لودہراں (نمائندہ باغی ٹی وی) تحصیل دنیاپور کے تھانے جلہ آرائیں کے علاقے میں ڈی پی او ملک جمیل ظفر کا ویڈیو وائرل ہونے پر نوٹس
تفصیلات کے مطابق ڈی پی او لودہراں فوراً تھانہ جلہ آرائیں پہنچ گئے.
ویڈیو تین ماہ پرانی ہے.
ویڈیو چوکی تھانہ جلہ آرائیں کے مختیار ASI کی ہے.
ویڈیو میں مختیار اے ایس آئی نوجوان پر تشدد کر رہا ہے.
مختیار اے ایس آئی کو گرفتار کر کے مقدمہ درج کیا جا چکا ہے. ترجمان پولیس
کسی کو قانون ہاتھ میں لینے کی ہر گز اجازت نہیں دی جائے گی . ڈی پی او لودہراں ملک جمیل ظفر
پشاور:پاکستان کی دیگر یونیوسٹیز کی طرح کے پی کی یونیورسٹیز نے بھی جدید مینجمنٹ کورسز کروانے شروع کردیئے اطلاعات کے مطابق اس سلسلے میں سرحد یونیورسٹی آف سائنس اینڈ انفارمیشن ٹیکنالوجی پشاور میں دو روزہ فیکلٹی ڈیویلپمنٹ پروگرام کا انعقاد کیا گیا۔
سرحد یونیورسٹیزذرائع کے مطابق دوروزہ پروگرام کا بنیادی مقصد یونیورسٹی اساتذہ کی پیشہ وارانہ مہارتوں میں اضافہ کرنا تھا۔ سرحد یونیورسٹی ہر سال اس قسم کے تربیتی پروگراموں کا انعقاد کرتی رہتی ہے۔ اس تربیتی پروگرام میں سرحد یونیورسٹی کے علاوہ صوبے کے دیگر یونیورسٹیوں کے ماہرینِ تعلیم اور پروفیسر صاحبان نے بھی شرکت کی۔
مقبوضہ کشمیر میں، جموں و کشمیر پیپلز کانفرنس (جے کے پی سی) نے آرٹیکل 370 کو ختم کرنے کے صدارتی حکم نامے کو بھارتی سپریم کورٹ چیلنج کر دیا۔
آرٹیکل 370 ہٹانے پر سپریم کورٹ کا مودی کو نوٹس، آئندہ سماعت کب ہو گی….جانیے
وکیل اعجاز مقبول کے توسط سے دائر درخواست میں جے کے پی سی نے کہا کہ کشمیر کا ایک علیحدہ آئین ہے اور بھارتی پارلیمنٹ کے پاس اس علاقے کے لئے قانون سازی کرنے کی محدود گنجائش ہے۔
درخواست میں کہا گیا ہے کہ بھارتی صدر کو اختیار نہیں ہے کہ وہ متعلقہ اسمبلی کی منظوری کے بغیر علاقے کی سیاسی شکل اور جوہر کو تبدیل کرسکیں۔
بھارتی انتظامی افسر بھی آرٹیکل 370 کے خاتمے کے خلاف بول پڑا
درخواست کے مطابق پورا علاقہ خصوصا وادی ایک ماہ سے زیادہ عرصے سے کرفیو کی حالت میں ہے جس سے صاف ظاہر ہوتا ہے کہ عوام کی خواہشات کے خلاف آئینی تبدیلی لاگو کی گئی ہے۔
امریکہ کی ڈیموکریٹ رکن کانگریس راشدہ طالب نے مقبوضہ کشمیر میں بھارتی حکومت کی جانب سے آرٹیکل 370 اور 35 اے کو منسوخ کرنے کی پرزورمذمت کرتے ہوئے بھارتی حکومت کو وادی میں مواصلاتی بندش ختم کرنے کا کہا ہے۔
ڈونلڈ ٹرمپ کے مواخذے کیلئے 95ارکان کی حمایت کرلی،مسلم رکن کانگریس راشدہ طالب
ایک بیان میں، راشدہ نے کہا ، ”میں بھارتی حکومت کی جانب سے جموں و کشمیر میں آرٹیکل 370 اور 35 اے کی منسوخی ، مواصلاتی ناکہ بندی ، جان بچانے والی طبی نگہداشت پر دباو، اور بڑے پیمانے پر تشدد اور انسانی حقوق کی پامالی کی دیگر اطلاعات کی مذمت کرتی ہوں۔“
