Baaghi TV

Author: +9251

  • عطائیت نے ایک اوربے بس کواپاہج بنا دیا:خاندان پریشان ،بے حس حکام

    عطائیت نے ایک اوربے بس کواپاہج بنا دیا:خاندان پریشان ،بے حس حکام

    لاہور:عطائیت نے ایک اوربے بس کواپاہج بنا دیا:خاندان پریشان ،بے حس حکام،اطلاعات کے مطابقطائی عطائیت نے ایک کو اپاہج بنادیا معمولی بخار کی دوا لینے آنے والی خاتون عطائی کے غلط انجکشن سے اپنی ٹانگ کٹوابیٹھی۔ افوسناک واقعہ مریدکے نواحی علاقہ مبارک باد میں پیش آیا۔خاتون کے ورثا نے حصول انصاف کےدرخواست دے دی

    دو ماہ قبل معمولی بخار ہونے پر عظمی نامی خاتون نجی ڈسپنسری سے میڈیسن لینے گی مبینہ عطاٸی ڈاکٹر جس نے کولہے پر انجکشن لگایا گھر أنے پر خاتون کی ٹانگ میں شدید درد شروع ھو گیا اور زخم بن گیا جس پر دوبارہ عطاٸی ڈاکٹر سے رجوع کیا تو اس نے کہا دوسری ٹانگ پر بھی انجکشن لگوا لو تا کہ دونوں ٹانگیس ایک جیسی ہوجاٸیں ۔

     

    تکلیف بڑھنے پر ایک ہفتہ قبل عظمی بی بی کو علاج کے لئے لاھور میو ہسپتال پہچا دیا جہاں ڈاکٹرز کے مطابق غلط انجکشن لگنے کی وجہ سے خاتون کی ٹانگ شدید متاثر ہو ئی۔تاہم خاتون کی جان بچانے کے لئے ٹانگ کاٹنی پڑی متاثرہ خاتون کے بیٹے ذیشان نے عطاٸی ڈاکٹر کے خلاف ڈپٹی ڈسٹرکٹ ہیلتھ کو بھی تحریری طور پر آگاہ کر دیا گیا ھے اور عطائی ڈاکٹر کیخلاف تھانہ صدر میں درخواست بھی درج کروادی گی ہے۔ متاثرہ خاتون کے اہل خانہ نے اعلی احکام سے عطائی ڈاکٹر کیخلاف سخت کاروائی کرنے کامطالبہ کیا ہے

  • کراچی میں اومی کرون کے اچانک 6 کیسزسامنے آگئے

    کراچی میں اومی کرون کے اچانک 6 کیسزسامنے آگئے

    کراچی : کراچی میں اومی کرون کے 6 کیسزسامنے آگئے،اطلاعات کے مطابق کراچی میں کورونا وائرس کے نئے وریرینٹ (اومیکرون(کے 6 مشتبہ کیسز سامنے آگئے ہیں۔محکمہ صحت کے مطابق 6افراد بیرون ممالک سے کراچی پہنچے ہیں ، تمام افراد میں کورونا کی تصدیق ہوگئی ہے ، تمام افراد کے جینوم سیکویسنگ کے لئے نمونے نجی اسپتال پہنچا دئیے گئے ہیں۔

    کراچی سے محکمہ صحت کے مطابق کورونا وائرس کے نئے وریرینٹ (اومیکرون)کی تصدیق کے لئے جینوم سیکویسنگ شروع کردی گئی ہے ، 4 افراد جنوبی افریقہ اور 2 برطانیہ سے کراچی پہنچے ہیں ، تمام افراد کو قرنطینہ سینٹر منتقل کردیا گیا ہے۔

    یاد رہے کہ ذرائع کے حوالے سے دعویٰ کیا تھا کہ گزشتہ دنوں بیرون ملک سے آنے والی خاتون کورونا میں مبتلا تھیں جن کے اومی کرون میں مبتلا ہونے کا خدشہ ظاہر کیا جا رہا تھا۔ متاثرہ خاتون کی اب جینوم سیکوئنسنگ کی گئی تھی جس کے نتائج میں اومی کرون کی تصدیق ہوگئی ہے۔ذرائع کا کہنا تھا کہ خاتون کے رابطے میں آنے والے 51 افراد کے ٹیسٹ کیے جا رہے ہیں۔

    خیال رہے کہ گزشتہ روز عالمی ادارہ صحت (ڈبلیو ایچ او) نے کہا تھا کہ اومی کرون ویرینٹ دنیا کے 95 سے زائد ممالک میں پھیل چکا ہے ۔ یہ ڈیلٹا سے زیادہ تیزی کے ساتھ پھیلتا اور ویکسین کے خلاف زیادہ مدافعت رکھتا ہے۔

