Baaghi TV

Author: +9251

  • امریکہ نے میرے خلاف سازش نہیں کی ہے. عمران خان کا یوٹرن

    امریکہ نے میرے خلاف سازش نہیں کی ہے. عمران خان کا یوٹرن

    پاکستان تحریک انصاف کے چیئرمین عمران خان نے وائس آف امریکہ کو انٹرویو دیتے ہوئے ان کا کہنا ہے کہ شریف اور بھٹو خاندان نے اربوں کی کرپشن کی ہے اور انہوں نے ہی ملک کو لوٹا ہے جبکہ ان کا مزید کہنا تھا کہ پاکستان کی معیشت بری طرح برباد ہو چکی ہے، اس وقت پاکستان تاریخ کے بدترین معاشی بحران سے گزر رہا ہے، عوام کی منتخب حکومت کے پاس ذمہ داری کے ساتھ اختیار بھی ہونا چاہیئے۔

    عمران خان کا کہنا ہے کہ الیکشن کمیشن کی ساکھ تباہ کردی گئی، شفاف انتخابات کا انعقاد ناممکن ہے، میں نے غنی حکومت کے ساتھ اچھے تعلقات کی کوشش کی، وزیر خارجہ نے اپنا سارا وقت بیرونی دوروں پر لگایا، افغانستان کا ایک دورہ نہیں کیا۔ عمران خان کا مزید کہنا تھا کہ روس یوکرین تنازعے میں ہم نے غیر جانبدار رہنے کا فیصلہ کیا، کسی ایک فریق کی حمایت کرتے تو تعلقات متاثر ہوسکتے تھے۔
    مزید یہ بھی پڑھیں؛
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    امریکا سے بہتر تعلقات کے حوالے سے سابق وزیراعظم کا کہنا تھا کہ بین الاقوامی تعلقات کا انحصار ایگوز پر نہیں بلکہ عوام کے مفاد میں ہونا چاہئے، پاکستان کےعوام کے مفاد میں یہی ہے کہ ہم امریکا اسے اچھے تعلقات استوار کریں کیونکہ یہ سُپر پاور اور سب سے بڑا تجارتی پارٹنر ہے۔ جبکہ سفارتی سائفر اور مبینہ سازش پر انہوں نے کہا کہ وقت کےساتھ یہ بات کھلی کہ یہ امریکا نہیں تھا جس نے میرے خلاف سازش کی ہے.

  • ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا

    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا

    بھارت میں ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا

    آن لائن سامان کی خریداری کے دوران غلط چیز آجانے کا امکان تو رہتا ہے لیکن کیا آپ اس بات کی توقع کرتے ہیں کہ بریڈ کے پیکٹ کے اندر سے چوہا نکلے اور وہ بھی زندہ۔ لیکن ایسا بھارت میں ہوا ہے۔ دور جدید میں ہماری زندگی بہت تیز ہوگئی ہے، اب ہر چیز تک رسائی صرف موبائل میں موجود ایپ کی محتاج ہوگئی ہے۔ اسی وجہ سے گھر کا سامان اب ایپس کے ذریعے منگوانے کا رواج زور پکڑتا جارہا ہے لیکن اس طرح کی خریداری میں غلط فہمی کا امکان بھی رہتا ہے۔

    آن لائن شاپنگ کرنے والے تقریباً سب ہی لوگوں کو غلط چیز ملنے کا تجربہ ہوتا ہے لیکن اگر آپ کی منگوائی گئی روٹی کے پیکٹ میں سے زندہ چوہا نکل آئے تو آپ کیا کہیں گے۔ ایسا ہی واقعہ بھارت میں نتن اروڑا نامی ایک شخص کے ساتھ ہوا ، جس نے بلنک اٹ (Blinkit) نامی ایپ کے ذریعے بریٖ کا پیکٹ منگوایا تو اس میں تھیلی کے باہر سے ہی روٹی کے ساتھ ایک چوہا نظر آیا جو کہ زندہ تھا۔

    نتن اروڑا نے اس چوہے کے ساتھ روٹی کی تصویریں ٹوئٹ کیں اور ساتھ ہی لکھا کہ بلنک اٹ (Blinkit) کے ساتھ ان کا تجربہ انتہائی ناخوشگوار رہا ہے۔ یکم فروری 2023 کو روٹی منگوائی گئی تو اس کے ساتھ پیکٹ کے اندر زندہ چوہا بھی نکلا، یہ ہم سب کے لیے خطرے کی گھنٹی ہے۔