” ان ناقابل قبول حرکتوں سے کشمیریوں کے انسانی وقار کو ختم کیا اور لاکھوں افراد کی زندگی کو خطرہ میں ڈال دیا ، اور ہندوستان اور کشمیر میں جمہوریت کو نقصان پہنچایا۔ لوگوں کو غیر منصفانہ نظربندی ، عصمت دری یا تشدد سے خوفزدہ نہیں ہونا چاہئے کیونکہ وہ کون ہیں اور وہ کیا مانتے ہیں ۔“ کانگریسی خاتون نے مزید کہا۔
راشدہ کے مطابق، ”میں نے مشی گن کے باشندوں سے ملاقات کی ہے جو کشمیر میں اپنے اہل خانہ کو کال بھی نہیں کرسکتے کہ وہ اس بات کا یقین کر سکیں کہ وہ محفوظ ہیں، واقعی ایک ناقابل تصور صورتحال ، جیسے تشدد ، عسکریت پسندی اور قبضہ بدستور جاری ہے۔ جموں وکشمیر پہلے ہی زمین پر سب سے بڑا فوجی علاقہ ہے اور بھارت کے حالیہ اقدامات سے عدم استحکام پیدا ہوا اور تشدد تیز ہوا ہے۔
انہوں نے مزید کہا ، اقوام متحدہ کے ہائی کمشنر برائے انسانی حقوق (او ایچ سی ایچ آر) نے جون 2018 اور جولائی 2019 میں دو رپورٹیں جاری کی تھیں ، جس نے وادی میں انسانی حقوق کی پامالیوں کے خدشات کو جنم دیا ہے۔
"جیسا کہ اقوام متحدہ اور انسانی حقوق کے گروپوں نے نوٹ کیا ہے ، آرمڈ فورسز اسپیشل پاور ایکٹ (اے ایف ایس پی اے) کے ذریعہ بھارتی فوج کی طرف سے انسانی حقوق کی پامالیوں کے لئے قانونی کارروائی سے مستقل معافی احتساب کی راہ میں ایک اہم رکاوٹ بنی ہوئی ہے اور وہ طاقت کے غیر متناسب استعمال کو برقرار رکھتی ہے۔ بھیڑ کو کنٹرول کرنے کے لیے پیلٹ شاٹ گنوں اور آنسو گیس کے استعمال سے متعدد کشمیری زخمی ہوگئے ہیں ، جن میں بچے بھی شامل ہیں۔ مزید برآں ، اطلاعات سے ظاہر ہوتا ہے کہ بھارتی حکومت نے کشمیری عوام کی زندگی بچانے والی طبی نگہداشت تک رسائی میں کمی کردی ہے ، دوائیوں کی قلت پیدا کردی ہے اور ڈاکٹروں اور فارمیسیوں کے سفر کو محدود کردیا ہے۔”
کانگریسی خاتون نے مزید کہا کہ متعدد اطلاعات سے ظاہر ہوتا ہے کہ 3000 سے زائد افراد کو سرکاری تحفظ ایکٹ کے تحت بھارتی حکومت کی جانب سے بغیر کسی الزام کے غیر معینہ مدت کے لئے حراست میں لیا گیا ہے ، ان میں بچے ، وکلا ، ڈاکٹر ، مذہبی رہنما اور حزب اختلاف کے سیاسی رہنما بھی شامل ہیں۔
انہوں نے مزید کہا ، "جموں و کشمیر میں کیا ہورہا ہے اس پر روشنی ڈالنے کے لئے مواصلات کی ناکہ بندی اور کرفیو کی تمام پابندیوں کو فوری طور پر ختم کیا جانا چاہئے۔ بھارت اس بات کو یقینی بنائے کہ ہسپتالوں کی زندگی بچانے والی دوائی تک رسائی حاصل ہو۔ امریکی حکومت کو اقوام متحدہ کی حمایت یافتہ پرامن قرار داد کی حمایت کرنی چاہئے جو خود مختاری کی بحالی اور جموں و کشمیر کے عوام کی خودمختاری کو یقینی بنائے۔ ہم لاکھوں کشمیریوں کو امن اور وقار کے ساتھ زندگی بسر کرنے کی خواہش سے محروم نہیں رہ سکتے۔ “
