Author: +9251

دبئی؛ تربیتی ہیلی کاپٹر گر کر تباہ، پائلیٹ ہلاک

متحدہ عرب امارات میں دو پائلٹوں پر مشتمل تربیتی ہیلی کاپٹر سمندر میں گر کر تباہ ہوگیا ہے جبکہ یو اے ای کی جنرل سول ایوی ایشن اتھارٹی نے آج ایک بیان میں کہا ہے کہ دبئی کے المکتوم بین الاقوامی ہوائی اڈے سے ٹیک آف کرنے کے بعد ایک ایرو گلف ہیلی کاپٹر دو پائلٹوں کے ساتھ سمندر میں گر کر تباہ ہو گیا ہے۔

تاہم خیال رہے کہ ایک بیان میں مزید کہا گیا کہ ریسکیو ٹیموں نے ہیلی کاپٹر کا ملبہ نکال لیا، تاہم طیارے کے عملے کی تلاش جاری ہے۔ اتھارٹی کو تقریباً 8:30 بجے اپنے ایئر ایکسیڈنٹ انویسٹی گیشن ڈیپارٹمنٹ سے حادثے کی رپورٹ موصول ہوئی اور بتایا گیا کہ اس میں پائلٹ ہلاک ہوگیا ہے
مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ

ہیلی کاپٹر جمعرات کی شب گر کر تباہ ہوا تھا جب پائلٹ رات کی تربیتی پرواز پر تھے اور بیان کے مطابق، دونوں پائلٹوں کا تعلق مصر اور جنوبی افریقہ سے تھا۔ جبکہ ایروگلف نے کے مطابق مزید معلومات دستیاب ہونے پر مزید اپ ڈیٹس دی جائیں گی۔ کمرشل ہیلی کاپٹر آپریٹر کا کہنا تھا کہ ‘ہم ایوی ایشن حکام کے ساتھ مل کر کام کر رہے ہیں اور جتنی جلدی ممکن ہو معلومات جمع کرنے کی ہر ممکن کوشش کر رہے ہیں۔’ انہوں نے کہا کہ اس وقت ہمارے خیالات اور دعائیں ہیلی کاپٹر میں سوار عملے اور ان کے اہل خانہ کے ساتھ ہیں۔ ہم ان لوگوں کی مدد کرنے کے لئے ہر ممکن کوشش کریں گے جو اس حادثے سے متاثر ہوئے ہیں۔

ستمبر 8, 2023
12 سال کیلئے 11 ججز کو قرض دینے کا عمل غیرآئینی ہے. منیر احمد خان کاکڑ

پاکستان بار کونسل کے ممبر منیر احمد خان کاکڑ ایڈووکیٹ نے پنجاب کے نگران حکومت کی جانب سے لاہور ہائی کورٹ کے 11ججز کو37کروڑ روپے زیرو پرسنٹ انٹرسٹ پر اور 12 سال کے لیےقرض دینے کے عمل کو غیرآئینی وغیر قانونی قراردیتے ہوئے کہاہے کہ پاکستان بار کونسل ،سپریم کورٹ بار ایسوسی ایشن سمیت دیگر وکلاء تنظیموں کو چاہیے کہ ان ججز کے خلاف ریفرنس داخل کرے ،ٹیکس دینے والے عام لوگ15فیصد انٹرسٹ پر خودکشی پر مجبور ہوتے ہیں.

انہوں نے کہا کہ ججز وجرنیلوں کو صفر فیصد پرقرض کس قانون کے تحت دیاگیاہے ۔ان خیالات کااظہار انہوں نے اپنے جاری کردہ بیان میں کیا۔ منیر احمد کاکڑ ایڈووکیٹ نے کہاکہ گزشتہ دنوں پنجاب کی نگران حکومت نے ہائی کورٹ کے گیارہ ججز کو 37 کڑور روپے سے زائد قرضوں کی منظوری دی گئی تھی جس کے تحت ہائی کورٹ کے ججز کو دئیے جانے والے قرضے بلاسود ہوں گے، ججز 12 سال کی مدت میں بغیر ایک روپیہ سود ادا کئے یہ قرضے واپس کریں گے، ہائی کورٹ کے 11 ججز کو 3 سال کی 36 بنیادی تنخواہوں کے برابر قرض دیا گیا جو سوا تین کروڑ روپے پر ایوریج بنتی ہے،
مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ

انہوں نے کہاکہ پنجاب کے نگران حکومت کا یہ اقدام خلاف قانون ہے ،وہ ججز جو لاکھوں روپے تنخواہیں وصول کرتے ہیں انہیں صفر فیصد انٹرسٹ کے ساتھ 37کروڑ روپے کی ادائیگی کس قانون کے تحت ہورہی ہے ،پاکستان میں لاکھوں عوام جو کروڑوں روپے ٹیکس کی ادائیگی کرتے ہیں ان پر انٹرسٹ لاگو ہے لیکن یہاں انٹرسٹ کی شرح صفر ہے یہ کونساقانون ہے ،انہوں نے کہاکہ یہ معاملہ مس کنڈکٹ کاہے پاکستان بار کونسل،سپریم کورٹ بار ایسوسی ایشن سمیت دیگر وکلاء تنظیموں کو چاہیے کہ وہ ان ججز کے خلاف سپریم جوڈیشل کونسل میں ریفرنس داخل کرے کیونکہ ان کے آئندہ وقتوں میں فیصلے میرٹ کے بر خلاف ہونگے ۔انہوں نے کہاکہ اگر شرعی حوالے سے دیکھاجائے توبھی یہ معاملہ غلط ہے ،انہوں نے کہاکہ بحیثیت وکلاء نمائندہ تنظیم تمام وکلاء باڈیز کو اس پر سخت ردعمل دینے کی ضرورت ہے ۔

ستمبر 8, 2023
عمران خان امیروں کا ساتھی ہے. پرویز خٹک

سربراہ پاکستان تحریک انصاف پارلیمینٹرین پرویز خٹک نے کہا ہے کہ سابق وزیر اعظم عمران خان امیروں کا ساتھی تھا، اپنے دور اقتدار میں کوئی کارکردگی نہیں دکھائی، مانسہرہ میں کارکنوں سے خطاب میں پرویز خٹک نے کہا کہ مختلف سیاسی جماعتوں کو آزمایا اس کے بعد اپنی پارٹی بنائی۔

انہوں نے کہا کہ پیپلزپارٹی اس لئے چھوڑی کیونکہ وہاں لوٹ مار تھی، سیاستدان عوام سے کیے گئے وعدے اسمبلیوں میں پہنچ کر بھول جاتے ہیں، جبکہ ان کا کہنا تھا کہ نیا پاکستان بنانے کیلئے پی ٹی آئی میں شامل ہوئے تھے، لیکن تحریک انصاف کی ساڑھے 3 سال کی کارکردگی کچھ نہیں تھی۔

پرویز خٹک کا مزید کہنا تھا کہ چیئرمین پی ٹی آئی کی حکومت میں خوشحالی آئی نہ ہی انصاف آیا، جبکہ اس سے قبل کہنا تھا پی ٹی آئی پارلیمنٹرین کے سربراہ پرویز خٹک کا کہنا تھا کہ چیئرمین پی ٹی آئی نے جن لوگوں کی وجہ سےحکومت بنائی آج وہ میرے ساتھ ہیں، نوشہرہ میں کارکنوں سے خطاب کرتے ہوئے پرویز خٹک نے کہا کہ خیبرپختونخوا میں پی ٹی آئی کی کامیابی میں اہم کردار میرا ہے۔
مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ

تاہم ان کا کہنا تھا کہ انتخابات تک پی ٹی آئی کا خیبرپختونخوا سے صفایا کردیں گے، انہوں نے کہا کہ چیئرمین پی ٹی آئی کہتا تھا کہ کسی کے جانے سے مجھے فرق نہیں پڑتا، آج میں چیئرمین پی ٹی آئی کو بتانا چاہتا ہوں کہ تمہیں فرق ضرور پڑے گا اور پرویز خٹک نے مزید کہا کہ چیئرمین پی ٹی آئی ملک میں انقلاب کے ذریعے بادشاہت قائم کرنا چاہتا تھا۔

