Baaghi TV

Author: +9251

  • فواد چودھری کبھی سچ بھی بول لیا کرو۔ حسین حقانی

    فواد چودھری کبھی سچ بھی بول لیا کرو۔ حسین حقانی

    سابق وزیر اطلاعات فواد حسین چودھری نے ایک پیغام میں الزامات عائد کرتے ہوئے دعوی کیا کہ:‏ ” سابق وزیراعظم نواز شریف سے ملاقات کے بعد معروف تجزیہ کار نجم سیٹھی نے پاکستان کے معاشی بحران کا حل دیا ہے کہ امریکہ کو پاکستان میں فوجی اڈے دینے چاہئیں۔
    سابق وزیر اطلاعات نے مزید دعوی کیا کہ: حسین حقانی کا مشورہ ہے کہ پاکستان ایٹمی اثاثوں سے دستبردار ہو جائے اور ہندوستان اور اسرائیل کے ساتھ برابری کے بجائے ماتحت ریاست کے طور پر تعلقات قائم کرے۔

    فواد چودھری کے مطابق: سابق وزیر اعظم ‏عمران خان اس خدشے کا اظہار کرتے رہے ہیں کہ حکومت کی تبدیلی کا مقصد پاکستان کے معاشی حالات کو اس قدر خراب کرنا ہے کہ پاکستان کو مستقل طور پر غلام بنایا جاسکے۔

    چودھری نے دعوی کیا کہ: سابق وزیراعظم نواز شریف کے قریبی ترجمانوں کے مشورے اسی سلسلے کی کڑی ہیں، لہذا ہم اس مہم کو مسترد کرتے ہیں اور ہر صورت پاکستان کے اقتدار اعلیٰ کی حفاظت کرینگے۔

    سابق سفیر حسین حقانی نے فواد چودھری کے الزامات پر ردعمل دیتے ہوئے فواد چوہدری کو کہا کہ "کبھی سچ بھی بول لیا کرو۔ اگر آپ دعوی کرتے ہو تو اس کا کچھ ثبوت بھی تو آپ کو دینا چاہئے مثال کے طور پرتمہارے پاس کوئی تحریر، کوئی کہی ہوئی بات یا کوئی خفیہ ٹیپ وغیرہ ہوگی لہذا وہی سنا یا پھردکھا دیں جس میں ہم نے وہ کچھ کہا ہو جس کا ہم سے منسوب کرتے ہوئے جھوٹا دعوی کیا جارہاہے۔


    ایک صارف شکیل احمد کہتے ہیں کہ: کسی کے بارے میں سچ جھوٹ کا محاسبہ کون کرے گا؟ یہاں تو الزامات ایسے لگائے جاتے ہیں جیسے سزا و جزا ہے ہی نہیں۔ ایسا نظام کب لاگو ہوگا جس میں الزامات لگانے والے کو الزامات ثابت نہ کرنے والے پر سزا ہوسکے؟

    صحافی رضی دادا نے حسین حقانی کے ردعمل پر کہا کہ: حد ہے ویسے! آپ فواد چوہدری کو سنجیدہ لیتے ہیں؟ آپ کو چاہئے انہیں اگلی نوکری ڈھونڈنے میں مدد فرمادیں، بےچارے کی بہت بری حالت ہے۔

  • دامن صاف ہے،ملک سے فرار نہیں ہوں گے،عثمان بزدار

    دامن صاف ہے،ملک سے فرار نہیں ہوں گے،عثمان بزدار

    سابق وزیرِ اعلیٰ پنجاب سردار عثمان بزدارنے کہا کہ ہم بیماری کا بہانہ کریں گے اورنہ ہی ملک سے فرار ہوں گے۔لاہور سے جاری کیے گئے بیان میں سابق وزیرِ اعلیٰ پنجاب سردار عثمان بزدار نے مسلم لیگ ن کی حکومت کو آڑھے ہاتھوں لیتے ہوئے کہا کہ پنجاب حکومت انتقامی کارروائیاں کر رہی ہے، عبوری ضمانت کے باوجود پولیس کی نفری میرے گھر اور ڈیرے پر بھیجی گئی۔

