Author: +9251

اسلام آباد کے نجی اسپتال میں مولانافضل الرحمان کا کامیاب آپریشن

اسلام آباد کے نجی اسپتال میں مولانافضل الرحمان کا کامیاب آپریشن

پاکستان ڈیمو کریٹک موومنٹ کے سربراہ اور جے یو آئی (ف) ک امیر مولانا فضل الرحمان کا اسلام آباد کے ایک اسپتال میں آپریشن کیا گیا ہے۔ مولانا فضل الرحمان گزشتہ کئی ماہ سے مثانے کی تکلیف کا شکار تھے، معالجین نے تکلیف کی وجہ پتھری قرار دی تھی۔ جے یو آئی (ف) کے ترجمان کے مطابق اسلام آباد کے نجی اسپتال میں گزشتہ روز مولانا فضل الرحمان کے مثانے سے پتھری نکالنےکے لئے آپریشن کیا گیا تھا۔ مولانا فضل الرحمان اب بھی اسلام آباد کے نجی اسپتال میں داخل ہیں اور ان کی طبیعت بہتر ہورہی ہے۔

یاد رہے کہ اس سے قبل جے یو آئی کی جانب سے ناسازی طبیعت کے باعث مولانا فضل الرحمان کی سیاسی سرگرمیوں کی منسوخی سے متعلق خط لکھ کر عہدیداروں کو باضابطہ آگاہ کیا تھا. مولانا عبدالغفور حیدری کی جانب سے کارکنوں کو لکھے گئے خط میں کہا گیا تھا کہ مولانا فضل الرحمان کی طبیعت کافی عرصے سے ناساز رہی ہے، ان کی سیاسی سرگرمیاں تاحکم ثانی منسوخ رہیں گی۔

رہنما جمعیت علماء اسلام کا مزید کہنا تھا کہ مولانا فضل الرحمان نے ڈاکٹرز کے مشوروں کو نظر انداز کرتے ہوئے اپنی سیاسی سرگرمیاں جاری رکھی تھیں مگر ڈاکٹرز نے مولانا کو سختی سے سیاسی سرگرمیوں سے روکا تھا. مولانا عبدالغفور حیدری کی جانب سے کارکنوں کو لکھے گئے خط میں مزید کہا گیا تھا کہ مولانا فضل الرحمان طبیعت بہتر ہونے تک آرام کریں گے، اس عرصے کے دوران کارکنوں اور ہمدردوں کو گھر پر آکر عیادت کی بھی اجازت نہیں ہوگی۔
مزید یہ بھی پڑھیں؛
ملک میں ڈالر کے مقابلے میں روپے کی قدر میں اضافے کا سلسلہ جاری
سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
جنوری میں بھی مولانا فضل الرحمان نے ناسازی طبیعت کے باعث ڈاکٹرز کے مشورے پر تمام سیاسی سرگرمیاں منسوخ کردی تھیں۔ اس کے علاوہ گزشتہ برس بھی مولانا فضل الرحمان کی طبیعت بگڑ گئی تھی اور وہ چند روز لاہور کے اسپتال میں زیر علاج رہے تھے۔ اس وقت ترجمان جے یو آئی (ف) نے کہا تھا کہ مولانا فضل الرحمان کو لبلبے کا عارضہ ہے۔

فروری 10, 2023
ملک میں ڈالر کے مقابلے میں روپے کی قدر میں اضافے کا سلسلہ جاری

ملک میں ڈالر کے مقابلے میں روپے کی قدر میں اضافے کا سلسلہ جاری ہے.

حکومت کو آئی ایم ایف سے میمورنڈم آف اکنامک فنانشل پالیسی کا مسودہ موصول ہونے کے بعد اگلے ہفتے واشنگٹن سے آن لائن مذاکرات جاری رہنے جیسے عوامل کے باعث جمعہ کو بھی ڈالر بیک فٹ پر رہا جس سے ڈالر کے انٹربینک ریٹ 270 روپے سے بھی نیچے آگئے جبکہ اوپن ریٹ 273 روپے کی سطح پر آگئے۔ انٹربینک مارکیٹ میں کاروباری دورانیے کے دوران ایک موقع پر ڈالر کی قدر 55 پیسے بڑھ گئی تھی لیکن آئی ایم ایف کے ساتھ میمورنڈم آف اکنامک اینڈ فنانشل پالیسی کا پہلا اقدام مکمل ہونے کے بعد آئی ایم ایف بورڈ کی منظوری اور قرضے کی قسط کا اجراء یقینی ہونے سے ڈالر دوبارہ بیک فٹ پر آگیا۔

