Author: +9251

لاہور:شاہ محمود قریشی کو جیتنے ہی نہیں دونگا، جہانگیر ترین گروپ کے اہم ساتھی اور رکن اسمبلی سلمان نعیم کی مبشرلقمان کے پروگرام میں کھری اور سچی باتوں نے ایک بارپھرشاہ محمود قریشی کے لیے خطرے کی گھنٹی بجا دی

اس حوالے سے معروف صحافی کے پروگرام "کھرا سچ” میں گفتگو کرتے ہوئے سلمان نعیم کا کہنا تھا کہ وہ آزاد الیکشن لڑ کر پی ٹی آئی میں شامل ہوئے اور بے لوث شامل ہوئے کسی سے کوئی پیسے نہیں لیے لیکن آج ہمیں طعنے دیئے جارہے ہیں اور کہا جارہا ہے کہ ہم نے کسی سے پیسے لیے ہیں ، تو یہ صرف الزامات ہیں‌

شاہ محمود قریشی کو جیتنے ہی نہیں دونگا، سلمان نعیم پی ٹی آئی جہانگیر ترین گروپ@MubasherLucman @AbidSherAli @HaiderZQureshi @ShSalmanNaeem #KharaSach #PNN #NoConfidenceMotion #BabarAzam𓃵 #PakVsAustraila #Islamophobia pic.twitter.com/2IUcb10xfC

— PNN News (@pnnnewspk) March 15, 2022

سلمان نعیم نے ایک سوال کے جواب میں کہا کہ میں شاہ محمود قریشی کو ہرایا ، جس پرمبشرلقمان نے اس موقع پر کہا کہ شاہ محمود قریشی تو وزیراعلیٰ‌پنجاب بننے کے خواہشمند تھے توآپ نے سلمان نعیم صاحب ان کی ساری خواہشات کو ملیا میٹ کردیا تواس موقع پر سلمان نے نعیم نے کہا کہ ہاں تو پھر میرا شکریہ ادا کرنے کا آپ لوگوں کا حق تو بنتا ہےکہ ناں

اسی سلسلے میں اگے چل کر سلمان نعیم نے کہا کہ جہانگیر ترین گروپ جو فیصلہ کرے گا وہ ملکی مفاد میں کرے گا ہمٰیں کسی سے کوئی لالچ نہیں اور ہم بکاو مال بھی نہیں ہیں جس طرح ہم پرالزامات بھی لگ رہے ہیں‌

بات کو سمیٹتے ہوے سلمان نعیم نے کہا کہ وہ شاہ محمود قریشی کی سیاست کو ختم کرکے رہیں گے اور اگے الیکشن میں پھر شکست دیں‌گے

لاہور:آخرچوہدری برادران وزارت اعلیٰ پربضد کیوں؟شہبازشریف کی نااہلی کےبعد چوہدری پرویزالٰہی لیگیوں کوکنغٹرول کریں گے؟اطلاعات کے مطابق اس وقت کچھ ایسی خبروں نے سیاسی ماحول کو اچانک بہت زیادہ گرم اور ساتھ محتاط کردیا ہے جب کچھ ایسی خبریں گردش کرنے لگی ہیں‌ کہ پنجاب کی وزارت اعلیٰ کے پیچھے بڑی گیم ہے اور یہ گیم ڈیزائن کی گئی ہے جس کا مقصد شہبازشریف کی یقینی نااہلی کے بعد کے معاملات پر قابو پانے اور ن لیگ کے ارکان اسمبلی کواس صورت حال کے بعد کسی چھتری تلے جمع رکھنے سے متعلق ہے ، سب سے بڑا مقصد چوہدری پرویز الٰہی کی قیادت میں مسلم لیگی ارکان اسمبلی کو اکٹھا کرکے شریف برادران کی گرفت کو کمزورکرنا ہے

یہ بھی معلوم ہوا ہے کہ اس بات کے قوی امکان ہیں کہ آنے والے چند دنوں میں شہبازشریف کے خلاف مضبوط شواہد کی بنا پر کیس کا فیصلہ آجائے تو اس صورت میں شہبازشریف کی نااہلی یقینی ہے اور اس طرح اگر چوہدری پرویزالٰہی اب وزیراعلیٰ بن جاتے ہیں تو چوہدری ن لیگ کی بڑی تعداد کو اپنے قریب کرنے میں کامیاب رہیں گے اور یوں ن لیگ کی گرفت ڈھیلی پڑ جائے گی ،یہ بھی معلوم ہوا ہے کہ چوہدری برادران سے بڑی تعداد میں ن لیگی ارکان اسمبلی کے خفیہ رابطے ہیں اور یہ رابطے بعض جگہ پر براہ راست ہیں اور بعض اوقات بالواسطہ سارے معاملات طئے ہورہے ہیں‌

