Author: +9251

لاہور:الیکشن ایکٹ اور پیکا قانون میں ترامیم: پیپلزپارٹی نے وفاقی حکومت کا فیصلہ مسترد کردیا،اطلاعات کے مطابق پیپلزپارٹی الیکشن ایکٹ اور پیکا قانون میں ترامیم لاکر عوام کو خاموش کرانے کے حکومتی سازش کی بھرپور مخالفت کرتی ہے،

پی پی رہنما شازیہ مری کہتی ہیں کہ الیکشن ایکٹ میں ترامیم آئندہ انتخابات میں دھاندھلی کا ایک نیا  منصوبہ ہے،حکومت کو اپنی نااہلی اور ناکامی واضح طور پر نظر آ رہی ہے اس لئے اب ذاتی مفادات کے لئے قانون ہی تبدیل کیا جا رہا ہے،حکومت کو غیر قانونی اقدامات کے ذریعے انتخابات چوری کرنے نہیں دیں گے،

شازیہ مری نے مزید کہا کہ عوام کو نا گھبرانے کا مشورہ دینے والی حکومت اب خود کیوں گھبرا رہی ہے؟پیکا قانون کے تحت عام لوگوں کی آواز کو دبانا غیر جمہوری عمل اور عام شہری کے حقوق کی خلاف ورزی ہے،

شازیہ مری نے حکومت پر تنقید کرتے ہوئے کہا کہ حکومت عام شہری کی آواز دبانے کے لئے ایسے اقدامات کر رہی ہے جو آمریت میں بھی نہیں ہوا،وفاقی حکومت ڈکٹیشن کے تحت ایسی قانون سازی نہ کرے جس کا کل وہ خود شکار بنیں،حکومت الیکشن ایکٹ اور پیکا قانون میں ترامیم کا فیصلہ فوری طور پر واپس لے،

کراچی :پیپلزپارٹی کا مارچ نہیں اپریل فول ہے:حلیم عادل شیخ ،اطلاعات کے مطابق اپوزیشن لیڈر سندھ اسمبلی حلیم عادل شیخ کا کہنا ہے کہ پاکستان پیپلزپارٹی کا مارچ نہیں اپریل فول ہے۔

سجاول میں اپوزیشن لیڈر سندھ اسمبلی حلیم عادل شیخ نے میڈیا سے گفتگو کرتے ہوئے کہا کہ پیپلزپارٹی کا مارچ نہیں اپریل فول ہے، سندھ میں بچیوں کی عزتیں محفوظ نہیں اور یہ مارچ نکالیں گے۔

حلیم عادل شیخ نے کہا کہ تھر میں بچے مر رہے ہیں، بھنڈ برادری کے پانچ افراد قتل کر دیئے گئے مارچ کس پر نکالیں گے، اسپتالوں میں دوائیاں نہیں ملتی اسکولوں میں کتابیں نہیں کس پر مارچ نکالیں گے؟اپوزیشن لیڈر نے کہا کہ ان کو بے نقاب کرنے کے لئے ہم مارچ نکالیں گے، حقوق سندھ مارچ نکال کر پیپلزپارٹی کی کرپشن کو بے نقاب کریں گے۔

حلیم عادل شیخ کا کہنا تھا کہ پیپلزپارٹی نے سندھ کی عوام کو بنیادی سہولیات سے محروم کر دیا ہے، سندھ کے عوام ان چوروں سے جان چھڑوانا چاہتی ہے۔

اپوزیشن لیڈر سندھ اسمبلی نے کہا کہ 26 فروری کو مخدوم شاہ محمود قریشی، اسد عمر، علی زیدی، و دیگر کی قیادت میں حقوق سندھ مارچ نکالیں گے۔انہوں نے مزید کہا کہ ہم سندھ کے عوام کے حقوق کی جنگ لڑ رہے ہیں۔

اسلام آباد:گرفتار محسن بیگ پر ایک اور مقدمہ درج،اطلاعات کے مطابق پولیس نے گرفتار محسن بیگ کے خلاف ایک اور مقدمہ درج کر لیا، ان پر بغیر لائسنس پستول رکھنے کا مقدمہ گزشتہ روز درج کیا گیا۔

محسن بیگ کے خلاف غیر قانونی اسلحہ رکھنے کا مقدمہ وفاقی دارالحکومت اسلام آباد کے تھانہ مارگلہ میں درج کیا گیا ہے۔ایف آئی آر کے متن میں کہا گیا ہے کہ دورانِ تفتیش محسن بیگ نے بتایا ہے کہ جس پستول سے فائرنگ کی وہ گھر میں ہے، جس پر ملزم کے ہمراہ اس کے گھر جا کر 30 بور کا پستول برآمد کیا گیا۔

