے انسان ہیں ، انہوں نے ہمیشہ مجھے بہت زیادہ عزت دی ہے. ایک سوال کے جواب میں انہوں نے کہا کہ میرے میاں نے مجھے پرپوز کیا اور اس کے جواب میں ، میں نے بھی ہاں کہہ دیا کیونکہ میرے میاں مجھے بہت ہی الگ طبیعت کے لگے. میری خوش نصیبی ہے کہ میری شادی حمز ہ جیسے خوش اخلاق انسان کے ساتھ ہوئی.

  • کرن ملک فلموں میں کیسے آئیں ؟

    کرن ملک فلموں میں کیسے آئیں ؟

    اداکارہ کرن ملک جنہوں نے شان شاہد کی فلم ضرار سے اپنے فلمی کیرئیر کا آغاز کیا ، ضرار تو بہت زیادہ نہ چل سکی لیکن کرن ملک کی ایکٹنگ کو بہت زیادہ سراہا گیا. کرن ملک کی اس عید پر دوسری فلم ریلیز ہوئی ہے جس کا نام ہے منی بیک گارنٹی ، اس میں بھی کرن ملک کی اداکاری کو بہت زیادہ سراہا جا رہا ہے. واسع چوہدری کے ساتھ ایک انٹرویو میں اداکارہ نے کہا کہ میں ماڈلنگ کررہی تھی اس میں بھی بہت مزہ آرہا تھا لیکن جب سے اداکاری شروع کی ہے مجھے اداکاری میں زیادہ مزہ آنے لگا ہے ، اداکاری میں انسان ہر روز کچھ نہ کچھ سیکھتا ہے اور میں

    سیکھ رہی ہوں. انہوں نے کہا کہ مجھے ضرار اس طرح ملی کہ ایک روز میں‌نے شان کو اپنے کسی دوست کے ساتھ ہوٹل میں دیکھا ، میں ان کے ساتھ تصویر بنانے کے لئے چلی گئی ، تصویر لیکر میں واپس چلی گئی ، اگلے دن مجھے میرے ہی دوست نے جو کہ شان کے ساتھ بیٹھے ہوئے تھے کال کی کہ اس طرح سے ایک سکرپٹ ہے اگر اداکاری کرنا چاہو تو میں نے سکرپٹ سنا اچھا لگا ، میں نے ہاں کر دی ، یوں شان نے مجھے اپنی فلم میں کاسٹ کر لیا اور آج مجھے پہچانا جا رہا ہے جس کی مجھے بہت زیادہ خوشی بھی ہے.

  • سلمان خان کی بہن ارپیتا کے گھر عید ملن پارٹی ، سلمان ، شہناز ، قطرینہ و دیگر کی شرکت

    سلمان خان کی بہن ارپیتا کے گھر عید ملن پارٹی ، سلمان ، شہناز ، قطرینہ و دیگر کی شرکت

    سلمان خان کی بہن ارپیتا ہر سال اپنے گھر عید ملن پارٹی رکھتی ہیں، لہذا انہوں نے روایت کو برقرار رکھتے ہوئے عید ملن پارٹی کا اہتمام کیا جس میں ان کے بھائی سلمان خان ، ارباز خان ، سہیل خان کے علاوہ والد سلیم خان نے بھی خصوصی شرکت کی . اس عید ملن پارٹی میں دیگر بالی وڈ کی جن شخصیات نے شرکت کی ان میں شہناز گل ، سوناکشی سنہا ، قطرینہ کیف ، کارتک آریان ، کیرتی سینن ، آیوشمنا کھرانہ و دیگر نے شرکت کی . ارپیتا کے علاوہ سلمان خان بھی

    ہر سال عید ملن پارٹی کا اہتمام کرتے ہیں اس پارٹی میں بالی وڈ کی نامور شخصیات نظر آتی ہیں. بالی وڈ کے ستارے رمضان کے شروع ہوتے ہی ایک دوسرے کے لئے افطاریوں‌کا سلسلہ شروع کر دیتے ہیں ، اسی طرح سے رمضان المبارک کے ختم ہوتے ہی یہ باری باری عید ملن پارٹی کا اہتمام کرتے ہیں ، اچھی بات یہ ہے کہ تمام بالی وڈ سیلبرٹیز عید ملن پارٹیز کو پورے جوش و خروش کے ساتھ اٹینڈ کرتی ہیں. یاد رہے کہ ارپیتا سلمان خان کی لے پالک بہن ہیں جن کو ان کے والد تب سے پال رہے ہیں جب وہ چند مہینوں کی تھیں.

