Baaghi TV

Author: +9251

  • روپیہ کی قدر میں اضافے کو بریک، ڈالر ایک بار پھر مہنگا

    روپیہ کی قدر میں اضافے کو بریک، ڈالر ایک بار پھر مہنگا

    اسٹیٹ بینک آف پاکستان نے اپنی سماجی رابطے کی ویب سائٹ ٹویٹر پر جاری کردہ اعداد و شمار میں بتایا ہے کہ رواں ہفتے کے آخری کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 1 روپیہ 13 پیسے کا اضافہ دیکھا گیا ہے جبکہ اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 276 روپے 46 پیسے سے بڑھ کر 276 روپے 59 پیسے ہو گئی ہے۔

    مرکزی بینک کے مطابق امریکی ڈالر کے مقابلے میں ملکی روپے کی قدر میں 0.41 فیصد کی گراوٹ دیکھی گئی ہے دوسری جانب اُدھر اوپن مارکیٹ میں امریکی ڈالر دو روپے مہنگا ہونے کے بعد 281 روپے کا ہو گیا ہے، اسٹیٹ بینک کے مطابق دیگر کرنسیوں کا تقابلی جائزہ لیا جائے تو یورو کی قدر 311 روپے، جاپانی ین 2 روپے، برطانوی پاؤنڈز 364 روپے، آسٹریلوی ڈالر 190 روپے، کینیڈین ڈالر 211 روپے، سعودی ریال 73.9 روپے ، ملائیشین رنگٹ 61 روپے، بھارتی روپیہ 3.3 روپے، قطری ریال 76 روپے نوٹ کی گئی ہے۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    جبکہ معاشی ماہرین کے مطابق ملک بھر میں امریکی ڈالر کی قیمت میں اضافہ عارضی ہے اور ادائیگیوں کی وجہ سے روپیہ پر معمولی دباؤ آیا ہے، سعودی عرب، متحدہ عرب امارات، آئی ایم ایف سے ملنے والے اربوں ڈالرز کے بعد آئندہ ہفتے کے دوران ملکی کرنسی کی قدر میں مزید بحالی دیکھنے کو ملے گی، ممکنہ طور پر روپے کی خالصتاً قدر 250 روپے کے قریب بنتی ہے۔

    دوسری جانب پاکستان سٹاک مارکیٹ میں ایک مرتبہ پھر 198.98 پوائنٹس کی مندی ریکارڈ کی گئی۔ حصص مارکیٹ میں کاروبار کا آغاز مثبت انداز میں ہوا، تاہم صبح دس بجے تک انڈیکس میں 200 پوائنٹس کی تیزی ریکارڈ کی گئی اس دوران مندی نے ڈیرے ڈال لیے۔ مندی کا تسلسل کاروبار کے اختتام تک جاری رہا، جس کے بعد 100 انڈیکس 198.98 پوائنٹس کی مندی کے بعد 45067.98 پوائنٹس کی سطح پر پہنچ کر بند ہوا۔ پورے کاروباری روز کے دوران کاروبار میں 0.44 فیصد کی گراوٹ دیکھی گئی جبکہ 11 کروڑ 28 لاکھ 84 ہزار 945 شیئرز کا لین دین ہوا۔ جس کے باعث سرمایہ کاروں کو 8 ارب روپے زائد کا نقصان برداشت کرنا پڑا گیا۔

  • 14 جولائی سارہ خان کا یوم پیدائش

    14 جولائی سارہ خان کا یوم پیدائش

    سارہ خان ایک پاکستانی اداکارہ ہیں جو اکثر اردو زبان کی ٹیلی ویژن سیریز میں دکھائی دیتی ہیں۔ سارہ خان نے ٹی وی اسکرین پر جلوہ گر ہونے کی شروعات 2012ء میں ہم ٹی وی کے ٹیلی ویژن سیریل بڑی آپا میں معاون کردار سے کی تھی اور پھر اس کی پیروی کئی کامیاب ٹیلی ویژن سیریز میں مختصر کرداروں کے ساتھ کی ۔