    عثمان بزدار نے کہا ہے کہ ہمارے گھروں پر پولیس بھیج کرہمیں ڈرایا نہیں جا سکتا۔انہوں نے مزید کہا ہے کہ اللّٰہ تعالیٰ کے فضل سے ہمارا دامن صاف ہے، پولیس اور انتظامیہ جعلی وزیرِ اعلیٰ کی کٹھ پتلی بن گئی ہے۔ سابق وزیرِ اعلیٰ پنجاب کا کہنا تھا کہ اپنے دورِ حکومت میں کسی قسم کی انتقامی کارروائی نہیں کی۔

    واضع رہے کہ سابق وزیراعلیٰ پنجاب عثمان بزدار اور ان کے بھائیوں کے خلاف 900 کنال سرکاری اراضی کی جعلی الاٹمنٹ کا کیس 36 سال سے چل رہا ہے، اراضی کی الاٹمنٹ کے وقت ایک بھائی کی عمر ایک سال سے کم اور دوسرے کی 3 سال جبکہ تیسرے کی 12 اور چوتھے کی 13 سال تھی۔

    اینٹی کرپشن حکام کے مطابق سابق وزیر اعلیٰ عثمان بزدار، ان کے بھائی عمر بزدار، طاہر بزدار، ایوب بزدار اور جعفر بزدار کے نام سرکاری اراضی کی جعلی الاٹمنٹ 1982 میں ہوئی، اُس وقت جعفر بزدار کی عمر ایک سال جبکہ ایوب بزدار ایک سال سے بھی کم کے تھے۔

    1982 میں مارشل لاء قوانین کے تحت 12 ایکڑ سے زائد اور کاشتکاری کی گرداوری نہ رکھنے والے کو سرکاری اراضی کی الاٹمنٹ ممنوع تھی۔

    اینٹی کرپشن حکام کے مطابق بزدار فیملی نے تونسہ میں ایک جگہ 474 کنال 12 مرلے اور دوسری جگہ 413 کنال 14 مرلے سرکاری اراضی الاٹ کروائی، کاشکاری کی گرداوریوں کا ریکارڈ 1992 میں جعلسازی سے تبدیل کیا گیا۔

    اینٹی کرپشن حکام کےمطابق بشیر چوہان نامی شہری نے بزدار فیملی کی جعل سازی کے خلاف 1986 میں درخواست دی، مختلف ادوار میں انکوائریاں ہوئیں، لیکن دبا دی گئیں، اب اسسٹنٹ کمشنر تونسہ اسد چانڈیا نے انکوائری کرکے اپنی مدعیت میں دو مقدمات درج کروا دیے ہیں۔

  • ملائکہ اروڑا کی خوبصورتی کا راز کیا؟

    ملائکہ اروڑا کی خوبصورتی کا راز کیا؟

    ملائکہ اروڑا کا نام لیتے ہی سب سے پہلے ان کی فٹنس کا خیال آتا ہے انہوں نے اڑتالیس سال کی عمر میںبھی خود کو بہت زیادہ فٹ رکھا ہواہے۔ملائکہ نے خود کو اتنا فٹ رکھا ہوا ہے کہ آج کل کی نوجوان لڑکیاں بھی پریشان ہوجائیں ۔حال ہی میں ملائکہ نے ایک انٹرویو دیا اس میں ان سے جب ان کی فٹنس کے حوالے سے سوال ہوا تو انہوں نے کہا کہ میں یوگا کرتی ہوں اور یوگا کے دوران جو ورزش ہوتی ہے وہ آپکو بہت زیادہ ریلیکس کرتی ہے اور جوانی کا احساس اجاگر کرتی ہے۔ملائکہ نے یہ بھی کہا کہ وہ کھانے پینے پر بھی خاص توجہ دیتی ہیں ان کے مطابق متوازن خوراک اور بہترین معیار زندگی بھی جسامت اور فٹنس پر اثرانداز ہوتا ہے اور میں کوشش کرتی ہوں کہ خود کو فٹ رکھوں ۔یوں ملائکہ اروڑا نے اپنی خوبصورتی اور فٹنس کا راز بتا دیا ۔

