Baaghi TV

Author: +9251

  • شہداء پاکستان کی قربانیاں رائیگاں نہیں جائیں گی. آرمی چیف

    شہداء پاکستان کی قربانیاں رائیگاں نہیں جائیں گی. آرمی چیف

    شہداء پاکستان کی قربانیاں رائیگاں نہیں جائیں گی. آرمی چیف

    ترجمان آئی ایس پی آر کے مطابق پاک فوج کے سپہ سالار جنرل عاصم منیر نے وزیرستان میں پاک افغان سرحدپراگلےمورچوں کا دورہ کیا ہے جبکہ آرمی چیف نے فارمیشن ہیڈ کوارٹرز کا دورہ کیااور وانا میں یادگار شہدا ءپر پھولوں کی چادر چڑھائی.
    ISPR
    آئی ایس پی آر سے جاری اعلامیہ کے مطابق دورے کے دوران انہیں فارمیشن کے آپریشنل، تربیتی اور سکیورٹی کے معاملات کے ساتھ ساتھ نئے ضم شدہ اضلاع میں کئے جانے والے ترقیاتی کاموں پر پیش رفت کے بارے میں بریفنگ دی گئی۔ جبکہ جاری بیان کے مطابق آرمی چیف نے سماجی و اقتصادی ترقی کے منصوبوں کی تکمیل کے لیے سازگار ماحول کی تشکیل اور فراہمی کی سی ٹی کوششوں کو سراہا، جو پائیدار استحکام اور این ایم ڈیز کی پائیدار پیش رفت کے لیے ضروری ہے۔
    مزید یہ بھی پڑھیں
    عمران خان کو کس نے کہا کہ بیڈ کےنیچے چھپ جاو؟ مریم نواز
    روٹین سے ہٹ کر کردار کرنا چاہتا ہوں عثمان مختار
    نور مقدم قتل کیس، ملزمان کی اپیلوں پر اسلام آباد ہائیکورٹ نے سنایا فیصلہ
    بانی ایم کیو ایم 1 کروڑ پاؤنڈ پراپرٹی کا کیس لندن ہائیکورٹ میں ہار گئے
    مریم نواز بارے جھوٹی خبر پرتجزیہ کار عامر متین کو ہرجانے کا نوٹس بھیج دیا گیا
    پنجاب اسمبلی کے انتخابات کے لیے کاغذات نامزدگی جمع
    آئی ایم ایف سے معاہدے میں تاخیر پر حکومت کا امریکا سے بات کرنے کا فیصلہ
    آئی ایس پی آر کے مطابق جنرل عاصم منیر نے پاک افغان سرحد پر پاک فوج کے جوانوں سے گفتگو کرتے ہوئےدہشت گردی کیخلاف فوج کے عزم کا اعادہ کیا۔ انہوں نے اس عزم کا اظہار کیا کہ شہداء پاکستان کی قربانیاں رائیگاں نہیں جائیں گی اور انشاء اللہ پاکستان میں مکمل امن واپس آئے گا۔ آئی ایس پی آر کے مطابق آرمی چیف نے مختلف ریاستی اداروں کے درمیان ہم آہنگی کی اہمیت اور خاص طور پر دہشت گردی کے خلاف اجتماعی جنگ میں پاکستانی عوام کی اہمیت کو اجاگر کیا۔

  • پی ٹی آئی رہنماوں اور کارکنوں کے خلاف تھانہ بھارہ کہو میں مقدمہ درج

    پی ٹی آئی رہنماوں اور کارکنوں کے خلاف تھانہ بھارہ کہو میں مقدمہ درج

    پی ٹی آئی کارکنان کی طرف سے بند کیا گیا روڈ پولیس نے کھلوا دیا

    ترجمان اسلام آباد کیپٹل پولیس کی جانب سے باغی ٹی وی کو بتایا گیا ہے کہ پی ٹی آئی کارکنان کی طرف سے بند کیا گیا ترنول روڈ پولیس نے کھلوا دیا ہے جبکہ اس سے قبل پی ٹی آئی کے مظاہرین کی طرف سے ترنول روڈ بند کی گئی تھی۔ لیکن اب پولیس نے بروقت کارروائی کرکے سڑک ٹریفک کے لئے کھلوا دی ہے۔