    وہ مومل پروڈکشن کے تیار کردہ رومانٹک ڈراما الوداع (2015ء) میں ایک خود غرض موقع پرست کے کردار سے نمایاں ہوگئیں۔ اس کے بعد سارہ خان نے اسرار ڈراما محبت آگ سی (2015ء) میں گھریلو خاتون کا کردار ادا کیا، جس پر انہیں بہترین معاون اداکارہ کا ہم ایوارڈ بھی ملا۔ سارہ خان جو اب سارہ فلک شبیر ہیں 14 جولائی 1992 کو مدینہ منورہ میں پیدا ہوئیں تھیں۔سارہ خان کی والدہ ایک لبنانی خاتون تھیں۔سارہ خان نے اپنی زندگی کے ابتدائی 10 سال مدینہ منورہ میں گزارے ہیں

    سارہ خان نے 16 جولائی 2020ء کو پاکستانی گلوکار اور گیت کار فلک شبیر سے شادی کی۔فلک اور سارہ کی ملاقات لاہور میں ایک برائڈل فیشن ویک کے دوران ہوئی تھی جہاں فلک نے سارہ کو شادی کی پیشکش کی تھی۔ اس وقت تو سارہ نے نہ کر دی لیکن پھر فلک سارہ کے والد کے پاس ان کا ہاتھ مانگنے پہنچ گئے۔ سارہ خان نے اپنی اداکاری کا آغاز 2012ء میں معاون کردار کے طور پر کیا ، بڑی آپا جو ہم ٹی وی پر نشر کیا گیا ، جہاں انہوں نے مرکزی کرداروں کی بیٹی کا کردار ادا کیا۔ اس کے بعد وہ مرتہ العروس میں نظر آئیں جو اسی سال جیو ٹی وی پر نشر کی گئی۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    نجی تعلیمی اداروں کو بلا معاوضہ پلاٹ الاٹ کرنے کا فیصلہ
    روپیہ کی قدر میں اضافے کو بریک، ڈالر ایک بار پھر مہنگا
    انہوں نے مہوش حیات ، میکال ذو الفقار، احسن خان، ثمینہ احمد اور عائشہ خان کے ساتھ ہمنا کا نمایاں کردار ادا کیا۔ اس کے بعد انھوں نے صنم جنگ اور عمران عباس نقوی کے ساتھ رومانٹک ڈراما الوداع میں 2015ء میں ایک خود غرض موقع پرست کا منفی کردار کے ادا کیا جو ہم ٹی وی پر ڈراما نشر کیا گیا تھا۔ اسی سال، انھوں نے ڈراما محبت آگ سی میں عمدہ اداکاری کی اور معاون کردار میں بہترین اداکارہ کا ایوارڈ حاصل کیا۔ اس کے بعد انہوں نے رومانٹک ڈراما تمارے ہیں ، کالے جادو پر مبنی رومانوی نظر بد (دونوں 2017ء) اور ہارر ڈراما بیلاپور کی دیان (2018ء) میں اہم کردار پیش کرنے پر وسیع پیمانے پر شناخت اور عوامی تعریف حاصل کی ، جس میں سے آخری ڈراما پر ہم ایوارڈ میں بہترین اداکارہ کی نامزدگی حاصل کی۔ اسرار ڈراما بند کھڑکیاں (2018ء) میں ان کی اداکاری کے لیے مزید تعریف ہوئی۔

  • شہباز شریف کو ہرانے والے محمد خان لغاری نے بھی پی ٹی آئی چھوڑ دی

    شہباز شریف کو ہرانے والے محمد خان لغاری نے بھی پی ٹی آئی چھوڑ دی

    سابق رکن قومی اسمبلی سردار محمد خان لغاری نے بھی پاکستان تحریک انصاف کو چھوڑ دیا ہے جبکہ سماجی رابطے کی ویب سائٹ ٹویٹر پر اپنے ایک بیان میں انہوں نے پی ٹی آئی سے لاتعلقی کا اعلان کرتے ہوئے کہا کہ حالیہ9 مئی کے پر تشدد واقعات کی وجہ سے پی ٹی آئی چھوڑنے کا فیصلہ کیا۔

