Baaghi TV

Author: +9251

  • ترکیہ اور شام میں زلزلے سے اموات 29 ہزار سے تجاوز کرگئیں

    ترکیہ اور شام میں زلزلے سے اموات 29 ہزار سے تجاوز کرگئیں

    ترکیہ اور شام میں زلزلے سے اموات 29 ہزار سے تجاوز کرگئیں

    ترکیہ اور شام میں زلزلے سے اموات کی تعداد 29 ہزار سے تجاوز کرگئی، ایک لاکھ سے زائد افراد زخمی ہیں، 6 روز کے دوران 2 ہزار 300 سے زائد آفٹر شاکس آچکے ہیں، گرنے والی ہزاروں عمارتوں کے ملبے میں دبے افراد کو نکالنے کیلئے ریسکیو آپریشن جاری ہے، 100 گھنٹے گزرنے کے بعد بھی کئی افراد کو زندہ نکال لیا گیا، دبے ہوئے افراد کے زندہ بچنے کی امیدیں وقت گزرنے کے ساتھ ساتھ کم ہوتی جارہی ہیں۔

    نجی ٹی وی کے مطابق ترکیہ اور شام میں 6 فروری کی صبح آنے والے زلزلے کے باعث تباہ ہونے والی عمارتوں میں دبے افراد کو نکالنے کا کام جاری ہے، دونوں ممالک میں اب تک 29 ہزار سے زائد افراد زندگی کی بازی ہار چکے ہیں۔ امدادی سرگرمیوں میں پاکستان سمیت دنیا کے کئی ممالک کی ریسکیو ٹیمیں حصہ لے رہی ہیں۔ جنگ زدہ شام کے اکثرمتاثرہ علاقوں میں اب تک امداد نہ پہنچ سکی۔ لوگ مدد کوپکاررہے ہیں اور زندہ بچ جانےوالوں کوشدید سرد موسم کا سامنا ہے۔ کئی لوگوں کو ملبے سے نکال لیا گیا۔ حکومت نے منہدم ہونے والی عمارتوں کے 100سے زائدٹھیکیداروں کو گرفتارکرلیا۔

    اقوام متحدہ نے کہا ہے کہ شام میں تریپن لاکھ لوگ بے گھرہوسکتے ہیں اور9 لاکھ افراد کوترکیہ اور شام میں فوری گرم خوراک کی ضرورت ہے۔ خبر رساں ادارے اے ایف پی کے مطابق اقوام متحدہ نے خبردار کیا ہے کہ سرد موسم نے لاکھوں متاثرین کی مشکلات میں اضافہ کردیا ہے جبکہ بہت سے لوگوں کو امداد کی اشد ضرورت تھی۔ عالمی ادارے نے کہا ہے کہ زلزلے کے بعد دونوں ممالک میں کم از کم 8 لاکھ 70 ہزار افراد کو فوری طور پر خوراک کی ضرورت ہے، صرف شام میں 53 لاکھ بے گھر افراد کو فوری پناہ درکار ہے۔

    تباہ کن زلزلے کے دوران اپنے گھر کے ملبے کے نیچے پھنسی ہوئی شامی خاتون نے جس بچی کو جنم دیا تھا اس کا نام ’’آیا‘‘ رکھا گیا ہے، جس کا عربی میں مطلب ’خدا کی نشانی‘ ہے۔ غیر ملکی خبر رساں ادارے کے مطابق نوزائیدہ بچی کے والدین اور اس کے تمام بہن بھائی قیامت خیز زلزلے کی نذر ہوگئے، بچی کی کفالت اب اس کے والد کے چچا کریں گے۔ اقوام متحدہ کے انسانی حقوق کے دفتر نے جمعے کو شام کے متاثرہ علاقے، جہاں کرد جنگجو اور شامی باغیوں کا کنٹرول ہے، میں انسانی ہمدردی کے تحت رسائی دینے کی درخواست کی۔

    کالعدم کردستان ورکرز پارٹی جسے انقرہ اور اس کے مغربی اتحادی دہشت گرد گروہ قرار دیتے ہیں، نے امدادی سرگرمیوں میں آسانی کے لیے عارضی جنگ بندی کا اعلان کیا ہے۔ باغیوں کے زیر قبضہ شمال مغربی شام میں تقریباً 40 لاکھ افراد انسانی امداد پر انحصار کرتے ہیں لیکن تین ہفتوں میں حکومت کے زیر کنٹرول علاقوں سے کوئی امداد نہیں پہنچی ہے۔ ترکیہ کے علاقے دیارباکر میں 103 گھنٹے بعد ماں بیٹے کو ملبے سے ریسکیو کرلیا گیا، تو اک بار پھر اُمید بندھ گئی۔

