Baaghi TV

Author: +9251

  • نیٹ فلیکس کو بھارت میں بہت زیادہ نقصان اٹھانا پڑرہا ہے:عالمی ذرائع ابلاغ

    نیٹ فلیکس کو بھارت میں بہت زیادہ نقصان اٹھانا پڑرہا ہے:عالمی ذرائع ابلاغ

    کیلی فورنیا :نیٹ فلیکس کو بھارت میں بہت زیادہ نقصان اٹھانا پڑرہا ہے:عالمی ذرائع ابلاغ،اطلاعات کے مطابق Netflix کے CEO Reed Hastings نے کیلی فورنیا میں شکوہ کرتے ہوئے کہا ہے کہ بھارت میں نیٹ فلیکس کو توقع سے کم پزیرائی ملی ہے جس سے بہت زیادہ مالی نقصان پہنچا ہے،

    Netflix کے CEO Reed Hastings نے 2018 میں دہلی میں ایک عالمی بزنس سمٹ میں بتایا کہ سٹریمنگ دیو کے اگلے 100 ملین سبسکرائبرز "ہندوستان سے آئیں گے” کیونکہ وسعت اور سستے انٹرنیٹ کی وجہ سے یہ ایک بہت بڑی منڈی ہے

    تین سال بعد، مسٹر ہیسٹنگز اتنے پرجوش نہیں ہیں۔ پچھلے ہفتے ایک سرمایہ کار کی کال پراس نے کیلیفورنیا میں قائم فرم کی بھارت میں کامیابی کی کمی پر افسوس کا اظہار کیا۔

    Netflix کے CEO Reed Hastings نے کہاکہ "بہت اچھی خبر ہر دوسری بڑی مارکیٹ میں ہے، ہمارے پاس فلائی وہیل گھوم رہی ہے۔ ہمیں مایوس کرنے والی چیز یہ ہے کہ ہم ہندوستان میں اتنے کامیاب کیوں نہیں ہوئے۔ لیکن ہم یقینی طور پر وہاں جھک رہے ہیں،” انہوں نے کہا۔

    اندازے کے مطابق 5.5 ملین ادائیگی کرنے والے صارفین کے ساتھ، دنیا کا سب سے بڑا اسٹریمر صنعت کے اندازوں کے مطابق، اپنے اہم حریفوں Disney+ Hotstar (46 ملین) اور Amazon Prime Video (19 ملین) سے پیچھے ہے۔

    Netflix نے 2018 میں Sacred Games، ایک وسیع و عریض گینگسٹر ایپک کے ساتھ ایک زبردست آغاز کیا ۔ بالی ووڈ کے A-listers کے ساتھ جڑے ہوئے اور ہندوستان کے دو بہترین فلم سازوں کے زیر ہدایت، چیکنا تھرلر نے فوری طور پر پذیرائی حاصل کی۔

    دی اکانومسٹ میگزین نے اس بات کی تعریف کی کہ Netflix کی پہلی اصل سیریز نے ثابت کیا کہ "پرانے اسکول کے ہندی فلمی ٹیلنٹ، ہالی ووڈ کی اقدار اور سلیکون ویلی کے اربوں کے نئے امتزاج” کا مستقبل ہے۔

    Netflix کے CEO Reed Hastings کہتےہیں کہ اس کے باوجود ان کو مایوسی ہوئی ہے کہ بھارت میں انکو وہ پزیرائی حاصل نہ کرسکے جس کی تگ و دو میں بہت زیادہ کوششیں بھی کی گیں

  • ایرانی سرحد سے متصل بلوچستان کےعلاقہ کیچ میں دہشت گردوں کےحملےمیں پاک فوج کے10 جوان شہید

    ایرانی سرحد سے متصل بلوچستان کےعلاقہ کیچ میں دہشت گردوں کےحملےمیں پاک فوج کے10 جوان شہید

    کوئٹہ:ایرانی سرحد سے متصل بلوچستان کے علاقہ کیچ میں دہشت گردوں کے حملے میں پاک فوج کے10 جوان شہید،اطلاعات کے مطابق بلوچستان میں دہشتگردوں کیساتھ لڑائی میں پاک فوج کے 10 جوان وطن پر قربان ہو گئے۔

    پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق بلوچستان کے ضلع کیچ میں سکیورٹی فورسز کی چیک پوسٹ پر دہشتگردوں نے حملہ کیا، حملہ 25 اور 26 جنوری کی درمیانی شب کیا گیا۔

    آئی ایس پی آر کے مطابق اس دوران فائرنگ کا تبادلہ ہوا۔ فائرنگ کے تبادلے میں پاک فوج کے 10 جوان شہید ہو گئے جبکہ ایک دہشتگرد ہلاک ہوا اور متعدد زخمی ہوئے۔

    آئی ایس پی آر کے مطابق 3 دہشتگردوں کو گرفتار کر لیا گیا۔ کلیئرنس آپریشن ابھی تک جاری ہے جو کہ ملزمان کو انجام تک پہنچانے کے لیے جاری رہے گا۔ ارض پاک سے دہشتگردوں کے مکمل خاتمہ تک سکیورٹی فورسز پرعزم ہیں۔ چاہے اس کے لیے جو بھی قیمت چکانی پڑے۔

    کیچ بلوچستان کا ایران سے متصل ضلع ہے۔ یہ علاقہ بلوچستان کے دارالحکومت کوئٹہ سے اندازاً آٹھ سو کلو میٹر کے فاصلے پر جنوب مغرب میں واقع ہے۔ رواں سال کے دوران کیچ میں سکیورٹی فورسز پر یہ اپنی نوعیت کا سب سے بڑا حملہ ہے۔ کیچ انتظامی لحاظ سے مکران ڈویژن کا حصہ ہے۔ بلوچستان کے دیگر دو اضلاع گوادر اور پنجگور بھی انتظامی لحاظ سے مکران ڈویژن کا حصہ ہیں۔

    اس حوالے سے شیخ رشید کا کہنا تھا کہ دہشتگردی کے خلاف دو دہائیوں پر محیط ایک طویل جنگ کے بعد اب پاکستان میں دہشت گردوں کے خلاف لڑنے اور معلومات اکٹھی کرنے کا نظام کافی بہتر ہے لیکن آئندہ دو ماہ تک ملک میں دہشت گردی کے واقعات میں اضافے کا خدشہ ہے تاہم دہشتگردی کی اس تازہ لہر پر قابو پا لیا جائے گا۔

  • مستقبل کی جنگوں میں چیلنجز سے نمٹنے کیلئے تیاریاں ضروری ہیں: آرمی چیف

    مستقبل کی جنگوں میں چیلنجز سے نمٹنے کیلئے تیاریاں ضروری ہیں: آرمی چیف

    ملتان:آرمی چیف جنرل قمر جاوید باجوہ نے مستقبل کی جنگوں میں درپیش چیلنجز سے نمٹنے کے لیے ذہنی اور جسمانی تیاریاں نہایت ضروری ہیں۔

    پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق سپہ سالار جنرل قمر جاوید باجوہ نے ملتان گیریژن کادورہ کیا، کور کمانڈر سدرن کمانڈ لیفٹیننٹ جنرل محمد چراغ حیدر نے سپہ سالار کا استقبال کیا۔

    آئی ایس پی آر کے مطابق آرمی چیف نے پیشہ ورانہ معیار کو سراہتے ہوئے کہا کہ مستقبل کی جنگوں میں درپیش چیلنجز سے نمٹنے کے لیے ذہنی اور جسمانی تیاریاں نہایت ضروری ہیں ۔

    انہوں نے میدان جنگ میں درپیش چیلنجز اور خطرات سے نمٹنے کے لیے آپریشنل منصوبہ بندیوں اور حکمت عملی کی توثیق کی ۔

  • یکم فروری سے ڈنمارک میں تمام کورونا پابندیاں ختم کردیں گے:وزیراعظم کا اعلان

    یکم فروری سے ڈنمارک میں تمام کورونا پابندیاں ختم کردیں گے:وزیراعظم کا اعلان

    ڈنمارک :یکم فروری سے ڈنمارک میں تمام کورونا پابندیاں ختم کردیں گے:وزیراعظم کا اعلان،اطلاعات کے مطابق ڈنمارک کی وزیراعظم نے اعلان کیا ہے کہ بہت جلد اسی ہفتے کے اختتام تک ملک کو ہر قسم کی کورونا پابندیوں سے آزاد کردیں گے اور اس کے بعد تمام شہری بھی معمول کی زندگی کی طرف لوٹ آئیں گے