    سابق رکن قومی اسمبلی کا کہنا تھا کہ فوجی تنصیبات پر حملے اور شہداء کی بے حرمتی کی شدید الفاظ میں مذمت کرتے ہیں، پی ٹی آئی کے ریاست مخالف بیانیہ کے ساتھ مزید نہیں چل سکتے۔

    خیال رہے کہ سردارمحمد لغاری این اے192، ڈی جی خان سے قومی اسمبلی کے امیدوار تھے انہوں نے 2018 کا الیکشن پی ٹی آئی کے ٹکٹ پر لڑا تھا اور شہبازشریف کو شکست دی تھی۔ یاد رہے کہ 9 مئی کے بعد سے اب تک پاکستان تحریک انصاف کو خیرباد کہنے والے رہنمائوں کی تعداد میں کافی اضافہ ہوگیا ہے.

    جبکہ محمد خان لغاری کے علاوہ سابق وفاقی وزیرعامر محمود کیانی، سابق مشیر وزیراعظم ملک امین اسلم،پنجاب سے سابق ارکان اسمبلی میں ظہیرالدین علیزئی،عون ڈوگر ،عبدالحئی دستی ،اشرف رند ،نیاز گشکوری،علمدار قریشی،قیصر مگسی ، سجاد چھینہ ،مجاہد میتلا شامل ہیں۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    نجی تعلیمی اداروں کو بلا معاوضہ پلاٹ الاٹ کرنے کا فیصلہ
    روپیہ کی قدر میں اضافے کو بریک، ڈالر ایک بار پھر مہنگا
    ان کے علاوہ این اے 100 سے سابق امیدواروسابق تحصیل ناظم چنیوٹ سید ذوالفقار علی شاہ ،سابق ایم این اے چودھری وجاہت حسین ، سابق ایم این اے فیض اللہ کموکا، سابق وزیرانسانی حقوق ڈاکٹر شیریں مزاری ، سابق ایم پی اے افتخار حسن گیلانی ، ٹکٹ ہولڈر پی پی 209 عبدالرزاق نیازی ،ٹکٹ ہولڈر پی پی 149 عباد فاروق ،سابق صوبائی وزیر سعید الحسن شاہ ،فیاض الحسن چوہان ،سلیم اختر لابر ،جلیل احمد شرقپوری ،فواد احمد چودھری ،چودھری حسین الہی ،ٹکٹ ہولڈر پی پی 247 احسان الحق چودھری ، ٹکٹ ہولڈرپی پی 248 ڈاکٹر افضل ،سابق ایم پی اے جاوید اختر انصاری،سابق ایم این اے قطب فرید کوریجہ ، سابق امیدوار پی پی 257 چودھری جہانزیب رشید ، سابق ایم پی اے ملک اکرم ،سابق رکن قومی اسمبلی ملیکہ بخاری،سابق مشیر وزیراعظم برائے زراعت جمشید چیمہ ،سابق ترجمان عمران خان مسرت جمشید چیمہ اورپی پی 71 حافظ آباد سے سابق ایم پی اے احسن بھٹی شامل ہیں۔

  • آرمی چیف کا کوئٹہ گیریژن دورہ؛ افغانستان میں ٹی ٹی پی کی محفوظ پناہ گاہوں پر شدید تشویش

    آرمی چیف کا کوئٹہ گیریژن دورہ؛ افغانستان میں ٹی ٹی پی کی محفوظ پناہ گاہوں پر شدید تشویش

    آرمی چیف کا کوئٹہ گیریژن دورہ؛ افغانستان میں ٹی ٹی پی کی محفوظ پناہ گاہوں پر شدید تشویش

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے کوئٹہ گیریژن کا دورہ کیا ہے جہاں انہیں ژوب میں ہونے والے حالیہ دہشت گردانہ حملے پر بریفنگ دی گئی جبکہ اس موقع پر پاک فوج کے سربراہ جنرل عاصم منیر نے شہداء کو خراج عقیدت پیش کیا۔ آئی ایس پی آر کے مطابق آرمی چیف نے زخمیوں کی عیادت کے لیے سی ایم ایچ کوئٹہ کا بھی دورہ کیا جہاں انہوں نے زخمی جوانوں کی عیادت کی اور جنرل سید عاصم منیر نے جوانوں کے عزم اور استقلال کی تعریف کی۔