    ادھردنیا بھر میں کرونا سے متاثرین کی تعداد277,543,285ہو چکی ہے

    جبکہ ہمسائیہ ملک بھارت میں کرونا وائرس کی نئی قسم اومیکرون کے کیسز میں تیزی سے اضافہ ہو رہا ہے جس کی وجہ سے وبا کی تیسری لہر کا اندیشہ بڑھ گیا ہے۔ ماہرین کے مطابق آئندہ برس فروری تک کرونا وائرس کی تیسری لہر آ سکتی ہے۔

    رپورٹس کے مطابق ملک بھر میں اومیکرون کے مجموعی کیسز کی تعداد 500 سے تجاوز کرگئی ہے گئی جب کہ بدھ کو کرونا کے 6317 کیسز سامنے آئے تھے ۔ وبا سے 24 گھنٹوں کے دوران 318 افراد ہلاک ہوئے ہیں۔ اس وقت ملک میں کرونا کے فعال کیسز کی تعداد 78 ہزار سے زائد ہے۔

    رپورٹس کے مطابق اومیکرون کے سب سے زیادہ کیسز دارالحکومت دہلی میں سامنے آئے ہیں۔ دوسرے نمبر پر ریاست مہاراشٹرا ہے۔ دیگرریاستوں میں بھی اومی کرون کے کیسز سامنے آرہے ہیں

  • ایران کے جوہری پروگرام پر کسی بھی وقت حملہ کرسکتے ہیں‌:نامزد اسرائیلی ائیرچیف

    ایران کے جوہری پروگرام پر کسی بھی وقت حملہ کرسکتے ہیں‌:نامزد اسرائیلی ائیرچیف

    تل ابیب : ایران کے جوہری پروگرام پر کسی بھی وقت حملہ کرسکتے ہیں‌:نامزد اسرائیلی ائیرچیف نے دھمکی دے دی ،اطلاعات کے مطابق اسرائیلی فضائیہ کے نامزد ائیرچیف نے کہا ہے کہ اگر ضرورت پڑی تو اسرائیل کل ہی ایران کے جوہری پروگرام پر حملہ کرسکتا ہے۔

    عرب میڈیا کے مطابق ایک بیان میں اسرائیلی فضائیہ کے نامزد ائیرچیف جنرل ٹومر بار نے کہا کہ اسرائیل کے پاس ایران کے جوہری پروگرام پر مستقبل قریب یا کل ہی کامیابی سے حملہ کرنے کی صلاحیت موجود ہے۔

    جنرل ٹومر کا کہنا تھا کہ اگر ضرورت پڑی تو اسرائیل کامیابی کے ساتھ ایران کے جوہری پروگرام پر کل حملہ کرسکتا ہے۔عرب میڈیا کے مطابق جنرل ٹومر اپریل میں اسرائیلی فضائیہ کی کمان سنبھالیں گے۔

    انہوں نے کہا کہ اسرائیل بہت آسانی کے ساتھ ایران کا جوہری پروگرام تباہ کرسکتا ہے، یہ ہم سے صرف ایک ہزار کلو میٹر کے فاصلے پر ہے، کوئی وجہ نہیں کہ ہم اسرائیل کے جوہری پروگرام کو چلنے دیں۔

    یاد رہے کہ امریکا کے قومی سلامتی کے مشیر جیک سولیون کل بدھ کے روز تل ابیب میں اسرائیلی وزیر اعظم نفتالی بینیٹ اور اسرائیل کے دفاع اور خارجہ امور کے وزرا سے ملاقات کی ہے ۔ سولیون گذشتہ روز ایک روز دورے پر تل ابیب پہنچے تھے۔ دورے کا مقصد ایران کے جوہری پروگرام کو زیر بحث لانا ہے۔

    اس سے قبل وائٹ ہاؤس نے اعلان کیا گیا تھا کہ سولیون ایران اور دیگر موضوعات پر مشاورت کے لیے اسرائیل اور مغربی کنارے کا دورہ کریں گے۔

    قومی سلامتی کے مشیر ایال ہلاتا اور ان کے امریکی ہم منصب جیک سلیوان ایک دو طرفہ فورم کے اجلاس کی صدارت کر رہے ہیں جو ایران اور دیگر علاقائی معاملات پر بات چیت کے لیے قائم کیا گیا تھا۔