    کہارامانمارس میں شدید زلزلے سے ٹرین کی پٹریاں اکھڑ گئیں، سڑکوں کا بھی برا حال ہوگیا، امدادی کاموں میں شدید مشکلات کا سامنا ہے۔ شام کی وزراء کونسل نے زلزلے سے متاثرہ علاقوں کو آفت زدہ قرار دے دیا۔ صدر بشار الاسد نے حلب کے اسپتال میں زلزلہ متاثرین سے ملاقات کی، رضا کار تنظیم کے اہلکاروں نے 2 ننھی بہنوں کو بچالیا۔ زلزلہ زدہ ادلب کے نواحی گاؤں کے قریب ایک چھوٹا ڈیم ٹوٹ گیا، پانی نے گھروں اور کھیتوں میں داخل ہوکر شہریوں کیلئے مزید مشکلات کھڑی کردیں۔
    انطاکیہ ملبے کا ڈھیربن گیا
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ترکیہ کے جنوبی وسطی علاقے میں آباد انطاکیہ کا شہر ہزاروں سال پرانی تۃزیب کا حامل ہے لیکن اس شہر کا بہشتر حصہ ملبے کا ڈھیر بن چکا ہے۔ جبکہ عرب نیوز چینل الجزیرہ کے مطابق شام کے شہر حلب میں بے گھر ہونے والے لوگوں کے لیے حالات بدتر ہوتے جا رہے ہیں۔ سرکاری سطح پر آنے والے ماہرین نے شہر کی کم و بیش تمام ہی عمارتوں کو مخدوش قرار دے دیا ہے۔

  • ادارہ امن و تعلیم کے زیراہتمام میڈیا موثران (انفلونسرز) ٹریننگ ورکشاپ کا انعقاد کیا گیا

    ادارہ امن و تعلیم کے زیراہتمام میڈیا موثران (انفلونسرز) ٹریننگ ورکشاپ کا انعقاد کیا گیا

    ادارہ امن وتعلیم کے زیراہتمام میڈیا موثران (انفلونسرز) ٹریننگ ورکشاپ کا انعقاد کیا گیا.

    پیس اینڈ ایجوکیشن فاؤنڈیشن کہ جانب سےاسلام آباد میں چار روزہ تربیتی ورکشاپ کا انعقاد کیا گیا، جس میں میں اسلام آباد سمیت صوبہ پنجاب اور صوبہ خیبرپختونخوا کے مختلف اضلاع اور شہروں سے پرنٹ میڈیا، الیکٹرانک میڈیا اور سوشل میڈیا سے وابستہ میڈیا انفلوئنسرز نے شرکت کی۔ جس میں مختلف مذہبی موضوعات ،اقلتیی امور اور سماجی ہم آہنگی پر کام کرنے والے خواتین و حضرات شامل تھے۔ شرکاء نے امن و روادای کے فروغ کے لیے موثر کردار ادا کرنے کا عزم کیا۔

    پیس اینڈ ایجوکیشن فاؤنڈیشن کے صدر اظہر حسین نے میڈیا سے گفتگو کرتے ہوئے کہا کہ ورکشاپ کا مقصد مختلف عقائد اور طبقات فکر سے وابستہ میڈیا مؤثران (انفلونسرز ) کی استعداد کار میں اضافہ کرنا تھا تاکہ وہ ہم آہنگی اور امن کے بیانیے کو مختلف میڈیا پلیٹ فارمز کے ذریعے فروغ دے سکیں۔ جبکہ ورکشاپ کے چاروں روز تربیت کاروں اور سینئر صحافیوں نے اپنے سیشنز میں الیکٹرانک، پرنٹ اور سوشل میڈیا کی اہمیت، جرنلزم کے آداب، میڈیا قوانین ،سماجی بیانیے اور میڈیا کا کردار، فیک نیوز اور تنقید ی فکر ، میڈیا اور امن و رواداری کے فروغ کے لئے درکا میڈیا مہارتیں اور امن و رواداری کے لیے میڈیا سیڈ پروجیکٹس کی تشکیل کی عملی سرگرمیاں کی۔

    پی ٹی وی کے مذہبی امور کے ڈائریکٹر اور معروف دانشور خوشید ندیم نے اپنے فکری سفر پر گفتگو کی اور فکری تنوع اور اختلاف رائے اور فکری سفر کو مسلسل جاری رکھنے کی تلقین کی جبکہ ورکشاپ میں بی بی سی سے وابستہ معروف صحافی اعظم خان نے فیک نیوز اور اس کے سدباب کے لیے درکار پیشہ وارانہ ذمہ داریوں سے متعلق بات کی جبکہ گیلیپ پاکستان کے لیگل ایڈوائزر، ایڈووکیٹ عمر گیلانی نے میڈیا قوانین کے حوالے سے شرکاء سے گفتگو کی۔