ستمبر 8, 2023
شادی کب کررہی ہیں؟ تمنا بھاٹیہ اس سوال پر برہم ہو گئیں

خوبروبھارتی اداکارہ تمنا بھاٹیہ نوجوان نسل کی نمائندہ فنکارہ ہیں وہ جہاں بھی جاتی ہیں ان کے مداح ان کو گھیر لیتے ہیں. اور ان سے یہی سوال کرتے ہیں کہ آپ شادی کب کررہی ہیں. حال ہی میں ان سے پھر سے سوال کیا گیا کہ آپ شادی کب کررہی ہیں.اور کیا کسی تامل لڑکے کے ساتھ شادی کریں گی یہ سوال سن کر تمنا بھاٹیہ ہو گئیں ناراض.تمنا بھاٹیہ نے اس سوال پر سخت برہمی کا اظہار کرتے ہوئے کہا کہ میرے والدین بھی مجھ سے یہ سوال نہیں پوچھتے تو کوئی کون ہوتا ہے مجھ سے یہ پوچھے کہ میں شادی کب کررہی ہوں، جب شادی ہونی ہو گی وہ ہوجائیگی۔

بعد ازاں اسی تقریب میں ان سے پوچھا گیا کہ کیا انہیں اپنے لیے اچھا لڑکا مل گیا ہے؟ تمنا نے جواب دیا کہ ”میں اس وقت اپنی زندگی میں بہت خوش ہوں۔”انہوں نے کہا کہ کیا میں آپ کو خوش اچھی نہیں لگتی. میری دوستیاں ہیں لیکن ابھی تک کوئی ایسانہیں ملا کہ اس کے حوالے اپنی زندگی کرنے کا فیصلہ لے لوں. جب ایسا فیصلہ لوں گی یقینا سب کو بتائوں گی . خیال رہے کہ اداکارہ ان دنوں اداکار وجے ورما کے ساتھ ڈیٹنگ کر رہی ہیں۔

دا یاسر آن لائن شاپنگ کرکے ہو گئیں پریشان

5 کروڑ میں وکالت کی ڈگری خریدنے کا الزام غلط ہے ماورا حسین

میں کم عمری میں شادی کے حق میں ہوں سنگیتا

ستمبر 8, 2023
دھرمیندر نے جوان کے لئے شاہ رخ خان کو نیک تمنائوں کا پیغام بھیج دیا

بالی وڈ کے سینئر اداکار دھرمیندر نے شاہ رخ خان کو ان کی فلم جوان کے لئے مبارکباد کا پیغام بھیجتے ہوئے ان کے لئے ایک وڈیو بنا کر سوشل میڈیا پر جاری کی اور کہا کہ شاہ رخ بیٹا آپ کے لئے ڈھیروں دعائیں ، میری دعا ہے کہ فلم بہت کامیابی حاصل کرے. ان کا پیغام بھرا یہ وڈیو پیغام دیکھ کر شاہ رخ خان خوشی سے پھولے نہ سمائے . انہوں نے اس کے جواب میں دھرمیندرا کے ساتھ اپنی ایک تصویر سوشل میڈیا پر شئیر کی اور اس کا کیپشن یوں لکھا کہ سر میری فلم کے لئے خوبصورت پیغام اور نیک تمنائیں بھیجنے کا شکریہ . لو یو سر .

”میں آپ کے پاس بہت جلد آئوں گا” اور آ کر آپ کو زور سے جپھی ڈالوں گا. یاد رہے کہ جوان فلم ریلیز ہو چکی ہے اور کامیابی سے سینما گھروں میں جاری ہے. بہت کم لوگ یہ جانتے ہیں کہ بالی وڈ میں دھرمیندرا اور ہیما مالنی ہی شاہ رخ خان کو لانے والے ہیں. اور جب شاہ رخ خان کیرئیر بنانے کےلئے جدوجہد کررہے تھے تو ان دنوں دھرمیندرا نے کنگ خان کا بہت ساتھ دیا یہاں تک کہ ہیما مالنی کی ایک فلم میں بھی اداکار نے کام کیا.