ایک موقع پر ڈالر کے انٹربینک ریٹ 2 روپے کی کمی سے 268.50 روپے پر بھی آگئے تھے لیکن کاروبار کے اختتام پر انٹربینک مارکیٹ میں ڈالر کی قدر 1.22 روپے کی کمی سے 269.28 روپے کی سطح پر بند ہوئی۔ اسی طرح اوپن کرنسی مارکیٹ میں بھی ڈالر کی قدر 50 پیسے کی کمی سے 273 روپے کی سطح پر بند ہوئی۔ ذرائع کا کہنا ہے کہ پاکستان آئی ایم ایف کی شرائط پر بتدریج عمل درآمد کا خواہشم ند ہے لیکن آئی ایم ایف حکام تمام شرائط پر فوری عمل درآمد چاہتا ہے۔ زرمبادلہ کے سرکاری ذخائر بھی 3 ارب ڈالر سے گھٹ کر 9 سال کی کم ترین سطح پر آگئے ہیں لیکن اس کے باوجود ڈالر کی بہ نسبت روپیہ تگڑا ثابت ہورہا ہے اور اس تگڑے پن کی بنیادی وجہ آئی ایم ایف کے ساتھ ممکنہ طور پر جلد ہی اسٹاف سطح کا معاہدہ ہونے کے نتیجے میں قسط کے اجراء کی توقعات ہیں۔

آنے والے دنوں میں ڈالر کی قدر میں مزید کمی کے خدشات پر مختلف برآمدی شعبے بھی مارکیٹ میں اپنے ڈالر کیش کرارہے ہیں جس سے رسد قدرے بڑھ گئی ہے۔ ماہرین کا کہنا ہے کہ ڈالر پر کیپ ختم ہونے اور اس کی قدر کو مارکیٹ فورسز پر چھوڑنے سے ڈالر کے انٹربینک اور اوپن ریٹ کے درمیان فرق بھی بتدریج گھٹتا جارہا ہے۔ ماہرین کا کہنا ہے کہ پاکستان کے لیے آئی ایم ایف قرض پروگرام وقت کی اہم ضرورت ہے جب ملک اپنے زرمبادلہ کے ذخائر مطلوبہ سطح تک لانے میں کامیاب ہوجائے گا، اس وقت ہم آزادانہ معاشی فیصلے کرسکیں گے۔ آئی ایم ایف قرض پروگرام کی بورڈ سے منظوری کے نتیجے میں عالمی برادری اور مالیاتی اداروں کی جانب سے اعلان کردہ 10 ارب ڈالر کے فلڈ ریلیف فنڈز کا بھی اجراء ممکن ہوسکے گا جس سے معیشت میں ڈالر کی رسد بڑھنے سے زرمبادلہ کے بحران پر قابو پایا جاسکے گا۔

فروری 10, 2023
امجد اسلام امجد اچھے دوست تھے مبشر لقمان

شاعر، ڈرامہ نگار اور نقاد امجد اسلام امجد آج لاہور میں انتقال کر گئے ہیں، ان کے انتقال پر گہرے رنج اور دکھ کا اظہار کیا جا ر ہا ہے. معروف صحافی مبشر لقمان نے امجد اسلام امجد کے انتقال پر دکھ کا اظہار کرتے ہوئے کہا ہے کہ امجد میرے بہت اچھے دوست تھے وہ ایک زندہ دل آدمی تھے ، ہمیشہ چہرے پر مسکراہٹ سجائے رکھتے اور ملتے تو بہت ہی پرجوش انداز میں ملتے. انہوں نے کہا کہ ویسے تو ان کے ساتھ بہت زیادہ ملاقاتیں رہیں لیکن آخری بار وہ ہمارے گھر اس وقت آئے جب وہ بیرون ملک سے کسی دورے سے وطن واپس آئے تھے ، میں ان کی آمد پر کافی خوش تھا ان کی محفل میں کیسے وقت گزرتا تھا نہیں پتہ چلتا تھا. ان کے ساتھ آخری ملاقات میں ہمارے بہت سارے دوست تھے. مجھے ان کے