    ادارہ امن و تعلیم کے پریزیڈنٹ اظہر حسین نے مشکل ترین حالات میں پیشہ وارانہ ذمہ داریوں کی ادائیگی اور معاشرے میں ا من و رواداری کے لیے صحافیوں اور میڈیا پرسن کی جرأت کو سراہا جبکہ ادارہ امن و تعلیم کے ڈائریکٹر اور سوشل ڈیلویپمنٹ ریسرچر غلام مرتضیٰ نے ورکشاپ کے مقاصد کو واضح کرتے ہو کہا کہ ہم اس ورکشاپ کے ذریعے معاشرے میں بڑھتی انتہاپسندی کو روکنے کی کوشش کے لیے میڈیا انفلوئنسرز کے استعداد کار میں اضافہ کرنا اور میڈیا سیڈ پروجیکٹس کے ذریعے امن کے پیغام کو عوام تک مزید موثر انداز میں پہنچانا چاہتے ہیں۔

    ورکشاپ میں معروف ٹرینر ڈاکٹر محمد حسین نے شرکاء سے معاشرے میں بڑھتی تشدد پسندی کو سماجی سطح پر تعلیم و تفہیم کے ذریعے روکنے کے حوالے سے گفتگو کی۔میڈیا ٹرینر و معروف اینکرپرسن سبوخ سید نے تنقیدی فکر کے ذریعے صحافتی فرائض کی ذمہ دارانہ انجام دہی پر مشق کروائی ، جبکہ ڈیجیٹل میڈیا ٹرینر سمیر علی خان نے سوشل میڈیا کے استعمال کے تیکنیکی مہارتوں پر سیشن کیا اور معروف تربیت کار اور سماجی دانشور ارشاد بخاری نے میڈیا اور سماجی بیانیوں کے حوالے سے شرکاء کے ساتھ سیشن کیا۔ جبکہ شرکاء نے مختلف پراجیکٹس کے ذریعے اپنی دلچسپی اور عزم کا اظہار کیا اور مستقبل میں امن و رواداری اور مذہبی ہم آہنگی کے فروغ کے لیے اپنی پیشہ ورانہ زمہ داریوں کو بحسن وخوبی ادا کریں گے۔
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    اختتامی تقریب میں ادارہ امن و تعلیم کے پریزیڈنٹ اظہر حسین، ڈائریکٹر غلام مرتضی، پاکستان ٹیلی ویژن سے عون ساہی اور ریڈیو پاکستان سے کامران منظور نے اظہار خیال کیا اور شرکاء اسناد تقسیم کیں ۔ ورکشاپ کے شرکاء اور مہمانوں نے اپنے تاثرات ادارہ امن وتعلیم کے اس اقدام کی تعریف کرتے ہوئے امن و رواداری کے فروغ کے لئے میڈیا کا مؤثر استعمال کو وقت کی ضرورت قرار دیا اور اس حوالے سے اپنے ہر قسم کے تعاون کی یقین دہانی دلائی۔

  • اب میٹرک اور انٹرمیڈیٹ امتحانات جدید طرز پر لیئے جائیں گے

    اب میٹرک اور انٹرمیڈیٹ امتحانات جدید طرز پر لیئے جائیں گے

    اب میٹرک اور انٹرمیڈیٹ امتحانات جدید طرز پر لیئے جائیں گے

    کراچی سمیت ملک بھر میں میٹرک اور انٹر میڈیٹ امتحانات جدید طرز پر لینے کا فیصلہ کرلیا گیا ہے۔ اسلام آباد میں فیڈرل بورڈ کے تحت ملک بھر کے ناظمین امتحانات کی دوسری کانفرنس ہوئی جس میں میٹرک اور انٹرمیڈٰیٹ کے امتحانات جدید طرز پر لینے کا فیصلہ کیا گیا۔

    تعلیمی بورڈز نے ’اسٹوڈنٹ لرننگ آؤٹ کم‘ کے تحت کام شروع کردیا ہے، مارک شیٹ میں گریڈنگ سسٹم متعارف کرایا جائے گا اور نمبروں کی جگہ گریڈ لکھا جائے گا۔ کانفرنس میں فیصلہ ہوا کہ طلبہ کے امتحانات صرف ٹیکسٹ بک بورڈ سے نہیں ہوں گے اور نئی طرز پر پیپر لینے سے طلبا میں رٹے کی عادت ختم ہو جائے گی۔

