Baaghi TV

Tag: youtub

  • میں کامران شاہد کا اسسٹنٹ بننے کو تیار ہوں سید نور

    میں کامران شاہد کا اسسٹنٹ بننے کو تیار ہوں سید نور

    معروف ڈائریکٹر اور رائٹر سید نور نےعید کے پہلے دن پہلا شو ہوئے تم اجنبی کا دیکھا. فلم دیکھنے کے بعد سید نور نے میڈیا سے گفتگو کرتے ہوئے کہا کہ کامران شاہد نے بہت اچھی فلم بنائی ہے ، فلم لکھی بھی بہت اچھے انداز سے گئی ہے، جبکہ ڈائریکشن کمال کی ہے. جو ایڈیٹنگ اور سپیشل ایفکیٹس کا استعمال کیا گیا ہے اس کے کیا ہی کہنے. انہوں نے کہا کہ خوشی کی بات یہ ہے کہ لاہور کی انڈسٹری سے ایک نیا ڈائریکٹر اٹھا ہے جس نے ایک خوبصورت کوشش کی ہے. سید نور نے یہ بھی کہا کہ میں ڈائریکشن اور رائٹنگ میں کامران شاہد کو دس میں سے نو

    نمبر دوں گا، کامران شاہد ڈائریکشن کے میدان میں ایک اچھا اضافہ ہے ، انہیں چاہیے کہ یہ صحافت چھوڑ کر مکمل طور پر ڈائریکشن میں ہی آجائیں. سید نور نے یہاں تک کہہ دیا کہ میں تو کامران شاہد کے ساتھ ان کا اسٹنٹ بن کر کام کرنے کو تیار ہوں. انہوں نے کہا کہ اچھی بات ہے کہ فلمیں بن رہی ہیں اور لوگ دیکھنے کے لئے آرہے ہیں . انہوں نے مزید یہ بھی کہا کہ اہم بات یہ ہے کہ فلمیں معیاری بن رہی ہیں اور ہوئے تم اجنبی ان میں ایک اچھا اضآفہ ہے. فلم میں ہر ایکٹر نے کمال کام کیا ہے.

  • فلمسٹار شاہد نے اپنے بیٹے کامران کی فلم ہوئے تم اجنبی کا پہلے دن پہلا شو دیکھا

    فلمسٹار شاہد نے اپنے بیٹے کامران کی فلم ہوئے تم اجنبی کا پہلے دن پہلا شو دیکھا

    سینئر اداکار شاہد حمید کے بیٹے کامران شاہد کی ڈائریکشن میں بنی فلم ہوئے تم اجنبی آج ریلیز کر دی گئی ہے، فلم کے پہلے دن پہلا شو دیکھا فلمسٹار شاہد نے اپنی بیگم منزہ اور بہن کے ہمراہ. اس موقع پر پرڈیوسر صفدر ملک ، سید نور ، حسن عسکری ، پرویز کلیم و یگر بھی موجود تھے. شاہد خاصے خوش دکھائی دے رہے تھے ، انہوں نے کہا کہ میرے بیٹے کی محنت ضرور رنگ لائیگی. منزہ شاہد جو کہ کامران شاہد کی والدہ ہیں انہوں نے کہا کہ مجھے اپنے بیٹے پر فخر ہے ، وہ بہت باصلاحیت ہے ، میرے بیٹے نے اس فلم پر بہت محنت کی ہے ، اس فلم کی بہت ساری شوٹنگ ہمارے گھر میں بھی ہوئی اور شوٹنگ دیکھا کرتے تھے ، فلم کو بننے میں کافی عرصہ لگا ہے،

    یہ ایک تاریخی فلم ہے جسے لوگوں کو ضرور دیکھنا چاہیے. شاہد حمید نے کہا کہ مجھے اپنے بیٹے کی ڈائریکشن میں کام کرکے بہت اچھا لگا. یاد رہے کہ فلم ہوئے تم اجنبی کے رائٹر اور ڈائریکٹر کامران شاہد ہیں جبکہ مرکزی کرداروں میں میکال ذوالفقار ، سعدیہ خان ، شمعون عباسی ، محمود اسلم و دیگر قابل زکر ہیں، فلم میں نو کے قریب گانے ہیں اور تمام گانے سیچوایشنل ہیں. کہانی انیس سو اکہتر کے پس منظر میں بنائی گئی ایک لواسٹوری کے گرد گھومتی ہے