ندا یاسر آن لائن شاپنگ کرکے ہو گئیں پریشان

5 کروڑ میں وکالت کی ڈگری خریدنے کا الزام غلط ہے ماورا حسین

میں کم عمری میں شادی کے حق میں ہوں سنگیتا

ستمبر 8, 2023
گلوکارہ شازیہ منظور کو کوئین الزبتھ ایوارڈ سے نوازا گیا

پاکستان کی مشہور گلوکارہ شازیہ منظور کو کینیڈا میں کوئین الزبتھ ایوارڈ سے نواز دیا گیا ہے اور حکومتِ کینیڈا کی جانب سے پاکستانی نژاد کینیڈین رکنِ پارلیمنٹ شفقت علی نے شازیہ منظور کو ایک تقریب میں کوئین الزبتھ ایوارڈ پیش کیا تاہم اس حوالے سے نجی ٹی وی سے گفتگو میں گلوکارہ شازیہ منظور نے اس اعزاز پر حکومتِ کینیڈا کا شکریہ ادا کیا اور کہا کہ یہ ایوارڈ میرے لیے بڑی عزت کی بات ہے۔

تاہم انہوں نے کہا کہ یہ امر بھی میرے لے باعثِ افتخار ہے کہ کینیڈین پارلیمنٹ میں پاکستانی نژاد ارکان بھی کینیڈا کی نمائندگی کر رہے ہیں جبکہ شازیہ منظور کا کہنا تھاکہ پاکستان کیلئے دِل و جان سب کچھ حاضر ہے اور پاکستانی دُنیا کے کسی بھی کونے میں ہوں، اپنی صلاحیتوں کے بل بوتے پر پاکستان کا نام روشن کر رہے ہیں۔

خیال رہے کہ اس سے قبل گزشتہ ماہ پاکستان میوزک انڈسٹری کی معروف گلوکارہ شازیہ منظور نے دوران شو اپنے ساتھ ہونے والی بدتمیزی پر پہلے شو چھوڑنے کی دھمکیاں دیں تھی اور پھر کچھ ہی دیر بعد اسی شو میں ہنستے اور گاتے ہوئے دکھائی دیں جبکہ سوشل میڈیا پر وائرل ہونے والے کلپ میں دیکھاجاسکتا ہے کہ شازیہ منظور نے ایک نجی چینل کے مزاحیہ ٹاک شو میں بطور مہمان شرکت کی تاہم انہوں نے شو کو بیچ میں ہی چھوڑ دیا تھا.
مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ
سونا 4 ہزار روپے فی تولہ سستا ہوگیا
مردان، چینی کے نرخوں میں کمی ،اور مصنوعی مہنگائی کے حوالے سے میٹنگ کا انعقاد
رضوان فخر کو جگہ دینے کے لیے کہیں بھی بیٹنگ کرنے کو تیار ہیں

جبکہ وائرل کلپ میں دیکھا جاسکتا ہے کہ دوران شو شازیہ منظور میزبان اور شریک میزبان کے ساتھ باتیں کر رہی ہوتی ہیں کہ چوہدری بلند بخش نامی شخص کی شو میں انٹری ہوتی ہے جو مہمان گلوکارہ سے بےتکلف ہونے کی کوشش کرتا ہے۔چوہدری بلند بخش کی بے تکلفی شازیہ منظور کو ایک آنکھ نہیں بھاتی اور غصے میں میزبان پر برس پڑتی ہیں اور شو چھوڑ کر جانے لگتی ہیں۔

ستمبر 8, 2023
بولڈ مناظر شوٹ کروانے کےلئے میرے کپڑے تک پھاڑ دئیے گئے عرفی جاوید کا دعوی

بالی وڈ کی معروف اداکارہ عرفی جاوید نے اپنے حالیہ انٹرویو میں‌دعوی کیا ہے کہ وہ ایک ویب سیریز میں کام کررہی تھیں اس کی ڈائریکٹر ایک خاتون تھیں انہوں نے بولڈ مناظر شوٹ کروانے کےلئے ان کے کپڑے تک پھاڑ دئیے تھے . انہوں نے کہا کہ میرے ساتھ متعدد مرتبہ ایسا سلوک کیا گیا کہ جس پر مجھے بہت دکھ ہوا. مجھے پہلے تکلیف ہوتی تھی لوگوں کی باتیں سن کر لیکن اب میں ان کی باتوں کی فکر نہیں کرتی کیونکہ مجھے پتہ ہے کہ میں نے کیسے جینا ہے کیسے رہنا ہے. لہذا جس کو جو بات کرنی ہے وہ کرتا رہے . انہوں نے یہ بھی بتایاکہ ان کے گھر میں بہت سخت ماحول تھا وہ اداکارہ بننا چاہتی تھیں جس کی ان کو اجازت نہیں تھی.