    ترجمان پاک فوج کی جانب سے کہا گیا کہ افغانستان میں ٹی ٹی پی کی محفوظ پناہ گاہوں اور انہیں دہشت گردانہ کاروائیوں کی اجازت ہونے پر افواج پاکستان کو شدید تشویش ہے، امید کرتے ہیں کہ افغان عبوری حکومت کسی ملک کے خلاف اپنی سرزمین کو دہشت گردی کے لیے استعمال ہونے کی اجازت نہیں دے گی۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    نجی تعلیمی اداروں کو بلا معاوضہ پلاٹ الاٹ کرنے کا فیصلہ
    روپیہ کی قدر میں اضافے کو بریک، ڈالر ایک بار پھر مہنگا
    آئی ایس پی آر نے مزید کہا کہ افغان عبوری حکومت کو دوحہ میں ہونے والے معاہدے پر عملدرآمد کرنا چاہیئے۔ ترجمان پاک فوج کی جانب سے یہ بیان بدھ کو بلوچستان میں پاکستانی سیکیورٹی فورسز کے خلاف 2 دہشت گردانہ حملوں کے تناظر میں سامنے آیا ہے۔ جب ژوب اور سوئی میں حملوں میں 12 فوجی شہید ہوئے تھے۔

  • بینظیر کفالت کے تحت 75 لاکھ مستحقین میں 68 ارب روپے تقسیم

    بینظیر کفالت کے تحت 75 لاکھ مستحقین میں 68 ارب روپے تقسیم

    بینظیر کفالت کے تحت 75 لاکھ مستحقین میں 68 ارب روپے سے زائد کی رقم تقسیم کی جاچکی ہے

    ترجمان بینظیر انکم سپورٹ پروگرام کے مطابق اب تک بی آئی ایس پی کے تحت مالی سال 23-2022 کی بینظیر کفالت کی چوتھی سہ ماہی قسط کی ادئیگی جاری ہے اور اب تک 75 لاکھ سے زائد مستحق خواتین میں 68 ارب روپے سے زائد کی رقم تقسیم کی جا چکی ہے۔
    بینظیر کفالت کے تحت 90 لاکھ رجسٹرڈ گھرانوں کو 9000 روپے فی خاندان ادا کئے جارہے ہیں۔ بینظیر انکم سپورٹ پروگرام اپنے پارٹنر بینکوں، یعنی بینک الفلاح اور حبیب بینک لمیٹڈ (HBL) کو 81 ارب روپے سے زائد کی رقم جاری کر چکا ہے۔

    پروگرام کے ترجمان نے کہا کہ بینظیر کفالت کے علاوہ رجسٹرڈ خاندانوں کے بچوں کو بھی بینظیر تعلیمی وظائف دیے جا رہے ہیں، تاہم تعلیمی وظائف کے حصول کے لیے سکول میں 70 فیصد حاضری لازمی ہے۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟
    نجی تعلیمی اداروں کو بلا معاوضہ پلاٹ الاٹ کرنے کا فیصلہ
    روپیہ کی قدر میں اضافے کو بریک، ڈالر ایک بار پھر مہنگا

    علاوہ ازیں یہ بھی کہا گیا کہ کسی بھی شکایت کی صورت میں مستحق افراد بی آئی ایس پی کے قریبی تحصیل دفاتر سے رجوع کر سکتے ہیں یا بینظیر انکم سپورٹ پروگرام کے ٹول فری ہیلپ لائن نمبر 080026477 پر کال کر سکتے ہیں۔ بی آئی ایس پی کے ترجمان نے اس بات کا اعادہ کیا کہ بینظیر انکم سپورٹ پروگرام کا کوئی بھی پیغام صرف 8171 سے بھیجا جاتا ہے اس کے علاوہ کسی دوسرے نمبر سے آنے والے پیغامات پر بھروسہ نہ کیا جائے۔