    وائٹ ہاؤس کے ایک بیان میں کہا گیا ہے کہ "وفود نے ایران کی طرف سے لاحق خطرات کے تمام پہلوؤں کا مقابلہ کرنے کی ضرورت پر تبادلہ خیال کیا، بشمول اس کے جوہری پروگرام، خطے میں عدم استحکام کی سرگرمیوں اور دہشت گرد پراکسی گروپوں کی حمایت”۔ انہوں نے اس بات پر اتفاق کیا کہ ایران کا تیزی سے آگے بڑھنے والا جوہری پروگرام خطے اور بین الاقوامی امن و سلامتی کے لیے سنگین خطرہ ہے۔

    سلیوان، جو یروشلم کا دورہ کر رہے ہیں، نے ویانا میں جاری جوہری مذاکرات کے بارے میں اسرائیلیوں کو بھی اپ ڈیٹ کیا اور بیان کے مطابق "دونوں فریقوں نے آگے بڑھنے کے لیے خیالات کا تبادلہ کیا۔”

    بیان میں مزید کہا گیا ہے کہ "عہدیداروں نے اس بات کی تصدیق کی کہ امریکہ اور اسرائیل اس بات کو یقینی بنانے کے لیے اپنے عزم پر قائم ہیں کہ ایران کبھی بھی جوہری ہتھیار حاصل نہ کرے۔”

  • خیبرپختونخواہ بلدیاتی انتخابات:پی ٹی آئی ساڑھے 8 لاکھ ووٹوں کےساتھ سب سے آگے

    خیبرپختونخواہ بلدیاتی انتخابات:پی ٹی آئی ساڑھے 8 لاکھ ووٹوں کےساتھ سب سے آگے

    خیبرپختونخواہ بلدیاتی انتخابات:پی ٹی آئی ساڑھے 8 لاکھ ووٹوں کے ساتھ سب سے آگے ،جے یو آئی دوسرے نمبرپر،اطلاعات کے مطابق حکمران جماعت پاکستان تحریک انصاف نے پارٹی کےاندراختلافات اورٹکٹوں کی غلط تقسیم کے باوجود پہلے مرحلے میں بلدیاتی انتخابات کے پہلے مرحلے کے دوران سب سے زیادہ ووٹ حاصل کیے ہیں۔ تا ہم سب سے زیادہ سیٹیں حاصل نہ کر سکیم

    اس حوالے سے الیکشن کمیشن کے ذرائع سے حاصل کردہ اعدادوشمار کے مطابق کے پی کے بلدیاتی انتخابات میں اکثریت نشستیں حاصل نہ کرنے کے باوجود ، پی ٹی آئی کے امیدواروں نے صوبے بھر میں دیگر سیاسی جماعتوں کے مقابلے میں سب سے زیادہ ووٹ حاصل کیے ہیں۔

    ان حقائق اور اعدادوشمار کی تصدیق کرتے ہوئے کے پی کے وزیر برائے ہائر ایجوکیشن کمیشن کامران بنگش کی جانب سے کل ٹوئٹر پر شیئر کیے گئے اعدادوشمار کے مطابق حکمران سیاسی جماعت نے 848,122 ووٹ حاصل کیے جب کہ جمعیت علمائے اسلام (جے یو آئی ف) نے 47 تحصیلوں میں کامیابی کے باوجود 835,384 ووٹ حاصل کیے ہیں اور عوامی نیشنل پارٹی (اے این پی) 523,096 کے ساتھ تیسرے نمبر پر ہے۔

     

     

    پاکستان پیپلز پارٹی (پی پی پی) 276,636 کے چوتھے نمبر ہے ،ن لیگ 270,165 کے ساتھ 5ویں نمبر ہے، جماعت اسلامی (جے آئی) 213,310 ووٹوں کے ساتھ چھٹے نمبر پر ہے۔

    اعداد و شمار کے مطابق پی ٹی آئی کو 12,738 ووٹوں کے ساتھ جے یو آئی (ف) پر برتری حاصل ہے۔

    یہ بھی یاد رہے کہ پی ٹی آئی کے خلاف پی ڈی ایم اتحاد کی دو درجن سے زائد قومی وعلاقائی جماعتوں نے ملک کرجے یو آئی ف کو ووٹ دیا اوراسی اتحاد نے ن لیگ کو بھی ووٹ دے کرتین تحصیلوں میں کامیابی دلوائی ہے

     

     