    اس حوالے سے ڈنمارک کی وزیر اعظم میٹ فریڈرکسن نے وبائی کمیشن کی سفارشات کے بعد اور تمام اہم سیاسی جماعتوں کی حمایت کے ساتھ ایک پریس کانفرنس میں کہا۔ آخری پابندیاں یکم فروری کو ہٹا دی جائیں گی۔

    یہ اعلان ایسے وقت میں سامنے آیا ہے جب Omicron کا ایک نیا ذیلی قسم، BA.2، ڈنمارک میں قدم جما رہا ہے اور بدھ کو 46,000 نئے COVID-19 کیسز کے ساتھ انفیکشنز کو بڑھا رہا ہے۔

    فریڈرکسن نے کہا، "حالیہ ہفتوں میں انفیکشن کی شرح بہت زیادہ دیکھی گئی ہے، حقیقت میں پوری وبائی بیماری میں سب سے زیادہ ہے۔” "لہذا، یہ عجیب اور متضاد معلوم ہوسکتا ہے کہ اب ہم پابندیوں کو چھوڑنے کے لیے تیار ہیں۔”

    وزیر صحت میگنس ہیونیک نے مزید کہا: "ڈنمارک کی صورتحال یہ ہے کہ ہمارے پاس انفیکشنز اور انتہائی نگہداشت کے مریضوں کے درمیان یہ فرق ہے، اور اس کی بنیادی وجہ یہ ہےکہ حکومت کے پاس کورونا سے نمٹنے کے لیے زبردست حفاظتی انتظآمات موجود ہیں‌

    ڈینش ہیلتھ اینڈ میڈیسن اتھارٹی کے مطابق، ڈنمارک کی تقریباً 82 فیصد آبادی کو مکمل طور پر دو خوراکوں سے ٹیکہ لگایا گیا ہے، جن میں سے 50 فیصد کو تیسری خوراک بھی دی جارہی ہے

  • لاہور:ماں اور 3 بچوں کے قتل کیس کا ڈراپ سین،سگا بیٹا ہی قاتل نکلا

    لاہور:ماں اور 3 بچوں کے قتل کیس کا ڈراپ سین،سگا بیٹا ہی قاتل نکلا

    لاہوار:ماں اور 3 بچوں کے قتل کیس کا ڈراپ سین،سگا بیٹا ہی قاتل نکلا،اطلاعات کےمطابق لاہور کے نواحی علاقےکاہنہ میں ماں اور 3 بچوں کےقتل کیس کا ڈراپ سین ہوگیا، بیٹا ہی ماں اور 3 بھائی بہنوں کا مبینہ قاتل نکلا ۔

    کاہنہ میں 19جنوری کو 45 سالہ لیڈی ہیلتھ وزیٹرناہید مبارک ، ان کے 20 سالہ بیٹے تیمور، 13 سالہ بیٹی ماہ نور اور 8سالہ بیٹی جنت فاطمہ کو سر میں گولیاں مار کر انتہائی بے دردی سے قتل کر دیا گیا تھا۔

    پولیس کے مطابق مقتولہ ناہید مبارک کے چھوٹے بیٹےفورتھ ائیر کے طالب علم 18 سالہ علی زین نے ڈرامہ رچایا تھا کہ وہ کلینک میں سونے کی وجہ سے بچ گیا۔

    پولیس نے علی زین اور ناہید مبارک کے سابق شوہر کو حراست میں لے کر پوچھ گچھ کی تو علی زین نے ماں اور تینوں بہن بھائیوں کے قتل کااعتراف کر لیا۔پولیس نے ملزم سے آلہ قتل برآمد کر لیا ہے، ملزم نے پولیس کو بتایا کہ اس نے پب جی کھیلتے ہوئے ماں اور بھائی بہنوں کوگولیاں ماریں۔