  • نجی تعلیمی اداروں کو بلا معاوضہ پلاٹ الاٹ کرنے کا فیصلہ

    نجی تعلیمی اداروں کو بلا معاوضہ پلاٹ الاٹ کرنے کا فیصلہ

    نجی تعلیمی اداروں کو بغیر معاوضے کے پلاٹ الاٹ کرنے کے منصوبہ پرعمل درآمد کا فیصلہ کر لیا گیا اور سی ڈی اے نے درخواستیں طلب کرلی ہیں جبکہ اسلام آباد میں نجی تعلیمی اداروں کو 300 پلاٹ بغیر معاوضے کے الاٹ کرنے کے منصوبہ پر عملدرآمد کا فیصلہ کر لیا گیا ہے، اور سی ڈی اے نے نجی تعلیمی اداروں سے درخواستیں طلب کرلی ہیں۔

    نجی تعلیمی اداروں سے طلب کی گئی ہر درخواست کے ساتھ دو لاکھ روپے بطور رجسٹریشن جمع کروانے ہوں گے، نجی تعلیمی اداروں کو کمرشل ایریا میں 2، 4 اور 10 کنال پر محیط پلاٹ بلا معاوضہ دئیے جائیں گے، جب کہ ان پلاٹوں میں سرکاری اداروں کو مختص کردہ پلاٹ بھی شامل ہیں، منصوبے کا مقصد رہائشی علاقوں میں نجی اسکول چلنے سے روکنا ہے۔
    مزید یہ بھی پڑھیں؛
    بشریٰ بی بی پھنس گئی،بلاوا آ گیا، معافی مشکل
    پشاور ہائی کورٹ، سونے کے قیمتوں کے تعین پر سماعت
    اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
    واشنگٹن پاکستانی سفارتخانے کی پرانی عمارت کس نے خریدی؟

    جبکہ دوسری جانب سرکاری تعلیمی اداروں کی جوائنٹ ایکشن کمیٹی نے حکومتی منصوبے کی مخالفت کرتے ہوئے حکومتی فیصلہ واپس نہ لینے پر عدالتی کاروائی کا عندیہ دے دیا ہے۔ واضح رہے کہ ادھر تحریم اصغر کے مطابق ہمارے تعلیمی اداروں خاص طور پر نجی تعلیمی اداروں میں ظلم کی انتہا یہ ہے استاد کا کام صرف تعلیم و تربیت ہے لیکن یہاں پڑھانے کے علاوہ بھی سارے کام اساتذہ سے ہی لیے جاتے ہیں۔ مثلاً بریک کے دوران وہ آیا بھی ہے اور چھٹی کے وقت چوکیدار اور سیکورٹی گارڈ بھی۔ ادارے کے سارے انتظامی معاملات بھی استاد کی ذمہ داری ہیں۔ ادارے کے لیے بچے اکٹھے کرنے ہوں، گھر گھر جا کر داخلوں کے پمفلٹ تقسیم کرنے ہوں یا بچوں سے فیسیں لینی ہوں یہ کردار بھی اساتذہ ہی ادا کرتے ہیں۔

  • اب صرف ٹی وی پر کام کروں گی صاحبہ

    اب صرف ٹی وی پر کام کروں گی صاحبہ

    ریمبو کی اہلیہ صاحبہ نے اپنے ایک انٹرویو میں‌کہا ہے کہ میں نے اب باقاعدہ اداکاری شروع کر دی ہے، شادی کے بعد بچوں اور گھر کی بہت ساری مصروفیات تھیں جن کو نبھانے کے لئے فلموں سے بریک لیا تھا. اب جبکہ میں نے دوبارہ اداکاری شروع کی ہے لیکن میرا فلموں میں کام کرنے کا ارادہ نہیں ہے، ٹی وی پر ہی کام کروں گی. ایسا نہیں ہے کہ بڑی سکرین پر کام کرنے کے حوالے سے مجھ پر کوئی پابندی ہے بلکہ میں نے خود فیصلہ کیا ہےکہ میں کودخود کوڈراموں کی حد تک محدود رکھوں گی.

