بالی وڈ اداکار سنی دیول نے اعلان کر دیا ہے کہ وہ اب ڈائریکشن نہیںکریں گے بلکہ اداکاری تک ہی خود کو محدود رکھیں گے انہوں نے کہا کہ جب بھی فلم پرڈیوس کرتا ہوں بینک کرپٹ ہوتا ہوں ،دنیا بہت مشکل ہے۔ کچھ سال قبل میں چیزوں کو کنٹرول نہیں کرسکا تھا کیونکہ ڈسٹریبیوشن نارمل ہوا کرتی تھی، کچھ لوگ ہوتے تھے جن سے ہم ملاقات کرتے تھے اور ہمارے کنکشنز ہوا کرتے تھے، لیکن پھر کوآپوریٹس آگئے، اور اب ویسا کچھ نہیں۔سنی دیول کا کہنا تھامیں اداکاری کرکے بہت خوش ہوں، میں کئی سال تک ڈائریکٹر اور پروڈیوسر کے طور پر کام کر چکا ہوں، اب صرف اداکاری ہی کروں گی.
سنی دیول نے کہا کہ مجھے بہت خوشی ہے کہ غدر ٹو کو بہت پذیرائی ملی ہے. لیکن یہ بات طے ہےکہ مینں اب صرف اداکاری ہی کروں گا اب بس میں اسی میں خوش ہوں. یاد رہے کہ سنی دیول پہلے ہی بینک آف بروڈا کے 50 کروڑ سے زائد کے نادہندہ ہیں، جس کے باعث نوبت ممبئی میں ان کے گھر کی نیلامی تک جاپہنچی تھی، تاہم فلم غدر 2 کی کامیابی پر بینک نے نیلامی کا عمل ملتوی کردیا تھا. سنی دیول کا غدر ٹو کی کامیابی کے بعد بالی وڈ میں بطور ہیرو ایک نیا جنم ہوا ہے.