  • جو بھی پاکستان سے پیار کرتا ہے اسکو سیاست سے لگائو ہونا چاہیے بہروز سبزواری

    جو بھی پاکستان سے پیار کرتا ہے اسکو سیاست سے لگائو ہونا چاہیے بہروز سبزواری

    سینئر اداکار بہروز سبزواری نے اپنے حالیہ انٹرویو میں‌کہا ہے کہ اگر میں کبھی میں سیاست پر بات کرتا ہوں تو مجھے سول میڈیا پر کہا جاتا ہے کہ مجھے اپنے کام سے کام رکھنا چاہیے ، یعنی ان کا کہنا ہوتا ہے کہ آپ ڈرامے کے لوگ ہیں صرف شوبز کی حد تک رہیں. حالانکہ میں‌سمجھتا ہوں کہ جس کو بھی پاکستان سے محبت ہے اسکو سیاست سے لگائو ضرور ہونا چاہیے. بہروز سبزواری نے کہا کہ منی بیک گارنٹی سے ہمیں بہت ساری امیدیں وابستہ ہیں اور اس فلم میں کام کرنے والے ہر آرٹسٹ نے کمال انداز میں کام کیا ہوگا، سینئرز ہوں یا جونئیرز فیصل قریشی

    ہر کسی سے کام لینے کا ہنر جانتا ہے.بہروز سبزواری نے کہا کہ ہمارے ہاں جس طرح سے اچھے ڈرامے بن رہے ہیں‌اسی طرح سے اب کافی برسوں‌کے بعد اچھی فلمیں بھی بن رہی ہیں.انہوں نے کہا کہ مجھے خوش ہے ہماری نوجوان نسل بہت زیادہ متحرک ہے وہ جانتی ہے کہ اپنا حق کس طرح‌سے لینا ہے. پاکستان میں اس کی حکومت ہونی چاہیے جو ملک کے ساتھ وفادار ہو . ہم سب اس کے پیچھ کھڑے ہوں گے جو ایسا ہوگا. انہوں نے کہا کہ کمپرومائز نہیں‌کرتا اگر کوئی کردار اچھا ملے تو ہی کرتا ہوں.

  • کیا ہوئے تم اجنبی جنید خان کو آفر ہوئی تھی؟‌

    کیا ہوئے تم اجنبی جنید خان کو آفر ہوئی تھی؟‌

    اداکار جنید خان نے حال ہی میں کراچی میں منی بیک گارانٹی کے پریمئیر میں شرکت کی ، وہاں انہوں نے کہا کہ ہوئے تم اجنبی ریلیز ہونے جا رہی ہے ، مجھے اسکا سکرپٹ سنایا جا چکا ہے ، صحافی نے جب جنید خان سے پوچھا کہ کیا ہوئے تم اجنبی آپکو آفر ہوئی تھی تو انہوں نے کہا کہ میں اس پر بات نہیں کرنا چاہتا چھوڑیں اس بات کو. جنید خان نے کہا کہ میں ذاتی زندگی میں بالکل بھی سنجیدہ نہیں ہوں میرے جو قریبی دوست ہیں وہ سب جانتے ہیں کہ می کتنا ہنس مکھ ہوں اور مذاق کرتا رہتا ہوں ، ہاں‌یہ بات ٹھیک ہے کہ مجھے ٹی وی پر کردار بہت سنجیدہ

    ملے ہیں . لیکن ڈرامہ سیریل ہم تم میں ، میں‌کامیڈی کرتا ہوا دکھائی دیا. مجھے خوشی اس بات کی ہوتی ہے کہ میرے مداح مجھے ہرکردار میں بے حد پذیرائی دیتے ہیں، جنید خان نے کہا کہ سوشل میڈیا کا استعمال ضرورت کے تحت کرتا ہوں ، کوئی پوسٹ لگانی ہو تو لگا کر چلا جاتا ہے ، لوگ کیا کمنٹ کررہے ہیں کیا نہیں اسکو دیکھ کر اپنا دل نہیں جلاتا. جنید خان نے کہ میرے پاس پائپ لائن میں‌ جو پراجیکٹس میں ان میں ایک فلم بھی شامل ہے جلد ہی اس پر کام شروع کر دیا جائیگا.

