Baaghi TV

Author: +9251

  • آسٹریلوی بیٹر کی 29 گیندوں پر سنچری

    آسٹریلوی بیٹر کی 29 گیندوں پر سنچری

    آسٹریلوی بیٹر نے وائٹ بال ون ڈے کرکٹ میں تیز ترین سنچری کا ریکارڈ قائم کر دیا ہے جبکہ جنوبی آسٹریلیا کے بیٹر جیک فریزر نے آسٹریلوی ڈومیسٹک کپ میں تسمانیہ کے خلاف 29 گیندوں پر سنچری بنا کر مینز لسٹ اے کرکٹ میں تیز ترین سنچری کا اے بی ڈی ویلیئرز کا ریکارڈ توڑ دیا، برٹش کارپوریشن کے مطابق لسٹ اے کرکٹ دراصل ون ڈے فارمیٹ ہے جس میں ڈومیسٹک اور انٹرنیشنل کے وائٹ بال میچز دونوں شامل ہیں اور اس میں فی ٹیم کی ایک اننگز میں اوورز کی تعداد 40 سے 60 تک ہے۔

    واضح رہے کہ جنوبی افریقی بیٹر ڈی ویلیئرز نے جنوری 2015 میں جوہانسبرگ میں ویسٹ انڈیز کے خلاف ون ڈے انٹرنیشنل میچ میں 31 گیندوں پر سنچری بنائی تھی، تاہم گزشتہ دنوں آسٹریلیا کے ڈومیسٹک ون ڈے کپ میں تسمانیہ نے جنوبی آسٹریلیا کیخلاف رنز کا پہاڑ کھڑا کر دیا تھا اور مخالف ٹیم کو 50 اوورز میں جیت کیلئے 436 رنز کا ہدف دیا تھا تاہم ہدف کے تعاقب میں جنوبی آسٹریلیا کے بیٹر جیک فریزر نے تیز رفتار اننگز کھیلی اور صرف 29 گیندوں پر سنچری اسکور کی ہے.
    مزید یہ بھی پڑھیں؛
    کوئلے کی کان میں دھماکہ؛ 11 مزدور زخمی
    ہمارا حق مارا جائے گا تو سڑکوں پر نکل کر بتائیں گے،مولانا فضل الرحمان
    شیخ رشید کی بازیابی کیلئے مزید آٹھ دن کا وقت مل گیا
    ” ون لائن” کی پہلی خاتون لکھاری مسرت ناز
    کیا پاکستان ورلڈکپ میں نئی تاریخ رقم کر پائے گا؟
    ورلڈکپ: پاکستان کو جیت کیلئے345 رنز کا ہدف
    علاوہ ازیں 38 گیندوں پر 125 رنز بنائے اور ان کی اننگز میں 13 چھکے اور 10 چوکے شامل تھے لیکن وہ اپنی ٹیم کا جیت نہ دلواسکے ہیں جبکہ ہدف کے تعاقب میں جنوبی آسٹریلیا کی ٹیم 398 رنز بناسکی تاہم واضح رہے کہ ون ڈے انٹرنیشنل میچ میں تیز ترین سنچری کا ریکارڈ اب بھی اے بی ڈی ویلیئرز کے پاس ہی ہے۔

  • کوئلے کی کان میں دھماکہ؛ 11 مزدور زخمی

    کوئلے کی کان میں دھماکہ؛ 11 مزدور زخمی

    خیبرپختونخوا کے ضلع اورکزئی میں کوئلے کی کان میں دھماکے سے 11 مزدور زخمی ہو گئے ہیں اور زخمیوں کو ریسکیو آپریشن کے ذریعے ملبے سے نکال کر مقامی اسپتال منتقل کر دیا گیا ہے جبکہ قبائلی ضلع اورکزئی کے علاقے ڈولی میں حسینیہ جول مائن میں گیس بھر جانے سے دھماکا ہوا ہے ، جس کے بعد 11 کان کن ملبے تلے دب گئے تھے۔

