فیصل آباد(نمائندہ باغی ٹی وی)ڈپٹی کمشنر طارق خان نیازی کی ہدایت پر انسداد ڈینگی مہم کے سلسلے میں سیکرٹری آرٹی اے ضمیر حسین نے یونین کونسل 208اور212بولے دی جھگی اورہجویری ٹاؤن میں ان ڈوراورآؤٹ ڈور سرویلنس کو چیک کیا۔اس موقع پر بتایا گیا کہ 34ہاٹ سپاٹس کوچیک کرتے ہوئے 2مقامات سے ڈینگی لاروا ملا جسے فوری کیمیکل ٹریٹمنٹ کرکے تلف کردیا گیا۔سیکرٹری آرٹی اے نے کہا کہ انسداد ڈینگی سرویلنس میں کوئی کوتاہی برداشت نہیں کی جائے گی اس سلسلے میں ٹیموں کی کارکردگی کو روزانہ کی بنیاد پر مانیٹرکی جارہی ہے۔
Author: +9251
-
نیشنل ٹی ٹونٹی کرکٹ کپ ٹورنامنٹ 13 سے 24 اکتوبر تک اقبال سٹیڈیم میں ہوگا
فیصل آباد(نمائندہ باغی ٹی وی)نیشنل ٹی ٹونٹی کرکٹ کپ(ڈے اینڈ نائٹ) ٹورنامنٹ 13سے 24،اکتوبر تک اقبال سٹیڈیم میں کھیلا جائے گا جس میں قومی سطح پر چھ کرکٹ ٹیمیں حصہ لیں گی۔اس سلسلے میں ایک اجلاس ایڈیشنل ڈپٹی کمشنر(جنرل)میاں آفتاب کی زیر صدارت ڈپٹی کمشنر آفس کے کمیٹی روم میں منعقد ہوا جس میں نیشنل ٹی ٹونٹی کرکٹ کپ ٹورنامنٹ کے حفاظتی وانتظامی امور کا جائزہ لیا گیا۔اجلاس میں ڈائریکٹر ڈومیسٹک کرکٹ پاکستان کرکٹ بورڈ ہارون الرشید،ڈائریکٹر ایچ آر ایم کرنل اشفاق،اسسٹنٹ مینجر سیکورٹی پی سی بی محمدعرفان کے علاوہ ڈسٹرکٹ سپورٹس آفیسر رانا حماد اقبال،سی ای او ویسٹ مینجمنٹ کمپنی کاشف رضا اعوان‘ایڈمن آفیسر ریاض انجم اورکیئر ٹیکر اقبال سٹیڈیم نوید نذیر سمیت پولیس،سپیشل برانچ،سول ڈیفنس،واسا،پی ایچ اے،فیسکو،پارکنگ کمپنی،ٹریفک پولیس،ڈسٹرکٹ ہیڈ کوارٹرزوالائیڈ ہسپتال اوردیگر متعلقہ محکموں کے نمائندوں نے شرکت کی۔صدراجلاس نے ٹورنامنٹ کے احسن اور پرسکون انداز میں انعقاد کے لئے فول پروف سیکورٹی انتظامات پر زور دیتے ہوئے کہا کہ ٹریفک کے بہاؤ کے لئے متبادل راستوں کے تعین کے ساتھ ساتھ گاڑیوں کی پارکنگ کا منظم انتظام ہونا چاہیے۔انہوں نے کہا کہ سیکورٹی کے حوالے سے اقبال سٹیڈیم کی مکمل سکریننگ کے علاوہ ضروری سیکورٹی آلات کی تنصیب قبل ازوقت مکمل کرلی جائے۔انہوں نے سٹیڈیم کی تزئن وآرائش اورصفائی ستھرائی کے معیار کو بہتر بنانے کی ہدایت کرتے ہوئے کہا کہ ویسٹ مینجمنٹ کمپنی کی طرف سے خصوصی سٹاف تعینات ہونا چاہیے۔انہوں نے ایمرجنسی سروسز کو فعال رکھنے اور تمام محکموں میں مکمل کوآرڈینیشن پر زور دیا اور کہا کہ کھانے پینے کی اشیاء کے سٹالز لگانے کے لئے محفوظ لائحہ عمل اختیار کریں جبکہ ٹکٹوں کی فروخت کا نظام بھی سہل ہونا چاہیے۔