  • حریم فاروق کس گانے پر جھوم اٹھیں ؟‌

    حریم فاروق کس گانے پر جھوم اٹھیں ؟‌

    اداکارہ حریم فاروق جو کہ ایک بڑی فین فالونگ رکھتی ہیں، انہوں نے ھال ہی میں انسٹاگرام پر ایک وڈیو شئیر کی ہے جس میں وہ ایک انڈین گانے پر جھومتی ہوئی نظر آرہی ہیں. اس گانے کے بول ہیں ، جانے کہاں میرا جگر گیا جی ، حریم فاروق نے جو وڈیو شئیر کی ہے اس میں وہ ایک گارڈن میں موجود ہیں اور فیروزی رنگ کا خوبصورت جوڑا زیب تن کئے ہوئے ہیں. حریم فاروق اس خوبصورت جوڑے میں انڈین گانا جانے کہاں میرا جگر گیا جی ، پر جھومتی ہوئی نظر آرہی ہیں. حریم فاروق خاصی دلکش لگ رہی ہیں. اداکارہ نے جب یہ وڈیو سوشل میڈیا پر شئیر کی

    تو انکے مداحوں نے بڑی تعداد میں کمنٹس کئے اور اداکارہ کی خوبصورتی اور ان کے خوبصورت جوڑے کی بےحد تعریف کی .حریم فاروق کے بہت سارے مداحوں نے انہیں عید مبارک بھی کہا. یاد رہے کہ حریم فاروق پاکستان کی شوبز انڈسٹری کی بہترین اداکارہ ہیں . انہوں نے ابھی تک بہت کم کام کیا ہے ، حریم کم مگر معیاری کام کرنے کو ترجیح دیتی ہیں اسی لئے وہ کم کم سکرین پر نظر آتی ہیں. پچھلے دنوں ان کا ایک ڈرامہ تُو اڑ جا بےفکر آن ائیر ہوا.جس میں ان کے ساتھ صبا قمر بھی تھیں .

  • شہروز کی پہلی اور دوسری بیوی سے دونوں بیٹیوں کی عید مبارک کہتے کی وڈیو وائرل

    شہروز کی پہلی اور دوسری بیوی سے دونوں بیٹیوں کی عید مبارک کہتے کی وڈیو وائرل

    عید کے خوبصورت موقع پر شوبز سلیبرٹیز خصوصی طور پر وڈیوز اور تصاویر بنا کر سوشل میڈیا پر ڈالتی ہیں جس میں وہ اپنے مداحوں کو عید مبارک کہتی ہیں. جنید خان نے عید کے روز اپنی اور اپنی فیملی کی خوبصورت تصاویر شئیر کرکے عید کی مبارک باد دی ، اسی طرح سے یاسر حسین اور ندا یاسر نے اپنے بچوں کے ساتھ تصاویر بنا کر اپنے مداحوں کو عید مبارک کہا. دوسری طرف شہروز سبزواری نے ایک خوبصورت وڈیو شئیر کی ہے جس میں دیکھا جا سکتا ہے کہ ان کی پہلی بیوی سائرہ یوسف اور دوسری بیوی صدف کنول کی بیٹیاں ایک ساتھ بیٹھی ہیں اور دونوں سب کو عید مبارک کہہ رہی ہیں، یہ وڈیو سوشل میڈیا پر کافی وائرل ہو رہی ہے. شہروز نے خود یہ وڈیو اپنے

    انسٹاگرام اکائونٹ پر شئیر کی ، دونوں بیٹیاں نہایت ہی خوبصوت لگ رہی ہیں اور شہروز کے مداحوں نے اس وڈیو کو نہ صرف پسند کیا ہے بلکہ وہ ان دونوں بیٹیوں کے لئے ڈھیروں دعائیں بھی کررہے ہیں. یاد رہے کہ شہروز نے اپنی پہلی اور دوسری بیوی کی بیٹیوں کو ایک ساتھ رکھا ہوا ہے ، سائرہ یوسف کی بیٹی زیادہ تر اپنی سوتیلی بہن کے ساتھ رہتی ہے اور اس سے بہت زیادہ پیار کرتی ہے ، شہروز اکثر ان دونوں‌کیی وڈیوز شئیر کرتے ہوئے نظر آتے ہیں .

  • مجھے رونے دھونے والے ہی کردار ملتے ہیں وہاج علی

    مجھے رونے دھونے والے ہی کردار ملتے ہیں وہاج علی

    اداکار وہاج علی جو کہ نئی نسل کے نمائندہ فنکار ہیں، انہوں نے کم عرصے میں ہی اپنا نام اور مقام بنا لیا ہے ، آج ان کا شمار ٹی وی انڈسٹری کے نمبر ون ہیروز میں ہوتا ہے. وہاج خان کا ان دونوں ڈرامہ سیریل مجھے پیار ہوا تھا آن ائیر ہے اس میں ان کا کردار بہت پسند کیا جا رہا ہے. وہاج علی آج کل جتنے بھی کردار کررہے ہیں اس میں وہ کسی نہ کسی طرح مظلوم ہی دکھائی دیتے ہیں. وہاج علی سے حال ہی میں ایک انٹرویو ہوا اس میں ان سے پوچھا گیا کہ آپ ایک ہی طرح کے کردار کیوں کررہے ہیں ، ہر کردار میں مظلوم دکھائی دیتے ہیں آخر وجہ کیا ہے؟‌ اس پر وہاج