انتقال کا دھچکا لگا ہے. مبشر لقمان نے کہا کہ ادب کے لئے ان کی خدمات کو ہمیشہ یاد رہے گا. مبشر لقمان نے کہا کہ امجد اسلام نے اپنے قلم سے لوگوں کے دلوں پر راج کیا. ان کا لکھا ہوا آنے والی نسلوں کے لئے مشعل راہ رہے گا. واضح رہے کہ امجد اسلام امجد لاہور میں آج سے شروع ہونے والے پاکستان لٹریچر فیسٹیول کے دوسرے روز شرکت کرنے والے تھے. ان کے اس فیسٹیول میں مختلف سیشنز رکھے گئے تھے.

فروری 10, 2023
امجد اسلام امجد انتقال کر گئے

معروف شاعر ، ڈرامہ نگار، کالمسٹ امجد اسلام امجد انتقال کر گئے ہیں.امجد اسلام امجد کا شمار اردو کے بہترین اساتذہ میں ہوتا ہے ۔ امجد اسلام امجد اور عطا الحق قاسمی دونوں ہی ایم اے او کالج میں اردو پڑھاتے رہے ہیں۔ان کی خدمات کے عوض انہیں ایوارڈز سے بھی نوازا گیا. 80 کی دہائی میں انہیں حکومت پاکستان کی طرف سے تمغہ حسن کارکردگی سے نوازا گیا۔امجد اسلام امجد نے پنجاب یونیورسٹی سے فرسٹ ڈویژن میں ایم اے (اردو) کیا۔ ایم او کالج میں درس و تدریس کے شعبہ سے بھی منسلک رہے. 70 کی دہائی میں پنجاب آرٹ کونسل کے ڈپٹی ڈائریکٹر مقرر ہوئے۔نوے کی دہائی میں وہ دوبارہ ایم اے او کالج میں ہی شعبہ درس و تدریس سے منسلک ہو گئے۔ یہاں سے ان کی تعیناتی بطور ڈائریکٹر چلڈرن کمپلکس ہوئی اور وہیں سے انہوں نے ریٹائرمنٹ لی۔ امجد اسلام امجد ڈرامہ نگاری کی طرف بھی آئے اور یہاں بھی اپنے قلم کا لوہا منوایا. 1975ء

میں ٹی وی ڈراما (خواب جاگتے ہیں ) پر گریجویٹ ایوارڈ ملا۔ انہوں نے بہت سارے ڈرامے لکھے ان کے معروف ڈراموں میں وارث، دن، فشار قابل زکر ہیں ہیں۔ انکے شعری مجموعہ برزخ اور جدید عربی نظموں کے تراجم عکس کے نام سے شائع ہوچکے ہیں جبکہ افریقی شعرا کی نظموں کا ترجمہ کالے لوگوں کی روشن نظمیں کے نام سے لاہور سے شائع ہوچکا ہے۔ اس کے علاوہ انہوں نے تنقیدی مضامین کی ایک کتاب (تاثرات) بھی لکھی . ان کے شعری مجموعوں میں .بارش کی آواز.شام سرائےاتنے خواب کہاں رکھوں.نزدیک.یہیں کہیں.ساتواں در.فشار.سحر آثار.ساحلوں کی ہوا.محبت ایسا دریا ہے.برزخ قابل زکر ہیں .امجد اسلام امجد کے انتقال پر گہرے رنج اور افسوس کا اظہار کیا جا رہا ہے اور کہا جا رہا ہے کہ امجد اسلام امجد کا انتقال ادب کو ایک بہت بڑا دھچکا ہے.