    یاد رہے کہ ملائکہ اروڑا سلمان خان کی بھابھی تھیں ارباز خان کے ساتھ شادی کے بندھن میں بندھیں لیکن یہ شادی دو دہائیوں کے بعد اختتام پذیر ہو گئی ،ملائکہ اور ارباز دونوں اس رشتے کے ختم ہوجانے پر کچھ زیادہ نہیں بولے ۔ملائکہ آج کل بونی کپور کے بیٹے ارجن کپور کے ساتھ دکھائی دیتی ہیں کہا جا رہا ہے کہ دونوں بہت جلد شادی کے بندھن میں بندھ رہے ہیں ارجن اور ملائکہ کی عمروں میں کافی فرق ہے ملائکہ ارجن کپور سے کافی بڑی ہیں دونوں ایک ساتھ ہی تقریبات میں دیکھے جاتے ہیں یہاں تک کہ دونوں چھٹیاں منانے کےلئے ایکساتھ ہی باہر کے ملک بھی جاتے ہیں۔

  • حکومت تاجروں کے مسائل حل کرنے کی بھرپور کوششیں کر رہی ہے،گورنر پنجاب

    حکومت تاجروں کے مسائل حل کرنے کی بھرپور کوششیں کر رہی ہے،گورنر پنجاب

    گورنر پنجاب محمد بلیغ الرحمان سے بہاولپور چیمبر آف کامرس اینڈ انڈسٹری کے وفد نے صدر چیمبر حافظ محمد یونس کی قیادت میں ملاقات کی، وفد میں چیمبر کے سینئر نائب صدراحمد علی جبار، نائب صدر منصور احمد اور دیگر اراکین شامل تھے.وفد نے گورنر پنجاب کو بہاولپور چیمبر اور علاقے کو در پیش مسائل سے آگاہ کیا.

    ملاقات کے دوران بہاولپورانڈسٹریل اسٹیٹ کی جلد تکمیل، سمال انڈسٹریز اسٹیٹ میں علیحدہ الیکٹرک فیڈر کا قیام اور لیبر کالونی کا قیام سمیت دیگر مسائل کے بارے میں گفتگو کی .اس موقع پر گورنر پنجاب محمد بلیغ الرحمان نے کہا کہ تاجر برادری کو در پیش مسائل کے حل کے لیے موجودہ حکومت بھر پور کوششیں کر رہی ہے.

    گورنر پنجاب نے یقین دہانی کرائی کہ جنوبی پنجاب کے مسائل ترجیحی بنیادوں پر حل کیے جائیں گے. ان کا کہنا تھا کہ موجودہ حکومت کو معاشی چیلنجز کا سامنا ہے. بہاولپور میں انڈسٹریل اسٹیٹ کی ڈویلپمنٹ سے علاقے میں صنعتی ترقی ہو گی.

    بلیغ الرحمان نے مزید کہا کہ صنعتیں چلتی ہیں تو معیشت کا پہیہ چلتا ہے جس سے کئی خاندانوں کو روزگار ملتا ہے. بہاولپور اندسٹریل اسٹیٹ کو تیزی سے آگے کی طرف لے کر جائیں گے. ملک میں ترقی اور خوشحالی لانے لے لیے صنعتی ترقی بہت اہم ہے.

    گورنر پنجاب کا کہنا تھا کہ بہاولپور انڈسٹریل اسٹیٹ کا قیام بہاولپور کی معاشی ترقی میں ریڑھ کی ہڈی کی حیثیت رکھتا ہے. مسلم لیگ ن نے سابق دور حکومت میں جنوبی پنجاب کی ترقی پہ خصوصی توجہ دی.

    گورنر پنجاب محمد بلیغ الرحمان نے کہا کہ مسلم لیگ ن کے سابقہ دور حکومت میں بہاولپور انسٹی ٹیوٹ آف سائنس اینڈ ٹیکنالوجی، ویٹرنری یونیورسٹی ، سدرن بائی پاس کی تعمیر، رنگ روڈ، جھانگی والا روڈ اور حاصل پور روڈ کو بھی دو رویہ بنانے میں کردار ادا کیا.

  • آئی جی اسلام آباد اور ایس ایس پی ٹریفک کا شہریوں کے ساتھ غیر اخلاقی سلوک پر ملوث اہلکاروں کے خلاف کاروائی۔

    آئی جی اسلام آباد اور ایس ایس پی ٹریفک کا شہریوں کے ساتھ غیر اخلاقی سلوک پر ملوث اہلکاروں کے خلاف کاروائی۔

    آئی جی اسلام آباد اور ایس ایس پی ٹریفک کا شہریوں کے ساتھ غیر اخلاقی سلوک پر ملوث اہلکاروں کے خلاف کاروائی۔