    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ

    آپ کو یاد ہوگا کہ گزشتہ سال سوشل میڈیا پر مختلف لوگوں کی جانب سے زیادہ نمبر لینے والے طلبہ پر طنز کیا گیا تھا اور حکومت کی مارکس کی پالیسی پر بھی تنقید کی گئی تھی. تاہم کچھ لوگوں کا یہی کہنا تھا کہ معروضی اور مختصر سولات کے پرچہ جات میں زیادہ مارکس لینا کوئی انہونی بات نہیں ہے۔
    https://twitter.com/AmmarImran1o/status/1440273596367007750
    صحافی افتخار فردوس نے ٹوئٹر پر لکھا کہ میٹرک نتائج کی گفتگو مردان بورڈ کے نتائج نے ختم کردی کیونکہ بورڈ میں ایک طالب علم نے 1100 میں 1100 مارکس کے کر نیوٹن اور آئن سٹائن کو بھی پیچھے چھوڑ دیا۔ جبکہ ٹوئٹر صارف عمار عمران نے لکھا کہ ’پہلے تو ٹاپر کو میں مبارک باد پیش کرتا ہوں لیکن پھر بھی میں کہتا ہوں کہ یہ اچھا پیغام نہیں ہے۔ ہمارا تعلیمی نطام رٹا سسٹم پر چلا آ رہا ہے اور مجھے سمجھ نہیں آ رہی کہ انہوں نے 100 فیصد مارکس کس طرح لیے۔‘

  • گھریلو صارفین کیلئے جون تک بجلی7روپے فی یونٹ تک مہنگی ہوگی

    گھریلو صارفین کیلئے جون تک بجلی7روپے فی یونٹ تک مہنگی ہوگی

    گھریلو صارفین کیلئے جون تک بجلی7روپے فی یونٹ تک مہنگی ہوگی

    وفاقی حکومت نے آئی ایم ایف پروگرام کی بحالی کیلئے شرائط پر فوری عملدرآمد کا فیصلہ کرلیا۔ وفاقی کابینہ نے بجلی کی قیمت میں اضافے اور سبسڈی ختم کرنے کا پلان منظورکرلیا۔ پلان کے تحت جون تک گھریلو صارفین کیلئے بجلی7روپے فی یونٹ تک مہنگی ہوگی۔ پلان کے تحت مارچ 2023 سے برآمدی شعبے اور کسانوں کیلئے بجلی پر سبسڈی ختم ہوگی جبکہ برآمدی شعبے کیلئے بجلی پر 12روپے13پیسے فی یونٹ کی سبسڈی واپس ہوگی۔

    حکام کے مطابق جون2023 تک بجلی صارفین سے تقریبا250 ارب روپے ریکور کئے جائیں گے۔ پلان کے تحت 3 روپے 39 پیسے فی یونٹ کا سرچارج لگے گا جبکہ سہ ماہی ایڈجسٹمنٹس کی مد میں بھی بجلی مہنگی کی جائے گی۔ جون تک سہ ماہی ایڈجسٹمنٹس میں اضافے سے 73ارب روپے حاصل ہوں گے۔
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    سہ ماہی ایڈجسٹمنٹ میں رواں ماہ بجلی 4 روپے46 پیسےتک مہنگی ہوگی، فروری میں ٹیرف میں اوسط اضافہ3 روپے21 پیسے فی یونٹ بنے گا جبکہ مارچ میں سہ ماہی ایڈجسٹمنٹ میں بجلی69 پیسے مہنگی کی جائے گی۔ جون میں سہ ماہی ایڈجسٹمنٹ میں بجلی ایک روپے 64 پیسے مہنگی ہوگی، ستمبر میں سہ ماہی ایڈجسٹمنٹ میں بجلی ایک روپے98 پیسے مہنگی ہوگی۔ جون تک برآمدی شعبے، کسانوں کیلئے سبسڈی ختم ہونے سے 65 ارب روپے حاصل ہوں گے۔ برآمدگنندگان کیلئے بجلی پر سبسڈی ختم ہونے سے51 ارب روپے حاصل ہوں گے جبکہ کسان پیکچ کے تحت بجلی پر سبسڈی ختم ہونے سے 14 ارب روپے حاصل ہوں گے۔

  • عمران خان کا جھوٹا ایجنڈا کسی صورت کامیاب نہیں ہوگا. راناثناءاللہ

    عمران خان کا جھوٹا ایجنڈا کسی صورت کامیاب نہیں ہوگا. راناثناءاللہ

    عمران خان کا جھوٹا ایجنڈا کسی صورت کامیاب نہیں ہوگا. راناثناءاللہ

    وزیرداخلہ راناثناء اللہ کا کہنا ہے کہ عمران خان نے سیاسی دہشتگرد کا روپ دھارلیا ہے مگر ان کا گھٹیا ایجنڈا کسی صورت کامیاب نہیں ہوگا۔ کراچی میں میڈیا سے گفتگو میں وزیرداخلہ کا کہنا تھا کہ عمران خان نےآج پھربہت ہی گھٹیا سے بھی نیچے جاکر،پاکستان سیاسی،معاشی طورپراستحکام حاصل کرے گا۔ عمران خان کو نظر آرہاہے کہ آئی ایم ایف سے معاہدہ ہونے والا ہے۔