    کامران بنگش نے لکھا تھا کہ ’پاکستان تحریک انصاف کے امیدواروں نے پورے صوبہ میں باقی تمام جماعتوں سے زیادہ ووٹ لئے تاہم الیکشن ڈے پر پولنگ اسٹیشنز پر سنگین بے ضابطگیاں ہوئیں جس کی تحقیقات ہورہی ہیں۔PTIکےسپورٹرز اور ووٹرز کاتہہ دل سے شکریہ اداکرتے ہیں۔‘

    گزشتہ روز وزیراعظم عمران خان نے کہا تھا کہ لوکل گورنمنٹ سسٹم (مقامی حکومتی نظام) کو اس کی جدید شکل میں تبدیل کر دیا گیا ہے جیسا کہ کامیاب جمہوریتوں میں ہوتا ہے۔ انہوں نے مزید کہا کہ تحصیل ناظمین کے براہ راست انتخاب سے گورننس میں بہتری آئے گی اور مستقبل کے رہنما پیدا ہوں گے۔ان کا کہنا تھا کہ پی ٹی آئی نے ملک کی 74 سالہ تاریخ میں پہلی بار بااختیار لوکل گورنمنٹ سسٹم متعارف کرایا ہے۔

    واضح رہے کہ کے پی کے بلدیاتی انتخابات میں 17 اضلاع کی 62 تحصیل کونسلوں میں پی ٹی آئی کو واضح شکست کا سامنا کرنا پڑا ہے۔ جمعیت علمائے اسلام (ف) 22 نشستوں کے ساتھ سرفہرست ہے جبکہ پی ٹی آئی کی 14 نشستیں ہیں۔

     

    اس کے علاوہ دیگر تحصیلوں میں 12 آزاد امیدوار منتخب ہوئے ہیں، جب کہ عوامی نیشنل پارٹی (اے این پی) چھ تحصیلوں میں ٹاپ پوزیشنز حاصل کرنے میں کامیاب ہوئی ہے۔ن لیگ نے 3 اور جماعت اسلامی (جے آئی) نے دو نشستوں پر کامیابی حاصل کی۔ پاکستان پیپلز پارٹی (پی پی پی) اور تحریک اصلاح پاکستان نے ایک ایک نشست پر کامیابی حاصل کی ہے۔

     

     

    وزیراعظم عمران خان نے اعتراف کیا تھا کہ پی ٹی آئی نے کے پی کے بلدیاتی انتخابات کے پہلے مرحلے میں غلطیاں کیں ہی اور اس کی قیمت پارٹی کو چکانا پڑی ہے۔

    انہوں نے کہا تھا، ”غلط امیدواروں کا انتخاب ایک بڑا سبب تھا۔ اب سے میں ذاتی طور پر پی ٹی آئی کی ایل جی الیکشن کی حکمت عملی کی نگرانی کے پی کے ایل جی الیکشن اور پورے پاکستان میں ایل جی الیکشن کے دوسرے مرحلے میں کروں گا۔ انشاء اللہ پی ٹی آئی مضبوط ہو کر سامنے آئے گی۔

    کے پی کے بلدیاتی انتخابات کا اگلا مرحلہ 18 اضلاع میں 19 جنوری 2022 کو ہوگا۔

  • سیکیورٹی گارڈ اور ڈاکوؤں میں فائرنگ کا تبادلہ، 4 سالہ بچی جاں بحق

    سیکیورٹی گارڈ اور ڈاکوؤں میں فائرنگ کا تبادلہ، 4 سالہ بچی جاں بحق

    سیکیورٹی گارڈ اور ڈاکوؤں کے درمیان فائرنگ کا تبادلے میں 4 سالہ بچی جاں بحق ہو گئی۔

    شاہ لطیف کے علاقے نیشنل ہائی وے منزل پٹرول پمپ پاکستان میڈیکل اسٹور کے قریب فائرنگ سے 4 سالہ بچی زخمی ہوگئی جسے جناح اسپتال منتقل کیا گیا، جہاں بچی دوران علاج زخموں کی تاب نہ لاتے ہوئے جاں بحق ہوگئی، اطلاع ملنے پر پولیس فوری طور پر جائے وقوعہ پر پہنچ گئی اور زخمی شخص کو حراست میں لے لیا۔

    پولیس کے مطابق مقتولہ کی شناخت 4 سالہ حرمین دختر ممتاز کے نام سے کی گئی۔

    واقعے کے مطابق پاکستان میڈیکل اسٹور اینڈ مارٹ کے قریب موٹرسائیکل سوار 3 ڈاکو مارٹ سے لوٹ مار کر کے فرار ہورہے تھے کہ سیکیورٹی گارڈ نے فائرنگ کر دی جس کے نتیجے میں ایک ڈاکو زخمی ہوگیا جبکہ زخمی ڈاکوئوں اور سیکیورٹی گارڈ میں فائرنگ کا تبادلہ ہوا جس کے نتیجے میں راہ گیر بچی سر میں گولی لگنے سے زخمی ہوئی تھی۔