    باغی ٹی وی کی رپورٹ کے مطابق وفاقی دارالحکومت کی ماڈل پولیس کے کرتوت اصلاحات در اصلاحات کے باوجود بدل نہ سکے۔ساتھ ساتھ ماڈل ٹریفک پولیس اہلکاروں کی شہریوں سے گالم گلوچ کہ ویڈیوز بھی سامنے آ گئی ۔

    مزید تفصیلات سے آگاہ کرتے ہوۓ بتایا جاتا ہے کہ آئی ایٹ بیٹ انچارج انسپکٹر کہ موجودگی میں نشے میں دھت ٹریفک پولیس کا لفٹر آپریٹر اور ڈیوٹی پر موجود ٹریفک اہلکار شہریوں کو گالیاں نکال رہے ہیں۔
    اور یہ بھی کہ لفٹر آپریٹر اور گالم گلوچ میں ملوث ملازم کو آج کے بعد کسی آپریشن میں نہیں لائیں گے یہ ہر بار اپنے کام پر توجہ دینے کے بجائے عوام سے گالم گلوج کرتا ہے۔بیٹ انچارج نے اس حوالے سے کہا اور آئندہ کا بھی انکشاف کر دیا تا کہ لوگ پریشان نا ہو۔انہوں نے مزید کہا کہ اعلی افسران کو بھی بارہا کہہ چکے لیکن ڈیوٹی تبدیل نہیں کی جاتی ہے۔

    مزید برآں یہ کہ آئی ایٹ مرکز میں ٹریفک پولیس اہلکاروں نے گاڑی میں ڈرائیور اور فیملی کی موجودگی کے لفٹر سے گاڑی اٹھا کر فٹ پاتھ پر رکھ دی ۔
    ٹریفک پولیس اہلکار آئی ایٹ مرکز میں مختلف شو رومز سے پارکنگ کے نام پر ماہانہ بھاری منتھلی وصول کرتے ہیں جبکہ عام شہریوں کی گاڑیاں بند کرنے کے ساتھ ساتھ گالم گلوج سے بھی نوازا جاتا ہے

    آئی جی اسلام آباد اور ایس ایس پی ٹریفک شہریوں سے ناروا سلوک اور گالم گلوج میں ملوث اہلکاروں کے خلاف سخت کارروائی کریں۔

  • عراق میں اچانک امریکی افواج کی نقل وحرکت میں اضافہ

    عراق میں اچانک امریکی افواج کی نقل وحرکت میں اضافہ

    امریکی فوج نے مبینہ طور پر شام کے شمال مشرقی صوبے حسقہ سے فوجی اور لاجسٹک آلات سے لدے ٹرکوں کا ایک نیا قافلہ شمالی عراق کے نیم خودمختار کردستان علاقے میں اپنے ایک اڈے پر بھیجا ہے۔جس کی وائرل ہونے والی تصاویر میں خطے میں امریکی افواج کی بڑےپیمانے پرنقل وحرکت پرتشویش کا اظہارکیاجارہاہے

    ایک عراقی سیکورٹی کا کہنا ہے کہ 20 سے زیادہ ہمر فوجی اور بکتر بند گاڑیوں کے ساتھ ساتھ کھانے پینے کی اشیاء اور رسد سے لدے ٹرکوں کا ایک قافلہ منگل کو عراق میں داخل ہوا۔ذرائع نے مزید کہا کہ یہ قافلہ شمال مشرقی شام کے ایک علاقے سے آیا تھا، جس پر نام نہاد سیریئن ڈیموکریٹک فورسز (SDF) کے اتحادی عسکریت پسندوں کا کنٹرول ہے۔

    ذرائع نے بتایا کہ گاڑیاں کردستان کے علاقے شکلاوا ضلع میں واقع الحریر ایئر بیس کی طرف روانہ ہوئیں جب سیمالکا بارڈر کراسنگ سے گزریں۔بغیر پائلٹ کی فضائی گاڑیاں مبینہ طور پر اوپر سے اڑ گئیں اور عراق میں فوجی قافلے کی حفاظت کی۔عراق کے مغربی صوبے الانبار میں عین الاسد ایئر بیس پر مبینہ طور پر ایک راکٹ حملہ ہوا ہے، تاہم ممکنہ جانی نقصان کی فوری طور پر کوئی اطلاع نہیں ہے۔

    یاد رہے کہ 2020 میں اعلی ایرانی انسداد دہشت گردی کمانڈر لیفٹیننٹ جنرل قاسم سلیمانی کے قتل کے بعد سے عراق میں امریکہ مخالف جذبات میں شدت آئی ہے۔