    راناثناء اللہ نے کہا کہ عمران خان25مئی کو اسلام آباد پر قبضہ اور گھیراؤ کرنے آیا تھا مگر ناکام ہوکر واپس آیا،26نو مبرکودوبارہ آنا چاہتاتھا، عوام نے26نومبرکوبھی عمران خان کوبری طرح مسترد کیا۔ ان کا کہنا تھا کہ الیکشن ابھی ہوں یا اکتوبر میں ہم تیار ہیں، الیکشن سےکسی کوانحراف نہیں ہے لیکن آئین میں ایک وقت متعین ہے، ناگزیرصورت پر اسمبلی پہلے تحلیل ہوجائے تو اسکا طریقہ کارآئین میں ہے۔ عمران خان نے زبردستی دھونس کے ساتھ2صوبوں کی اسمبلیاں توڑیں۔
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    راناثناءاللہ کا مزید کہنا تھا کہ شیخ رشید کی گرفتاری کےپیچھےان کی بدزبانی ہے، شیخ رشید نے بڑی پارٹی کے سربراہ پرقتل کرانےکا الزام لگایا مگر ان کے پاس اس الزام کا کوئی ثبوت نہیں تھا۔ شیخ رشید بغیر سوچے سمجھے ایسی زبان استعمال کرتے ہیں۔ وزیرداخلہ کا کہنا تھا کہ شوکت ترین کےخلاف انکوائری مکمل ہوگئی ہے، ایف آئی اے نے شوکت ترین کوگرفتار کرنےکی اجازت مانگی تھی جو دیدی گئی ہے۔ کہا کچھ سیاستدان اپنے گھٹیا ایجنڈے کو آگے بڑھانے ک کوشش کرتے رہتے ہیں۔ انہوں نے کہا کہ دہشت گردبزدلانہ حملے کررہے ہیں، چین کےبہت اہم مںصوبے ہیں جن پرکام ہورہاہے، دن رات محنت کررہے ہیں کہ پاکستان ترقی کے راستے پرگامزن ہو۔

  • میٹا نے مزید ملازمین کو نکالنے کا منصوبہ تیار کرلیا

    میٹا نے مزید ملازمین کو نکالنے کا منصوبہ تیار کرلیا

    میٹا نے مزید ملازمین کو نکالنے کا منصوبہ تیار کرلیا
    معروف سوشل میڈیا کمپنی فیس بک کی سرپرست کمپنی میٹا کی جانب سے آنے والے ہفتوں میں مزید ملازمین کو نکالنے کی منصوبہ بندی کی جا رہی ہے۔ فنانشنل ٹائمز کی ایک رپورٹ کے مطابق مارچ 2023 میں میٹا کی جانب سے مزید ملازمین کو نکالنے کا اعلان کیا جاسکتا ہے۔ نجی ٹی وی کی رپورٹ میں بتایا گیا ہے کہ میٹا کی جانب سے عملے کی کارکردگی کا تجزیہ مارچ میں مکمل ہو جائے گا جس کے بعد مزید ملازمین کو فارغ کرنے کا اعلان ہوسکتا ہے۔

    اس سے قبل نومبر 2022 میں میٹا کی جانب سے دنیا بھر سے کمپنی کے 11 ہزار ملازمین کو نکالنے کا اعلان کیا گیا تھا۔ اس موقع پر مارک زکربرگ نے ملازمین کے نام ایک میمو میں کہا تھا کہ ‘آج میں میٹا کی تاریخ میں کی جانے والی سب سے مشکل تبدیلی کے بارے میں بتانا چاہتا ہوں، میں نے اپنی ٹیم کا حجم 13 فیصد کم کرنے کا فیصلہ کیا ہے’۔
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    اس نئی رپورٹ پر میٹا کی جانب سے کوئی ردعمل ظاہر نہیں کیا گیا۔ خیال رہے کہ ٹوئٹر، ایمازون، گوگل، مائیکرو سافٹ اور دیگر متعدد ٹیکنالوجی کمپنیوں کی جانب سے حالیہ مہینوں کے دوران معاشی حالات کو جواز بناتے ہوئے ہزاروں ملازمین کو فارغ کیا گیا ہے۔ جبکہ یاد رہے کہ اس سے قبل بھی کئی ملازمین کو نکال دیا گیا تھا اور اب بھی اسی طرح ملازمین کو نکالنے کا منصوبہ بنایا گیا ہے.

  • پی ائی اے کا طیارہ مزید 5 ٹن ریلیف سامان لے کر ترکی پہنچ گیا

    پی ائی اے کا طیارہ مزید 5 ٹن ریلیف سامان لے کر ترکی پہنچ گیا

    پی ائی اے کا طیارہ مزید 5 ٹن ریلیف سامان لے کر ترکی پہنچ گیا

    ترکیہ اور شام میں خوفناک زلزلہ متاثرین کے لئے امدادی سامان کی ترسیل جاری ہے کہ ترجمان پی ائی اے کے مطابق پی آئی اے کا طیارہ مزید 5 ٹن ریلیف سامان لے کر ترکی پہنچ گیا ہے جبکہ زلزلے کے بعد سے پی آئی اے ابھی تک مجموعی طور پر 72 ٹن امدادی سامان اور 51 ریسکیو ٹیم کے افراد کو لے کر جاچکا ہے .

