Baaghi TV

Author: +9251

  • جیکی شروف کی اہلیہ عائشہ کے ساتھ 58 لاکھ کا فراڈ‌ ، جیکی کی طرف سے خاموشی

    جیکی شروف کی اہلیہ عائشہ کے ساتھ 58 لاکھ کا فراڈ‌ ، جیکی کی طرف سے خاموشی

    بالی وڈ اسٹار ٹائیگر شروف کی والدہ اور جیکی شروف کی اہلیہ عائشہ شروف کے ساتھ لاکھوں روپے کا دھوکہ ہوگیا ہے. کہا جا رہا ہے کہ یہ فراڈ بھارتی 58 لاکھ روپے کا ہے جو انہوں نے بزنس پر لگانے کے لئے دئیے تھے. تفصیلات کے مطابق جیکی شروف کی اہلیہ عائشہ شروف نے اپنے اور ٹائیگر کے جم ایم ایم اے میٹرکس کمپنی کے ڈائریکٹر آف آپریشنز کے خلاف ممبئی پولیس میں مقدمہ درج کروایا ہے۔ اس مقدمہ میں انہوں نے جم کے ڈائریکٹر آف آپریشنز ایلن فرنینڈس کو نامزد کیا ہے، جن پر دفعہ 420، 408، 465، 467 اور 468 درج کی گئی ہے۔عائشہ شروف نے ایلن فرنینڈس پر الزام عائد کیا ہے کہ اس نے بھارت اور بھارت سے باہر ٹورنامنٹس کروانے کیلئے بہت

    زیادہ پیسے لئے ہیں اور پیسوں میں غبن بھی کیا ہے۔ رپورٹس یہ بھی بتاتی ہیں کہ دسمبر 2018 سے جنوری 2023 تک ملزم نے مجموعی طور پر 58 لاکھ بھارتی روپے کمپنی کے بینک اکانٹ کے بجائے اپنے ذاتی اکاںٹ میں جمع کروائے ہیں۔ تاہم نامزد ملزم ایلن فرنینڈس کی جانب سے اس حوالے سے کوئی بیان سامنے نہیں آیا ہے۔عائشہ کا کہنا ہےکہ مجھے نہ صرف میرے پیسے واپس دلوائے جائیں بلکہ ملزم کو قرار واقعی سزا دی جائے تاکہ یہ دوبارہ کسی کے ساتھ دھوکہ اور فراڈ کرنے کی ہمت نہ کرے. یاد رہے کہ اس سارے معاملے میں جیکی کا ابھی تک کوئی بیان سامنے نہیں آیا.

  • مریم اورنگزیب کی صائمہ، سید نور حسن عسکری و دیگر کے ساتھ ملاقات

    مریم اورنگزیب کی صائمہ، سید نور حسن عسکری و دیگر کے ساتھ ملاقات

    وفاقی وزیر اطلاعات مریم اورنگزیب پہنچ گئیں سید نور کے گھر پر۔ان کے اعزاز میں‌سید نور اور ان کی اہلیہ صائمہ نے پر تکلف کھانے کا اہتمام بھی کیا. مریم اورنگزیب کی آمد پر پاکستان فلم انڈسٹری کی جو معروف شخصیات موجود تھی ان میں ڈائریکٹر حسن عسکری پروڈیوسر صفدر ملک سید نور صائمہ نور چودھری اعجاز کامران چیئرمین پروڈیوسر ایسوسی ایشن چوہدری ذوالفقار علی مانا ڈائریکٹر الطاف حسین رائٹر ڈائریکٹر پرویز کلیم اداکار راشد محمود شفقت چیمہ پروڈیوسر التمش بنٹو بھی موجود تھے۔ وزیر اطلاعات مریم اورنگزیب کو فلم انڈسٹری کے مسائل سے بھی آگاہ کیا مریم اورنگزیب نے یقین دلایا کہ جلد سے جلد فلم انڈسٹری کے دیرینہ مسائل کو حل کرنے کی کوشش کی جائے گی۔ مریم اورنگزیب نے کہا کہ فنکار ہماری شناخت اور قومی اثاثہ