    پولیس نے زخمی حالت میں پکڑے جانے والے ڈاکو پیار علی سے اسلحہ ، لوٹی گئی رقم 50 ہزار روپے اور دیگر سامان برآمد کر لیا ، ڈاکو کے دو ساتھی فرار ہونے میں کامیاب ہوگئے۔

  • بند کمرے میں مچھر مار گلوب کا دھواں، مزدور دم گھٹنے سے ہلاک

    بند کمرے میں مچھر مار گلوب کا دھواں، مزدور دم گھٹنے سے ہلاک

    سپرہائی وے کے ریسٹورنٹ کے کوارٹرز میں سویا ہوا ایک مزدوردم گھٹنے سے ہلاک اور دوسرا مزدور بے ہوش ہوگیا۔

    گڈاپ ٹاؤن تھانے کے علاقے سپرہائی وے السجاد ریسٹورنٹ کے کواٹرز میں سوئے ہوئے دو مزدوروں کی حالت غیرہوگئی جنھیں فوری طور پر قریبی اسپتال منتقل کیا گیا جہاں ایک مزدور اسپتال پہنچنے سے پہلے دم توڑ گیا۔

    واقعے کی اطلاع ملنے پر پولیس موقع پر پہنچ گئی اورپولیس نے جاں بحق ہونے والے مزدور اوربے ہوش ہونے والے مزدور کو عباسی شہیداسپتال منتقل کیا۔

    جاں بحق ہونے والے مزدور کی شناخت 38 سالہ مبین احمد ولد عبدالرحمن اوربہیوش مزدور کی شناخت 40 سالہ غلام مصطفی ولد واڑیوں کے نام سے کر لی گئی جاں بحق ہونے والے مزدور کا آبائی تعلق ٹنڈو آدم سے تھا۔

    ایس ایچ او گڈاپ سٹی نوطق خان نے بتایا کہ جاں بحق ہونے والا مزدور اور بے ہوش ہونے والا مزدور رات 4 بجے کام کرنے کے بعد کمرے میں جا کر سو گئے تھے، صبح ریسٹورینٹ کا سیکیورٹی گارڈ نہانے کے لیے ان کے کمرے میں پہنچا تو مزدور قے کر رہا تھا جس پر اس نے دوسرے مزدور کواٹھانے کی کوشش کی تو دوسرا مزدور اٹھا اور وہ دوبارہ بے ہوش ہو گیا اسی دوران مزید مزدور بھی وہاں پہنچ گئے اوردونوں کو بقائی اسپتال منتقل کیا گیا جہاں ڈاکٹرز نے ایک مزدور کے جاں بحق ہونے کی تصدیق کردی۔

    انھوں نے بتایا کہ جس کمرے میں مزدور سو رہے تھے، اس کمرے میں کیڑے مار دوا کی بو پھیلی ہوئی تھی اورکمرہ مکمل طورپرسیل تھا اورجہاں سے اخراج کا کوئی راستہ نہ تھا اگرکمرے میں کوئی سوراخ بھی تھا تومزدوروں نے سردی کی وجہ سے کپڑوں کی مدد سے سوراخ بند کیے ہوئے تھے۔

    انھوں نے بتایا کہ پولیس نے کمرے کی تلاش لی توپولیس کو کمرے سے مچھر مارگلوب کے علاوہ کچھ نہیں ملا ہے،پولیس کو شبہ ہے کہ مزدور دم گھٹنے سے ہلاک اور بے ہوش ہوئے ہیں پولیس نے دونوں کوعباسی شہید اسپتال منتقل کردیا،ڈاکٹرز کی رپورٹ میں مزید واضح ہو گا کہ وجہ موت کیا ہے.