ایف آئی آر کے متن میں کہا گیا ہے کہ برآمد ہونے والے پستول کے میگزین میں 2 گولیاں بھی موجود تھیں۔درج ایف آئی آر کے متن میں یہ بھی کہا گیا ہے کہ ملزم اس 30 بور کے پستول کا لائسنس یا اس کی اجازت کا ثبوت پیش نہیں کر سکا۔

دوسری جانب اسلام آباد پولیس نے محسن بیگ کو ناجائز اسلحہ رکھنے کے کیس میں بھی گرفتار کر لیا اور انہیں ڈیوٹی مجسٹریٹ شعیب اختر کی عدالت میں پیش کر دیا۔

پولیس نے عدالت کو بتایا کہ محسن بیگ کے خلاف ناجائز اسلحے کا مقدمہ درج کیا گیا ہے۔عدالت نے ملزم کو بغیر لائسنس اسلحہ رکھنے کے مقدمے میں جوڈیشل ریمانڈ میں جیل بھجوانے کا حکم سنا دیا۔

محسن بیگ پہلے ہی دہشت گردی کے مقدمے میں گرفتار اور جسمانی ریمانڈ پر پولیس کی تحویل میں ہیں۔محسن بیگ کو جسمانی ریمانڈ مکمل ہونے پر کل (پیر کو) انسدادِ دہشت گردی کی عدالت میں پیش کیا جائے گا۔

واضح رہے کہ چند روز قبل محسن بیگ کو اسلام آباد میں واقع ان کے گھر پر ایف آئی اے سائبر کرائم ونگ کے اہلکاروں نے چھاپہ مار کر گرفتار کیا تھا۔

اسلام آباد: پارلیمان کو صدارتی آرڈیننس منظور کرنے کیلئے معطل کر دیا گیا:اطلاعات کے مطابق پیپلزپارٹی کی رہنما شیری رحمان کا کہنا ہے کہ تباہی سرکار نے پارلیمان کو متعدد صدارتی آرڈیننس منظور کرنے کے لیے معطل کر دیا۔

شیری رحمان نے اپنے پیغام میں حکومت پر کڑی تنقید کی، ان کا کہنا تھاکہ اختلاف رائے کو ختم کرنے کی کوشش میں حکومت سائبر کرائم قوانین میں ترمیم کیلئے ایک اور صدارتی آرڈیننس کا استعمال کر رہی ہے۔

شیری رحمان کا کہنا تھا کہ الیکشن مہم میں ارکان پارلیمان اور وزراء کے حصہ لینے متعلق صدارتی آرڈیننس غیر آئینی اور غیر قانونی ہے،وفاقی حکومت کے پاس کوئی اختیار نہیں کہ وہ الیکشن کمیشن کے قوائد و ضوابط میں تبدیلی کرے،

#Tabahisarkar has prorogued parliament to pass a slew of presidential ordinances which would give their ministers the unprecedented ability to misuse state resources for campaigning for elections while in office. LB polls jolt.Shows how far gone they r in their fear of the people

— SenatorSherryRehman (@sherryrehman) February 20, 2022

شیری رحمان نے مزید کہا کہ وفاقی حکومت الیکشن کمیشن کو قوائد و ضوابط میں تبدیلی کی صرف سفارش کر سکتی ہے،وفاقی حکومت مسلسل الیکشن کمیشن کے مینڈیٹ پر ڈاکا ڈالنے کی کوشش کر رہی ہے،

شیری رحمان نے مزید کہاکہ صدر پاکستان الیکشن ایکٹ میں اپنی مرضی کی تبدیلی نہیں کر سکتے، وزراء کو الیکشن مہم چلانے کی کیسے اجازت دی جا سکتی ہے؟
وزراء کے پاس مالی وسائل ہوتے ہیں، جن کو الیکشن انتخابات پر اثرانداز ہونے کے استعمال کیا جا سکتا ہے، تحریک انصاف ضمنی اور بلدیاتی الیکشن میں شکست کے بعد بوکھلاہٹ کا شکار ہے،

شیری رحمان الیکشن کمیشن کے قوائد و ضوابط میں تبدیلی متعلق صدارتی آرڈیننس الیکشن چوری کرنے کی ایک نئی سازش ہے، شیری رحمان نے مزید کہا کہ انہوں نے کہا کہ بلدیاتی انتخابات کا جھٹکا ظاہر کرتا ہے کہ یہ کس قدر خوفزدہ ہیں، وزرا کو انتخابات کی مہم میں شامل ہونے کی اجازت ریاستی وسائل کا غلط استعمال کرنے کی بڑی مثال ہے۔