    انہوں نے کہا کہ” آج کل میں کراچی میں ایک ڈرامے کی شوٹنگ میں‌مصروف ہوں ، جس طرح سے بڑی سکرین پر کام کرنے کا اپنا مزہ ہے” اسی طرح سے چھوٹی سکرین پر بھی کام کرنے کا اپنا ہی مزہ ہے. میں اب جب کہ کام شروع کر دیا ہے تو ایسا نہیں ہے کہ جیسا بھی پراجیکٹ اور کردار ملا تو کر لوں گی ، میرے پاس جو بھی پراجیکٹ آئیگا اسکو دیکھوں گی اور محسوس کرنے کی کوشش کروں گی کہ کردار لوگوں کو کیا میسج دیتا ہے،. اگر سمجھ میں آیا تو کر لوں گی ورنہ اچھے کردار اور پراجیکٹ کا انتظار کروں گی.

    ٹک ٹاکر ہونے کی وجہ سےلوگ ہلکا لیتے تھے رومیصہ خان

    کومل رضوی کی شادی کا مالٹا میں جشن

    الحمراء میں آرٹسٹ سپورٹ فنڈ کے تحت خواتین آرٹسٹوں سے درخواستیں وصول کرنے کے لئے خواتین ڈیسک کا قیام

  • وہاج علی کس سینئر اداکار سے متاثر ہیں ؟

    وہاج علی کس سینئر اداکار سے متاثر ہیں ؟

    نوجوان نسل کے نمائندہ فنکار وہاج علی نے اپنے ایک انٹرویو میں کہا ہےکہ میں‌نعمان اعجاز کی اداکاری سے بہت متاثر ہوں. میں ان کو اداکاری کرتا دیکھتا ہوں تو ایسا گمان ہوتا ہے جیسے یہ حقیقت ہے اداکاری نہیں ہے،. نعمان اعجاز کے ساتھ میں ایک ڈرامہ کر رہا ہوں ، اس میں ان کے ساتھ وقت گزارنے کا موقع میسر آ رہا ہے. میں ان سے بہت کچھ سیکھ رہا ہوں. انہوں نے کہا کہ نعمان اعجاز اپنے سے جونئیرز کے ساتھ بہت ہی شفقت کے ساتھ پیش آتے ہیں.

    سیٹ پر ان کا رویہ ایسا ہوتا ہے جیسے وہ باپ ہیں ، ”انہوں نے ہمیشہ پیار سے بلایا اور سمجھایا ہے”، وہ ہمارے ملک کے کسی بھی بڑے فنکار کا مقابلہ کر سکتے ہیں ، ان جیسے اداکار یقینا ہماری شوبز انڈسٹری کا سرمایہ ہیں. یاد رہے کہ وہاج علی آج کل بہت مقبول ہیں اور ان کی اداکاری سے بہت سارے نئے لوگ متاثر ہیں لیکن وہ نعمان اعجاز کی اداکاری سے متاثر ہیں . وہاج علی کی حال ہی میں فلم بھی ریلز ہوئی ہے تیری میری کہانیاں، اس میں انہوں نے مہوش حیات کے ساتھ کام کیا ہے، مہوش اور وہاج کی جوڑی کو بہت سراہا جا رہا ہے.

    ٹک ٹاکر ہونے کی وجہ سےلوگ ہلکا لیتے تھے رومیصہ خان

    کومل رضوی کی شادی کا مالٹا میں جشن

    الحمراء میں آرٹسٹ سپورٹ فنڈ کے تحت خواتین آرٹسٹوں سے درخواستیں وصول کرنے کے لئے خواتین ڈیسک کا قیام

  • پشاور؛ متنی پولیس اسٹیشن پر دہشت گردوں کا حملہ

    پشاور؛ متنی پولیس اسٹیشن پر دہشت گردوں کا حملہ

    پشاور کے متنی پولیس اسٹیشن پر دہشت گردوں نے حملہ کیا ہے جبکہ 10 دہشت گردوں نے پولیس اسٹیشن متنی پشاور پر ہلکے اور بھاری ہتھیاروں سے حملہ کیا اور ابھی فائرنگ کا تبادلہ ہوا

    پولیس اہلکاروں نے بروقت کارروائی کرکے حملے کو ناکام بنا دیا ،پولیس ترجمان کے مطابق متنی میں پولیس اسٹیشن پر جدید ہتھیاروں سے لیس دہشت گردوں نے دو اطراف سے حملہ کیا، پولیس کی جانب سے فوری جوابی کارروائی کی گئی دہشت گرد پسپا ہوئے اور فرار ہوگئے

