Author: +9251

وزیراعلیٰ پنجاب آج سگیاں روڈ کی تعمیر و توسیع کے منصوبے کا افتتاح کریں گے.

وزیراعلیٰ پنجاب چودھری پرویز الٰہی آج سگیاں روڈ کی تعمیر و توسیع کے منصوبے کا افتتاح کریں گے اور وزیراعلیٰ چودھری پرویز الٰہی شاہدہ ملٹی لیول فلائی اوور کی تعمیر کے منصوبے کا سنگ بنیاد رکھیں گے جبکہ سگیاں روڈ کی تعمیر و توسیع کے منصوبے پر 4 ارب 51 کروڑ روپے لاگت آئی ہے.

خیال رہے کہ شاہدہ ملٹی لیول فلائی اوورپراجیکٹ 8 ارب 90 کروڑ روپے کی لاگت سے مکمل کیا جائے گا اور یہ منصوبہ 10 ماہ کی مدت میں مکمل ہوگا جبکہ شاہدہ ملٹی لیول فلائی اوور منصوبے کی تکمیل سے ٹریفک جام ہونے سے نجات ملے گی علاوہ ازیں وزیراعلیٰ چودھری پرویز الٰہی کو منصوبوں کے حوالے سے بریفنگ دی جائے گی جس میں میاں اسلم اقبال، چیف سیکرٹری، سیکرٹری ہاؤسنگ، سیکرٹری تعمیرات و مواصلات، سیکرٹری اطلاعات، کمشنر لاہور ڈویژن، سی سی پی او لاہور، ڈی جی ایل ڈی اے، چیف ایگزیکٹو آفیسر انفراسٹرکچر ڈویلپمنٹ اتھارٹی پنجاب اور متعلقہ حکام بھی اس موقع پر موجود ہوں گے.

یاد رہے کہ اس سے قبل سابق وزیراعلیٰ عثمان بزدار نے بھی لاہور میں سگیاں روڈ تعمیر افتتاح کیا تھا جبکہ تقریب سے خطاب کرتے ہوئے ان کا کہنا تھا کہ اس روڈ کی تعمیر کے افتتاح پر آپ سب کو مبارک باد پیش کرتا ہوں ۔ انہوں نے کہا کہ جب ہم نے چارج لیا چھپن ارب روپے کے چیک ڈس اونر ہوئے تھے، آج ڈسٹرکٹ ڈویلپمنٹ پیکج کے تحت تمام صوبے میں ترقیاتی کام ہو رہے ہیں۔
مزید یہ بھی پڑھیں؛
کنگ عبدالعزیز سٹریٹ دنیا کی سب سے طویل خطاطی والی دیوار بن گئی
سعودی عرب میں افراطِ زرکی شرح 3.3 فی صد؛ مکانات کی وجہ سے مہنگائی میں اضافہ
کراچی کے بلدیاتی انتخابات کے نتائج میں تاخیر ،پیپلز پارٹی آگے
پیپلز پارٹی اور الیکشن کمیشن نے دھاندلی کے سارے ریکارڈ توڑے ہیں: مسرت جمشید
جبکہ سابق وزیراعلیٰ عثمان بزدار نے کہا تھا کہ صوبے میں جو ترقیاتی کام ہو رہا ہے بہت سے لوگوں کو راس نہیں آرہا اس لیے وہ تخریب کاری کی سیاست کررہے ہیں، ہم عوامی خدمت کی سیاست کرتے ہیں تخریب کاری کی سیاست نہ کی اور نہ اس پہ یقین رکھتے ہیں۔ انہوں نے مزید کہا کہ شاہدرہ فلائی اوور اور اس کے اندر پارک بنانے کی منظوری دی جا چکی ہے اور ڈگری کالج کا نام شیرربانی کالج رکھنے کی منظوری دیتا ہوں، ڈگری کالج خواتین کو بھی اپ گریڈ کرنے کی منظوری کا اعلان کرتا ہوں۔

نتائج تیاری کے مرحلے میں ہیںکسی افسر نے کوئی کوتاہی نہیں کی. الیکشن کمشنر سندھ

الیکشن کمشنر سندھ اعجاز انور چوہان نے کہا ہے کہ شام تک کراچی کے تمام نتائج تیار کر لیے جائیں گے۔ کراچی میں میڈیا سے بات کرتے ہوئے الیکشن کمشنر سندھ نے کہا کہ کراچی کے 7 اور حیدرآباد کے 9 اضلاع میں بلدیاتی انتخابات ہوئے۔ انتخابات میں پولنگ کا عمل پرامن رہا، کہیں بھی کوئی بڑا واقعہ پیش نہیں آیا۔

الیکشن کمشنر سندھ نے کہا کہ کراچی میں 246 یوسیز اور 1230 حلقے ہیں۔ اس طرح ہر ریٹرننگ آفیسر کے پاس تقریباً 25 یوسیز تھیں، شہر میں پولنگ اسٹیشنز کی تعداد 4 ہزار 990 تھی، ، کراچی کے کئی پولنگ اسٹیشنز پر پولنگ تاخیر سے ختم ہوئی۔ اعجاز انور چوہان نے کہا کہ کسی افسر نے کوئی کوتاہی نہیں کی، ہر یوسی کا الگ فارم 11 اور 12 بنتا ہے۔ الیکشن کمیشن نے مانیٹرنگ کا سخت نظام رکھا ہوا ہے، چیف الیکشن کمشنر کی ہدایت پر سیکریٹری الیکشن کمیشن بھی کراچی آئے۔
مزید یہ بھی پڑھیں؛
کنگ عبدالعزیز سٹریٹ دنیا کی سب سے طویل خطاطی والی دیوار بن گئی
سعودی عرب میں افراطِ زرکی شرح 3.3 فی صد؛ مکانات کی وجہ سے مہنگائی میں اضافہ
کراچی کے بلدیاتی انتخابات کے نتائج میں تاخیر ،پیپلز پارٹی آگے
پیپلز پارٹی اور الیکشن کمیشن نے دھاندلی کے سارے ریکارڈ توڑے ہیں: مسرت جمشید