    علی نے جواب دیا کہ ایسے پراجیکٹس کے پیسے بہت اچھے ملتے ہیں اور ایسے ڈراموں کے مجموعی طور پر بجٹ اچھے ہوتے ہیں. باقی یہ کہ مجھے ایسے کردار آفرز ہوتے ہیں لہذا میرے پاس جو آتا ہے اس میں سے جو مجھے بہتر لگتا ہے وہ میں سائن کر لیتاہوں. میری خوش قسمتی ہے کہ میرے مداح مجھے ہر کردار میں پسند کرتےہیں، ڈرامہ سیریل مجھے پیار ہوا تھا کو بہت اچھا ریسپانس مل رہا ہے. ہم سب نے بہت محنت کے ساتھ یہ ڈرامہ بنایا ہے .

  • کیا اشنا کو فیروز خان کے معاملے میں شرمندگی ہے؟‌

    کیا اشنا کو فیروز خان کے معاملے میں شرمندگی ہے؟‌

    اداکار فیروز خان جو پچھلے کچھ مہینے شدید تنقید کی زد میں رہے، فیروز خان پر تنقید اس وقت بڑھی جب ان کی سابقہ اہلیہ علیزے سلطان نے ان پر تشدد کرنے کے الزامات لگائے. جب ایسے الزامات سامنے آئے تو جہاں بہت سارے اداکار فیروز کے خلاف ہوگئے وہیں اشنا شاہ بھی پیچھے نہ رہیں. انہوں نے بھی جم کر کی فیروز خان پر تنقید. اب جبکہ بہت سارے فنکاروں کی فیروز خان کے ساتھ صلح صفائی ہو گئی ہے تو اشنا شاہ نے بھی فیروز خان کے لئے اپنا دل نرم کر لیا ہے. انہوں نے بھی کہا ہے کہ مجھے فیروز خان کے معاملے میں بہت زیادہ اگریسیو نہیں‌ہونا

    چاہیے تھا. کسی نے اگر کچھ غلط کیا ہو تو اس حوالے سے ایک بار کہہ دینا چاہیے کہ ہاں ٹھیک ہے غلط کیا ہےلیکن اس کے بعد اس پر اس حد تک تنقید نہیں‌کرنی چاہیے اگلہ انسان خودکشی ہی کرلے. ہمیں عدالتوں پر یقین رکھنا چاہیے کہ بہتر انصاف مہیا کریں گی. انہوں نے کہا کہ فیروز خان کے معاملے میں ہم سب کچھ زیادہ ہی جذباتی ہو گئے تھے اور ان پر کچھ زیادہ ہی تنقید کر گئے تھے جو کہ نہیں ہونا چاہیے تھا.یاد رہے کہ اشنا شاہ اب فیروز خان اور ان کی اہلیہ علیزے سلطان کے نجی معاملات کو لیکر نیوٹرل ہو گئی ہیں.

  • عید کے موقع پر انجمن کو یاد آیا سونے دی تویتڑی

    عید کے موقع پر انجمن کو یاد آیا سونے دی تویتڑی

    سینئر اداکارہ انجمن نے اپنے مداحوں کو دیا ایک الگ انداز میں عید مبارک کا پیغام . اداکارہ نے اپنے انسٹاگرام اکائونٹ پر ایک وڈیو لگائی جس میں وہ ایک خوبصورت ڈریس نہ صرف پہنے ہوئے ہیں بلکہ خوبصورت میک اپ بھی کئے ہوئے ہیں. انجمن نے اس وڈیو پر گانا لگایا ہے ، سونے دی تویتڑی جے میں ہندی ڈھولنا ، انجمن اس گانے پر جھومتے ہوئے نظر آرہی ہیں، انجمن کے مداحوں کو انجمن کی یہ وڈیو بہت اچھی لگی ہے اور انہوں نے کمنٹس باکس میں اداکارہ کو عید مبارک کہنے کے ساتھ ان سے کہا کہ وہ وقتا فوقتا ایسی وڈیوز شئیر کرتی رہا کریں. یاد

    رہے کہ انجمن کافی برسوں سے فلموں سے دور ہیں ان کا کہنا ہےکہ مجھے اگر کوئی اچھا کردار ملا تو ضرور کروں گی ، انہوں نے یہ بھی دعوی کیا تھا کہ انہیں دا لیجنڈ آف مولا جٹ میں ایک اہم کردار دیا گیا تھا لیکن ان کے پاس ڈیٹس نہ ہونے کی وجہ سے انہوں نے وہ کردار نہیں کیا. انجمن کہتی ہیں کہ وہ اپنی شرائط پر کام کرتی ہیں. انجمن اکثر شوبز ایونٹس میں شرکت کرتی ہیں لیکن ابھی تک کسی فلم میں نظر نہیں آئیں.