انہوں نے کہا کہ ٹورنامنٹ کے دوران ڈیوٹی سرانجام دینے والے مختلف محکموں کے افسران تمام ضروری تقاضوں کا ادراک کریں تاکہ شائقین کرکٹ کے لئے محفوظ اورپرسکون ماحول میسرآسکے۔انہوں نے کہا کہ کرکٹ کی ترویج وترقی کے لئے ایسے ٹورنامنٹ انتہائی اہمیت کے حامل ہیں جن کی بدولت بین الاقوامی سطح پر پاکستان کے سافٹ امیج میں اضافہ ہوگا لہذا تمام انتظامات کو جامع اورٹھوس ہونا چاہیے تاکہ کوئی خلاء یا کمزوری باقی نہ رہے اورکرکٹ ٹورنامنٹ سے فیصل آباد کا اچھا تاثر ابھر کر سامنے آئے۔اجلاس کے دوران پاکستان کرکٹ بورڈ کے افسران نے کہا کہ نیشنل ٹی ٹونٹی کرکٹ کپ ٹورنامنٹ سے فیصل آباد میں انٹرنیشنل کرکٹ میچز کے انعقاد کے مزید راستے کھلیں گے۔انہوں نے کہا کہ ٹورنامنٹ کی ٹیموں میں قومی کھلاڑی شرکت کررہے ہیں جن کے لئے بہتر سے بہتر انتظامات کویقینی بنایاجائے گا تاکہ شائقین کرکٹ کے ذوق کی بہتر تسکین ممکن ہو۔
-
لودہراں : مختلف منصوبوں کا افتتاح شیڈول جاری
لودہراں (نمائندہ باغی ٹی وی) پاکستان تحریک انصاف کے مرکزی رہنما جہانگیر ترین 12 اکتوبر بروز ہفتہ لودھراں میں مختلف منصوبوں کا افتتاح کریں گے
جہانگیر خان ترین ہفتہ کے روز صبح 10 بجے اڈا پرمٹ پر لنک روڈ کا افتتاح کرینگے
جہانگیر خان ترین 10:15 بجے اڈا پرمٹ کے قریب کیٹل مارکیٹ گراونڈ میں مرغی پال سکیم(وزیر اعظم پاکستان کا خوشحالی منصوبہ برائے فروغ گھریلو مرغبانی) کا افتتاح کرینگے
جہانگیر خان ترین ہفتہ کے روز دن 12 بجے چک نمبر 100 ایم میں وزیر اعظم پاکستان کے نیا پاکستان ہاوسنگ سکیم کا افتتاح کرینگے
جہانگیر خان ترین دن 1 بجے لودھراں شہر میں سوئی گیس کے آن لائن سب آفس کا افتتاح کرینگے
وزیر ہاوسنگ پنجاب میاں محمود الرشید ، وزیر جیل خانہ جات پنجاب چوہدری زوار حسین وڑائچ و دیگر پارٹی رہنما,اراکین اسمبلی بھی جہانگیر ترین کے ہمراہ ہونگے
-
سعودیہ نے ایران کے خلاف عسکری حصار بڑھا دیا
آرامکو حملوں کے بعد ایران اور سعودی عرب کی کشیدگی کم نہیں ہوئی ہے. اس سلسلے میں امریکہ نے خطے میں اہم اقدام کا اعلان کیا ہے.،سعودہ اپنا میزائل دفاعی سسٹم جدید ترین کر رہا ہے