ذرائع کے مطابق اس وقت 35 سے 38 ارکان اسمبلی کے چوہدری پرویز الٰہی سے رابطے میں ہیں ، اور اگر چوہدری پرویزالٰہی وزیراعلیٰ پنجاب بنتے ہیں تو ان ن لیگیوں کا اگلہ مسکن ق لیگ ہوسکتا ہے ، اس کے ساتھ ساتھ یہ بھی حقائق سامنے آئے ہیں کہ چوہدری برادران ایک کامیاب سیاست کھیل رہےہیں اور اس کھیل میں کامیابی کی صورت میں چوہدری برادران کواپنے ساتھیوں کی حمایت بھی حاصل ہے جبکہ بعض کا کہنا ہے کہ ممکن ہے کہ ساتھیوں کے مشورے کے بعد ہی چوہدری برادران پنجاب کی وزارت اعلیٰ پر بضد ہیں ،

ادھر یہ بھی دعوے کیا جارہے ہیں ن لیگ کواس قسم کے کھیل سے متعلق پہلے ہے کچھ شکوک وشہبات تھے تاہم ن لیگ کی قیادت پر منحصر ہے کہ وہ کیا فیصلہ کرتی ہے ، کیا وہ وزارت اعلیٰ دے کرن لیگی ارکان اسمبلی کو ق لیگ میں جانے کا سبب بنتا ہے یا پھریہ فیصلہ دور رہنے کا سبب بنتا ہے تاہم یہ طئے ہے کہ چوہدری برادران کی اس تگ و دو کے پیچھے ایک طئے شدہ پروگرام ہے ، شاید یہی وجہ ہے کہ پی ٹی آئی قیادت چوہدری برادران کے کسی بھی فیصلے پرمداخلت یا مخالفت نہیں کررہی ہے

اسلام آباد: محسن بیگ کو رہائی مبارک وزیراعظم ہاوس سے نیا کیس بنانے کی کوشش کا انکشاف:اطلاعات کے مطابق معروف صحافی سلیم صافی نے ایک بار پھرباتوں باتوں میں اپنے جزبات کا کھل کراظہار کیا ہے اور وہ کہتے ہیں کہ محسن بیگ رہا ہوچکے ہیں مگراس کے باوجود محسن بیگ کے خلاف ابھی گھیرا تنگ ہے

سلیم صافی کہتے ہیں کہ حکومت کے کسی دور میں بڑے حامی اپنے زیراحسان حکومت کے ہاتھوں زیرعتاب بننے والے نڈر صحافی محسن بیگ کو رہائی مبارک ہو ، ان کا یہ بھی کہنا تھا کہ کل ضمانت ہوجانے بعد بھی وزیراعظم ہاوس سے براہ راست مداخلت ہوتی رہی کہ نیا کیس بنا کر انہیں اندر رکھا جائے لیکن الحمدللہ ہائی کورٹ کی برکت سے یہ عمرانی حربہ بھی ناکام ہوا۔

اپنے زیراحسان حکومت کے ہاتھوں زیرعتاب بننے والے نڈر صحافی محسن بیگ کو رہائی مبارک۔۔۔ کل ضمانت ہوجانے بعد بھی وزیراعظم ہاوس سے براہ راست مداخلت ہوتی رہی کہ نیا کیس بنا کر انہیں اندر رکھا جائے لیکن الحمدللہ ہائی کورٹ کی برکت سے یہ عمرانی حربہ بھی ناکام ہوا۔ pic.twitter.com/XuqxxbVi9X

— Saleem Safi (@SaleemKhanSafi) March 15, 2022

سلیم صافی نے حسب روایت اپنے جارحانہ انداز میں حکومت کے خلاف اپنے جذبات کا اظہار کرتے ہوئے وزیراعظم عمران خان پرتنقید کے سخت تیر برسائے ہیں، وہ کہتے ہیں کہ محسن بیگ کو عدالت نے رہا کردکھایا مگراب سُننے میں آرہا ہے کہ وزیراعظم محسن بیگ کے خلاف ابھی ٹھنڈے نہیں ہوئے بلکہ چاہتے ہیں کہ محسن بیگ ابھی بھی جیل میں رہے

