Baaghi TV

Author: +9251

  • کترینہ کو کبھی دھوکہ نہیں دوں گا کیونکہ … وکی کوشل

    کترینہ کو کبھی دھوکہ نہیں دوں گا کیونکہ … وکی کوشل

    بالی وڈ اداکار وکی کوشل جو کہ کترینہ کیف سے بہت محبت کرتے ہیں وہ کترینہ کیف کی تعریف کرنے اور ان سے محبت جتانے کا کوئی بھی موقع ہاتھ سے نہیں جانے دیتے. وکی کوشل نے اپنے حالیہ بیان میں کترینہ کیف پر ایک بار پھر محبت جتاتے ہوئے کہا ہے کہ میں کبھی بھی کترینہ کیف کو دھوکہ نہیں‌دوں گا کیونکہ اس نے اپنے پہلے کے تعلقات میں بہت چوٹ کھائی ہے لہذا میں ایسا کچھ نہیں‌ کرنا چاہتا یا کر سکتا کہ جس سے میری اہلیہ کترینہ کیف کو تکلیف پہنچے یا اس کے جذبات مجروح ہوں. وکی کوشل کترینہ کے شوہر ہونے کے ساتھ ساتھ ان کے مداح بھی ہیں وہ کہہ چکے ہیں‌کہ کترینہ میرا فخر ہے اور وہ بالی وڈ کی بہترین اداکارہ ہے انڈیا کے جو چند فنکار انڈیا کی انٹرنیشنل لیول پر نمائندگی کرتے ہیں کترینہ

    کیف کا ان میں‌شمار ہوتا ہے ، وکی کا یہ بھی ماننا ہے کہ آج کترینہ کیف جو کچھ بھی ہے اس کے پیچھے صرف ان کی خود کی محبت ہے انکو کسی نے سپورٹ نہیں‌کیا. یاد رہے وکی اور کترینہ کیف نے 2021 میں شادی کی اور دونوں نے محبت کی شادی کی ان کی شادی شائقین اور بالی وڈ انڈسٹری کے لئے ایک سرپرائز تھا کیونکہ ادھر انکی دوستی ہوئی ادھر شادی.

  • منیب بٹ کا فیروز کو مشورہ بولے وکیل تبدیل کرو

    منیب بٹ کا فیروز کو مشورہ بولے وکیل تبدیل کرو

    فیروز خان نے ایک ساتھ بہت سارے فنکاروں کو مشکل میں ڈال دیا ہے اب ہر کوئی انکی اس حرکت پر رد عمل دے رہا ہے. منیب بٹ کی اہلیہ ایمن خان کا نمبر بھی فیروز خان نے لیک کیا ہے. ایمن نے سوشل میڈیا پر چند سکرین شارٹس بھی شئیر کئے ہیں جن میں دیکھا جا سکتا ہے کہ ان کو مختلف نمبروں سے میسجز موصول ہورہے ہیں. ایمن خان ہی صرف اس وجہ سے تکلیف میں نہیں آئیں بلکہ ان کے شوہر بھی ہیں خاصے پریشان. انہوں‌ نے فیروز خان کو ایک مشورہ دیتے ہوئے کہا ہے کہ اپنا وکیل تبدیل کرو وہ تمہارے کیس کی وجہ سے یوٹیوب پر خوب سبسکرائبرزبڑھا رہا

    ہے اور لگتا ہے کہ یہ سلسلہ یونہی جاری رہے گا جب تک کہ اسکو سلور بٹن نہیں مل جاتا. منیب بٹ نےفیروز خان کو یہ مشورہ اس لئے دیا ہے کہ کیونکہ فیروز خان کا وکیل فیروز خان کے کیس کی ہر اپ ڈیٹ اپنے یوٹیوب چینل پر دے رہا ہے. یوں وہ اپنا یوٹیوب کا کاروبار بھی ساتھ ساتھ چکما رہا ہے. منیب بٹ نے فیروز خان کے خلاف قانونی راستہ اختیار کرنے کا فیصلہ کیا ہے. اطلاعات یہ ہیں کہ منیب بٹ نے فیروز خان کو لیگل نوٹس بھیجنے کی تیاری مکمل کر لی ہے.