امریکی جریدے "The National Interest” کے مطابق 14 ستمبر کو سعودی عرب میں تیل کی تنصیبات پر حملوں کے فوری بعد امریکی وزارت دفاع نے مشرق وسطی میں مزید فوجیوں کے علاوہ فضائی دفاعی اور میزائل ہتھیاروں کے تعینات کیے جانے سے متعلق منصوبوں کا اعلان کر دیا۔ ان میں پیٹریاٹ میزائل بیٹری، سینٹینل ریڈار اور 200 فوجی شامل ہیں.سعودی وزارت دفاع کی جانب سے مشرق وسطی میںAN/MPQ-64 Sentinel ریڈار بھی نصب کیا جا رہا ہے جو X-Band پر کام کرتا ہے۔ یہ فضائی دفاعی ریڈار 360 ڈگری کی کوریج کرتا ہے اور اس کا دائرہ کار 75 کلومیٹر تک ہے۔ اسی طرح پینٹاگان نے دو اضافی پیٹریاٹ بیٹریز اور بلند ترین جگہ کو محفوظ بنانے والے تھرمل میزائل سسٹم Thad کی بھی منظوری دی ہے۔
اس سے قبل سعودی وزیر خارجہ نے کہا ہے کہ آرامکو حملوں کے ذمہ دار ہونے پر ایران کے خلاف ٹھوس ثبوت دے دیے گئے ہیں اب اس کے بعد ایران کے خلاف فوجی جواب بھی ممکن ہے.دوسری طرف سعودی عرب کے وزیر خارجہ عادل الجبیر نے کہا کہ ارامکو حملے کی تحقیقات مکمل ہونے کے بعد ایران کو جواب دینے کے لیے تمام آپشنز پر غور کیا جائے گا، سعودی عرب کے وزیر خارجہ عادل الجبیر نے کہا کہ ابتدائی تحقیقات میں یہ بات سامنے آئی ہے کہ تیل تنصیبات پر ہونے والے میزائل حملوں کا منبع ایران تھا۔آرامکو حملوں کے بعد ایران کو جواب دینے کے لیے ملٹری آپشن بھی موجود ہے ، سعودی عرب
سعودی وزیر خارجہ نے کہا کہ ایران نے حزب اللہ اور حوثی ملیشیا کو بیلسٹک میزائل فراہم کیے ہیں، خطے کو عدم استحکام سے دوچار کرنے کے ایرانی اقدامات اور رویے کو روکنے کے لیے تمام ممکنہ ضروری اقدامات اٹھائے جائیں گے۔آرامکو حملوں کے بعد خطے میں تنازعے کا خطرہ بڑھ گیا ہے، امریکی وزیر خارجہ
-
نشہ کے ناسور سے نوجوان نسل کو بچانے کے لئے ہر فرد کو اپنا کردار ادا کرنے کی ضرورت ہے
فیصل آباد( نمائندہ باغی ٹی وی)نشہ کے ناسور سے نوجوان نسل کو بچانے کے لئے ہر فرد کو اپنا کردار ادا کرنے کی ضرورت ہے تاکہ قوم کے معمار اس لعنت سے دور اور معاشرے کو اس برائی سے بچایا جاسکے۔یہ بات میڈیکل سوشل آفیسر ماڈل ڈرگ ایبویز ڈسٹرکٹ ہیڈ کوارٹرز ہسپتال رابعہ خالد نے انجمن انسداد منشیات کے زیراہتمام گورنمنٹ گرلز ہائی سکول نثار کالونی میں آگاہی سیمینار سے خطاب کرتے ہوئے کہی۔اینٹی نارکوٹکس فورس کے انسپکٹر محمد علی،جنرل سیکرٹری انجمن انسداد منشیات محمدانوارخان، سائیکالوجسٹ غلام مصطفی نیازی، محمد پرویز،میڈم شکیلہ کے علاوہ پرنسپل ادارہ،اساتذہ اور طالبات بھی موجود تھیں۔