    واضح رہے کہ ڈی پی او صلاح الدین کنڈی کی قیادت میں ریسکیو آپریشن مکمل کر کے زخمیوں کو مقامی اسپتال منتقل کر دیا گیا ہے اور
    مزید یہ بھی پڑھیں؛
    ہمارا حق مارا جائے گا تو سڑکوں پر نکل کر بتائیں گے،مولانا فضل الرحمان
    شیخ رشید کی بازیابی کیلئے مزید آٹھ دن کا وقت مل گیا
    ” ون لائن” کی پہلی خاتون لکھاری مسرت ناز
    کیا پاکستان ورلڈکپ میں نئی تاریخ رقم کر پائے گا؟
    ورلڈکپ: پاکستان کو جیت کیلئے345 رنز کا ہدف
    زخمیوں میں پانچ کا تعلق اورکزئی جبکہ 6 کا تعلق شانگلہ ضلع سے بتایا جارہا ہے تاہم اب زخمیوں کی حالت پہلے سے بہتر بتائی جارہی ہے اور ان کا اعلاج بہتر طریقے سے کیا جارہا ہے جبکہ انتظامیہ کا کہنا ہے کہ اس دھماکہ بارےمزید تحقیقات جاری ہیں لیکن شروع کی معلومات سے یہی معلوم ہوا ہے کہ یہ دھماکہ گیس بھرنے سے ہوا ہے، علاوہ ازیں فلحال کام روک دیا گیا ہے .

  • نواز شریف واپسی؛ چارٹرڈ بُک

    نواز شریف واپسی؛ چارٹرڈ بُک

    دبئی سے پاکستان واپسی سفر کیلئے مسلم لیگ (نواز) کے قائد میاں محمد نواز شریف کے سفر کیلئے چارٹرڈ طیارہ بُک کرا لیا گیا ہے جکہ ذرائع کے مطابق پرواز کو امیدِ پاکستان کا نام دے گی اور اس خصوصی پرواز میں 150 مسافروں کی گنجائش ہے جبکہ وطن واپسی پر لیگی کارکنان اور لندن کے صحافی 21 اکتوبر کو نواز شریف کے ساتھ روانہ ہوں گے اور یہ خصوصی پرواز دبئی سے لاہور روانہ ہوگی اور اسلام آباد میں آدھا گھنٹہ رکے گی۔

    واضح رہے کہ نواز شریف عمرے کی ادائیگی کیلئے کل لندن سے سعودی عرب جانے کیلئے روانہ ہوں گے اور وہاں ایک ہفتہ قیام کریں گے، سعودی عرب میں ان کی متعدد ملاقاتیں طے ہیں اور نواز شریف دبئی میں تین روزہ قیام کے بعد 21 اکتوبر پاکستان کیلئے روانہ ہوں گے، دبئی میں بھی نواز شریف کی دبئی میں بھی متعدد ملاقاتیں طے ہیں۔ دوسری جانب ممتاز حیدر کی رپورٹ کے مطابق سابق وزیراعظم نواز شریف کی حفاظتی ضمانت 16 اکتوبر کو دائر کی جائے گی ،نواز شریف کی حفاظتی ضمانت اسلام آباد ہائیکورٹ میں دائر کی جائے گی ،نواز شریف کی جانب سے قانونی ٹیم کو حفاظتی ضمانت دائر کرنے کی اجازت دے دئیے گئی ہے ،نواز شریف کی ایون فیلڈ اور العزیزیہ ریفرنسز میں حفاظتی ضمانت دائر کی جائیں گئی
    مزید یہ بھی پڑھیں؛
    شیخ رشید کی بازیابی کیلئے مزید آٹھ دن کا وقت مل گیا
    ” ون لائن” کی پہلی خاتون لکھاری مسرت ناز
    کیا پاکستان ورلڈکپ میں نئی تاریخ رقم کر پائے گا؟
    ورلڈکپ: پاکستان کو جیت کیلئے345 رنز کا ہدف
    ممتاز حیدر کے مطابق نواز شریف کو ایون فیلڈ کیس میں دس سال اور العزیزیہ کیس میں سات سال سزا سنائی گئی تھی ،23 جون 2021 ہائیکورٹ اسلام آباد نے عدم پیشی پر نواز شریف کی اپیلیں خارج کر دی تھیں ،اسلام آباد ہائیکورٹ نے نواز شریف کو اشتہاری قرار دیا تھا.اسلام آباد ہائیکورٹ کے فیصلے کی روشنی میں حفاظتی ضمانت دائر کی جائیں گئیں ،ہائیکورٹ نے اپنے فیصلے میں پاکستان واپس آنے پر اپیلوں کی بحالی درخواست دائر کرنے کی اجازت دی ہے ،حفاظتی ضمانت منظور کرتے ہوئے عدالت کے سامنے پیش ہونے کی استدعا کی جائے گی

