Baaghi TV

Author: +9251

  • سیکیورٹی فورسز کا شمالی وزیرستان میں‌آپریشن، دو دہشتگرد ہلاک

    سیکیورٹی فورسز کا شمالی وزیرستان میں‌آپریشن، دو دہشتگرد ہلاک

    آئی ایس پی آر کی جانب جاری اعلامیہ کے مطابق سسیکیورٹی فورسز نے شمالی وزیرستان کے علاقہ رزمک میں دہشت گردوں کی مبینہ موجودگی کی اطلاع پر انٹیلی جنس بیسڈ آپریشن کیا ہے اور اس آپریشن کے دوران سیکیورٹی فورسز نے دہشت گردوں کے ٹھکانے کو گھیرے میں لے لیا.

    علاوہ ازیں آئی ایس پی آر کا بتانا تھا کہ شدید فائرنگ کے تبادلے کے بعد دو دہشت گردوں کو جہنم واصل کر دیا گیا ہے اور ہلاک ہونے والے دہشت گردوں کے قبضے سے اسلحہ اور گولہ بارود بھی برآمد کیا گیا ہے جو سیکیورٹی فورسز کے خلاف دہشت گردی کی سرگرمیوں کے ساتھ ساتھ بھتہ خوری اور معصوم شہریوں کی ٹارگٹ کلنگ سمیت مختلف وارداتوں میں استعمال ہوتا تھا.
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار

    جبکہ آئی ایس پی آ ر کا یہ بھی کہنا تھا کہ علاقے میں پائے جانے والے دیگر دہشت گردوں کو ختم کرنے کے لئے علاقے کی ان درندوں کے صفائے کیلئے مزید آپریشن بھی جاری ہے اور علاوہ ازیں علاقے کے مقامی لوگوں نے اس آپریشن کو ناصرف آپریشن کو سراہا ہے بلکہ دہشت گردی کی لعنت کے خاتمے کے لئے اپنی مکمل حمایت کا اظہار بھی کیا ہے۔

  • نگران وزیر اعظم کا میڈیکل کالجز میں داخلے کے خواہاں طلباء و طالبات کیلئے اہم اقدام

    نگران وزیر اعظم کا میڈیکل کالجز میں داخلے کے خواہاں طلباء و طالبات کیلئے اہم اقدام

    نگران وزیرِ اعظم انوار الحق کاکڑ کا میڈیکل کالجز میں داخلے کے خواہاں طلباء و طالبات کیلئے اہم اقدام، وزیرِ اعظم کی ایم ڈی کیٹ کی تاریخ میں توسیع کرکے اسے 10 ستمبر 2023 کو منعقد کرنے کی ہدایت کی تھی جبکہ اس سے پہلے ایم-ڈی-کیٹ 27 اگست کو منعقد ہونا تھا.

    وزیرِ اعظم نے طلباء و طالبات کی گزارش پر ایم ڈی کیٹ کی تاریخ میں توسیع کا فیصلہ کیا ہے اور خیال رہے کہ ایم-ڈی-کیٹ کی تاریخ میں توسیع سے طلباء و طالبات کو میڈیکل کالجز میں داخلے کے امتحان کیلئے مزید تیاری کا وقت ملے گا.
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار

    تاہم واضح رہے کہ پی ایم ڈی سی کونسل نے فیصلہ کیا تھا کہ رواں برس ایم ڈی کیٹ کا امتحان 27 اگست کو ہو گا اور یہ بھی کہا گیا تھا کہ نصاب پچھلے سال کے امتحان جیسا ہی رہے گا۔ جبکہ یاد رہے کہ قومی اسمبلی کی اسٹیئرنگ کمیٹی برائے صحت نے ٹیسٹ کی تاریخ میں دو ہفتے کی توسیع کی سفارش کی تھی تاہم چند روز قبل پی ایم ڈی سی نے اسے مسترد کردیا تھا۔