    نتن اروڑا نے مزید کہا کہ اگر 10 منٹ میں سامان ایسے ہی بھجوایا جانا ہے تو میں ٹھیک سامان ملنے کے لیے کچھ گھنٹے انتظار کرلوں گا۔ بھارتی صارف نے ایپ کو تصویر کے ساتھ شکایات بھی لکھی تو ان کی جانب سے معذرت کی گئی۔ جواب میں ایپ کی انتظامیہ نے لکھا کہ یہ وہ تجربہ نہیں ہے جو ہم آپ کو کرانا چاہتے تھے۔ براہ کرم اپنا رجسٹرڈ رابطہ نمبر یا آرڈر آئی ڈی شیئر کیجیے تاکہ ہم اسے دیکھ سکیں۔

  • کام کے لئے میں نے لاہور نہیں چھوڑا نہ چھوڑوں گا کاشف نثار

    کام کے لئے میں نے لاہور نہیں چھوڑا نہ چھوڑوں گا کاشف نثار

    نوجوان نسل کے نمائندہ ڈائریکٹر کاشف نثار نے پاکستان لٹریچر فیسٹیول میں کہا ہے کہ میں نے لاہور نہیں چھوڑا نہ ہی میرا لاہور چھوڑنے کا ارادہ ہے اور کام کے لئے لاہور کو چھوڑ کر تو میں کبھی بھی کراچی نہیں گیا. ایک سوال کے جواب میں انہوں نے کہا کہ میں یہاں اپنے انداز سے کام کررہا ہوںا اور میں بہت مطمئن ہوں ٹھیک ہے جو لوگ کراچی میں بیٹھ کر کام کررہے ہیں وہ اس سے مطمئن ہیں میں یہاں کام کرکے مطمئن ہوں . انہوں نے کہا کہ بات کہیں رہنے یا نہ رہنے کی نہیں ہوتی بس کام اچھا ہونا چاہیے ہر کوئی ہر جگہ رہ کر اگر کام اچھا کررہا ہے تو اچھی بات ہے. جہاں

    تک آج اور کل کے ڈرامے کی بات ہے تو میں اس بحث میں نہیں پڑتا. یاد رہے کہ کاشف نثار نے بس رانجھا رانجھا کردی جیسے ڈرامے تخلیق کئے ہیں اور ایوارڈ بھی حاصل کر چکے ہیں. انہوں نے ابھی تک جتنا بھی کام کیا ہے وہ اپنی مثال آپ ہے انکی ڈائریکشن کا انداز دوسروں سے یکسر مختلف ہے، کاشف نثار کی سب سے اچھی بات یہ ہے کہ وہ اپنی شرائط پر کام کرتے ہیں. کاشف نثار نے باری سٹوڈیو میں اپنا ایک دفتر بھی کھول رکھا ہے اور زیادہ تر وہیں وقت گزارتے ہیں.

  • بشری انصاری نے بی گل سے کیا کہا؟‌

    بشری انصاری نے بی گل سے کیا کہا؟‌

    سینئر اداکارہ بشری انصاری جو کہ پاکستان لٹریچر فیسٹیول میں آج موجود تھیں انہوں نے وہاں کہا کہ میں ایک ہی طرح کے کردار کر کر کے تھک گئی ہوں ، میں کچھ مختلف کرنا چاہتی ہوں لیکن ایسا ممکن نظر نہیں آتا کیونکہ ایسا کچھ نیا اور روٹین سے ہٹ کر بن ہی نہیں رہا کہ میں سوچوں کہ ہاں میں کروں . میں ایک سال میں ایک ہی ڈرامہ مشکل سے اب کرتی ہوں وجہ یہی ہے کہ کرداروں میں‌یکسانیت ہے کہانیوں میں یکسانیت ہے. آرٹسٹ کے پاس کرنے کو کچھ نیا نہیں ہے. انہوں نے کہا کہ میں نے آج کی رائٹر بی گل سے کہا ہے کہ میرے لئے کچھ نیا لکھیں میں کچھ الگ

    اور نیا کرنا چاہتی ہوں میں تنگ آ گئی ہوں روٹین کی کہانیوں سے. انہوں نے کہا کہ ایک ڈرامے میں میں نے اپنی بہو کو تھپڑا مارا توجب میں اپنی بیٹی کے پاس کینڈا گئی تو اس نے کہا کہ امی آپ نے ڈرامے میں اپنی بہو کو تھپڑ مارا ، میں اپنی بیٹی کے اس سوال کی وجہ سے بہت شرمندہ ہوئی وہ الگ بات ہے کہ میں نے کہانی اور اپنے کردار کو جسٹیفائی کرنے کے لئے بہت دلیلیں دیں . بشری نے کہا کہ میرے کریڈٹ پر چند ایک کردار ایسے ہیں جن کو لوگ آج بھی پسند کرتے ہیں بس میں انہی کی ٹوکری سر پر اٹھا کر پھرتی ہوں.