    پی آئی اے نے ترکی میں ادانا اور استنبول، اور شام کے شہر دمشق کے لیے 06 شیڈول اور 02 خصوصی چارٹرڈ پروازیں آپریٹ کیں ہیں اور امدادی پروازیں بوئنگ 777 طیاروں کے ذریعے لاہور اور اسلام آباد سے چلائی جا رہی ہیں۔ جبکہ پی آئی اے حکومت پاکستان کی جانب سے امدادی سرگرمیوں میں بڑھ چڑھ کر حصہ لے رہا ہے.
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ترجمان پی آئی اے کا مزید بتانا ہے کہ این ڈی ایم اے نے پی آئی اے کے ذریعے کثیر تعداد میں خیمے اور کمبل متاثرہ علاقوں تک پہنچائے ہیں اور پی آئی اے نے ٹرکش ائیرلائن اور دیگرحکام کو تمام ممکنہ مدد اور آپریشنل معاونت بھی فراہم کرنے کی یقین دہانی کروائی ہے علاوہ ازیں ترجمان پی آئی اے کا کہنا تھا پی آئی اے ترکی میں پاکستانی سفارت خانے کو مکمل معاونت فراہم کررہاہے جس میں آفت زدہ علاقوں سے پاکستانیوں کو وطن واپس لانا بھی شامل ہے.

    خیال رہے کہ ترکیہ اور شام میں گزشتہ پیر کو آنے والے شدید زلزلے سے اموات کی تعداد ہزاروں میں ہوگئی تھی ۔ جبکہ حکام کا بتانا تھا کہ ترکیہ اور شام میں کئی ہزار افراد جاں بحق ہوچکے ہیں۔ اور یہ سلسلہ تاحال جاری ہے.

  • عمران خان کا بہانے بنا کر عدالت پیش نہ ہونا قانون کا مزاق ہے. مریم نواز شریف

    عمران خان کا بہانے بنا کر عدالت پیش نہ ہونا قانون کا مزاق ہے. مریم نواز شریف

    عمران خان کا بہانے بنا کر عدالت پیش نہ ہونا قانون کا مزاق ہے. مریم نواز شریف

    اسلام آباد میں میڈیا سے گفتگو کرتے ہوئے مریم نواز نے کہا کہ لندن میں نواز شریف اور شہباز شریف نے مجھے پارٹی کی ذمہ داری دی، اور مجھے ہدایت کی گئی کہ سرجری کے فوری بعد پاکستان واپس جائیں، نوازشریف نے مجھے خود کنونشنر کا شیڈول تیار کرکے دیا، اور کہا کہ جلسے الیکشن کے قریب جا کر کریں گے۔ جبکہ مریم نواز نے مزید کہا کہ لیگی رہنما کا کہنا تھا کہ اندازہ نہیں تھا کہ ایسا عوامی ردعمل ملے گا، کارکنوں کا جذبہ دیکھ کر سے دل خوش ہوگیا، مہنگائی سے آنکھیں بند تو نہیں کی جا سکتیں، لیکن استقبال سے لگا جیسا آٹا مفت اور ٹماٹر 2 روپے کلو مل رہے ہیں۔

    مریم نواز نے کہا کہ مسائل گھمبیر ہیں نوازشریف کی غیر موجودگی میں متحرک کردار ادا نہیں کیا جا سکا، سوشل میڈیا پر توجہ کم رہی، اپوزیشن میں آپ کے پاس بیانیہ ہوتا ہے، بیانیے کی جنگ نے کارکردگی کی جگہ لے لی، ہم نے ووٹ کو عزت دو مہم میں بہت مؤثر سوشل میڈیا چلایا، جس کے باعث پاپا جونز کو ہمارے خلاف کریک ڈاؤن کرنا پڑا۔ علاوہ ازیں مریم نواز کا کہنا تھا کہ ہم میدان میں کام کرنے پر یقین رکھتے ہیں، یکطرفہ میدان کھلا چھوڑا جو ہماری لاپروہی ہے، ذاتی یا پارٹی تشہیر کیلئے سرکاری خزانے سے سوشل میڈیا نہیں چلا سکتے، اس لئے مسلم لیگ کا آئی ٹی ونگ بنا رہے ہیں جس کے سربراہ افنان اللہ ہوں گے۔ چار سال سوشل میڈیا، ترجمانوں اور یو ٹیوبرز پر توجہ رہی۔

