Baaghi TV

Author: +9251

  • پہلا ون ڈے: بابر اعظم اپنے کیریئر کی17 ویں سنچری بناکرکئی ریکارڈ بنانے میں بھی کامیاب

    پہلا ون ڈے: بابر اعظم اپنے کیریئر کی17 ویں سنچری بناکرکئی ریکارڈ بنانے میں بھی کامیاب

    لاہور:پہلا ون ڈے: بابر اعظم اپنے کیریئر کی17 ویں سنچری بناکربہت آگے نکل گئے،اطلاعات کے مطابق پاکستان کرکٹ ٹیم کے کپتان بابر اعظم نے ویسٹ انڈیز کے خلاف پہلے ون ڈے میں کئی اعزاز اپنے نام کرلیے۔بابر اعظم نے ویسٹ انڈیز کے خلاف پہلے ون ڈے میچ میں اپنے کیریئر کی17 ویں سنچری 85 ویں اننگز میں اسکورکی جس کے بعد وہ کم سے کم اننگز میں17 سنچریاں بنانے والے پلیئر بن گئے۔

     

     

     

    اس سے قبل ہاشم آملہ نے 17 سنچریاں مکمل کرنے کیلئے 98، بھارت کے ویرات کوہلی نے 112 اور ڈیوڈ وارنر نے 113 ون ڈے اننگز کھیلی تھیں۔

    واضح رہے کہ ون ڈے کیریئر کی 85 اننگز میں ہاشم آملہ کی 14 جبکہ ویرات کوہلی اور کوئن ٹن ڈی کوک کی 12، 12 سنچریاں تھیں۔اس کے علاوہ بابر ویسٹ انڈیز کے خلاف پہلے ون ڈے میں سنچری اسکور کرکے دو مرتبہ تین مسلسل سنچریاں بنانے والے پہلے پلیئر بھی بن گئے۔

    بابر نے آسٹریلیا کے خلاف آخری 2 ون ڈے میچز میں بھی سنچریاں اسکور کی تھیں۔

     

    بابر اعظم نے ویسٹ انڈیز کے خلاف بطور کپتان ایک ہزار ون ڈے رنز بھی مکمل کیے، بابر نے صرف 13 اننگز میں بطور کپتان ہزار رنز مکمل کیے۔اس کے علاوہ بابر اعظم نے آخری پانچ ون ڈے اننگز میں 534 رنز بنائے جس کے بعد وہ پانچ مسلسل اننگز کے کسی بھی بریکٹ میں سب سے زیادہ رنز بنانے والے پاکستانی بن گئے۔

     

     

    اس سے قبل فخر زمان نے مسلسل پانچ اننگز میں 515 رنز بنائے تھےمسلسل پانچ اننگز کے بریکٹ میں سب سے زیادہ رنز 596 کا ریکارڈ ویرات کوہلی کا ہے۔اس کے علاوہ بابر اعظم کیریئر کی ابتدائی 85 اننگز میں سب سے زیادہ رنز بنانے والے پلیئر بن گئے، اس سے قبل ہاشم آملہ نے 85 اننگز میں 4312 رنز بنائے تھے۔

    بابر اعظم نے ویسٹ انڈیز کے خلاف پہلے ون ڈے میں اپنی اننگز کا 52 واں رن لے کر ہاشم آملہ کو پیچھے چھوڑا۔

  • سابق بیوروکریٹ احد چیمہ وزیراعظم کے مشیر مقرر

    سابق بیوروکریٹ احد چیمہ وزیراعظم کے مشیر مقرر

    ایوان صدر کے اعلامیے کے مطابق صدرمملکت عارف علوی نے احد چیمہ کی بطور مشیر وزیراعظم تعیناتی کی منظوری دے دی۔اعلامیے میں کہا گیا ہے کہ صدر مملکت نے تعیناتی کی منظوری آئین کے آرٹیکل 93 ون کے تحت وزیراعظم کی ایڈوائس پر دی۔

    خیال رہے کہ گزشتہ دنوں احد چیمہ نے استعفیٰ دیا تھا اور حکومت پاکستان سے سخت مایوسی کا اظہار کیا گیا تھا،وزیر اعظم شہباز شریف نے بھی ان کا استعفیٰ قبول کیا تھا۔