  • ” ون لائن” کی پہلی خاتون لکھاری مسرت ناز

    ” ون لائن” کی پہلی خاتون لکھاری مسرت ناز

    اس نے کہا تھا جو بھی ، مانا اسی کو سب نے
    اس کی وجہ سے اب تو شہرت بدل گئی ہے

    مسرت ناز

    ” ون لائن” کی پہلی خاتون لکھاری

    اردو ، پنجابی اور انگریزی کی معروف ادیبہ و شاعرہ مسرت ناز صاحبہ کا تعلق گجرانوالہ پنجاب (پاکستان)سے ہے ۔ ان کے والد محترم کا نام عطا محمد، والدہ محترمہ کا نام صفیہ نور اور خاوند محترم کا نام بابر محمود ہے ۔ وہ 6 بہن بھائی ہیں جن میں وہ چوتھے نمبر پر ہیں ۔ ان کی مادری زبان پنجابی ہے ۔ ایف اے تک تعلیم حاصل کی ہے اور شادی کے بعد امور خانہ داری میں مصروف ہو گئیں ۔

    ماشاء اللہ ایک بیٹی کی ماں ہیں ۔ ان کے خاندان میں عورت کے شعر و شاعری کو معیوب سمجھا جاتا ہے اس لیئے انہوں نے اپنے گھر والوں سے چھپ کر لکھنا شروع کیا۔ لکھنے کا عمل انہوں نے 13 سال کی عمر سے کیا۔شاعری میں انہوں نے پہلے علامہ ماجد الباقری صاحب اور بعد میں جان کاشمیری صاحب سے بھی اصلاح لی ۔ مسرت ناز صاحبہ حمد ، نعت، گیت، غزل، ملے نغمے ، افسانے اور بچوں کی کہانیاں لکھتی ہیں۔

    ان کے یہاں 20 کتابوں کا مواد موجود ہے جن میں سے اب تک ان کی 5 کتابیں شائع ہو چکی ہیں جن میں 1 روحانی دعائیں (اسماء الحسنی پر مشتمل)2 ۔ میری سوچ (اقوال زریں پر مشتمل)3 . من کی راکھ (شعری مجموعہ)4 . عطائے نور(نعتیہ کلام پر مشتمل) 5 ۔ گلدستہ(بچوں کی کہانیوں پر مشتمل) شامل ہیں۔ ان کا دعوی ہے کہ وہ پاکستان کی پہلی خاتون لکھاری ہیں کہ جن کی 10 کتابیں ” ون لائن” کے تحت لکھی گئی ہیں اور گیارہویں لکھ رہی ہیں ۔

    ان کا کہنا ہے کہ ان کی بقیہ 15 کتابوں کے مسودے تیار ہیں اور ان شاء اللہ جلد شائع ہو کر مارکیٹ میں دستیاب ہوں گی۔ مسرت ناز بھی دیگر اکثر ادباء اور شعراء و شاعرات کی طرح پاکستان کے سرکاری ادبی اداروں کی کارکردگی سے مطمئن نہیں ہیں ۔ وہ مشاعروں میں بہت کم شریک ہوتی ہیں اس کی وجہ شاید گھریلو مصروفیات اور کتابیں لکھنے کا عمل ہے۔

    غزل

    غم کھا گئے ہیں دل کو صورت بدل گئی ہے
    دیوار پر لگی جو مورت بدل گئی ہے

    چڑیوں کے گیت سن کر گانے لگے تھے ہم بھی
    سوچا یہی تھا شاید قسمت بدل گئی ہے

    اس نے کہا تھا جو بھی مانا اسی کو سب نے
    اس کی وجہ سے اب تو شہرت بدل گئی ہے

    زخم جگر کو سی کر کرنا ہمیں کیا اب ہے
    دن رات اپنی کیسے حاجت بدل گئی ہے

    اس کو سنوار کر ہم ٹوٹے ہیں اپنے ہاتھوں
    اس کی ہماری پل میں حالت بدل گئی ہے

    ہیں انتظار کرتیں اب بھی حوائیں مل لو
    کہتے ہیں لوگ اب تو عورت بدل گئی ہے

    نظروں میں ہم تھے اس کی دنیا ہمیں سے روشن
    جو بھی جڑی تھی ہم سے راحت بدل گئی ہے