    ہیں،ملکی ثقافت کے فروغ اور قومی تشخص کو پروان چڑھانے میں فنکاروں کا کلیدی کردار ہے،یاد رہے کہ آئندہ مالی سال کے بجٹ میں فلم فنانس فنڈ کے لئے دو ارب اور فنکاروں کی ہیلتھ انشورنس کے لئے ایک ارب روپے مختص کئے گئے ہیں۔سید نور نے کہا کہ ہم نے فلم انڈسٹری ہمیشہ اچھا کام کرکے سنبھالا دینے کی کوشش کی ہے لیکن وقت بدل چکا ہے تقاضے بدل چکے ہیں ، ابھی وہ وقت ہے کہ حکومت فلم انڈسٹری کی سرپرستی کرے تاکہ ہم دنیا کا مقابلہ کر سکیں اوراپنے لوگوں‌کو اچھی اور معیاری پراجیکٹس فراہم کر سکیں.

  • پاکستان میں لاکھوں لینے والے فنکار انڈیا میں کتنے پیسے لیتے ہیں افتخار ٹھاکر نے بتا دیا

    پاکستان میں لاکھوں لینے والے فنکار انڈیا میں کتنے پیسے لیتے ہیں افتخار ٹھاکر نے بتا دیا

    معروف اداکار افتخار ٹھاکر نے اپنے حالیہ انٹرویو میں‌ کہا ہے کہ پاکستانی کامیڈینز کی بھارت میں بہت زیادہ عزت کی جاتی ہے ، انہیں‌ وہاں کی پنجابی فلموں میں کام کرنے کا نہ صرف بھاری معاوضہ ملتا ہے بلکہ ان کو ایسا پروٹوکول دیاجاتا ہے کہ لگنے لگ جاتا ہے کہ جیسے ہم کوئی اس ملک کے صدر بن گئے ہیں. انہوں نے کہا کہ یہ سچ ہے کہ پاکستانی فنکار جب پاکستان کی فلموں میں کام کرتے ہیں تو ان کو لاکھوں‌دیا جاتا ہے جبکہ بھارت کی کسی پنجابی فلم میں کام کرتے ہیں تو ان کو کروڑوں‌ملتا ہے . انہوں نے کہا کہ پاکستانی فنکاروں کو انڈیا میں بہت

    زیادہ پسند کیا جاتا ہے. کپل شرما شو میں ہمارے جتنے بھی فنکار گئے ان کو بہت زیادہ عزت ملی. اس کے علاوہ بھی بھارت میں‌ کسی بھی پراجیکٹ کا پاکستانی فنکار حصہ بنے ان کو بہت وقار کے ساتھ بلایا گیا، انہوں نے کہاکہ جو لوگ کہتے ہیں کہ کپل شرما بھاری بھرکم معاوضہ لیتا ہے وہ یہ بھی جان لیں کہ وہ تو وہاں رہ کر ایسا کرتا ہے لیکن پاکستانی فنکار تو پاکستان سے بھارت جا کر بھاری معاوضہ لیتے ہیں تو یہ پاکستانی فنکاروں کی ایک قسم کی جیت اور حوصلہ افزائی ہے.

