لاہور: شریف خاندان ٹوٹ پھوٹ کا شکار، مریم نواز کو حمزہ شہباز سے اتنی نفرت ہوگئی ہے کہ اب تو جلسوں میں حمزہ شہباز کا نام بھی نہیںلیا جاتا ، تفصیلات کے مطابق شہباز شریف بھی ان دنوں مریم نواز کی طرف سے سخت پریشان ہیںلیکن وہ سیاسی بھرم رکھنے کے لیے بغاوت نہیںکرنا چاہتے
بھارتی جارحیت کیخلاف مریم نواز بھی میدان میں آ گئیں، پاک فوج سے متعلق کیسے کیا جذبات کا اظہار؟ اہم خبر
باغی ٹی وی کو معبتر ذرائع کے حوالے سے حاصل ہونے والی مصدقہ اطلاعات کے مطابق شریف خاندان بکھر کے رہ گیا ہے. ایک طرف نواز شریف جیل میں ہیں تو دوسری طرف نواز شریف کے بیٹے لندن میں بیٹھے موجیں کررہے ہیں . ان کو اپنے باپ کی پرواہ تک نہیں،
شریف خاندان کی خستہ حالی اس حد تک پہنچ چکی ہے کہ نواز شریف کی چھوٹی بیٹی جو کہ سابق وزیر خزانہ اسحاق ڈار کی بہو ہیں اپنے خاوند کو ملنے کے لیے لندن کے کئ چکر لگاچکی ہیںلیکن جیل میں بند اپنے بیمار باپ کو ملنے کی کبھی خواہش تک نہیں کی
مریم نواز کے بارے میں بھی یہ مصدقہ اطلاعات ملی ہیںکہ مریم نواز جلسے ، جلوسوں میں نواز شریف کی بات تو کرتی ہیں لیکن جیل میںبند حمزہ شہباز کو اس حد تک نظر انداز کردیا ہے کہ شاید حمزہ اور مریم نواز ایک دوسرے کو جانتے تک نہیں،یہ بھی معلوم ہوا ہے کہ حمزہ شہباز اس بے وفائی کی وجہ سے سخت پریشان ہیں ، مریم نواز اپنے باپ کو تو جیل میں ملنے کے لیے چلی جاتی ہیں لیکن حمزہ جو جیل میں ہیں ان کو جیل میں دیکھ کر کبھی غم نہیں ہوا اور ملنے کی کبھی خواہش کا اظہار نہیںکیا
باغی ٹی وی ذرائع کے مطابق شریف خاندان کےرویے کی وجہ خواجہ برادران اس وقت سخت پریشان ہیں اور شریف خاندان سے اپنی وفائیوں پر کڑھ رہے ہیں. ذرائع کے مطابق شریف خاندان کے لیے قربانیاں دینے والے خواجہ برادران خواجہ سعد رفیق اور خواجہ سلمان رفیق سے کبھی نواز شریف ، شہباز شریف ، مریم نواز، حمزہ شہباز اور دیگر شریف فیملی کے ممبران کی طرف سے ملاقات کی خواہش کا اظہار تک بھی نہیں کیا گیا جس پر خواجہ برادران سخت پریشان ہیں.
دوسری طرف شہباز شریف فیملی میں بھی دراڑیں پڑ گئیں ہیں ، اطلاعات کے مطابق شہباز شریف کی پہلی بیوی لندن جاکر بیٹھی ہوئی ہیں .ایک ماہ ہو گیا ہے وہ شہباز شریف کو ملنے کے لیے واپس نہیںآئیں.سلمان شہباز کے بارے میں یہ مصدقہ اطلاعات ہیں کہ سلمان نے پاکستان واپسی کا ارادہ ملتوی کردیا ہے. اور اب ہمیشہ ہمیشہ کے لیے برطانیہ کو اپنا مسکن بنانے کے لیے کوششیں شروع کردی ہیں. یہ اطلاعات ہیں کہ سلمان شہباز برطانوی حکومت کو برطانوی شہریت کے لیے درخواست دینےکے لیے وکلا سے مشاورت کرچکے ہیں.
باغی ٹی وی کے مطابق اس وقت شریف فیملی میں توڑ پھوڑ اس حد تک پہنچ چکی ہے کہ اگر ان کو سیاسی مجبوری نہ ہوتی تو شاید وہ اب تک ایک دوسرے سے اعلانیہ بغاوت کرچکےہوتے ، ذرائع کے مطابق نواز شریف کے جیل میں رہنے کی وجہ سے مریم سیاسی کارڈ کھیل رہی ہیں.اس مجبوری کی وجہ سے وہ اپنے چچا کو برداشت کررہی ہیں. ہو سکتا ہے کل کو مریم نواز شہباز شریف کے خلاف اعلانیہ بغاوت کا اعلان کردیں