    ترجمان کے مطابق پی ٹی آئی چئیرمین عمران خان کی ایماء پر سڑک بند کرنے والے پی ٹی آئی رہنماوں حامد زمان کیانی، انیس عباسی، شیخ لیاقت اور کارکنوں کے خلاف تھانہ بھارہ کہو میں مقدمہ درج کرلیا گیا ہے۔ جبکہ دوسری طرف میڈیا رپورٹ کے مطابق کراچی کے مختلف علاقوں حیدری، ماڑی پور روڈ ،شاہین کمپلیکس ، قیوم آباد، دائود چورنگی، فورکے چورنگی،سٹار گیٹ، حسن سکوائر، سہراب گوٹھ اور دیگر علاقوں میں تحریک انصاف کے کارکن سڑکوں پر نکل آئے اور احتجاج شروع کر دیا، پی ٹی آئی کارکنوں نےحکومت کیخلاف شدید نعرے بازی کی اور ٹریفک کو بلاک کردیا ،جس کے باعث شہریوں کو شدید مشکلات کا سامنا کرنا پڑا۔
    مزید یہ بھی پڑھیں
    عمران خان کو کس نے کہا کہ بیڈ کےنیچے چھپ جاو؟ مریم نواز
    روٹین سے ہٹ کر کردار کرنا چاہتا ہوں عثمان مختار
    نور مقدم قتل کیس، ملزمان کی اپیلوں پر اسلام آباد ہائیکورٹ نے سنایا فیصلہ
    بانی ایم کیو ایم 1 کروڑ پاؤنڈ پراپرٹی کا کیس لندن ہائیکورٹ میں ہار گئے
    مریم نواز بارے جھوٹی خبر پرتجزیہ کار عامر متین کو ہرجانے کا نوٹس بھیج دیا گیا
    پنجاب اسمبلی کے انتخابات کے لیے کاغذات نامزدگی جمع
    آئی ایم ایف سے معاہدے میں تاخیر پر حکومت کا امریکا سے بات کرنے کا فیصلہ
    راولپنڈی میں بھی تحریک انصاف کے کارکن سڑکوں پر نکل آئے اور حکومت کیخلاف شدید نعرے بازی کر رہے ہیں، عمران خان کی رہائش گاہ پر پولیس ایکشن کے خلاف مری میں سابق ایم این اے صداقت عباسی کی قیادت میں جی پی او چوک پر احتجاج کیا گیا، پی ٹی آئی مظاہرین نے ٹائر جلا کر مرکزی شاہراہ بند کردی۔ جبکہ گوجرانوالہ میں پی ٹی آئی کی مقامی قیادت نے کارکنوں کو احتجاج کیلئے گوندلانوالہ چوک پہنچنے کی ہدایت کردی۔ملتان میں بھی تحریک انصاف کے کارکن عمران خان کی ممکنہ گرفتاری کیخلاف احتجاج کررہے ہیں۔ ادھر خیبرپختونخوا کے ضلع لکی مروت میں پی ٹی آئی کارکنان نے انڈس ہائی وے کو گنڈی چوک پر بند کر دیا۔

  • عمران خان قوم کو گمراہ کر رہا ہے. عطا تارڑ

    عمران خان قوم کو گمراہ کر رہا ہے. عطا تارڑ

    عمران خان قوم کو گمراہ کر رہا ہے. عطا تارڑ

    رہنماء مسلم لیگ ن عطاء تارڑ کا کہنا ہے کہ تحریک انصاف کا سربراہ اور سابق وزیر اعظم عمران خان نے قوم کو گمراہ کیا ہے جبکہ یہ انوکھا لاڈلہ نہیں ہے کہ اسے چھوٹ دی جائے انہوں نے مزید کہا کہ عمران خان کیخلاف وارنٹ گرفتاری ان کی اپنے کیسز میں عدم پیشی پر عدالت نے خود جاری کیئے ہیں لہذا انہیں گرفتار کیا جانا بہت ضروری ہے.