  • صبور علی ابھی تک ماں کیوں نہیں‌ بنیں اداکارہ نے حیران کن وجہ بتا دی

    صبور علی ابھی تک ماں کیوں نہیں‌ بنیں اداکارہ نے حیران کن وجہ بتا دی

    چھوٹی سکرین کی بڑی اداکارہ اور سجل علی کی بہن صبور علی جنہوں نے علی انصاری کے ساتھ شادی کی ہے، وہ ابھی تک ماں‌نہیں‌بنی اور صرف گھومتی پھرتی ہوئی دکھائی دیتی ہیں. انہوں نے اپنے ایک حالیہ انٹرویو میں‌کی ہیں کچھ دلچپسپ باتیں ، انہوں نے کہا ہے کہ میں ابھی تک ماں اس لئے نہیں بنی کیونکہ بچوں‌کے ساتھ سفر کرنا بہت مشکل ہوتا ہے، میں نے خود دیکھا ہوا ہے کہ میری والدہ کے لئے میرے اور سجل کے ساتھ سفر کرنا آسان نہیں ہوتا تھا. لہذا میری کوشش اور خواہش ہے کہ میں اپنے بچے پیدا ہونے سے پہلے جتنا ہو سکے سفر کر لوں دنیا دیکھ لوں‌،

    بچوں کے ساتھ سفر کرنا بہت مشکل ہوتا ہے. انہوں نے یہ بھی کہاکہ میں اپنی شادی شدہ زندگی سے بہت خوش ہوں، اور میں نے کچھ وقت کے لئے کام سے بریک لیا ہوا ہے، میں بہت جلد سکرین پر لوٹوں گی. انہوں نے کہا کہ میں جب بھی کوئی سکرپٹ سائن کرتی ہوں‌تو اس میں‌دیکھتی ہوں‌کہ کہانی دیکھنے والوں‌کو کیا پیغام دے گی اور میرا کردار کیسا ہے اس میں اداکاری کرنے کی کتنی گنجائش موجودہے. انہوں نے کہا کہ مجھے میری بہن سجل علی کی اداکاری بہت پسند ہے وہ میرے لئے انسپریشن ہے.

  • مہوش حیات عید کے بعد اپنے مداحوں کو کیا سرپرائز دینے والی ہیں؟‌

    مہوش حیات عید کے بعد اپنے مداحوں کو کیا سرپرائز دینے والی ہیں؟‌

    اداکارہ مہوش حیات جن کے کریڈٹ پر بے شمار ڈرامے اور کامیاب ترین فلمیں‌ہیں، مہوش پاکستان سینما انڈسٹری کے لئے لکی نمبر ہیں ، انہوں نے جب بھی کوئی فلم کی ہے وہ کامیابی سے ہمکنار ہوئی ہے. عید الاضحی پر اداکارہ تیری میری کہانیاں کی شارٹ فلم 123واں میں‌نظر آئیں گی، اس میں‌ان کے ساتھ وہاج علی ہیں. مہوش حیات نے اپنے حالیہ انٹرویو میں کہا ہے کہ وہاج علی نہایت ہی پروفیشنل اور میچور اداکار ہیں، ان کے ساتھ کام کرکے بہت اچھا لگا، میں اس لئے کم کم پراجیکٹس میں‌ نظر آتی ہوں کیونکہ معیاری کام کو ترجیح دیتی ہوں. اور 123 واں اسی سلسلے کی ایک کڑی ہے.انہوں نے کہا کہ میں نے اس فلم میں ساڑھی زیب تن کی ہے، اس میں میری لکس بہت

    مختلف ہیں مجھے بہت امید ہے شائقین کو ضرور پسند آئیگی. انہوں نے کہا کہ میں اگلے سال ٹی وی پر ڈرامہ کرتی ہوئی بھی نظر آئوں گی، اس کے علاوہ عید الاضحی کے بعد میں اپنے مداحوں کو ایک سرپرائز دوں گی. مہوش حیات نے کہا کہ تیری میری کہانیاں بہت ہی خوبصورت تجربہ ہے، اور میں بہت خوش ہوں کہ میں اس پراجیکٹ کا حصہ ہوں، میری فلم 123 واں کے ڈائیلاگز خلیل الرحمان قمر نے لکھے ہیں ، ڈائیلاگز بہت ہی فریش ہیں.

  • لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    سینئر ٹی وی میزبان مبشر لقمان نے اپنے پروگرام کھرا سچ میں فوزیہ قصوری سے سوال کرتے ہوئے کہا کہ ” یہ جو استحکام پاکستان پارٹی ہے مجھے تو اس سے کوئی زیادہ امید نہیں کیونکہ اکثریت وہی لوگ ہیں جو لوٹے ہیں اور محض بلند آوازوں کیلئے مشہور ہیں، جب کہ یہ کہیں پر بھی چلیں جائیں پارٹی کی وجہ سے جیت سکتے ہیں لیکن اپنے بل بوتے پر نہیں جیت سکتے ہیں.

    مبشر لقمان کے سوال کیا یہ لوگ کوئی فرق لاسکیں گے؟ کے جواب میں فوزیہ قصوری نے کہا کہ جب میں پی ٹی آئی میں تھی تو اس وقت جو لوگ محنت سے کام کرتے تھے ان میں جہانگیر ترین اور علیم خان تھے کیونکہ وہ پارٹی کیلئے محنت کرتے تھے، ان کا مزید کہنا تھا کہ مجھے ان لوگوں کا نہیں معلوم کہ وہ کوئی تبدیلی لاسکتے ہیں، پہلے جب پارٹی کے اندر زیادتیاں ہوتی‌ تھیں تو ہم نے آواز بلند کی اور اسی لیے ہمیں پسند نہیں کیا گیا تھا.

    اس موقع پر مبشر لقمان کا کہنا تھا کہ فواد چودھری اپنی ضمانت ضبط کروائے گا جبکہ علی زیدی اور عمران اسماعیل بھی اپنی سیٹ‌ نہیں نکال سکتے ہیں کیونکہ یہ لوگ تحریک انصاف کی سیٹ پر جیتے تھے اور وہ بھی ان لوگوں کو جتوایا گیا تھا، جبکہ اسی طرح کے بہت سارے ایسے لوگ ہیں جن کا اپنے حلقے سے کوئی تعلق نہیں ہے، اس بات پر فوزیہ قصوری نے بھی سینئر اینکر سے اتفاق کیا اور انہوں نے کہا کہ یہ وہ لوگ تھے جنہیں پوری طرح سے نوازا گیا تھا.
    مزید یہ بھی بڑھیں؛
    لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی

    فوزیہ قصوری کا کہنا تھا کہ یہ کس قسم کے لوگ ہیں کیونکہ انسان کی آنکھ میں حیا ہوتی ہے لیکن ان کے اندر کوئی شرم و حیا ہے ہی نہیں، ( دراصل ان اشارہ یہاں فواد چودھری کی طرف تھا) کیونکہ کبھی سر پکڑ کر تو کبھی منہ چھپا کر بیٹھے تھے، اب یہاں واضح ہے کہ اللہ کی پکڑ بے نیاز ہے کیونکہ یہ لوگ بڑے بول بولا کرتے تھے لیکن آج منہ چھپا رہے ہیں جبکہ انہوں نے تھوڑا سا بھی صبر نہیں کیا ایک طرف پی ٹی آئی چھوڑی اور پھر دوسری طرف منہ چھپاتے ہوئے دوسرے پارٹی میں جابیٹھے.

  • امریکا اور برطانیہ سمیت یورپ کیلئے پروازیں شروع کرنے کا فیصلہ

    امریکا اور برطانیہ سمیت یورپ کیلئے پروازیں شروع کرنے کا فیصلہ

    باخبر ذرائع کے مطابق قومی ائیر لائن پاکستان انٹرنیشنل ائیرلائن یعنی پی آئی اے نےامریکا، برطانیہ اور یورپ کیلئے پروازیں جلد شروع کرنے کا فیصلہ کرلیا ہے جس پر بہت جلد عمل ہوجائے گا اور یوں پاکستان سے براہ راست ان ممالک میں جانا آسان ہوجائے گا جس سے مسافروں کو کافی بہتری محسوس ہوگی کیونکہ اب انہیں ان ممالک جانے کیلئے پہلے دبئی یا کہیں اور لینڈ کرکے جہاز تبدیل نہیں کرنا پڑے گا.