    ایس ایس پی انویسٹی گیشن عمران کشور کا کہنا ہے کہ زین نےہی پب جی کھیلتے ہوئے ماں اور تینوں بھائی بہنوں کو قتل کیا، ایس پی انویسٹی گیشن عمارہ کہتی ہیں کہ انہیں ابھی ملزم پر شبہ ہے۔

    پولیس کو موقع سے ملنے والے کچھ فنگر پرنٹس کے لیے فارنزک سائنس ایجنسی کی رپورٹ کا انتظار ہے جس کے بعد ملزم کو عدالت میں پیش کیا جائےگا۔

  • نیا پاکستان صحت کارڈ وزیراعظم کے ریاست مدینہ کے تصور کی تعبیر ہے: راجہ شیراز کیانی

    نیا پاکستان صحت کارڈ وزیراعظم کے ریاست مدینہ کے تصور کی تعبیر ہے: راجہ شیراز کیانی

    اسلام آباد : نیا پاکستان صحت کارڈ وزیراعظم کے ریاست مدینہ کے تصور کی تعبیر ہے:اطلاعات کے مطابق پاکستان تحریک انصاف اسلام آباد کے مرکزی رہنما اور رکن ریجنل ایڈوائزری کمیٹی اسلام آباد ڈویژن راجہ شیراز کیانی نے کہا ہے کہ اسلام آباد کی 100 فیصد آبادی کے لیے نیا پاکستان صحت کارڈ کا اجرا وزیراعظم عمران خان کے ریاست مدینہ کے تصور کی تعبیر ہے پاکستان بلاشبہ ایک اسلامی فلاحی ریاست کی طرف بڑھ رہا ہے،

    ان خیالات کا اظہار انہوں نے جمرات کو اپنے ایک بیان میں کیا، راجہ شیراز کیانی نے کہا کہ انصاف کارڈ سے اسلام آباد سمیت پنجاب اور خیبر پختونخوا کے لاکھوں شہری مستفید ہوں گے اور لوگوں کے صحت کے بجٹ کا خرچ بچے گا انہوں نے کہا کہ اسلام آباد میں یہاں کے مستقل رہائشی بلا تفریق اپنی مرضی کے ہسپتالوں سے علاج کروا سکیں گے

    انہوں نے کہا کہ چاہے لنگر خانوں کا منصوبہ ہو یا پناہ گاہوں کا اور اب صحت سہولت کارڈ یہ سب منصوبے ملک کے پسماندہ طبقے کی فلاح کے لیے ہیں جن کا کبھی پاکستان کی تاریخ میں سوچا نہیں گیا ہمارا پورا سسٹم صرف ایلیٹ کو سہولیات فراہم کرتا تھا اور غریب صرف ٹھوکریں کھانے کے لیے تھا انہوں نے کہا کہ غریب کا تعلق ریاست کے ساتھ تبھی مضبوط ہوسکتا ہے جب ریاست غریب کا خیال رکھے اور یہی وہ نظریہ جو عمران خان نے دیا اور آج اس پر عملدرآمد ہورہا ہے

  • پی ٹی آئی ، ایم کیوایم جماعت اسلامی کےبعد اے این پی کا سندھ حکومت کے خلاف احتجاج

    پی ٹی آئی ، ایم کیوایم جماعت اسلامی کےبعد اے این پی کا سندھ حکومت کے خلاف احتجاج

    کراچی:پی ٹی آئی ، ایم کیوایم جماعت اسلامی کےبعد اے این پی کا سندھ حکومت کے خلاف احتجاج ،اطلاعات کے مطابق سندھ میں بلدیاتی قانون کیخلاف ہونے والے احتجاج میں ایک اور پارٹی نے کودنے کا فیصلہ کر لیا۔ اے این پی نے احتجاجی مہم تیز کرنے کا فیصلہ کیا ہے۔