یہی وجہ ہے کہ وہ اپنی دو بہنو‌ں کے ساتھ گھر سے بھاگ گئیں تھیں اور گھر سے بھاگ کر ممبئی چلی گئیں تھیں وہاں انہوں نے بہت سارے آڈیشنز دئیے اور پھر ان کو ٹی وی میں چھوٹا موٹا کام ملنا شروع ہو گیا. ”انہوں نے بتایا کہ انہوں نے یہ مقام حاصل کرنے کےلئے بہت محنت کی ہے ل”وگ میری محنت کو کس نظر سے دیکھتے ہیں مجھے اسکی بھی پرواہ نہیں رہی . ہر انسان کو اسکی مرضی کے مطابق جینے کا حق ہے میں وہ حق استعمال کررہی ہوں کسی کو تکلیف ہے تو اپنی تکلیف اپنے پاس رکھے.

ندا یاسر آن لائن شاپنگ کرکے ہو گئیں پریشان

5 کروڑ میں وکالت کی ڈگری خریدنے کا الزام غلط ہے ماورا حسین

میں کم عمری میں شادی کے حق میں ہوں سنگیتا

ستمبر 8, 2023
میری بیٹی نے آڈیشن دئیے، اقربا پروری کا الزام مت لگائیں پونم ڈھلوں

بالی وڈ کی سینئر اداکارہ پونم ڈھلون کی بیٹی پالوما اور سنی دیول کے بیٹے راج ویر کے ساتھ ڈبییو کررہی ہیں، یہ فلم 5 اکتوبر کو ریلیز کی جائے گی۔ فلم کی ریلیز قریب آنے پر پونم ڈھلون کی بیٹی پر اقربا پروری کے الزامات لگ گئےہیں. اداکارہ برس پڑی ہیں اقربا پروری کے الزامات لگانے والوں پر، انہوں نے کہا ہے کہ میری بیٹی نے فلمیں حاصل کرنے کےلئے کئی بار آڈیشنز دئیے تب جا کر اسکو فلمیں ملیں ہیں. اور میں نے کسی بھی فلمساز کو فون کرکے اپنی بیٹی کو کام دینےکی سفارش نہیں کی ہے. میری بیٹی کا شوق ہے ایکٹنگ سو اس نے قسمت آزمائی ہے فلم میں کام کیا ہے شائقین پردے پر دیکھ کر خود ہی فیصلہ کر لیں گے کہ وہ اداکاری میں اپنا کیرئیر بنا سکتی ہے یا نہیں،

پہلے ہی اس طرح کے الزامات لگانا نہایت ہی گھٹیا حرکت ہے. اداکارہ نے مزید کہا کہ ”میری بیٹی نے دوونوں فلمیں حاصل کرنے کے بہت تگ و دو کی ”. میری بیٹی پالوما نے کئی بار آڈیشن دیا، اسے تمام پراسس سے گزرنا پڑا، جو نئے اداکار کو پیش آتے ہیں تاہم اقربا پروری کے تبصرے پڑھ کر دکھ ہوتا ہے۔پونم ڈھلون نے کہا کہ یہی وجہ ہے کہ منفی ذہنیت کے افراد جو کچھ کہہ رہے ہیں وہ درست نہیں۔

ندا یاسر آن لائن شاپنگ کرکے ہو گئیں پریشان

5 کروڑ میں وکالت کی ڈگری خریدنے کا الزام غلط ہے ماورا حسین

میں کم عمری میں شادی کے حق میں ہوں سنگیتا

ستمبر 8, 2023
سونا 4 ہزار روپے فی تولہ سستا ہوگیا

عالمی مارکیٹ میں سونا مہنگا ہوگیا تاہم پاکستان میں آج بھی سونا ہزاروں روپے فی تولہ سستا ہوگیا ہے اور مقامی صرافہ مارکیٹ میں فی تولہ سونا 4 ہزار روپے سستا ہوگیا جبکہ سونے کی فی تولہ قیمت 2 لاکھ 12 ہزار 500 روپے ہوگئی ہے اور 10 گرام سونے کی قیمت میں 3430 روپے کی کمی آگئی۔