  • Chapters Of Kashmir Sagaکے عنوان پر کشمیر یوتھ الائنس اور جناح کا پاکستان کے اشتراک سے سیشن کا انعقاد

    Chapters Of Kashmir Sagaکے عنوان پر کشمیر یوتھ الائنس اور جناح کا پاکستان کے اشتراک سے سیشن کا انعقاد

    راولپنڈی : کشمیر یوتھ الائنس اور جناح کا پاکستان کے زیر اہتمام راولپنڈی آرٹس کونسل میں مسئلہ کشمیر کو اجاگر کرنے اور اس کے مختلف پہلوئوں سے نوجوانوں کو روشناس کرانے کے حوالے سے سوال و جواب کی نشست منعقد ہوئی جس میں صدر کشمیر یوتھ الائنس ڈاکٹر سید مجاہد گیلانی، ممبر پارلیمانی کمیٹی برائے کشمیر غزالہ سیفی، ہیڈ ایڈوائزری بورڈ پارلیمانی کشمیر کمیٹی پروفیسر ولید رسول اور اویس ربانی نے شرکت کی۔ نوجوانوں نے کشمیر کے حوالے سے پینل سے سوالات کیے جس پر پینل نے تفصیلی جواب دیئے، مقررین کا کہنا تھا کہ بھارتی کے غیر قانونی زیر تسلط کشمیر میں انسانی حقوق کی پامالی، سیاسی قیدیوں کی بدحالی، بھارتی فوج کے جنگی جرائم، بیوائوں کی عصمت دری و بے حرمتی، قتل و غارت گری سمیت کئی اندوہناک داستانیں ہیں جن کا احاطہ ایک نشست میں نہیں کیا جاسکتا، کشمیر میں ہٹلر کے پیروکاروں کا راج ہے جو کسی بھی انسانی رویے سے عاری و خالی ہیں، دہشت اور خوف کے عالم میں مقبوضہ کشمیر کے مسلمان اپنی آزادی کی جدوجہد جاری رکھے ہوئے ہیں، مقررین نے کہا کہ خصوصا 5 اگست کے بعد بھارت نے اپنے غیر قانونی قبضے کو طول دینے اور آزادی کی تحریک کو دبانے کیلئے جو گھنائونی سازشیں کیں وہ تاریخ کے صفحات کا ایک تاریک باب ہیں جس پر انسانیت شرمندہ رہے گی۔ جناح کا پاکستان سے وابستہ نوجوانوں نے تقریب میں اس عزم کا اعادہ کیا کہ ہم قائد اعظم محمد علی جناح کے فرمان کہ کشمیر پاکستان کی شہ رگ ہے پر قائم ہیں اور اپنی شہ رگ کو دشمن کے پنجے سے چھڑانے کیلئے اپنے حصے کی کاوشیں جاری رکھیں گے۔ اس موقع پر کشمیر یوتھ الائنس کے مرکزی سیکرٹری کوآرڈینیشن ڈاکٹر عبداللہ خلیل، مرکزی سیکرٹری اطلاعات نوید احمد، صدر کشمیر یوتھ الائنس اسلام آباد ڈویژن ڈاکٹر عامر زادہ، چوہدری آصف سیف، عمر ہمدانی، خنیس الرحمن بھی موجود تھے۔

  • قائد اعظم یونیورسٹی میں درس قرآن کیوں؟5 طلبہ اغوا:ساتھیوں‌ کا احتجاج:حالات کشیدہ ہوگئے

    قائد اعظم یونیورسٹی میں درس قرآن کیوں؟5 طلبہ اغوا:ساتھیوں‌ کا احتجاج:حالات کشیدہ ہوگئے

    اسلام آباد : قائد اعظم یونیورسٹی کے 5 طلبہ اغوا:ساتھیوں‌ کا احتجاج:حالات کشیدہ ہوگئے ،اطلاعات کے مطابق اسلام آباد ایک بار پھر بے سکونی میں داخل ہوگیا ہے اور یہ اطلاعات ہیں‌کہ قائد اعظم یونیورسٹی میں دو طلبہ تنظیموں کے درمیان گشیدگی شدت اختیار کرگئی۔

    اسلام آباد سے پولیس ذرائع کے مطابق قائد اعظم یونیورسٹی میں طلبہ گروپوں کے درمیان کشیدگی اور پانچ ساتھیوں کے اغوا کے بعد طلبہ نے یونیورسٹی کی پانچ بسیں روک کر آئی جے پی روڈ کو بلاک کردیا۔جس کے بعد پولیس بھی وہاں پہنچ گئی اور روڈ کو کلیئر کرنے کی درخواست کی جسے طلبا نے مسترد کردیا

    احتجاجی طلبہ نے سڑک پر ٹائر نذر آتش کیے اور مخالف تنظیم پر پانچ ساتھیوں کے اغوا کا الزام عائد کیا۔طلبہ کا کہنا تھا کہ اغوا کیے گئے طلبہ کو ہاسٹل میں تشدد کا نشانہ بنایا جارہا ہے۔