یاد رہے کہ سلیم صافی نے پچھلے دنوں محسن بیگ کی گرفتاری کے خلاف بھی آواز بلند کی تھی اور اس وقت بھی حکومت آڑے ہاتھوں لیا تھا اور اس سارے معاملے کا ذمہ دارحکومت کو ٹھہرایا گیا تھا اور اب پھرسلیم صافی کی طرف سے حکومت پر ہی شک کے تیر برسائے گئے ہیں اور کہا گیا ہے کہ انہیں ڈر ہے کہ کہیں حکومت محسن بیگ کو پھرکسی کیس میں گرفتار نہ کروا دے

اسلام آباد :بلوچستان عوامی پارٹی کا خیبرپختونخوا حکومت سے اتحاد ختم کرنے کا اعلان ،اطلاعات کے مطابق بلوچستان عوامی پارٹی کے صوبائی پارلیمانی لیڈربلاول آفریدی نے خیبرپختونخوا حکومت سے اتحاد ختم کرنے کا اعلان کرتے ہوئے کہا کہ ضم اضلاع کے منتخب نمائندوں کے اجلاس میں وزیراعلی نے ہمیں مدعو نہیں کیا۔

بلوچستان عوامی پارٹی کے صوبائی پارلیمانی لیڈر بلاول آفریدی نے اعلان کیا کہ ہم عدم اعتماد میں حکومت کا ساتھ نہیں دیں گے اور اس حوالے سے باپ کی سینئر لیڈرشپ کے ساتھ رابطے میں ہیں ، جلد قومی اسمبلی ، سینٹ اور بلوچستان میں بھی حکومت کے ساتھ اتحاد ختم کریں گے۔

بلاول آفریدی کا کہنا تھا کہ ہمارے ساتھ مسلسل نا انصافی کی جا رہی ہے اور فنڈز پی ٹی آئی ارکان کو دیے جا رہے ہیں ، ہم اپوزیشن بینچوں پر بیٹھ کر اپنا احتجاج رکارڈ کرائیں گے۔

خیال رہے گزشتہ روز وزیراعظم عمران خان نے پارلیمنٹ لاجز میں بلوچستان عوامی پارٹی کی قیادت سے ملاقات کی جس میں بلوچستان عوامی پارٹی کے پارلیمانی لیڈر خالد مگسی نے وزیراعظم عمران خان کو تصادم کی طرف نہ جانے کا مشورہ دیتے ہوئے کہا کہ ہماری جماعت کی مشاورت ابھی جاری ہے اور اس حوالے سے ہم جلد کوئی فیصلہ کرلیں گے۔

واضح رہے خیبر پختونخوا اسمبلی میں بلوچستان عوامی پارٹی کے اراکین کی تعداد 4 ہے۔

لاہور: وزیراعظم عمران خان کے خلاف قومی اسمبلی سیکرٹریٹ میں جمع کرائی گئی تحریک عدم اعتماد کے بعد سیاسی جوڑ توڑ کا سلسلہ جاری ہے اور اسی تناظر میں پاکستان مسلم لیگ (ق) کے رہنما اور پنجاب اسمبلی کے سپیکر چودھری پرویز الٰہی نے کہا ہے کہ اتحادیوں کا 100فیصد جھکاؤ اپوزیشن کی طرف ہے۔

پنجاب اسمبلی کے سپیکر نے نجی ٹی وی سے اتحادیوں کے جھکاؤ سے متعلق بڑا انکشاف کرتے ہوئے کہا کہ عمران خان 100 فیصد مشکل میں ہیں، اتحادیوں کا 100فیصد جھکاؤ اپوزیشن کی طرف ہے، جھکاؤ کو ریورس کرنا عمران خان کی ذمہ داری ہے۔ خان صاحب نے سب کے ساتھ ہاتھ کیا ہے، کسی کو کچھ دیا نہیں، وزیراعلیٰ بنا تو تمام مسائل حل کر دوں گا۔اتحادیوں سے کیے گئے تمام وعدے پورے کریں گے، بڑے سرپرائز آنے والے ہیں، آصف زرداری کا دعویٰ درست، اپوزیشن کے پاس 172 سے زیادہ ووٹ ہیں۔