    پی ایم ڈی سی نے موقف اپنایا تھا کہ ٹیسٹ 27 اگست 2023 کو ہوگا کیونکہ 27 اگست کے ٹیسٹ کے فیصلے کو برقرار رکھتے ہوئے بڑے پیمانے پر پہلے سے کیے گئے انتظامات کو مدنظر رکھا جا رہا ہے اور ٹیسٹ کی تیاریاں مکمل ہوچکی تھیں۔ کراچی میں ٹیسٹ میں 13 ہزار امیدوار شریک ہوں گے اور یہ ٹیسٹ جامعہ کراچی اور ڈاؤ یونیورسٹی کے اوجھا کیمپس میں ہوگا اور امیدواروں کی اکثریت جامعہ کراچی میں ٹیسٹ دے گی۔

  • عمران خان کی گرفتاری کے وقت پوٹلی سے راکھ اور تعویز ملے. ڈی آئی جی کا انکشاف

    عمران خان کی گرفتاری کے وقت پوٹلی سے راکھ اور تعویز ملے. ڈی آئی جی کا انکشاف

    عمران خان کوزمان پارک سےگرفتارکرنےوالے ڈی آئی جی لاہور پولیس عمران کشورنے اہم انکشاف کیا ہے، انہوں نے اپنے ایک انٹرویو میں کہا کہ جب ہم عمران خان کی گرفتاری کررہےتھےتوہم نےوہاں سےکچھ سامان بھی قبضےمیں لیا تھا اور جب میں ایک سلورباول کوکھولنےلگاتوبشری بی بی نےکہاکہ اسکونہ کھولیں مگرجب میں نے وہ کھولاتواسکےاندر سے ایک پوٹلی ملی جسکےاندر کچھ راکھ تھی اور ایک تعویزتھا.

    انہوں نے نجی ٹی وی کے صحافی کو مزید بتایا کہ اس میں ایک تسبیح بھی تھی اورکچھ مزیدچیزیں بھی تھی جبکہ اس بارے میں سابق وزیر اعظم عمران خان کی اہلیہ بشری بی بی کہنے لگی کہ یہ پولیس والےصرف پیسےڈھونڈنےآئے ہیں تومیں نےانکوجواب دیا کہ میڈم ہمیں پیسے نہیں چاہئے پیسےجتنےبھی ہیں وہ آپکوضرورت ہیں لہذا آپ رکھ لیں۔
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار

    علاوہ ازیں عمران کشور نے بتایا کہ عمران خان کی گرفتاری کیلئے جب ہمارے پاس عدالت کا حکم آیا تو اس کی تکمیل کیلئے ہم لوگ زمان پارک پہنچے مگر پہلے تو وہ دروازہ ہی نہیں کھولنا چاہا رہے تھے لہذا پولیس کا مجبورا شیشے توڑ کر اندر جانا پڑا، ان کا یہ بھی کہنا تھا کہ وہاں پر بشرٰی بیگم نے پولیس کے ساتھ بدتمیزی بھی کی اور اندر جانے سے روکنے کی کوشش بھی کی مگر وہ ناکام رہی اور پھر ہم نے عمران خان کو گرفتار کرکے اٹک جیل منتقل کیا.

    واضح رہے کہ گزشتہ پانچ اگست کو تحریک انصاف کے چیئرمین عمران خان کو ان کی لاہور میں واقع رہائش گاہ زمان پارک سے گرفتار کیا گیا تھا عمران خان کی یہ گرفتاری عدالت کی طرف سے انہیں تین سال جیل کی سزا سنائے جانے کے بعد عمل میں آئی تھی اور انہیں یہ سزا توشہ خان سے حاصل کردہ تحائف کو غیر قانونی طور پر فروخت کرنے کے الزام میں سنائی گئی تھی.

  • گریڈ 19 میں ترقی پانیوالے افسران کا نوٹیفکیشن جاری

    گریڈ 19 میں ترقی پانیوالے افسران کا نوٹیفکیشن جاری

    پنجاب حکومت نے حالیہ دنوں گریڈ 19 میں ترقی پانے والے 15 افسران کا نوٹیفکیشن جاری کر دیا ہے جبکہ دو ہفتے قبل ان افسران کی گریڈ 18سے 19 میں ترقی ہوئی تھی اور جن افسران کی ترقیوں کا نوٹیفکیشن جاری ہوا ہے ان میں فراز احمد، آصف امین اعوان، توقیر نعیم، علی رضا، بلال ٖظفر شیخ، عبداللہ احمد اور علی وسیم وغیرہ شامل ہیں۔