  • کام کے انداز وہی ہیں صرف ٹیکنالوجی تبدیل ہوئی ہے شاہد حمید

    کام کے انداز وہی ہیں صرف ٹیکنالوجی تبدیل ہوئی ہے شاہد حمید

    سینئر اداکار شاہد حمید نے اپنے حالیہ انٹرویو میں کہا ہے کہ کام کے انداز وہی ہیں ، نہ کام بدلہ ہے نہ ہی اس کے انداز بدلے ہیں ، اگر کچھ تبدیلی آئی ہے تو وہ ہے ٹیکنالوجی. اب جدید ٹیکنالوجی آچکی ہے. شاہد حمید نے کہا کہ میں تو سینما انڈسٹری کی بہتری کے لئے دعا کرتا ہوں. میری فلم ہوئے تم اجنبی آج ریلیز ہونے جا رہی ہے مجھے اس سے بہت امیدیں وابستہ ہیں، کیونکہ اس کی کہانی اور سکرپٹ پر بہت محنت کی گئی ہے. شاہد حمید نے کہا کہ آج کے فنکار اچھا کام کررہے ہیں ، لیکن مجھے حمزہ علی عباسی کی اداکاری بہت اچھی لگتی ہے، وہ بہت ہی محنتی لڑکا ہے ، اس کے مقابلے میں شاید بہت کم ایکٹرز ہوں گے. شاہد حمید نے کہا کہ اچھی فلمیں بن رہی

    ہیں فلمیں بنانے کا یہ سلسلہ چلتے رہنا چاہیے رکنا نہیں چاہیے. شاہد حمید نے کہا کہ میں نے اپنے بیٹے کی ڈائریکشن میں کام کیا ہے مجھے خوشی ہے کہ میرے بیٹے نے اچھا کام کیا اور کروایا ہے. انہوں نے یہ بھی کہا کہ فلم پر پیسہ لگانا ہی بڑی بات نہیں ہے، کہانی اچھی ہونی چاہیے اور اچھے انداز سے وہ بنائی جائے تو شائقین کبھی بھی اسے رد نہیں کرتے.

  • میں بےجا تنقید کرنے والوں پہ نہیں خود سے پیار کرنے والوں پر دھیان دیتی ہوں ماہرہ خان

    میں بےجا تنقید کرنے والوں پہ نہیں خود سے پیار کرنے والوں پر دھیان دیتی ہوں ماہرہ خان

    اداکارہ ماہرہ خان نے اپنے حالیہ انٹرویو میں کہا ہے کہ سوشل میڈیا پر جہاں‌مجھ پر بہت زیادہ تنقید ہوتی ہے وہیں مجھے پیار کرنے والوں کی بھی تعداد بہت زیادہ ہے. تنقید کرنے والوں کی تعداد شاید آٹے میں نمک کے برابر ہے. اور یہ وہ لوگ ہیں جو بےجا تنقید کرتے ہیں تاکہ میرے حوصلے توڑ سکیں. لیکن میں ان کی باتوں پر دھیان نہیں دیتی .جو مجھ سے پیار کرتے ہیں میں ان کی بات سنتی ہوں . ماہرہ خان نے کہا کہ دا لیجنڈ آف مولا جٹ کے بعد فلم میکرز پر جو پریشر آیا ہے وہ خطرناک پریشر نہیں ہے بلکہ یہ ایک خوبصورت پریشر ہے. اب وقت تو وہ وقت ہے

    کہ اگر اچھی فلمیں بنیں گی تو سینما چلے گا ورنہ نہیں چلے. اب آڈینز بدل چکی ہے اس کا مزاج بدل چکا ہے. آج ہر کام جلدی جلدی اور تیزی میں ہو رہا ہے. ماہرہ خان نے کہا کہ ہمایوں سعید کے ساتھ میری ایک فلم آرہی ہے جس میں ہم دونوں کا کردار رومیو جیولیٹ جیسا ہے. مجھے تو امید ہے کہ منی بیک گارنٹی ایک اچھی فلم ثابت ہو گی اور اس میں جتنے بھی اداکار ہیں ان کی اداکاری بھی کمال ہو گی اور فیصلہ قریشی کی صلاحیتوں پر تو ہمیں ویسے ہی بہت اعتبار ہے.