میڈیکل سوشل آفیسر نے کہا کہ تابناک مستقبل کے لئے نوجوان نسل کو اس لت سے دوررہنا چاہیے کیونکہ نشہ انسان کو تنزلی میں دھکیل دیتا ہے اور دین اسلام نے بھی اس سے باز رہنے کی تلقین کی ہے۔انہوں نے طالبات سے کہا کہ وہ اپنی تمام تر توجہ حصول علم پر مرکوز رکھیں اورنشہ سمیت دیگر برائیوں سے دوررہیں۔جنرل سیکرٹری نے انجمن انسداد منشیات کی کارکردگی سے آگاہ کیا اور کہا کہ معاشرے کو اس لعنت سے دور رکھنے کے لئے اقدامات جاری ہیں۔انہوں نے اپنے عزم کو دہراتے ہوئے کہا کہ نشہ کے خلاف جنگ جاری رہے گی۔سائیکالوجسٹ نے نشہ کی اقسام،اس کے معاشی اور معاشرتی زندگی پر اثرات اور اس سے پیداہونے والے بیماریوں کی تفصیلات سے آگاہ کیا اور کہا کہ ڈی ایچ کیو میں نشہ کے عادی افراد کی بحالی کے لئے سنٹر ہمہ وقت کام کررہا ہے جہاں ایسے افراد کی کونسلنگ کرکے انہیں معاشرے کا کارآمد شہری بنایا جارہا ہے۔انسپکٹر اینٹی نارکوٹکس نے منشیات فروشوں کے خلاف کاررائیوں جبکہ دیگر مقررین نے نشہ کے خلاف نفرت بیدار کرنے کے لئے آگاہی پروگرامز کا دائرہ وسیع کرنے کی ضرورت پر زور دیا۔
-
فیصل آباد آرٹس کونسل کے زیراہتمام ملکہ ترنم میڈم نور جہاں کی خدمات کو سلام پیش کیا گیا
فیصل آباد آرٹس کونسل کے زیراہتمام ملکہ ترنم میڈم نور جہاں کی خدمات کو سلام پیش کرنے کے لئے ایک تقریب نصرت فتح علی خاں آڈیٹوریم میں منعقد ہوئی جس میں گلوکاروں نے نور جہاں کے گائے ہوئے شہرہ آفاق گیت پیش کئے۔ڈائریکٹر آرٹس کونسل صوفیہ بیدار،ڈپٹی ڈائریکٹر انفارمیشن سبحان علی،کپل آف فیصل آباد مسٹر اینڈ مسز ناصر اور مختلف شعبہ ہائے زندگی سے تعلق رکھنے والے افراد بڑی تعداد میں موجود تھے۔ڈائریکٹر آرٹس کونسل نے کہا کہ بر صغیر کی عظیم فنکارہ ملکہ ترنم کو مداحوں سے بچھڑے 19سال بیت گئے لیکن ان کی مدھر آواز آج بھی سننے والوں کے کانوں میں رس گھولتی ہے‘انہوں نے موسیقی کی دنیا میں اپنا منفرد مقام حاصل کیا۔انہوں نے کہا لیجنڈگلوکاروں واداکاروں کو سلام پیش کرنے کے لئے تقریبات کا انعقاد تسلسل سے جاری ہے۔دیگر مقررین نے ملکہ ترنم کے گانوں پر پروفارمنس پیش کرنے والے گلوکاروں کی صلاحیتوں کی تعریف کی اور کہا کہ میڈم نورجہاں نے برصغیر پاک وہند میں اپنی آواز کا جادوجگایا۔انہوں نے نورجہاں کی خدمات کو سلام پیش کرنے کے لئے تقریب کے انعقادپر آرٹس کونسل کی کاوشوں کو سراہا۔
-
چلو!جان چھوٹ گئی ، ٹیچراب نہیں لکھیںگے ڈائری،