  • پاکستان لٹریچر فیسٹیول میں یوکرینی گلوکارہ کمالیہ، علی ظفر، وہاب بگٹی اور ایکما دی بینڈ کی شاندار پرفارمنس

    پاکستان لٹریچر فیسٹیول میں یوکرینی گلوکارہ کمالیہ، علی ظفر، وہاب بگٹی اور ایکما دی بینڈ کی شاندار پرفارمنس

    آرٹس کونسل آف پاکستان کراچی کے زیر اہتمام لاہور میں جاری تین روزہ پاکستان لٹریچر فیسٹیول 2023 کے دوسرے روز کے اختتام پر یوکرینی گلوکارہ کمالیہ، معروف گلوکار علی ظفر، وہاب بگٹی اور ایکما دی بینڈ کی پرفارمنس نے فیسٹیول کو چار چاند لگا دیے جبکہ اہلیان لاہور کی بڑی تعداد نے میوزیکل پروگرام میں شرکت کی، الحمرءآرٹس کونسل لاہور کا لان شہریوں سے کھچا کھچ بھرا ہوا تھا، یو کرینی گلوکار کے ”دل دل پاکستان“ اور علی ظفر کے ”الے“ اور لیلیٰ او لیلیٰ نے دھوم مچا دی، لاہور کے باسیوں نے پاکستان لٹریچر فیسٹیول میں میوزک کو بھرپور طریقے سے انجوائے کیا، ارمان رحیم، منیب، مصطفی بلوچ سمیت دیگر گلوکاروں نے بھی پرفارم کیا جس کو شہریوں نے بہت پسند کیا۔پاکستان لٹریچر

    فیسٹیول کا آج تیسرا اور آخری دن ہے آج بھی مختلف سیشنز اور میوزیکل پرفارمنسز ہوں گی. طالب علم اور نوجوانوں کی بڑی تعداد اس فیسٹیول میں شریک ہو رہے ہیں. اس فیسٹیول کے روح رواں احمد شاہ کا کہنا ہے کہ مجھے بہت خوشی ہے کہ پی ایل ایف کو اہلیان لاہور نے اس قدر عزت بخشی ہے. امید ہے یہ سلسلہ جاری رہے گا. احمد شاہ اس فیسٹیول کو مزید شہروں میں کرنے کا بھی ارادہ رکھتے ہیں .

  • پاکستان لٹریچر فیسٹیول کا دوسرا روز ، لوگوں کی بڑی تعداد میں شرکت

    پاکستان لٹریچر فیسٹیول کا دوسرا روز ، لوگوں کی بڑی تعداد میں شرکت

    لاہور میں جاری پاکستان لٹریچر فیسٹیول کے دوسرے دن اردو فکشن میں نیا کیا کے نام سے ایک سیشن رکھا گیا۔ جسکی نظامت کے فرائض آمنہ مفتی نے انجام دئیے۔ شرکائے گفتگو میں طاہرہ اقبال ، اخلاق احمد ، حمید شاہد ، ضیاءالحسن ، خالد فیاض ، سفیر حیدر شامل تھے۔ اسی طرح سے اکیسویں صدی میں پنجابی ،فرید سے فرید تک ، عوامی دانشوری کی روایت پر سیشن رکھے گئے ۔عاصمہ شیرازی کی کتاب کہانی بڑے گھر کی ، تقریب رونمائی کی گئی اس سیشن کی نظامت کے فرائض وسعت اللہ خان نے ادا کئے ماڈرن سٹوری ٹیلر ، بچوں کا ادب پربھی سیشن کئے گئے احمد بشیر کا کنبہ میں بشری انصاری نے میزبانی کے