    بعد ازاں ایڈیشنل ڈپٹی کمشنراسلام آبادطلبہ سےمذاکرات کےلیے پہنچے جہنوں نے طلبہ تنظیم کے رہنماؤں رانا وقاص اور عامر بلوچ سے مذاکرات کیے۔

    ایڈیشنل ڈپٹی کمشنر نے مبینہ طور پر اغوا کیے جانے والے طلبہ کی رہائی کی یقین دہانی بھی کرائی جس پر طلبہ رہنما نے کہا کہ ساتھیوں کی باحفاظت واپسی اور ملزمان کی گرفتاری تک احتجاج جاری رہے گا۔

     

     

    حمزہ نامی طالب علم کہتے ہیں کہ IJT کے 5 کارکنوں کو QAU کے نسلی گروہوں کے ہاتھوں اغوا ہوئے 12 گھنٹے ہو چکے ہیں۔ ابھی تک ہم پرامن ہیں لیکن اگر انتظامیہ نے کوئی کارروائی نہیں کی تو ہم اپنے کارکنوں اور ممبران کو روک نہیں سکیں گے۔

    محمد سعد طالب علم ہیں انہوں نے انکشاف کیاکہ "میرے دوست اور بھائی @IA_khan99 کو نام نہاد پاکستان کے بائیں بازو کے نسلی غنڈوں نے اغوا کر کے تشدد کا نشانہ بنایا، اس کا واحد "جرم” یہ تھا کہ وہ درس قرآن کا اہتمام کر رہا تھا۔ اسرار #QAU میں 7ویں سمسٹر کا قانون کا طالب علم ہے۔

     

     

    علاوہ ازیں ضلعی انتظامیہ نے طلبہ اغوا کے معاملے پر قانونی کارروائی کی یقین دہانی بھی کرائی۔ادھر اس واقعہ کے بعد سماجی رابطے کی ویب سائٹ ٹویٹر پرطلبا کی لڑائی کا شوراس قدر بڑھ گیا ہے کہ باقاعدہ ایک ٹرینڈ بن گیا ہے تاکہ حکومت اس مسئلے کو جلد از جلد حل کرکے تعلیمی سلسلہ بحال کرے

  • اوورسیزپاکستانیوں کےلیے نمائندوں کا انتخاب،ن لیگ بھی یہی کچھ چاہتی ہے:اسحاق ڈار

    اوورسیزپاکستانیوں کےلیے نمائندوں کا انتخاب،ن لیگ بھی یہی کچھ چاہتی ہے:اسحاق ڈار

    لندن:اوورسیزپاکستانیوں کےلیے نمائندوں کا انتخاب،ن لیگ بھی یہی کچھ چاہتی ہے:اسحاق ڈار:اطلاعات کے مطابق لندن میں موجود پاکستان کے سابق وزیرخزانہ اسحاق ڈار نے حکومت کی سُست روی پرسخت تنقید کی ہے اورکہا ہے کہ دعوے تو ہزاروں ہیں مگرحکومت یہ بتائے کہ وہ کس طرح اوورسیز پاکستان کے لیے نمائندوں کا انتخاب کرے گی

    انہوں نے کہا کہ ن لیگ بھی تو یہی چاہتی تھی کہ اوورسیز پاکستانیوں کی پارلیمنٹ میں نمائندگی ہو

    ادھر ذرائع کے مطابق یہ بھی معلوم ہوا ہے کہ انہوں نے یہ سوال ایک ٹویٹ کے جواب میں دیا ، یہ بھی معلوم ہوا ہے کہ اسحاق ڈار نے سید کوثرعباس کاظمی کی ٹویٹ کوری ٹویٹ کرتے ہوئے یہ بات کہی

    یاد رہے کہ کوثرعباس کاظمی نے ایک ٹویٹ کی تھی جس میں انہوں نے لکھا تھا کہ "عمران خان مصروف اس قدر ہیں کہ گورنر ہاؤس میں منعقدہ اورسیز کانفرنس منسوخ کرنا پڑگئی

     

     

    کوثرعناس نقوی نے کہا کہ جس وزیر اعظم کے پاس اورسیز پاکستانیوں کے لئیے وقت نہیں وہ انھیں حقوق کیا دے گا ؟اورسیز صرف زر مبادلہ چندہ ووٹ بھنگڑوں اور ووٹ کے لئیے نہیں .اوورسیز کے مسائل کا واحد حل پارلیمان میں حق نمائندگی ہے ووٹ کا حق نہیں

     