  • منی بیک گارنٹی کا کراچی میں پریمئیر ، ستاروں کی شرکت

    منی بیک گارنٹی کا کراچی میں پریمئیر ، ستاروں کی شرکت

    فیصل قریشی کی ڈائریکشن میں بنی فلم منی بیک گارنٹی کا گزشتہ روز کراچی میں پریمئیر کیا گیا، پریمئیر میں فواد خان ، فیصل قریشی ، عائشہ عمر ، مانی ، شایان خان ، میکال ذوالفقار ، حنا دلپذیر ، جاوید شیخ ، بہروز سبزواری ، شہزاد شیخ ، سجل علی ، مہوش حیات ، عمران اشرف ، ثروت گیلانی ، غنا علی ، حرا ، شہزاد رائے ، کرن ملک ، ندیم بیگ ، سیفی حسن، بلال عباس و دیگر نے شرکت کی، پریمئیر میں‌ فلم کی کاسٹ سے وسیم اکرم اور شنیرا اکرم کی ایونٹ میں کمی محسوس کی جاتی ر ہی. فلم میں دو گیت ہیں ، عائشہ عمر مہمان اداکارہ کے طور پر فلم میں

    دکھائی دے رہی ہیں، میکال ذوالفقار نے ایک پٹھان کا کردار کیا ہے جبکہ فواد خان نے بینک مینجر کا . دوسری طرف شنیرا اکرم نے صحافی کا کردار ادا کیا ہے، وسیم اکرم نے بینک کے صدر کا کردار کیا ہے. کامیڈی اس فلم کا دورانیہ سوا دو گھنٹے ہے. فیصل قریشی کی یہ پہلی فلم ہے دیکھنا یہ ہے کہ شائقین کی ان کی س کوشش کو کتنی پذیرائی دیتے ہیں. فلم آج عید کے روز ریلیز کی جا رہی ہے. واضح رہے کہ پریمئیر کراچی میں کیا گیا ، پہلے لاہور میں اس ایونٹ کو کروایا جانا تھا لیکن بعد ازاں کراچی میں پریمئیر کرنے کا فیصلہ کیا گیا.

  • کپل شرما کا شو بند ہو گا یا نہیں ؟

    کپل شرما کا شو بند ہو گا یا نہیں ؟

    کپل شرما شو بھارتی ٹیلی ویژن کا سب سے مشہور کامیڈی شو ہے اس شو کی خاصیت یہ ہے کہ اس کے میزبان کپل شرما نہاہت ہی خوبصورتی اور ڈیسنٹ انداز میں اپنے مہمانوں کے ساتھ گفتگو کرتے ہیں. بالی وڈ کی کوئی ایسی سلیبرٹی نہیں جو اس شو میں شریک نہیں ہوئی. اس شو کو ماضی میں بھی کئی بار بند کیا جا چکا ہے ، ایک بار پھر اس شو کو بند کرنے کی خبریں چل رہی ہیں. لیکن کپل شرما نے اب توڑ دی ہے خاموشی اور کہا ہے کہ ، اس شو کی ٹیم بیرون ملک لائیو شوز کرنے جا رہی ہے ، اس کے بعد فیصلہ ہو گا کہ اس شو کو بند کرنا ہے یا نہیں . یاد رہے کہ

    کپل شرما شو کی اس سیزن کی آخری قسط یکم جون کو نشر کی جائیگی ، اس کے بعد اس شو کو کتنے عرصے کے لئے بند کیاجائیگا اس کا فیصلہ ہوگا. اس شو کے بند ہونے پر کپل شرما کے مداح کافی اداس ہے ان کا کہنا ہےکہ شو کو بالکل بھی بند نہیں ہونا چاہیے ، یہ شو بہت سارے لوگوں کو پسند ہے اور اب لوگ اس شو کے عادی ہو چکے ہیں.