    عطاء تارڑ نے کہا کہ عمران خان نے اس ملک کے قانون کو مزاق بنا رکھا ہے اور انہوں نے اس ریاست کی رٹ کو چیلنج کیا ہے لہذا یہ بھولیں مت کہ لوگوں کو اپنے آگے کرکے بچ جائیں گے مگر ایسا ہر گز نہیں ہوگا اور انتظامیہ ملک میں ریاست کی رٹ کیلئے عدالتی حکم پر ہر صورت عمل کرے گی.

    مزید یہ بھی پڑھیں
    عمران خان کو کس نے کہا کہ بیڈ کےنیچے چھپ جاو؟ مریم نواز
    روٹین سے ہٹ کر کردار کرنا چاہتا ہوں عثمان مختار
    نور مقدم قتل کیس، ملزمان کی اپیلوں پر اسلام آباد ہائیکورٹ نے سنایا فیصلہ
    بانی ایم کیو ایم 1 کروڑ پاؤنڈ پراپرٹی کا کیس لندن ہائیکورٹ میں ہار گئے
    مریم نواز بارے جھوٹی خبر پرتجزیہ کار عامر متین کو ہرجانے کا نوٹس بھیج دیا گیا
    پنجاب اسمبلی کے انتخابات کے لیے کاغذات نامزدگی جمع
    آئی ایم ایف سے معاہدے میں تاخیر پر حکومت کا امریکا سے بات کرنے کا فیصلہ

    دوسری جانب تحریک انصاف کے چیئرمین عمران خان کی ممکنہ گرفتاری کے پیش نظر ملک کے مختلف شہروں میں پی ٹی آئی کے کارکن سڑکوں پر نکل آئے ، کارکنوں نے شاہرائوں کو ٹائر جلا کربلاک دیا اور حکومت کیخلاف شدید نعرے بازی کی۔

  • عمران خان لوگوں کو کہتا جیلیں بھریں مگر خود بیڈ کے نیچے چھپا ہوا. رانا ثنااللہ

    عمران خان لوگوں کو کہتا جیلیں بھریں مگر خود بیڈ کے نیچے چھپا ہوا. رانا ثنااللہ

    لوگوں کو کہتا ہے جیلیں بھریں اور خود پچھلے 15دنوں سے بیڈ کے نیچے چھپا ہوا ہے. رانا ثنااللہ

    شیخو پورہ میں مسلم لیگ ن کے ورکرز کنونشن سے خطاب کرتے ہوئے وفاقی وزیر داخلہ رانا ثنااللہ کا کہنا ہے کہ تحریک انصاف کا سربراہ عمران خان لوگوں کو کہتا ہے کہ جیلیں بھریں اور خود پچھلے 15دنوں سے بیڈ کے نیچے چھپا ہوا ہے. انہوں نے مزید کہا عمران خان بہت برا پھنے خان بنتا ہے مگر اب پولیس کی گرفتاری سے بھاگ رہا ہے لیکن اب عمران خان کو ہم عدالت کے حکم پر گرفتار کرکے ہر صورت عدالت میں پیش کریں گے.

    وفاقی وزیر اور مسلم لیگ نواز کے سینئر رہنماء رانا ثناءاللہ کا کہنا تھا کہ عمران خان نے نہ ہی کبھی ملک اور جمہوریت کی خدمت کی ہے اور ناہی یہ ملک کا بھلا چاہتا ہے جبکہ انہیں ایک پروجیکٹ کے طور پر لایا گیا تھا لہذا عمران خان ایک فتنہ ہے جسے ملک پر زبردستی مسلط کیا گیا تھا اور اب اس فتنے سے ملک و قوم کی جان چھڑانا بہت ہی ضروری ہے.

    مزید یہ بھی پڑھیں
    عمران خان کو کس نے کہا کہ بیڈ کےنیچے چھپ جاو؟ مریم نواز
    روٹین سے ہٹ کر کردار کرنا چاہتا ہوں عثمان مختار
    نور مقدم قتل کیس، ملزمان کی اپیلوں پر اسلام آباد ہائیکورٹ نے سنایا فیصلہ
    بانی ایم کیو ایم 1 کروڑ پاؤنڈ پراپرٹی کا کیس لندن ہائیکورٹ میں ہار گئے
    مریم نواز بارے جھوٹی خبر پرتجزیہ کار عامر متین کو ہرجانے کا نوٹس بھیج دیا گیا
    پنجاب اسمبلی کے انتخابات کے لیے کاغذات نامزدگی جمع
    آئی ایم ایف سے معاہدے میں تاخیر پر حکومت کا امریکا سے بات کرنے کا فیصلہ