    چپ چاپ مدتوں تک نفرت چھپا کے پھرنا
    وہ تو نہیں ہیں بدلے چاہت بدل گئی ہے

    بستے ہیں پتلیوں میں اب بھی وہی جو کل تھے
    الزام دے رہے ہیں نیت بدل گئی ہے

    لالی جو چھا رہی ہے آنکھوں کے آسماں پر
    پھولوں کی جیسے ساری رنگت بدل گئی ہے

    وہ بے وفا ہے لیکن یہ مانتے نہیں وہ
    نسبت ملی جو ان کی تہمت بدل گئی ہے

    رزق حلال دیتا ہے ان کو جو نہ مانے
    خالق نہیں ہے بدلا خلقت بدل گئی ہے

    اشکوں سے دوستی کی اپنی سزا ہے نازی
    بچھڑے وہ جب کے ہم سے وقعت بدل گئی ہے

    مسرت ناز

  • ورلڈکپ: پاکستان کو جیت کیلئے345 رنز کا ہدف

    ورلڈکپ: پاکستان کو جیت کیلئے345 رنز کا ہدف

    سری لنکا کے 345 رنز کے ہدف کے تعاقب میں پاکستان کی بیٹنگ جاری ہے، پاکستان نے 31 اوورز میں 2 وکٹوں کے نقصان پر 193 رنز بنالیے ہیں۔ اوپنر امام الحق 12 اور کپتان بابر اعظم 10 رنز پر پویلین لوٹ گئے۔ عبداللہ شفیق نے سینچری مکمل کرک لی جبکہ محمد رضوان کےنصف سینچری کے ساتھ کریز پر موجود ہیں۔ قومی ٹیم کو جیت کے لئے 111 بالز پر 146 رنز درکار ہے

    جبکہ اس سے قبل ون ڈے ورلڈکپ کے آٹھویں میچ میں سری لنکا کے 345 رنز کے ہدف کے تعاقب میں پاکستان کو مشکلات کا سامنا ہکرنا پڑ رہا ہے کیونکہ اوپنر امام الحق کے بعد کپتان بابر اعظم بھی آؤٹ ہوگئے تھے اور پاکستان نے 8 اوورز میں 2 وکٹوں کے نقصان پر 37 رنز بنالیے تھے۔ اوپنر امام الحق 12 اور کپتان بابر اعظم 10 رنز پر پویلین لوٹ گئے تھے۔

    انٹر نیشنل کرکٹ کونسل ون ڈے ورلڈکپ کے آٹھویں میچ میں سری لنکن بیٹرز نے پاکستانی بولرز کیخلاف لاٹھی چارج کرتے ہوئے رنز کے انبار لگا دیے تھے اور پاکستان کو جیت کیلئے 345 رنز کا ہدف دے دیا ، جبکہ سری لنکا نے مقررہ 50 اوورز میں 9 وکٹوں کے نقصان پر 344 رنز بنائے ہیں ، کوشال مینڈس 122 اور سمارا وکرما 108 رنز بناکر نمایاں رہے جبکہ ورلڈ کپ کے میچ میں پاکستان کے خلاف ایسا کسی بھی ٹیم کا سب سے بڑا اسکور ہے، تاہم اس سے قبل پاکستان کے خلاف ورلڈکپ میں سب سے بڑا اسکور 336 رنز تھا جو بھارت نے 2019 میں بنایا .

    پاکستان کی جانب سے حسن نے علی 4 کھلاڑیوں کو آؤٹ کیا جبکہ یہ میچ راجیو گاندھی انٹرنیشنل اسٹیڈیم حیدرآباد میں کھیلا جارہا ہے جہاں لنکن کپتان داسن شناکا نے کپتان بابر اعظم کو فیلڈنگ کی دعوت دی تھی اور قومی ٹیم میں ایک تبدیلی یہ کی گئی کہ اوپنر فخر زمان کی جگہ ٹیم میں عبداللہ شفیق کو شامل کیا گیا واضح رہے کہ پاکستان کے خلاف ٹاس جیت کر پہلے بیٹنگ کرنے والے سری لنکا کی اننگز کا آغاز اچھا نہ تھا، اور صرف 5 کے مجموعی اسکور پر کوشال پریرا صفر پر حسن علی کی گیند پر کیچ آؤٹ ہوگئے تھے۔