    خیال رہے کہ ترقی پانے والوں میں رانا عمر فاروق، محمد بن اشرف، محمد افضل، سید ندیم عباس، رضوان احمد خان، ساجد حسین کھوکھر، کامران نواز اور کامران ممتاز بھی شامل ہی جبکہ یہ بھی بتایا جارہا ہے کہ بہت جلد آئی جی پنجاب آئندہ چند روز میں ان افسران کی پوسٹنگ کا نوٹیفیکیشن بھی جاری کردیں گے۔

    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار

    یاد رہے کہ گزشتہ ماہ وفاقی بیورو کریسی میں بڑے پیمانے پر تبادلے کے احکامات جاری کیے گئے تھے جس میں پولیس، سیکرٹریٹ اور ایڈمنسٹریٹو سروسز کے 163 افسران کو بھی گریڈ 18 سے گریڈ 19 میں ترقی دی گئی تھی اور اسٹیبلشمنٹ ڈویژن کی طرف سے جاری نوٹیفکیشن میں بتایا گیا تھا کہ پولیس سروس آف پاکستان کے 44 افسران کو گریڈ 18 سے 19 میں ترقی دی گئی تھی۔

    واضح رہے کہ سیکرٹریٹ گروپ کے 57 افسران اور پاکستان ایڈمنسٹریٹو سروس کے 62 افسران کو گریڈ 19 میں ترقی دی گئی ہے۔ علاوہ ازیں جاری نوٹیفکیشن کے مطابق ایم جی گروپ کے گریڈ 18 کے افسر شاہ جہان کی خدمات سی ڈی اے سے واپس جبکہ او ایم جی گروپ کے ثنا اللہ کی خدمات سندھ حکومت سے واپس لے لی گئیں تھیں۔

  • نئے پاکستان بنانے کا خواب ضرور پورا ہوگا. جہانگیر ترین

    نئے پاکستان بنانے کا خواب ضرور پورا ہوگا. جہانگیر ترین

    استحکام پاکستان پارٹی نے تحریک انصاف اور پاکستان ڈیموکریٹک موومنٹ کی ناکامیاں سامنے لانے کا فیصلہ کر لیا ہے جبکہ لاہور کے مقامی ہوٹل میں استحکام پاکستان پارٹی کی بڑی بیٹھک ہوئی جس میں پارٹی رہنماؤں کو عشائیہ دیا گیا اور پیٹرن انچیف جہانگیر ترین اور صدر عبدالعلیم خان کے علاوہ ترجمان ڈاکٹر فردوس عاشق اعوان ، عمران اسماعیل، سردار تنویر الیاس اسحاق خاکوانی، محمود مولوی، غازی غلاب جمال، عون چوہدری، نعمان لنگڑیال، فیاض الحسن چوہان، نوریز شکور، شعیب صدیقی، میاں خالد محمود، چوہدری ظہیر اور سعید نوانی سمیت متعدد رہنماؤں نے شرکت کی ہے۔

    جبکہ اس موقع پر سابق صوبائی وزیر کرنل ریٹائرڈ ہاشم ڈوگر نے استحکام پاکستان پارٹی میں شمولیت کا با ضابطہ اعلان بھی کیا اور جہانگیر ترین اور عبدالعلیم خان نے پارٹی قائدین سے مشاورت کی جس میں بنیادی پارٹی پالیسی پر اتفاق رائے ہوا اور مشاورت میں فیصلہ کیا گیا ہے کہ پی ٹی آئی اور پی ڈی ایم کی ناکامیاں سامنے لائی جانی چاہئے کیونکہ تقریبا تین سال پی ٹی آئی اور قریب 16 ماہ پی ڈی ایم کی حکومت رہی ہے مگر کوئی خاص تبدیلی نہیں لائی گئی.