    انہوں نے مزید کہا کہ عمران خان کا ایسا علاج کریں گے کہ قومی کو اس سے نجات مل جائے گی۔ جبکہ عمران خان گھر میں چوہے کی طرح چھپا ہوا ہے لہذا اس فتنے اور فساد کو بوتل میں بند کرنا اب ضروری ہے تاکہ مزید فساد سے بچا جاسکے.

  • ظل شاہ کی موت؛ نقصان پی ٹی آئی کا نہیں بلکہ والدین کا ہوا. بہن ظل شاہ

    ظل شاہ کی موت؛ نقصان پی ٹی آئی کا نہیں بلکہ والدین کا ہوا. بہن ظل شاہ

    پی ٹی آئی کو ایک اور ظل شاہ مل جائے گا مگر کیا والدین کا ظل شاہ واپس آئے گا؟ بہن ظل شاہ

    گزشتہ دنوں مرنے والے پی ٹی آئی کارکن علی بلال عرف ظل شاہ کی بہن اور خاندان کا مشترکہ بیان سامنے آیا ہے کہ ظل شاہ کی موت سے نقصان پی ٹی آئی کا نہیں ہوا بلکہ ان کے والدین کا ہوا ہے. ان کا مزید کہنا تھا کہ ایسے کارکنان کی موت سے تو انہیں فائدہ ہوا کیونکہ انہوں نے اپنی سیاست چمکائی ہے. ظل شاہ کی بہن نے ایک سوال کے جواب میں کہا کہ ان پی ٹی آئی والوں کو تو ایک اور ظل شاہ مل جائے گا لیکن ظل شاہ کے والدین کا کیا ہوگا جنہوں نے اس کو پیدا کیا اور بڑی محنت سے پالا لیکن کیا اب انہیں اپنا ظل شاہ واپس مل جائے گا یا پھر کیا یہ ظل شاہ کو واپس لاسکتے ہیں؟


    جب اینکر نے ظل شاہ کی بہن سے سوال کیا کہ آپ ان کارکنان یا بچوں کو کیا پیغام دیں گی جو اس طرح ایندھن بن جاتے ہیں تو انہوں نے کہا کہ بچوں کو ہمیشہ اپنے والدین کا سوچنا چاہئے جنہوں نے پالا پوسہ اور اتنا بڑا کیا جبکہ انہوں نے تمہاری خوشیوں کے خواب دیکھے ہیں. ان کا مزید کہنا تھا کہ کہ اس طرح استعمال ہونے سے قبل پیچھے اپنے خاندان کا ضرور سوچ لیا کریں کیونکہ اگر تم کو کچھ ہوگیا تو پھر پیچھے آپ کے والدین کا کیا ہوگا؟

    جبکہ ظل شاہ کی بہن کا شاہ محمود قریشی کے حوالے سے کہنا تھا کہ انہوں نے میڈیا سے بات کرتے ہوئے دعوٰی کیا تھا کہ ظل شاہ کے والد لیاقت علی کو اغوا کیا گیا تھا جبکہ یہ سرا سر جھوٹ تھا تاہم بعد ازاں انہوں ایسی ٹوئیٹ بھی ہذف کردی تھی. علاوہ ازیں یہ بھی کہا گیا کہ ہمارے والد پر دباؤ ڈالا گیا ہے لیکن اس بات میں ایسی کوئی بھی حقیقت نہیں ہے. انہوں نے مزید کہا کہ نعیم جو ہمارے والد کا دماد ہے کا نام لیکر ایسا جھوٹا پروپیگنڈہ کیا گیا لیکن اس میں کوئی صداقت نہیں ہے.