  • سلمان خان نے اپنے گھر کی گیلری میں آکر مداحوں کو عید مبارک کہا

    سلمان خان نے اپنے گھر کی گیلری میں آکر مداحوں کو عید مبارک کہا

    بالی وڈ اداکارہ سلمان خان جنہیں بارہا قتل کر دینے کی دھمکیاں مل رہی ہیں ،سدھو موسے والا کے قتل کے بعد گینگسٹر لارنس بسنوئی نے متعدد مرتبہ سلمان خان کو قتل کرنے کی دھمکیاں دیں ، جس کے بعد ممبئی پولیس نے اداکار کی سیکیورٹی بڑھا دی تھی. اس کے بعد سلمان خان کو ان کے گھر کی گیلری میں آکر مداحوں کے ساتھ انٹریکشن کرنے سے منع کر دیا گیا تھا . لیکن سلمان خان نے عید الفطر پر خوف کے بت توڑ کر اپنے دشمنوں کو پیغام دیا ہے کہ میں‌کسی سے نہیں ڈرتا، سلمان خان نے اپنے گھر کے باہر کھڑے مداحوں کو ہاتھ ہلا کر عید مبارک کہا،

    سلمان خان نے نیلے رنگ کی شرٹ پہن رکھی تھی. ہزاروں کی تعداد میں دور دور تک ان کے مداحوں کی بڑی تعداد موجود تھی. انسٹاگرام پر وائرل وڈیو میں دیکھا جا سکتا ہےکہ جیسے ہی سلمان خان اپنے گھر کی گیلری میں آئے تو مداحوں نے سلمان خان کے نام کے نعرے لگانا شروع کر دئیے. اداکار مسکرا کر ہاتھ ہلاتے رہے اور چند منٹ گھر کی گیلری میں کھڑے ہونے کے بعد واپس چلے گئے. یاد رہے کہ سلمان خان کے ساتھ ساتھ ان کے والد سلیم خان کو بھی لارنش بسنوئی کی طرف سے قتل کر دینے کی دھمکیاں‌موصول ہو چکی ہیں.بسنوئی کا کہنا ہےکہ کالے ہرن کو قتل کرکے سلمان خان نے ہمارے جذبات مجروح کئے اداکار معافی مانگے تو چھوڑ دوں گا ورنہ قتل کر دوں گا .

  • عروہ نے فرحان کے ساتھ تصاویر انسٹاگرام پر لگا کر عید مبارک کہا، مداح حیران

    عروہ نے فرحان کے ساتھ تصاویر انسٹاگرام پر لگا کر عید مبارک کہا، مداح حیران

    اداکارہ عروہ حیسن نے اپنے مداحوں کو کر دیا ہے حیران، کیونکہ انہوں نے اپنے انسٹاگرام اکائونٹ پر اداکار فرحان جو کہ ان کے شوہر ہیں کے ساتھ چند تصاویر شئیر کیں اور ان کا کیپشن لکھا عید مبارک. عروہ حسین نے تصاویر میں جو جوڑا پہن رکھا ہے وہ معروف ڈیزائنر عاصم جوفہ کا ہے. عروہ اور فرحان تصاویر میں بہت ہی خوبصورت نظر آرہےہیں. تصاویر رومینٹک انداز میں لی گئی ہیں، ان تصاویر کو دیکھ کر عروہ اور فرحان کے مداح کافی کنفیوژ ہیں کیونکہ ایک طرف تو خبریں چلتی رہی ہیں کہ دونوں کے درمیان علیحدگی ہو چکی ہے ، طلاق کی خبریں

    بھی گردش کرتی رہی ہیں، یہاں تک کہ کینڈا میں جب ایوارڈز کی تقریب ہوئی تو اس میں عروہ اکیلی آئیں اور فرحان ہانیہ عامر کے ساتھ آئے. دونوں کافی عرصے سے ایک دوسرے کے ساتھ نہیں رہتے. لیکن اچانک عروہ کی جانب سے ایسی تصاویر دیکھ کر مداح حیران ہونے کے ساتھ خوش ہیں. اور کہا جا رہا ہےکہ دونوں پھر سے ایک ہو گئے ہیں. یاد رہےکہ عروہ اور فرحان کی علیحدگی کی خبریں‌ایک عرصے سے چل رہی ہیں لیکن دونوں نے کبھی اپنی علیحدگی کا طلاق کا اعتراف نہیں کیا .