    فرائض انجام دئیے۔ نوجوانوں کے نام سے ایک سیشن رکھا گیا جس میں حامد میر نے گفتگو کی اور نظامت کے فرائض محمد احمد شاہ نے ادا کئے۔ میں بھناں دلی دے کنگرے ، لاہور پر کمال پر سیشن اور کتابوں کی رونمائی ، بھی ہوئی۔علی زریون کے ساتھ ایک سیشن رکھا گیا ، اور نظامت کے فرائض یاسر حسین نے ادا کئے ۔ شان شاہد کے ساتھ ایک سیشن رکھا گیا ، مشرقی پاکستان ،ٹوٹا ہوا تارا ، نئے نقاد کے نام خطوط کی رونمائی کی گئی ، ٹی وی پاکستانی سماج کا ترجمان ؟ یاد گارزمانہ میں یہ لوگ ، پاکستانی آرٹ کے پچھتر سال ، مشاعرہ ، کمالیہ اور علی ظفر کا کنسرٹ رکھا گیا۔

  • اداکاری کرنا بہت مشکل کام ہے وسیم اکرم

    اداکاری کرنا بہت مشکل کام ہے وسیم اکرم

    معروف کرکٹر وسیم اکرم جن کی عید الفطر پر فلم منی بیگ گارنٹی ریلیز ہو رہی ہے انہوں نے حال ہی میں اس ھوالے سے انٹرویو دیتے ہوئے کہا ہے کہ اداکاری بہت ہی مشکل کام ہے. میں پچھلے تیس پینتیس سال سے کمرشلز میں کام کررہا ہوں اس لئے مجھے کیمرے کے سامنے جانے کا اعتماد تو پہلے سے تھا لیکن اداکاری کے لئے کسی سے میں نے گائیڈ لائن نہیں لی بس جو ڈائریکٹر نے کہا وہ کیا. وسیم اکرم نے کہا کہ ایک پیراگراف کو یاد کرنا اور پھر اداکاری کرنا اتنا مشکل کام ہے یہ پہلے اندازہ نہیں تھا. فیصل قریشی کے ساتھ چونکہ میں پہلے بہت سارے کمرشلز

    کر چکا تھا اس لئے جب اس نے مجھے یہ کردار آفر کیا میں نے حامی بھر لی. انہوں نے یہ بھی کہا کہ میں شاید ہی دوبارہ کوئی فلم کروں گا لیکن اس فلم سے بہت سے نام جڑے ہیں ان کےکیرئیر کے لئے اس فلم کی کامیابی بہت ضروری ہے. وسیم اکرم نے کہا کہ میں نے دیکھا ہے کہ فلم میں تمام اداکاروں نے بہت اچھے سے کام کیا. میں نے 9 دن کی شوٹنگ کروائی . میرا کردار اس میں بہت اہم ہے میرے مداحوں کو میری اداکاری ضرور پسند آئیگی.یاد رہے کہ منی بیگ گارنٹی عید الفطر پر ریلیز ہونے جا رہی ہے اس فلم کے ساتھ کامران شاہد کی فلم ہوئے تم اجنبی بھی سینما گھروں کی زینت بنے گی .

  • ترکیہ، شام زلزلہ؛ اموات 25 ہزار سے بھی تجاوز کرگئیں

    ترکیہ، شام زلزلہ؛ اموات 25 ہزار سے بھی تجاوز کرگئیں

    ترکیہ اور شام میں زلزلے سے اموات کی تعداد 25 ہزار سے تجاوز کرگئی، ایک لاکھ سے زائد افراد زخمی ہیں.

    6 روز کے دوران 1500 سے زائد آفٹر شاکس آچکے ہیں. گرنے والی ہزاروں عمارتوں کے ملبے میں دبے افراد کو نکالنے کیلئے ریسکیو آپریشن جاری ہے 100 گھنٹے گزرنے کے بعد بھی کئی افراد کو زندہ نکال لیا گیا. دبے ہوئے افراد کے زندہ بچنے کی امیدیں وقت گزرنے کے ساتھ ساتھ کم ہوتی جارہی ہیں۔ ترکیہ اور شام میں 6 فروری کی صبح آنے والے زلزلے کے باعث تباہ ہونے والی عمارتوں میں دبے افراد کو نکالنے کا کام جاری ہے. دونوں ممالک میں اب تک 24 ہزار سے زائد افراد زندگی کی بازی ہار چکے ہیں۔ امدادی سرگرمیوں میں پاکستان سمیت دنیا کے کئی ممالک کی ریسکیو ٹیمیں حصہ لے رہی ہیں۔