10گرام سونا ایک لاکھ 82 ہزار 184 روپے کا ہوگیا ہے جبکہ عالمی بازار میں سونا 2 ڈالر مہنگا ہونے کے بعد فی اونس 1923 ڈالر کا ہوگیا تاہم یاد رہے کہ گزشتہ روز 10 گرام سونا 4972 روپے اور فی تولہ سونا 5800 روپے سستا ہوگیا تھا اور کمی کے بعد فی تولہ سونا 2 لاکھ 16 ہزار 500 روپے کا ہوگیا تھا، جبکہ 10 گرام سونے کی قیمت 1لاکھ 85 ہزار 614 روپے پر آگئی تھی۔

مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ

دوسری جانب انٹربینک میں ڈالر کی قیمت میں مزید کمی کا سلسلہ جاری ہے جبکہ گزشتہ روز کاروبار کے دوران انٹربینک میں امریکی ڈالر پاکستانی روپے کے مقابلے میں 2 روپے 4 پیسے سستا ہوا اور کاروبار کے اختتام پر ڈالر 304.94 روپے پر بند ہوا اور آج بھی کاروبار کے دوران انٹربینک میں ڈالر کی قیمت مزید کم ہوئی اور ڈالر ایک روپے 99 پیسے سستا ہوکر 302 روپے 95 پیسے کا ہوگیا۔

دوسری جانب اوپن مارکیٹ میں بھی ڈالر کی قدر میں مسلسل کمی ہورہی ہے اور ڈالر 4 روپے کم ہوکر 304 روپے پر آگیا، یاد رہے کہ حکومت نے ڈالر کی اسمگلنگ اور حوالہ ہنڈی کی روک تھام کے لیے کریک ڈاؤن شروع کررکھا ہے جس کے بعد سے امریکی ڈالر کی قیمت میں واضح کمی دیکھنے میں آ رہی ہے۔

ستمبر 8, 2023
پرینتی چوپڑا کی شادی 17 ستمبر کو ہو گی

بالی وڈ کی معروف اداکارہ پرینیتی چوپڑا اور بھارتی سیاستدان راگھو چڈھا کی منگنی کے بعد ایک عجیب سا پراپگینڈا کیا گیا کہ ان دونوں کے درمیان اختلافات پیدا ہو چکے ہیں اور یہ دونوں اب شادی نہیں کریں گے، دونوں نے اس قسم کی خبروں کی نہ تصدیق کی تھی نہ ہی تردید کی تھی. تاہم اس قسم کی تمام افواہیں اب دم توڑ گئی ہیں. کیونکہ دونوں کی شادی کی تفصیلات سامنے آ گئی ہیں. پرینیتی اور راگھو کی شادی کی تقریبات 17 ستمبر سے بھارتی ریاست راجستھان کے شہر ادے پور میں شروع ہونے والی ہیں۔شادی اور اس سے منسلک تقریبات دی لیلا پیلس ادے پور میں ہوں گی۔

ذرائع کا دعوی ہے کہ پیلس میں صرف قریبی خاندان کے افراد اور دوست ہی رہیں گے جبکہ دیگر مہمانوں کے لیے پیلس کے ارد گرد کے تمام لگژری ہوٹلوں کی بکنگ کروالی گئی ہے۔ رپورٹ کے مطابق اس شادی کی تمام تقریبات غیر معمولی اور پنجابی رسم و رواج کے حساب ہوں گی جن کا اختتام 25 ستمبر کو ہو گا۔پرینتی کا خیال ہے کہ ان کی شادی میں صرف ان کی فیملی اور قریبی دوست موجود ہونے چاہیں. انہوں نے شادی کی تیاریاں شروع کر دی ہیں یہ بھی کہا جا رہا ہے کہ ”اداکارہ منیش ملہوترا کا تیار کر دہ لباس زیب تن کریں گی.”

ندا یاسر آن لائن شاپنگ کرکے ہو گئیں پریشان

5 کروڑ میں وکالت کی ڈگری خریدنے کا الزام غلط ہے ماورا حسین

میں کم عمری میں شادی کے حق میں ہوں سنگیتا

ستمبر 8, 2023