لاہور:محکمہ تعلیم ہرروز نئی نئی تکنیک استعمال کرنے لگا ، محکمہ تعلیم کا لیسن پلان آبزرویشن کے لیے نئی ایپلی کیشن لانچ کرنے کا فیصلہ، نئی ایپلی کیشن میں پرانے تمام انڈیکٹرز کو ختم کر کے نئے انڈیکٹرز شامل کئے جائیں گے۔
پریانکا جنگی خیالات کی حامل ،حسد کس بات کا ،ارمینہ خان جارحانہ ہوگئیں
تفصیلات کے مطابق نئی ایپلی کیشن سے اساتذہ کو ٹیچرز ڈائری نہیں لکھنا پڑے گی،نئی ایپلی کیشن کے ذریعے بھیجی گئی رپورٹ اساتذہ خود بھی دیکھ سکیں گے، پروموشن اور اساتذہ کہ مستقلی کیلئے بھی یہی سے ڈیٹا حاصل کیا جائے گا،
مگرمچھ نے مچھیرے کو نوالہ بنا ڈالا، دیکھنے والے بھی منظردیکھ نہ سکے
نئی ایپلی کیشن رواں ماہ کے آخر میں لانچ کر دی جائےگی، اساتذہ کی اس سلسلے میں مرکز لیول پر ٹریننگ بھی کرائی جائے گی۔دوسری طرف اساتذہ کا کہنا ہےکہ اس طرح مختلف طریقے استعمال کرنے سے بہتر ہے کہ اس کا حل اساتذہ پر چھوڑ دیا جائے تاکہ وقت بچا کر بچوں کی تعلیم میںصرف کیا جاسکے
صدر پاکستان عارف علوی کمنٹیٹر بن گئے
-
نور پور تھل میں سالانہ چیف منسٹر میگا سپورٹس کا آغاز کر دیا گیا
سرگودہا،نورپورتھل (نمائندہ باغی ٹی وی )ضلع خوشاب کی تحصیل نورپورتھل میں سالانہ چیف منسٹر میگا سپورٹس پروگرام کا آغاز کردیا گیا ہے۔ ان سپورٹس مقابلوں کی نگرانی ڈپٹی ڈسٹرکٹ ایجوکیشن آفیسر تحصیل نورپورتھل فیض حسن ملک اور اسسٹنٹ ایجوکیشن آفیسر فزیکل ڈسٹرکٹ خوشاب عابد حسین بھٹی کررہے ہیں۔ ان سپورٹس مقابلوں میں اتھیلٹکس ،بیڈمنٹن اور سائیکلنگ شامل ہیں۔ تحصيل سپورٹس مقابلہ جات میں گورنمنٹ پرائمری اور ایلیمنٹری سکولز کے طلباء بھرپور حصہ لے رہے ہیں۔ ہاپ سیٹپ اینڈ جمپ میں گورنمنٹ ایلیمنٹری سکول سدھا کے محمدابراہیم اور50 میٹر دوڑ میں سدھا کے حمزہ عباس نے پہلی اور 100 میٹر دوڑ میں گورنمنٹ ایلیمنٹری سکول میکن کے مطیع اللہ نے پہلی پوزیشن حاصل کرکے تحصیل سطح مقابلہ جات کے لیے کوالیفائ کرلیا ہے۔بیڈ منٹن میں سدھا کے عاطف حسین اور سائیکلنگ میں گورنمنٹ ایلیمنٹری تیتری کے محمدعمیر نے جیت کرتحصیل لیول کے مقابلہ جات کے لیے کوالیفائی کرلیا ہے۔
-
کائلی جینر کی انسٹاگرام پوسٹ پر شدید تنقید
کائلی جینر واضح طور پر اس کو جانتی ہیں کیونکہ وہ حال ہی میں باہر گئی تھیں اور انہوں نے ایک سفید، سیاہ اور سنتری بگٹی چیرون خریدی تھی جسے انہوں نے ہفتے کے آخر میں سوشل میڈیا پر دکھایا تھا۔ لیکن کچھ لوگوں کو اس پوسٹ کے بارے میں بہت خوشی نہیں ہوئی اور جلدی سے اس کو اپنے پاس بلا لیا۔