    علاوہ ازیں پارٹی قائدین کی جانب سے فیصلہ کیا گیا کہ توانائی اور پیٹرولیم مصنوعات کی قیمتوں کو فوکس کیا جائے جبکہ بجلی کے بلوں کا ایشو بھی اٹھایا جائے کیونکہ بہت سارے غریب طبقہ کو بجلی کے بلوں‌کا مسئلہ ہے، پیٹرن انچیف نے پارٹی رہنماؤں کو ہدایت جاری کی کہ عام انتخابات کے لئے سخت محنت کریں۔ جبکہ جہانگیر ترین نے عشائیے میں شریک رہنماؤں سے خطاب کرتے ہوئے کہا کہ ملک و قوم کے مفاد میں خود کو پیچھے اور پارٹی کو آگے رکھیں گے، جہاں کسی کو ضرورت ہو گی پارٹی مکمل مدد فراہم کرے گی، نیا پاکستان بنانا خواب تھا اس خواب کو ضرور پورا کریں گے۔
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار
    صدر استحکام پاکستان پارٹی عبدالعلیم خان نے کسی سیاسی جماعت سے الحاق خارج ازامکان قرار دیتے ہوئے کہا کہ پارٹی ہر حلقے سے خود الیکشن میں حصہ لے گی ، دونوں حکومتیں آج ہونے والی تباہی و بربادی کی برابر کی ذمہ دار ہیں۔ علاوہ ازیں عبدالعلیم خان کا کہنا تھا کہ صارفین کو تین سو یونٹ اور چھوٹے کسانوں کو ٹیوب ویل کی بجلی مفت دیں گے، کسی اور کو اہل کرانے کے لئے جہانگیر ترین نے خود کو نااہل کرا کر قربانی دی، عمران خان کی بدنصیبی تھی اس نے جہانگیر ترین کی صلاحیتوں سے فائدہ نہیں اٹھایا، جس جس نے نیکی کی عمران خان نے اس کو ضرور ڈسا، اب مکافات عمل ہورہا ہے۔

  • صدر مملکت نے پیمرا ترمیمی بل 2023 کی منظوری دے دی

    صدر مملکت نے پیمرا ترمیمی بل 2023 کی منظوری دے دی

    صدر مملکت ڈاکٹر عارف علوی نے پیمرا ترمیمی بل 2023 کی منظوری دے دی ہے جبکہ صدر مملکت نے آئین کے آرٹیکل 75 کے تحت پیمرا ترمیمی بل 2023 کی منظوری دی ہے اور صدر مملکت عارف علوی کی جانب سے بل کی منظوری کے بعد سابق پی ڈی ایم کی حکومت کی وزیر اطلاعات مریم اورنگزیب نے کہا کہ میڈیا خاص طور پر میڈیا ورکرز کو باضابطہ مبارک ہو، پرویز مشرف کی آمریت سے جنم لینے والے پیمرا کے سیاہ کالے قانون کو پیمرا ترمیمی بل 2023 کی صورت میں دستور پاکستان کی جمہوری و بنیادی انسانی حقوق کی حدود میں لے آئے ہیں، آرٹیکل 19 کو قانون کا حصہ بناکر اظہار رائے کی آزادی کو یقینی بنادیا ہے۔


    جبکہ سوشل میڈیا پلیٹ فارم ایکس پر جاری پیغام میں انہوں نے کہا کہ دوماہ کے اندر واجبات کی ادائیگی نہ ہونے پر سرکاری اشتہارات کی بندش، پیمرا چیئرمین سے اختیارات کی کونسل آف کمپلینٹس کو منتقلی، جبکہ پی بی اے اور پی ایف یو جے کے نمائندوں کی کونسل میں شمولیت سمیت ایسے کئی اقدامات اب قانون بن چکے ہیں۔
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار
    سابق وفاقی وزیر اطلاعات نے مزید کہا کہ مشاورت سے تیار ہونے والا یہ متفقہ قانون میڈیا ورکرز اور میڈیا ہاؤسز کی مشترکہ کامیابی ہے۔ اے پی این ایس، سی پی این ای، پی بی اے، ایمینڈ، پی ایف یو جے، آر آئی یو جے، وزارت اطلاعات اور پیمرا کے افسران سمیت تمام احباب کا شکریہ ادا کرتی ہوں جنہوں نے راہنمائی، معاونت اور مدد کی۔ جبکہ مریم اونگریب نے یہ بھی کہا کہ وزیراعظم شہباز شریف، سابق کابینہ، پارلیمان کے تمام ارکان کا بھی شکریہ ادا کرتی ہوں جنہوں نے یہ تاریخ ساز فیصلہ کیا۔

  • نیب ترامیم کیخلاف عمران خان کی درخواست سماعت کیلئے مقرر

    نیب ترامیم کیخلاف عمران خان کی درخواست سماعت کیلئے مقرر

    نیب ترامیم کے خلاف پاکستان تحریک انصاف کے چیئرمین عمران خان کی درخواست دوبارہ سپریم کورٹ میں سماعت کے لیے مقرر کرلی گئی ہے جبکہ چیف جسٹس آف پاکستان عمر عطاء بندیال کی سربراہی میں سپریم کورٹ کا 3 رکنی بینچ 18 اگست کو اس کیس کی سماعت کرے گا۔ 3 رکنی بینچ میں جسٹس اعجازالاحسن اور جسٹس منصور علی شاہ بھی شامل ہوں گے.