    تاہم دوسری وکٹ پر پاتھم نسانکا اور کوشال مینڈس کے درمیان 102 رنز کی شراکت داری بنی تاہم پھر نسانکا 51 رنز بناکر پویلین لوٹے جبکہ دو وکٹیں گرنے کے بعد کوشال مینڈس اور سمارا وکرما نے پاکستانی بولرز کے خلاف لاٹھی جارج کیا ، گراؤنڈ کے چاروں اطراف دلکش شارٹس لگائے اور جارحانہ انداز میں بیٹنگ کی اور اس دوران مینڈس سے سری لنکا کی طرف سے ورلڈکپ کی سب سے تیز ترین سنچری بھی اسکور کی ہے، 65 گیندوں پر 100 رنز پورے کیے ہیں۔
    مزید یہ بھی پڑھیں؛
    ” ون لائن” کی پہلی خاتون لکھاری مسرت ناز
    کیا پاکستان ورلڈکپ میں نئی تاریخ رقم کر پائے گا؟
    ورلڈکپ: پاکستان کو جیت کیلئے345 رنز کا ہدف

    مینڈس اور سمارا وکرما کے درمیان 111 رنز کی شراکت داری قائم ہوئی ہے اور پھر مینڈس 77 گیندوں پر 122 رنز بناکر آؤٹ ہوئے تھے تاہم پھر نئے آنے والے بیٹر چریتھ اسالنکا ایک رن پر پویلین لوٹے تھے جبکہ اس کے علاوہ ڈی سلوا نے 25 رنز بنائے، علاہو ازیں دوسری جانب سے سمارا وکرما نے بھی ون ڈے کیریئر کی اپنی پہلی سنچری اسکور کی اور 89 گیندوں پر 108 رنز کی اننگز کھیلی تاہم واضح رہے کہ دونوں ٹیموں کا اس ایونٹ میں یہ دوسرا میچ ہے اور اس میگا ایونٹ میں پاکستان نے اپنے پہلے میچ میں نیدرلینڈز کو 81 رنز سے شکست دی تھی.

    واضح رہے کہ پاکستان نے کرکٹ ورلڈ کپ میں کبھی بھی 265 رنز یا اس سے زیادہ کا ہدف کامیابی سے حاصل نہیں کیا اور تاریخ بتاتی ہے کہ پاکستان کرکٹ ٹیم کا ورلڈکپ میں سب سے کامیاب ہدف کا تعاقب263 رنز ہے جو اس نے 1992 میں نیوزی لینڈ کے خلاف حاصل کیا تھا جبکہ اگر پاکستان کو ورلڈکپ میں نئی تاریخ رقم کرنی ہےتو ، پھر پاکستان کو آج سری لنکا کے خلاف اپنی ورلڈکپ تاریخ کا سب سے بڑا ہدف پورا کرنا ہوگا۔

  • امریکی ڈالر 280 روپے پر بند

    امریکی ڈالر 280 روپے پر بند

    انٹربینک مارکیٹ میں امریکی ڈالر 280 روپے سے زائد ریٹ پر بند ہوا ہے جبکہ اسٹیٹ بینک کے اعلامیہ کے مطابق امریکی ڈالر ایک روپے 14 پیسے کمی سے 280 روپے 51 پیسے پر بند ہوا ہے۔ دوسری جانب اوپن مارکیٹ میں بھی امریکی ڈالر ایک روپے کی کمی سے 280 روپے میں فروخت ہو رہا ہے تاہم سٹاک مارکیٹ میں آج 418 پوائنٹس کا اضافہ دیکھا گیا اور 100 انڈیکس 48 ہزار 140 پوائنٹس پر بند ہوا۔


    پاکستان اسٹاک ایکسچینج میں آج کاروبار کا مثبت دن رہا, کاروباری دن میں 100 انڈیکس 458 پوائنٹس کے بینڈ میں رہا لیکن کاروبار کے اختتام پر ہنڈریکس انڈیکس 418 پوائنٹس اضافے سے 48140 پر بند ہوا۔ جبکہ حصص بازار میں 35 کروڑ شیئرز کے سودے 10.7 ارب روپے میں طے ہوئے۔ مارکیٹ کیپٹلائزیشن 52 ارب روپے بڑھ کر 7089 ارب روپے ہے۔

