وفاقی وزیر برائے موسمیاتی تبدیلی شیری رحمان کا کہنا ہے کہ طوفان کے باعث آج چھوٹے جہازبند کرنے کا فیصلہ کیا گیا ہے جبکہ اس کے علاوہ طوفان کے قریب پہنچتے ہی کمرشل فلائٹس کو بھی روک دیا جائے گا۔ واضح رہے کہ پریس کانفرنس کرتے ہوئے شیری رحمان کا کہنا تھاکہ کل دن 11 بجے سمندری طوفان کیٹی بندر سے ٹکرائے گا لہٰذا لوگوں سے اپیل ہے عوام انتظامیہ کے ساتھ تعاون کریں، پیٹرولنگ ریلیف اور ریسکیو کے لیے تمام ادارے متحرک ہیں اور 66 ہزار افراد کو محفوظ مقام پر منتقل کردیا گیا ہے۔
شیری رحمان کا مزید کہنا تھا کہ عوام سے درخواست کی ہے کہ لوگ ساحلی علاقوں کی طرف طوفان کو دیکھنے کیلئے جا رہے ہیں لہذا مہربانی فرما کر یہ ڈیزاسٹر ٹورازم بند کریں کیونکہ اس میں کافی نقصان کا اندیشہ ہے. ان کا یہ بھی کہنا تھاکہ مہربانی فرما کر عوام ٹک ٹاک بنانے کے لیے ساحلی علاقوں میں مت جائیں، بار بار شکایات موصول ہو رہی ہے، عوام کو بار بار روک رہے ہیں۔
تاہم شیری رحمان کا کہنا تھا کہ طوفان کراچی کے ساحل سے نہیں ٹکرائے گا، طوفان کے باعث آج چھوٹے جہازبند کرنے کا فیصلہ کیا گیا ہے اور طوفان کے قریب پہنچتے ہی کمرشل فلائٹس کوبھی روک دیا جائے گا۔ جبکہ دوسری جانب نیشنل ڈیزاسٹر منیجمنٹ اتھارٹی (این ڈی ایم اے) کے چیئرمین لیفٹیننٹ جنرل انعام حیدر ملک کا کہنا تھاکہ ایسا فیزبھی آسکتا ہے کہ جہاں منتقل کیا گیا وہاں سے کہیں اور بھی منتقل کیا جا سکتا ہے، بتایا گیا کہ 300 ملی میٹر تک بارش ہو سکتی ہے۔
مزید یہ بھی بڑھیں؛
سمندری طوفان :کراچی میں خطرناک صورت حال نہیں،چیف میٹرولوجسٹ
روپے کے مقابلہ میں ڈالر میں کمی
نو مئی کے واقعات میں مبینہ کردار،فیض حمید گھر میں نظر بند
لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
نومئی کے واقعات،صابر شاکر، معید پیر زادہ پر مقدمہ درج
پی ٹی آئی کی سابق ایم پی اے نے پی پی میں شمولیت اختیار کرلی
انہوں نے کہا کہ ہوسکتا ہے کچھ علاقے ریلیف کیمپس کیلئے مناسب نہ ہوں، کیٹی بندر میں 10 ریلیف کیمپس ہیں، انتظامات کیے گئے ہیں ،کشتیوں کا بھی بندوبست کیا ہے۔ جبکہ خیال رہے کہ بحیرہ عرب کے سمندری طوفان کا رخ بدل گیا، بپر جوئے کراچی کے ساحل سے دور ہونے لگا۔ محکمہ موسمیات کے مطابق طوفان کا کراچی سے فاصلہ 340 کلومیٹر سے بڑھ کر 370 کلومیٹر ہوگیا ہے جبکہ کیٹی بندر سے طوفان کا فاصلہ 275 کلومیٹر سے بڑھ کر 290 کلو میٹر ہوا ہے تاہم کیٹی بندر ساحل سے طوفان کے ٹکرانے کا خطرہ اب بھی موجود ہے۔ محکمہ موسمیات کا بتانا ہےکہ بپرجوئے کراچی کے ساحل سے نہیں ٹکرائے گا لیکن طوفان کا اثر نظر آئے گا۔
