بالی وڈ کی معروف اداکارہ اننیا پانڈے نے اپنے حالیہ انٹرویو میں کہا ہے کہ میںلوگوںکی خوبیوں کو اپنانے کی کوشش کرتی ہوں، میں دیکھتی رہتی ہوں کہ کس انسان میں کونسی ایسی خوبی ہے جس کو اپنا کر میں اپنی شخصیت کو بہتر کر سکتی ہوں. بات کریں اگر سوشل میڈیا کی تو یہاں پر میں زینت امان کو بہت فالو کرتی ہوں، وہ جو پوسٹیں لگاتی ہیں اور خصوصی طور پر ان کا کیپشن لکھتی ہیں وہ بہت کمال کا ہوتا ہے. ان کے کپیشن پڑھ کر بہت کچھ سیکھنے کا موقع ملتا ہے. زینت امان کے پاس بہترین الفاظ کا زخیرہ ہے وہ بہتر انداز میں جانتی ہیں کہ کس تصویر یا وڈیو کا کیپشن کیا ہونا چاہیے.
انہوں نے کہا کہ ”مجھے یہ کہنے میں کوئی عار نہیں کہ میں سوشل میڈیا پر سب سے زیادہ زینت امان کی فالور ہوں”. انہوں نے کہا کہ زینت امان اپنی جس فلم کے بارے میں ٹویٹ کرتی ہیں تو میں اس کو لازمی طور پر دیکھتی ہوں وہ نہایت ہی گلیمرس اداکارہ تھیں اور ہیں. انہوں نے بالی وڈکے فلمی ہیروئین کے تصور کو ہی بدل ڈالا تھا. یاد رہے کہ اننیا پانڈے سینئر اداکار چنکی پانڈے کی بیٹی ہیں.