  • میوزک کمپنی ای ایم آئی نے میوزک سے وابستہ شخصیات میں رائلٹی چیک تقسیم کئے

    میوزک کمپنی ای ایم آئی نے میوزک سے وابستہ شخصیات میں رائلٹی چیک تقسیم کئے

    پاکستان میوزک کی بڑی کمپنی ای ایم آئی نے میوزک سے وابستہ شخصیات میں رائلٹی چیک تقسیم کئے۔ اس سلسلہ میں لاہور میں مقامی ہوٹل میں ایک رنگا رنگ تقریب منعقد کی گئی۔ تقریب میں میزبانی کے فرائض نغمہ ساز گروپ کے روح رواں گلوکار تنویر آفریدی اور عارف بٹ نے انجام دئیے۔رائلٹی چیک پاکستان فلم انڈسٹری کے معروف موسیقار وجاہت عطرے کا چیک ان کے بیٹے علی عطرے نے ذوالفقار علی سے وصول کیا،موسیقار امجد بوبی کا چیک ان کے بیٹے فیصل بوبی نے ادریس خان سے وصول کیا،گلوکار شوکت کا چیک ان کے بیٹے امیر شوکت علی نے سینئر صحافی طاہر سرور میر سے وصول کیا- موسیقار کمال احمد کا چیک ان کے بیٹے شاہد کمال اور صلاح الدین نے حمیرا ارشد سے وصول کیا،موسیقار عاشق حسین کا چیک ان کے بیٹے محمد اکرم نے استاد رفاقت علی خان سے وصول کیا،موسیقار خلیل احمد کا چیک ان کے بیٹے خالد خلیل نے استاد رفاقت علی خان سے وصول کیا۔موسیقار نذیر علی کا چیک ان کے بیٹے شاہد نذیر علی نے نشو بیگم سے وصول کیا۔شاعر کلیم عثمانی کا چیک ان کی بیوہ نے حمیرا ارشد سے وصول کیا۔موسیقار مجاہد حسین نے اپنے والد استاد نتھو خان کا چیک استاد طافو خان سے وصول کیا اور نشو بیگم نے اپنے شوہر تسلیم فاضلی کا چیک طاہر سرور میر، ٹھاکر لاہوری ،زین مدنی سے وصول کیا۔آخر میں استاد طافو خان نے اپنا چیک وصول کیا۔تقریب میں استاد طافو خان،استاد رفاقت علی خان،ذوالفقار علی ،طارق طافو،علی عطرے،شاہد کمال،صلاح الدین،فیصل بوبی،مجاہد حسین،محمد اکرم،نعیم وزیر،ادریس خان، امیر شوکت،محسن جعفر،اجمل دیوان ،عارف بٹ،حمیرا ارشد اور دیگر شامل تھے۔استاد رفاقت علی خان نے کہا کہ پوری دنیا میں نا انصافی ہوتی ہے لیکن ان لوگوں کو سلام پیش کرتا ہوں جو آرٹسٹ کا حق اسے دیتے یا دلاتے ہیں۔ای ایم آئی نے آج ان لوگوں کو یاد رکھا ہے جن کا کام بولتا تھا۔

     

    ان کے خاندان کو چیک ان کے کام کے عویض رائلٹی کی شکل میں مل رہے ہیں۔” انڈسٹری کو ایسے لوگ ملنے چاہیں جو آرٹسٹ کی عزت نفس کا بھی خیال رکھیں”۔گلوکارہ حمیرا ارشد نے کہا کہ کسی مستحق تک اس کا حق پہنچانا بہت بڑی نیکی ہے،تنویر آفریدی کا شکریہ ادا کرتی ہوں جہنوں نے آج کی یہ تقریب سجائی ہے۔وہ مبارک باد کے مستحق ہیں۔آخر میں تنویر آفریدی نے کہا کہ ای ایم آئی نے ہمیشہ سے موسیقی سے وابستہ آرٹسٹوں کے حقوق کا تحفظ کیا ہے اور آگے بھی اپنے اس مشن کو جاری رکھیں گے۔یہ ایک صاف اور شفاف عمل ہے ۔آنے والے تمام معزز مہمانوں کا شکریہ ادا کرتا ہوں۔