    دوسری طرف ظل شاہ کے خاندان نے اس بات کی بھی تردید کی کہ انہیں کسی قسم کی امداد عمران خان نے دی ہے کیونکہ اس سے قبل سوشل میڈیا پر کہا گیا کہ عمران خان نے ظل شاہ کے خاندان کی کفالت کا وعدہ کیا اور ایک کروڑ روپے دیا ہے. تاہم اس بیان میں بھی کوئی حقیقت نہیں بلکہ فیک نیوز ہے.
    مزید یہ بھی پڑھیں
    عمران خان کو کس نے کہا کہ بیڈ کےنیچے چھپ جاو؟ مریم نواز
    روٹین سے ہٹ کر کردار کرنا چاہتا ہوں عثمان مختار
    نور مقدم قتل کیس، ملزمان کی اپیلوں پر اسلام آباد ہائیکورٹ نے سنایا فیصلہ
    بانی ایم کیو ایم 1 کروڑ پاؤنڈ پراپرٹی کا کیس لندن ہائیکورٹ میں ہار گئے
    مریم نواز بارے جھوٹی خبر پرتجزیہ کار عامر متین کو ہرجانے کا نوٹس بھیج دیا گیا
    پنجاب اسمبلی کے انتخابات کے لیے کاغذات نامزدگی جمع
    آئی ایم ایف سے معاہدے میں تاخیر پر حکومت کا امریکا سے بات کرنے کا فیصلہ

    ادھر دوسری جانب عمران خان کی ایک پرانی ٹوئیٹ جو انہوں نے 2017 میں کی تھی سوشل میڈیا پر وائرل ہے جس میں وہ بلٹ پروف گاڑی استعمال کرنے والوں کو طعنہ دے رہے ہوتے ہیں جبکہ اب اسی کو لیکر سوشل میڈیا صارفین ان پر تنقید کررہے ہیں کیونکہ حال ہی میں انہوں نے لاہور ریلی سے بلٹ پروف گاڑی کے اندر سے خطاب کیا تھا. اس پر ایک صارف کا کہنا تھا کہ خان صاحب تمہیں یاد ہو کہ نہ یاد ہو لیکن ہمیں یاد ہے کہ "کل آپ کیا کہتے تھے اور آج کیا کررہے.”

  • سلمان خان اور سورج برجاتیہ ایک بار پھر ایک ہو گئے

    سلمان خان اور سورج برجاتیہ ایک بار پھر ایک ہو گئے

    بالی وڈ اداکار سلمان خان اور سورج برجاتیا کی کامیاب جوڑی جب بھی ایک ساتھ آتی ہے کچھ نہ کچھ نیا اور الگ ہی لاتی ہے. ان دنوں نے ، میں نے پیار کیا ، ہم آپ کے ہیں کون اور پریم رتن دھن پائیو جیسی دیگر فلموں میں شائقین کو بہت زیادہ متاثر کیا، اہم بات یہ ہے کہ ان تینوں فلموں میں سلمان خان کا نام پریم رکھا گیا. کہا جا رہا ہے کہ سلمان خان اور سورج برجاتیہ ایک بار پھر ایک فلم میں نظر آئیں گے اس فلم کا نام عارضی طور پر ‘پریم کی شادی’ رکھا گیا ہے۔ کہاجا رہا ہے کہ یہ فلم دیوالی 2024 کو ریلیز کی جائیگی . زرائع کا کہنا ہے کہ اس فلم پر سلمان خان اور سورج

    پرجاتیہ کی بات چیت کافی عرصے سے چل رہی تھی اور اب آکر فلم کے معاملات طے پا گئے ہیں. اس فلم کی شوٹنگ رواں برس نومبر/دسمبر میں شروع کیا جائیگی . پریم کی شادی میں سلمان خان کے علاوہ دیگر کاسٹ میں کون کون شامل ہو گا اس کی تفصیلات سامنے آنا باقی ہیں‌. لیکن سلمان خان اور سورج برجاتیہ کے مداح کافی خوش ہیں. یاد رہے کہ سورج اور سلمان کی جوڑی انکی پہلی ہی فلم سے سپر ہٹ ہے.