  • مرد وہ ہے جو مرد کو مارے عورت تو پھول ہے یاسر نواز

    مرد وہ ہے جو مرد کو مارے عورت تو پھول ہے یاسر نواز

    اس وقت سوشل میڈیا پر صرف فیروز خان کے چرچے ہیں کیونکہ انہوں نے اپنے ساتھیوں کو لیگل نوٹس بھیجنے کے بعد ان کے فون نمبرز لیک کر دئیے. اس پر شوبز انڈسٹری میں کافی غم و غصہ پایا جاتا ہے. اب اداکار یاسر نواز بھی آگئے ہیں میدان میں انہوں نے فیروز خان کو طنز لگاتے ہوئے کہا ہے کہ مرد وہ ہے جو مرد کو مارے عورت ذات تو پھول جیسی ہوتی ہے ، میرا پیار میری ماں ، میری پیاری بہن ، میری آخری محبت میری اہلیہ ہے. یوں یاسر نواز نے کچھ نہ کہہ کر بھی فیروز خان کو بہت کچھ کہہ دیا. دوسری طرف یاسر نوازکی اس پوسٹ پر سوشل میڈیا

    صارفین کے کمنٹس بتا رہے ہیں کہ ان کی بات سے بہت سارے لوگ متفق ہیں. یاسر نواز کی ایسی پوسٹ کے بعد ظاہر ہوتا ہے کہ وہ فیروز خان کی سائیڈ پر نہیں‌ کھڑے وہ نہ صرف اپنے شوبز کے ساتھیوں کے ساتھ کھڑے ہیں بلکہ فیروز خان کی سابقہ اہلیہ علیزے سلطان کے ساتھ کھڑے ہیں اور ان کی تمام ہمدردیاں ان کے ساتھ ہیں. یاد رہے کہ فیروز خان نے ساتھیوں کے نمبرز شئیر کرنے پر تاحال معافی نہیں‌مانگی ، چوبیس گھنٹے گزر چکے ہیں.

  • میں علیزے کی سپورٹ نہیں چھوڑوں گی ثروت گیلانی کا فیروز خان کے گھٹیا وار کے بعد جواب

    میں علیزے کی سپورٹ نہیں چھوڑوں گی ثروت گیلانی کا فیروز خان کے گھٹیا وار کے بعد جواب

    فیروز خان نے جب سے اپنے ساتھیوں کے نمبرز لیک کئے ہیں سوشل میڈیا پر ایک ہلچل مچی ہوئی ہے. اور ان آرٹسٹوں کے فون مسلسل بج رہے ہیں، جس جس کے ہاتھ ان کے نمبرز لگے ہیں وہ سب انہیں کالز کر کے تنگ کررہے ہیں. اداکارہ ثروت گیلانی بھی فیروز خان کی اس نفرت کا شکار بنی ہیں ان کا بھی نمبر لیک کیا گیا ہے. ثروت گیلانی نے فیروز خان کی اس حرکت پر رد عمل دیتے ہوئے کہا ہے کہ میرا وکیل فیروز خان سے بات کریگا اور میں علیزے سلطان کی سپورٹ کرنے سے پیچھے نہیں‌ ہٹوں گی.یوں ثروت گیلانی نے دو ٹوک الفاظ میں فیروز خان کے لیگل نوٹس کو ہوا میں اڑاتے ہوئے کہا ہے کہ ان کی ہمدردیاں آج بھی انکی اہلیہ کے ساتھ ہیں اور انہی کے ساتھ رہیں گے ثروت گیلانی سے پہلے ان کے