    جاری اعلامیہ کے مطابق رجسٹرار سپریم کورٹ نے فریقین کو نوٹسز جاری کردیے ہیں جبکہ گزشتہ سال چیئرمین پی ٹی آئی نے نیب ترامیم کے خلاف درخواست دائر کی تھی اور اس کیس کی اب تک 47 سماعتیں ہوچکی ہیں۔ تاہم سپریم کورٹ نے رواں سال 16 مئی کو کیس کی آخری سماعت کی تھی، عدالت نے کیس میں فیصلہ محفوظ ہونے کا عندیہ دیتے ہوئے سماعت ملتوی کی تھی۔
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار

    یاد رہے کہ گزشتہ سال سابق وزیر اعظم عمران خان کی طرف سے نیب میں ہونے والی ترامیم کے خلاف سپریم کورٹ میں دائر درخواست کی سماعت کے دوران سپریم کورٹ کے جج جسٹس منصور علی شاہ نے ریمارکس دیے تھے کہ پاکستان میں لوگ آئین کو سبوثاژ کرکے بھی گھروں میں بیٹھے ہوئے ہیں۔ جبکہ بینچ کے سربراہ جسٹس عمر عطا بندیال نے ریمارکس دیے تھے کہ اس بات پر ہم سب آمادہ ہیں کہ احتساب کا قانون ہونا چاہیے۔ انھوں نے کہا تھا کہ اقوام متحدہ کا انسداد کرپشن کنونشن بہت واضح ہے۔

  • غیر منقولہ جائیداد کی فروخت پر سیکشن 7 ای لاگو نہیں ہوگا

    غیر منقولہ جائیداد کی فروخت پر سیکشن 7 ای لاگو نہیں ہوگا

    غیر منقولہ جائیداد کی فروخت یا ٹرانسفر پر سیکشن 7 ای لاگو نہیں ہوگا

    فیڈرل بورڈ آف ریونیو نے پنجاب میں رئیل اسٹیٹ سیکٹر سے وابستہ افراد کو بڑا ریلیف فراہم کر دیا ہے جبکہ فیڈرل بورڈ آف ریونیو کے ایک اعلامیہ کے مطابق پنجاب میں غیر منقولہ جائیداد کی فروخت یا ٹرانسفر پر سیکشن 7 ای لاگو نہیں ہوگا جبکہ ایف بی آر نے انکم ٹیکس آرڈیننس 2001 کے سیکشن 7 ای میں جزوی ترمیم کا نوٹیفکیشن جاری کر دیا ہے جس کے مطابق فائلرز یا نان فائلرز سے پراپرٹی کی خرید و فروخت پر ایک فیصد ٹیکس وصول نہیں کیا جائے گا۔

    تاہم خیال رہے کہ نئے بجٹ میں پراپرٹی کی خرید و فروخت یا ٹرانسفر پر ایک فیصد ٹیکس عائد کیا گیا تھا اور یہ ٹیکس پراپرٹی کی فیئر مارکیٹ ویلیو کے حساب سے عائد ہوا تھا جبکہ لاہور ہائی کورٹ کے حکم پر پنجاب میں انکم ٹیکس آرڈیننس 2001 کے سیکشن 7 ای پر عمل درآمد روک دیا گیا ہے۔
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار
    نمائندہ رئیل اسٹیٹ سیکٹر احسن ملک کے مطابق فیصلے کا اطلاق اٹک سے رحیم یار خان تک پنجاب کی حدود میں آنے والے تمام علاقوں پر ہوگا۔