    ترجمان خیبرپختونخوا پولیس نے تصدیق کی کہ دہشت گردوں کے حملے میں کوئی جانی یا مالی نقصان نہیں ہوا، اہلکاروں اور دہشت گردوں کے درمیان بیس منٹ تک شدید فائرنگ کا تبادلہ ہوا

    سی سی پی او پشاور سید اشفاق انور نے دلیری سے دہشت گردوں کا مقابلہ کرنے والے پولیس اہلکاروں کو شاباش دی اور کہا کہ پشاور پولیس نے ہمیشہ دلیری سے مقابلہ کیا ہےہم دہشتگردوں کی ساتھ ڈٹ کر مقابلہ کریں گے اور کسی کو بھی امن و امان خراب کرنے کی اجازت نہیں دیں گے۔

    جبکہ خیال رہے کہ اس سے قبل گزشتہ جنوری میں پشاور میں تلاشی کے دوران مشکوک افراد کی فائرنگ شروع کردی تھی اور یہ پشاور کے علاقے متنی بازار میں تلاشی کے دوران مشکوک افراد کی فائرنگ سے تھانہ متنی کے اسٹیشن ہاؤس آفیسر (ایس ایچ او) زخمی ہوگئے تھے۔

    پولیس نے بتایا تھا کہ متنی بازار میں تلاشی کا عمل جاری تھا کہ مشکوک افراد نے پولیس پر فائرنگ کی جبکہ پولیس نے بتایا تھا کہ ایس ایچ او تھانا متنی عمران الدین دائیں ٹانگ پر گولی لگنے سے زخمی ہوگئے جنہیں فوری اسپتال منتقل کردیا گیا اور ان کی حالت خطرے سے باہر ہے۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    یاد رہے کہ اس میں فائرنگ سے مشکوک افراد کا ایک ساتھی بھی زخمی ہوا تھا زخمی ملزم سلمان اور ایک ساتھی نورعلی شاہ کو گرفتار کرلیا گیا تھا جبکہ باقی افراد فرار ہوگئے تھے

  • وفاقی وزارت داخلہ کو طلبی کا سمن جاری ہوسکتا

    وفاقی وزارت داخلہ کو طلبی کا سمن جاری ہوسکتا

    الیکشن کمیشن نے وفاقی وزارت داخلہ کو طلبی کا انتباہ کردیا ہے جبکہ سیکریٹری الیکشن کمیشن کہتے ہیں کہ اسلام آباد کی مخصوص بلدیاتی نشستوں سے متعلق خط کا جواب نہ دینے پر طلبی کا سمن جاری ہوسکتا ہے کیونکہ انہوں نے ابھی تک جواب نہیں دیا ہے.

    الیکشن کمیشن نے وزرات داخلہ کو اسلام اباد کی بلدیاتی مخصوص نشتوں کی تعداد کا نوٹی فیکشن اورانتخابی اخراجات کے حتمی رولز جاری کرنے کے لیے خط لکھا تھا۔جس میں ہدایات پرعمل کیلئے بارہ جولائی تک کی مہلت دی گئی تھی لیکن وزرات داخلہ نے خط کا کوئی جواب ہی نہیں دیا ہے
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ڈالر کے مقابلہ میں روپے کی قدر میں مزید بہتری
    شہر یار آفریدی کی ہمشیرہ انتقال کر گئیں
    سیکریٹری الیکشن کمیشن نے نجی ٹی وی سے گفتگو کرتے ہوئے کہا کہ وزرات داخلہ کے جواب نہ دینے کا معاملہ کمیشن میں رکھے جانے پر وزرات داخلہ کو سمن جاری کیا جانے کا امکان ہے.