اسلام آباد:ڈینگی کے بعد اب کانگووائرس نے حملے شروع کردیئے ،اسلام آباد میں کانگو وائرس کا پہلا کیس سامنے آگیا ہے۔کانگوسے متاثرہ یہ مریض پاکستان انسٹی ٹیوٹ آف میڈیکل سائنسز (پمز) اسپتال میں گزشتہ رات لایا گیا جس کا تعلق کوہاٹ سے بتایا گیا ہے۔
پاکستان انسٹی ٹیوٹ آف میڈیکل سائنسز (پمز) اسپتال کے ذرائع کے مطابق کانگو کےمریض کو پمز کے آئسیولیشن وراڈ میں داخل کر لیا گیا ہے۔یاد رہے چند روز قبل کراچی میں کانگو وائرس اور دماغ خور جرثومے نگلیریا نے دو افراد کی جان لے لی۔ تھیرواں سال کانگو سے پندرہ اور نگلیریا سے بارہ افراد زندگی کی بازی ہار چکے ہیں۔اس سے قبل لاہور میں بھی کانگو وائرس کا مشتبہ مریض چل بسا تھا۔
دوسری طرف کانگوسے متاثرہ شخص کے بارے میں تفصیلات دیتے ہوئے محکمہ صحت پنجاب کا کہنا تھا کہہ کانگو وائرس کا مشتبہ مریض محمد عارف شیرا کوٹ کا رہائشی اور گذشتہ روز 21 اگست سے میئو اسپتال میں زیر علاج تھا۔متاثرہ شخص کے خون کے نمونے لیبارٹری بھجوائے گئے ہیں اور رپورٹ آنے پر ہی اس میں کانگو وائرس کی تصدیق ہو سکے گی۔
پشاور: ملک بھر میں ڈینگی وائرس کے پی میںبھی پھیلنے لگا ، اطلاعات کے مطابق خیبرپختونخوا میں 900 سے زائد افراد میں مرض کی تشخیص ہوگئی، صوبائی حکومت ڈینگی کے خلاف مسلسل مزاحمت کررہی ہے ، لیکن فی الحال ڈینگی کسی کے قابومیں آنے کا نام نہیںلے رہا ،
ہفتے میں ایک سے دو مرتبہ قیلولہ دل کی صحت کے لیے انتہائی مفید ہے، تحقیق نے تصدیق کردی
وفاقی وزارت صحت کی طرف سے جاری کیے گئے اعدادوشمار کےمطابق اب تک خیبر پختونخوا میں 900 سے زائد کیسز کی تصدیق ہوگئی۔ پشاور میں سب سے زیادہ 715 افراد میں مرض کی تشخیص ہوئی، محکمہ صحت کے مطابق سوات میں 74، ایبٹ آباد 31، کوہاٹ 23، بٹگرام 17، صوابی 13 اور ہری پور میں اب تک ڈینگی کے 12 کیسز رپورٹ ہوئے۔
لندن : جو حفظان صحت کا نظریہ آج سے 14 سال قبل پیش کیا گیا آج کی سائنس نے اسے سچ اور 100 فیصد درست مان لیا ہے ، اطلاعات کےمطابق برطانوی طبی ماہرن نے ایک تحقیق کے بعد یہ ثابت کیا ہے کہ دن کے اوقات میں کچھ دیر نیند لینے یعنی ’’قیلولہ‘‘ کرنے کے فوائد اور نقصانات پر برسوں سے بحث جاری ہے۔ کچھ ماہرین کا کہنا ہے کہ قیلولہ ہماری صحت کےلیے مفید ہے جبکہ بعض طبّی ماہرین اسے نقصان دہ قرار دیتے ہیں۔
قیلولہ لے حوالے سے لیوزین یونیورسٹی ہاسپٹل، سوئٹزرلینڈ میں 35 سے 75 سال کے افراد پر 5 سال تک کیے گئے ایک مطالعے سے معلوم ہوا ہے کہ وہ لوگ جو ہفتے میں ایک سے دو مرتبہ قیلولہ کرتے ہیں ان میں دل کے دورے، فالج اور دل کی خرابی کے خطرات 48 فیصد تک کم ہوجاتے ہیں۔
یہ تحقیق ڈاکٹر نیڈائن ہازلر کی نگرانی میں کی گئی جبکہ اس میں امراضِ قلب سے متعلق ایک وسیع البنیاد مطالعے ’’کولاس‘‘ (CoLaus) کے اعداد و شمار استعمال کیے گئے تھے، جو 5 سال تک جاری رہا تھا۔