ایک سوال کے جواب میں انہوں نے کہا کہ حکومت کو کچے اور پکے کا پتہ نہیں۔ وزیراعظم عمران خان نے وفاقی وزیر برائے آبی وسائل مونس الٰہی سے کہا تھا پاکستان تحریک انصاف میں اپنی پارٹی میں ضم کر لو، یہ والی آفر بی اے پی پارٹی کو بھی کی گئی، یہ ناسمجھی والی سوچ ہے، مہنگائی، ساڑھے تین سال کی پرفارمنس کی وجہ سے حالات ان کے خراب ہوئے، چھوٹے ہسپتالوں میں مک مکا ہو رہا ہے، صحت کارڈ کا آڈٹ تو کرائیں پہلے۔

انہوں نے مزید کہا کہ حکومت میں عقل و دانش کا 100 فیصد فقدان نظر آرہا ہے، حکومت کے علاوہ تمام جماعتوں نے ہمیں پیشکش کی، حکومت کے گھبراہٹ کے فیصلے سامنے آ رہے ہیں، بس ایک ہی شخص گھبرایا ہوا پھر رہا ہے،پہلے حکومت اور پھر اپوزیشن جلسوں کے اعلان منسوخ کرے۔

چودھری پرویز الٰہی کا کہنا تھا کہ تنہا نہیں سب اکٹھے فیصلے کرینگے، ہمارا فیصلہ ایم کیو ایم کی وجہ سے رکا ہوا ہے، ایم کیو ایم کے پیپلز پارٹی کے ساتھ مسائل ہیں، کل کی ملاقات میں آصف زرداری نے ایم کیو ایم کے 70 فیصد معاملات حل کردیئے ہیں، آصف زرداری اپوزیشن کے ضامن بنے ہوئے ہیں، لیگی صدر شہباز شریف کے ساتھ ملاقات جلد ہوگی۔

انہوں نے کہا کہ اپوزیشن خان کوہٹانے کے لیے متحد ہے، یہ جو بھاگ دوڑ کر رہے ہیں یہ حکومت کے لیے پریشانی کی نشانی ہے، حکومت کو اپنے لوگوں سے خطرہ ہے، جہانگیر ترین گروپ عثمان بزدار کو ہٹا کر دم لے گا، ان کے ایڈوائزر تباہی پھیر رہے ہیں، شیخ رشید نے دل میں کیا گلا رکھا ہے پتا نہیں،وزیر داخلہ کے پاس تجربہ ہے ان کو خان صاحب کوسمجھانا چاہیے، جن کے پاس ایک ووٹ ان کے پاس وزیراعظم جا رہے ہیں، وفد بھیجنے کا وقت گزر گیا، ن لیگ سے سیاسی اور نظریاتی اختلاف ہے۔

مسلم لیگ ق کے مصدقہ ذرائع کا کہنا ہے کہ جو بھی ہمیں وزارت اعلیٰ پنجاب کی پیشکش کرے گا ہم اس کا ساتھ دینگے۔ ذرائع نے بتایا کہ ق لیگ کی ن لیگ سے بھی بات چیت جاری ہے ن لیگ سے سیاسی اور نظریاتی اختلاف ہے تاہم خواہش ہے کہ معاملات طے ہوں۔ذرائع نے مزید بتایا کہ حکومت کے ساتھ معاملات طے ہوتے ہیں تو یہ بھی اچھی بات ہے لیکن اسمبلیوں کی مدت پوری ہونی چاہیے۔

ق لیگ کا کہنا ہے کہ صرف وزارت اعلیٰ پنجاب ہی نہیں ہمارا موقف موجودہ اسمبلیوں کی مدت پوری کرنا بھی ہے اور معاملات طے کرنے کیلیے اسے ہمارے اس موقف کی حمایت کرنا ہوگیذرائع کا کہنا ہے کہ ق لیگ چاہتی ہے کہ جس سے جو بھی کمٹمنٹ کی جائے اس پر فوری عمل ہونا چاہیے اور اسمبلیوں کو اپنی مدت پوری کرنی چاہیے۔

واضح رہے کہ ق لیگ کے ذرائع کے حوالے سے یہ خبر اس وقت آئی ہے جب ن لیگ کی جانب سے حمزہ شہباز کو اگلا وزیراعلیٰ پنجاب بنائے جانے کی اطلاعات سامنے آئی ہیں۔

حمزہ شہباز کے ترجمان عمران گورایا نے صحافی سے گفتگو کے دوران بتایا تھا کہ اگلے وزیراعلیٰ پنجاب حمزہ شہباز ہونگے۔اسی حوالے سے حمزہ شہباز نے ترین گروپ کے رہنماؤں سے بھی ملاقات کی تھی جس میں عثمان بزدار کو ہٹانے پر اتفاق کیا گیا تھا۔