    حکام اور طبی عملے کے مطابق ترکیہ میں 20 ہزار 665 افراد ہلاک ہوئے ہیں جبکہ شام میں ہلاکتوں کی تعداد 3 ہزار 553 ہے، دونوں ممالک میں تصدیق شدہ اموات کی تعداد 24 ہزار 218 تک پہنچ گئی ہے۔ دوسری جانب شام میں اب تک 3 ہزار 600 سے زائد اموات کی تصدیق کی گئی ہے۔ خبر رساں ادارے اے ایف پی کے مطابق اقوام متحدہ نے خبردار کیا ہے کہ سرد موسم نے لاکھوں متاثرین کی مشکلات میں اضافہ کردیا ہے جبکہ بہت سے لوگوں کو امداد کی اشد ضرورت تھی۔

    عالمی ادارے نے کہا ہے کہ زلزلے کے بعد دونوں ممالک میں کم از کم 8 لاکھ 70 ہزار افراد کو فوری طور پر خوراک کی ضرورت ہے، صرف شام میں 53 لاکھ بے گھر افراد کو فوری پناہ درکار ہے۔ تباہ کن زلزلے کے دوران اپنے گھر کے ملبے کے نیچے پھنسی ہوئی شامی خاتون نے جس بچی کو جنم دیا تھا اس کا نام ’’آیا‘‘ رکھا گیا ہے، جس کا عربی میں مطلب ’خدا کی نشانی‘ ہے۔ غیر ملکی خبر رساں ادارے کے مطابق نوزائیدہ بچی کے والدین اور اس کے تمام بہن بھائی قیامت خیز زلزلے کی نذر ہوگئے، بچی کی کفالت اب اس کے والد کے چچا کریں گے۔

    ترکیہ کے علاقے دیارباکر میں 103 گھنٹے بعد ماں بیٹے کو ملبے سے ریسکیو کرلیا گیا، تو اک بار پھر اُمید بندھ گئی۔ کہارامانمارس میں شدید زلزلے سے ٹرین کی پٹریاں اکھڑ گئیں، سڑکوں کا بھی برا حال ہوگیا، امدادی کاموں میں شدید مشکلات کا سامنا ہے۔ شام کی وزراء کونسل نے زلزلے سے متاثرہ علاقوں کو آفت زدہ قرار دے دیا۔ صدر بشار الاسد نے حلب کے اسپتال میں زلزلہ متاثرین سے ملاقات کی، رضا کار تنظیم کے اہلکاروں نے 2 ننھی بہنوں کو بچالیا۔
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    زلزلہ زدہ ادلب کے نواحی گاؤں کے قریب ایک چھوٹا ڈیم ٹوٹ گیا، پانی نے گھروں اور کھیتوں میں داخل ہوکر شہریوں کیلئے مزید مشکلات کھڑی کردیں ترکیہ کے جنوبی وسطی علاقے میں آباد انطاکیہ کا شہر ہزاروں سال پرانی تۃزیب کا حامل ہے لیکن اس شہر کا بہشتر حصہ ملبے کا ڈھیر بن چکا ہے. عرب نیوز چینل الجزیرہ کے مطابق شام کے شہر حلب میں بے گھر ہونے والے لوگوں کے لیے حالات بدتر ہوتے جا رہے ہیں۔ سرکاری سطح پر آنے والے ماہرین نے شہر کی کم و بیش تمام ہی عمارتوں کو مخدوش قرار دے دیا ہے۔

  • وزیر اعلی بلوچستان کے استعفی بارے بیان کو سیاق و سباق سے ہٹ کر پیش کیا گیا

    وزیر اعلی بلوچستان کے استعفی بارے بیان کو سیاق و سباق سے ہٹ کر پیش کیا گیا

    وزیر اعلی بلوچستان کے استعفی بارے بیان کو سیاق و سباق سے ہٹ کر پیش کیا گیا.

    ترجمان حکومت بلوچستان فرح عظیم شاہ نے وزیراعلئ کی پریس کانفرنس میں حکومتیں گرانے کے حوالے سے پوچھے گیۓ سوال پر وزیراعلئ کے جواب کی وضاحت کرتے ہوۓ کہا ہے کہ ایک میڈیا ہاؤس نے وزیراعلیٰ کے جواب کو سیاق و سباق سے ہٹ کر پیش کیا جسکی وضاحت ضروری ہے تاکہ کسی قسم کی غلط فہمی کا احتمال نہ رہے.