  • شاہ رخ خان نے کپل شرما کی زندگی کے بد ترین دور میں کس طرح انکی مدد کی ؟

    شاہ رخ خان نے کپل شرما کی زندگی کے بد ترین دور میں کس طرح انکی مدد کی ؟

    ہندوستان کے معروف اداکار. کامیڈین اور میزبان کپل شرما برسوں سے اپنے مداحوں کے دلوں پر راج کر رہے ہیں۔ ان کا ‘دی کپل شرما شو،’ ناظرین شوق سے دیکھتے ہیں اس شو کو ٹی وی کی تاریخ کا ایک بہترین انٹرٹینمنٹ شو مانا جاتا ہے . کپل شرما نے حال ہی میں ایک انکشاف کیا ہے کہ جب انکی زندگی اور کیرئیر کے معاملات ٹھیک نہیں‌چل رہے تھے تو اس وقت وہ ڈپریشن کا شکار ہوتے چلے جا رہے تھے ایسے میں شاہ رخ خان نے ان سے ملاقات کی اور انہیں ایک گھنٹے تک تسلی دی اور کہا کہ سب تم سے پیار کرتےہیں تم پریشان مت ہو،

    آج اگر اچھا وقت نہیں ہے تو کل آجائیگا بس انتظار کرو ، خود کو خوش رکھو. کپل شرما پر رجت شرما کے شو میں ایک الزام لگا کہ انہوں نے شو پر انیل کپور، اجے دیوگن، اکشے کمار اور شاہ رخ خان جیسے بڑے سٹارز کو انتظار کروایا اور شو پر گئے نہیں تو اس کے جواب میں انہوں نے کہا کہ یہ اُن وقتوں‌کی باتیں ہیں جب میں شدید ڈپریشن میں تھا اور شدید زہنی مسائل سے جُوج رہا تھا. یاد رہے کہ کپل شرما کی بالی وڈ انڈسٹری کے تقریبا تمام بڑے فنکاروں کے ساتھ دوستی ہے سب ان کے کام اور ٹیلنٹ کی وجہ سے کافی سراہتے ہیں.

  • پروین بابی فلم شان کے سیٹ سے مہیش بھٹ کے ساتھ کیوں بھاگیں؟‌

    پروین بابی فلم شان کے سیٹ سے مہیش بھٹ کے ساتھ کیوں بھاگیں؟‌

    بالی وڈ کے معروف ہدایتکار مہیش بھٹ اور پروین بابی کا معاشقہ کسی سے ڈھکا چھپا نہیں ہے. حال ہی میں فلمساز مہیش بھٹ نے پروین بابی کے ساتھ بھاگنے کی داستان سنائی. انہوں نے کہا کہ جب پروین بابی فلم شان کررہیں تھیں جس میں وہ مرکزی کردارمیں تھیں اسی دوران ان کا دماغ کا علاج چل رہا تھا اور ڈاکٹروں نے کہا کہ ان کو بجلی کے جھٹکے لگیں گے اور چھ سے آٹھ ہفتوں تک ایسا ہوتا رہے گا. یہ سن کر میں کافی پریشان ہوا کیونکہ میں جس خاتون سے محبت کرتا تھا اسکو دماغی طور پر بیمار دیکھ کر کافی پریشانی ہورہی تھی . اور بجلی کے جھٹکے دیے بغیر پروین بابی کا علاج ممکن نہ تھا. مجھ سے یہ سب برداشت نہیں‌ہو رہا تھا لہذا جب وہ فلم شان کرہی تھی تو میں اسکو

    لیکر بھاگ گیا اور بنگلور لے گیا میں ، شان کے ڈائریکٹر رمیش سپی کے دفتر گیا لیکن کچھ نہ کہا واپس آگیا کیونکہ پروین اس فلم کی ہیروئین تھی اور ان دنوں میں‌دماغی بیماری ایک بہت بڑا مسئلہ سمجھا جاتا تھا، یوں مجھے پروین بابی کو لیکر بھاگنا پڑا. یاد رہے کہ مہیش بھٹ نے اپنی اور پروین بابی کی زندگی اور تعلق پر فلم بنائی جس کا نام تھا وہ لمحے یہ فلم 2005 میں ریلیز ہوئی تھی اس میں کنگنا رناوت نے پروین بابی کو کردار ادا کیا تھا جسے بہت سراہا گیا تھا.