ان طبی ماہرین کا دعویٰ ہے کہ ان تمام اعداد و شمار میں سے صحت اور انفرادی معمولات سے متعلق دیگر عوامل کے اثرات نفی کرنے کے بعد معلوم ہوا کہ جو لوگ ہفتے میں ایک سے دو مرتبہ قیلولہ کیا کرتے تھے، وہ قیلولہ نہ کرنے والوں کے مقابلے میں امراضِ قلب سے 48 فیصد زیادہ محفوظ رہے۔
اس تحقیق میں یہ بات اخذ کی گئی کہ اگر کسی رضاکار نے ہفتے میں دو مرتبہ سے زیادہ بھی قیلولہ کیا تو اس کے دل کی صحت کو پہنچنے والا فائدہ ویسا ہی رہا جتنا ہفتے میں ایک سے دو مرتبہ قیلولہ کرنے والوں میں دیکھا گیا، چاہے وہ صرف چند منٹ تک ہی کیوں نہ کیا گیا ہو۔
ٹھٹھہ صادق آباد(نمائندہ باغی ٹی وی ) کے نواحی گاوں چکنمبر 132 دس آر میں "بے نظیر انکم سپورٹ” پروگرام اور معروف ٹی وی شو "جیتو پاکستان ” کے نام پر لوٹنے والوں کے گروہ موجود ہیں ۔باغی ٹی وی کی رپورٹ کے مطابق عوام کو جو میسج کئے جاتے ہیں کہ آپ کے نمبر پر اتنے لاکھ روپے کا انعام نکلا ہے اور یہ میسج بے نظیر انکم سپورٹ پروگرام اور جیتو پاکستان سے مبینہ طور پہ منسوب ہوتا ہے یہ میسج کرنے والے لوگ ضلع خانیوال کی تحصیل جہانیاں کے دور دراز گاوں چک نمبر 132 دس آر کے رہائشی ہیں۔تفصیلات کے مطابق یہ مذکورہ گاوں کے اکثر مکین اس دھندے میں ملوث ہیں ۔تفیصلات کے مطابق یہ لوگ کچھ عرصہ پہلے تک خوانچہ فروش ہوتے تھے اور پھر آہستہ آہستہ یہ لوگ ترقی کرکے کباڑ کے کاروبار میں داخل ہوگئے ۔پھر مزید جدت آگئی اور ان کی ملاقات کچھ ایسے گروہوں سے ہوئی جو بے نظیر انکم سپورٹ پروگرام کے نام ہر لوگوں کو لوٹا کرتے تھے۔انہوں نے اس پیشے کو مقدس جانتے ہوئے اسی پیشے کو اپنا اوڑھنا بچھونا بنا لیا اور لوگوں سے رقوم بٹورنے لگے۔پھر یہ لوگ اپنے کاروبار میں مزید جدت لے کر آئے اور اس میں اضافہ کرتے ہوئے انہوں نے ایسی ڈیوائسز اور سافٹ وئیرز تیار کروانا شروع کردئیے جس سے کسی دوسرے کا نمبر استعمال کرکے یہ لوگوں کو جعلی میسج کرنے لگے تاکہ کسی بھی محکمانہ کارروائی کی صورت میں یہ لوگ خود محفوظ رہ سکیں۔آہستہ آہستہ یہ لوگ اپنے کام کا دائرہ کار وسیع کرتے رہے ۔مگر جب میڈیا ٹیمز اور اداروں نے ان کے خلاف قدم اٹھایا تو پھر ان کی پکڑ دھکڑ شروع ہوئی ۔مگر پولیس ہے اندر چھپی کالی بھیڑوں نے بھی ان سے ڈیل کرلی اور پولیس کے کرپٹ افسران اور اہلکار بھی ان سے اپنا ماہانہ حصہ وصول کرکے خاموش تماشائی بنتے رہے مگر جب بات آیف آئی اے تک پہنچی تو ان کے خلاف مزید سخت کارروائی ہوئی، ان کے گروپ کے چند اہم ارکان گرفتار ہوئے مگر تب بھی سیاسی سفارش اور پیسے نےچمک دکھائی اور یہ لوگ رہا ہوگئے ۔بعد ازاں چند دوراندیش لوگوں نے اپنے کاروبار کی حفاظت اور وسعت کے لئے صحافت کا لبادہ اوڑھ لیا اور پھر ان کا دھندہ مزید چلنے لگا ۔