    واضح رہے کہ وزیرخزانہ اسحاق ڈارکی زیرصدارت ایوی ایشن امور پر اجلاس ہوا ہے جس میں سیکریٹری ایوی ایشن نے اس شعبے کو درپیش مسائل پر بریفنگ دی جبکہ سروسز کی فراہمی اور سیکیورٹی قوانین اور استعداد کاربڑھانےکےامورکا بھی جائزہ لیا گیا اور اجلاس میں امریکا، برطانیہ اور یورپ کیلئے پی آئی اے پروازیں جلد شروع کرنےکا بھی فیصلہ کیا گیاہے۔
    مزید یہ بھی بڑھیں؛
    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی
    وزیرخزانہ اسحاق ڈار نےاس مقصد کیلئےضروری اقدامات کی ہدایت کرتے ہوئےایوی ایشن کامعیار بہتر بنانے کیلئےہرممکن تعاون کی یقین دہانی کروائی ہے اور انہوں نے مزید کہا کہ حکومت کی طرف سے جتنی بھی مدد درکار ہو وہ کی جائے گی لیکن محکمہ بھی ضروری اقدامات کو فوری بروائے کار لائے تاکہ جلد از جلد ممکن بنایا جاسکے.

    ادھر ان ممالک میں سفر کرنے والوں کا کہنا ہے کہ یہ اقدام انتہائی ضروری اور قابل ستائش ہے کیونکہ اس سے بہت بہتری محسوس کی جائے گی کیونکہ اب ان ممالک میں پی آئی اے خود سروسز فراہم کررہی ہے.

  • سمندری طوفان بائپرجوائے کے پیشِ نظر پاک فوج کی امدادی کاروائیاں جاری

    سمندری طوفان بائپرجوائے کے پیشِ نظر پاک فوج کی امدادی کاروائیاں جاری

    سمندری طوفان بائپرجوائے کے پیشِ نظر پاک فوج کی امدادی کاروائیاں جاری ہیں جبکہ ساحلی پٹی کے نزدیک آبادی کو محفوظ مقامات پر منتقل کرنے کا سلسلہ زور وشور سے جاری ہے تاہم واضح رہے کہ پاک فوج نے رات گئے محفوظ مقامات پر منتقل کیے گئے افراد کے اعداد و شمار جاری کر دیئے ہیں.

    جاری کردہ اعداد و شمار کے مطابق 82 فیصد سے زائد آبادی کو حفاظتی مقامات پر منتقل کیا جا چکا ہے اور منتقلی کا عمل آج رات تک مکمل کر لیا جائے گا لیکن اب تک کے اعداد شمار کے مطابق 73,843 میں سے 60,442 افراد کو محفوظ مقامات پر منتقل کیا جا چکا ہے اور پاک فوج کی طرف سے ٹھٹھہ میں 9, سجاول اور بدین میں مزید 14، 14 ریلیف کیمپ بھی قائم کر دیئے گئے.

    اعلامیہ کے مطابق کور کمانڈر کراچی کی ریسکیو عمل کو ہر حال میں آج رات میں مکمل کرنے کی ہدایات کی گئی ہے جبکہ اگلے 72 گھنٹوں تک رینجرز اور فوجی دستوں کو الرٹ رہنے کا حکم بھی دیا گیا ہے تاہم کور کمانڈر کراچی کا کہنا ہے کہ فیلڈ میں تعینات فوجی اہلکار، سول انتظامیہ کے تعاون سے اس مشکل گھڑی میں عوام کی بھرپور مدد کریں.
    مزید یہ بھی بڑھیں؛
    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی
    جبکہ دوسری جانب پاکستان اور بھارت کے لیے خطرہ بننے والا سمندری طوفان بپر جوائے پیش نظر پیشگی طور پر ماہی گیروں کو سمندروں سے واپس بلالیا گیا تھا اور ساحل کی قریبی آبادی کو محفوظ مقام پر منتقل کیا گیا تھا۔