    شوہر فہد مرزا نے بھی فیروز خان کو پاگل انسان کہتے ہوئے کہا کہ انہوں نے جو بھی کیا ہے وہ غلط کیاہے. دوسری طرف اداکار عثمان خالد بٹ نے کہا ہے کہ فیروز خان تم نے جو ذاتی انفرمیشن شئیر کی ہے اسکو ڈیلیٹ کرو یہ مناسب بات نہیں ہے. یاد رہے کہ فیروز خان نے عثمان خالد بٹ کا نمبر بھی سوشل میڈیا پر شئیر کیا ہے اور انہیں بھی لیگل نوٹس بھیجا ہے.

  • فیروز خان تین دن میں معافی مانگو ورنہ قانونی نتائج بھگتنے کو تیار رہو فرحان سعید

    فیروز خان تین دن میں معافی مانگو ورنہ قانونی نتائج بھگتنے کو تیار رہو فرحان سعید

    فیروز خان نے جہاں اپنے دیگر ساتھیوں کے نمبرز لیک کئے ہیں وہیں گلوکار و اداکار فرحان سعید کا نمبر اوران کی ذاتی معلومات شئیر کی ہیں. فیروز خان نے انہیں بھی لیگل نوٹس بھجوایا ہے . اس پر رد عمل دیتے ہوئے فرحان سعید نے فیروز خان سے کہا ہے کہ میں آپ کو تین دن وقت دے رہا ہوں اپنے بے بنیاد الزامات پر پبلکلی معافی مانگیں ورنہ قانونی نتائج بھگتنے کو تیار رہیں.ان کی اس حرکت کے بعد میں اور میری فیملی ذہنی اذیت سے گزر رہےہیں مسلسل 24 گھنٹوں سے میرا فون بج رہا ہے. یوں فرحان سعید نے سخت الفاظ میں فیروز خان سے بات کی ہے لیکن ابھی تک فیروز خان نے اس حوالے سے سوشل میڈیا پر کسی قسم کا رد عمل نہیں دیا. ان کا ٹویٹر ہینڈل اس وقت خاموش ہے اور انسٹاگرام پر بھی خاموشی ہے. انہوں نے جب سے ساتھیوں کے نمبرز لیکے کئے ہیں وہ خاموشی اخیتار کئے ہوئے ہیں کسی کی کسی بھی بات کا

    جواب نہیں دے رہے. شاید فیروز خان کو اندازہ نہیں تھا کہ ان کی یہ حرکت ان کو نہایت ہی مہنگی پڑیگی. فیروز خان نے ساتھیوں کی ذاتی معلومات سوچ سمجھ کر شئیر کی ہیں یا غیر دانستہ ، یہ تو وہی بتا سکتے ہیں لیکن فیروز خان کے خلاف عوام میں کافی غم و غصہ پایا جارہاہے. ان کے تمام ساتھی اس وقت ان کے تقریبا خلاف ہی کھڑے ہیں اور فیروز خان کی ذاتی معلومات شئیر کرنے والی حرکت کی مذمت کررہے ہیں.