    لیگی چیف آرگنائزر نے کہا کہ جھوٹ بولنا نہیں آتا، سچا الزام بھی لگاتے ہوئے سوچتی ہوں، کسی سے ملنے یا ناراضی دور کرنے میں میری کوئی انا نہیں، سب سینئر میرے والد اور چچا کے ساتھی ہیں، خود بھی نہیں چاہوں گی کہ سینئر شخصیات میرے پیچھے کھڑی ہوں، شاہد خاقان سے رابطہ ہوا وہ لاہور تھے اور انہوں نے کہا ہے کہ ملاقات کروں گا، کیپٹن صفدر انفرادی شخصیت ہیں،بات کا خود جواب دے سکتے ہیں، وزیراعظم یا وزیراعلی کے عہدے پر نظر ہے نہ ہی کوئی ٹارگٹ ہے، عہدے کو سامنے رکھا تو پارٹی کے لئے کام نہیں کرسکتی۔

    مریم نواز کا کہنا تھا کہ ہم نے پری الیکشن مہم شروع کردی ہے، انتخاب میں اپنا الیکشن لڑیں گے، پی ڈی ایم انتخابی اتحاد نہیں، اسے ابھی انتخابی اتحاد نہیں کہا جاسکتا، یہی مشن ہے کہ ہر صوبے میں جماعت کی تنظیم مضبوط کروں، جہاں کمزوریاں ہیں دور کرنا ہے، تنظیمی دوروں کو پری الیکشن کمپین سمجھ لیں، ان دوروں کا ایک مقصد بہترین انتخابی نمائندوں کی تلاش بھی ہے۔ لیگی رہنما نے کہا کہ ن لیگ کے رہنمائوں پر بچوں والے کیسز بنائے گئے، ہمارا دامن صاف لیکن ہفتے میں چھ دن عدالت میں پیش ہوتے تھے، عمران خان کے تو ثبوت ہیں، گھڑیاں بیچ کر اربوں روپے کمائے، سڑک بھی نواز شریف سے بنوائی، وہ عدالت نہیں جاتے پلاسٹر چڑھا دیتے ہیں، یہ عدلیہ کے لئے اچھا تاثر نہیں، ہمارے گلے کا پھندا سخت ہوتا تھا، ہمیں تو کوئی ریلیف نہیں، ان کے بہانوں پر تاریخ پڑ جاتی ہے۔

    مریم نواز نے کہا کہ عمران خان پاکستان کا واحد وزیراعظم ہے جسے ووٹ کے ذریعے باہر نکالا گیا، اپنے ووٹ پورے کرانے کے لئے بھی فیض کی خدمات لی جاتی تھیں، 20 میں سے 15 الیکشن پی ٹی آئی جیتے تو ہماری کس اور کون سی سہولت کاری ہے۔ جبکہ مریم نواز کا کہنا تھا کہ عمران خان کی حکومت نے معیشت کا بیڑہ غرق کردیا، ملک کو ہتھوڑے مار مار کر 4 سال میں توڑ دیا، آئی ایم ایف سے ہم نے کوئی معاہدہ نہیں کیا، بلکہ جو گزشتہ حکومت نے شرائط طے کی تھیں وہ اب ہمیں پوری کرنی پڑرہی ہے، پی ٹی آئی کے لوگ چاہتے ہیں کہ ملک ڈیفالٹ کرجائے، سول بالادستی پر کوئی سمجھوتہ نہیں ہوگا۔

    مریم نواز نے کہا کہ مجھے تکلیف ہے کہ نوازشریف کا کیس صحیح طرح نہیں لڑا گیا، اس کیلئے جو قانون سازی کرنی چاہئے تھی وہ یہ حکومت نہیں کرسکی، اب نواز شریف کی بے گناہی پر سب بولیں گے، لوگوں کو بتانا چاہئے کہ نواز شریف کے ساتھ ظلم کیا گیا، وہ جلد نہ صرف ہمارے درمیان بلکہ کیسز بھی ختم ہوں گے، چند ہفتوں کی بات ہے، اس کے لئے کوششیں ہورہی ہیں۔

  • لاہور اور سیالکوٹ ایئر پورٹ کے اطراف سے طیاروں کے جی پی ایس سگنل غائب

    لاہور اور سیالکوٹ ایئر پورٹ کے اطراف سے طیاروں کے جی پی ایس سگنل غائب

    لاہور اور سیالکوٹ ایئر پورٹ کے اطراف سے طیاروں کے جی پی ایس سگنل غائب

    حالیہ دنوں میں لاہور اور سیالکوٹ ایئر پورٹ کے اطراف سے اچانک طیاروں کے گلوبل پوزیشننگ سسٹم (جی پی ایس) سگنل غائب ہوگئے۔ ذرائع کے مطابق جی پی ایس سگنل غائب ہونے سے تقریباً 25 یا اس سے زائد طیارے متاثر ہوئے جب کہ پائلٹس کو جہاز اتارنے اور اڑان بھرنے میں مشکلات کا سامنا ہے۔