    اسحاق ڈار نے انہیں الفاظ کو پہلے ری ٹویٹ کیا اورپھراس پرحکومت کو جھنجھوڑا کہ وہ ابھی تک اوورسیز پاکستانیوں کے لیے نمائندوں کے انتخاب کا طریقہ کارہی وضع نہیں کرسکی ،آگے جاکرکیا کریں گے

    سابق وزیرخزانہ اسحاق ڈار نے یہ پیغام ایک ٹویٹ کے ذریعے شیئر کیا کہ یہی پی ایم ایل این کی پالیسی ہے یعنی پارلیمینٹ میں اوورسیز پاکستانیوں کے لیے سیٹیں مختص کی جائیں جن پر اوورسیز پاکستانی اپنے نمائندے خود منتخب کریں جو پاکستان میں ان کی موثر آواز بنیں۔

  • ایک کروڑ30 لاکھ چینی شہری گھروں سے باہرنہ نکلیں:چین نے اچانک یہ فیصلہ کیوں کیا؟اہم خبرآگئی

    ایک کروڑ30 لاکھ چینی شہری گھروں سے باہرنہ نکلیں:چین نے اچانک یہ فیصلہ کیوں کیا؟اہم خبرآگئی

    بیجنگ: ایک کروڑ30 لاکھ چینی شہری گھروں سے باہرنہ نکلیں:چین نے اچانک یہ فیصلہ کیوں کیا؟اہم خبرآگئی ،اطلاعات کے مطابق چینی حکومت نے ژیان شہر کے ایک کروڑ 30 لاکھ لوگوں کو گھروں میں رہنے کا حکم دے دیا ہے۔

    ذرائع کے مطابق دنیا بھر کی طرح چین میں بھی اومی کرون ویرینٹ کے پھیلاو کے خدشات پیدا ہوگئے ہیں اور یہ بھی اطلاعات ہیں کہ کرونا وائرس کے کیسز میں اضافے کے پیش نظر چین کے شمالی شہر ژیان میں لاک ڈاؤن نافذ کر دیا گیا، لوگوں کو حکم دیا گیا ہے کہ وہ گھروں سے باہر نہ نکلیں۔

    اس حوالے سے معلوم ہوا ہے کہ ژیان شہرکی انتظامیہ نے بدھ کو پابندیوں کا اعلان کرتے ہوئے کہا کہ شہر میں ہفتے میں 2 دن ہر گھر کا صرف ایک فرد ضروری سامان کے لیے باہر نکلے گا، اس شمالی شہر میں 9 دسمبر سے اب تک 143 کیسز ریکارڈ کیے جا چکے ہیں۔

    واضح رہے کہ چین ایک نہایت سخت زیرو کووِڈ حکمت عملی پر عمل پیرا ہے، جس کے تحت وبا کو روکنے کے لیے بڑے پیمانے پر ٹیسٹنگ اور لاک ڈاؤن کا استعمال کیا جا رہا ہے، چین کووِڈ کے لیے اس لیے بھی ہائی الرٹ پر ہے کیوں کہ یہ فروری میں 2022 کے سرمائی اولمپکس کی میزبانی کے لیے تیار ہے۔

    ٹیراکوٹا جنگجوؤں کے قدیم مجسموں کے لیے مشہور شہر ژیان کے رہائشیوں کو شہر چھوڑنے کی اجازت نہیں ہے جب تک کہ جان پر نہ بن آئے، اور حکام کی جانب سے اس کی منظوری بھی ملے، یہ پابندیاں جمعرات کو مقامی وقت کے مطابق نصف شب سے نافذ ہوئی ہیں۔

    دور دراز کے بس اسٹیشنز پہلے ہی بند ہو چکے ہیں اور نقل و حمل کنٹرول کرنے کے لیے شہر میں موٹر ویز پر چوکیاں لگا دی گئی ہیں، ژیان کے ایئرپورٹ سے بھی بڑی تعداد میں پروازیں منسوخ کر دی گئی ہیں۔حکام کا کہنا ہے کہ وبا کرونا کے ڈیلٹا ویرینٹ کی ہے، حکام کی جانب سے اومیکرون کا ذکر نہیں کیا گیا ہے۔

    ادھر تازہ خبروں میں بتایا گیا ہے کہ امریکہ ، برطانیہ ،بھارت ، جرمنی،فرانس سمیت درجنوں ممالک میں حالات پھرسے خراب ہونےجارہےہیں اورحکومتیں اس لہر سے نمٹنے کے لیے کچھ بے بس دکھائی دے رہی ہیں