    خیال رہے کہ سندھ میں بلدیاتی قانون کیخلاف جماعت اسلامی، ایم کیو ایم، پی ٹی آئی سمیت سندھ کی بڑی جماعتوں نے احتجاجی سلسلہ شروع کیا ہوا ہے، 20 روز سے زائد عرصے سے جماعت اسلامی نے کراچی میں دھرنا دیا ہوا ہے، گزشتہ روز ایم کیو ایم نے وزیراعلیٰ ہاؤس کے سامنے احتجاج کیا جس کے باعث پولیس نے لاٹھی چارج کیا ، اس کی زد میں آ کر ایک ایم کیو ایم کا کارکن زندگی کی بازی ہار گیا تھا۔

    دوسری طرف پیپلز پارٹی کی سندھ حکومت کی مشکلات میں مزید اضافہ ہو گیا ہے، اے این پی نے کراچی میں احتجاجی سیاست، رابطہ عوامی مہم تیز کرنے کا فیصلہ کر لیا ہے، پیپلزپارٹی کی ہم خیال عوامی نیشنل پارٹی نے بھی سندھ کے ترمیمی بلدیاتی قانون کی مخالفت کردی۔

    اے این پی نے سندھ لوکل گورنمنٹ ترمیمی ایکٹ کے خلاف احتجاج کا فیصلہ کیا ہے، پی پی رہنماؤں کی کوششوں کے باوجود عوامی نیشنل پارٹی نے سندھ کے بلدیاتی قانون کی حمایت سے انکار کر دیا ہے۔اے این پی رہنما بلدیاتی قانون کے خلاف جماعت اسلامی کے جاری دھرنے میں آج شریک ہونگے۔

  • پی ایس ایل7: کراچی کنگز کو پہلے میچ میں شکست، ملتان سلطانز 7 وکٹوں سے کامیاب

    پی ایس ایل7: کراچی کنگز کو پہلے میچ میں شکست، ملتان سلطانز 7 وکٹوں سے کامیاب

    کراچی : پاکستان سپر لیگ( پی ایس ایل) کے ساتویں ایڈیشن کے پہلے ٹاکرے میں ملتان سلطانز نے کراچی کنگز کو باآسانی 7 وکٹوں سے شکست دے دی۔

    کراچی میں پاکستان سپر لیگ (پی ایس ایل) 7 کے افتتاحی میچ میں ملتان سلطانز کے کپتان محمد رضوان نے ٹاس جیت کر پہلے کنگز کے کپتان بابر اعظم کو بیٹنگ کی دعوت دی تھی ۔

    ملتان سلطانز اننگز

    125رنز ہدف کے تعاقب میں ملتان سلطانز کی جانب سے کپتان محمد رضوان اور شان مسعود نے اننگز کا آغاز کیا،کراچی کنگز کے عامر یامین نے پہلا اوور کرایا۔

    ملتان سلطانز نے 125رنز کا ہدف صرف 3وکٹ کے نقصان پر حاصل کرلیا،فاتح ٹیم کے شان مسعود 26 رنز بناکر محمد الیاس کی گیند پر لوئس گریگوری کو کیچ دے بیٹھے، صہیب مقصود 30 اور ریلی روسو 2 سکور بناکر محمد نبی کا شکار بنے، محمد رضوان۔۔۔ اور ٹم ڈیوڈ رنز بناکر ناقابل شکست رہے،شکست خوردہ ٹیم کی جانب سے محمد الیاس نے 1 اور محمد نبی نے 2کھلاڑیوں کو پویلین کی راہ دکھائی۔۔

    پاکستان سپر لیگ(پی ایس ایل) کے ساتویں ایڈیشن کے افتتاحی میچ میں کراچی کنگز نے ملتان سلطانز کو جیت کے لئے125 رنز کا ہدف دے دیا ہے۔

    کراچی میں پاکستان سپر لیگ (پی ایس ایل) 7 کے افتتاحی میچ میں ملتان سلطانز کے کپتان محمد رضوان نے ٹاس جیت کر پہلے کنگز کے کپتان بابر اعظم کو بیٹنگ کی دعوت دی ۔

    کراچی کنگز اننگز

    کراچی کنگز کی جانب سے شرجیل خان اور کپتان بابر اعظم نے اننگز کا آغاز کیا جبکہ ملتان سلطانز کے ڈیوڈ ویلی نے پہلا اوور کرایا۔ شرجیل خان 43 رنز بناکر عمران طاہر کی گیند پر شان مسعود کو کیچ دے بیٹھے،بابر اعظم 23 سکور بناکر خوشدل شاہ کی گیند پر پویلین لوٹ گئے۔