    سابق ڈی جی ایل ڈی اے احد چیمہ کا استعفیٰ ، ایک دُکھ بھری داستان

    یاد رہے کہ سابق ڈی جی ایل ڈی اے احد چیمہ کے استعفیٰ میں حکومت پاکستان سے سخت مایوسی کا اظہار کیا گیا تھا جب کہ وزیر اعظم شہباز شریف نے بھی استعفیٰ قبول کرنے کے بعد سیاسی مہم جوئی پر افسوس کا اظہار کیا تھا۔ احد چیمہ نے اپنے استعفیٰ میں حکومت پاکستان سے سخت مایوسی کا اظہار کیاتھا کیوں کہ نیب ان کے خلاف سیاسی مقاصد کے تحت مہم جوئی کررہا ہے اور وہ خاموش ہے۔

    وزیراعظم کی اہم عہدہ دینے کی پیشکش، احد چیمہ کابڑا اعلان

    احد چیمہ کے استعفیٰ میں کہا گیا تھا کہ میں ایسے نظام میں نوکری کا طلب گار نہیں یا میں نوکری قبول نہیں کرسکتا جہاں اچانک ہی باآسانی یہ سوچنا شروع کردیا جائے کہ میں دیانت دار نہیں،جہاں مقدمہ چلا کر مجھے تنگ کیا جائے اور جہاں قانون کے تحت مجھے تحفظ فراہم کرنے میں ناکامی ہو۔

    طاقتورطاقتورکادوست:غریب کرےکچھ ہوش:سابق ڈی جی LDAاحد چیمہ کےکارخاص…

    یہ امور میرے ان اقدار کو مجروح کررہے ہیں جو میری ذاتی خودمختاری اور ایمانداری سے متعلق ہیں اور یہ آخری نہیں ہیں لہٰذا میں مستعفی ہوکر سروس سے ریٹائرمنٹ کا خواہاں ہوں، گزشتہ برس اپریل میں احد چیمہ کو تین سال تک جاری ٹرائل کے بعد جیل سے رہا کیا گیا تھا۔

  • کھلے مقامات پر گرمی کی شدت کی وجہ سے کارکن کے کام کرنے پر پابندی عائد:

    کھلے مقامات پر گرمی کی شدت کی وجہ سے کارکن کے کام کرنے پر پابندی عائد:

    کھلے مقامات پر گرمی کی شدت کی وجہ سے کارکن کے کام کرنے پر پابندی عائد:

    باغی ٹی وی کی رپورٹ کے مطابق متحدہ عرب امارات کی وزارت افرادی قوت نے فیصلہ کیا ہے کہ 15 جون سے 15 ستمبر تک تقریباً دوپہر ساڑھے بارہ بجے سے سہ پہر 3 یا ساڑھے3 بجے تک کھلے مقامات پر دھوپ میں تمام کارکن سے ڈیوٹی نہیں لی جا سکتی ہے اس پر مکمل پابندی عائد کر دی گئی ہے ۔

    اس حوالے سے ڈپٹی سیکریٹری محسن النسی کا کہنا تھا کہ امارات میں دوپہر کے وقت کھلے مقامات پر دھوپ میں ڈیوٹی پر پابندی کا یہ سلسلہ 17 برس پہلے سے ہی شروع کیا جا چکا تھا۔ بہت پہلے ہی اس بات کا نوٹس لیا جا چکا تھا کہ کارکن کو دھوپ میں کام کرنے میں مشکلات کا سامنا ہوتا ہے ۔جس کی وجہ سے یہ پابندی لگائی گئی ۔

    بیان میں اس بات کی تصدیق بھی کر دی گئی کہ یہ پابندی صرف صرف انسانی بنیادوں کو مد نظر رکھتے ہوۓ لگائی ہے ۔کیونکہ اتنی سخت گرمی اور دھوپ کی شدت کی وجہ سے کارکن کام نہیں کر سکیں گے۔
    وزارت افرادی قوت نے اس حوالے سے کہا ہے کہ اگر کوئی شخص اس کی خلاف ورزی ہوتے ہوۓ دیکھے تو فوری طور پر اس کی رپورٹ کروا دے ۔

  • پارلیمنٹ کےمشترکہ اجلاس کا ایجنڈا جاری

    پارلیمنٹ کےمشترکہ اجلاس کا ایجنڈا جاری

    اسلام آباد: پارلیمنٹ کے آج کے ہونے والے مشترکہ اجلاس کا ایجنڈا جاری کردیا گیا۔یہ ایجنڈا کس قدر اہم ہے کہ حکومت کی طرف سے اسے منظور کروانے کے لیے تمام ترکوششیں بروئے کارلائی جارہی ہیں ، یہ بھی معلوم ہوا ہےکہ اس ایجنڈے کوبہت زیادہ اہمیت دی جارہی ہے