  • شاہ رخ خان نے تاپسی پنو سے یہ کیوں کہا؟ بےعزتی نہ کروانا

    شاہ رخ خان نے تاپسی پنو سے یہ کیوں کہا؟ بےعزتی نہ کروانا

    بالی وڈ کے کنگ کہلائے جانے والے شاہ رخ خان نہ صرف بہترین اداکار ہیں بلکہ ان کو بھارتی فلم انڈسٹری کا سب سے زیادہ خوش مزاج آرٹسٹ بھی کہا جاتا ہے. شاہ رخ خان کے بارے میں بہت ساری بالی وڈ شخصیات کہتی ہیں کہ وہ بہت گرمجوشی سے ملتے ہیں اور اپنائیت کا احساس ہوتا ہے. حال ہی میں اداکارہ تاپسی پنوں نے بھی ایک ایسی ہی بات شئیر کی ہے جس سے اداکار کے خوش مزاج ہونے کا ثبوت ملتا ہے. تاپسی نے کہا کہ جب میں پہلی بار شاہ رخ خان سے ان کے گھر ملی تھی ۔ان کے مینجر نے انہیں شاہ رخ خان سے متعارف کرایا تو شاہ رخ خان نے کہا کہ میں ان کو انکے کام کی وجہ سے آل ریڈی جانتا ہوں. تاپسی نے کہا کہ شاہ رخ خان نے میرے برے وقت میں میری بہت

    مدد کی ، انہوں نے میرا تعارف اپنے کچھ غیر ملکی مہمانوں سے کروایا اور مجھے بہترین اداکارہ کہا ، انہوں نے مہمانوں سے کہا کہ میں آپ کا تعارف بہترین اداکارہ سے کرواتا ہوں ، تو مجھے سمجھ نہیں آئی کہ کس کو بہترین اداکارہ کہہ رہے ہیں میں نے شاہ رخ خان جو کہ اپنے غیر ملکی دوستوں کے ساتھ کھڑے تھے انکی باتوں میں‌خلل ڈالا اس کے بعد شاہ رخ خان نے مجھے الگ لیجا کر کہا کہ بےعزتی مت کرا میں تیری ہی بات کررہا ہوں.

  • شرمیلا ٹیگور کو ان کے شوہر نواب منصور علی خان پٹودی نے کیسے پرپوز کیا ؟ اداکارہ نے بتا دیا

    شرمیلا ٹیگور کو ان کے شوہر نواب منصور علی خان پٹودی نے کیسے پرپوز کیا ؟ اداکارہ نے بتا دیا

    بالی وڈ اداکارہ شرمیلا ٹیگور جنہوں ساٹھ اور ستر کی دہائی میں بالی وڈ انڈسٹری پر راج کیا ان کے نام سے فلمیں بکتی تھیں، شرمیلا اپنی خوبصورتی اور بہترین اداکاری کی وجہ سے آج بھی جانی جاتی ہیں. انہوں نے اپنے زمانے کے معروف کرکٹر نواب منصور علی خان پٹودی کے ساتھ شادی کی. حال ہی میں‌ شرمیلا ٹیگور نے اپنی محبت کی کہانی شئیر کی اور بتایا کہ کس طرح انہیں ان کے شوہرمشہور کرکٹر نواب منصور علی خان پٹودی نے پیرس میں پرپوز کیا تھا. انہوں نے کہا کہ ہم دونوں‌پیرس میں تھے اور وہاں پر باسٹیل ڈے تھا اور پورا شہر سڑکوں پر اپنی

    آزادی کا جشن منا رہا تھا۔ نواب منصور علی خان پٹودی نے گھٹنے کے بل بیٹھ کر مجھے کہا کہ کیا تم مجھ سے شادی کرو گی ، شور بہت زیادہ تھا میں سن نہ سکی کہ انہوں نے کیا کہا ہے. انہوں نے دوبارہ دہرایا کہ کیا تم مجھ سے شادی کرو گی تو میں نے کہہ دیا ہاں یوں اس کے بعد ہم دونوں کی شادی ہو گئی. شرمیلا نے کہا کہ میرے شوہر نہایت ہی نفیس انسان تھے انہوں نے کبھی بھی مجھے کسی بات سے اس طرح‌سے منع نہیں‌کیا تھا کہ محسوس ہو کے حق جتا رہے ہیں یا روایتی شوہر بن رہے ہیں.