    محمد نبی نے 10 سکور بنائے اور عمران طاہر کا شکار بنے جبکہ ٹام لیمنبے صرف 1 رنز بناکر عمران طاہر کو ہی وکٹ دے بیٹھے جوئے کلارک کی اننگز 26 سکور پر ختم ہو گئی۔ شاہنواز دھانی نے کھلاڑی کو آؤٹ کیا۔

    میزبان ٹیم نے مقررہ 20 اوورز میں 5 وکٹ کے نقصان پر 124 رنزبنائے۔

    پاکستان سپر لیگ 2022 کے میچز دو مرحلوں میں کھیلے جائیں گے، پہلا مرحلہ کراچی اور دوسرا لاہور میں منعقد ہو گا۔

    لیگ میں وائرس کا پھیلاؤ روکنے کے لیے کراچی میں صرف 25 فیصد شائقین کے ساتھ میچز کے انعقاد کا فیصلہ کیا گیا ہے اور صرف 8 ہزار شائقین کو اسٹیڈیم میں داخلے کی اجازت ہو گی۔

    6 ٹیموں پر مشتمل ٹورنامنٹ میں 34 میچ کھیلے جائیں اور 32 دنوں میں ٹورنامنٹ مکمل ہوجائے گا۔

     

    محمد رضوان : 

    ٹاس جیتنے کے بعد ملتان سلطانز کے کپتان محمد رضوان نے کہا کہ ہم پہلے بولنگ کریں گے،  ہم سب سے پہلے حالات کا جائزہ لینا چاہیں گے اور دیکھنا چاہیں گے کہ ہمارے لیے چیزیں کیسے نکلتی ہیں۔ کراچی میں گزشتہ پی ایس ایل سیزن میں اچھی کارکردگی کا مظاہرہ نہیں کیا تھا تاہم اس بار بہتر کارکردگی دکھانے کی کوشش کریں گے۔

    بابر اعظم:

    کراچی کنگز کے کپتان بابر اعظم نے کہا کہ کراچی کنگز کی کپتانی کر کے اچھا لگ رہا ہے، اپنی ذمہ داری اچھی طریقے سے نبھاؤں گا، ہر ٹیم پلان کر کے میدان میں اترتی ہے۔

     

    میچ کے لیے دونوں ٹیمیں ان کھلاڑیوں پر مشتمل ہیں۔

    کراچی کنگز: بابر اعظم(کپتان)، شرجیل خان، جو کلارک، محمد نبی، ٹام لیمونبی، لوئس گریگری، عامر یامین، محمد عمران، محمد طحہٰ، عمید آصف، ممد، الیاس

     

     

    محمد رضوان(کپتان)، شان مسعود، صہب مقصود، رائلی روسو، خوشدل شاہ، ٹم ڈیوڈ، ڈیوڈ ولی، عمران طاہر، عمران خان سینئر، شاہنواز دھانی، احسان اللہ

  • کرپٹ طارق محمود الحسن وزیراعظم کا مشیربن چکاہے: احمد جواد

    کرپٹ طارق محمود الحسن وزیراعظم کا مشیربن چکاہے: احمد جواد

    لاہور:کرپٹ طارق محمود الحسن وزیراعظم کا مشیربن چکاہے،اطلاعات کے مطابق پاکستان تحریک انصاف کے سابق کارکن و رہنما اس وقت سخت غُصے میں آگئے ہیں اور انہوں نے پارٹی میں کرپٹ لوگوں کی موجودگی پرسوالات اٹھائے ہیں‌، ان کا کہنا ہے کہ وہ پارٹی کے خلاف آواز بلند کرتے رہیں گے

    احمد جواد کہتے ہیں کہ پی ٹی آئی میں اکثرلوگ جانتے ہیں کہ ایک ایسے شخص کو پنجاب اورسیز انگلینڈ کا وائس چیرمین بنایا گیا جس پر انگلینڈ میں کرپشن کے الزام لگے، احمد جواد کہتے ہیں کہ اس تعیناتی کے خلاف پارٹی ورکرز نے سوشل میڈیا پر شور کیا تو اسے عہدے سے ہٹا دیا گیا