ان کو صحافی ہونے کا یہ فائدہ ہوا کے ان کے سیاسی شخصیات کے ساتھ اچھے تعلقات بن گئے جس کی وجہ سے ان کا یہ مکروہ دھندا مزید محفوظ ہوگیا ۔ساتھ ہی ساتھ ان کو یہ فائدہ بھی ہوا کہ انہوں نے صحافت کے نام پر بلیک میلنگ بھی شروع کردی ۔جس سے ان کے وارے ہمارے ہونے لگے اور یہ لوگ دنوں میں ہی کروڑوں کے مالک بننے لگے۔ایسے لوگ جن کے پاس کل تک اپنی بیٹھنے کی جگہ نہ تھی آج وہ بنگلوں،کوٹھیوں اور کاروں کے مالک ہوگئے ۔ذرائع کے مطابق یہ معلومت بھی ملی کہ ان کا سرغنہ عاشق گجر ہے جس کے خلاف تھانہ بدھلہ سنت میں چوری اور فراڈ کا مقدمہ سائلہ گل زیریں کی مدعیت میں درج ہے ،تھانہ ٹھٹھہ صادق آباد میں اسی شخص کے خلاف دو مقدمات جبکہ تھانہ راجہ رام اور تھانہ بہاولنگر میں بھی ایک ایک مقدمہ اس شخص کے خلاف مقدمہ درج ہوچکا ہے ۔وہ لوگ اور مدعین جن کو یہ لوگ لوٹتے رہے آج جب وہ مقدمات درج کرواتے ہیں تو یہ گروہ ان کو جان سے مارنے کی دھمکیاں اور خواتین کو ہراساں کرتا ہے ۔
سعودی عرب میں آرامکو کے زیرانتظام تیل کی دو بڑی تنصیبات پر ہوئے ڈرون حملوں سے آگ لگ گئی۔
حوثی باغیوں کے ریاض میں فوجی ٹھکانے پر متعدد ڈرون حملے
سعودی وزارت داخلہ کے ترجمان کے حوالے سے سرکاری سعودی ایجنسی نے کہا کہ ابقیق میں جس تنصیبات پر آگ لگی وہ تیل کا سب سے بڑا پروسیسنگ پلانٹ ہے۔
ترجمان کے مطابق "صبح 4 بجے ارامکو کی صنعتی سیکیورٹی ٹیموں نے … ڈرون کے نتیجے میں اباق اور خورس میں دو تنصیبات پر لگی آگ سے نمٹنے کے لیے کارروائی کا آغاز کیا۔”
وزارت نے نہ تو حملے کے ذریعہ کی شناخت کی اور نہ ہی یہ واضح کیا کہ کوئی جانی نقصان ہوا کہ نہیں۔ وزارت کے مطابق ابھی تحقیقات جاری ہیں۔
حوثی باغیوں کا سعودی فوجی ہیڈکوارٹر پر میزائل حملہ کا دعوی
یمن کے حوثی باغیوں نے ڈرون حملوں کی ذمہ داری قبول کر تے ہوئے کہا ہے کہ یہ حملے دس ڈرونز کے ذریعے کیے گئے۔ حوثی باغیوں کے ترجمان یحییٰ ساڑی نے ایک بیان میں کہا کہ یہ حملے ہمارا حق ہیں ، اور ہم سعودیوں کو خبردار کرتے ہیں کہ ہمارے اہداف میں اضافہ ہوتا رہے گا۔
ہری پور : کے پی گورنمنٹ نے اسلامی طرز معاشرت اپنانے کی طرف سفر شروع کردیا ہے، اطلاعات کےمطابق سرکاری سکولوں میں طالبات کوعبایا، گاون یا چادر اوڑھ کر سکول آنے کی ہدایات کردی گئیں ہیں،ای ڈی او ہری پورنے کے پی حکومت کے فیصلے پر سب سے پہلے عمل کرکے گڈ گورننس کا ثبوت بھی دے دیا ہے،
ہری پور سے ذرائع کےمطابق اس سلسلے میں ای ڈی او ہر ی پور نے وضاحت پیش کرتے ہوئےکہا ہےکہ طالبات کے پردے کا مقصد ان کا تحفظ کرنا ہے ، ای ڈی او نے کہا کہ اسلام کی اس طرز معاشرت میں بہتری ، خیر اور خاتون کی حفاظت کے راز چھپے ہوئے ہیں،
·
·
·