    ترجمان نے کہا کہ حکومتیں گرانے کے حوالے سے وزیراعلئ کا اشارہ سابق وزراء اعلیٰ کے قریبی ساتھیوں کی طرف تھا جنہوں نے انکا ساتھ چھوڑا جسکے باعث ان وزراء اعلئ کو مستفعی ہونا پڑا اور یہ تبدیلی سیاسی اور جمہوری طریقے سے آئی ترجمان نے کہا کہ وزیراعلیٰ نے اپنی پریس کانفرنس میں انتخابات کے دوران یا بلوچستان عوامی پارٹی اور حکومتوں کی تشکیل میں کبھی کسی جانب سے مداخلت کے تاثر کو بھی سختی سے مسترد کرتے ہوۓ کہا کہ لوگ اپنے ووٹوں کی طاقت اور ووٹروں کی حمایت سے اسمبلی پہنچتے ہیں اور اکثریتی اراکین کی حمایت رکھنے والا رکن اسمبلی وزیراعلیٰ کے منصب پر فائز ہوتا ہے جو آئینی اور جمہوری طریقہ کار ہے.
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    ترجمان نے پر یس کانفرنس کے حوالے سے میڈیا کی جانب سے قائم کیۓ جانے والے اس تاثر کی بھی نفی کی ہے کہ وزیراعلیٰ اپنی حکومت کے حوالے سے کسی دباؤ کا شکار ہیں یا ان پر استعفی دینے کا دباؤ ہے ترجمان کا کہنا ہے کہ اس حوالے سے بھی وزیراعلیٰ کی گفتگو کو اسکے سیاق و سباق سے ہٹ کر پیش کیا گیا جبکہ وزیراعلئ نے واضع طور پر کہا ہے کہ انکی حکومت مضبوط ہے اور انہیں اکثریت کا اعتماد حاصل ہے۔

  • پاکستان سپر لیگ کے آٹھویں ایڈیشن سے قبل ٹیموں کی تیاریاں جاری

    پاکستان سپر لیگ کے آٹھویں ایڈیشن سے قبل ٹیموں کی تیاریاں جاری

    پاکستان سپر لیگ کے آٹھویں ایڈیشن سے قبل ٹیموں کی تیاریاں جاری ہیں. کراچی میں کنگز، گلیڈی ایٹرز اور زلمی نے اپنے پریکٹس سیشنز منعقد کیے۔

    پاکستان سپر لیگ کا آٹھواں ایڈیشن 13 فروری سے ملتان میں شروع ہوگا جس کیلئے ایک جانب جہاں ملتان میں ملتان سلطانز اور لاہور قلندرز نے ڈیرے ڈال لیے ہیں، وہیں دیگر چار ٹیمیں کراچی میں موجود ہیں، گزشتہ شب کراچی پہنچنے والی اسلام آباد یونائیٹڈ کی ٹیم نے آرام کو ترجیح دی جبکہ دیگر تین ٹیموں نے ہفتے کو بھرپور پریکٹس کی۔ دوپہر میں پشاور زلمی کی ٹیم نے انٹرا اسکواڈ پریکٹس میچ کھیلا جس میں کھلاڑیوں نے بیٹنگ پر خاص توجہ دی، شام میں کراچی کنگز اور کوئٹہ گلیڈی ایٹرز نے ایک ساتھ نیٹس پریکٹس کی۔
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    دونوں ٹیموں کے کھلاڑیوں نے وارم اپ کے بعد بیٹنگ اور بولنگ پر کام کیا۔ اسلام آباد میں شاداب خان کی شادی میں شرکت کے بعد سرفراز احمد نے کراچی پہنچ کر ٹیم کے ساتھ پریکٹس سیشن میں حصہ لیا۔ ایک موقع پر وہ کراچی کنگز کے نیٹس کی جانب بھی گئے جہاں انہوں نے ساتھی کھلاڑیوں سے ملاقات بھی کی۔ دوسری طرف پاکستان سپر لیگ سیزن 8 کا آفیشل گانا سب ستارے ہمارے ریلیز کر دیا گیا۔


    پی ایس ایل 8 کے گانے کو عبداللہ صدیقی نے پروڈیوس کیا ہے اور اس کا دورانیہ 3 منٹ 21 سیکنڈ ہے۔ گانے کو عاصم اظہر، شائے گل، فارس شفیع اور آئمہ بیگ نے گایا ہے. گانے کی ویڈیو میں قومی کرکٹرز کو بھی پرفارم کرتے دکھایا گیا ہے۔