    پارٹی سے نکالے جانے والےاحمد جواد مزید کہتے ہیں کہ کچھ عرصے بعد اسی شخص یعنی طارق محمود الحسن کو پنجاب اورسیز کمیشن کا چیرمین بنا دیا گیا وہاں اس پر پیسے لینے کے الزام لگے میری فیس بک بھری ھے یورپ کے ورکروں نے سوشل میڈیا پر شور ڈالا تو اس کو ترقی دے کا وزیر اعظم پاکستان کا اورسیز کے لیے خصوصی مشیر لگا دیا گیا

    احمد جواد اس حوالے سے کہتےہیں کہ اس شخص کا نام طارق محمود الحسن ھے ،

    احمد جواد کہتے ہیں‌ پارٹی میں جس پرانگلی اٹھائی جاتی ہے اس کو عہدے سے نواز دیا جاتا ہےاورطارق محمود الحسن بھی ان خوش قسمت لوگوں میں شامل ہیں جو کرپشن بھی کرتے ہیں اور پاتے ہیں مقام

    احمد جواد کہتے ہیں کہ جب طارق محمود الحسن کو پہلی بار پنجاب اوورسیز انگلینڈ کا وائس چیئرمین بنایا گیا تو اس وقت بھی کارکنان نے احتجاج کیا تھا اور اب وہ مشیر وزیراعظم بن گئے اور پھراحتجاج ہوا لیکن اس احتجاج کی پرواہ تک نہ کی گئی

  • فرانس میں بھارتی یوم جمہوریہ کویوم سیاہ کے طورپرمنایا گیا،احتجاجی جلسہ بھی کیا

    فرانس میں بھارتی یوم جمہوریہ کویوم سیاہ کے طورپرمنایا گیا،احتجاجی جلسہ بھی کیا

    پیرس ( صاحبزادہ عتیق سے)فرانس میں بھارتی یوم جمہوریہ کویوم سیاہ کے طورپرمنایا گیا،احتجاجی جلسہ بھی کیا ،اطلاعات کے مطابق دنیا بھر میں بسنے والے کشمیری 26جنوری بھارت کے یوم جمہوریہ کو یوم سیاہ کے  طور پر مناتے ہیں، فرانس کے دارالحکومت پیرس میں بھی جموں و کشمیر فورم فرانس نے بھارت کے یوم جمہوریہ کو یوم سیاہ کے طور پر مناتے ہوئے ایک تقریب کا انعقاد کیا

    میزبان تقریب چیئرمین جموں وکشمیر فورم فرانس نعیم چوہدری تھے،اس موقع پر چیرمین نعیم چوہدری ،صدر مرزا خالق جرال سئنیر نائب صدر نوید غوث ،جنرل سیکڑی راشد جرال اور انکے ساتھیوں نے آنیوالے معزز مہمانوں کو خوش آمدید کہا اور تقریب میں شرکت کرنے پر شکریہ ادا کیا

    اس موقع پر چیئرمین جموں وکشمیر فورم فرانس نعیم چوہدری کا کہنا تھا کہ اس دن کو منانے کا مقصد مقبوضہ جموں وکشمیر میں قابض بھارتی افواج کی جانب سے وسیع پیمانے پر انسانی حقوق کی خلاف ورزیوں، بے گناہ کشمیریوں کی زیر حراست ہلاکتوں اور مسلسل مظالم کی طرف دنیا کی توجہ دلانا ہے ،

