اداکارہ و ماڈل مدیحہ افتخار نے کہا ہے کہ اداکاری چھوڑنا بہت مشکل کام ہے اس بات پر مجھے اب یقین ہوگیا ہے۔ دو بار شوبز دنیا سے دور ہو کر ایک بار پھر واپسی کرنے والی اداکارہ نے ایک انٹرویو میں بتایا کہ جب میں اداکاری کر رہی تھی اس دوران سوچا کہ بس اب بہت ہوگیا، اب شادی کرلینی چاہیے تاکہ اس زندگی کو بھی انجوائے کرسکوں۔ انہوں نے کہاکہ میں نے بہت سارے لوگوں کو دیکھا جنہوں نے اعلان کیا کہ وہ شوبز چھوڑ رہے ہیں لیکن انکو واپس آتے دیکھا ، میں سوچتی تھی کہ اعلان کرنے کے بعد کیسے ہوئی واپس کر سکتا ہے اب سمجھ میں آتی ہے کہ شوبز خصوصی طور پر اداکاری کوئی بھی نہیں چھوڑ سکتا.
مدیحہ افتخار نے مزید یہ بھی کہا میں خود بھی پہلے اس بات پر یقین نہیں رکھتی تھی لیکن اب مجھے بھی یقین ہوگیا ہے کہ ایسا ہی ہے.مدیحہ افتخار نے مزید کہا کہ میں نے ہمیشہ معیاری کام کو ترجیح دینے کی کوشش کی ہے۔ یاد رہے کہ مدیحہ افتخار ایک سلجھی ہوئی اداکارہ ہیں ان کے کریڈٹ پر سپر ہٹ ڈرامے ہیں ان کی جوڑی محب مرزا کے ساتھ بہت سراہی جاتی ہے.