فروری 10, 2023
سہیل احمد نے کس اداکار کو اپنا استاد کہہ دیا ؟‌

اداکار سہیل احمد جو عزیزی کے نام سے بھی جانے جاتےہیں انہوں نے گزشتہ روز معروف اینکر کامران شاہد کی فلم ہوئے تم اجنبی کے ٹریلر لانچ میں شرکت کی . چونکہ سہیل احمد اس فلم میں اہم کردار ادا کررہے ہیں انہوں نے کہا کہ میں نے ہمیشہ یہ سوچ کرکے کردار سائن کئے کہ ان میں کچھ مختلف ہو، اور کامران شاہد نے جو مجھے کردار آفر کیا وہ کافی مختلف تھا. انہوں نے کہا کہ فلم میں محمود اسلم نے کمال کی اداکاری ہے میں نے توہمیشہ ہی ان سے بہت کچھ سیکھا ہے. اگر میں یہ کہوں کہ وہ میرے استاد ہیں تو بے جا نہ ہوگا. انہوں نے ہمیشہ ہی ایسا کام کیا ہے جو ان کو دوسروں سے یکسر منفرد بناتا ہے. انہوں نے یہ بھی کہا کہ فلم ہوئے تم اجنبی کو بڑے سکیل پر بہت محنت کے ساتھ بنایا گیا ہے اگران کو کوئی سین

دوبارہ کرنا پڑا تو انہوں نے کیا. کامران شاہد ایک باصلاحیت ڈائریکٹر ہیں انہوں نے کہانی کے مطابق کاسٹنگ کی ہے اور اپنے والد سے بھی انہوں نے ڈائریکٹر بن کر ہی کام لیا. امید ہے کہ شائقین کو ہم سب کی یہ کوشش ضرور پسند آئیگی. سہیل احمد نے یہ بھی کہا کہ ایسی فلمیں سالوں میں بنتی ہیں اور پاکستان میں ایسی فلمیں کم بنی ہیں جیسی ہوئے تم اجنبی ہے.

فروری 10, 2023
میں رسک لینے سے نہیں ڈرتی نادیہ حسین

معرف ماڈل اور اداکارہ نادیہ حسین نے اپنے حالیہ انٹرویو میں کہا ہے کہ میں کبھی بھی رسک لینے سے نہیں گھبراتی آپ مجھے بہادر کہہ سکتےہیں انہوں نے کہا کہ میں وہ کام کر لیتی ہوں جن کے بارے میں کہا جا رہا ہوتا ہے کہ ایسا کیا تو یہ ہو جائیگا ویسا کیا تو وہ ہوجائیگا. انہوں نے کہا کہ انسان کو زندگی میں رسک لینے چاہیے. انہوں نے کہا کہ میں نے محبت کی شادی کی اس لئے میں بچوں کی محبت کی شادی کے خلاف بالکل بھی نہیں ہوں، میں بچپن میں ٹام بوائے ٹائپ تھی ، گھر کے باہر سائیکل چلاتی ، اور میرے گھر کا ماحول ایسا تھا کہ ہم پر اس طرح کی پابندی نہیں‌لگائی جاتی تھی کہ یہ کرو اور وہ نہ کرو یہ پڑھو اور وہ نہ پڑھو، مجھے میری مرضی کا کیرئیر چننے کی اجازت دی گئی میں نے اپنی

مرضی سے ماڈلنگ کا آغاز کیا خدا نے مجھے عزت دی. انہوں نے مزید کہا کہ اداکاری جب اچھا کردار ملے تو کرلیتی ہوں نہیں‌تو پھر اپنے بزنس میں لگی رہتی ہوں ، جب مجھے میرے بزنس میں تھوڑا سا بھی نقصان ہوجانے کا خدشہ ہو تو میں گھبرا جاتی ہوں. میں اپنا بزنس بہت دلچپسی سے چلاتی ہوں . میں پاکستان کی خواتین کو بااختیار دیکھنا چاہتی ہوں. میں چاہتی ہوں کہ ان کو ان کی مرضی کے مطابق جینے دیا جائے.