    کیا یہ کورٹ پارلیمنٹ سے اختیارات واپس لے لے؟ عدالت کے ریمارکس

    ادھر اسلام آباد سے ذرائع کے مطابق ایجنڈا کے مطابق پارلیمنٹ کے آج کے دن ہونے والے مشترکہ اجلاس میں صدر مملکت کی جانب سے واپس کیے جانے والے الیکشن ایکٹ ترمیمی بل 2022 منظوری کے لیے پیش کیا جائے گا۔اس کے علاوہ پارلیمنٹ کے مشترکہ اجلاس میں صدر مملکت کی جانب سے واپس کیے جانے والے نیب ترمیمی بل کو بھی منظوری کے لیے پیش کیا جائے گا۔

    تحریک انصاف کا پارلیمنٹ کے مشترکہ اجلاس کے بائیکاٹ کا فیصلہ

    ایجنڈا کے مطابق سینیٹ سے منظور نہ کیے جانے والا قومی ٹیکنالوجی بورڈ اور پاک یونیورسٹی آف انجینئرنگ اینڈ ایمرجنسی ٹیکنالوجی بل بھی اجلاس میں منظوری کے لیے پیش کیا جائے گا۔اس کے علاوہ سینیٹ سے منظور نہ ہونے والا والدین کے تحفظ کا بل بھی پارلیمنٹ کے مشترکہ اجلاس میں منظوری کیلیے پیش کیا جائے گا۔

    واضح رہے کہ پارلیمنٹ کا مشترکہ اجلاس آج شام 4 بجے ہو گا۔

    یاد رہے کہ یہ اجلاس پہلے حکومت نے 7 جون 2022 کو ہونے والے بلایا تھا۔مگر پھر اس اجلاس کو ملتوی کردیا گیا اورپھرپارلیمنٹ کے مشترکہ اجلاس کی تاریخ میں تبدیلی کا مراسلہ قومی اسمبلی سیکرٹریٹ نے تمام ممبران پارلیمنٹ کو بھجوا دیا ۔مجلس شوریٰ پارلیمنٹ کا اجلاس 7 جون 2022 کو سہ پہر 4 بجے کے بجائے اب آج 9 جون 2022 کو سہ پہر 4 بجے ہارلیمنٹ ہاؤس میں منعقد ہو گا۔

    پارلیمنٹ میں ایک آئینی تبدیلی ہوئی، آپ کو ایسے تو نہیں کہنا چاہیے تھا،عدالت

    اسپیکر راجہ پرویز اشرف نے مجلس شوریٰ پارلیمنٹ کے مشترکہ اجلاس کی تاریخ میں تبدیلی قومی اسمبلی کے قواعد 1973 کے قاعدہ 4 کے تحت تفویض اختیارات کو بروئےکار لاتے ہوئے کی ہے۔

  • بلال قریشی ہوئے خفا

    بلال قریشی ہوئے خفا

    اداکار بلال قریشی جو کنٹرورسی سے دور رہنے کی کوشش کرتے ہیں وہ کبھی بھی ایسا کچھ نہیں بولتے کہ جس پہ ان کو سوال ہوں لیکن بجلی کم اور بل زیادہ آنے پر ان کے صبر کا پیمانہ چھلک گیا اور وہ برس پڑے حکومت پر۔ تفصیلات کے مطابق بلال قریشی بجلی کے بار بار اور بہت زیادہ جانے پر کافی ناراض ہیں اور اس سے زیادہ بجلی کے بل زیادہ آنے پر ناراض ہیں۔ اپنی اس ناراضگی کا اظہار انہوں نے انسٹاگرام پر ایک سٹوری جاری کرکےکیا۔سٹوری میں انہوں نے لکھا کہ آج بجلی کا بل آیا ہے اور بہت زیادہ آیا ہے۔انہوں نے مزید کہا کہ جب بجل کم اور بل زیادہ آتا ہے تو بہت زیادہ غصہ آتا ہے۔ بلال قریشی نے غصے کا اظہار جس انداز میں کیا ہے لوگوں نے اسکو بہت پسند کیا ہے ۔بلال قریشی کی سٹوری بہت پسند کی جا رہی ہے اور اسے حالات کے عین مطابق قرار دیا جا رہا ہے۔

    واضح رہے کہ پچھلے کچھ ہفتوں میں ملک میں بجلی کا بحران بہت زیادہ ہو رہا ہے اور کہیں ہر ایک گھنٹے کے بعد بجلی جا رہی ہے اور کہیں ہر دو گھنٹے کے بعد بجلی جا رہی ہے۔عوام بجلی کے مسلسل غائب رہنے کی وجہ سے بہت زیادہ نالاں ہیں ان کا کہنا ہے کہ بجلی آتی نہیں اور بل اتنے زیادہ آجاتے ہیں.