لاہور :پہلی ششماہی کے دوران گاڑیوں کی درآمد میں اضافہ:قومی خزانے میں بھی اضافہ ،اطلاعات کے مطابق جولائی سے دسمبر 2021 کے دوران درآمدات ایک ارب 40 کروڑ ڈالر سے بڑھ کر دو ارب 64 کروڑ ڈالر تک پہنچ گئی۔

ذرائع کے مطابق گاڑیوں کی درآمدات پر ٹیکس اور ڈیوٹی کی وصولی 29 ارب 34 کروڑ روپے سے بڑھ کر 70 ارب 66 کروڑ روپے تک پہنچ گئی ہیں۔ اضافی ٹیکسز سے بچنے کیلئے ضمنی مالیاتی بل سے قبل بڑی تعداد میں گاڑیاں درآمد کی گئی۔ پہلی ششماہی کے دوران تنخواہوں سے 69 ارب 82 کروڑ روپے انکم ٹیکس وصول کیا ہے

ذرائع نے بتایا کہ پہلی ششماہی کے دوران 14 ارب 69 کروڑ روپے کا اضافی بوجھ پڑے۔ جائیداد خرید وفروخت پر ایڈوانس انکم ٹیکس کی مد میں میں 5 ارب 19 کروڑ روپے اضافہ ہوا۔ بجلی بلوں کیساتھ ٹیکس وصولی 5 ارب 94 کروڑ روپے کا اضافہ ہوا۔ درآمدات پر ودہولڈنگ ٹیکس میں 41 ارب 36 کروڑ اضافہ ہوا۔

ذرائع سے معلوم ہوا ہے کہ بینکوں سے نقد رقم نکلوانے پر ٹیکس میں 6 ارب 66 کروڑ روپے کمی ہوئی۔ موبائل فونز کے بیلنس پر 3 ارب 39 کروڑ روپے کی کمی ہوئی۔ بینکوں میں سرمایہ کاری پر منافع پر ودہولڈنگ ٹیکس میں تین ارب 12 کروڑ روپے کی کمی ہوئی۔

لاہور: عثمان بزدارچھا گئے: دھابی گروپ کی پنجاب میں 60 ارب سرمایہ کاری:کامیاب دورہ ،اطلاعات کے مطابق وزیر اعلیٰ پنجاب عثمان بزدار نے دبئی کا کامیاب دورہ کیا ہے، انہوں نے متحدہ عرب امارات کے وزیرشیخ النہیان بن مبارک سے ملاقات کی، دھابی گروپ پنجاب میں60 ارب روپےکی سرمایہ کاری پرآمادہ ہو گیا۔

دبئی میں مبارک سینٹر کی تعمیر کی بحالی کیلئے مفاہمت کی یادداشت پر دستخط کی تقریب ہوئی جس میں وزیراعلیٰ پنجاب سردار عثمان بزدار نے مہمان خصوصی کی حیثیت سے شرکت کی ۔ دھابی گروپ لاہور میں مبارک سینٹر تعمیر کرے گا۔ پنجاب حکومت مبارک سینٹر کی تعمیر کے حوالے سے ہر ممکن تعاون فراہم کرے گی۔

عثمان بزدار کا کہنا ہے کہ لاہور میں تعمیراتی شعبے میں 60 ارب روپے سے زائد کی سرمایہ کاری ہو گی۔ منصوبے کی تکمیل سے بین الاقوامی کرکٹ ٹیمز کیلئے رہائش فراہم ہو سکے گی-

ادھر لاہور سے ذرائع کےمطابق عثمان بزدار اس وقت صوبے بھر میں معاشی سرگرمیوں کو تیز کرنے کے حوالے سے نئے منصوبوں پر کام کررہےہیں‌، دوردراز علاقوں تک صنعتوں کا جال بچھانےکےلیے کوشاں ہیں ، یہ بھی سُننے میں آیا ہے کہ عثمان بزدار بہت جلد اس حوالے سے اہم اعلانات کریں گے تاکہ صوبے میں معاشی ترقی کے مزید مواقع پیدا ہوں

کراچی :بھارتی ماہی گیروں کی طرف سے پاکستانی سمندری حدود کی خلاف ورزی جاری ہے ، ادھر پاکستانی سمندری حدود میں غیر قانونی شکار کرنے والی 05 بھارتی ماہی گیر کشتیوں کو پکڑ لیا گیا