فروری 10, 2023
ہاں میں فضول خرچ نہیں‌ ہوں اکشے کمار نے ایسا کس کو اور کیوں کہا ؟‌

کپل شرما کا شو بھارت میں کافی پسند کیا جاتا ہے، اس شو میں بالی وڈ کی نامور سلیبرٹی آتی ہیں اور کپل کی مزے دار باتوں سے لطف اندوز ہوتی ہیں. اکشے کمار جن کی کپل شرما سے کافی دوستی ہے وہ کئی بار شو پر آچکے ہیں، اچھی دوستی ہونے کی وجہ سے کپل شرما اکشے کمار سے ایسے سوال کرتے ہیں جن کا جواب وہ زرا تیکھا ہی دیں. کپل شرما نے اکشے کمار سے کہا کہ دوسرے ہیرو کمرہ بند کر کے ابھی سکرپٹ ہی پڑھ رہے ہوتے ہیں اتنی دیر میں آپ کی تین فلمیں سینما گھروں میں لگ چکی ہوتی ہیں. آپ نے بہت پیسہ کمایا ہے. اور آپ پارٹیز میں بھی نہیں جاتے آپ کا پارٹیز میں نہ جانے کی وجہ کہیں‌یہ تو نہیں کہ آپ اپنے گھر پر پارٹی رکھ کر پیسے خرچ نہیں کرنا چاہیے اسلئے نہ جاتے ہیں کسی کے گھر

نہ بلاتے ہیں، اس پر بات کرتے ہوئے اکشے کمار نے کہا کہ میں صبح جلدی اٹھ کر کام پر چلا جاتا ہے رات کو دس بجے سے پہلے گھر آجاتا ہوں اور سو جاتا ہوں نو بجے کے بعد میں کسی فلمی پارٹی میں نہین‌جاتا ، میرا فوکس صرف میرے کام پر ہوتا ہے اسلئے میری فلمیں جلدی مکمل کروا لیتا ہوں ، رہی بات کسی کو پارٹی دینے کی تو یقینا میں کنجوس ہوں ، میں پارٹیز میں اپنا پیسہ کیوں برباد کروں یوں کپل تمہارا جو آئیڈیا ہے کہ میں اس لئے نہیں جاتا کہ کل کو مجھے بھی گھر بلانا پڑے گا اسکو ٹھیک بھی کہہ سکتے ہیں. مجھے آپ یہ بھی کہہ سکتے ہیں‌کہ میں فضول خرچ نہیں ہوں.

فروری 10, 2023
بگ باس 16 کی سابق کنٹیسٹینٹ گوری نگوری نے بتا دیا کے فائنل میں ان کا فیورٹ کون ہو گا ؟‌

بگ باس کا فائنل جیسے جیسے قریب آرہا ہے کون ہو گا شو کا ونر اس ھوالے سے تبصروں کی گونج سوشل میڈیا پر زیادہ سنائی دے رہی ہے. ہر طرف کوئی وڈیو میں اپنا فیورٹ بتا رہا ہے تو کوئی پوسٹ میں لکھ رہا ہےکہ کس کو بگ باس 16 کا ونر ہونا چاہیے. بگ باس کی سابق کنٹسیٹنٹ گوری نگوری کی حال ہی میں ایک وڈیو وائرل ہو رہی ہے جس میں ان کو ائیر پورٹ‌پر دیکھا جا سکتا ہے، میڈیا نے ان سے سوال کیا کہ بگ باس کے گھر میں ان کا فیورٹ کون ہے؟ اور آپ کو کیا لگتا ہے کہ شو کس کو جیتنا چاہیے تو اس کے جواب میں انہوں نے کہا کہ ایم سی سٹین ، پریانکا

اور شیو تینوں کے ساتھ میرا اچھا تعلق رہا ہے لہذا میں یہ نہیں کہہ سکتی کہ کون ونر ہو گا یا کس کو ونر ہونا چاہیے . میری دعائیں سب کے ساتھ ہیں. میں بگ باس دیکھتی ہوں لطف اندوز ہوتی ہوں اور میں موجودہ پارٹیسپینٹس سےپیار بھی کرتی ہوں لیکن کسی ایک کو فیورٹ‌بتا کر کسی دوسرے کو ناراض نہیں کر سکتی. یاد رہے کہ بگ باس 16 کے بہت چرچے ہیں اس بار کے کنٹسیٹنس کافی دلچپسپ رہے، اگر سوشل میڈیا پر ہونے والے تبصروں کی مانیں تو پریانکا چوپڑا ونر دکھائی دیتی ہیں.