  • چوہدری حسین الہیٰ نے ق لیگ چھوڑ دی

    چوہدری حسین الہیٰ نے ق لیگ چھوڑ دی

    لاہور:چوہدری حسین الہیٰ نے ق لیگ چھوڑ دی،اطلاعات کے مطابق مسلم لیگ ق کے صدر چوہدری شجاعت حسین کے چھوٹے بھائی چوہدری وجاہت کے صاحبزادے حسین الہیٰ نے ق لیگ چھوڑدی ہے

    مسلم لیگ ق کے صدر چوہدری شجاعت حسین کے چھوٹے بھائی چوہدری وجاہت کے صاحبزادے حسین الہیٰ نے ق لیگ چھوڑدی ہے۔

    ذرائع کے مطابق چوہدری حسین الہیٰ نے اپنے بیان میں کہا کہ ‘ق لیگ کے ساتھ اپنا سیاسی سفرختم کررہا ہوں، ہمیشہ یہ ہی کہا ہے میرے لیے میرا ملک سب سے پہلے ہے’۔ان کا کہنا تھا کہ اس جماعت میں نہیں رہ سکتا جو شہبازشریف کو سپورٹ کرتی ہے۔

     

    حسین الہیٰ نے کہا کہ مستقبل کی سیاست کا فیصلہ مونس الہیٰ کے ساتھ کروں گا۔

    چودھری برادران نے سیاسی طور پر راہیں جدا کرنے کا فیصلہ کرلیا۔ذرائع کے مطابق پاکستان مسلم لیگ (ق) سیاسی معاملات پر اختلافات کا شکار ہے اور چودھری برادران نے سیاسی طور پر ایک دوسرے سے اپنے راستے الگ کرنے کا فیصلہ کیا ہے۔

    اس حوالے سے ذرائع کا کہنا تھا کہ چودھری شجاعت حسین، چودھری سالک حسین مسلم لیگ (ن) کے ساتھ کھل کر کھڑے ہوگئے، چودھری پرویز الٰہی، مونس الٰہی اور چودھری حسین الٰہی تحریک انصاف کے اتحادی رہیں گے ۔

    ذرائع نے مزید بتایا کہ خاندانی اختلافات میں شدت کے باعث سیاسی معاملات پر راہیں جدا کی گئیں، پہلی بار خاندان کے دونوں بڑوں نے الگ الگ سیاسی راستون کا اعتراف کر لیا جبکہ دوریاں بڑھنے کے باعث جلد حتمی فیصلے کا امکان ہے۔

    حسین الٰہی بیرون ملک ہیں، وطن واپس آتے ہی بڑا فیصلہ ہوجائے گا، گھر کے تین ایم این ایز میں سے دو تحریک انصاف کے حامی ہیں۔

  • خلا میں سولرانرجی پلانٹ لگانےکا منفرد منصوبہ:چین دنیا میں انقلاب لانےکاخواہشمند

    خلا میں سولرانرجی پلانٹ لگانےکا منفرد منصوبہ:چین دنیا میں انقلاب لانےکاخواہشمند

    بیجنگ:خلا میں سولر انرجی پلانٹ لگانےکا منفرد منصوبہ ،اطلاعات کے مطابق چین نے خلا میں دنیا کے پہلے شمسی توانائی سے کام کرنے والے پاور پلانٹ کے منصوبے پر کام شروع کردیا ہے۔اس منصوبے کے تحت چین 2028 تک خلا سے شمسی توانائی کو واپس زمین پر بھیجنے میں کامیابی حاصل کرنے کا خواہشمند ہے۔

    خلا میں سولرانرجی پلانٹ لگانےکا منفرد منصوبہ:چین دنیا میں انقلاب لانےکاخواہشمند

    ایک رپورٹ کے مطابق چین کی جانب سے ایک سیٹلائیٹ کو آزمائشی طور پر زمین کے مدار میں بھیجا جائے گا جہاں وہ سورج کی روشنی کو جذب کرکے سولر انرجی کو زمین کے چند مخصوص مقامات پر واپس بیم کے ذریعے بھیجے گا۔یہ توانائی پہلے مائیکرو ویوز یا لیزر میں تبدیل کی جائے گی اور پھر اسے کسی اور جگہ منتقل کیا جائے گا۔