6 اکتوبر کو 22 سالہ اپنی نئی 30 لاکھ ڈالر کی سواری کی ویڈیو شیئر کرنے انسٹاگرام گئی۔ اس پوسٹ نے اسے سنتری دل کے ساتھ سجایا نیز جیک او لالٹین اور گھوسٹ ایموجیز جو کار کے ہالووین کے جمالیات کی نشانی ہیں۔ اس کے بعد اس نے اپنے انسٹاگرام اسٹوری پر کلپس شیئر کیں جس میں بگٹی کو گھومنے کے لئے باہر لے جانے میں دکھایا گیا تھا۔
Kylie Jenner with the Bugatti Chiron!!! pic.twitter.com/Ec80AVdq5T
— ʎןןǝʞ ʍǝɹp (@DidYouSayDrew) October 6, 2019
کچھ لوگوں نے ٹریوس اسکاٹ کے ساتھ جینر کے حالیہ ٹوٹنے کے بعد اس سفر کو باس اقدام قرار دیا۔
ایک خاتون نے ٹویٹ کیا "ٹرائوس سے رشتہ ٹوٹنے کے بعد کائلی نے خود کو بگٹی خریدنا سال کا برا اقدام ہے۔”
ایک اور نے مزید کہا "کائلی کا دل ٹوٹ گیا اور پھر ایک بگاٹی خریدی امیر ہونے سے اچھا لگتا ہے۔”
لیکن، دی بلاسٹ اینڈ یو ویکلی کے مطابق دوسروں کو "خود ساختہ ارب پتی” کی دولت سے ظاہر ہونے پر پریشان کیا گیا اور اسے بلا لیا۔
"لوگ مزید کاریں خریدنے کا جواز کیسے پیش کرسکتے ہیں پھر ان کی ممکنہ ضرورت اس وقت کی ہوگی جب وہاں سے باہر موجود افراد کھانا نہیں کھا سکتے ہیں۔ جیسے مجھے یہ آپ کا پیسہ مل جاتا ہے اور آپ اسے کماتے ہیں لیکن آپ اس کے ساتھ اچھا کام نہیں کرنے کا جواز پیش کرتے ہیں مجھے صرف یہ نہیں ملتا ہے۔ ایک شخص نے تبصرہ کیا کہ آپ نے اس پر خرچ کیا وہ آپ کو کم سے کم ایک سال تک ایک گاؤں کھلا سکتے تھے۔
جینر نے بڑھتی تنقید کے درمیان یہ پوسٹ حذف کردیا۔ ہم سمجھتے ہیں کہ لوگ پریشان کیوں تھے۔ لیکن بالآخر یہ جینر کا پیسہ ہے اور وہ چاہتی ہے کہ یہ خرچ کرسکتی ہے۔
-
وہاڑی : ڈینگی مزید مریض سامنے آ گئے
وہاڑی (نمائندہ باغی ٹی وی) ضلع بھر میں ڈینگی کے 29 مریضوں کی تشخیص ہوئی جن کو ڈی ایچ کیو ہسپتال وہاڑی میں علاج کے لیا گیا
ڈاکٹروں کاکہنا ہے کہ یہ تمام مریض وہاڑی کے مقامی ہیں لیکن یہ اسلام آباد اور کراچی سے ڈینگی بیماری میں مبتلا ہونے کے بعد ڈی ایچ کیو ہسپتال وہاڑی میں علاج کے لیے آئے ہیں
جن میں سے 27 مریض صحت یاب ہونے کے بعد گھروں میں واپس چلے گئے ہیں اور اب صرف2 مریض زیر علاج ہیں اس کےبعد انتظامیہ کچھ حرکت میں تو آئی ہے لیکن ابھی بھی کوئی خاطر خواہ انتظامات نہیں کیئے جا رہے.