  • اللہ آُپکو اقراء جیسی تین بیویاں دے ، یاسر حسین کو کسی ان نان نمبر سے میسج

    اللہ آُپکو اقراء جیسی تین بیویاں دے ، یاسر حسین کو کسی ان نان نمبر سے میسج

    جب سے فیروز خان نے یاسر حسین کا نمبر لیک کیا ہے ان کو مختلف نمبروں سے میسجز موصول ہورہے ہیں جن کے وہ سکرین شارٹس بھی سوشل میڈیا پر لگا رہے ہیں. یاسر حسین نے جو پہلا سکرین شارٹ شئیر کیا اس میں لکھا ہے کہ بھائی مجھے آپ کی فلم جاوید اختر دیکھنی ہے یہ صرف اس شہر میں ریلیز نہیں ہوئی جہاں میں رہتا ہوں کچھ بتائیے میں کیا کروں ، یاسر حسین نے جواب میں کہا کہ ابے جاوید اختر نہیں‌جاوید اقبال . یاسر نے ایک اور سکرین شارٹ شئیر کیا ہے جس میں کسی نے ان کو لکھا ہے کہ بھئی میرا نمبر بلاک نہ کرنا پلیز مجھے بابر اعظم کا نمبر دیدو ، اللہ تمہیں کبیر جیسے تین بیٹے اقراء جیسی تین بیویاں دے گا. اس کے جواب میں یاسر حسین نے لکھا کہ یار فیروز خان سے ہی بابر اعظم کا نمبر

    لے لے نا ، ویسے بھی وہ سب کے نمبرز لیکر کررہا ہے. اور ایسی دعائیں نہ دو کہ میری بیوی مجھے مارے. اس سکرین شارٹ‌کے مطابق یاسر حسین نے یہ جواب دیکر میسج کرنے والے کو بلاک کر دیا. یوں فیروز خان نے تمام آرٹسٹوں‌کی زندگیوں‌کے سکون کو حرام کر دیا ہے. یاسر حسین نے اپنی انسٹاگرام سٹوری میں‌یہ بھی لکھا ہے کہ ایک پاگل نے اپنی بیوی کو پہلے مارا اور پھر سب کے نمبرز لیک کر دئیے.

  • فیروز خان نے اخلاقیات کا جنازہ نکال دیا ہے فیصل قریشی کی اہلیہ ثناء فیصل کا رد عمل

    فیروز خان نے اخلاقیات کا جنازہ نکال دیا ہے فیصل قریشی کی اہلیہ ثناء فیصل کا رد عمل

    فیصل قریشی کی اہلیہ ثناء فیصل نے فیروز خان کی جانب سے آرٹسٹوں نے ذاتی نمبرز سوشل مٰیڈیا پر جاری کرنے پر اپنا رد عمل دیتے ہوئے کہا ہے کہ انسان جب صبح صبح اٹھتا ہے تو یقینا سوشل میڈیا پر جاتا ہےمیں بھی جب سوشل میڈیا پر گئی تو پتہ چلا کہ ایک جاہل آدمی (فیروز خان) نے ساتھیوں کو نہ صرف لیگل نوٹس بھیجا ہے بلکہ ان کے ذاتی فون نمبرز اور گھر کے ایڈریس تک سوشل میڈیا پر جاری کر دئیے ہیٰں. یہ ایک بنیادی سطح کی تمیز ہے جو سب میں ہوتی ہے کہ کسی کی ذاتی انفرمیشن کو پبلک نہیں‌ کرنا. مجھے تو سمجھ ہی نہیں آرہی کہ کوئی ایسا کر سکتا ہے جو فیروز خان نے کیا ہے. اگر فیروز خان نے پبلک کو بتانا تھا کہ انہوں نے چند فنکاروں‌ کو قانونی نوٹس بھیجے ہیں تو ان کے نام لکھ دینا کافی تھا، گھر کے ایڈریس اور فون نمبرز شئیر کرنے کی کیا ضرورت تھی؟‌. کسی دوست کا نمبر کسی کے ساتھ شئیر کرنا ہوتو ہم وہ بھی اگلے سے

    اجازت لیکر کرتے ہیں لیکن فیروز خآن نے سب آرٹسٹوں کے ہی نمبرز اور ایڈریس سوشل میڈیا پر ڈال دئیے. فیروز خان نے تو تمیز کو تھیلی میں ڈال کر باہر پھینک دیا اور گند کر ڈالا . مجھے تو فیروز خان کا وکیل بھی جاہل ہی لگتا ہے جس نے فیروز خان کو ایسا کرنے کا مشورہ دیتے ہوئے کہا ہو گا کہ آپ ایسا کر سکتے ہیں کوئی مسئلہ نہٰیں. اس وکیل کو لائسنس کس نے دیا؟ جہالت میں پی ایچ ڈی کر رکھی ہے شاید اس وکیل نے جس نے اپنے ہی کلائنٹ‌کو رسوا کروا دیا .اس جاہل آدمی فیروز نے جو کیا ہے اس کے نتیجے میں اس کے ساتھ کچھ ایسا ہونا چاہیے کہ یہ اور اس جیسے اور بھی لوگ یاد رکھیں اور ایسی حرکت کرنے سے پہلے سو بار سوچیں .