    ایران کی اسلامی انقلابی گارڈز کور (IRGC) کی قدس فورس کے کمانڈر جنرل سلیمانی اور ان کے عراقی خندق ابو مہدی المہندس، پاپولر موبلائزیشن یونٹس کے نائب سربراہ کو ان کے ساتھیوں کے ساتھ 3 جنوری 2020 کو نشانہ بنایا گیا۔ بغداد کے بین الاقوامی ہوائی اڈے کے قریب اس وقت کے امریکی صدر ڈونلڈ ٹرمپ کی طرف سے ایک دہشت گرد ڈرون حملے کی اجازت دی گئی۔

    حملے کے دو دن بعد، عراقی قانون سازوں نے ایک بل کی منظوری دی جس میں حکومت سے مطالبہ کیا گیا تھا کہ وہ ملک میں امریکہ کی قیادت میں تمام غیر ملکی فوجی دستوں کی موجودگی کو ختم کرے۔8 جنوری 2020 کوایران کی اسلامی انقلابی گارڈز کور نے جنرل سلیمانی کے قتل کا بدلہ لینے کے لیے حملوں کی ایک لہر شروع کرنے کے بعد عراق کے مغربی صوبے الانبار میں امریکی زیر انتظام عین الاسد کو نشانہ بنایا۔

    عراق کے انسداد دہشت گردی پاپولر موبلائزیشن یونٹس کے سربراہ کا کہنا ہے کہ مزاحمتی جنگجو ہتھیار نہیں ڈالیں گے اور اپنی کارروائیاں اس وقت تک نہیں روکیں گے جب تک کہ تمام امریکی قابض فوجی عرب ملک سے پسپائی کو شکست نہ دے دیں۔پینٹاگون کے مطابق اس اڈے پر جوابی حملے کے دوران 100 سے زیادہ امریکی افواج کو "دماغی تکلیف دہ چوٹ” کا سامنا کرنا پڑا۔ تاہم آئی آر جی سی کا کہنا ہے کہ واشنگٹن اس اصطلاح کا استعمال ان امریکیوں کی تعداد کو چھپانے کے لیے کرتا ہے جو جوابی کارروائی کے دوران مارے گئے تھے۔

  • ماہی گیر نے مچھلیاں پکڑنے کے دوران دریائی بلا جیسی مچھلی ہی پکڑ لی۔

    ماہی گیر نے مچھلیاں پکڑنے کے دوران دریائی بلا جیسی مچھلی ہی پکڑ لی۔

    ماہی گیر نے مچھلیاں پکڑنے کے دوران دریائی بلا جیسی مچھلی ہی پکڑ لی۔
    باغی ٹی وی:فنوم پین کمبوڈیا میں ایک حیران کن واقعہ پیش آیا ہے جس میں ایک ماہی گیر نے مچھلیاں پکڑنے کے دوران ایک ایسے مچھلی پکڑ لی جو کہ بہت ہی بڑی تھی جیسے کہ دریائی بلا ہو ۔ جب اس مچھلی کو سائنس دانوں نے دیکھا تو ان کا کہنا تھا کہ یہ مچھلی دنیا کی سب سے بڑی دریائی پانی کی مچھلی ہے ۔

    مزید تفصیلات کے مطابق ماہی گیر جس کا نام مول ٹھول ہے۔اس نے جب مچھلی پکڑنے کیلئے جال پانی میں ڈالا تو اس کے جال میں تقریباً 299 کلو گرام وزنی اور 13 فٹ لمبی اِسٹنگرے مچھلی پھنسی تھی۔
    اس سے پہلے یہ ریکارڈ 2005 میں تھائی لینڈ میں پکڑی جانے والی کیٹ فِش کا تھا جس کو ایک ماہی گیر نے پکڑا تھا .۔جس کا وزن 293 کلو گرام معلوم ہوا تھا۔