فروری 10, 2023
فواد خان اور صنم سعید کی ویب سیریز برزخ سیریز مینیا فلم فیسٹیول میں پیش کی جائیگی

معروف اداکار فواد خان اور صنم سعید جنہوں نے جب جب ایک ساتھ سکرین شئیر کی ہے لوگوں کی بڑی تعداد نے انہیں بہت پسند کیا ہے ان کا ڈرامہ زندگی گلزار ہے آج تک مقبول ہے. اب یہ جوڑا ایک بار پھر دھوم مچانے جا رہا ہے جی ہاں فواد خان اور صنم سعید کی ویب سیریز ” برزخ ” مارچ 2023 میں فرانس میں ہونے والے سیریز مینیا فلم فیسٹیول میں پیش کی جا رہی ہے. فرانس میں ہونے والے اس فلم فیسٹیول میں بھارتی اسٹریمنگ پلیٹ فارم زندگی اوریجنل کی سیریز ’برزخ‘ وہ واحد ویب سیریز ہے جسے ساوتھ ایشیا سے منتخب کیا گیا ہے ۔ کہا جا رہا ہے کہ فواد خان اس ویب سیریز میں سنگل پیرینٹ کے روپ میں نظر آئیں گے جبکہ صنم سعید ایک پراسرار کردار ادا کرتی نظر آئیں گی. اس ویب سیریز کو

بہترین سیریز، بہترین ہدایت کار، بہترین اداکارہ، بہترین اداکار کے ساتھ ساتھ اسٹوڈنٹ جیوری ایوارڈ کے لیے بھی نامزد کیا گیا ہے۔اس ویب سیریز کو عاصم عباسی نے ڈائریکٹ کیا ہے ان کہنا ہے کہ یہ ویب سیریز ضرور پذیرائی حاصل کریگی اور ایوارڈ اپنے نام کریگی. یاد رہے کہ فواد خان اور صنم سعید کی آن سکرین جوڑی کو بے حد سراہا جاتا ہے امید ہے کہ اس ویب سیریز میں بھی انک دونوں کی جوڑی کو بہت پسند کیا جائیگا.

فروری 10, 2023
شلپا شیٹی کی والدہ نے بگ باس میں پریانکا کو فیورٹ قرار دیدیا

شلپا شیٹی جو کہ بالی وڈ کی معروف اداکارہ ہیں ان کی بہن شمیتا شیٹی دو بار بگ باس کے گھر گئیں لیکن دونوں بار ہی وہ مایوس لوٹیں کیونکہ وہ بگ باس کی ونر نہ بن سکیں. بگ باس کو چونکہ بہت شوق سے ہندوستان میں دیکھا جاتا ہے اس لئے ہر کوئی اپنا فیورٹ رکھتا ہے. اب جبکہ بگ باس 16 کا فائنل ہونے جا رہا ہے تو ہر کوئی سوشل میڈیا پر بڑی تعداد میں اپنے اپنے پسندیدہ کنٹیسٹنس کو سپورٹ کررہے ہیں ،ایسے میں شلپا شیٹی کی والدہ سنادا شیٹی کیسے پیچھے رہ سکتی تھیں. انہوں نے حال ہی میں اپنے ٹویٹر اکائونٹ سے ایک ٹویٹ کیا ہے جس میں انہوں نے کہا کہ مجھے

بہت خوشی ہے کہ بگ باس 16 کا فائنل ہونے جا رہا ہے. انہوں نے یہ بھی کہا کہ پریانکا چوہدری میری پسندیدہ پارٹیسپینٹ ہیں ، انہوں نے اس گیم کو بہت ہی خوبصورتی کے ساتھ کھیلا. جس نفاست کے ساتھ انہوں نےبگ باس کو کھیلا ہے انہیں ہی جینا چاہیے اور ویسے بھی پریانکا صرف میری نہیں جنتا کی فیورٹ ہیں. یوں‌شلپا شیٹی کی والدہ سنادا شیٹی کا یہ ٹویٹ بہت زیادہ وائرل ہو رہا ہے.

فروری 10, 2023