  • عمران خان یوٹیوب چینل؛ لاکھوں کے فرضی ویوز اب چند ہزار رہ گئے

    عمران خان یوٹیوب چینل؛ لاکھوں کے فرضی ویوز اب چند ہزار رہ گئے

    تحریک انصاف کے سربراہ عمران خان کی جماعت اور ان کے مداح ہمیشہ سے ایک جھوٹا دعویٰ کرتے آئے ہیں کہ عمران خان کو یوٹیوب پر لاکھوں لوگ بیک وقت دیکھتے اور سنتے ہیں لیکن ان کے یہ دعوے دراصل مصنوعی ہیں کیونکہ سینئر صحافی طلعت حسین نے اپنی ٹوئیٹ میں ثبوت کے ساتھ دعوٰی کرتے ہوئے لکھا "“قوم” اور خطاب۔ عمران خان آفیشل یوٹیوب چینل:11 منٹ کے بعد ویورزکی تعداد 10,380
    جبکہ خطاب ختم ہونے کے کچھ دیر بعد: 3692 سی طرح تحریک انصاف آفیشل یوٹیوب چینل: 11 منٹ پر ویورز کی تعداد: 13471 اور خطاب ختم ہونے کے کچھ دیر بعد کل ویورز: 4800 رہ گئے.


    باغی ٹی وی کے نیوز ایڈیٹر ملک رمضان اسراء کے مطابق "تحریک انصاف والے درصل روبوٹ یا فرضی ویوز شو کرتے ہیں تاکہ جھوٹی مقبولیت کا دعویٰ کیا جاسکتے اور عمران خان کو ایک مقبول لیڈر بنایا یا ظاہر کیا جاسکے لہذا یہی وجہ ہے کہ خود عمران خان اور ان کی جماعت سوشل میڈیا پر پروپیگنڈہ کرنے میں ماہر ہیں.”

    جبکہ تحریک انصاف کے چیئرمین عمران خان کے سوشل میڈیا پر مقبولیت کے دعوے بھی بے نقاب ہونے لگے ایک طرف تحریک انصاف میں شامل رہنما پارٹی چھوڑ رہے ہیں تو دوسری جانب سوشل میڈیا پر بھی عمران خان کے اکاونٹ کی ریچ انتہائی کم ہوتی جا رہی ہے سانحہ نو مئی جس میں تحریک انصاف کے شرپسندوں نے ملک دشمنی کا کردار ادا کرتے ہوئے فوجی تنصیبات پر حملے کیے اور منظم منصوبہ بندی کے تحت کاروائی کی تھی جس کے بعد سے عمران خان کی تحریک انصاف ون مین شو بن چکی ہے عمران خان حکومت میں کابینہ میں شامل اور عمران خان کے انتہائی قابل اعتماد ساتھی بھی عمران خان سے الگ ہو چکے ہیں لہذا اب عمران خان شدید ڈپریشن کا شکار ہیں اور کسی سے بات نہ کرنے والے عمران خان اب بات چیت کے لئے تیار ہیں مگر اب ملک دشمنی کرنیوالے سے کوئی بات کرنے کو تیار نہیں

    موجودہ حالات میں عمران خان کو پارٹی رہنماوں کی علیحدگی کے بعد سب سے بڑا دھچکا سوشل میڈیا نے پہنچایا ، کہا جاتا تھا کہ عمران خان سوشل میڈیا پر مقبول مگر آج کے عمران خان کے خطاب نے مقبولیت کے تمام تر دعوے ہوا میں اڑا دیئے گئے ہیں اور یوں وہ اب سوشل میڈیا پر بھی بے نقاب ہوچکے ہیں.
    مزید یہ بھی بڑھیں؛
    ارشد شریف قتل کیس،عمران خان سے تحقیقات کی استدعا مسترد