    قائم مقام صدر مسلم لیگ(ن) سردار ظہور احمد نے کہا ہے کہ یوم جمہوریہ کے موقع پر کشمیری قوم کا احتجاج اس امر کا مظہر ہے کہ بھارت میں نہ تو حقیقی جمہوریت رائج ہے اور نہ ہی وہاں اقلیتوں کے حقوق محفوظ ہیں۔ صدر جموں وکشمیر فورم فرانس مرزا اخلاق جرال نے کہا کہ یوم سیاہ منانے کا مقصد عالمی برادری کی توجہ جموں وکشمیر پر بھارت کے غیرقانونی اور غاصبانہ قبضے کی طرف دلانا ہے ،بانی پاکستان پریس کلب (رجسٹرڈ) فرانس صاحبزادہ عتیق الرحمن نے کہا کہ قابض بھارتی فوج نے مقبوضہ کشمیرکو فوجی چھاؤنی میں بدل دیا۔75سال سے کشمیری حق خودارادیت کی جدوجہد کر رہے ہیں، لاکھوں بھارتی فوجیوں کو کشمیریوں کی خواہشات کچلنے کے لیے تعینات کیا گیا،

    چئیرمین پاکستان مسلم لیگ(ن) فرانس راجہ علی اصغر نے کہا کہ دنیا کی سب سے بڑی جمہوریت کی دعویدار بھارتی حکومت نے کشمیر پر اپنا غیر قانونی اور نا جائز تسلط قائم کر رکھا ہے جبکہ غیر قانونی طور پر کشمیریوں کی سر زمین میں اپنی فوجیں داخل کر کے مارشل لاء نافذ کر کے بندوق کے زور پر جمہوریت کو پروان چڑھانے کی لاحاصل کو شش کی جا رہی ہے۔

    جنرل سیکرٹری پاکستان مسلم لیگ (ن) شیخ وسیم اکرم نے کہا کہ مقبوضہ جموں و کشمیر پر چھائی ہوئی ظلم کی سیاہ رات بھی ان شا اللہ جلد ہی ختم ہو گی اور آزادی کا سورج ضرور طلوع ہوگا۔ ان شا اللہ ! وہ دن ضرور طلوع ہوگا کہ جب جموں و کشمیر کے عوام اپنا یوم آزادی کسی خوف کے بغیر منائیں گے،فرانس کی معروف شخصیت چوہدری صفدر برنالی نے کہا ہے کہ بھارت کا یوم آزادی ہو یا یوم جمہوریت یا پھر کوئی اور خوشی کا دن.کشمیری عوام کے لیے بھارت کا ہر ایک خوشی و شادمانی کا قومی دن یوم سیاہ کی حیثیت رکھتا ہے۔اور کیوں نہ ہوکہ جب کوئی قوم یا کوئی ملک نا جائز تسلط جما کر دوسری قوم یا ریاست کے عوام کو محکومی کی زندگی گزارنے پر مجبور کر دے تو محکوم قوم کے مظلوم افراد ظالم کے خلاف سینہ سپر نہ ہوں، احتجاج نہ کریں تو پھر کیا کریں۔

    یوم سیاہ احتجاجی جلسہ کے سٹیج سیکرٹری کے فرائض جنرل سیکرٹری جموں وکشمیر فورم فرانس راشد رضا جرال نے ادا کئے ،انہوں نے کہا کہ نام نہاد جمہوریت کا دعویدار بھارت میں سرعام جمہوری اقدار کی پامالی کرتے ہوئے سکھوں، عیسائیوں اور مسلمانوں کے حقوق کو سرعام غصب کررہا ہے بلکہ نیچ ذات کے ہندو بھی استحصالی طبقہ کی چیرہ دستیوں سے کسی بھی طرح محفوظ نہیں ہیں۔

    یوم سیاہ احتجاجی جلسہ میں مسلم لیگ ن فرانس ، تحریک انصاف فرانس ، پاکستان پریس کلب پیرس فرانس ، پاکستان بزنس فورم فرانس ، ہیومن رائٹس کمیشن ، ادارہ منہاج القرآن فرانس ، انجمن فلاح دارین فرانس ، پوٹھوہار ایسوسی ایشن فرانس ، کرائی ایسوسی ایشن فرانس و دیگر سیاسی و سماجی تنظیموں نے شرکت کی۔ پ
    اس موقع پر تحریک آزادی کشمیر اور شہد ائےکشمیر کے لئےدُعا بھی مانگی گئی۔یوم سیاہ کی تقریب فرانس آزاد کشمیر اور پاکستان کی مختلف سیاسی جماعتوں کے رہنماؤں ، پاکستانی و کشمیری کمیونٹی نے شرکت کی ۔