    یاد رہے کہ اس سے قبل :چیف الیکشن کمشنر نے حکم دیا تھا کہ وزارت داخلہ 12 جولائی تک مخصوص نشستوں کی تعداد کا نوٹیفکیشن اور امیدواروں کے لئے انتخابی اخراجات کی حد کے رولز ہر صورت الیکشن کمیشن کو مہیا کرے تاکہ وفاقی دارالحکومت اسلام آباد میں بلدیاتی انتخابات کا شیڈول جاری کیا جا سکے۔ الیکشن کمیشن سے جاری بیان کے مطابق چیف الیکشن کمشنر سکندر سلطان راجہ کی زیر صدارت پیر کو اہم اجلاس منعقد ہوا تھا جس میں چیف الیکشن کمشنر اور الیکشن کمیشن کے معزز اراکین کے علاوہ سپیشل سیکرٹری اور دیگر سینئر افسران نے شرکت کی تھی۔

    اجلاس میں بتایا تھا گیا کہ معزز عدالت عالیہ اسلام آباد کے حکم کی روشنی میں الیکشن کمیشن وفاقی دارالحکومت اسلام آباد کے بلدیاتی انتخابات کے انعقاد اور شیڈول دینے کے لئے مکمل طور پر تیار ہے ، البتہ 22 جون 2023 کے اجلاس کے دوران وزارت داخلہ کے نمائندگان نے مخصوص نشستوں کی تعداد کے نوٹیفکیشن اور امیدواروں کے لئے انتخابی اخراجات کی حد کے لئے رولز بنانے کے لئے درخواست کی تھی جس پر الیکشن کمیشن نے وزارت داخلہ کو مذکورہ بالا دستاویزات مہیا کرنے کی ہدایت کی مگر تاحال وزارت داخلہ کی طرف سے جواب موصول نہیں ہوا ۔

    الیکشن کمیشن نے حکم دیا کہ وزارت داخلہ کو فوری طور پر خط تحریر کیا جائے کہ وہ 12 جولائی تک مخصوص نشستوں کی تعداد کا نوٹیفکیشن اور امیدواروں کے لئے انتخابی اخراجات کی حد کے رولز ہر صورت الیکشن کمیشن کو مہیا کرے تاکہ الیکشن کمیشن وفاقی دارالحکومت میں بلدیاتی انتخابات کا شیڈول جاری کرے۔ صوبہ پنجاب کے بلدیاتی انتخابات کے انعقاد کے بارے میں بریفنگ کے دوران الیکشن کمیشن کو بتایا گیا کہ پنجاب میں انتخابی گروپوں کی رجسٹریشن کا عمل 17 جولائی کو مکمل ہو جائے گااور الیکشن کمیشن نے صوبہ میں بلدیاتی انتخابات کے انعقاد کے لئے تمام انتظامات مکمل کر لئے ہیں مگر پنجاب لوکل گورنمنٹ ایکٹ 2022 کے سیکشن 47(1) کے تحت لوکل گورنمنٹ انتخابات کا انعقاد ای وی ایم پر ہوگا اور ووٹروں کو آئی ووٹنگ کی سہولت بھی میسر ہوگی

    اس سلسلے میں الیکشن کمیشن نے متعدد بار صوبائی حکومت کو تحریر کیا تھا کہ لوکل گورنمنٹ انتخابات کے دوران ای وی ایم کا استعمال ممکن نہیں اور آئی ووٹنگ کی سہولت بھی فراہم نہیں کی جا سکتی ۔ صوبائی حکومت پنجاب نے اس سلسلے میں لوکل گورنمنٹ کے رولز 35(4) میں ضروری ترمیم کردی ہے اور ووٹنگ کا طریقہ کار بھی الیکشن ایکٹ 2017 کے تحت مہیا کر دیا ہے لیکن لوکل گورنمنٹ ایکٹ میں ترمیم ضروری ہے تاکہ لوکل گورنمنٹ ایکٹ اور رولز ایک دوسرے سے متصادم نہ ہوں ۔

    اس پر الیکشن کمیشن نےد فتر کو حکم دیا تھا کہ فوری طور پر صوبائی حکومت پنجاب کو تحریر کیا جائے کہ الیکشن ایکٹ 2017کی دفعات 103اور 94 میں وفاقی گورنمنٹ کی طرف سےای وی ایم اور آئی ووٹنگ سے متعلق ترامیم کو مد نظر رکھتے ہوئے لوکل گورنمنٹ ایکٹ 2022 اور رولز میں ضروری ترمیم کرے تاکہ صوبہ میں الیکشن کا فوری انعقاد یقینی بنایا جائے ۔