  • فیروز خان نے میری زندگی کو خطرے میں ڈالا ، میں قانونی راستہ اختیار کروں گی منا ل خان

    فیروز خان نے میری زندگی کو خطرے میں ڈالا ، میں قانونی راستہ اختیار کروں گی منا ل خان

    اداکارفیروز خان جن کے بارے میں جب ان کی اہلیہ علیزے سلطان نے انکشاف کیا بلکہ تشدد کی تصاویر وائرل کیں تو کچھ سلیبرٹیز نے فیروز خان کا ساتھ دینے کے بجائے ان کی سابقہ اہلیہ علیزے سلطان کے حق میں بیانات دئیے. اس چیز کا غصہ فیروز خان نے نکالا ان سب کو قانونی نوٹس بھیج کر جنہوں‌نے علیزے کے حق میں بیانات دئیے. فیروز خان نے جن سلیبرٹیز کو قانونی نوٹس بھیجا اور تحریری طور پر معافی مانگنے کے لئے کہا ان میں اداکارہ منال خان کا نام بھی شامل ہے. فیروز خان نے ان کے گھر کا ایڈریس اور فون نمبر بھی سوشل میڈیا پر جاری کیا. ایمن خان نے اس پر رد عمل دیتے ہوئے کہا کہ گزشتہ روز میرے فون نمبر سمیت میری ذاتی معلومات سوشل میڈیا پر شئیر کی گئیں. یہ ایک گھٹیا حرکت ہے جو فیروز خان نے کی

    ہے. ان کی اس ھرکت نے مجھے زہنی طور پر پریشان کر دیا ہے اور مجھے سینکڑوں کالز اور میسجز موصول ہو رہے ہی. میری سیکیورٹی خطرے میں ڈالی گئی ہے. میں نہ صرف ذہنی طور پر پریشان ہوں بلکہ مجھے کئی نمبروں سے ڈرایا دھمکایا بھی جا رہا ہے. فیروز خان کا ایسا کرنا غیر قانونی ہے. میں فیروز خان کے خلاف سخت قانونی ایکشن لوں گی کیونکہ میری اور میری فیملی کی زندگی اور سکون کو خطرے میں ڈالا گیا ہے.

  • 33 ہزار ایل سیز کے کیسز کلیئر کیے ہیں. گورنر اسٹیٹ بینک

    33 ہزار ایل سیز کے کیسز کلیئر کیے ہیں. گورنر اسٹیٹ بینک

    33 ہزار ایل سیز کے کیسز کلیئر کیے ہیں. گورنر اسٹیٹ بینک

    گورنر اسٹیٹ بینک جمیل احمد کا کہنا ہے کہ ڈالرز دیکھ کر امپورٹ کا فیصلہ کرتے ہیں، جلد ایل سیز کھول دیں گے۔ 33 ہزار ایل سیز کے کیسز بھی کلیئر کردیئے ہیں۔ فیڈریشن آف پاکستان چیمبر آف کامرس اینڈ انڈسٹریز (ایف پی سی سی آئی) میں آج بروز بدھ 18 جنوری کو خطاب کرتے ہوئے گورنر اسیٹیٹ بینک جمیل احمد کا کہنا تھا ہمیں کاروبار کو سہولت دینی ہے، کرنٹ اکاؤنٹ خسارے کے سبب ہمیں کچھ اقدامات کرنے پڑے۔