    ماہرین کو توقع ہے کہ خلا میں تیار ہونےوالی شمسی توانائی زیادہ مؤثر ہوگی کیونکہ وہاں سولر پینلز کو سورج کی زیادہ شدت والی روشنی مل سکے گی۔ان کا کہنا ہے کہ اس طرح کی ٹیکنالوجی اگر بڑے پیمانے پر دستیاب ہو تو دنیا کے مختلف ممالک کو کاربن ڈائی آکسائیڈ کے اخراج میں کمی لانے میں مدد مل سکے گی اور موسمیاتی تبدیلیوں کے اہداف کا حصول ممکن ہوگا۔چین 2060 تک اپنے ملک کو کاربن فری بنانے کا عزم رکھتا ہے۔

    یورپی یونین کی طرف سے تین روسی ٹی وی چینلزپرپابندی:روس بھی جواب دینےکےلیےتیار

    مختلف ممالک کی جانب سے خلا میں شمسی توانائی کے حصول کے منصوبوں پر غور کیا جارہا ہے مگر اب تک یہ خیال ہی ہے، البتہ چین کی جانب سے اس پر عملدرآمد کو تیز کیا جارہا ہے۔چین کی جانب سے جس سیٹلائیٹ کو آزمائشی طورپر بھیجا جائے گا وہ 10 کلو واٹ بجلی تیار کرے گا۔

    وفاقی کابینہ کی چین سے 2 ارب 40 کروڑ ڈالر قرض کے حصول کی منظوری

    واضح رہے کہ شمسی توانائی کا یہ منصوبہ چین کے خلائی پروگرام کا ایک چھوٹا سا حصہ ہے۔چین نے 2030 تک اہم خلائی طاقت بننے کا ہدف طے کررکھا ہے اور اس حوالے سے اربوں ڈالرز کی سرمایہ کاری کی جارہی ہے۔چین کا نیا خلائی اسٹیشن دسمبر 2022 میں مکمل ہوجائے گا جس سے مستقبل میں چاند اور مریخ پر بھیجے جانے والے مشنز کو زیادہ مدد مل سکے گی۔

  • ق لیگ کے صدر اور سابق امید وار کی پیپلز پارٹی میں شمولیت

    ق لیگ کے صدر اور سابق امید وار کی پیپلز پارٹی میں شمولیت

    ق لیگ کے صدر اور سابق امید وار کی پیپلز پارٹی میں شمولیت

    باغی ٹی وی کی رپورٹ کے مطابق پاکستان پیپلز پارٹی نے پہلے پی ٹی آئی اور اب ق لیگ کی بھی وکٹ گرا دی۔ ق لیگ کے سابق امید وار عطا اللہ نے گلگت بلتستان سے پیپلز پارٹی میں شرکت اختیار کر لی ۔

    مزید یہ کہ پیپلز پارٹی سینٹرل سیکرٹریٹ اسلام آباد میں شمولیتی پروگرام کاانعقاد کیاگیا ۔جس میں ق لیگ کے سابق امید وار نے گلگت بلتستان سے پیپلز پارٹی میں شمولیت اختیار کر لی ۔

    اس کے علاوہ ایک اور اہم خبر یہ ہے کہ ق لیگ ضلع دیامیر کے صدر ناصر محمود بھی پیپلز پارٹی میں شامل ہو گے۔

    اس تقریب میں پیپلز پارٹی کے مرکزی سیکرٹری اطلاعات فیصل کریم کنڈی اور انچارج سید سبط الحیدر بخاری اور چودھری منظور اپوزیشن لیڈر جی بی اسمبلی محمدامجد سعدیہ اورممبر سعدیہ دانش اور ممبر سی سی سی محمد موسیٰ نے شرکت بھی کی۔ اور مزید گلگت بلتستان کے بہت سے عہدیداران کی بھی تعداد موجود تھی۔شمولیتی پروگرام کے دوران جئے بھٹو زندہ باد کے نعرے بھی لگ گئے ۔