    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی
    خیال رہے کہ عمران خان کے خطاب کے دوران ویوز کا زیادہ ہونا اور بعد میں کم ہونے سے واضح ہوگیا کہ عمران خان جس کے بارے میں دعوی کیا جاتا تھا کہ اسکو لاکھوں لوگ سنتے اور دیکھتے ہیں امت مسلمہ کے لیڈر ہیں اسکو آج یوٹیوب پر دیکھنے والوں کی تعداد چند ہزار رہ گئی ہے حالانکہ پاکستان میں یوٹیوب صارفین کی تعداد کروڑوں میں ہے۔ ایک صارف کے مطابق یہ سب عمران خان کے اپنے ہی کرتوتوں کی وجہ سے ایسا ہو رہا ہے جس میں کسی اور کا قصور نہیں بلکہ خود عمران خان کی انا اور ہٹ دھرمی شامل ہے

  • مریم نواز نے خواتین کو مسلم لیگ ن کا ہر اول دستہ قرار دے دیا

    مریم نواز نے خواتین کو مسلم لیگ ن کا ہر اول دستہ قرار دے دیا

    مریم نواز نے خواتین کو مسلم لیگ ن کا ہر اول دستہ قرار دے دیا

    مسلم لیگ نواز کی نائب صدر اور چیف آرگنائزرمریم نواز کا کہنا ہےکہ ترقی کےعمل میں خواتین کو شامل کرنا ہماری پارٹی کے منشور کا حصہ پے لہذا پارٹی ٹکٹ بہترین کارکردگی پر ہی ملےگا اور اس کی یہی شرط ہے کہ اب آپ اپنی کارکردگی پر فوکس کریں تاکہ آپ پرفورمنس بہتر ہو.

    جبکہ اس موقع پر مریم نواز شریف سے صدر خواتین ونگ لاہورسعدیہ تیمورنے بھی ملاقات کی جس میں سعدیہ تیمورنےٹریننگ سیشن، پارٹی کی تنظیم سازی پررپورٹ پیش کی اورپارٹی امورمیں خواتین کےکرداراورتنظیم سازی کاجائزہ لیاگیا، علاوہ ازیں مریم نواز نے یہ بھی کہا کہ ترقی کے عمل میں خواتین کو شامل کرنا بھی ہمارے منشور کا حصہ ہے، کیونکہ خواتین نوازشریف اوردیگرقیادت کےشانہ بشانہ آگےبڑھتی ہیں۔

    یاد رہے کہ اس سے قبل گزشتہ روز مریم نواز نے کہا تھا کہ نواز شریف کی واپسی کے بعد ملک ٹیک آف کرے گا جبکہ چیئرمین پی ٹی آئی کو تنقید کا نشانہ بناتے ہوئے کہا تھاکہ 9 مئی کے ماسٹر مائنڈ نے سوچا کہ وہ افواج پاکستان کو جھکالے گا، مگرچال الٹی پڑگئی اور اب وہ 9 جون کو یوٹیوب پر بیٹھ کر انہی سے ملاقاتوں کی بھیک اور معافیاں مانگ رہا ہے۔
    مزید یہ بھی بڑھیں؛
    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی
    مریم نواز نے یہ بھی کہا تھا کہ خود پر برا وقت آیا تو کارکنوں کو ذمہ دار ٹھہرا کر انہیں بس کے نیچے پھینک دیا، 9 مئی کے سانحے سے تکلیف تو بہت ہوئی لیکن اچھا ہوا ملک کا دشمن پہچانا گیا ، فتنہ و فساد کا چیپٹر ختم ہوا ، اب ترقی کا سفر شروع ہوگا۔