الیکشن کمشنر سندھ نے کہا کہ بلدیاتی انتخابات کے حوالے سے نتائج آروز کے پاس ہیں، غیر سرکاری نتائج تیاری کے مرحلے میں ہیں ، شام تک کراچی کے تمام نتائج تیار کر لیے جائیں گے۔ دوسری جانب کراچی میں پاکستان تحریک انصاف کے رہنما خرم شیر زمان یوسی چیئرمین کا الیکشن ہار گئے ، اس طرح ان کی میئر بننے کی خواہش حتمی نتائج آنے سے پہلے ہی دم توڑ گئی ہے۔ جبکہ پاکستان تحریک انصاف کراچی کے اہم رہنما اور رکن سندھ اسمبلی خرم شیر زمان کو پارٹی کی جانب سے شہر کے میئر کے امیدوار کی حیثیت سے دیکھا جارہا تھا۔

گورنر پختونخوا کا اسمبلی تحلیل کی سمری پر دستخط نہ کرنے کا فیصلہ؟

گورنر خیبر پختونخوا نے پی ٹی آئی کی جانب سے اعلان کے بعد صوبائی اسمبلی تحلیل کرنے کی سمری پر دستخط نہ کرنے کا فیصلہ کیا ہے۔ شاہد حمید کی خبر کے مطابق پنجاب کے گورنر کی طرح خیبر پختونخوا کے گورنر حاجی غلام علی نے بھی صوبائی اسمبلی کی تحلیل کے عمل کا حصہ نہ بننے کافیصلہ کیا ہے۔وزیر اعلیٰ خیبرپختونخوامحمودخان کی جانب سے کل (منگل 17 جنوری کو) صوبائی اسمبلی تحلیل کرنے کے لیے ایڈوائس پرمشتمل سمری گورنر کو ارسال کی جائے گی۔

ذرائع کے مطابق گورنر پختونخوا سمری پر دستخط کیے بغیر48 گھنٹے انتظار کریں گے تاکہ آئین میں درج وقت مکمل ہونے پر صوبائی اسمبلی ازخود تحلیل ہوجائے۔اس سلسلے میں گورنر خیبرپختونخوا حاجی غلام علی کے قریبی ذرائع نے رابطہ کرنے پر اس بات کی تصدیق کرتے ہوئے کہا ہے کہ اسمبلی تحلیل سے متعلق سمری پردستخط نہ کرکے گورنر اس عمل کا حصہ نہیں بنیں گے اوراسمبلی کے ازخود تحلیل ہونے کاانتظارکیاجائے گا۔

ذرائع نے بتایاکہ گورنر پختونخوا، صوبے میں نگراں وزیراعلیٰ کے تقرر کے سلسلے میں اپنا کردار ضرور ادا کریں گے اورجونہی صوبائی اسمبلی تحلیل ہوگی تو وہ وزیر اعلیٰ محمودخان اور اپوزیشن لیڈراکرم خان درانی کو لیٹر ارسال کریں گے، جس میں اُن سے کہاجائے گاکہ وہ آئین کے مطابق آپس میں مشاورت کے ذریعے نگراں وزیر اعلیٰ کاتقررکریں۔
مزید یہ بھی پڑھیں؛
کنگ عبدالعزیز سٹریٹ دنیا کی سب سے طویل خطاطی والی دیوار بن گئی
سعودی عرب میں افراطِ زرکی شرح 3.3 فی صد؛ مکانات کی وجہ سے مہنگائی میں اضافہ
کراچی کے بلدیاتی انتخابات کے نتائج میں تاخیر ،پیپلز پارٹی آگے
پیپلز پارٹی اور الیکشن کمیشن نے دھاندلی کے سارے ریکارڈ توڑے ہیں: مسرت جمشید
واضح رہے کہ وزیراعلیٰ اوراپوزیشن لیڈرکے درمیان نگراں وزیراعلیٰ کے حوالے سے اتفاق رائے نہ ہونے کی صورت میں تحلیل شدہ اسمبلی کے اسپیکر، اِسی اسمبلی سے حکومت اوراپوزیشن ارکان پرمشتمل 6 رکنی پارلیمانی کمیٹی تشکیل دیں گے، جسے ان ناموں میں سے 4 نام ارسال کیے جائیں گے، جو وزیراعلیٰ اوراپوزیشن لیڈرکے زیربحث آئے ہوں، تاہم اگرکمیٹی میں بھی اتفاق نہ ہواتوپھر یہ معاملہ 2018ء کی طرح الیکشن کمیشن کو ان 4 مجوزہ ناموں کے ساتھ ارسال کردیاجائے گااورالیکشن کمیشن ازخود نگراں وزیراعلیٰ کاتقرر کرے گا جوحتمی ہوگا.