  • بہشت نے جب گانے کی خواہش کا اظہار کیا تو والد شان کا کیا ری ایکشن تھاِ؟

    بہشت نے جب گانے کی خواہش کا اظہار کیا تو والد شان کا کیا ری ایکشن تھاِ؟

    شان شاہد کی بیٹی بہشت نے اپنے حالیہ انٹرویو میں کہا ہے کہ مجھے گانے کا شوق بھی تھا لیکن والد کے ساتھ کبھی اظہار نہیں کیا تھا. جب میں نے اپنے والد کو بتایا کہ میں گانا بھی چاہتی ہوں تو انہوں نے کہا کہ ہیں” توں اے وی ” . انہوں نے مجھے کہا کہ میں تمہارے ہر شوق میں‌تمہارے ساتھ ہوں ٹھیک ہے جم کر گانے کے لئے ریاضت کرو ، ریہرسل کرو، انہوں نے کہا کہ مجھے خوشی ہے کہ تم ملٹی ٹیلینٹڈ ہو. انہوں نے کہا کہ میری ماں نے مجھے ہر قدم پر سپورٹ کیا ہے، میری والدہ کو بہت زیادہ خوشی ہے کہ میں نے باقاعدہ اپنے کیرئیر کا آغاز کر دیا ہے.

    انہوں نے کہا کہ” گانا گانا آسان نہیں ہے یقینا بہت ہی مشکل کام ہے”، میں نے اب گلوکاری کے میدان میں قدم رکھ دیا ہے تو اسکو بھی ساتھ ساتھ لیکر چلوں گی ، باقی ابھی یہ نہیں کہہ سکتی کہ میں مستقبل میں کیا کروں گی اداکاری یا ڈائریکشن. انہوں نے کہا کہ جو بھی کروں گی بہت سوچ سمجھ کر کروں گی. پہلے گانے کی لانچ سے پہلے کافی نروس تھی لیکن لائیو پرفارمنس کے بعد کافی مطمئن ہوں.

    بیٹی بہشت کی خوشی میں خوش ہوں مسز شان شاہد

    شان شاہد کی بیٹی نے اپنا پہلا گانا لانچ کر دیا

    ماورا حسین کا چائلڈ لیبر کے حوالے سے وڈیو پیغام

  • جو دل میں آئے بول دیتی ہوں تمکنت منصور

    جو دل میں آئے بول دیتی ہوں تمکنت منصور

    معروف اداکارہ و سوشل میڈیا انفلواینسر تمکنت منصور نے اپنے حالیہ انٹرویو میں‌کہا ہے کہ کچھ لوگوں کو لگتا ہےکہ میں جو بولتی ہوں وہ کوئی مجھے لکھ کر دیتا ہے ، ایسا نہیں ہے میرا جو دل کرتا ہے میں بول دیتی ہوں ، اور کوئی بھی وڈیو بنانے سے پہلے کچھ نہ لکھتی ہوں نہ سوچتی ہوں ، بس جیسے ہی کیمرے کے سامنے آتی ہوں جو دل میں آتا ہے بول دیتی ہوں. بہت سارے لوگوں کو میری باتیں اچھی نہیں لگتی وہ سوشل میڈیا پر مجھے گالیاں بھی دیتے ہیں لیکن مجھے اس چیز سے فرق نہیں پڑتا.کیونکہ میں نے جو بولنا ہے وہ بولتے ہی رہنا ہے.

    انہوں نے مزید کہا کہ” میں نے ایک ڈرامہ کیا ہے وقت زیادہ ملتا نہیں ہے،” میں نے معروف رائٹر فصیح باری خان کے ساتھ اپنے کام کا آغاز کیا تھا. جب جب موقع ملتا رہے گا میں ڈراموں میں کام کرتی رہوں گی. انہوں نے کہا کہ عورتوں کو چاہیے کہ وہ وہ کام کریں جو اسکا دل کرتا ہے وہ کبھی بھی دوسروں کے کہنے پر اپنی خواہشوں کا خون نہ کریں. یاد رہےکہ تمکنت منصور اکثر سوشل میڈیا پر آگاہی کے نقطہ نظر سے وڈیو بنا کر شئیر کرتی رہتی ہیں.

    بیٹی بہشت کی خوشی میں خوش ہوں مسز شان شاہد

    شان شاہد کی بیٹی نے اپنا پہلا گانا لانچ کر دیا

    ماورا حسین کا چائلڈ لیبر کے حوالے سے وڈیو پیغام