18 فروری 2022 کو، پی ایم ایس اے کےجہاز نے PAK EEZ میں گشت کے دوران 05 ہندوستانی ماہی گیر کشتیوں کو 31 عملے کے افراد کیساتھ گرفتار کیا، جو کہ پاکستانی سمندری حدود کے اندر غیر قانونی شکار میں مصروف تھیں۔

کشتیوں کو پاکستانی قانون اور سمندر کے قانون سے متعلق اقوام متحدہ کے کنونشن کے مطابق مزید قانونی کارروائی کے لیے کراچی لے جایا گیا۔

اس سے چند دن پہلے پاکستان میری ٹائم سکیورٹی ایجنسی(پی ایم ایس اے) نےکھلے سمندر میں سرکریک کے قریب سے پاکستانی سمندری حدود میں غیر قانونی طور پر داخل ہونے والے 13 ماہی گیروں کو گرفتار کرلیا تھا ۔

یاد رہے کہ اس دوران پاکستانی ماہی گیروں کی حفاظت کے لیے ‘آپریشن مستعد’ کے نام سے ایک فوکس آپریشن شروع کیا گیا کیونکہ یہ اطلاع ملی تھی کہ بھارتی ایجنسیاں جان بوجھ کر پاکستانی ماہی گیروں کو پاکستانی سمندری حدود میں سے گرفتار کرتی ہیں۔

ترجمان کے مطابق اس آپریشن کے دوران 5 فروری کو پی ایم ایس کے جہاز نے دو بھارتی ماہی گیرکشتیاں پکڑیں جن میں 13 ماہی گیر سوار تھے جو کہ پاکستانی زون کے اندر شکار میں مصروف تھے۔

ترجمان کا کہنا ہےکہ بھارتی کشتیاں اوکھا سے آتی ہیں جو پاکستان سے 70 ناٹیکل کے فاصلے پر ہے، یہ عمل ہمارے انڈس ڈیلٹا کے خطے میں جان بوجھ کر چھیڑ چھاڑ کا ذریعہ بن رہا ہے۔

ترجمان پاکستان میری ٹائم سکیورٹی ایجنسی کا کہنا ہے کہ دونوں کشتیوں کو پاکستانی اور سمندر کے قانون سے متعلق اقوام متحدہ کے کنونشن کی خلاف ورزی پر مزید قانونی کارروائی کے لیے کراچی لایا گیا ہے۔

اسلام آباد: آصف علی زرداری کی طرف سے عیشائیے کی دعوت ملتے ہی مولانا فضل الرحمن نے ہاں کردی ،اطلاعات کے مطابق وزیراعظم عمران خان کے خلاف اپوزیشن کی تحریک عدم اعتماد کے معاملے پر سابق صدر آصف زرداری ،پی ڈی ایم کے سربراہ مولانا فضل الرحمان سے کل اہم ملاقات کریں گے۔

ذرائع کے مطابق مولانا فضل الرحمان سابق صدر آصف علی زرداری کے اعزاز میں عشائیہ بھی دیں گے، ملاقات میں تحریک عدم اعتماد سے متعلق تفصیلی مشاورت ہوگی اور حکومتی اتحادیوں سے رابطوں سے متعلق تبادلہ خیال بھی کیا جائے گا،ملاقات میں ملک کی مجموعی سیاسی صورت حال پر بھی گفتگو ہوگی۔

واضح رہے کہ اپوزیشن حکومت پر دباو بڑھنے کیلئے پوری قوت سے میدان عمل میں اترنے کی تیاریاں کر رہی ہے، پاکستان پیپلزپارٹی نے حکومت کیخلاف 27 فروری سے لانگ مارچ کا اعلان بھی کر رکھا ہے تو دوسری جانب حکومتی جماعت کی وکٹیں گرانے کیلئے اپوزیشن نے جوڑ توڑ کیلئے کوششوں کا عمل بھی شروع کر رکھا ہے۔

ادھر ذرائع کا کہنا ہے کہ حکومت بھی دعوے کررہی ہے کہ اپوزیشن کے 15 سے زائد ارکان کا ان سے رابطہ ہے، یہ ارکان اسمبلی کون ہیں ان کے نام بتانے کے حکومت گریز کررہی ہے ، اس کے ساتھ ساتھ حکومت اور اپوزیشن کے ان ارکان کے رابطوں کے حوالے سے یہ بھی معلوم ہوا ہے کہ ان میں سے 7 ن لیگ کے ہیں ، 3 پاکستان پیپلزپارٹی سے تعلق رکھتے ہیں اور باقی پانچ دیگر مختلف جماعتوں سے تعلق رکھتے ہیں لیکن ان کے نام ظاہر کرنے سے معذرت کرلی گئی ہے