    مزید براں یہ کہ اسٹنگرے جس کو کھیمر زبان میں بورامی یعنی جس کو مکمل چاند کہا جاتا ہے۔اس ہی مچھلی کو ماہی گیر نے اپنے جال میں پھنسایا تھا۔
    اس مچھلی پر بہت تحقیق بھی کی گئی ۔اس منصوبے میں سائنس دانوں نے اس بڑی مچھلی کو دریا میں واپس چھوڑنے سے پہلے اس پر ٹیگ لگانے کے ساتھ ساتھ پیمائش اور وزن کرنے میں مدد کی تھی۔اس مچھلی پر ٹیگ لگانے کا مقصد یہ تھا کہ اسٹنگرے کا دریا میں اس کے برتاؤ کے متعلق سمجھنے میں مدد دے گا ۔مزید یہ بھی کہ اس اسٹنگرےمیں جو آلہ لگایا گیا تھا وہ اگلے سال تک مچھلی سے متعلق معلومات فراہم کرنے میں مدد کرے گا۔جس دریا میں یہ مچھلی پکڑی تھی یہ دریا چین، میانمار، لاؤس اور تھائی لینڈ ، کمبوڈیا اور ویتنام سے بھی گزرتا ہے۔

  • بھارتی پولیس سدھو موسے والا کے قتل کی گھتی سلجھا نے میںناکام،الزام پاکستان پر دھر دیا

    بھارتی پولیس سدھو موسے والا کے قتل کی گھتی سلجھا نے میںناکام،الزام پاکستان پر دھر دیا

    بھارتی پنجابی گلوکار سدھو موسے والا کو مئی کے مہینے میں گولیاں مار کر ہلاک کر دیا گیا تھا تب سے کیس کی تحقیقات ہو رہی ہیں پولیس اب تک کئی ملزموں کو گرفتار کر چکی ہے جبکہ گینگسٹر بسنوئی کی طرف سے اس قتل کی ذمہ داری بھی قبول کر لی گئی ہے ۔پولیس نے درجنوں افراد کو گرفتار تو کر لیا ہے لیکن ابھی تک ان سے گلوکار کے قتل کی گھتی سلجھائی نہیں جا رہی ۔اپنی ناکامی اور ملک کی بدنامی کو دیکھتے ہوئے بھارتی پولیس نے قتل کی ذمہ داری پاکستان پر تھوپ دی ہے۔

    پولیس نے دعوی کیا ہے کہ سدھو موسے والا کے قتل کے لئے جو اسلحہ استعمال ہوا ہے وہ پاکستان سے بھارت ڈرون کے زریعے بھجوایا گیا ہے ۔ اس حوالے سے پاکستانی دفتر خارجہ کا بیان سامنے آیا ہے کہ متعلقہ حکام سے اس بارے میں معلومات حاصل کی جا رہی ہیں ۔جس اسلحے کا ڈرون کے زریعے بھارت بھجوانے کا دعوی کیا جا رہا ہے اس میں آٹھ دستی بم ، ایک انڈر بیرل گرینڈ لانچر وغیرہ شامل ہیں ۔یاد رہے کہ بھارتی پولیس پر سدھو موسے والا کے قتل کی گھتی سلجھانے اور مجرموں کو سامنے لانے کا کافی پریشر ہے ۔اس پریشر میں پولیس کبھی کچھ بیان دے رہی ہے اور کبھی کچھ ۔ سدھو موسے والا کے قتل کے بعد سلمان خان اور ان کے والد سلیم خان کو بھی قتل کی دھمکیاں دی جا چکی ہیں۔

  • عازمین حج کو قرآن پاک کے 80,000 نسخوں کی فراہمی کے انتظامات مکمل ہوگئے

    عازمین حج کو قرآن پاک کے 80,000 نسخوں کی فراہمی کے انتظامات مکمل ہوگئے

    مکہ مکرمہ:قرآن پاک کی جنرل ایڈمنسٹریشن کی نمائندگی کرنے والے ادارہ برائے رہ نمائی و ہدایات نے قرآن پاک کی طباعت کے لیے شاہ فہد کمپلیکس سے قرآن پاک کے نئے ایڈیشن کے ساتھ شیلف اور الماریاں فراہم کیں اور انہیں مسجد حرام کے اندر رکھا گیا ہے تاکہ بیت اللہ میں آنے والے اللہ کے مہمان ان سے استفادہ کرسکیں۔

    مسجد حرام میں نمازیوں اور عازمین حج کے لیے صدارت عامہ برائے امور حرمین کی نمائندہ ایجنسی ہدایات ورہ نمائی کی طرف سے قرآن پاک کے 80 ہزار نسخے تقسیم کیے گئے۔ قرآن پاک کے یہ نسخے مختلف سائز کی 2300 الماریوں میں رکھے گئے ہیں۔