    عروہ اور فرحان کے گھر ننھے مہمان کی آمد

    وہاج علی اور سجل علی اس ماہ سڈنی میں فلم فیسٹیول میں شرکت کریں گے

    راچی میں‌سجا لکس سٹائل ایوارڈز کا میلہ ،یمنہ زیدی نے میدان مار لیا

  • فضا علی نے اپنا نیا گانا ریلیز کر دیا

    فضا علی نے اپنا نیا گانا ریلیز کر دیا

    گلوکارہ و اداکارہ فضا علی نے گزشتہ روز اپنا نیا اگانا ریلیز کر دیا ہے ، نیا گانا” مہندی ”کا تھیم شادی بیا ہ ہے. فضا علی نے اس گانے کےحوالے سے بات کرتے ہوئے کہا کہ میں نے سب سے زیادہ شادی بیاہ کے گیت گائے ہیں. میں نے پہلے دوسرے گلوکاروں کے ساتھ گایا اور ان کے گیتوں کو ملینز نے سنا، میں‌نے اس بار سوچا کہ کیوں نہ میں خود کے لئے گائوں اکیلی گائوں. فضا علی نے کہا کہ اس گانے میں میرے ساتھ نشو ، ریمبو ، صاحبہ نے بھی پرفارم کیا ہے. مجھے خوشی ہے کہ میرے مداح میرے گیتوں کو ہمیشہ ہی پسند کرتے ہیں.

    مجھے امید ہے کہ میرے اس نئے گانے کو بھی پسند کیا جائیگا. انہوں نے کہا کہ اس اب ویسے بھی شادی بیاہ کا سیزن شروع ہونے والا ہے میرے اس گانے کو یقینا شادی بیاہ پر ضرور انجوائے کیا جائیگا،ہم سب نے مل کر اس گانے پر بہت محنت کی ہے، فضا نے کہا کہ میں‌اس کے بعد مزید گانے بھی ریلیز کرنے جا رہی ہوں . گانا میرا شوق اور جنون ہے اور خوشی یہ ہے کہ میرے مداح میری ایکٹنگ اور گلوکاری دونوں میں پسند کرتے ہیں.

    عروہ اور فرحان کے گھر ننھے مہمان کی آمد

    وہاج علی اور سجل علی اس ماہ سڈنی میں فلم فیسٹیول میں شرکت کریں گے

    راچی میں‌سجا لکس سٹائل ایوارڈز کا میلہ ،یمنہ زیدی نے میدان مار لیا

  • 100 افراد ہلاک؛ اسرائیلیوں کو بم پناہ گاہوں میں دن گزارنے کی ہدایت

    100 افراد ہلاک؛ اسرائیلیوں کو بم پناہ گاہوں میں دن گزارنے کی ہدایت

    حماس نے کہا ہے کہ وہ غزہ کی پٹی پر کسی بھی نئے بم دھماکے کے جواب میں ایک اسرائیلی یرغمالی کو پھانسی دے گی جو بغیر کسی پیشگی انتباہ کے سامنے آئے گا- اس گروپ کے ایک سینئر رہنما نے اسکائی نیوز کو بتایا کہ یرغمالیوں کے ساتھ "انسانی سلوک” کیا جائے گا۔ حماس کی جانب سے یہ انتباہ اس وقت جاری کیا گیا تھا جب جنوبی اسرائیل کی ایک کمیونٹی بیری سے کم از کم 100 لاشیں برآمد ہوئی تھیں۔

    جبکہ اسرائیلی وزیر اعظم بینجمن نیتن یاہو نے آج شام ایک بیان میں کہا کہ ہفتے کے روز ہونے والی دراندازی پر ان کے ملک کا ردعمل "ابھی شروع ہوا ہے”، انہوں نے مزید کہا: "آنے والے دنوں میں ہم اپنے دشمنوں کے ساتھ جو کریں گے وہ نسلوں تک ان کے ساتھ گونجتا رہے گا۔ اسرائیلی فوج کی جانب سے غزہ کے اندر ایک ہزار اہداف کو نشانہ بنائے جانے کے اعلان کے بعد انہوں نے اس سے پہلے کے انتباہ کو دہرایا تھا کہ حماس کہیں بھی موجود ہے اسے ‘ملبے’ میں تبدیل کر دیا جائے گا۔
    مزید یہ بھی پڑھیں؛
    شفاف اور غیر جانبدارانہ انتخابات یقینی بنائیں گے . میر علی مردان خان ڈومکی
    نگراں وزیراطلاعات سے روسی سفیر کی ملاقات؛ معیشت، تعلیم، ثقافت زیر بحث
    اسرائیل سے بھاگنے والوں کا ائیرپورٹ پر رش
    کارٹون آرٹسٹ نامین ناصر الحبارہ نے گولڈن جوبلی مقابلے میں پوزیشن حاصل کرلی
    نیتن یاہو نے مزید کہا کہ متعدد فلسطینی مسلح افراد اب بھی ملک کے اندر موجود ہیں اور انہوں نے ان پر ہتھکڑیاں لگائے گئے بچوں کو قتل کرنے کا الزام عائد کیا۔ لندن میں اسرائیلی سفارت خانے کے ایک ترجمان کا کہنا ہے کہ فوج نے اسرائیلیوں سے کہا ہے کہ وہ بم وں کی پناہ گاہوں اور محفوظ کمروں میں تین دن کے قیام کے لیے تیار رہیں۔ لوگوں سے یہ بھی کہا گیا ہے کہ بجلی کم ہونے کی صورت میں وہ خوراک، پانی اور بیٹری سے چلنے والے آلات کی فراہمی کو یقینی بنائیں۔