    نجی ٹی وی نے دعویٰ کیا ہے کہ ذرائع کا کہنا ہے کہ چند دن پہلے سیالکوٹ آنے والی دو غیر ملکی پروازوں کے بھی جی پی ایس سگنل غائب ہوگئے تھے، جس کے بعد کپتانوں نے کنٹرول ٹاور سے رابطہ کرکے ایئر ٹریفک کنٹرولر کی ہدایت پر طیاروں کو لینڈ کروایا تھا۔ جی پی ایس سگنل غائب ہونے پر سول ایوی ایشن اتھارٹی (سی اے اے) نے پروازوں کے لیے ناٹم جاری کردیا جس میں کہا گیا ہے کہ ایئر پورٹ کے نزدیک 100 کلومیٹر اور اس کے اطراف میں سگنل کا مسئلہ پیش آرہا ہے۔
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    سی اے اے نے اپنے نوٹم میں پائلٹس کو کولینڈنگ سے قبل فوری طور پر ایئر ٹریفک کنٹرولر کو تفصیلات رپورٹ کرنے کی ہدایت کرتے ہوئے کہا کہ کپتان کو لینڈنگ سے قبل کوئی پیچیدگی ہوتی ہے تو فوری طور پر ایئر ٹریفک کنٹرولر سے رہنمائی حاصل کریں۔

  • حکومت کہتی مشکل وقت اور قوم قربانی دے لیکن سب سے پہلے شہباز شریف قربانی دیں۔ سراج الحق

    حکومت کہتی مشکل وقت اور قوم قربانی دے لیکن سب سے پہلے شہباز شریف قربانی دیں۔ سراج الحق

    حکومت کہتی مشکل وقت اور قوم قربانی دے لیکن سب سے پہلے شہباز شریف قربانی دیں۔ سراج الحق

    امیر جماعت اسلامی سراج الحق کا کہنا ہے حکومت کہتی ہے مشکل وقت ہے قوم قربانی ہے، سب سے پہلے شہباز شریف قربانی دیں۔ جہلم میں مہنگائی مارچ سے خطاب کرتے ہوئے امیر جماعت اسلامی سراج الحق کا کہنا تھا مہنگائی نے عوام کی زندگی اجیرن بنا دی ہے، جماعت اسلامی میدان میں کھڑی ہے اور مہنگائی کے خلاف آواز بلند کر رہی ہے۔ ان کا کہنا تھا ایسے ظالم حکمران ہیں کہ مہنگائی میں کمی کا مطالبہ کرنے پر بھی سیخ پا ہوتے ہیں، پاکستان کو ان ظالموں نے 62 ہزار ارب کے قرضوں کے کوہ ہمالیہ تلے دبا دیا، قرض لینے والے عوام سے مطالبہ کرتے ہیں چائے روٹی کم کر دو۔

    نجی ٹی وی کے مطابق سراج الحق نے مزید کہا کہ حکومت پہلے سے پسے عوام پر منی بجٹ کے ذریعے ٹیکسز کا بوجھ ڈالنے لگی ہے، عوام گیس بجلی پانی کا بل کہاں سے ادا کریں گے، زرعی پاکستان میں 160 روپے کلو آٹا اور275 روپے کلو پیاز ہے، جو چیزیں جو پاکستان میں پیدا ہوتی ہیں ان کی قیمتیں بھی آسمان سے باتیں کر رہی ہیں۔ امیر جماعت اسلامی کا کہنا تھا ایم پی اے اور ایم این ایز نے پیسے اپنی تجوریوں میں بھر رکھے ہیں، حکومت کے ایک وزیر نے بیان دیا کہ خزانہ خالی ہو گیا ہے، پوچھنا چاہتا ہوں یہ خزانہ آپ نے خالی کیا یا عوام نے خالی کیا ہے۔
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    یاد رہے کہ اس سے قبل سرائے عالمگیر میں مہنگائی مارچ کے شرکا سے خطاب کرتے ہوئے سراج الحق کا کہنا تھا غریب عوام کے لیے بجلی پانی اور گیس کا بل ادا کرنا مشکل ہو گیا ہے، ہم ٹیکس دیتے ہیں مزدوری کرتے ہیں، حکمرانوں کی کرپشن کے باعث پاکستان غریب سے غریب تر ہوتا جا رہا ہے، انہوں نے قرضے لیکر اپنے بینک بیلنس میں اضافہ کیا۔ سراج الحق کا کہنا تھا اسحاق ڈار کے آنے کے بعد ہر چیز کی قیمت میں اضافہ ہوا، انہوں نے وعدہ کیا تھا ڈالر 200 روپے پر لائیں گے، آج مشکل وقت ہے آج بھی حکومت کہتی ہے قوم قربانی دے، سب سے پہلے شہباز شریف قربانی دیں۔