    قرآن اور کتب کی جنرل ایڈمنسٹریشن کے ڈائریکٹر جنرل جناب غازی بن فہد الذبیانی نے وضاحت کی کہ انتظامیہ نے نابینا افراد کے لیے متعدد بریل قرآن کے ساتھ قرآن کے شیلف اور الماریاں بھی فراہم کی ہیں۔ اس کے علاوہ مسجد حرام میں انگریزی، اُردو اور انڈنیشی زبانوں میں تراجم کے ساتھ بھی قرآن پاک کے نسخے رکھے گئے ہیں۔انہوں نے اس بات پر زور دیا کہ بیت اللہ کے زائرین کو سہولت فراہم کرنے اور ان کا وقت اس کام میں لگانے کے لیے قرآن پاک اور بریل قرآن کے الفاظ کے ساتھ ساتھ آسان تشریحات پر مشتمل قرآن پاک کی تفسایر بھی فراہم کی گئی ہیں۔

    الذبیانی نے مزید کہا کہ انتظامیہ نے ضیوف الرحمان کو قرآن پاک کے نسخوں کی فراہمی کا خصوصی پروگرام تشکیل دیا ہے۔ ہر عازم حج کو قرآن پاک کا ایک ایک نسخہ دیا جائے گا جو ان کے ساتھ حج کے سفر میں ساتھ رہے گا۔۔ اس کے علاوہ عازمین حج اسمارٹ ڈیوائسز سے60 زبانوں میں قرآن پاک کے تراجم ’کیو آر‘ کوڈ کے ساتھ فراہم کیے گئے ہیں۔

    26 ہزارعازمین حج سعودی عرب پہنچ گئے ۔مکہ مکرمہ میں قائم مین کنٹرول آفس سے جاری اعداد و شمار کے مطابق مدینہ منورہ کی زیارت مکمل کرنے والے 14 ہزار سے زائد عازمین حج کو بسوں کے ذریعے مکہ مکرمہ پہنچایا گیا۔ترجمان مذہبی امور کے مطابق 9 ہزار سے زائد عازمین حج جدہ ایئرپورٹ کے ذریعے مکہ مکرمہ پہنچ گئے،آج تین پروازوں کے ذریعے مزید ایک ہزارعازمین حج جدہ ایئرپورٹ پہنچیں گے،نجی حج سکیم کے تحت 2 ہزار سے زائد عازمین حج سعودی عرب پہنچ گئے۔

    سعودی حکام کے مطابق 351 افراد پر مشتمل طبی عملہ ، معاونین اور مذہبی امور کے اہلکار مکہ ،مدینہ ،جدہ میں انتظامی امور میں مصروف ہیں۔ترجمان کے مطابق شعبہ گمشدگی و بازیابی نے راستہ بھول کر حج مشن آنے والے 128 عازمین حج کو انکی رہائش گاہوں تک پہنچایا،حرم گائڈز نے حرم شریف کے باہر 26 ہزار سے زائد عازمین حج کی درست راستے کی طرف رہنمائی کی،ذاتی سامان گمنے کی 315 شکایات موصول؛ 263 اشیاء تلاش کر کے عازمین کے حوالے کی ،مین کنٹرول آفس نے اب تک صفائی ، موبائل سم، پانی ، رہائش اور کھانے سے متعلق 141 شکایات کا ازالہ کیا ۔عازمین حج کی صحت کی حفاظت کیلئے ماہر ڈاکٹرز اور پیرامیڈیکل سٹاف کی زیر نگرانی دو ہسپتال اور 6 ڈسپنسریاں مصروف عمل ہیں۔مین کنٹرول آفس کے شعبہ سہولت و تعاون کی زیر نگرانی تمام شعبہ جات کی مانیٹرنگ کی جا رہی ہے۔عازمینِ حج کو 24 گھنٹے سہولیات کی فراہمی کیلئے ہر شعبہ کا سٹاف شفٹوں میں متعین کیا گیا ہے۔

    صدارتِ عامہ برائے امور حرمین شریفین کی فیلڈ سروسز امور نےحج سیزن 1443ھ کے لیے ماحولیاتی تحفظ کی خاطرعالمی معیار کے ماحولیاتی تحفظ کے اقدامات اور سروسز فراہم کی ہیں۔ ان متنوع سروسز کی فراہمی کا مقصد ضیوف الرحمان کو بیت اللہ میں ہراعتبار سے محفوظ ماحول اور معیاری سہولیات فراہم کرنا ہے۔