  • عمران خان نے جاتے جاتے بارودی سرنگیں بچھائیں ، شیخ رشید کا اعتراف

    عمران خان نے جاتے جاتے بارودی سرنگیں بچھائیں ، شیخ رشید کا اعتراف

    عمران خان نے جاتے جاتے بارودی سرنگیں بچھائیں ، شیخ رشید کا اعتراف

    عمران خان کو پتا تھا حکومت گر جاۓ گی ،شیخ رشید کا انکشاف

    باغی ٹی وی کی رپورٹ کے مطابق سابق وزیر داخلہ عوامی مسلم لیگ کے سربراہ شیخ رشید احمد نے ایک انکشاف کیا ہے کہ مجھے تو انٹیلی جنس بیورو نے 4 ماہ پہلے ہی بتادیا تھا کہ آپ جارہے ہیں۔

    انٹرویو کے دوران ان کا کہنا تھا کہ عمران خان سب جانتا تھا کہ یہ ملبه گرنا ہے ۔جس کو ہم کہتےہیں بارودی سرنگیں بچھا گئے۔ انہوں نے اپنی بات کو جاری رکھتے ہوۓ کہا کہ عمران خان نے جب قیمتوں میں کمی کی تھی تو اس کے پیچھے کچھ نہ کچھ ضرور تھا ۔

    عمران حکومت کے گرنے کے حوالے سے انہوں نے کہا کہ مجھے آئی بی نے 4 ماہ پہلے بتادیا تھا کے اب آپ جا رہے ہیں ۔جب مجھے اس بات کا علم ہوا تو میں نے عمران خان کو یہ سب بتایا ۔لیکن یہ جان کر مجھے بہت حیرانگی ہوئی کے وه تو پہلے سے ہی سب کچھ جانتے تھے ۔

    اس پر انہوں نے  کہا کہ میں نے اس حوالے سے دوتین ماہ انتظار بھی کیا کہ آئی بی کی رپورٹ بعض اوقات سنی سنائی بھی ہوتی ہے۔

  • جولائی کے شروع میں لوڈ شیڈنگ میں کمی ہو گی، خرم دستگیر

    جولائی کے شروع میں لوڈ شیڈنگ میں کمی ہو گی، خرم دستگیر

    جولائی کے شروع میں لوڈ شیڈنگ میں کمی ہو گی، خرم دستگیر

    باغی ٹی وی کی رپورٹ کے مطابق اسلام آباد میں وفاقی وزیر توانائی خرم دستگیر کا کہنا تھا کہ صنعتی شعبے کو بلا تعطل بجلی کی فراہمی جاری ہے،بجلی کا شارٹ فال4ہزار میگاواٹ کے قریب ہے اور ملک میں بجلی کی پیداوار22ہزار جبکہ طلب26ہزار میگاواٹ ہے۔

    اسلام آباد میں پریس کرنفرنس کے دوران وفاقی وزیر خرم دستگیر کا کہنا تھا کہ کوشش ہے دو سے تین ہفتوں میں بجلی کی پیداوار میں خاطر خواہ اضافہ کریں گے اور ساتھ میں کوئلے کی کمی کو بھی پورا کر لیا گیا ہے۔کروٹ ہائیڈو پاور کو فروری2022میں مکمل ہونا تھا جسے اب فعال کیا جارہا ہے مزید براں آئندہ ماہ بجلی کی لوڈشیڈنگ میں کمی آئے گی ۔

    انہوں نے موسم کے حوالے سے کہا کہ موسم کی شدت اور ہائیڈل پاور میں کمی کے باعث بجلی کی طلب میں اضافہ ہوا ہے اور ری فیولنگ سے کروٹ ٹو اپنی استعداد سے 1100میگاواٹ بجلی پیدا کرے گا۔ ساتھ ہی ان کا یہ بھی کہنا تھا کہ بجلی کی بچت کے حوالے سے بھی حکومت نے پلان بنا چکی ہے ماضی میں  شروع ہونے والے منصوبے مکمل ہو رہے ہیں۔ان کا کہنا تھا کہ سابقہ حکومت نے بجلی کی بڑھتی ہوئی طلب کیلئے اقدامات نہیں کیے۔

    خرم دستگیر کا مزید اس حوالے سے کہنا تھا کہ تریموں پاور پلانٹ اسی سال اپنی پیداوار شروع کر دے گا۔اور جولائی کے اشروع میں لوڈ شیڈنگ میں خاطر خواہ کمی ہو گی۔

    گرمی کی شدت میں اضافے کے باعث بجلی کی طلب میں اضافہ ہوا ہے۔ہفتے کو چھٹی اور 20 فیصد لوگوں کو گھروں سے کام کرنے کی تجویز دی جا چکی ہے۔