    انہوں نے کہا کہ ہماری امپورٹس کم ہوئی ہیں، 33 ہزار ایل سیز کے کیسز کلیئر کیے ہیں، ایل سی کو جانچنے میں کافی وقت لگتا ہے، ایل سیز جلد کھول دیں گے۔ خوراک، ادویات اور تیل کو ترجیح میں رکھیں، ہم نے ایکسپورٹ کے لیے امپورٹ مال کو ترجیح دی ہے، زرعی شعبے کے لیے امپورٹ میں سہولت پیدا کر رہے ہیں، مزید ڈالرز آتے ہی مزید امپورٹس کو سہولت دینے کا منصوبہ ہے، ڈالرز کو دیکھتے ہوئے ہی امپورٹ کا فیصلہ کرنا ہوتا ہے۔

    گورنر اسٹیٹ بینک کا کہنا تھا اگر امپورٹرز ڈالر کا بندوبست کرتے ہیں تو ہمیں اعتراض نہیں ہوگا، ایکسپورٹرز کو اپنے ڈالرز سے امپورٹ کا بندوبست کرنے کی اجازت ہے۔ اگلے ہفتےسے ملک میں ڈالرز آنا شروع ہو جائیں گے، اب زرمبادلہ ذخائر بڑھنا شروع ہوں گے، کچھ مال بلا اجازت امپورٹ کے سبب بھی پورٹ پر پھنسا ہوا ہے، شرح سود کے بارے میں فی الحال کچھ نہیں کہہ سکتا۔
    مزید یہ بھی پڑھیں؛
    پاکستان کو درپیش چیلنج سے نکال کر اپنے پاﺅں پر کھڑا کریں گے۔ وزیر اعظم
    قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم
    عدالت نے معروف قانون دان لطیف آفریدی کے قتل کے ملزم کا جسمانی ریمانڈ منظور کرلیا
    مس ایل سلواڈور کی مقابلہ حسن میں بٹ کوائن والے لباس میں شرکت
    حافظ نعیم الرحمٰن الیکشن کمیشن پر الزامات نہ لگائیں،صوبائی الیکشن کمشنر
    الیکشن کمیشن نے (ق) لیگ کو معاملہ جلد دیکھنے کی یقین دہانی کرادی
    عوام نے نام نہاد مقبول لیڈرز کا پول کھول دیا ہے. بلاول بھٹو زرداری
    جمیل احمد نے یہ بھی کہا کہ بینکس سے کہا ہے کہ فوڈ آئٹمز، فارماسیوٹیکل، میڈیکل امپورٹس کو فرسٹ کیٹیگری میں رکھیں، ہمیں کرنٹ اکاؤنٹ خسارے کے باعث اقدامات کرنے پڑے ہیں، امپورٹرز کو سہولتیں دی جائیں گی۔ انہوں نے بتایا کہ اسٹیٹ بینک نے تمام بینکوں کو خوراک، ادویات اور تیل کو ترجیحی فہرست میں رکھنے کی ہدایت کردی ہے۔ امپورٹرز اپنے بزنس کے لئے ڈالرز کا خود بندوبست کریں تو مرکزی بینک کو کوئی اعتراض نہیں۔

  • نازیبا ویڈیو وائرل کیس؛ ملزمہ دانیا شاہ کی درخواست ضمانت مسترد

    نازیبا ویڈیو وائرل کیس؛ ملزمہ دانیا شاہ کی درخواست ضمانت مسترد

    نازیبا ویڈیو وائرل کیس؛ ملزمہ دانیا شاہ کی درخواست ضمانت مسترد

     عامرلیاقت حسین کی نازیبا ویڈیوز وائرل کرنے کے کیس میں ملزمہ دانیا شاہ کی درخواست ضمانت مسترد کردی گئی۔ کراچی کی مقامی عدالت نے عامرلیاقت حسین کی نازیبا ویڈیوز وائرل کرنے کے کیس میں ملزمہ دانیا شاہ کی عامرلیاقت کی سابق اہلیہ دانیا شاہ کی درخواست ضمانت پر فیصلہ سنادیا۔ اور عدالت نے ملزمہ دانیا شاہ کی درخواست ضمانت مسترد کردی ہے۔