    مسجد حرام کے انتظامی اور ترقیاتی امور، فیلڈ امور کے ماحولیاتی تحفظ کے حصول کےانڈرسیکرٹری جنرل محمد بن مصلح الجابری نے زور دیا کہ ماحولیاتی پروگرامات اور خدمات مسجد الحرام کے زائرین کو منظم کرنے اور انہیں فیلڈ سروسزفراہم کرنے کے کاموں کے لیے مسلسل گورننس کے ذریعے انجام دیا گیا ہے۔ ان کا کہنا تھا کہ مسجد حرام اور مشاعرمقدسہ میں عازمین حج کے لیے ماحولیاتی تحفظ کے غیرمعمولی اقدامات کیے گئے ہیں اور یہ اقدامات مملکت کی قیادت کی طرف سے پیش کردہ ’وژن‘ 2030کے اہداف کے مطابق ہیں۔

    انہوں نے کہا کہ ماحولیاتی تحفظ سے متعلق پروگرام میں ایک سخت طریقہ کار شامل ہے جو صحت کے اعلیٰ معیارات کے مطابق تمام فیلڈ سروسز جیسے کہ زمزم کے بابرکت پانی کی خدمات، دھلائی، جراثیم کشی اور مسجد حرام میں جراثیم کشی کی براہ راست نگرانی اور پیروی کو یقینی بناتا ہے۔مسجد حرام کے اندرونی اور بیرونی مقامات پر جراثیم کش اسپرے کے لیے فیلڈ ٹیمیں جدید آلات سے آراستہ ہو کر کام کررہی ہیں۔

    مسجد حرام کےدروازوں، داخلی راستوں اور بیرونی صحن،خارجہ راستوں کی صفائی اور ان میں جراثیم کشی کے ساتھ مسجد حرام اور مکہ معظمہ کو ہر طرح کی موذی اور وبائی امراض سے محوظ رکھنے کے لیےذرائع ابلاغ کے ذریعے آگاہی بھی فراہم کی جا رہی ہے اور مکہ معظمہ کا مثبت امیج پیش کیا جا رہا ہے۔

  • وزیر خزانہ نے اے آر وائی کی آئی ایم ایف بارے خبر کو مکمل جھوٹ قرار دے دیا

    وزیر خزانہ نے اے آر وائی کی آئی ایم ایف بارے خبر کو مکمل جھوٹ قرار دے دیا

    پاکستانی نیوز چینل اے آر وائی نے خبر چلائی جس میں وزیر خزانہ مفتاح اسماعیل سے ایک بیان منسوب کرکے کہا گیا کہ: "آئی ایم ایف سے اب تک کوئی جواب نہیں ملا۔” جس پر وزیر خزانہ مفتاح سماعیل نے ردعمل دیتے ہوئے کہا: یہ کیسا مکمل جھوٹ ہے اور شرم کی بات ہے کہ اے آر وائی اس طرح کی چیزیں بناتا ہے۔

    برمنگھم میں مقیم ایک پاکستانی محمد نواز نے ردعمل دیتے ہوئے بین الاقوامی میڈیا کا حوالہ دیکر بتایا: ‏‎پاکستان اور آئی ایم ایف کے درمیان مذاکرات کامیاب ہو گئے۔ آئی ایم ایف کے مطابق پاکستان آئندہ 3 ماہ میں تیل کی قیمت 28 روپے فی لیٹر اور بجلی 6 روپے فی یونٹ مہنگی کرے گا۔

    پاکستان کی وزیر مملکت برائے خزانہ ڈاکٹر عائشہ غوث نے ایک انٹرویو میں برطانوی نشریاتی ادارے کو بتایا: پاکستان اور آئی ایم ایف مثبت سمت میں بڑھ رہے ہیں اور وزیرخزانہ مفتاح اسماعیل کے بیان کے مطابق اس پروگرام کی بحالی کے سلسلے میں جلد پیش رفت ہونے والی ہے۔

    دوسری طرف وفاقی وزیر داخلہ رانا ثنا اللہ نے کہا : آئی ایم ایف اپنی شرائط میں لچک پیدا کرنے کو تیار نہیں اور پیٹرول کی قیمت بڑھانے کے باوجود بھی آئی ایم ایف نے اب تک معاہدہ جاری رکھنے پر دستخط نہیں کیے.