  • منیب شروع میں کئی بار منال کی وجہ سے کنفیوژ ہوئے ایمن خان

    منیب شروع میں کئی بار منال کی وجہ سے کنفیوژ ہوئے ایمن خان

    اداکارہ ایمن خان نے ثانیہ مرزا کے ساتھ ایک انٹرویو میں‌ کہا ہے کہ میرے شوہر منیب شروع شروع میں بہت کفیوژ ہوجاتے تھے ان کو پتہ نہیں چلتا تھا کہ کونسی ایمن ہے اور کونسی منال ہے، لیکن جلد ہی ان کی یہ کنفیوژن دور ہو گئی . تاہم منال کا شوہر احسن ہم دونوں میں بہت زیادہ کنفیوژ ہوتا ہے. اسکو ابھی تک نہیں پتہ چلتا کہ ایمن کون ہے اور منال کون ہے. ایمن نے کہا کہ ہماری شکل اس ھد تک ایک دوسرے کے ساتھ ملتی ہے کہ ہم ایک دوسرے کے آئی فون اپنی شکل دکھا کر کھول سکتے ہیں. ایمن کے ساتھ انٹرویو میں منیب بھی شامل تھے انہوں نے کہا کہ میں

    شروع میں شاید کنفیوژ ہوا ہوں گا لیکن اس کے بعد کبھی ایسا نہیں ہوا. ایمن نے یہ بھی کہا کہ شادی کے بعد بچی اور گھر کی ذمہ داریاں اتنی زیادہ ہو گئی ہیں کہ اب چاہوں بھی تو کام کے لئے وقت نہیں نکال سکتی، اور اب میں کافی خوش ہوں ، میں نے بہت کام کر لیا ، چھوٹی سی عمر میں جتنا کام کر لیا ہے اس سے بہت مطمئن ہوں اب نہ بھی کام کروں تو کوئی ملال نہیں ہوگا. باقی جن کو یہ لگتا ہے کہ منیب نے مجھے کام سے منع کیا ہے وہ کسی غلط فہمی کا شکار ہیں .

  • فواد خان کسی کنٹرورسی میں نہیں‌پڑتا مانی

    فواد خان کسی کنٹرورسی میں نہیں‌پڑتا مانی

    اداکار مانی نے اپنے حالیہ انٹرویو میں کہا ہے کہ فواد خان نہ صرف زبردست اداکار ہیں بلکہ وہ کمال کے زہین بھی ہیں، وہ کسی قسم کی کنٹرورسی میں نہیں پڑتے وہ ان چیزوں سے بہت زیادہ دور رہتے ہیں. اسی لئے شاید وہ انٹرویوز بھی کم کم ہی دیتے ہیں. مانی نے مزید کہا کہ جواد احمد تو ڈائریکٹ باتیں کرتےہیں اس لئے لوگ ان کے پیچھے پڑ جاتے ہیں لیکن فواد خان بچ بچا کر ہر بات کا جواب دیکر نکل جاتے ہیں. مانی نے کہا کہ میں نے ایک ایکٹر کے ساتھ کام کیا میں ان کا نام نہیں لوں گا ، کیمرے کے سامنے وہ کچھ کر نہیں‌ پاتا اور باتیں اس سے کروا لو

    دنیا جہان کی. انہوں نے یہ بھی کہا کہ جب آپ کا کام نہ بولے تو آپکو بولنا پڑتا ہے. اور پاکستان جیسے ملک میں تو ویسے یہ ضروری بھی ہے. مانی نے کہا کہ ہمیں بہت عادت ہو چکی ہے دوسروں کی زندگیوں میں دخل اندازی کرنےکی ، ہم یہ نہیں دیکھتے کہ ہم کیا کررہے ہیں یا کرنا چاہیے بلکہ ہم یہ دیکھتے ہیں کہ دوسرا کیا اور کیوں کررہا ہے. مانی نے کہا کہ میں کنٹرورسیز سے بہت دور رہتا ہوں اس لئے انٹرویوز بھی کم کم ہی دیتا ہوں.