    دریں اثنا، اسرائیل نے غزہ کی پٹی کا "مکمل محاصرہ” کرنے کا بھی حکم دیا ہے، جو حماس کے زیر انتظام فلسطینی علاقہ ہے، جس سے اس کے پاس کھانا، بجلی یا ایندھن نہیں ہے۔ بعد ازاں اقوام متحدہ کے سیکریٹری جنرل انتونیو گوتریس نے کہا کہ وہ اسرائیل کی جانب سے محاصرے کے فیصلے پر ‘شدید پریشان’ ہیں۔ اسرائیل اور حماس کے درمیان دو روز سے جاری تشدد میں اب تک کم از کم 900 اسرائیلی اور 687 فلسطینی ہلاک ہو چکے ہیں۔

  • فلسطین، اسرائیل کشیدگی بڑھ گئی، عالمی جنگ شروع ؟

    فلسطین، اسرائیل کشیدگی بڑھ گئی، عالمی جنگ شروع ؟

    پی این این نیوز کے پروگرام کھرا سچ میں اینکر پرسن مبشر لقمان کے ایک سوال پر شمشاد احمد نے کہا کہ کہ آج جو کچھ بھی ہورہا یا جسیے حماس نے حملہ کیا ہے دراصل انہوں نے اپنی پریشانی بارے لوگوں کو آگاہ کیا ہے تم اپنی اپنی اس میں مگن ہو لیکن ہماری یہ پریشانی یا مسئلہ کو بالکل بھلایا ہوا ہے اور یہ بالخصوص سگنل تھا ہمارے گلف کی ریاستوں کو وہ اب اس بات پر توجہ دیں.

    شمشاد احمد نے مزید کہا کہ اب جنگوں کا زمانہ نہیں رہا اور اب مسلم ورلڈ کیلئے بھی یہ بات الارمنگ ہے کہ وہ اب مل بیٹھ کر سوچیں کہ اب ان مسائل کا حل نکالنا ہے اور جنگ سے معاشرے کو نجات دلانی ہے کیونکہ ان جنگوں کا زمانہ رہا نہیں.


    ان کا کہنا تھا کہ اصل مسئلہ یہ ہے کہ اس واقعے کے بعد تھر تھراہٹ پیدا ہوگئی اور اب دنیا میں جنگ جدل کا رول ختم ہوگیا ہے جبکہ جنگ کا جواب جنگ سے نہیں‌ہوتا ہے، حماس نے جو حملہ کیا وہ ٹھیک ہے کیونکہ اقوام متحدہ میں بھی قوانین موجود لیکن عمل درآمد کچھ بھی نہیں، انہوں نے کہا کہ ہمارے کشمیری بھی فلسطین کی طرح ہے اور یہاں بھی وہی صورت حال ہے لیکن مسلم دنیا نے بھی اس بارے کچھ نہیں سوچا ہے جو افسوس ناک ہے.
    مزید یہ بھی پڑھیں؛
    نگراں وزیراطلاعات سے روسی سفیر کی ملاقات؛ معیشت، تعلیم، ثقافت زیر بحث
    اسرائیل سے بھاگنے والوں کا ائیرپورٹ پر رش
    کارٹون آرٹسٹ نامین ناصر الحبارہ نے گولڈن جوبلی مقابلے میں پوزیشن حاصل کرلی
    مبشر لقمان نے ایک سوال کیا کہ ہماری حکومت اس بارے میں بالکل چپ کیوں ہے کم از کم کچھ تو کہنا چاہئے اس پر انہوں نے جواب دیا کہ اس کی بھی ایک وجہ ہے کیونکہ ہم نے امریکہ کے ساتھ خود کو باندھ لیا ہوا ہے جس کی وجہ سے ہم بولتے نہیں ہیں.