    فیصلے کے بعد میڈیا سے بات کرتے ہوئے ملزمہ کے وکیل لیاقت گبول ایڈووکیٹ کا کہنا تھا کہ سیشن جج کے فیصلے کو ہائیکورٹ میں چیلنج کریں گے، دانیا شاہ کے خلاف ایف آئی اے کے پاس کوئی شواہد نہیں۔ دوسری جانب اینکر پرسن عامر لیاقت مرحوم کی غیراخلاقی ویڈیوز وائرل کئے جانے سے متعلق کیس میں ملزمہ دانیا کی گرفتاری کو سندھ ہائی کورٹ میں چیلنج کردیا گیا ہے۔

    ملزمہ دانیہ اور اس کی والدہ سلمیٰ کی جانب سے سندھ ہائی کورٹ میں درخواست دائر کی گئی ہے۔ جس میں ایف آئی اے کے ڈی جی، ایڈیشنل ڈائریکٹر، ڈپٹی ڈائریکٹر کے علاوہ تفتیشی افسر عارفہ سعید کو بھی فریق بنایا گیا ہے۔ درخواست میں موقف اختیار کیا گیا ہے کہ دانیہ کی گرفتاری کے لئے قانونی تقاضے پورے نہیں کیے گئے۔ اس لئے ملزمہ کی گرفتاری غیر قانونی ہے۔
    مزید یہ بھی پڑھیں؛
    پاکستان کو درپیش چیلنج سے نکال کر اپنے پاﺅں پر کھڑا کریں گے۔ وزیر اعظم
    قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم
    عدالت نے معروف قانون دان لطیف آفریدی کے قتل کے ملزم کا جسمانی ریمانڈ منظور کرلیا
    مس ایل سلواڈور کی مقابلہ حسن میں بٹ کوائن والے لباس میں شرکت
    حافظ نعیم الرحمٰن الیکشن کمیشن پر الزامات نہ لگائیں،صوبائی الیکشن کمشنر
    الیکشن کمیشن نے (ق) لیگ کو معاملہ جلد دیکھنے کی یقین دہانی کرادی
    عوام نے نام نہاد مقبول لیڈرز کا پول کھول دیا ہے. بلاول بھٹو زرداری

    خیال رہے کہ اس سے قبل کراچی کی ڈسٹرکٹ اینڈ سیشن کورٹ شرقی نے ٹی وی اینکر عامر لیاقت حسین کی نازیبا ویڈیو وائرل کرنے کے الزام میں گرفتار دانیہ شاہ کی درخواست ضمانت پر فیصلہ محفوظ کرلیا تھا جبکہ سٹی کورٹ میں ڈسٹرکٹ اینڈ سیشن جج شرقی کی عدالت میں ٹی وی اینکر عامر لیاقت حسین کی نازیبا ویڈیو وائرل کرنے کے کے الزام میں گرفتارعامرلیاقت کی اہلیہ دانیہ شاہ کی درخواست ضمانت پر سماعت ہوئی تھی.

    عدالت نے فریقین کے دلائل مکمل ہونے پر فیصلہ محفوظ کر لیا جو 18 جنوری کو سنایا جائے گا جو آج سنایا جائے گا۔ جبکہ ملزمہ دانیہ شاہ عدالتی ریمانڈ پر جیل میں ہیں۔ دانیہ شاہ کی خلاف عامر لیاقت کی بیٹی کی مدعیت میں مقدمہ درج کیا گیا تھا۔